الفصل 4
البــــــ4ــــــارت
..وفي جامعة الملك عبدالعزيز
كعادتها في وقت الراحه تصلي ركعتي الضحى ثم تنكب على رفيقها وأنيسها القرآن الكريم
ولكن المفاجئ أنها عندما سلمت عن يمينها ويسارها رأت(أسماء)المزعومه طبعآ هي وئام لوتتذكرو
أبتسمت بداخلها لأنها ماتوقعتها ملتزمه حتى طريقة لبسها تغيرت للأسف لبست ثوب الدين لتخفي نواياها الخبيثه..
وئام:السلام عليكم
عهد بأبتسامه:وعليكم السلام ورحمة الله وبركاته..تفضلي
وئام:شكرآ قلت ألحق عليكي قبل ماتبدأي بالقرأه أممم بصراحه ياأخت عهد أنا معجبه بشخصيتك وألتزامك وأحسك قدوة لي طول عمري كنت أتمنى أكون ملتزمه بس محد شجعني..عهد أنا أحبك فالله
عهد:أحبك اللذي أحببتني فيه والله يعيننا على الطاعه
وئام:ممكن نكون صديقات؟
عهد:ماعندي مانع..أشوف معاكي مصحف خلينا نبدأ القراءه لأنو عندي محاضره بعد10دقايق
*****************************************
(أن الرقم الذي طلبته غير موجود بالخدمه حاليآ)
كانت هذي أجابة تلفون رنا من شهرين..
حلا:أوووف وينك يارناااا وينك ياأختي..تعبت والله تعبــــــــــــت..شوفي حلا وش صار فيها أشتقت لها ياربي
"بظل أذكر بيوم إني لقيت الصادق الوافي
وتسامرنا وتحاكينا
ونسينا في حضور الأنس سوالف حزن عشناها
ولاعمري أبد بنسى مكان جمع الأصحاب
وريح العطر وشذى هالصبح
تروح وتمضي الأيام ونظل بصدقنا أقراب
تقول أنسى ؟
محال أنسى ؟
أنا لو أنسى أوقاتي أبد والله ماأنساك
ذكرت الشاي وسواليفه
وصدى صوتن نسلي به
ودفتر ضمني حرفه
يهلي بي وأهلي به
ذكرت أصواتنا الحلوة
وقصيدة حب وكم غنوة
نغني نسولف ندردش
معانا الوقت ياحلوة
نجرب نزعج فلانة
ونضحك في خفايا النفس
نحاول نخفي إعلانه
ويفضحنا كثير الهمس
وبعد هذا تبون أنسى ؟
أنا ماأنسى كثير أوقات
روحاتي وجياتي
وقبل هذا صديقاتي
أنا للحظة هاذي أكيد أتذكر إحساسي
شعورن صعب تفسيره
غموض شوي من الحيرة
وسط لمة ومية كلمة
هذيك تصيح وتجاكر
تبي تسمع ومهتمة
وذيك تقول ياساتر
صعب درسي ولاإفتهمه
وهذي غارقة بدفتر
قصيد وشعر وكذا ضمه
وأنا سرحانة ماأذكر
سوى قلبن طغا همه
ويمي فلانة كم تزفر
أبوها خالي كمه
كذا الأيام سراقة
والأحلام تتبخر !
كذا الدقات خفاقة
والأفواه تتزفر
كذا الدنيا
كذا الدنيا
كذا الدنيا ياصاحبي
تجينا بفرح . . .
واحزان . . ."
******************************
..في المستشفى..
ناديه:الحمدلله على سلامتك ياروح أمك
سما:الله يسلمك يمه..
ناديه:شلونك الحين تحسين بشي؟؟
سما تتحس بطنها:مكان العمليه يألمني..
ناديه:شي طبيعي لأن مفعول البنج بدا يروح
دق الباب ودخلت سارة شايله بوكيه ورد كبير أبيض وأحمر وراها سيرين شايله سلة شوكولاته
سارة:ها كيف دلوعتنا اليوم؟؟
سما بأبتسامه:الحمدلله
سيرين تبوس أختها:ألف سلامه عليك
سما:الله يسلمكم..وين سوزان ورزان وسميه ماجبتوهم؟
سيرين:إلا جبناهم بس حرام نشبو لأبوي ههههه قعدو يشترون شكولاته من المحل اللي تحت
ناديه:ههههه فديت قلوبهم والله
وخلصت كلمتها إلا وهم داخلين
:سربراااايززز
ناديه:أحلى سربرايز ههههه تعالو لحظن ماما
وراحو البنات يحظنون أمهم
ودخل ابراهيم:
السلام عليكم
الجميع:وعليكم السلام
ابراهيم:ها كيفك ياسمسم؟
سما:الحمدلله..أشتقت لك يبه
قرب أبوها ولمها وباس راسها:
وأنا ميت من شوقي لك ياشمعة البيت
سما:تسلم يالغالي
ساره:أحم أحم كح كح
أبراهيم:وسارونتي سكر البيت وحلاه
ناديه:أحم أحم أشوف حرقتو كرتي عيني عينك يعني
ابراهيم:ههههههه وليييين بلشنا والله بهالحريم..أنتي الأساس وجوهر الماس وخيرنا وبركتنا
****************************************
فتح عيونه بشوويش وأبتسم
صار ينام ويصحى على طاريها
أشتاقت روحه للقياها
نزل للرياض أكثر من 5مرات هذا الشهر عشان يدور عليها
بس سعد باع بيتهم القديم قبل 15سنه عشان يسدد ديون أبوه ومالقى أثر لفوزيه
وكشوفات المدارس فيها تشابه أسماء كثيررر
لسه عنده أمل قوي بداخله وأحساس عجيب أنها قريبه منه
بس ويــــــــــــن؟؟
ساره:الحلو سرحان بمييييين؟؟
عبدالكريم:هلا سوسو!
