الفصل 1
الجـــــزء الاولــــــــ
يوم الخميس
الساعة 3 العصر
نشييت على صووت تلفووني
رديت عليه: الو
راشد: صباح الخيير عليووتي
عليا: صباح النوور عمري
راشد: يالله فديتج الحين الساعة 5 العصر متى بتنشين
عليا: الحين بنش يالله باي
راشد: باي عنوووني
نشيييت من ع الشبريية.. ها راشد خطيبي وف نفس الوقت عيال عم ..عمري 21 سنة وتوني مخلصة الكوليج
وحاليا عندي محل عبي اصمم ديزاينات هي مجرد هواية ووقت ما افضى وامي فديتها عندها خبره تساعدني احيانا
دخلت الحمام "عزكم الله " تغسلت وخذت لي شوور
لبست برموودا جينز وعليه فيونكات بالوردي وبدي وردي
نزلت تحت وشف امي فدييت رووحها ويا اخوااني
بعرفكم على اخوااني
حمدان 24 سنة يشتغل مع ابوية ف الشركة..طوويييل وعريض وخرييش بس عصبي ومغازلجي
سلطان:22 سنة يدرس في الجامعة شخصيته غاامضة
عبدالرحمن: 21 سنة يدرس ويا اخوه سلطان ..حنوون وطييب والكل يحبه ومغروور وخقااق شخصيته حلوة يحب اليهال
وعبوود اللي ف الكيجي
وعندي اخت معرسة اسمها الريم عمرها 24 سنة وعندها حمد 3 سنيين
عليا: صباح الخير ماما
ام حمدان: صباح النور حبيبي..شو توج نااشة
عليا: هيه
ام حمدان: غرييبة احييدج تنشين المغرب
قلت وانا مستحية:ماما ها راشد وعااني
ام حمدان:ههههههههه فدييت رووحج
عليا: امي ابغي ارووح صحارى
ام حمدان: حمداان امي ودها صحارى
حمدان: انا مشغوول بظهر بعد شوي مواعد ربعي
قلت ف خااطري: اقص ايدي اذا مب رباعتك
عليا:اميي قولي له
عبدالرحمن: ما علييه فديتج روحي تزهبي انا بوديج
عليا: فدييت رووحك حماااني
رحت حجرتي ولبست بنطلون احمر وعليه اشيا بالذهبي وبدي ذهببي وعباة وشيلة طقم باللون الذهبي:
نزلت تحت وشفت حمااني لابس كندوورة بييج وسفرة حمرة
حمااني: خلصتي عليوو
علاية: هييه خلصت
ركبت سياارته بي ام سبوورت:
حماني: عليا فديتج لا تطووليين لأني موااعد الشباب اليوم
ردييت عليه بدلع: من عنوني
وصلنا صحاارى
دشييت محل ام اس وكليرز ودبنهامز واكسسريز و الدو وناين وست ووو... ههههه حليله حماني كرهته حيااته خمييت صحاارى
حماني: عليا حبيبي خلصي اذن المغرب والعشا
رديت عليه ببرائة:حمااني والله بس شوي احس اني ما شرييت شي
حمااني: اوكي شو رايج نروح نتعشا واوعدج يوم الاثنيين اييبج واتشري قد ما تبيين الحيين ماشي وقت
عليا: امم اووكي
حماني: الحيين شو في خااطرج تااكليين
عليا: خااطري كنتاكي
رحنا تعشيينا ورديينا البييت لقييت اختييه الريم وولدها حموود
سلمنا ع الريم وحموود من شاف حمااني راح يحظنه
حماني يكلم حمد: انا منو؟
حمد: انته حماني
حماني: جب شو اصغر عيالك حماني قول خالي عبدالرحمن
حمد: لا انته حمااني
ضحكت عليهم ودشييت حجرتي
رن تلفووني على اغنية سلام العشق
سلام العشق واعماقة
يضم القلب واشوقه
عليا: الو
راشد: هلا وغلاا وينكوو اتصل فييج اطرش لج مسجات ما ترديين
عليا: سوري بس كنت طالعة ويا حمااني
راشد بعصبية: ويين راايحة بدوون شووري
حسسييت بخووف منه
راشد يصاارخ: بتميين سااكته يعني ويين راايحة
عليا: ر..حت رحت صحارى
راشد: وانتي من متى تظهريين بدوون شووري
عليا طفرت:راشد هاي اول مرة واخر مرة شو استوى يعني نسييت
راشد: اقول انا مزاجي متعكر الحين يلا باي
عليا:بااي
صكييت تلفووني صج تعكر مزااجي
دشت عليه امي وقالت لي ان عياال عمي بيونا
عمي بو جاسم
جاسم: عمره 27 سنة ماخذ اختي الريم
راشد: 24 سنة خطييبي
خولة: 21 سنة توامي فدييت رووحها***69***
عمتي نورة ريلها متوفي الله يرحمة وعندها بنت بس اسمها عبير
عمرها 21 سنة كانت وياية انا وخولة في الجامعة
عمي سيف عمره 29 سنة ولين الحيين ما عرس
الساعة 9 نشييت اتزهت لبست تنورة وقميص بلوون تركوااز وفضي وحطيت اي شدوو تركوااز وقلووس وردي وبلاشير وردي .لبست شيلتي السودة كان فيها شغل بلون تركواز
نزلت تحت حصلتهم متيمعيين وراشد بعد كاان مووجود كان لابس كندوورة سوودة ومتسفر بسفرة حمرة
سلمت علييهم ..راشد كان يطاالعني بس كنت مسوية طاف لاني زعلانة
وصلني مسج
حبيبي سوري لأني صرخت علييج
"كان المسج من راشد"
طنشته وما ردييت علييه