وكيف أهرب منه إنه قدري هل يملك النهر تغييراً لمجراه - الفصل 5 | روايتك

البارت الخامس.. أبو مهرة اتصل على أبو سالم أبو مهرة: انت عاجبك الي سواه أبو فهد أبو سالم: مو عاجبني لكن شنسوي انت تدري ان راسه يابس أبو مهرة: نحن ما صدقنا على الله ان موضوع اخوك تسكر بموته وموت زوجته وأولاده ترجع هالسالفة تنفتح من اول وجديد وين بنودي وجوهنا من كلام الناس أبو سالم: ما اظن فيه حد يتذكر هالسالفة وبعدين من بيدري فيها أبو مهرة: الله يستر بس وبعد شو مسوي حفله هالجمعة للعايلة عشان يتعرفوا عليها أبو سالم: انت لازم تمسك اعصابك ولا تخليه يحس انك مو عاجبك وجودها أبو مهرة: ان شاءالله ان شاءالله ..................... منال(مديرة الميتم ) كانت تتكلم بالتلفون منال: اقولك عمها جا وخذها اليوم خلاص سعود: كيف ياخذها وبعدين ليش ما خبرتيني منال: هذا عمها وما نقدر نمنعه انه ياخذها وبعدين عمها طلع من عايلة معروفة بالبلد ورجل اعمال معروف لا تقرب من البنت خلاص انساها سعود: كيف انساها وبعدين نستيي اتفاقنا من متى وانا اقولك تجيبينها لي وانتي تماطلي والفلوس الي عطيتها لك منال: الفلوس الي عطيتني إياهم كانت مقابل الصور الي رسلتهم لك لا تنسى سعود: ما عليه يا منال كل شي وله حساب عطيني عنوان بيت عمها منال : ما اقدر اسرب معلومات خاصه سعود: اطلبي المبلغ الي تبيه بس العنوان يوصلني قبل المغرب فاهمه (وقفل الخط) ................... كانوا مجتمعين عالغداء دخل عليهم فهد كانت جود جالسه بجنب ريم ولابسة لثمتها فهد: السلام عليكم الكل:وعليكم السلام انتبه فهد للبنت الغريبة الي جالسه عالسفرة مع اهله وبداخله( اكيد هذي هي ) وجلس جنب راشد ابوفهد: يالله بسم الله بدوا ياكلوا وكانت جود تاكل من تحت لثمتها وهي مرتبكة حاسه انها مو مرتاحه مو متعودة على هالجو كلت شوي وقامت أم فهد: على وين يمه جود ما كليتي شي اشرتلها انها شبعت خلص .حسوا انها ما كانت ماخذه راحتها طلعت على غرفتها أبو فهد: ريم خذي اكل شوي وطلعيه لجود احس انهها استحت ريم: ان شاءالله يبه فهد : يبه شو صار بموضوعي أبو فهد: أي موضوع فهد: موضوعي انا ورغد أبو فهد: يصير خير قام أبو فهد عن السفرة فهد: يمة شفيه ابوي ام فهد: ما فيه شي ليش فهد: كأنه نسى انه قال بيكلم عمي اليوم راشد: بصراحة اول مرة اشوف ابوي مرتاح بهالشكل شكله كله تأثير جود جت ريم على طاري جود ووراها جيهان الشغاله المصرية الي بالقصر ريم: طلعية غرفة جود وانا لاحقتك الحين جيهان: ان شاءالله ريم: الا على طاري جود يمة ما شاءالله عليها تقولي أوروبية عيون ملونة وشعر اشقر وبياض ما شاءالله عليها جمال ام فهد: عيب يا بنت تطري البنت قدام اخوانك وهي مو موجودة فهد كان مو مهتم راشد: لازم بيكون شكلها أوروبي ابوي ذكر مرة انه أمها بريطانية ريم: غطت علينا كلنا والله بالجمال ام فهد ضربتها فكتفها بخفة: ريمووه قلنا عيب طلعي للبنت شوفيها ريم مسكت كتفها : ااي يمه ان شاء الله طلعت ريم وفالدرج رن موبايلها ريم: هلا والله رفووي رفا: وينك يا بنت ارسلك من الصبح ريم: مشغولة مع بنت عمنا المصون جود رفا بفرحة: وصلت ريم: وصلت ولو تشوفيها يا رفا تطيح الطير من السما من جمالها رفا: حلفي ..شوقتيني اشوفها تفاعل بليز على البارتات ابغا رأيكم ..