ساره:لاتصرف مين المحظوظه اللي تفكر فيها؟؟حبيبتك هاا!
عبدالكريم:هههههههه إيييه عندك مانع؟
ساره شهقت:جــــــــــــدتي!!
تعالي شوفي خالي
أم عبدالله بفزع تركض:وش فيه ولدي؟
ساره:بيعررررس
أم عبدالله بزعل:خسك الله من بنت طيحتي قلبي(تلتفت لولدها)
صادق أنت بتعرس؟
عبدالكريم:لأ
أم عبدالله تهز راسها بيأس:لاحول ولاقوة إلا بالله،،يعني بموت ولاشفت لك ذريه
عبدالكريم بأبتسامه ميته:قريب أن شاءالله قريب بس دعواتك يمه
أم عبدالله:هذا اللي بيجنني
تكمل ساره بهبال وترقص:
أقرب يبتعد عني
أبعد يقترب مني
شو بدو هذا
تهز أم عبدالله رأسها بيأس منهم وتمشي
عبدالكريم:هههههههه
حرام زعلتيها ياسويره
فتحت ساره عيونها بقوه:أيش أيش أيش عيد ماسمعت مين
عبدالكريم:قلنا سوسو
ساره:أها أحسب بعد
(ويرن جوال ساره)
ساره:هلاااااااا
جود:هلا فيك
ساره:بسرعه وش عندك داقه؟
جود:ههههههه والله الشرهه علي تصدقين
ساره:أيه أصدق
جود:زين باي
ساره:على كيفك هو باي هاه بشري
جود:لقيت اللي تبين شي جنان
ساره:والله ياعمري ياجودي
جود:الحين عمرك ياسويره؟
ساره:مقبوله منك وش أسم المحل
جود:ماي نايت محل خالتي نسمه..وظفو بنتين سعوديات جدد
يقولون شغلهن روعه اليوم خالتي بتسوي لهم بروفه تجرب شغلهم ها تجين اليوم العصر؟
سارة:مممم مقدر بروح السوق العصر اجهز للحفله يمكن أمركم عالعشاء أعاين شغلهم
جود:أوكي سي يوو
ساره:سي يوو توو
*******************************
على الساعه 2 الظهر راحت حلا عند زهره
زهرة:آهلاااا وسهلاااا
حلا:هلا فيك زوزو
زهرة:تفضلي يلا على غرفتي
شهد:يعني مابتعرفينا على الحلوه
حلا تمد يدها بأبتسامه:حلا الـ..
شهد:شهد تشرفت بمعرفتك ياحلا ونورتي بيتنا
حلا:النور نورك
وطلعو حلا وزهره فوق لغرفتها
زهره:أول شي بنحط لك مكياج خفيف أحس ملامحك حلوه
حلا:تسلمين
حطت زهره لحلا طبقة فاونديشن خفيفه ورقيقه بعدين حطت لها قلوس أورانج لامع وشوية آي شادو ذهبي مع أضاءه وبلاشر أورانج طلعت جناااااان
جابت لها زهره تي شيرت أورانج برسومات ذهبيه وجينز فاتح وسوت شعرها كيرلي واااو سوكيوت ولاأحلى من هيك
هههههه
شهد أنبهرت من حلاوتها وجمالها:ماشاءالله تهبليين حلا أسم على مسمى
أنحرجت حلا:تسلمين ياعمري
زهره:يلا عن أذنكم بروح اجهز
لبست زهره بدي أحمر بأبيض وتنوره تحت الركبه بيضاء واسعه شوي حطت فيونكه حمرا بشعرها الحريري ألي مايتجاوز أكتافها حطت مكياج ثقيل شويه روج أحمر وشادو بينك وبلاشر أحمر طلع شكلها أنيق وجريئ
جاهم السواق بعد العصر مباشره وأخذهم للمحل
**************************************
وفي المول...
