الفصل 2
بنزل البارت اللي بعده ...
البااارت
حدروو حمد والود البيت
الود وحمد : السلام عليكم
بو حمد وام حمد : عليكم السلام
بوحمد : فديت هل الويه انا تعالي حبيبتي
الود اتسوي حركات حق حمد واتعيب عليه
الود: ويووووو يتفدووني امممممه
حمد : ابويه ماعنك سالفه تتفدي هاي ام لساان
الود: لنك محتر واترووح عند ابووها وتحظنه
الود : هاااباباتي امر شو تريد اعيووني لك
بو حمد : تسلم اعيونج فدييتج
ام حمد : حمد حبيبي احطلك غداا
حمد: هيه بس ارووح اغير اثياابي ويااي
الود : انا بعد برووح وبي اتريوني حباايبي واطرشلهم بوسه علي الطاير
في بيت سلطان بو مايد
قاعدين علي الغداا
مها : ابوويه ثرني اليووم برووح بيت عمي
بو خالد : انزين فديتج روحي
مها : ماايد اريدك اتوديني بيت عمي
مايد : عندج الدريول خله يوديج الا دقيقه وانتي واصله هب من بعد البيت
ام خالد : عنبو شو هل المذهب الي عندك اتخلي ختك اترووح مع السايق وانت موجود
بو خالد : مايد فديتك انت وصل ختك
مايد : انشااء الله ابوويه العصر بوديج اتكونين جاهزه
مها : ثاانكس حبيبي
مايد: ويلكم
و حدر خالد ومرته ونوره
خالد وميره : السلام عليكم
الباجي : عليكم السلام
خاالد وهو يقــــعد عدال ابوه : ها ابويه اعلووم المزرعه
بوخالد : والله زينه روح شوفها عدلتها وصاارت اتجنن
مها : ابوويه شورايك انرووح نحن وقوم عمي في الويكند
بو خالد : والله ماعندي مانع بشاورمحمد اخويه
العصر00
في غرفه الود قاعده تقرا قصه وكانت اتصييح
حدر حمد الغرفه: ودووه فديتج شو فيج اتصيحين
الود امسوتله طااف
راح حمد وقعد عداالها علي السرير
حمد:ودووه شو فيج ؟؟؟
الود اتصييح
حمد خااف علي اخته علي باله صار فيها شي
الود : حمد حررام واتصييح
حمد : ودووه رمسي فيج شي شوق فيها شي
الود : لا بس احمد الي في القصه مات
حمد اهنييه في خااطره يصفع الود خوفته و هي اتصييح علي قصه
حمد : يااا السخييفه علي باالي صاار فيج شي
الود : والله حررام حمد اتخيل كان عرسه عقب اسبوعين وايمووت والله حرام اتخيل حرمته شوبيكون شعورهاا واتكمل صياحا 000
حمد :اللهم لك الحمد والشكر
الود : انقلع عني اصلن انت ماتعرف شي ومافيك قلب
حمد : اصلن انا الي ماعندي ساالف قاعد عندج
الود: ماحد قالك اتي عندي
وبعد ربع ساعه وصلت شوق من الجامعه وكانو مايد ومها توهم حادرين
شووق : هلاوالله في اعياال عمي
مايد ومها : اهلين
ماايد : اشحاالج بنت عمي
شوق : يسرك حالي. من صوبك؟
مايد : مانشكي بااس
مها : اقوول شوشو
شووق : هلا قولي
مها: وين ودووه
شوق: فوق روحي ازقريها
رااحت مها وهي علي الدري جاافت حمد
حمد : هلا وغلا
مها مفتشله من الموقف الي صار الظهر و لانها تستحي من حمد وهي اتحبه وهو يحبها بس ماحد معترف حق الثاني
مها : هااي وين ودووه
حمد عرف ان مها مستحيه جاف ويها كيف غادي وقالها :فووق في حجرتها
ورااحت مها اول مافجت الباب الود كانت قاعده تظحك بصوت عالي
مايد: اقوول حمود منو جيه يظحك جنه من سنه مش ضاحك
حمد : اكييد ودووه منو غيرها الاهبل في البيت
مايد : ليش ؟؟
حمد: عيل بذمتك جفت وحده شرااتها
ماايد: في طووله اللسان ماحد شراها ليش
شوق : ميوود هاا عاد كله ولا ختيه
مايد : من زين ختج احين
حمد : اقوولكم حدرت غرفتها وجفتها اتصيح اصيااح من الخااطر
شووق خافت علي بالها في ها شي : ليش اتصيح فيها شي احين راايحةاطالعها
حمد : تعالي وين راايحة مافي ها شي
ماايد : عيل ليش اتصييح ودووه اتصيح لامستحيل
