الفصل 5
البــــــ5ــــــارت
رن التلفون
ناظر أبو ماجد بساعته 2:30ص
خير اللهم أجعله خير
:آلو
المتصل:السلام عليكم
:وعليكم السلام
المتصل:الأخ ناصر محمد
:أيوا
المتصل:معك مدير مستشفى الـــ... ياليت تشرفنا
:مستشفى خير وش صاير؟
المتصل:بنتك صار لها حادث وهي عندنا والشرطه طالبه تستكمل الأجراءت معك
:ــ ـ ــ ــ ــ ــ ـ
المتصل:معاي ياأخ ناصر
:ج جاي الحين
مسك جواله بيدين ترتجف ودق على سعود
سعود:هلا يبه
ناصر:س..س.سعوود
وطاح وتبعثر جواله مثل روحه
سعود:يبااااه
جاء سعود جري من الديوانيه وتجاوز أمه وأخته اللي جالسين بالصاله ينتظرون أخته
الأم:سعود وش صاير
مارد سعود وصل غرفة أبوه وهو يلهث لحقته أمه ورجاء لقى أبوه طايح عالأرض وجبينه عرقان جاب جهاز تحليل السكر وحلله لقاه عنده هبوط بالسكر جاب أبره أنسولين وغرسه بوريد أبوه
بعد خمس دقايق بدى يستعيد وعيه
فتح عيونه والرؤيه ظبابيه عنده
ناصر:س سعووود
سعود:لبيه
ناصر:رووح مستشفى ال..
سعود:قوم أوديك يلا
ناصر:أختتتك بها
؟؟؟؟
صدمه أخرست ألسنة الجميع اللي يعرفونه أنها رايحه ملكة
كيف وصلت المستشفى
تسممت
كسرت رجلها
أحترق القصر
وش صــــــــــــاااار بالظبط
محد يدررري
؟؟؟
صحاهم للواقع صوت أبوهم
ناصر:روح
سعود:على أمرك يبه
طلع سعود وترك أبوه كسير القلب
وأمه حاسه بمصيبه عالطريق
ورجاء أيدها على قلبها ويارب تستر على لسانها
****
مومعقــــــــــــوووله
ياربي وش قاعد يصير
يعني ظني بمحله
ساره:دكتوره متأكده أنتي؟
:آه طبعآ متأكده دي التحاليل متطابقه مجبتش حاقه من عندي
ساره:ششكرآ
وطلعت من الغرفه
خالها على يمينها
وحلا على يسارها
وهي حلقة الوصل
بس قبل عندها شي لازم تتأكد منه
ساره:خالي
عبدالكريم:نعم
ساره:يلا نرجع البيت
عبدالكريم:يلا مشينا نادي صديقتك
كان عبدالكريم يحس تجاه حلا بأحساس عمره ماحسه موحب
ولا أعجاب ولا أنجذاب
شعور ماقدريفسره
ساره:حلا!!
جت حلا تمشي وهي مستحيه
وهنا تأكدت ساره أنهم مايعرفون بعض
وصلو البيت وطلبت ساره من حلا تجلس بغرفتها وطلعت
تأملت حلا الغرفه كبيره فخمه فيها ثلاجه.. وتلفزيون..دسك كمبيوتر..خزانة ملابس على كبر الجدار كل مافيها ينضح بالفخامه
دخلت ساره عليها ساره وعيونها حمرا من البكي وبيدها سلسله حلا
حلا:س...
دخل بعدها رجال
خافت حلا ودورت شي تستر نفسها فيها
ساره:مايحتاج حلا هذا أبوووك
رفعت حلا راسها:أيــــــــــــش
عبدالكريم:هذي التحاليل تثبت أنك بنتي من لحمي ودمي
أعطتها ساره السلسله ناظرت صورته وناظرت فيه
نفس الملامح
أغمي عليها على طول أللي صار أقوى من أحتمالها
طار لها عبدالكريم بروحه وقلبه وكيانه
بنتــــــــــــه
قطعه من قلبه وآخيرا شافهااا
شالها بين أيديه وضمها لصدره مومصدق
ساره:أنا بتصل بالدكتوره تجي
مارد عبدالكريم كان بعالم حلا
يخاف يكون بحلم ماوده يصحى
ماعندي شي أقوله إلا أشتقت لك
لوثاني تسألني بقول أشتقت لك
لاشفتك انساني وأصير أتأملك
أنت الوحيد اللي يخليني بذهول
ياحلمي اللي طول عمري أتبعك
واللي بغيابك على عيني يطول
أحلم وأطير بدنيتك وإتخيلك
قصه عمر وأنا معك بأحلى الفصول...
