الفصل 4
وهذا البارت لعيووونكم حبيباتي
في بيت فــرح ...
فهد : فرح عمي يبيك
فرح : يلا جايه .. بس عمي لحاله وإلا عنده أحد
فهد "وهو يغمزلها": هههه .. أحد مثل منو ؟؟
فرح : وجع فهد لاتخبل
فهد : لا بس عمي بالمجلس والعيال بالديوانيه
دخلت فرح وسلمت ع عمها "
أبومحمد : يابنيتي أنا ناديتك عشان أعرف رايك بزواجك من محمد هاه أنتي موافقه ..!
فرح "حمرررة خدودها" : .......
أبومحمد "وهو يبتسم لها" : أظن السكوت علامه الرضى هاه نقول مبروك
فرح "هزت رأسها يعني أيه وراحت تركض "
أبومحمد : ههههههههه
ع ماطلعت فرح جاء محمد مطييير : هاااه وافقة
أبومحمد : ألف ألف مبروك
محمد "والأبتسامه مرسومه ع وجهه " : صج .. أحس أني بحلم
ناصر "يقلد الحريم ": كللللللوووش ألف صلي وسلم عليك ياحبيب الله محمد
محمد : ههههه الله يرررجك
.. يبه متى الملكه ..!
أبومحمد : الاسبوع الجاي بإذن الله
دخل أبو محمد ومحمد وناصر البيت وأستقبلتهم
أم محمد ومنال
أم محمد : كلللللوووش بالمبارك ياوليدي
محمد : الله يبااااارك فيك
منال "وهي رافعه يدينها" : عقبالي يارب
أم محمد :وجع أنتي ماتستحين
ناصر : ياحرام يامنول تبين تتزوجين حلم إبليس بالجنه هههه
منال : ياربي ماأدري ليش أحس أن ناصر شريكتي مو أخوي
قطع كلامهم صوت جوال محمد وكان رقم غريب
فأخذ جواله وطلع من الصاله
محمد : ألو
المتصل : سلام يابوحميد شخبارك ..!
محمد : وعليكم السلام .. أنا بخير ولله الحمد ..
المتصل : شكلك ماعرفتني !
محمد : أي والله ماعرفتك !
المتصل : أنا ماجد
محمد : هلافيك مسرع ماغيرت رقمك أمس مكلمك
المتصل : أي رقم وأي خرابيط أنا صديقك ماجد الرازي
محمد : أعذرني يالغالي خربطت بينك وبين واحد من ربعي أسمه ماجد الحمد
ماجد : لاولايهمك
محمد : أخبار دراستك !!
ماجد : الحمدلله دراستي تمام وباقي لي سنه ونص
محمد : صج أنت وش تدرس ومتى جيت السعوديه !
ماجد : مسرع مانسيت أنا أدرس طب طبعا دكتور عظام
وأمس وصلت من كندا ..
محمد : الله يوفقك .. وش أخبار أبوك صارله أسبوع مامر أبوي بالشركه !
ماجد : أووه أبوي رايح سياحه ع قولته يغير جو
.. يلا يابوحميد يجيني خط تامر بشي ..!
محمد : سلامتك بس لازم تزورني بالبيت أنتظرك
ماجد : إن شاء الله مايصير خاطرك إلا طيب إذا فضيت بمر عليك ..
¤بعــــد مرور أسبوع ¤
في بيت فــــرح ..
محمد ملك ع فرح والكل باركله وفرحله ..
أبومحمد : مبروك ياولدي منك المال ومنها العيال
محمد : الله يبارك فيك
"طلع محمد وأتصل ع منال "
منال :أهلا بالعريس
محمد : أقول عن الخرابيط الزايده وتعالي لي عند الباب أبيك بســــرررعه
___ ___
منال فتحت الباب :خير وش بغيت
محمد : أبشوف زوجتي بس بدون ماتدري أبيها مفاجأه
منال : نعم نعم بهالسهوله تبي تشوف زوجتك لاوبعد بدون ماتدري
محمد : عادي مافيها شي ..