حمد : الله يسلمكم هيه اتصييح علي قولتها احمد الي في القصه ماات
ماايد : والله ان اختك هاي عجييبه خخخخخخخخخ
حمد: هههههههههه اقولك هبله فاحين هي تظحك عسب شي يظحك ولاشي ودووه اعرفها
شووق : ههه اقول انتو ثرها مش اول مره جيه هااي دومها تقرا قصص واتصيح عقب تظحك واتعصب وكل الانوااع
ماايد : الحمد اللله والشكر
الود ومها توهن حاادررات
الود : لييش تظحكوون ؟؟؟؟
وماايد اول ماشافها نقع من الظحك
الود عصبت وفرته في النعاال
ومايد مندهش من حركتها
وحمد : ههههههههه فرووه احليله
مها : حمد لاتظحك علي اخويه واشوي وفرته في النعول
حمد: فتح اعيوونه ومها تظحك عليه وصاار ويهها احمر من الضحك
حمد ماات من ظحكت مها مها ماشاء الله عليها حلوه اعيوونها بنيه واكبار وبيضه واخدودها ورديه وجسمها وطولها لايقين علي بعض ماشاء الله عليها ملاااك
حمد قاعد ايطاالع مها ومها ومفتشله من نظرااته
ماايد : عنبووو بسك ليش جيه اطاالعها
الود : انت مالك خص حرمته وكيفه (ييت علي العووق)
مايد: ماشاء الله من متي صارت حرمته انسه
حمد : من اليووم شو حاارنك
مهاا وين مها احيين بتمووت وقاالتلهم برووح المطبخ حد يبا شي ورااحت علي طوول ماتريت حد
شوووق: ودووه حمد حراام عليكم فشلتوها
حمد :هههههه والله كيفي
ماايد : منو قال كيفك اختي وكيفي
الود بس جب جب احين بيقلوون مش كيفك وماعرف شو اسكتوو 0000
وعقب دقايق حدرو بو حمد وام حمد كانو توهم ضاوين من العزبه
ام حمد وبو حمد : السلام عليكم
الكل : وعليكم السلام
راح مايد يوايه عمه وسلم علي مرت عمه
بوحمد : اشحالك بوسلطان ربك بخير
مايد : بخير طاب حالك
ام حمد : عيل اموله ومهايه وين؟؟
مها من وراها : فديت الي يتخبر عني انا اهنيه مرت عمي وراحت وايهتها وخلاف راحت وايهت عمها
بو حمد : اعلومج فديتج واعلوم الدراسه معاج
مها : والله اعلومي طيبه والدراسه ماشي حلها
بو حمد : يلا فديتج شي حليلج نبا ايقولون بنتا شاطره
مايد : عمي قول حق هاي الناقه الي عدالك
الود : ابوووووووويه جوفه حرمتك الناقه يابعير
ام حمد : عنبو شو هل المذهب الماصخ الي قابضتنه عيب عليج هذا ولد عمج
الود : عادي امايه ميود مايزعل
مايد وحب يقايضها : لا منو قالج ما ازعل
حمد : ههههههه ويووووو
ام حمد وهي مصدقه : زين جيه احين الولد زعل شو بيقول عنا يامسوده الويه
الود : اماااااااااااااااايه اصلن ميود مايزعل بس يحب يقايض
مها وهيه دايره مع الود : هيه خالوه
بو حمد : عيل اسمحولي ياعيال انا احين رايح ارتاح اشوي
الكل : مسموح
ام حمد : شوق توج يايه من الجامعه
شوق : هيه امايه
ام حمد : عيل روحي امايه تغدي
شوق : لا ماريد ماكله في الجامعه
ام حمد وهي تخز الود بعين
الود : هاا اماايه لا اطالعيني جيه شو تريدين
ام حمد : ياويلي من هل البنت كيف بتخبلبي
حمد : اقوملها امايه
الود : اعصابك ياخي وانا ماسويت شي شو اتقوملي ما اتقوملي
ام حمد : بس من طولت السان هذي فزي قربي الفواله لعيال عمج
الود وهي توها استوعبت نظرات امها : اها عسب جيه كني تخزيني بعين ياخي ارمسي
ام حمد : اقطي اقطي عني يامسوده الويه
الود : ههههههههههههه
مايد : بس ياخي دوختي راسنا من هاي الظحكه الكريهه
الود : مشكلتك
ام حمد : احسلي اقوم لا احين استخف من هاي الياهل
الود : افا ام حمد احين انا ياهل
شووق : واكبر ياهليه
حمد : لا يهال من اكس اكس اكس لارج
مايد : ههههه صدقت
ام حمد : يلا عيل اخليكم البيت بيتكم مايد ومها
وراحت عنهم وتمو يسولفون ومايد وحمد ويهو صوب ربعهم