سارة:خالو أيهم أحلى؟؟
عبدالكريم:الأصفر يطلع حلو عليك
سارة:أوكي بأخذ الأصفر ووو مدري وش آخد لسمسم؟؟
عبدالكريم:أنا بختار لها وعلى الله يعجبها
سارة:طيب بروح أطقم أكسسوار مع فستاني
راح عبدالكريم ينقي وفباله آه لوبنتي معي كان أشتري لها الدنيا ومافيها آآآخ بس ياليتها معي
:بتحب ساعدك بشي؟
عبدالكريم:هاا أي أبي الفستان العسلي هذاك
:تكرم عينك والله زوءك كول نيالها مدامتك..أي قياس بتريد ؟؟
عبدالكريم:أصغر شي
:تكرم عينك
وطلع الفستان وراح لطاولة المحاسبه
وحاسبوه ومشو
جلسو بالكوفي وطلبو قهوتهم وجلستهم يسودها الصمت
عبدالكريم شده منظر أب وبنته
البنت:يبا الله يخليك آخر محل أدخله
الأب:وعد؟؟
البنت:وعد والله وعد
الأب:هههههه زين أمري لله
البنت:الله لايحرمني منك ياأحلا أب بالدنيا...
أبتسم عبدالكريم والحسره تنهش قلبه تمنى يعيش هاللحظه
وخاف يموت قبل مايلاقي بنته
أما سارة
كانت تناظر طفل بكل حنان وهو ماسك أيد أمه وبالأيد الثانيه أبوه كان تتمنى تسمع أيش يدور بينهم
لكنها أكتفت بالمراقبه والتمني
**************************************
..في الطايف..
فبيت عبدالله تحديدآ
عبدالله:أنا بخطب لك وئام بنت عمك ناصر وش رايك؟
وقف من طوله والدم يغلي براسه:أيــــــــــــش؟
عبدالله باستغرب ممزوج بعصبيه:وش فيك وقفت أجلس خل أكمل كلامي..
جلس ياسر وهو معصب:السموحه يبه..بس..بس أنت فاجأتني وبعدين وئام(جلس يتذكر لمن شاف نازله من سياره غريبه)
الأب بحنق:وش فيها بنت عمك ومن لحمك ودمك بعدين موناقصه شي متعلمه ومزيونه
رد ياسر بدهاء:بس يبه أنا ودي بوحده صغيره ماطافت العشرين عشان أربيها على كيفي وأنت عارف أن بنت أخوك عنيده وماتسمع الكلمه
عبدالله:عاد بهذي صدقت حتى أبوها يشتكي منها
ياسر بأرتياح نوعآ ما:يبه صدقني يوم ماأفكر أتزوج أنت أول واحد أكلمه بعدين أنا للحين ماتوظفت ولاكونت نفسي
عبدالله:الله يوفقك ياولدي
ياسر:أهم شي رضاك ودعواتك يالغالي
باس راس أبوه وقام...
**************************************
في المحل..
الكل أنبهر بجمال حلا وابداعها في التزيين حتى أم نوف أعجبتها مره
نوف:هاه يمه وش رايك؟؟
نسمه:والله شي حلو بصراحه أعجبني أعتبرو أنفسكم توظفتو من اليوم وراتبكم بيكون2000ريال وإذا أزدهر المحل بزيدكم أكثر..
جود:مبروك عليكم وعندي لكم مفاجأه
نسمه:أيش؟
جود:صديقتي بتسوي حفله وأنا رشحتكم عشان تجهزون لها الحفله ترا بالبيت بتكون
نوف جابت كيسين معها:وهذي موبايلات للشغل
حلا وصلت بفرحتها للسماء وقام الكلام يطلع منها بالقوه:
ششكرآ وياررب نكون عند حسن ظنكم
زهره:الدوام يومي ولا عند الطلب؟
نسمه:ممم أدري أنكم طالبات وبآخر مرحله بس شغلكم كثير عجبني ودي أبيع منه بالسوق
عشان كذا راح تداومون ثلاث أيام بالأسبوع من الثلاثاء للخميس وش قلتو
حلا وزهره:موافقين!!
وتم كل شي على خير...
وطارت حلا بأحلامها نفسها باشياء كثيرررره
جوال..لاب توب..ملابس..ميك أب الي عمره ماملكت منه إلا قلم كحل..أكسسوارات حلا تموت فيها..عبايه جديده..عندها أحلام كثيرررره وراح تبدا تحققها حبه حبه..
*******************************************
ساره:ياســــــــــــلام الحين كل هالزين حق سما وأنا(تقلد صوته)الأصفر حلو عليك!!
عبدالكريم:ههههههههه لأني عارفك مايعجبك إلا ذوقك ليش أتعب نفسي!!
