ناظر عيوني وتدري وش كثر أهواك - الفصل 4 | روايتك

البارت الرابع سكتت شوي : فارس للحين تحبها فارس : ما رد شهد انتبهت ليده المجروحه مسكتها : فارس يدك مجروحه مشت بسرعه لدولاب وطلعت علبة الاسعافات مسكت يده عقمت الجرح ولفتها بالشاش : تكفى يا اخوي انتبه لنفسك هي خلاص متزوجه صارت لغيرك لا تفكر فيها فارس طالعها شهد : فارس حاول تنساها هي عمرها ما فكرت فيك ولا تدري بحبك لها انجرح فارس من كلامها بس ابتسم : غيرها كثير الله يوفقها شهد ابتسمت " الله يوفقها " هالكلمه هي الي قالها لما ملكت وقفت راحت للباب تجيب المخمه ورجعت تنظف الغرفه من الزجاج شهد : يالله تصبح على خير فارس : وأخيرا وانتي من أهله شهد طالعته بنظره وبغرور : أحمد ربك عطيتك من وقتي فارس ضحك عليها : بدينا بالغرور توك شحلوك شهد : اصلا انا بكل صفاتي اهبل فارس قرب منها سحب خدها : وانا أشهد انك تهبلين يالله من غير مطرود ابي انام شهد : طيب مع السلامه فارس ابتسم هي أقرب وحده له ***** في اليوم التالي قاعده على الكنبه تطالع بنتها الي تطالع التلفزيون مندمجه مع الكرتون الي تطالعه رفعت معصمها تشوف الساعه 11 صباحا وللحين ما جاء من لما وصلها بيت خالتها ما شافته حتى لما اتصلت له قال بكل برود ترجع مع السواق صح تضايقت يقول لها ترجع مع السواق نص الليل بس مو اول مره يسويها ودها تعرف وين يروح هالوقت كله يقضيه مع اصدقائه أو لا تنهدت وقفت راحت للمطبخ فتحت الثلاجة طلعت لها عصير برتقال صبت لها بالكأس وأول ما شربت حست نفسها بتستفرغ ركضت للحمام جاها صوت من وراها : فطوم وش فيك فاطمه غسلت وجها ومسحته بمنشفه صغيره : ما فيني شي جراح : طيب سوي لي قهوه راسي مصدع فاطمه راحت سوت له قهوه ورجعت اول ما قعدت وقفت وهي تحط يدها على فمها وتركض للحمام غسلت وجها أكثر من مره تحس بتعب مسحت وجها بالمنشفه وطلعت توجهت للغرفه انسدحت وما حست بنفسها وهي نايمه ***** نجود تجهزت خذت شنطتها وطلعت شافت نوف طالعه من جناحها نوف : هااي ريما : اهلين نوف : وين رايحه ريما : باروح مع نجود المول تجين معانا نوف : لا مواعده أميره باااي وراحت للمصعد تنزل ريما شافت أمها وجدتها في الصاله باست رأس جدتها وامها وقعدت جنبها ريما : ما شفتوا خالتي نوف أم نواف : لا ريما : شفتها طالعه توقعت مرت عليكم أم نواف : الله يهديها ريما لفت لأمها : وش فيها الغاليه متغيره علينا رشا ببرود : ما فيني شي ريما مسكت يدها و باستها : ماما ابغى اشوف أحلى ابتسامة رشا ابتسمت ريما بفرحه : أحلى ابتسامة اشوفها رشا : اقول انقلعي يالله تأخرتي على البنت ريما وقفت : افا طيب ماما عن أذنكم أم نواف : بحفظ الله ***** قفلت اللاب وخذت شيلتها وطلعت من الغرفه نزلت تحت شافت زياد يوري أبوه علاماته الدراسيه ابتسمت لأن زياد شاطر واكيد جايب علامات ترفع الرأس وقفت وهي تشوف أبوه بأس رأسه و يمدحه و دعواته له وأنه راح يكافئه بهديه لو جاب نفس هالنتائج نهاية العام وتم على هالمستوى تذكرت أبوها وتجمعت الدموع بعيونها ركضت للغرفه ارتمت على سريرها تبكي وهي تذكر أبوها وقت تجيب النتائج ومدحه وكلماته لها كان حنون عليهم وقفت وتوجهت للكبت وفتحته وطلعت ألبوم صور فتحته وطلعت صورة أبوها ضمت الصوره بقوه : يبه اشتقت لك حيل وانهارت تبكي قعدت على ركبها تبكي فقدان أبوها : يبه من رحت ما حلا بعيني شي ليتك يبه تشوف وش صار فينا من بعدك ناصر محتاجك يبه محتاج لتوجيهك ونصايحك يبه كلنا محتاجينك و بكت أكثر بعد دقايق هدت سندت ظهرها ودموعها تنزل على خدودها تأملت الصوره تنهدت بقوه : الله يرحمك يالغالي وقفت رجعت الصوره بألبوم الصور ودخلته الكبت راحت تغسل وجها طلعت قعدت على السرير و سرحت بتفكيرها لبعيد أبوها بحياته ما جاب سيرة أمها كل الي تعرفه انها توفت كيف ومتى ما تدري تمنت لو كان عندها أم ترتمي بحضنها وتمسح على شعرها و ترمي كل همومها أم تنصحها توقف معها تنهدت وقفت قدام المرايه تعدل شعرها بس عندها فضول تعرف كيف ماتت أمها وما راح تلقى الاجابه إلا عند ناصر لازم تقعد معه وتسأله ومافي وقت غير اليوم في الليل لأن ما راح تلقى غير هالوقت تسأله ويارب يرجع بدري البيت قطع تفكيرها صوت فتح الباب بقوه فزت بخوف : قومي سوي قهوه و حلا وبعد ما تخلصي رتبي المجلس وبخريه بيجوني ضيوف شوق طلعت عيونها : كل هذا أم خالد : ايه وبسرعة يالله شوق تكتفت : انا بسوي الحلا والقهوة وخلي الخدامه تنظف وترتب المجلس ولا ليش جايبتها كان خليتيها في مكتب الخدم أفضل أم خالد عصبت قربت منها ومسكتها من شعرها : بتسوين كل الي قلته فاهمة دخلت شهد وبسرعة ركضت تبعدها عن شوق : خاله وش فيك أم خالد : سمعيني عدل يا بنت راشد والله لو ما سويتي الي قلت لك عليه لا تشوفين شي ما شفتيه ولفت لشهد : وانتي ساعديها ما شوف منك فايده غير أكل ونوم ولفت بتطلع شهد عصبت : والله بنت راشد مو خدامه عندك وما راح نسوي شي وورينا وش بتسوين شوق مسكتها : خلاص شهد مالنا خلق مشاكل امشي المطبخ نتسلى بعلمك طريقة حلا عجيبه شهد : أوكي يالله مع أنها قاهرتني ***** نجود بعدم تصدقين : ضربتي روان ريما بابتسامة : ايه نجود : ما صدق وبعدين عيب عليك هي أكبر منك وزوجة خالك ريما زفرت وقفت : انا بقوم اطلب لنا وش تبين تشربين نجود : أي شي على ذوقك ريما : اوكي ***** في شقة جراح صحت من نومها التفتت لجنبها شافت بيان وابوها نايمين مدت يدها للكوميدينو تشوف جوالها شهقت الساعه ست ما صلت لا ظهر ولا عصر وقفت بسرعه وراحت تتوضأ وصلت الظهر والعصر وقعدت تستغفر وتسبح و قالت أذكار المساء طوت السجاده وفسخت جلالها راحت للمطبخ عطشانه شافت اكياس أكل ابتسمت غريبه أن جراح ما صحاها تسوي الغداء وطلب من برى خذت الكأس وفتحت الثلاجه صبت لها مويه وشربتها دفعه وحده راح تفكيرها لبعيد سمعت أذان المغرب رددت وراه لفت بتروح تصلي شهقت من الي واقف وراها جراح لف نظره على الأكل ببرود : ليش ما أكلتي فاطمه : مالي نفس جراح يتأملها وجها اصفر : انتي تعبانه فاطمه : لا بعد باروح أصلي جراح : وجهك اصفر وذبلان وكل شوي تستفرغين وتقولين لا فاطمه : جد والله زين انك لاحظت جراح بعصبيه : فاطمه مشت بتروح تصلي مسك يدها وهو يرص على اسنانه : لما اكلمك لا تعطيني ظهرك وتمشين سامعه فاطمه بألم : فك يدي تعورني جراح فك يدها ومشى معصب ***** طلعت من غرفة ناصر بعد ما رتبتها ودخلت غرفتها ارتمت على الكنبه بارهاق خذت المنشفه ودخلت تأخذ شور سريع طلعت لابسه فستان أسود طويل يبرز بياضها سرحت شعرها الي