الفصل 5
الفصل الخامس
سديم ببيتها : افففف ملل
جلست تغير القنوات من قناة لقناة
شوي انفتح الباب الخارجي
نقزت سديم عارفه هذا منو يكون .. هذا راشد
راشد : السلام عليكم
سديم من دون نفس وخوف بنفس الوقت : وعليكم السلام
راشد وهو يجلس جنبها : كيفك؟
سديم قامت وجلست بجهه ثانيه وهو قلبها يدق من الخوف خصوصا لما جلس جنبها : كويسه –بخاطرها – ( كويسه وانا بعيده عنك )
راشد تضايق لما قامت من جنبه للآن مو متقبلته : وكيف المدرسه
سديم : كويسه
راشد : كل شي كويس شي زين
سديم : .....
راشد : طيب مو محتاجه شي اجيبه لك
سديم بسرعه : لا
راشد وهو يقرب منها : سديم انا داري انك انجبرتي علي بس لـ .....
سديم قاطعته وهي تقوم بتروح الغرفه بسرعه : لاتقرب مني ولاتفكر حتى تلمسني وخر عني
راحت الغرفه وقفلت عليها الباب قفلين
راشد وقف عند الباب كان بيطقه بس تراجع
( لا ياراشد تحمل البنت لساتها صغيره لازم اتحملها .. كافي انها انجبرت .. مع الايام بتتعودين عالوضع الجديد ياسديم )
سديم كانت سانده ظهرها على الباب وكأنها خايفه انه يفتحه رغم انه مقفل
بس سمعت صوت الباب الخارجي تسكر حست براحه انه طلع ونزلت على الارض تبكي
: مابيك اكرهك والله اكرهك .. ليتك بداله يافارس
مسحت دموعها وقامت بتطلع
جلست بالصاله على الكنبه وماسكه جوالها متردده تدق على فارس ولا لا
الا الباب انفتح مره ثانيه !
من خوفها وقفت ( ايش يبي رجع مره ثانيه )
راشد شافها واقفه ومرتبكه ابتسم
سديم بسرعه : فيه شي ؟!
راشد وبنفس الابتسامه وبهدؤ : لا مافي شي بس نسيت اعطيك بطاقتك حقت الصراف
سديم : طيب ؟!
راشد يكمل كلامه : عشان لو احتجتي شي
سديم : بس انا مو محتاجه شي شكرا
راشد مد لها البطاقه
سديم تكتفت وماخذتها بس تناظره
راشد : البطاقه خذيها .. وانا بنزل لك بين فتره والثانيه مبلغ
سديم : مابي بطاقتك وماني محتاجه لفلوسك .. وخليني بحالي
راشد : البطاقه بخليها هنا .. وعارف ماتبيني اجي .. بس راح اجي بين فتره والثانيه اتطمن عليك .. مهما كان انتي بذمتي الحين
سديم : مابيك.. انت تفهم كيف مابيك ؟! طلقني وخليني اعيش بسلام
راشد ( هه حلم ابليس بالجنه أطلقك ) : داري انك ماتبيني وتكرهيني .. ماتبيني المسك ؟ ماراح المسك .. ماتبيني انام معاك بالبيت مو بس بالغرفه انا حاظر .. بس هالبطاقه من حقوقك علي ايش تامرين عليه بعد
سديم : انت كيف ترضى تعيش مع وحده ماتبيك .. مو انا بزر ؟! توني عمري 15 بدخل 16سنه ايش تبي فيني ؟
راشد بحلم : اليوم صغيره بكرا تكبرين
سديم عصبت : يووووووه انت كيف تفهم .. اقول لك بزر ماعرف شي ماعرف اطبخ ماعرف اسوي شي ابد .. مافهم في الزواج حاجه
راشد بخبث : ماتفهمين بالزواج ! .. مصيرك تتعلمين وتفهمين - بابتسامة خبث وهو يطالعها من فوق لتحت- انا اعلمك لو تبين
سديم تيبست بمكانها من نظراته وكلمته ..