ساره:مالي دخل بآخذه وخلها تلبس الأصفر
ناديه:لاوالله ماتاخذينه أغلى من فستانك بعدين يناسب ذوق سما موأصفرك المتفصخ
ساره:لاوالله..يعني طلع ذوقي خايس بنظركم أشوف
عبدالكريم:ههههههه نمزح ههههه أنتي منبع الذوق ههههه الحين آخذك وأشتري لك على ذوقي
ساره:مااابي ودني محل ماي نايت مواعده جودي
عبدالكريم:يلا أنا بالسياره لاتأخرين
ناديه:ليكون بس سواق أبوها خلها تروح مع السواق والخدامه
عبدالكريم:والله مهيب شينه خلني أتقهوى معك وآخذ علومك
وسويره تروح مع مرجان وكاجال هههههه
ناديه:ههههههه
ساره بقهر:الله لايحرمنــــــــــــي منك يامرجان
مرجان:نعم ماما
ساره(خفست من الفشله):..
ناديه وعبدالكريم:هههههههههه
ساره(ترقع):ووش تسوي هنا أنت ووجهك؟
مرجان:جيب أغراد من جمعيه!
ساره:شغل سياره بسررعه
مرجان:هادر(حاضر)
***************************************
جالسه تذوق الأكل لأنها ماتحب طبخ الشغالات ولا أكل المطاعم ماتحب تاكل إلا من تحت يدينها
حضنها وليد:ياسمينتي ريحه الأكل جناااان
ياسمين:وطعمه بعد روح بدل أكون جهزته لك
وليد:إن شاء الله
وهو طالح سمع صوت بكي فتح باب غرفة بناته:خير وشفيكم؟
يارآ طارت لحضن أبوها:بابا ..أنا رجلي تعورني
وليد جلس على ركبه :أي وحده؟
يارآ:هذي يابابا؟
وليد:آخ ماعليه طيبه أن شاء الله
وراح جاب بلاستر ومعقم جروح وحط البلاستر
طبعآ يارا مافيها جرح مجرد كدمه بسيطه لكنه حب يطمنها ويمحي شعورها بالألم.*_-
نزل تحت بعد مابدل وجلس عالطاوله اللي مرتب عليها الأكل اللي يشهي الواحد
وليد:أحس أني شبعت من ريحة الأكل
ياسمين:ههههه سم بالله وصحتين على قلبك
(ياسمين أمها سوريه وتاخذ ملامح كبيره منها عيونها رماديه وشعرها أشقر وبنتها يارا تشابها كثير بس يارا شعرها بندقي وعيونها زرقاء)
***********************************
أصبحت علاقة وئام وعهد قويه صارو يتبادلون الكتب..المطويات ويروحون مع بعض لدار التحفيط والمحاضرات
كل هذا ماغسل أحقاد وئام ولاغير وجهة نظرها للأنتقام...
عهد:يلا فمان الله..
أم مازن:مين هدي يابنتي؟
عهد:اسماء ياماما
أم مازن:يابنتي مدري ليه قلبي مو مرتاح لها!
عهد أبتسمت:ماما حبيبتي أنا كبيره دحين وعارفه مصلحتي صدقيني لو شفت شي منها مايعجبني حاأسيبها على طول
أم مازن:الي تشوفيه..ترا خالتك أتصلت عشان نروح السوق تعرفي مابقي شي على ملكة ولد خالك
عهد:متى حنروح؟
أم مازن:بكرآ الصباح
عهد:بإذن الله
(عند وئام)
وئام:آهليييين
فواز:ياهلا..كيفك؟
وئام:تمام وأنت؟
فواز:عال العال هاه بشري أش صار معاكي؟
وئام:كل شي ماشي عالأصول تطمن
فواز:يعني قدرتي تصوريها؟
وئام:مممم لالسى
أنقهر فواز:كيف يعني لااا؟
وئام:ف..ف..فواز طول بالك
فواز:كيف أطول بالي يجيلك شهرين معاها مقدرتي تجيبي حتى صوره تافهه بالجوال
وئام بدت تخاف منه:ششوف هي عزمتني الأسبوع الجاي على ملكة ولد خالها
فواز أرتاح شوي:حلو بأي قاعه؟
وئام:قاعة أماسي
فواز:راح أكلم وحده تظمن دخولك بجوال كاميرا
وئام:ططيب
فواز:سسسلام
طوط طوط...