ناديه:عبدالكــــــــــــر� �م كيف تتجرأ؟؟
عبدالكريم ودموعه مغرقته:
بنتي هذي بنتي اللي مضيعها من سنين
ناديه:هاااه أنت وش تقول
بنــــــــــــتك
هز عبدالكريم راسه وأشر لها على أوراق التحليل
قرتها ناديه وأنصعقت
جت ساره تجري ماسكه يد جدتها وسما:هذذي بنت خالي كريم
الكل
مــــــــــــذهول
مصــــــــــــدووم
مصــــــــــــعوق
مفاجأه لاكانت على البال ولا الخاطر
جلست ساره تحكيهم السالفه من أولها لآخرها
وجت الدكتوره وحقنت حلا بمهدئات لأنها بحالة صدمه عصبيه
******************************************
:أنت وش تقرب للمريضه؟
سعود بغصه:أخوها!!
:بصراحه حالتها حرجه وإذأ كتب الله وعاشت ماراح تتعدى 12ساعه بالكثير
جلس سعود لأن رجوله ماعاد تشيله:وش فيها بالظبط؟
:كسر بالجمجمه أدى لنزيف بالمخ بالأضأفه لنزيف داخلي وكسور طيحتها قويه وأثرت على الرأس مباشره
سعود:شلون صار كل ذا؟
:الحين بيوصل المحقق ويعلمك بكل شي!!
سعود:محقق؟؟
دخل المحقق بعد5دقايق وكل كلمه ينطقها مثل السكين اللي تقطع شرايين سعود
بلاغ من الهيئه
راكبه مع واحد
دعسوا واحد
ضغط راسه بيدينه
كل ذا يطلع من أخته مومصدق
طلع من المكتب يترنح من هول الصدمه كره أخته تمنى لها الموت عشان يمحي عارها
وش أقول لأبوي اللي طاح من طوله من خوفه عليها؟
وش أقول لأمي المسكينه اللي تنافض من خوفها عليها؟
وش أقول لخواتي رجاء وهدى أختكم جابت لنا العار ومحد بياخذكم لأنها شوهت سمعة بيتنا؟
وش أقول لأصدقائي بأي وجه أقابلهم؟
آآآه يارب ساعدني
والمصيبه لما قابله مازن وحكى له سالفة تصويرها لأخته
خــــــــــــلااااص
ضاقت الدنيا بعينه
"يــــــــــــارب خذها وريحنا من عــــــــــــارها"
ماهي إلا ثواني حتى جت الممرضه تجري ونادت الدكتور
دقايق وصله خبر وفاتها
تنهد"الحمد لله"
أستغرب منه الكل خلاص أجراءتها وشهادة الوفاة
وقرر الدفن يكون بعد صلاه الفجر
يعني بعد عشر دقايق
بس كيف يخبر أبوه وجوده ضروري
مأمداه يلتفت ألا ويشوف أبوه
وضعف وانكسر مليون قطعه
طاح بحظنه:ي يبه..الحمدلله..ماتت ماتت بعارها وريحتنا
أبوه كان صامد عكس ماتوقع لأنه تكلم مع المدير والمحقق قبل يجيه بس ماكان يعرفه أنها ماتت تنهد"الحمدلله"وكأن جبل أنزاح من على صدره
"لوماماتت كنت ذبحتها بيدي"
أرتفع صوت آذان الفجر
سعود:بندفنها بعد الصلاه
هز أبوه راسه بدون مايتكلم
واسدل الستار على نهاية أليمه
نسأل الله حسن الختام
أماعهد حمدت ربها ألف مره لأنه أنجاها من خيوط مؤامرة وئام وفواز
*********************************************
أحساس بالخيبه
والقهر والذل والأحباط
حاظنه مخدتها ومغمضه عيونها وتاركه دموعه تعبر عن حالتها
"لهالدرجه محد يبيني"
"ليه"
"وش ذنبي"
"حتى اللي خطبني حسبته يحبني وطلع يحب الفلوس"
"آآآآه ياردى حظك ياريم"
دخلت أمها
:ريم..ريم يمه قوم تغدي
ألتفت لأمها بعتب وماردت
:ريم مو زين لك كذا قومي كولي لو شي خفيف
ريم:أي موزين لي كذا..بس زين تبيعني بفلوس
:ريــــــــــــم حشمي عمرك أحسن كل اللي سويته عشان أضمن حياتك قبل لا..لاأموت من حقي أشتري رأحتك ماضمن حياتي ولاأظمن لك الدنياولا أظمن لك أخــــــــــــوك
ريم فكري بعقلك من يبي واحد مدمن سكير خال لعياله!