منال : أولا بنات خالتها موجودات
ثانيا البنت مومستعده زين
محمد : قلتلك بشوفها يعني بشوفها وهالحين .. طيب فروحتي وينها !
منال :فروحتك صعدت ترتب غرفتها
محمد : حلو .. أنتي روحي شوفي لي طريق وأنا بروحلها بغرفتها
منال :يلا أمش وأمري لله
منال وصلت محمد عند باب غرفة فرح
محمد : يلا وريني عرض كتافك
منال "وهي ماشيه": مردوده ياحمود
فتح محمد باب الغرفه ودخل بدون ماتحس عليه فرح
وقف يتأملها وهي ترتب السرير ولابسه بجامه أخضر بأصفر
وراح يمشي من وراها
وبســـــــررعه شالها وقعد يدور فيها
فرح "من الخوف صرخت" : يمـــــــااااوه
محمد :هههههههه لهدرجه أنا أخوف
فرح "وخدودها حمرا": لا والله بس ماأنتبهت لك زين
محمد "وهو يدور فيها" :هاه إلحين أنتبهتي أني حبيبك محمد
فرح "وهي متعلقه برقبته " : تكفى محمد نزلني
محمد : ههههه مجنون أنزلك وأنا ماصدقت تحضنيني
فرح : تكفى ياحبيبي الله يخليك وربي بمووت من الخوف
محمد : بنزلك بس عشان قلتي ياحبيبي
ونزلها ع السرير ..
وأنجضع بجنبها وسند راسها ع يده
وقعد يكلمها ..
ماتخيلين شكثر مستانس اليوم ياحياتي ..
فرح : صج محمد ..
محمد : نعم ..نعم لاحبيبتي أنسي أن أسمي محمد سميني بأسماء ع ذوقك
فرح "وهي تفكر أنها تغايظه " : طيب شرايك أسميك أممم ولد العم
هههههههه
محمد : هييين أوريك أنتي ماتمشين إلا بالخوف قبل شوي وأنتي خايفه حبيبي وألحين ولد العم
فرح : ههههههه هههههه
محمد "وهو ينظرلها نظرات خبث ويقرب منها حيييل وحط وجهه بوجهها " : ألحين أخليك تضحكين زين
فرح "وهي تحاول تبعده " : خلاص حبي أبعد عني لاتفضحنا ولاتنسى أن زواجنا بعد تسع شهور
محمد "وهو يحضنها بقوه " :عادي حبيبتي نقربه مافي مشكله
فرح "وجهها أحمــرر أصفرر اخضر صار كوكتيل من الأحراج "
وفجأه ..
فجـــــأه ...
فجـــــــــــأه ...
فجــــــــــــــأه ....
<طـــــق الــــباب >
(هههههه مقلبتكم لايكون راح بالكم بعيييد "أن بعض الظن أثم )
يلاه نرجع حق قصتنا ...
على ماطق باب الغرفه ..
فز محمد مثل الملسوع ..
وفرح "واضح الأرتباك بوجهها" : منـــــــو
منال : أنا منال
"محمد يقطع إبليسها هادم اللذات صج "
فرح "ميته ضحك ع شكل محمد وهو يتحلطم " :خير وش بغيتي
منال : بغيت أذكر الأخ اللي عندك أنه شوي وبيأذن الفجر ومارحنا بيتنا
محمد : أنقلـــــــعي خمس دقايق وأجيك
منال : أموووت وأعرف وش قاعدين تسوون
"محمد فتح باب الغرفه بوجهه منال وقالها : إذا أنخطبتي بتعرفين حنا شنسوي ضفي وجهك وأنا جايك "وصك الباب بوجهها"
راحت منال وهي تضحك ع كلام محمد ..
في الـــــيوم التــــالي ...
دق جوااال محمد ...
محمد : ألــــوو
ماجد الرازي : السلام عليكم
محمد : وعليكم السلام
ماجد : شخبارك وأخبار الوالد ..!