وئام:ياربي وش فيه هذا؟ليش فجأه قلب علي؟كان يموت فيني ويتمنى رضاي والحين كذا يعاملني
سرحت بأفكارها وفجأه دق الباب
وئام:ميييين؟
الخدامه:آنا
وئام:كم إن
دخلت الخدامه معها بوكيه ورد أبيض:ذس إز فور يو
وئام:يو كان قو
تأملت البوكيه وأخذت الكرت:
حبيبتي لاتزعلي مني
كل هدا لأني ماأرضى أحد يمسك بأذى
(فواز)
وئام:ياربيييه لاتحرمني مفاجأته
ناظرت وسط البوكيه فيه علبه مخمليه فتحتها فيها جوالn96
وااااااو ماهي مصدقه*_-.. لعيون عهد طبعآ
*************************
أنقبض قلبها وهي تسمعهم
أم عصام:ياولدي زين ماخترت حلا زينة البنات وعايشه معنا ماهي بطالبه بيت مستقل ولاخرابيط وبنتفق معها على مهر زين نقدر نجمعه
عصام:أجل كلموها وشوفو رايها
ريم:أكيد بتوافق وتستر نفسها ولا من بياخذها يعني يكفي ضافينها عندنا بالمجان جاء الوقت تسدد ديونها
صــــــــــ ـــ ـــ ــ ـــ ـــدمه مومعقوله هذي ريم الي أعز من أختها
ليش يصير فيها كذا ليشش
أختنقت وتسحبت لفراشها بشويش غطت وجهها بشرشف جدتها وبكت بصمت
تذكرت جدتها
((لاتاخذين عصاااام))
أكيد ماراح آخذه لو أيش يكفي سكران كل شوي
والأبر اللي تشوف بزباله غرفته
(جدتي وراسي ماراح آخذه)
ريم:حلاااا...حلاااا..حلا ياربي كل هذا نووم
وطلعت وسكرت الباب
جلست حلا تفكر ماعندها أحد تروح له
وحيده
لكن عندها أمل بالوظيفه الجديده وبعد يومين راح تنسق حفله وتستلم راتبها وبتشوف مكان تعيش فيه
**********************************************
ابراهيم:الحمدلله على سلامتك نورتي البيت
سما:الله يسلمك..منور بوجودك
جت الخدامه معها ورده صفرا:
ويلكم ويلكم مس
سما:ههههه ثانكس ديا
:يو ار ولكم
ناديه تحضن بنتها:تو مانور البيت يمه
سما:بوجودك
ساره:أجي ولامايحتاج؟ههههه
سما:ههههه تعالي
وحضنو بعض وسوو فلم هندي
ابراهيم:سمو أطلعي غرفتك أرتاحي يبه
سما:إن شاءالله يبه
ساره:أنا طالعه معها
وطلعو البنات مع بعض لغرفة سما وأول مادخلت غرفتها:
واااااااو
ساره:وش رايك؟؟
سما:يجنن لوأنا أخترته ماطلع حلو كذا
ساره:هذا ذوق خالي كريم
سما:يابعد قلبي..بس وش المناسبه؟
ساره:عندنا حفله بكره بسلامتك؟
سما وهي تقلب الفستان:والله ممم بس أخاف مايمديني أعزم صديقاتي
ساره:لاتخافين أنا عزمتهم
سما:عساني مانحرم منك
ساره:ولامنك حبيبتي
*****************************
((كلها أيام وليالي وأحضن كفوفك ياغالي))
كان هذا لسان حال رجاء بعد حب سنتين جمعها بعمر
دخلت عليها هدى:رجاااء
رجاء:هااا
هدى:اللي ماخذ عقلك..أمي تقول يلا للسوق
رجاء:جايه
بدلت وأخذت عبايتها ونزلت
رجاء:سلااام
الأم:عليكم السلام
وئام:لونمتي أحسن
سعود:وئااااام ولا كلمه لاأصكك كف..ألحقوني للسياره
ركبو السياره
سعود: رجاءوين تبين تروحين أول؟
رجاء:عزيز مول
وصلو عزيز مول وفرفرو فيه
غرناطه مول..الأندلس مول..محمود سعيد..وغيره وغيره ألين تفل سعودالعافيه
سعود:ول كل هالفرفره وللحين ماخلصتو هذي ملكه أجل كيف الزواج؟
وئام:يلا عاد آخر مول
هدى:تكفى
سعود:أووووف طييب
نزلهن أول مول طلع بوجهه لأنه بس باقي لهن الأكسسوارت
بس جلس ينتظرهن بالكافي
طبعآ وئام أستغلت الفرصه وسعت لثمتها وتعطرت وصارت تمشي بدلع وتضحك مع البياعين
مدرت غير بأيد تمسكها:أسماء؟؟
وئام توهقت:هااا لأ لأ
هدى:وئااام يلا
وئام مشت وهي متفشله
ندى:مين هدي؟
عهد:فكرتها وحده من صحباتي وي أحراج
ندى:ليش صحباتك يلبسو كدا؟
عهد:لأ خلينا نشوف هدا المحل
وراحو البنات للمحل وعهد متأكده من ان اللي شافتها أسماء وأحساسها يأكد لها كذا
أما وئام ودها تدفن راسها بالتراب من الفشله وبقلبها
(هذي وش تغبر هنا!!)