ريم:يمه آسفه بس أنصدمت كثير معاك كل الحق سامحيني يالغاليه سامحيني
وأرتمت بحظن أمها تبكي
وبعد ماهدت نوبات البكاء
:حلا تأخرت مو عوايدها
ريم:عندها حفله أكيد بتأخر
******************************************
ماصدقت نتلاقى
أنا ماني مصدقني
حابس فرحتي فيني
أخاف عيوني تخدعني
أحنا مع بعض معقول
المعجز حصل لاتقول
لوهذا حلم
لاسامح الله من يفوقني
جازى الله الصدف
عني وعنك خير
ياسيد البشر ياغير
ليه واقف بعيد أقرب
ماحنيت لأحضاني
لاتعتب ولاأعتب
أنسى نفسك أنساني
وخلينا مكفينا اللي صااار"
فتحت حلا عيونها بشويش ومومتذكره شي تحس بدوار خفيف شافت أبوها نايم مقابلها عالكرسي
يعني ماكانت تحلم
قامت تغسل وجهها عشان تزيل المكياج وتنشط شويه
دخلت الحمام وأنتم بكرامه وعلى صوته قفلة الباب صحى أبوها
ناظر حوله وتلفت عيونه تدور عليها
بعد10دقايق طلعت حلا
أبتسم عبدالكريم ووقف:
حسبتك رحتي وتركتيني
حلا:مستحيل أتركك بعد مالقيتك
ماتعرف شكثر تعذبت بحياتي بدونك
ضمها أبوها وقال:
أنا بعد تعذبت وأوعدك ماعاد فيه عذاب وتعب وأنا حي لك
واللي يفكر يأذيك بمحيه من الوجود
دمعت عيون أم عبدالله وهي تشوفهم:كريم منت مخليني أسلم على بنيتي
ألتفتو لها وعيونهم مدمعه
أرتمت حلا بحضنها تغسل أوجاعها وهمومها
أخيرآ أهل..عائله..عزوة..سند..أحد يحبها ويخاف عليها من النسمه تجرحها
ناديه:ماتبين تسلمين على عمتك يعني
ضحكت حلا وضمت عمتها
اللي لزمت عليهم ينامون عندها لأن الوقت تأخر وبكرآ غداهم عندها بمناسبه أنضمام حلا لعائلتهم
*************************************
عصام:هالزفت هذي للحين ماجت؟؟؟
أم عصام:لأ
عصام:وتقولينها بكل برود بعد
أنتي"يقصد ريم"دقي على خويتها تعطيني العنوان وأنا أروح أسحبها بكشتها
قامت ريم بشين نفس تدق على زهره لأن حلا ماعطت أحد رقم موبايلها
زهره:آلووو
ريم:السلام عليكم
زهره:وعليكم السلام
ريم:ممكن تعطيني عنوان البيت اللي فيه حلا؟
زهرة:مارجعت للحين؟
ريم:يعني لورجعت دقيت عليك
بسسرعه عطيني العنوان
زهرة:آسفه حلا قالت ماعطيه أحد ولاتدقين مره ثانيه
طوووط....
عصام:وينــــــــــــها؟؟
ريم:مارضت تقول لي
عصام:شلون يعني شردت؟
أم عصام:الله لايقوله أمي موصيه عليها قبل تموت
ريم:أووف أنا متأكده أنها عند زهروة
عصام صفق الباب وطلع
محد يدري وش ناوي عليه
فجأه رن التلفون
ريم:آلو
حلا:هلا ريم
ريم:حلا وينك نشف دمنا ندورك
حلا:أنا بخير لاتحاتين عطيني خالتي
ريم:يمه هذي حلا
:حلا يمه وينك
شلون..متى..كيف صار كل هذا
الحمدلله..زين..فمان الله
ريم:وينها؟؟
:عند أبوها
ريم:أبــــــــــــوووها؟
وجلست أمها تعلمها بالتفاصيل كلها وهي فاتحه فمها*=*
**************************************
أنتشر خبر وفاة وئام بين العائله
ورفض أبوماجد أحد يجيه ورفض ياخذ عزاها
رجاء:يبه يلا فديتك كل لوشي خفيف عشان تاخذ دواك
ناصر:آه مالي نفس يابوك حسبي الله عليها
رجاء:طيب عشان خاطري ذوق الشوربه والله تعبانه عليها
بعدين موأنت قلت بنعتبر ولاكن شي صاير
أبتسم ناصر غصب:طيب بنذوقها عشان عروستنا الحلوة
أستحت رجاء:بالعافيه يالغالي
ناصر:يعافيك بس موعد ملكتك ماراح يتغير بعد ثلاث أسابيع
رجاء:اللي تشوفه يبه
..وبغرفة وئام..
