الفصل 2
بعد دقايق ..
هيفاء : ألو ..السلام عليكم
منال : أهلين وعليكم السلام
هيفاء "وهي تضحك" : شخبار العوووبه ..!
منال :حرام عليييك أنا عوبه
هيفاء : لاحشى أنتي عوبه!
بس منو سمعني صوت القطار البارح <تقصد يوم قفلت بوجهها >
منال "تحاول تغير الموضوع " : هيوفه بكره حفله نجاح فرح بنت عمي شرايك تحضرين ؟
هيفاء : ياحليلها فرح من زمان عنها آخر مره شفتها عندكم لماسويتوا عشاء خلاص بحاول أحضر ..
منال : تكفين حاولي خلينا نستانس
هيفاء :يـــوووه يقطع إبليسك نسيتيني ليش أنا داقه !!
منال : لاوالله
هيفاء "وهي تفكر" : أيه تذكرت مجود سوالك إيميل شوي أرسله لك ومن بكره س 3الفجر يكون موعد دخولنا المسن
منال "فز قلبها لماسمعت باسم ماجد " : يعطيه العافيه
هيفاء : هههههههه
منال : شفيك تضحكين ماقلت نكته
هيفاء "وهي تقلدها" : يعطيه العافيه هههههه
منال : الحمدلله والشكر هيفاء بلاسخافه
هيفاء : يلا يلا مع السلامه
منال : مع السلامه
في اليوم التالي ..
في بيت أم فرح
فرح :يمه ..يمـــااااه
أمها :خير وش عندك تصايحين
فرح :حبيت أقولك أني بروح الصالون
أمها : وإن شاء الله تبين تروحين مع السايق بروحك
فرح : ليش مجنونه ..! بأخذ فهد معي يلا
"see you"
أمها : أموت وأعرف وش هالخرابيط اللي تقولينها
<<في بيت أبومحمد >>
بالتحديد بغرفة منال ...
منال تطالع نفسها بالمرايه وهي تحط آخر لمسات المكياج ع وجهها وسوت شعرها كيرلي ورفعت نصه ونزلت خصل من قدام
لابسه فستان قصير أخضر مموج بالذهبي ولابسه نعول ربط ذهبي وحلق ذهبي ورشة عطرها المفضل "مس ديور"
ونزلت لصاله ...
منال تدووور حول نفسها ...
هاااه يمه وش رايك فيني أقط الطير من السماء صح
أمها : ويييه بسم الله عليك ربي يحفظك إقري ع نفسك
ناصر يضحك : هههه بصراحه ماخذه مقلب بنفسك وووع وووع لاعت كبدي
يمه أعطيني الزباله برجع
منال "وهي تكش بيدها ": مــــــاااااالت عليك ع الأقل أحسن منك ياشيفه وأنا يكفيني مدح أمي
ناصر وهو صاعد الدرج : من يمدح العروس إلا أمها وخالتها
ههههههههه
أم محمد : أمشي يابنيتي ماعليك منه محمد منتظرنا بالسياره
في بيـــت أهل فرح00
فرح لابسه فستان قصير من قدام وطويل من ورى أبيض ومورد بالأحمر لابسه نعول ربط أحمر وفاكه شعرها وملففته من تحت وحاطه ورد أحمر بشعرها وحاطه روج أحمر ورشت عطرها المفضل "إسكادا"
"منال تطق باب غرفة فرح "
فرح : منو
منال : أنا منال
فرح راحت تفتحت الباب : ياهلا والله
منال : هااااه خلصتي المعازيم ينتظرون ..
فرح : أيه خلصت وش رأيك ..!
منال :واااااااااو قمر إلا أحلى من القمر ..
فرح "بغرور" : قولي ماشاء الله لاتنظريني ...
منال : تكـــفييين ياشيخه
يلا أمشي قدامي في وحده تنتظرك عند الباب
فرح : من هي ..