كلامه صار يرن بأذنها .. خافت ودقات قلبها صارت عاليه وسريعه
(( ماتفهمين بالزواج .. انا اعلمك لو تبين ))
((انا اعلمك لو تبين ))
((انا اعلمك لو تبين ))
خافت وركضت لغرفتها بسرعه من غير ماترد عليه وقفلت عليها الباب من الخوف : ايش يبي اكيد يقصد انه يلمسني .. هذا يحلم اكيد .. خليني ادق على امي
دقت على امها وهي ترجف من الخوف كل ماتتذكر نظراته
ام سديم : الو
سديم اول ماسمعت صوت امها بكت : هلا ماما
ام سديم خافت : ماما سديم ايش فيك تبكين
سديم : خايفه
ام سديم : من ايش خايفه
سديم : من راشد
ام سديم : سوا لك شي ؟؟ ضربك ؟؟ اذاك ؟؟
سديم : لا ماما
ام سديم : اجل ليه خايفه وتبكين ؟؟
سديم : خايفه من نظراته لي .. نظراته تخوفني
ام سديم ضحكت على تفكير بنتها الطفولي والبريء : ههههههههه ماما انتي متزوجه عادي يعني
سديم : تخوف نظراته
ام سديم : انتي زوجته ياماما عادي يناظرك كذا
سديم : لا مو زوجته انا زوجته بالاسم بس
ام سديم : شلون يعني ماخذك يتفرج عليك ؟؟ اكيد يعني .. ( سكتت ماعرفت كيف تفهم سديم )
سديم : اكيد يعني ايش ؟؟
ام سديم اخذت نفس عشان تحاول تفهم بنتها اللي مو راضيه تفهم : شوفي ماما .. اي واحد يتزوج لازم تصير بينهم شغلات .. لازم بينام معاك ويناظرك نظرات انتي مو متعوده عليها لانك زوجته حلاله يناظرك انتي مابيناظر غيرك .. انا عارفه انك لساتك صغيره ومالك بهالكلام .. بس خلاص انتي تزوجتي ولازم تفهمين ياسديم
سديم : انا مابي استسلم له .. ماني ضعيفه مثلك ماما .. مابيه يلمسني تفهمين ماما كيف يعني مابيه
ام سديم تتنهد : تعبت وانا افهمك مدري متى بتعقلين
سديم : انا اصلا مجنونه ان خليته يلمسني .. لازم يطلقني
ام سديم : انتي تفكرين الطلاق سهل .. تراه صعب وانتي توك صغيره
سديم بأصرار : وانا ابي هالصعب .. الا الحين كأن العيشه معاه سهله ماهو نفس الشي
ام سديم : بكرا تكبرين وتتذكرين كلامي
سديم : يصير خير .. انا بقفل الحين يالله باي
ام سديم : باي
***********
دينا صحت من النوم وراحت تدور جنان
( هذي وين طست فيه )
سمعت اصوات بغرفة تركي راحت دخلت وشافت جنان جالسه معاه
دينا : انتي هنا وانا ادور عليك
جنان : تعالي اسمعي هالاغنيه خطيييييييره
دينا : اغنية منو ؟!
جنان : اغنية الرويشد جديده طمني
دينا : سمعوني
بدت الاغنيه..
انسى الزعل .. انسى اللي راح .. انسى الألم
انسى الجراح .. طمني بس .. طمني بس
طمني بس خلني ارتاح .. طمني قول صبري راح
طمني بس
جنان ودينا دخلوا جو
دينا : يوووووه ياحلو هالاغنيه
جنان : ايه مره خطيره
تركي : فيه اغاني كثير غيرها بعد حلوه
دينا : بعدين نسمعها .. جنو تعالي ابيك شوي
جنان : شتبين ؟
دينا : انتي تعالي وماعليك
جنان : طيب
تركي : ويييين بدري
جنان : راااااااجعه لك وين تروح مني .. اساسا ابي اغاني فلاتخاف بلزق فيك
تركي يغمز لها : هههههههههه حيااااااك اذا ماشالتك العين يشيلك القلب
جنان : هههههههههه
دينا : لو مانتوا اخوان كان شكيت فيكم انكم تحبون بعض
تركي : ههههههههههههه واذا حبينا بعض شفيها يعني
جنان : ايه شفيها
دينا : هههههه اقول امشي مالت عليك
جنان : هههههههههه
دينا وجنان دخلوا الغرفه
جنان : هاه شبغيتي
دينا : ياحماره وين وعدك لي تفكرين لي بخطه اروح للمااما
جنان : اقول لاتستعجلين وتخترب الخطه .. جالسه افكر لك بشي سنع