محمد : بخير الله يسلمك
ماجد : أقول يابوحميد ترى بمرك اليوم ع المغرب
محمد : حياك الله بأي وقت بس حط ببالك العشاء عندي
ماجد : تسلم بس العشاء ع حسب الظروف
محمد : بدينا بالأعذار
ماجد : ههههههه يلا إلى اللقاء
في وقـــــت العصر ..
محمد :يمه قولي لميري تجهز حلا وقهوه صديقي بيمرني بعد المغرب ..
أم محمد : إن شاء الله ياوليدي ...
<طلع محمد غرفته ودق ع فرح >
فرح "بعصبيه": نعم
محمد "وهو يضحك: شدعوه وش فيها الحلوه زعلانه
فرح : ليش أمس جوالك مقفل وحتى ماقلت لي تصبحين ع خير
محمد : هههههه وأنا متى رحت من عندك ..!
فرح : رحت الساعه 2باليل
محمد : لاغلط 2الفجر للمعلوميه فقط
ومن وصلت البيت نمت وقبل شوي قعدت وهذاني أكلمك
هاه حبيبتي زعلانه
فرح : وأنا أقدر أزعل
محمد : ههههه ياعياره
وأستمروا يكلمون تقريبا ساعه .. وبعدين سكروا
وفرح قعدت تفكر شلون حياتها تغيرت 180درجه بعد أرتباطها بمحمد اللي عوضها عن حنان الأبو اللي فقدته محمد اللي رسم البسمه في حياتها ..
وفي وقـــــت المغرب ...
محمد : حياك الله يالغالي تومانور البيت
ماجد الرازي :منور بأهله
محمد : تفضل أستريح
ماجد :زاد فضلك
الإ صج الخبر اللي سمعته من أبوي ..
محمد : وش سمعت ...
ماجد : سمعت أنك بتتزوج ..
محمد : أيه أمس ملكت ع بنت عمي
ماجد : ألـــــف ألـــــف مبرووك
محمد : الله يبارك فيك وعقبالك
ماجد : هههه لاياخوي أنا شايل فكرة الزواج من راسي لما أستقر
(منال ماكانت تدري أنه في أحد بالديوانيه لأنها كانت توها صاحيه ولابسه بجامه أبيض بوردي..
جلست بالصاله ونزلت جوالها ع الطاوله ...
جاها محمود وبيدينه كوره
منال أمشي نلعب كوره بالحديقه
منال : أقول رح ألعب لحالك مالي خلق لك
محمود "حذف الكوره بوجه منال وقالها : أنا ماأحبك
وطلع يركض
ومنال تركض وراه : تعال ياحيوان
ومحمود فتح باب الديوانيه محمد شوفها بتضربني وطاح بحضن محمد
وماحس محمد إلا منال داخله عليهم وهي تصايح وتقول :وربي لأذبح ...."ماكملت كلمتها لأنه أنتبهت للرجال اللي جالس"
ماجد حس بدوخه من جمالها وهوكان يطالعها بلاشعور وبعدين أنتبه لنفسه ونزل عيونه
ومنال من الصدمه إرجعت وهي تركض ماتشوفون إلا عجاجتها ... ولماوصلت عند باب الديوانيه طــــوووب طاااااحت
وصراااخها لج البيت كله :أأأييييااأ محمد إلحق علي
محمد رااااح يركض ... وماجد ماكان يدري وش يسوي وحس أن قلبه أنقبض مع صراخها كان بيقوم بس تردد
محمد جاء بيحرك رجل منال
أول مامسكها
صرخ عليه ماجد :لااا..محمد
محمد :ليييش !
ماجد : لاتحركها كذا بتضرر مدها بهدوء
محمد : والله ماني عارف وش أسوي تعال أنت وشوف شغلك ..بروح أدخل السياره عشان أنقلها للمستشفى !
منال "وهي تبكي " : لا محمد خلك معي
محمد "بعصبيه": منال ترى هذا دكتور وأتركي عنك حركات الأطفال
وجاء ماجد وهو منزل راسه وبدى يمد رجلها بهدوء ويقول "سبحان من خلقها بصرااااحه أجمل مخلوق رأته عيناي "
ونقلها محمد للمستشفى ..وطلع فيها خلع بسيط ..