******************************************
عبدالكريم:ياالله..متى صار ذا كله يبو عبدالرحمن
لاحول ولاقوة إلابالله
الله يرحمه
والله..من جدك سلطان بنتي كانت هناك والله
ماااني مصدق
متى دخلت المستشفى؟؟
لاإله إلا الله ياربي لك الحمد
ماتركت مكان سكنها ليه؟
آها زائره
ماراح انسى معروفك يابوعبدالرحمن
فمان الكريم
دق الباب
عبدالكريم:تفضل
دخلت ساره وجهها شاحب مايتفسر:س سلام
عبدالكريم:وعليكم السلام..علامك سويره؟
ساره:بغيتك توصلني لمحل الحلويات أللي حجزنا عنده الجاتوه
عبدالكريم:أبدل وأنزل لك دقايق
راحت ساره بدون ماتنطق نص كلمه
خالها من فرحته مالاحظ وجومها وملامح صدمتها
مستغربه..مصدوومه..مصعوقه
((بنـــ ــــ ـــــتـــ ــــ ـــــه))
خالي عنده بنت يعني متزوج
طيب ليه مخبيها؟
وش المانع؟
ليه ياخالي كذا
جدتي تعبت وعانت كله عشان تشوف ظناك
وأنت مخبي عيالك؟
صح يمكن عنده 5 أو6عيال
عبدالكريم:أنزلي
ساره:هااا
عبدالكريم:ههههههه أنزلي وصلنا
نزلو للمحل وأخذو طلبياتهم ومشو
أتصلت ساره على محل التنسيق عشان يرسلونهم للبيت
وأتصلت بالكوافيره
وطول الطريق وبالها مشغول بسالفة خالها وووبنته تحس نفسها مهي قادره تبلعها
*************************************
وقف الفان الخاص بنقل موظفين المحل قدام بيت أبراهيم
نزلت حلا وزهرة ومعهم ثنتين فلبينيات يساعدونهم و3سوريات يهتمون بالأطباق والحلى
أنبهرت حلا بجمال الفيلا:وااااو قصر ماشاءالله
زهرة:نفسي أشوفه من داخل
راحو يمشون حبه حبه يستمتعون بكل مايصادفهم
الحديقه المشذبه بطريقه متقنه
أنواع الورود وألوانها وريحتها الحلوه
المسبح وتصميمه المميز دائري وبالنص نافوره كبيره
آخيييرآ وصلو الباب الرئيسي
رن الجرس وأستقبلتهم الخدامه
ناديه:جيسي دخليهم
دخلت حلا:السلام عليكم
ناديه:وعليكم السلام
زهره:صباح الخير
ناديه:ياصباح النور بنات تقدرون تنزلون عباياتكم مافيه أحد
نزلو عباياتهم حلا لابسه بنطلون جينز سماوي وتي شيرت وردي
وماسكه شعرها بربطه وتاركته
زهره لابسه جابنيز أسود وتنوره كاروهات أسود وردي وأبيض لحد الركبه
ناديه:راح نبدأ بالدرح حابه نزينه بحركات حلوه وش الألوان الي معاكم؟
حلا:معنا فوشي وتفاحي زي هذي(طلعت سله صغيره سوتها مع زهره)
ناديه:زين هذي من وين أشتريتوها أبي منها كثير
حلا:أحنا صلحناها ومعنا عدد كويس منها
ناديه:حلو أبي منها على كل طاوله 4 حبات بس وش نحط فيها غير أعواد الأسنان؟
حلا:مناديل معطره وعلكه بالنعناع
ناديه:شي حلو نرجع للدرج
زهره:راح نحط تل فوشي عاليمين وتل تفاحي عاليسار ونزينهم بالورود الملونه ونسوي ضفاير بالساتان وننزلها عالأطراف
وبدو بالشغل حلا وزهره عالدرج والباقي تزيين الطاولات
والضيافه
ساره:وااو يعطيكم العافيه
حلا:الله يعا...ســــــــــــاره
ساره:حــــــــــــلا
حضنو بعض بحراره
ساره:وشخبارك يالشينه صدق عاش من شافك
حلا:ههههه تعيش أيامك يالزينه
أنتي شخبارك؟
ساره:بخير ماتوقعت أشوفك مره ثانيه
حلا:ولاأنا بصراحه
ساره:يماااه..يماااه
ناديه:نعم
ساره:تعالي بعرفك على حلا
جت ناديه:هلا يمه
ساره:هذي حلا اللي كلمتك عنها
اللي شفناها بالمصلى و..و ياما كلمتك عنها
ناديه:تشرفت فيك يجي لها شهر مالها سيره غيرك بس ماتنلام ماشاء الله عليك قمر وجهك ماينسي بسهوله
أنحرجت حلا:تسلمين ياخاله
نادية:بنت مين أنتي؟
حلا:عبدالكريم الـ...
ناديه:آها ونعم
حلا:ماعليك زود
حست ساره بنغزه بقلبها ماتدري وش سببها
ساره:أنتي عايشه مع أبوك؟
حلا:لأ
ساره:أجل
حلا:خالتي
ساره:وأبوك؟
حلا حبت تختصر الحوار الي تعبها وفتح جروحها:
بروح أكمل شغلي
ومسحت دمعتها بطرف أصبعها
وراحت
ناديه:ساره علامك ضغطتي عالبنت
ساره وكنها ندمت:موقصدي يمه
عن أذنك
مرت جنب حلا ومسكت يدها:
تعالي معي
ترددت حلا لكن ساره سحبتها
طلعو لغرفة ساره وهناك حلا أعترفت لها بكل شي وجلسو يبكون واللي صدمها صورة خالها بسلسلة حلا اللي أخذتها منها بدون ماتحس عشان تأكد شكوكها
ساره:إذا خلصتي شغل لاتروحين أبيك تحضرين الحفله
حلا:بس
ساره:لاتشيلين هم فستانك بيوصل بعد شوي والكوافيره بالطريق
ضمتها حلا ماتدري ليه ترتاح لها
*********************************************
ريم:صدق يمه!!