لآخر ظهرها وخلته على جنب حطت لها كحل وبلاشر وردي وقلوس رشت عطرها ونزلت تقعد مع الحريم : السلام عليكم ورحمة الله ردوا عليها السلام بعد ما سلمت قعدت جنب شهد الي طاقتها سوالف مع بنت وحده من الحريم : انتي شوق بنت راشد شوق بابتسامة : ايه الحرمه : ماشاء الله كبرتي وحلويتي شوق بخجل : تسلمين يا خاله شهد دقتها بكوعها : ليش سألتك شوق : عادي وش فيها شهد : أحس السالفه فيها إن شوق : بلا إن وكان كملي سوالفك شهد : تصدقين توني ادري انك كبرتي شوق : اقول انطمي أحسن لك وبعدين غريبه مو انتي دايما تقولين وتقلد غرورها انا الشهد مو أي بنت اسولف معها الحمدلله راح غرورك شهد عطتها نظره : البنت حبوبه ولفت لها تكمل سوالفها معها ***** وصلها السواق البيت نجود : ما بتنزلين ريما : لا نجود : ليش طيب على الأقل انزلي سلمي على ماما ريما : اوكي نزلت من السياره ودخلت سلمت على أم نجود أم نجود : كيف حالك ريوم ريما : الحمدلله أم نجود : وجدتك وامك وخالتك ريما : بخير انتي كيفك أم نجود :الحمدلله وبدت تسولف معها دخل يصارخ مسك نجود من شعرها وشده بقوه : انا ما قلت لك لا تروحين بيت نواف انتي ما تفهمين نجود حطت يدها على يده :آه يبه والله ما رحت بيت نواف أبو نجود رماها على الأرض : تكذبين علي وانا شايفك نازله من سيارتهم وهذا سواقهم نجود بألم تبكي : والله يبه رحت مع ريما السوق اشترينا كم غرض و وصلتني البيت ما رحت بيت خالها أم نجود : وخر عن البنت بتذبحها واذا راحت وش فيها بتشوف خالتها مو بيت أحد غريب دخل البيت يدندن بس وقف وهو يشوف أبوه معصب راح بسرعه وما انتبه لريما أبو نجود بعصبيه : انكتمي قلت بيت نواف الحقير محد يدخله هذا الرجال ما طيقه الله يأخذه اياد : يبه أذكر الله وش سوت علشان تضربها وصلت حدها يسب خالها ويدعي عليه قدامها وتحاول تكون هاديه : لا تدعي عليه الله يطول بعمره ويخليه ذخر وسند لنا و نجود رحت معها السوق ورجعنا وطلعت من البيت معصبه ركبت السياره وقفلت الباب وراها بقوه ومشت أبو نجود : وحده وقحه وقليلة أدب الأم بهدوء : ما غلطت أي وحده مكانها تشوفك تسب خالها مابتسكت الأب طلع من الصاله ونجود تبكي أمها مشت لها وضمتها : الله يهديه اياد : الحين من هاذي البنت الأم :بنت رشا اياد:ريما الأم : ايه هي اياد : يا حليلها يمه خطبيها لي الأم كتمت ضحكتها : مو وقتك اسكت لا يسمع أبوك ويذبحك اياد ضحك : إلا يمه ليش ابوي يكره نواف أم اياد : ما ادري ليش يكرهه نواف ما سوا له شي بس أبوك من يومه ما يحبه اياد راح لغرفته وصلت القصر وقالت للخدامه تأخذ الأكياس لجناحها وقعدت على الكنبه معصبه أم نواف : سلمي على الأقل ريما وقفت وباست رأسها : نسيت السلام عليكم أم نواف ضحكت وردت السلام ريما : وين ماما أم نواف : طلعت ***** الساعه 9 ليلا رجع البيت صعد الدرج وقف قدام غرفة ناصر تذكر شي لف طالع الباب طق بهدوء وصله صوته استغرب موجود فتح شاف شوق معاه ابتسم : السلام عليكم ردوا : وعليكم السلام فارس : ناصر بغيتك في موضوع ناصر : طيب تعال اقعد وقول وش موضوعك فارس مشى وقعد على الكنبه جنب شوق : موضوع خاص شوق : أسرار من وراي ناصر : سمعتيه قال خاص يالله مع السلامه أظن خلاص عرفتي الي تبين شوق وقفت : اوكي