وهم بطريقهم راجعين للبيت
محمد يكلم منال وهي ساكته
محمد"يطالع منال ويبتسم " : منوله زعلانه !
منال : ليش تركت صديقك عندي
محمد : وهذا اللي مزعلك ..
منال : لاوالله تتركني مع رجال غريب وماتبيني أزعل
محمد : هذا مو غريب هذا أخو دنيا بعدين الغلط عليك أنتي اللي دخلتي علينا
منال : ماكنت أدري أنه في أحد عندك
محمد : خلاص أنسي اللي صار ..
ودق جوال منال مسج
وفتحته" أدري مو من حقي أرسلك بس قلبي مارضى إلا يرسلك ويقولك فقدتك
.... ماجد "
إبتسمت منال وقفلت جوالها
♥♥
♥♥
♥♥
♥♥
♥♥
بــــــعد مرور الأيام والشهــــــور ....
ناصر "وهو يصرخ":يمـــــاااوه نجحت تعالوا
ياهل البيت أنا نجحت من العلمي
أم محمد : ألف مبروك وكم تقديرك
ناصر "وبكل فخر" :جيدجدا أصلا المفروض يكون ممتاز بس الأستاذ خاف علي من العين وقال أحط لك جيدجدا
ودخلت منال : تكفى ياشيخ لاأكيد الأستاذ يمزح معاك ههههاااااي
أم محمد : وأنتي بشررري
ناصر : لاتخاااافين بنتك دافوره
منال : بسم الله علي .. أنا الاولى بالدفعه
بس طمنونا عن العريس نجح وإلاباقي
أم محمد : أيه نجح دق علي من الصبح يبشرني
منال : يمه بروح أنام قعديني ع العصر عشان أكمل باقي ترتيبات العرس ...
بغرفة فــــــرح ..
وصل مسج لجوالها
" ليش كل هالجفا ليش ماتردين علي وأنا ببشرك بنجاحي...
.. المرسل : ♥ملك قلبي ♥ "
ومحمد كان يتمشى بالحديقه وماسك جواله ووصله مسج
"ألف مبروك حبيبي وكلها يومين وبكون بأحضانك
المرسل : فرحت أيامي "
محمد حضن جواله من الفرحه وقعد يكلم نفسه آخييرا مرة الأيام .. وبيتحقق حلمي ...
~ ~ ~ ~
لـــــكن ...!!
مالذي تخفيه الأقدار لمحمد وفرح وماذا ينتظرهم بعد يومين هـــــل سيكون يوم سعيد أم حزين ....!!
أكمـــــلوااا القصه لتعرفوا
الأحداث ...
في غرفة فرح ...
أم فهد : فروحه قومي يابنيتي
فرح : يمه خليني بس خمس دقايق
أم فهد : يابنت قومي خلينا نلحق ع الصالون نسيتي أن اليوم عرسك
فرح "نطت ع طول " : يووه يمه والله أني خايفه
أم فهد : يلا بلا دلع وقومي
ودخلت عليها نوف وعبير : عروستنا للحين نايمه
نوف نطت عليها فوق السرير :قووومي ياخبله والله لوأنا العروس كان قبل عرسي بشهر مانام من الفرح
فرح :ههههههه يلا بقوم
قامت فرح وأخذت شور وجهزت نفسها وراحت لصالون ومعها نوف وعبير
في بيت هـــــيفاء :
هيفاء جالسه بغرفتها تبكي ع حلمها اللي ضاع
وتكلم نفسها وتقول :معقوله زواجك اليوم يامحمد
آآآه لازم أخرب فرحتك مثل ماحرمتني من فرحي هيين يامحمد بذوقك المر اللي اللي ذوقتنياها ...
(تتـــــوقعون وش راح تسوي هيفاء ..!
وهل تستطيع أن تحرم محمد فرحته ..! )
أكملووا القصه حتى تعرفون بنفسكم ...
في القـــــصر ...