منال وهي تسحبها: أنتي أمشي وبتعرفين
منال : هيوفه تعااالي
فرح "بصراخ" : هيووووف
"وتحضنها "
هيفاء : أي كسرتي ضلوعي
فرح :هذا من حرارة شوقي
منال قطعت كلامهن .. أقول أنزلن الناس تنتظر تحت بعدين نسولف
نزلت فرح لصاله والكل باركلها بالنجاح وقدموا لها الهدايا وكان مع الحضور بنات خالة فرح وهن نوف"16" وعبير "20"
فرح قطعت الكيكه
منال و هيفاء : تصفيييق وتصفيررر
نووف و عبير : رررقص
أم فرح أم محمد : كللللللوووش
أم محمد :عقبال مانفرح بزواجك
فرح إبتسمت:وجهها طماااطه
وبعد الرررقص ...
فرح : بنات شرايكم نطلع نتمشى بالحديقه
منال + هيفاء +عبير + نوف "بصوت واحد": هييييااااا
نوف "شخصيتها مرحه وفله وتحب اللعب": يلا شباب هل تقبلون أن نلعب لعبتا ما ..
فرح "وهي تضحك " : ياعيني لغه عربيه ومكسره أجل بالأنجليزي شتسوين
نوف : لاتطنزين حبيبتي ع الأقل هالعربيه المكسره الكل يفهمها مو خرابيطك
وفجأه هداء الجو بينهن بسبب صوت مسج جوال فرح
فرح فتحت المسج
<فروحه هدية نجاحك بالديوانيه بسرررعه روحي خوذيها قبل لأحد يشوفها >
أبتسمت فرح للبنات والأرتباك كان واضح بوجهها : عن إذنكم بنات دقايق وراجعتلكم خوذوا راحتكم
راحت فرح والبنات كملوا جلستهم ولعبهم في الحديقه اللي كان فاصل بينها وبين الديوانيه باب في النص
أول ماوصلت فرح الديوانيه شغلت النور ودخلت
وفجأه سكر الباب من وراها فرح لفت ولمحت رجال ماعرفته كان معطيها ظهره من الخوف طااااحت ع الأرض وقامت تصيح من رجلها "لانها كانت لابسه كعب عالي "
وأول ماسمع صراخها جاء عندها
شفيك فروحه ..!
فرح :أنت محمد
محمد : أيه محمد ليش ماعرفتيني ؟
فرح قعدت تصيح من وجع رجلها
محمد"وهوماسك رجلها" : من وين توجعك
فرح وهي تأشرله ع المفصل : من هنا
محمد : مدي رجلك وأرفعي فستانك عشان أفك ربط نعولك ونشوف وش فيها
فرح "وهي تبكي مثل الأطفال ": مااااني "لان ربط نعولها واصل الركبه وهي مستحيه"
محمد "طلع منديل ومسح دموعها وفرح حمرة خدودها" : طيب لاتلفين رجلك مديها وخلصيني وغمزلها تراني ولدعمك وعن قريب زوجك ركزي "ز و ج ك "
فرح إبتسمت وبعد محاولات محمد فيها بسطت رجلها ورفعت فستانها ..