وطلعت ناصر : قول وش تبي فارس طالع فيه : وش قصة الشقه الي قال عنها خالد ناصر لف وجهه : بس جاء في بالي استأجر شقه فارس : ليش ناصر سند ظهره على السرير : علشان اجتمع مع الشباب فيها فارس بهدوء : اتوقع تجتمعون في الاستراحه ناصر : وش تبي توصل له فارس :متأكد ما يدخلونها بنات ناصر انصدم وتوسعت عيونه : تتوقع انه ممكن أوصل لهالمستوى من الدناءة والحقاره وإني ما خاف ربي وان ممكن انسى أن عندي خوات وأخاف عليهم ما توقعتها منك يا ولد امي وأبوي تشك فيني فارس نزل رأسه ندم على كلامه بس الشيطان لعب برأسه ووسوس له وقف وباس رأسه : آسف بس الشيطان لعب بعقلي خلاص اترك الشقه وش تبي فيها انت تلتقي مع خوياك في الاستراحه يا خوي الشيطان ما مات ناصر ابتسم : أن شاء الله بتركها فارس يغير الموضوع : ما ودك تتزوج ونفرح فيك ناصر بهدوء : لا ما أفكر بالزواج الحين ***** في اليوم التالي قاعده في مكتبها تلعب بالقلم و سرحانه بكلامها مع ناصر شوق بتردد : ممكن أسألك سؤال ناصر : أسألي الي تبين شوق بهدوء : شلون توفت امي تفاجأ من سؤالها : ماتت بحادث شوق : ناصر ابي اعرف كل شي ناصر تنهد وهو يتذكر هذاك اليوم المشؤوم يوم وفاة والدته كان في الحاديه عشر من عمره ولا زال يتذكر تفاصيل ذاك اليوم بدقه رد عليها والحزن باين بصوته : كل الي أعرفه دخل أبوي البيت ووجهه أسود ومتضايق قعد على أول كنبه شافها رحت له بسرعه وسألته : يبه وش فيك مسح على رأسي ورد بصوت تعبان : أمك ماتت انصدمت وما صدقته يعني خلاص امي راحت ما راح اشوفها مره ثانيه في الدنيا بكيت وانا اقول لأبوي ابي اشوفها خذني لها نزلت دمعه من ناصر مسحها وشوق تطالعه وبغصه : وشلون ماتت ناصر يكمل : الي عرفته أنها توفت بحادث نزلت دموعه ما ودعتها كنت اروح اشوفها دايما بس اليوم الي توفت فيه ما رحت ما كنت ادري أن الموت بياخذها منا شوق بكت وهي تشهق ما تذكرها كانت صغيره بنت السادسه لما تطلقت أمها وبعد سنه من طلاقها وصلهم الخبر الي نزل عليهم مثل الصاعقه دخلت عليها مناير وفي يدها ملف : شوق راجعي الملف عدل المدير يبغاه ضروري بعد ما تتأكدي منه خذيه له شوق هزت رأسها : طيب خذت الملف من مناير وهي تراجعه ***** نواف : وين الكبك روان وهي تصبغ اظافرها : وانا وش دراني وينه نواف رفع حاجب : قومي دوريه روان : أي واحد نواف : الكبك الي لسى شريته روان وقفت دخلت غرفة الملابس و بعد دقايق طلعت وفي يدها كبك مدته له : هذا هو نواف ببرود: ايه مد يده وخذه و لبسه بسرعه لبس شماغه ورش عطره وخذ جوالاته وطلع روان تطالعه مفهيه فيه طلع تنهدت : فديته يجنن ورجعت تكمل صبغ اظافرها نزل نواف وشاف أمه قاعده لحالها في يدها مجله تصفحها : السلام عليكم ألام : وعليكم السلام نواف بأس رأسها : كيف حالك يالغاليه الأم : بخير بشوفتك يا نظر عيني نواف وقف : عن اذنك يمه عندي اجتماع الأم : اذنك معك ***** بعد مرور شهرين قاعد على مكتبه مشغول على اللاب توب رفع نظره لجواد وبأمر : ابيك تتحدد لي اجتماع في شركة الوالد الاساسيه وأبيه في أقرب وقت لازم اشوف كيف ماشي الشغل جواد : أن شاء الله طال عمرك نواف نظره للاب توب جواد : عن اذنك طالع عمرك نواف أشر بيده وطلع جواد ***** شوق نزلت من السياره وتوها بتفتح