منال كانت قمه في الجمال بفستانها الأصفر
وعبير نعومه ولابسه فستان بيذنجاني بفضي
ونوف كانت بارزه بلونها الطفولي الوردي
في غرفة العروس ..
فرح : عبير شرايك فيني !!
عبير : ماشاء الله عليك بصراحه أنتي خياااال
منال : وربي قمر الله يعين أخوي محمد لشافك
فرح "صارت حمررراا"
نوف "جت تركض" : يلا بنات جاء وقت الزفه
فرح : لاخلاص بطلت مابي أنزف
منال : لييش حنا نلعب
يلا أتركي الدلع
ودخلت فرح القصر ع أنغام موسيقى هاديه وبأضواء خااافته والكل أنبهر من جمالها وأناقتها
إلى أن وصلت الكوشه
وإبتسمت فرح للبنات اللي يرقصون قدامها
هيفاء كانت تطالع لفرح من بعييد ودمعت عيونها وقالت الله يوفقك وكل شي قسمه ونصيب وطلعت من القاعه قبل لايزفون محمد عشان مايتجدد الجرح ...
جاء وقت دخووول محمد ..
البنات لبسوا عباياتهم ..
ودخل محمد وأبوه وناصر
أبومحمد : جلس محمد ع الكوشه وطلع
لكن ناصر طلب من الطقاقه تغني بأسمه وغنت له ..
وقام يرررقص وأنتبه لصوت نوف اللي واقفه وراه وتشجعه : عااااش نصور أيوووه وتصفر
قرب منها ناصر بدون ماحد ينتبه له وقالها : أحبك مووت
نوف تجمدت بمكانها من الصدمه .. وناصر غمزلها وهو يبتسم ..وطلع ..
في الفنـــــدق....
فرح جالسه ع طرف السرير ..
ومحمد جالس قدامها ع ركبتيه ..
محمد : ألف مبروك ياأحلى عروس
فرح "بصوت واطي" : الله يبارك فيك
محمد "حط يده عند حنكها" : أرفعي رأسك
فرح رفعت رأسها وتلاقت عيون الحبيبان وبدو يتكلمون بلغه العيون
محمد "باسها ع رأسها" : الله يخليك لحبيبك
يلا قومي بدلي فستانك عشان نتعشى
فرح "تطالعه وجهها أحممررر "
محمد "يبتسم لها " : تراني زوجك للمعلوميه فقط
فرح : محمد أطلع خمس دقايق بس
محمد "يأشر ع عيونه" :من عيوني .. وهاه ترى بس اليوم أطلع من بكره أنسي ..
ويغمزلها وطلع ..
وكملوا المعاريس ليلتهم
وناموا بعد صلاة الفجر ..
وصحى محمد ع صوت آذان الظهر وأول مارفع رأسه شاف فرح وهي واقفه عند المرايه وتسرح شعرها
وهي تشوفه بالمرايا إبتسمت و قالت له : صباح الخير حبيبي
محمد يبادلها الإبتسامه : وربي أحلى صباح في دنيتي
يادنيتي أنتي ...
فرح وجهها أحمررر
محمد : تسلملي هالخدود الحمراء "وقام قرصها من خدها"
يلا حبيبتي جهزي أغراضك عشان نروح نسلم ع الأهل ونلحق ع الطياره
فرح : محمد تكفى قولي وين بنروح
محمد : لما نوصلها بتعرفين ماراح أخرب المفاجأه ...
"وراحوا سلموا ع أهلهم وبعدين راحوا للمطار ينتظرون رحلتهم إلى ماليزيا "
وبعد ساعات تم وصولهم إلى ماليزيا ...
محمد وفرح بسيارة الأجره متجهين للفندق
محمد : هاه فروحتي وش رأيك بالمفاجأه ...
فرح : حلوووه مثل صاحبها ..
(وقضوا في ماليزيا أجمل أيام حياتهم محمد كان يحس أنه مالك الدنيا كلها بزواجه من فرح
وفرح كانت أسعد إنسانه بالدنيا تنام ع حب وتصحى ع حب )
في بيت أبومحمد ...