محمد وهو يطالعلها ويبتسم وبخاطره بصراحه هذا الجمال وقعد يحاول يفك الربط
محمد : قلبي شلون رابطته كذا مو راضي ينفتح
فرح "تطالعله وهي ساكته" : وتبتسم "بخاطرها ياقلبي أنت "
محمد "بخاطره ياحلو هالضحكه" : شوفي مافي حل إلا أني أفتحهم بأسناني
فرح : هههه بس لاتعضني
محمد : لو بكيفي أكلك مو بس أعضك
فرح :يمه متوحش
محمد قعد يفك الربط بأسنانه ولما أنفتح عضها من رجلها خفيف
وطالعلها وهو يقول للذكرى
وصار يحرك رجلها إلين خف اللألم وقومها وسندها ع كتفه
محمد : فروحه لاتنسين تأخذين هديتك بوصلك عند الباب اللي يطل ع الحديقه وأنتي نادي أحد يجي ياخذك
فرح : محمد
محمد وقف :ياعيووونه
فرح "حمرة خدودها" : مشكور ع اللي سويته
يا...."وسكتت"
محمد وهو يغمزلها: يا شنو كملي
فرح تبتسم له بخبث: يا .. ياولد العم ههههه
محمد وهومتحطم : لاوالله ع بالي بتقولين ياقلبي .. ياعمري
فرح : بأي حق أقولك هالكلام
محمد : سكت
فرح حست أنها جرحته لأنها شافت الدموع بعيونه
وهي كانت حاطه يدها ع كتفه
سندت رأسها ع كتفه " محمد أنجن ع حركتها"
محمد أنا آسفه ماأقصد أني أضايقك
محمد سكت يبي يعرف إذا هي تحبه ماراح ترضى أنه يبقى زعلان
نوف : عبير يلا نبي نمشي بسرعه
"نوف وعبير" راحوا
بقى بالحديقه هيفاء ومنال
منال :يوووه نسيت جوالي بغرفة فرح بروح أجيبه الحين محمد يدق علي
هيفاء : لاطولين علي
"هيفاء صارت تتمشى بالحديقه وبفجأه
منو الرجال اللي واقفه معه فرح
ولما دققت النظر
مــ ـــ ـحمــ ـد
لا لا مستحيل يحب فرح
ودموعها نزلت وراحت تركض وأخذت عباتها ع غفله من الكل وراحت لبيتهم
جت منال تركض : لايكون تأخرت علي... <ماكملت كلامها إلا أنتبهت أنها مو موجوده >
غـــريبه وين راااحت
بتصل وأشوف وينها
< أن الهاتف المطلوب لايمكن الأتصال به الأن ..>
وبعد مقفله جوالها
ثواااني دق جوال منال ..
منال :هلا محمد
محمد : يلا أطلعوا أنا عند الباب
منال : لا تو الناس
محمد بعصبيه: قلتلك أنا عند الباب خلصوني وراي شغل
منال : طيب لاتصارخ
وبعد ربع ساعه ... وصلوا البيت
محمد : يمه تبين شي قبل ماأصعد لغرفتي ..¡¡
أم محمد : سلامتك
منال بصوت واطي : هذا اللي عنده شغل
محمد وهو يلف وجهه عليها: أنطمي "وراح لغرفته "
"محمد أنجضع ع السرير وهو يكلم نفسه ماشاء الله ع فرح قمه في الجمال سبحان من خلقها ...
وفز محمد ع صوت المسج اللي وصله
< محمد أنا آسفه أني ضايقتك وأنا ماأرضى أنك تتضايق عشان كلمه
وبقولها لك من قلب يااااعـــمري أنت ..>
محمد طار من الفرحه الحين تأكدت أنها تحبني ..
وأرسلها ..
< أنا ماأتضايق من روووحي >
في الساعه 3الفجر ...
دخلت منال المسنجر
منال : أهلين هيوفه وينك ليش تأخرتي ..
.........: معليش ياقلبي وأنا آسفه ع التأخير كنت مشغوله شوي ياحبي
منال : يـــاعيني ع الرومنسيه من وين جايبتها ياحظي
......... : الـــله صج أنا حظك
هههه الرومنسيه تعلمتها من عمي مجود
منال : هههه ياحبيبتي ماجد تلوق له أما أنتي كلش ماتلوق
.......: طيب ليش هو تلوق له وأنا لا ..!!
منال : ماجد شكله هادي ووسيم ورزه مو أنتي رجه
ودفشه
......: ياااحـــظي أنتي معجبه فيني
منال : هيفوه لاتخبلين على ماأظن مامدحتك أنتي مدحت عمك ماجد
......... : منال .. أنــ ـا أنـ ـ ـ ا
مـــاجد
منال بتعجب : مــــــاجد
ماجد : أيه أنا ماجد وأعذريني ع هالحركه ماكان قدامي خيار ثاني عشان أعرف نظرتك لي
منال : طيب هيفاء متفقه معاك ؟
ماجد : لاوالله هيفاء ماتدري عن شي
منال : شلون ماتدري وأنت تكلمني من إيميلها ؟
ماجد : شوفي أنا بقولك عن كل شيء وأتمنى تقدرين اللي سويته ..