باب البيت تفاجأت بلي فتح الباب وبغى يصدم فيها شوق : بسم الله فارس وش فيك مستعجل فارس باستعجال : اليوم مباراة الهلال باروح الملعب قبل الزحمة ومشى بسرعه شوق فسخت نقابها : ما اعرف وش يعجبكم بهالكره دخلت : السلام عليكم الكل : وعليكم السلام راحت الحمام يكرم القارى غسلت وجها ويدها : اووف حر قعدت على الطاوله وبسرعة خذت لها صحن وغرفت وبدت تأكل ومو منتبه للعيون الي تراقبها تلفتت : وين شهد أبو خالد : قالت مو مشتهيه وراحت تنام رفعت نظرها وجات عينها بعين خالد الي ما نزلها من أول ما قعدت قصت وصارت تكح ناصر صب مويه بالكأس وعطاها : اسم الله عليك شوي شوي خذت الكاس شربت : الحمدلله مشت ودخلت الغرفه وفسخت عبايتها والشيله وطلعت لها بجامه وخذت المنشفه تأخذ شور حر الرياض ما يحتمل ، طلعت وهي تحس بالانتعاش قعدت قدام التسريحه تمشط شعرها خلصت ربطته لفت لشهد شافتها قاعده على السرير وقدامها اللاب : شهد عطيني اللاب توب عندي شغل لازم اسويه شهد : ما اقدر قاعده اسوي بحث شوق تأففت : طيب سوي بحثك بروح أخذ اللاب حق فارس بما انه راح المباراه شهد فزت بسرعه تشغل التلفزيون : شلون نسيت المباراه اليوم يالله بشوفها شوق خذت اللاب وقعدت على سريرها : ابي أفهم وش تحبون بالكوره ما شوف شي مميز غير 11 يركضون وراء كره شهد : شوق تكفين اسكتي انتي ما تحبين شي راجع لك خليني اطالع المباراه شوق رفعت حاجب : اوكي ***** جراح : حبيبتي قومي البسي بوديك المستشفى شهرين وهاذي حالتك بلا عناد و يالله فاطمه بتعب : طيب لبست بيان ولبست عبايتها وشيلتها ونقابها وخذت جوالها و شنطتها ومشت جراح شال بيان وركبوا السياره وتوجهوا للمستشفى سألتها الدكتوره كم سؤال وبعدها سوت تحليل دم بعد نص ساعه من الانتظار طلعت النتيجه دخلت فاطمه لدكتوره وهي تشوف النتيجه : مبروك حامل فاطمه ابتسمت بفرح هي كانت شاكه : الله يبارك فيك و طلعت جراح وقف وهو ماسك بيان بيدها : هاه وش سبب هالاستفراع والتعب فاطمه والفرحه باينه بعيونها : حامل جراح بفرح : احلفي فاطمه : والله جراح شال بيان وهو مستانس راح يجيهم طفل ثاني ***** في الكوفي فيصل : ههههه يا حبي لك دانه : فصولي استحي فيصل : اموت على الي يستحون دنو ممكن طلب دانه : أمرني فيصل : ابي اشوفك دانه بارتباك : هاه نواف قعد مقابله : وانت للحين على هالحاله فيصل أشر بصبعه يسكت : افا يعني ما تحبيني دانه : فيصل ما اقدر فيصل : طيب براحتك دانه : حبيبي زعلت فيصل : لا ليش ازعل عادي مو اول مره اطلبك وترفضين الحين بس بين انك تحبيني جد دانه : فيصل والله ما اقدر على زعلك فيصل : يعني موافقه دانه بضيق : والله صعبه فيصل : خلاص مع السلامه وقفل نواف : وأخيرا ما بغيت اقفل فيصل : هههههههه بغيت أطول بس قلت صديقي أهم نواف رفع حاجب : بالله فيصل : وش فيك نواف : سلامتك مافيني شي فيصل : اكيد نواف : ايه وش سالفة الزعل واطلبك فيصل : كل السالفه قلت لها ابي اشوفك وما رضت نواف : اها وزعلت علشان رفضت فيصل : لا ليش أزعل انت تعرف أنها ما تهمني نواف : يا أخي خلاص تزوج ولا تلعب على بنات الناس فيصل : والله الوالده تحن علي في هالموضوع فرجاء لا تفتحه نواف وقف : قوم فيصل : وين نواف : نتمشى فيصل وقف : اوكي يالله