منال تتصل ع هيفاء ..
هيفاء : ألوو ..
منال : وينك يالقاطعه من زواج محمد وأنتي لاحس ولاخبر
هيفاء : ول .. ول لهدرجه معصبه
منال : وأكثثثر ..
هيفاء : والله كنت مشغوله
< داخل ماجد ع هيفاء ..>
ماجد : لحظه لوسمحتي من تكلمين ..
هيفاء : يعني من أكلم منال طبعا أخلص وش بغيت البنت تنتظر ع الخط ..
ماجد "وهو يعلي صوته عشان يسمع منال" : لاسلامتك بس حبيت أبلغك أني قررت أتزوج عن قريب بذوق حلاوة الدنيا ..
وطلع وسكر الباب
هيفاء : الحمدلله والشكر ..
( منال سمعت كل الكلام اللي قاله ماجد وطارت من الفرحه لأن ماجد بصدق يحبها مثل ماهي تحبه وحبت تنهي المكالمه بسرعه قبل لاتحس هيفاء بشيء )
منال : يووه هيوفه يجيني خط اكلمك بعدين مع السلامه ..
بعد مرور أسبوعين عادوا فرح ومحمد إلى أراضي السعوديه ..
وأستقبلهم بالمطار ناصر ..
ناصر"وهو يحضن محمد" :الحمدلله ع السلامه
محمد : الله يسلمك
ناصر: أخبارك يابنت العم ؟
فرح: بخيرالله يسلمك
وناصر أخذ شنطهم وراح بالسياره
ناصر : أقول فرح شخبار شباب ماليزيا أكيد ندمتي أنك أخذتي محمد ؟
فرح "وهي تضحك ع شكل محمد وهو ينتظر جوابها " : أللي عنده قمر ماله ومال النجوم
محمد "وهو يبتسم لها" : أحم أحم سمعت قالت قمر
ناصر : علي هالكلام يافرح صج قالوها اللي مايذوق العنب حامض"ن"عنه يقول
~في بيت أبومحمد ~
دخل محمدوفرح وناصر
أم محمد"وهي تحضن محمد " : هلا يمه الحمدلله ع السلامه يالغالي
محمد"وهو يبوسها ع رأسها " : الله يسلمك
أم محمد : هلا فرح أخبارك إن شاء الله مرتاحه مع محمد !
فرح : الحمدلله ياخالتي حيل مرتاااحه
"ودخلت عليهم منال وهي تقول"
وأنا شوف البيت منور أثر القمرين موجودين
فرح "وهي تحضنها": منور بوجودك
منال : أخبارك حمود ..
محمد : هيه شنو حمود أنا آلحين أبوفيصل لاتنسين أني متزوج
منال "وهي تسحب فرح من يدها": تعالي معي بغرفتي عشان نأخذ راحتنا بالسوالف
محمد : فروحه أنتبهي لاتسولفين للأطفال عن أسرارنا الزوجيه أخاف يتمردون
هههههههاااي
منال : مردوده لك ،،
وراحت فرح مع منال لغرفتها وقعدت تسولف لها عن ماليزيا والأيام اللي قضتها فيها
بالصــــــــااااله ...
محمد : يمه أبوي ماقالك عن خطبة منال ..
أم محمد"بتعجب" : أي خطبه ..!!
محمد : أمس كلمني الرجال وأنا بلغت أبوي بس شكله نسى يقولك ..
أم محمد : منو اللي خطبها ..
محمد : ماأظن أنك تعرفينه بس أنا أعرفه رجال محترم وخلوق وماعليه كلام واسمه ماجد ..
أم محمد : والله هذي الساعه المباركه .. تبيني أكلم منال ..
محمد : لا أنا وأبوي بكره بنفاتحها بالموضوع ..
أم محمد : الله يكتب اللي فيه الخييير ..
في اليوم التـــــالي ...
ميرري "تطق باب غرفة منال " ..
منال : منوو ..!!