منال : تفضل قول ..
ماجد : بصراحه أنا سمعت هيفاء وهي تحدد الوقت اللي تدخلون فيه المسن
ومن فتره كنت أتمنى أكلمك
فصممت أني أحقق أمنيتي اليوم ورحت لصيدليه وجبت حبوب منوم وحطيتهم لهيفاء بالعصير قبل موعدكم بنص ساعه وراحت هي بسابع نووومه وجيت أكلمك
منال "وهي تضحك" : وش هالحركه الجهنميه ياشيطان
ماجد : عشان تعرفين ماجد شكثر يحبك ياشيطووونه
منال "من الأحراج تحاول تغير الموضوع " : ماجد بكره بروح أسجل وش رايك أي تخصص أخذ ؟
ماجد :ليش رأيي يهمك ؟
منال : أكيد وإلا ماسألت
ماجد : أدخلي علـــم نفس
منال : وش معنى هالقسم بالذات !؟
ماجد :عشان تدرسين نفسيتي وتعرفين شكثر أحبك هههه
منال : ههههه لامايحتاج بعرف بدون ماأدرس
و يلا عاد أستئذنك بصلي الفجر وأنام وراي قعده من الصبح
ماجد : لحظه قبل لاتطلعين بطلبك طلب ...؟
منال :تفضل
ماجد : أقدر أكلمك من أيميلي ؟
منال : ماأدري ماأكدلك
ماجد : تكفين منال !
منال : بفكر ..
ماجد : خلاص إنا كل يوم بفتح المسن الساعه 1بالليل وأنتظرك
منال : يصير خير مع السلامه
~أنجضعت منال ع السرير وقعدت تفكر بماجد وكلامه إلى أن غلبها النوم ~
¤¤ بترككم شوي مع منال هي تتكلم عن نفسها ¤¤
وماحسيت إلا ع صوت المنبه الساعه
8:30صباحا وقمت أخذت شور ولبست تيور جنز أسود وتي شيرت رمادي وسرحت شعري عشان بروح أسجل بالجامعه وتذكرت أقتراح ماجد أني أدخل علم نفس وضحكت ونزلت لصاله
:صباح الخير مامي
أمها : صباح النور غريبه وش عندك صاحيه بدري ..
منال وهي تأكل: أفاااا نسيتي أن اليوم تسجيلي
أمها : يــــوووه وربي نسيت بس ماقلتي لي وش قررتي تدخلين ..
منال : إن شاء الله صيدله مع أن هيفاء تبيني أدخل معها تمريض بس ماحبيته
أمها : طيب من بيوصلك الجامعه ..
منال : محمد طبعا
أمها : بس محمد طلع من بعد صلاه الفجر وهو ناصر يقنصون مع ربعهم
منال "وهي تنزل كوب الحليب " : لاوالله أنا من بيوصلني .. حتى أبوي عنده أجتماع اليوم
أمها : وأنتي ليش ماقلتي لأخوانك من الليل ..!
منال بعصبيه: نسيت .. وشلون يعني ماأروح ...
~دق جوال منال ~
منال : ألو
هيفاء : أخبارك منول ..؟!
منال : زززفت
هيفاء : خير وش فيك ؟
منال : تخيلي ماعندي أحد يوصلني الجامعه
هيفاء "وهي تضحك" : عشان كذا معصبه خلاص أنا بمر أخذك معي ..
منال : صج أنتي من بيوصلك ؟
هيفاء : رفيق دربي كومار الله يخليه
منال : ههههه حلوه رفيق دربك لحظه بستأذن من أمي
منال : يمه هيفاء بتمر تأخذني معها الجامعه أروح معها ؟؟
أم محمد :روحي يابنيتي مادامك مع هيفاء ماعليك خوف
منال : خلاص هيوف مريني
هيفاء : إذا عطيتك دقه أطلعي لاتأخريني ..
(أول ماسكرت هيفاء من منال )
هيفاء : مااااجد .. مجوود
ماجد : يالله صباح خير ..نعم
هيفاء :بغيتك تقول لسايق يجهز السياره عشان يوصلنا الجامعه ..