أم عصام:أيه صدق زواجك بعد شهرين
ريم:مومصدقه
أم عصام:بنزوجك مع عصام بليله وحده ونخلص
ريم:وناااسه بس كلمتو حلا بالموضوع
زالت أبتسامة أم عصام:لأ
ريم:أجل؟؟
أم عصام:أكيد بتوافق ماعندها حل ثاني بعدين هي تناسب أخوك وبتكون له ستر وغطى
ريم:صح محد ناقص فضايح عصام دايم مفشلنا زين أن أحد تقدم لي وهذا أخوي
طــ ــ ــ ـــ ــ ـرآآآآخ
طاحت عالأرض مومصدقه
عصام:ماني مالي عينك يال...
ناسيه نفسك يعني
وترا هاللي خاطبك أنا دافع له وبالعله أقنعته يخطبك
صــــــــــــدددمــــــــ ــــه
ريم:ايششش؟
عصام:اللي سمعتيه تحسبينه عاشق سواد عيونك يابنت الباشا
أنا عرضتك عليه!!
أم عصام:بــــــــــــسس
عصام:ليش موعاجبك كلامي أنت كنتي موافقه عليه وآصلا بالأساس كلها فكرتك هو كان يبي خالتي سمر وأنتي طمعتي فيه لبنتك
أنهارت ريم وفقدت وعيها
اللي تسمعه شي فوق أحتمالها
وأمها ضاغطه راسها بأيديها وتناظر عصام بزعل ووعيد
أم عصام:عصــــــــــــام لوصار لبنتي شي ماراح اسامحك لين أموت
عصام:آخر همي عاد..ذبحت أمك وبذبحك وأفتك
أم عصام ماتحملت كلامه وطاحت جمب بنتها مغشي عليها
*_-)
دق عصام عالأسعاف وطلع وترك لهم البيت
**************************************
في جده...
ندى:لا لا لا بصراحه حتغطي عالعروس
عهد:ندو لاتبالغي
جمانه:بالعكس ياعهد مره طالع شكلك نايس مع أنو مكياجك خفيف
أنحرجت عهد:بنات كفايه
البنات:ههههههه
كانت عهد لابسه فستان ناعم أورنج مشكوك بالذهبي وماسك على خصرها النحيل
مسويه شعرها بف من قدام والباقي كيرلي وحاطه مكياج خفيف شادو ذهبي مدموج بالأورنج وقلوس أورنج بلمعه ذهبي وخدودها مورده
طالعه مرررره ناعمه...
وصلت وئام للقاعه وكانت متوتره نوعآ ما لابسه فستان أسود فتحة الصدر واسعه ومطرزه بدانتيل أكمامه علاقي شريطه حمرا تحت الصدر وظهرها مغطى بدانتيل رافعه شعرها بشكل مرتب وحاطه فيونكات حرير حمرا بشعرها ومكياجها سموكي وروج أحمر صارخ كان شكلها ملفت لدرجه كبيره
جلست تفكر وين وكيف تصورها
لفت أنتباهها صاله الطعام مقابله للمنصه يعني بعد العشاء إذا فضيت صاله الطعام بتدخل بكيفها وتصور
:أسماء؟؟
وئام:أهلين عهد كيفك؟
عهد:الحمدلله..أش الحركات هدي والجمال دا فين مخبيتو؟
وئام:ههههه المفروض أنا اللي اسألك طالعه واووو...
عهد:هههه من ذوقك
وبدأ الدي جاي يصدح والفرحه باينه ع الكل
***********************************************
في الشرقيه..