ميري : بابا يبي أنتي في الصاله
منال : أوكي دقايق وأنزل
منال " وهي تمشط شعرها" : غريبه وش عنده أبوي توني كنت معهم ماقال شيء .. يوووه أنا ليش مدوخه رأسي أنزل وأشوف وش يبي ..""
أول ماطلعت منال من غرفتها طلع ناصر بوجهها "
ناصر : الحمدلله ع السلامه ساعه ينتظرك أبوي تحت ..
منال "بعصبيه": كنت أمشط شعري وبعدين لاتبالغ ماصارلي خمس دقايق
وآلحين أبعد عن طريقي بروح لأبوي "ودفت ناصر ومشت "
... في الصـــــاله ...
أبومحمد : تعالي يابنيتي أجلسي بجنبي ..
منال : خير يبه ..
أبومحمد : يابنيتي أنتي آلحين كبرتي وأكيد أنتي فاهمه الحياه ومسؤلياتها وأنا ودي أتطمن عليك عند ولد الحلال اللي يصونك ..
"منال تسمع كلام أبوها وعلامات التعجب واضحه ع وجهها وبدأ قلبها ينبض بس تبي تعرف من اللي متقدملها أن كان ماجد فبتكون أسعد إنسانه بالدنيا وإن كان غيره فراح تتحطم حياتها "
محمد : منال خطبك ماجد من يومين وماحبيت أبلغك لما درست شخصية الرجال
( منال طااار قلبها لما عرفت أن ماجد هو المتقدملها .. وتلونت الحياة بعيونها بألوان ورديه )
أبومحمد : هاه يابنيتي وش رأيك بصراحه الرجال مستعجل ..
محمد : وأنتي شايفته يعني مايحتاج نظره شرعيه وماله داعي تفكرين لأن الرجال ماعليه كلام ..
منال "بقلبها أكيد موافقه " : أبتسمت لأبوها ومحمد وقالت اللي تشوفونه وراحت تركض لغرفتها ..
وبغـــــرفة منااال ...
منال رمت نفسها ع السرير وتكلم نفسها أخيرر بيتحقق حلمنا ياماجد بتصير حبيبي وزوجي بنعيش في بيت كله حب بفرشلك الدنيا ورد ومستحيل أفارقك يووم بعيش كل لحظه بحياتي بقربك ...بعيشك بسعاده وهناء .. "
محمد : مرحبا ماجد
ماجد : هلا والله
هاه بشر ...!
محمد : ياخي أنت وش فيك مستعجل والله أختي ماهي هينه لاعبه بحسبتك
ماجد : يووه تكفى يابوحميد بشر ..
محمد : ألـــــف مبروك البنت وافقت والفضل يعودلي بعد الله يعني لو بخربها أخربها
ماجد : يحول بدينا بالمنيه ..
محمد :ههههههه
ماجد : قبل لاأنسى بلغ منال ترى الملكه والتلبيسه بيوم الخميس
محمد : نعم نعم لاتذكر أسم أختي ع لسانك ترى أخربها
ماجد : أختك هي زوجتي بعد ثلاث أيام إن شاء الله وبشوف شلون تخربها ..
محمد : ثلاث أيام ماأتوقع يكفيها الوقت عشان تتجهز
ماجد : ع فكره ترى ماراح نسوي حفله بس نملك أجلس أنا وياها وألبسها الشبكه ._
محمد : مادام كذا أوكي ..
( محمد بلغ منال بموعد تلبيستها وبدت منال تجهز نفسها للموعد )
في بيت أبومحمد ...
منال توها داخله البيت جايه من السوق ونزلت أكياسها بالصاله ونادت ميري عشان توصلهن لغرفتها ..
أم محمد : هاه يابنيتي أشتريت فستان التلبيسه
منال : بالموت يالله لقيت فستان عجبني ..
أم محمد : أهم شي أنه عجبك
منال : أي من ناحية عجبني عجبني بس ماأدري عن مقاسه بروح ألبسه وأشوف
... راحت منال لغرفتها ولبست فستانها وتطالع لنفسها بالمرايه وتكلم نفسها ..