ماجد "بتعجب " : يوصلنا !! ليش من بيروح معك ؟
هيفاء : صديقتي منال ..
"ماجد أنتفض قلبه لما سمع بأسم منال ..قعد يفكر بينه وبين نفسه ..ياليتني كومار كان وصلتها ياربي شلون أقنع هيفاء أني أوصلهن أكيد راح تشك أني أحب منال .. أيوووه لقيتها بروح أفصل سلك البطاريه وابط الكفرات عشان كومار مايقدر يوصلهن وأوصلهن أنا ...
فعلا راح ماجد وسوى اللي قال عليه وقال لكومار يجهز السياره ..
ورجع داخل البيت ..
هيفاء : خير وش فيك رجعت موكنت بتطلع ؟
ماجد "وهومرتبك" : هاااه نسيت مفتاح سيارتي بروح أخذه واطلع وانتي روحي قلت لكومار يجهز السياره
لبست هيفاء عباتها وطلعت جاها كومار
كومار : ماما سياره مافي يشتغل كراب
هيفاء "وهي تقلده": ليش وش فيها كراب
قطع كلامهم ماجد ..
وأنتي للحين مامشيتي ؟
هيفاء : سياره الأفندم خربانه
ماجد :خلاص ولايهمك أنا بوصلك
هيفاء : طيب تمر منال نأخذها معانا
ماجد "أجل موصلك عشان سواد عيونك" : أنتي تامرين أمر
بــــعد عشر دقايق ..
هيفاء : ألو منول أطلعي
منال : طيب
لبست منال برقعها ورفعت عباتها ع رأسها وأخذت كرت العائله وطلعت تمشي متجهه صوب السياره
ماجد مانزل عيونه عنها يتابعها خطوه بخطوه ..
منال "أفتحت باب السياره وركبت ورى السايق " : السلام عليكم
ماجد &هيفاء : وعليكم السلام
منال أنتفضت كل عروقها وحست برعشه لماسمعت صوت ماجد .. وقالت لهيفاء وهي تحاول تلتقط أنفاسها : و تمد كرت العائله لها ..حطيه بشنطتك
ماجد طووول الطريق يطالع عيون منال بالمرايه
ومنال كل ماترفع عينها تتلقى مع عيون ماجد ..
ماجد "وهو يطالع منال بالمرايه ويغمزلها": هيوفه شخبار نومك البارح ؟
هيفاء : ياأني نمت نومه عمري مانمتها أصلا أستغربت أني نمت بدري مو منعادتي أنام بهالوقت
منال بينها وبين نفسها ميته ضحك وماجد كان ملاحظ أنها تضحك من عيونها ..
ماجد : أتوقع من العصير اللي جبته لك بصراحه عجيب يروق الأعصاب شكلي كل يوم بجيبلك منه .. ههههههههه
"منال بخاطرها ياحلو ضحكته "
بعد دقايق ..
ماجد : يلا أنزلن ولاتأخرن بسرررعه مو تخلني أخييس بهالحر ..
هيفاء "وهي تطالع منال " : عادي وش فيها خيس بالحر لأجل عين تكرم مدينه
هههههه
ماجد : ههههههه
ومنال دوروها ماتلقونها من الأحراج
نزلن منال وهيفاء وعلى مادخلن الجامعه
منال "وهي تطق هيفاء" : هيفوه ووجع وش هالموقف اللي حطيتيني فيه بصراحه أحرجتيني وتقلدها "لأجل عين تكرم مدينه "
هيفاء : ههههه وأنا ماكذبت هذا الصج
منال : على كيفك تلزقين ..
هيفاء : الكتاب واضح من عنوانه وبعدين أنا ملاحظه أهتمام ماجد فيك
منال "بخاطرها ياقلبي هو" : أقول أمشي نسجل وأتركينا من خرابيطك
"وراحن عند بوابة التسجيل ولماوصل دور منال
منال : هيفاء عطيني كرت العائله
هيفاء : أي كرت ..