بدأت الحفله..والدي جاي يبث أغانيه والبنات يهزون على نغماته
ساره بفستانها الأصفر اللي تحت الركبه بدون أكمام بس ربطه فوشي للرقبه نازل منها سلاسل فضيه مزينه بورود فوشي وكان ماسك علينها ومبين جسمها الجذاب كانت مسويه شعرها الأسود كله كيرلي ومزين بورود أصفر وفوشي
ومكياجها بدرجات الزهر مع تداخل بسيط للأصفر
أما سما لابسه فستانها العسلي الحرير لنص الساق بربطه بنيه من الدنتيل تحت الصدر وجاكيت دانتيل قصير طبعآ ماحطت إلا قلوس زهر وكحل خفيف
أما حلا أكلت الجو بحلاها
لابسه فستان من التل موف لنص الساق أكمامه كت فيه ورده كبيره عالجمب وسترس خفيف عالصدر مع تداخلات ناعمه ومكياجها كان بدرجات الموف وعيونها الذباحه مرسومه بدقه كانت مسويه شعرها شينيون وطالعه روعه
قالت وحده من الحريم:هذي بنت ناصر ولاعبدالله
ناديه:لأ هذي صديقة ساره
قالت ثانيه:والله حسبتها تقرب لكم عليها دمكم سبحان الله
قالت وحده:صادقه والله
ساره:حلا تعالي سلمي على جدتي أم عبدالله
حلا:طيييب
ساره:مساك الله بالخير يالغاليه
أم عبدالله:هلا يمه ساره مسا النور
ساره:جده هذي حلا صديقتي
حلا باست راسها:كيف حالك ياأم عبدالله؟
أم عبدالله:بخير يامال الخير
حلا على طول دمعت عيونها تذكرت جدتها
ساره:حلااا الله يهديك بس عن إذنك ياجده
حلا:مقدر تذكرت جدتي الله يرحمها
ساره:حلا
حلا:هلا
ساره:أبيك بخدمه أنسانيه
حلا:أيش؟
ساره:وحده من صديقاتي بالمستشفى محتاجه دم ومالقو فصيلتها
حلا:ماعندي مشكله مستعده أتبرع لها
ساره:حياتي تسلمين دقايق أكلم خالي نروح لها
حلا:الحين؟
ساره:أيه
*************************************
في جده..
بعد العشاء قامو الناس يستعدون لانه العريس والعروسه راح يدخلون بعد نص ساعه عشان يلبسها الشبكه
واستغلت الفرصه عهد جالسه عالطاوله تاكل شوكولاته وتشرف قهوه رفعت الجوال
صوره..صورتين..ثلاثه..أربعه..خ مسه
حطت الجوال بصدرها وراحت تمشي بخيلاء وتبتسم لعهد بخبث وجلست مكانها طلعت جوالها الثاني ودقت على فواز وخبرته بكل شي
وفرح بشكل كبيره ووعدها يمرها وتشتري الهديه اللي تبغى على حسابه وطبعآ وافقت وجاء فبالها مازن ودها تحرق قلبه أتصلت عليه
مازن:آلو
وئام:آهلين
مازن:مين معاي؟
وئام:خلود..أو تقدر تقول اللي بتدمر حياتك بعد ساعه
مازن:خلود أيش تقولي أش قصدك؟
وئام:تبغى توزع صوري ياحقير لكن بتغدى فيك قبل تتعشى فيا
مازن:خلود حبي أشبك من قال دا الكلام
وئام:موشغلك كلها دقايق وأفضح أختك عهد
مازن:عهــــــــــــد لا لاتقربي لأختي أعطيكي اللي تبغيه موتيني بس عهد لا
قفلت وئام وأبتسمت بنصر دق جوالها وكان فواز وصف لها سيارته وطلعت له
وئام:هااااي
فواز:هايااات
ركبت السياره وحرك
فواز:من فين تبغي هديتك؟
وئام:مممم من داماس
فواز:من عيوني..هاه جبتي الصور؟
وئام:بالحفظ والصون لاتخاف!
فواز:كم صوره؟
وئام:خمســــــــــــه
فواز:بصراحه أنتي خطيره
وئام:ههههههههه أعجبك
فواز:ههههه بدري عليك مايعجبني غير عهوده
وئام أنصعقت:أيش؟؟
فواز:اللي سمعتيه أنا مستحملك بس عشان حبيبة قلبي
وئام:يعني كنت تستغلني عشان توصل لها؟
فواز:أول مره أحسك ذكيه وتفهمي
وئام:ليــــــــــــش؟
فواز:لسببين كرهي لأخوها حبيبك سابقآ
ولرفضها لي قلت أكسر غرورها وأحرق قلب أخوها وكدا أكون ضربت عصفورين بحجر
وئام:أنت حقير وسافل و...و...
فواز:أنا وأنتي من نفس الطينه هههههه
وئام:نــــــــــــزلني
فواز:فين حتروحي فنص الليل
وئام:موشغلك
مادرو إلا الهيئه مداهمتهم بعد مابلغ عليهم مازن نزلو منها أثين قدامهم وسياره وراهم
مشى فواز بسرعه ودعس واحد منهم والسياره الثانيه وراهم على طول بلغو الشرطه وحاول فواز يضيعهم ماقدر
ماشي بكل سرعته وفجأاااه
طلعت قدامه دورية شرطه صدمها وانقلبت السياره
مره
مرتين
ثلاثه
وتوقفت..
وأختفت ملامحها من قوة الحادث
والكــــــــــــارثه
بدت النار تستعر فيها
وصل الدفاع المدني بعد عشر دقايق
بس مالحق فحمت السياره
فواز فارق الحياه وسلم الروح خالقها
أما وئام من قوة الحادث طارت من الزجاج الأمامي وغرقت بدمها والله أعلم إذا هي حيه ولا لأ
***************************************