ياترى بيعجبك هالفستان يامجود ..
معقوله بكره بشوفك وبجلس معاك .. وربي مو مصدقه ..
أي صج هيفاء ليش ماجت معاه بالخطبه
ولاحتى أتصلت وبلغتني بموعد الملكه ..
غريبه معقوله ماتدري ..
يوووه أنا ليش متعبه نفسي بالتفكير أهم شي أني بأخذ الأنسان اللي حبيته .. الله يخليه لي ..
وفجأه طق باب غرفتها ...
منال : منو ...!
فرح : أنافرح
منال : تفضلي
فرح "أول ماشافت منال " : وااااو روووعه هذا فستان التلبيسه
منال : أيه صج حلوو
فرح "وهي تلعب بشعرمنال " : وربي لاينجن ماجد لمايشوفك وأتوقع بيأخذك ويمشي ...
منال "وجهها أحمرر" : فرح ترى أستحي ...
فرح "وهي تضحك ": ياعيني ع اللي تستحي .. باي ياحبيبتي بروح لحمودي أشتقت له صارلي ساعتين ماشفته
منال : الله ع الأشتياق أموووت أنا ..
فرح : ههههههه
"على مطلعت فرح من غرفة منال طلع محمد بوجهها"
محمد "وهو يبتسم" : وينك يانور عيوني .. أشتقت لك ..
فرح "وهي تحضنه" : أنا أكثر ياحبيبي ..
وفجأه ..
فتحت منال باب غرفتها ..
منال "وهي تصفق ": بصراحه أحلى فلم هندي شفته بحياتي ..
محمد : أبو الغييره ياشيخ
زوجتي وبكيفي .. بشوف بكره شتسوون أنتي وماجد ..
منال وجهها صار أحمر من الأحراج ..
فرح : حمود أحرجت البنت
محمد : لاتخافين هذي من تحت لتحت مجننه ماجد ومطيره عقله قبل لايصير شيء
"وضحك محمد وأخذ فرح وراح لغرفتهم ...
أما منال دخلت غرفتها وقعدت تكلم نفسها : وش يقصد محمد بأني مجننه ماجد قبل لايصير شي ..
معقوله ماجد قايله أن نحب بعض من قبل .. لا مستحيل يقول .. بس وشلون عرف ..
يااااربي والله دخت ..
في يـــوم المـــلكه ...
أم محمد : منال يالله قومي روحي الصالون ..
منال "وهي تكشف الغطاء عن وجهها" : من قالكم أني نمت عشان أصحى ..
أم محمد : وليش مانمتي ..!
منال : ماقدرت أنام من كثر التفكير ..
أم محمد : عسى ماشر وش تفكرين فيه ..!
منال : ماأدري بس كل مابفرح في شيء يمنعني مو حاسه أني اليوم بصير زوجه ماجد
أم محمد "وهي تمسح ع رأس منال " : تعوذي من إبليس يابنيتي وإن شاء الله كلها ساعات وبتصيرين بذمة ماجد وعسى الله يكتب لك السعاده
منال "دمعت عيونها " وحضنت أمها
وبهالموقف دخل عليهم ناصر
ناصر "وإلإبتسامه شاقه وجهه" : صباح الخير ع العروسه بعد ساعات
خير منوله ليش تبكين ..!
يووه نسيت أكيد تبكين لأنك عن قريب بتفارقيني وبتسكنين كندا ..
أم محمد : أقول ناصر أمش قدامي وأترك أختك شوي مع نفسها
طلع ناصر وأمه
ومنال جلست تفكر بجمله ناصر : أسكن كندا وش يخربط هذا ..
صج ماعنده سالفه
خلني أقوم وأجهز أغراضي واروح لصالون أحسن لي من هالأفكار اللي دوختني ..
وبعد الظهر راحت منال لصالون ومعها فرح ..
بالنسبه لماجد حاس أن الدنيا مو واسعته من الفرحه ولو بكيفه كان فر xxxxب الساعه ع وقت التلبيسه ..