منال : حقي اللي أخذتيه بالسياره
هيفاء : يوووه نسيته بالسياره
منال : لاوالله وأنا قايلتلك حطيه بشنطتك
هيفاء : قلتلك نسييييت .. وماصار شي والسياره عند الباب روحي جيبيه
منال : نعم ..نعم أنا ماأروح روحي أنتي ..
هيفاء :ياحياتي أنا ماصدقت وصل دوري لوضيعته ماحصلت دور بعد ساعتين
منال :ياسلااااام تسوين مصيبه وأنا أتحمل المسؤوليه وبعدين عمك بالسياره
هيفاء : يابنت الحلال روحي جيبيه خلينا نخلص وعلى فكره ترى عمي ماراح ياكلك
وآخيير أقتنعت منال وراحت وكل ماتقرب من السياره تحس قلبها بيطلع من الخوف إلى أن وصلت لسياره وقفت تتأمل شكل ماجد وهو مسند رأسه ع الدريكسون واضح أنه غرقان بالتفكير ..
منال وبتردد طقت الشباك
ماجد رفع راسه وطالع وقعد يكلم نفسه هذي منال صدق وإلا حلم إلا هي هذي عيونها الحلوه ..وأخيرا حس أن في إنسانه واقفه .. فتح الشباك
منال : لو سمحت ياخوي عطني كرت العائله شوفه بجنبك ..
ماجد "بعصبيه" : أنا ماني أخوك فهمتي
منال : طيب أنا آسفه
عطني كرت العائله ..
ماجد :وينه ماني شايفه ..
تعالي أركبي وخوذيه
منال فتحت باب السياره ومدت يدها عشان تأخذ الكرت ..
مسك يدها ماجد ..
منال وهي تحاول تسحب يدها منه: ماجد تكفى أتركني
ماجد :أركبي و صكي الباب لاتفضحينا شوفي الناس شلون تطالع
ركبت منال وسكرت الباب ..
منال :وآلحين ممكن تترك يدي
ماجد : لاموممكن ..
"منال بدت يدها ترجف لماحس ماجد برجفتها"
ماجد "وهو يطالع لعيونها": منال أنا أحبك ولايمكن أضرك أنتي شغلتي تفكيري
وخطفتي قلبي بس من كلمه
أنتي فاهمه شلون يعني أحبك وأموت فيك
منال "زادت رجفتها وسكتت" :........
ماجد"يضغط ع يدها بقوه والدمعه تلمع بعيونه ويصارخ " لــــيييش ماتردين أنتي ماتحسين أنتي جمـــــــــااااد حرام عليك ليش تعذبيني ..
وترك يدها وسند راسه على الدريكسون ..
منال "أهتز كل كيانها من كلامه ومدت يدها ورفعت رأسه ولأول مره تحط عينها بعينه وتتأمل ملامح وجهه البيضاوي وعيونه الناعسه الغرقانه بالدموع والسكسوكه اللي ضايفه جمال حول فمه ...
ونظراته وصلت قلبها وأنفضت كل كلمه حب حاملتها بقلبها له : مــ ــ ـاجد حتى أنت شغـ ــ ـلت
تفـ ــكيري معقوله أكون حبيتك
ماجد "وهو يمسح دموعه اللي سالت" : أيــــــــــه منول أنتي تحبيني والله والله تحبيني
منال أخذت كرت العائله وتبي تفتح الباب
مسكها ماجد
منال : وبعدين معاك ترى تأخرت على هيفاء وعلى التسجيل
ماجد "وهو يمد لها بطاقه": خوذي هذي البطاقه فيها أرقامي وأنا أنتظر أتصالك لو مره وحده"ويغمزلها"
"وسجلت منال صيدله وهيفاء تمريض "
وبعد مرور يومين ...
منال ماسكه البطاقه اللي فيها أرقام ماجد وتفكر
أتصل عليه .. لا لا ماأقدر مستحيل أخووون أهلي
.. بس أنا أحبببه وهو يحبني بصدددق وربي شفت الحب بعيووونه ..
وأكييد آلحين متعـــذب ينتظرني ..
أووووف تعبت من التفكير بدق بس بيكون أول وآخر أتصال ..