هدى كانت تبكي بصمت وغرقانه فبحر الندم لأنها كانت تدري تقريبآ عن حياة أختها المشبوهه ولاعلمت أحد
أما أمها آآه ياقلب الأم وياحرقة قلبها على شباب بنتها اللي ضاع بسوء خاتمه بس تبقى بنتها وتحبها
هدى:بسك يمه أبوي راح يزعل لوشافك كذا
:ماأقدر هذي بنتي قطعة قلبي ماأقدررر
هدى:بس دموعك ماراح تنفع خلنا ننزل أغراضها عشان يوديها سواق جيراننا للجمعيه الخيريه
:نزليهم أنتي صعب علي فرقاهم يايمه هذولا اللي بقى من ريحتها
هدى:أن شاء الله بس روحي تغدي
*********************************
صحت حلا الصبح ناظرت حواليها لقت أبوها نايم عالصوفا أبتسمت بحنان وقامت تتوضأ وصلت الفجر ودعت ربها يخلي لها أبوها ويطول بعمره
طوت سجادتها وراحت تتعدل أوووه ناظرت فستانها ماعندها شي تلبسه
دخلت ساره بصوت واطي:
صباحووو
أبتسمت حلا:صباحك ورد
ساره:جبت لك ملابس أتمنى تناسبك
حلا:آه أنقذتيني
كانت تنوره بيج ميدي واسعه شوي من تحت وبلوزه بنيه جابنيز بفتحه دائريه واسعه
ساره:ها أعجبتك؟؟
حلا:رووعه بس موكن التنوره قصيره
ساره:عاتي ماعندنا أحد غريب وحبيت أقولك أحنا مانغطي عن عيال خوالي أللي هم عمامك
حلا أنصدمت:والله
ساره:أي والله ههههه شفيك خفتي ترا أغلبهم متزوجين ومايجلسون معنا كثير يادوب سلام
حلا:أهاا
ساره:أنا بصحي خالو يصلي وأنتي تجهزي براحتك
حلا:أوكي
وبعد ربع ساعه كانو الكل تحت
نزلت حلا ماسكه أيد أبوها
أبو حلا:السلام عليكم
الجميع:وعليكم السلام
أبو حلا:ها كيف أصبحتو؟
الجميع:بخير ونعمه
أم عبدالله بلهجه حانيه:
وشلونك ياحلا؟
حلا:بخير الحمدلله
أبو حلا:يلا سمو بالله..إلا أبوخليل وينه؟
ناديه:يفطر فوق
أبو حلا:شدعوه؟
ناديه:ماوده يحرجكم يعني ألين تتعود حلا علي أقاربها
أبو حلا بصوت هامس:
بعد الفطور بأخذك لمكان يجنن
أبتسمت حلا وهزت راسها
**********************************************
يابحر فيني من الهم مافيك
من حزن وأوجاع وغرايب..
جالس بكل حزن عالكورنيش يناظر البحر
وأفكاره أبعد من مدى الأفق
هذا حاله من يومين مانام ولاأرتاح ولاأكل بس وقت العطش يشتري من الكشك مويا تبل ريقه
مهمــــــــــــوم
ماوده يرجع البيت وده يكون كابوس ويفتح عينه ويصحى منه
تخيل حال خواته وأنعصر قلبه من بياخذهم؟؟
تذكر أن مالهم غيره أخوانه كلن تزوج وألتهى وأبوه مريض
آآه ياسعوووود
قام من مكانه وأول ماوقف
سودت الدنيا بعينه
تسارعت نبضاته وطاح مغشي عليه بسرعه جو أثنين شباب وشالوه لأقرب مستشفى
***********