وكيف أهرب منه إنه قدري هل يملك النهر تغييراً لمجراه - الفصل 3 | روايتك

البارت الثالث البنات بالحديقة الخاصه فيهم كانوا ضحك وسوالف ورقص مرتبشين رنا سكرت المسجله وجلست بتعب: يالله خلص جلسوا انهد حيلي من الرقص رفا: يالله متى نخلص من هالاختبارت ونفتك رغد: بنات شرأيكم نكلمهم ونروح المزرعة ولا الشاليهات والله من زمان ما طلعنا البنات بصوت واحد: حلووووو ريم: اشتقنا للطلعات والله غير جو شوي عن جو المذاكرة مهرة: وهي فرصه لان غسان مو موجود ............ صباح اليوم الثاني أبو فهد كان بالصاله مجمع اهل البيت كلهم أبو فهد: انا الحين بروح اجيب البنت وهالبنت من لما تدخل هالبيت ما ابي أي احد يجرحها بأي كلمه او يعاملها معاماة مو زينه وتعتبروها وحده من هالبيت وأهله الكل: ان شاءالله أبو فهد: ام فهد قومي معي ام فهد: ان شاءالله انتظرني شوي البس عباتي أبو فهد: ريم انا خبرت الخدم يجهزوا غرفة للبنت اريدك تشوفي كل شي بنفسك وتشرفي على ترتيب الغرفه ريم: انشاءالله يبه ابوفهد: فيه شي أخير بقوله .. البنت ما تتكلم يعني بكماء فما اريد أي واحد فيكم خلال تعامله معها يحسسها بالنقص او أي شي ثاني فاهمين الكل: ان شاءالله طلع أبو فهد وام فهد متجهين للميتم الي فيه جود فهد: انا مستغرب من ابوي ليش مهتم بهالبنت هالكثر راشد: بنت عمنا واكيد ما بيخلي بنت اخوه تتبهدل فالميتم وبيته موجود فهد: الله يستر بس.. وانتي ليش فرحانه هالكثر ريم: لان أخيرا بيجي حد يونسني بنت يعني بعد ما كنت بروحي بين شباب اثنين فهد: انا بطلع وراي مية شغله اخلصها اهم من البرنسيس الجديدة راشد وريم ضحكوا ......................................... فبيت أبو سالم وفجناح غسان ومهرة بالتحديد مهرة كانت تبكي بصمت وجالسه بطرف السرير غسان كان يطالعها بحب مسكها من ذقنها ورفع راسها غسان: طالعيني مهرة كانت منزله نظرها للأرض غسان صار يمسح دموعه: مو حرام هالعيون الحلوة تبكي مهرة: الله يخليك لا تروح والله اشتاقلك انت بالجو اكثر م تجلس معنا غسان ضحك: هذا شغلي شو اسوي قلتلك قومي معي انتي ما رضيتي غسان مسكها من كتوفها ووقفها مقابله وحضنها البارت السادس.. غسان: لا تخليني اروح وانا احاتيك مسحي هالدموع وخليني اشوف ضحكتك الحلوة مهرة مسحت دموعها بكفها وابتسمت ابتسامة باهته وعطته بوسه على خده مهرة: لا تحاتيني حبيبي انا راح أكون بخير ان شاءالله انت دير بالك على نفسك وكلمني كل ما تحصل فرصه غسان: ان شاءالله لا توصي .يالله الحين بروح لا اتأخر مهرة: طيب حبيبي الله يحفظك باسها على راسها وشال شنطته وطلع نزل للصاله وكانوا اهله متجمعين فالصاله وقفوا لما شافوه غسان: يالله انا بروح باس راس امه وابوه ام سالم: الله يحفظك يا ولدي وتروح وترجع بالسلامة أبو سالم : دير بالك على نفسك غسان ضحك: تحسسوني كأني اول مره اسافر ام سالم: لما تروح كل مرة كأنك اول مرة رغد: لا تنسى الهدايا السنعه غسان: انتوا كل تفكيركم بالهدايا بس رغد: اكيد رفا كانت نازلة من فوق رفا: افااااا كنت بتروح من غير ما تسلم عليي غسان حضنها غسان: وانا اقدر بس ..الا وين سالم رفا: من الصبح طلع غسان طيب ما عليه بتصل فيه واسلم عليه .................................................. ...................... وصلوا عالميتم كانت المديره مخبره جود من قبل ان عمها بيجي يأخذها كانت تبكي بالغرفه مع غيداء وسناء ما تعرف هالعم من وين طلعلها تفاااااااعل بليز