دينا غرقة عيونها : جنوووو تكفييين طلبتك ساعديني
جنان : ولا يهمك بساعدك بس انتي بهالفتره ضبطي مع امك
دينا بتفهي : كيف يعني
جنان : ياليل امي على هالمفهيه اللي عندي
دينا : اخلصي علي مافهمت عليك
جنان : يعني كلميها دايم ولفي مخها انك لو رحتي عندها تشرد فيك
دينا : انا اكلمها دايم
جنان : يالهبله قولي لها اي شي .. نصبي عليها حد يطقك شي من هالكلام وان لو رحتي لها تروح فيك للسفاره وترجعون فرنسا
دينا : اوكي
جنان : اسمعي انا بروح البيت الحين
دينا : ليييييييه
جنان : يوووه بروح ارتب كتبي شي .. كله لازقين ببعض هنا
دينا : اوووكي
جنان : وانتي هالله هالله اقلبي مخ امك فوق تحت
دينا : طيب
اخذت جنان اغراضها وطلعت وراحت بيتهم
**********
دينا مسكت جوالها تدق على امها اشتاقت لها حيييل
ام دينا : اهلين هبيبتي
( ام دينا تتكلم عربي على شامي )
دينا على طول بكت من سمعت صوت امها : اهلين ماما وحشتيني
ام دينا : هبيبتي لشو عم تبكي
دينا : اشتقلت لك ماما
ام دينا : وانتي كمان حبيبتي ..? Comment ca va aujourd'hui (كيف حالك اليوم ؟ )
دينا : Ca va .. Et vous ? ( بخير .. وانتي ؟ )
ام دينا :Ca va aussi ( بخير أيضا )
دينا : ماما بدي اجي الك
ام دينا : امتين راح تيجي لعندي هون
دينا : ماما ودي اجي لعندك طول العمر
ام دينا تتنهد : ياليت ماما
دينا وهي تبكي : ماما تعبانه كثير .. عمار كله يتهاوش معاي
ام دينا : وهيدا عمار امتين راح يتركك بحالك
دينا : ماما تكفين سوي شي مابي اجلس هنا
ام دينا : ياليت ياماما بايدي اشي
دينا : كيف مابيدك شي تقدري تاخذيني وتلجأي للسفاره ونروح فرنسا ومحد يقدر ياخذني منك
ام دينا : وانتي عم بتفكريني مافكرت بهالحكي من ابل .. فكرت بس هيدا الكلام كبير
دينا : كيف يعني ماما كبير
ام دينا : لو لجأت للسفاره على حد اولتك .. ماراح تأدري تشوفي حدا من اهلك
دينا حست بخيبة امل : طيب ماما سوي اي شي
ام دينا : حبيبتي انتي مابتخافي راح اعمل ايا اشي من شان تيجي لعندي هون
دينا : ايوه ماما طفشت من هالحال
ام دينا: حبيبتي تحملي لك شوي
دينا : لمتى ماما .. انتي مابدك اياني؟
ام دينا : شو هالحكي ماما اكيد بدي اياك .. بس مابنأدر نعمل شي ادام جدك
دينا : طيب بدي شوفك عالاقل
ام دينا : مابتخافي كلها كم يوم وبتشوفيني
ظلت دينا وامها يسولفون لحد ساعتين تقريبا
*******
بداخل قصر جد دينا ..
عمار كان نازل بيطلع يتمشى
عمار بخبث : هه بكذا يابنت امك تنمسكين وينكسر راسك .. انا افرجيك
شافه جده
ابو مالك بهيبته : عمار يبه تعال شوي
عمار وهو يبوس راس جده ويجلس جنبه : هلا يبه شخبارك؟
ابو مالك : الحمد لله بخير
عمار : آمر يبه بغيت شي
ابو مالك : مايآمر عليك عدو .. بس خذ هالمفتاح
عمار : مفتاح ايش
ابو مالك بأبتسامه : مفتاح سيارتك الجديده .. تستاهل كل خير
عمار وهو يبوس راس جده : تسلم يبه والله لايخليني منك
ابو مالك : كل شي ولا زعلك
( هذي الهديه بس عشان يفرح عمار لانه زعلان من طردة ابوه )
عمار : هههههههه على كذا بزعل كل يوم عشان كل يوم تغير لي سيارتي
ابو مالك : ههههههههههه اذا تبي تغير سيارتك مايحتاج تزعل .. بس انت اشر وتجيك على طول
عمار : هههههه الله لايحرمني منك
ابو مالك : ولا منك .. يالله روح اطلع مع ربعك واكشخ بالسياره الجديده .. وانا حولت بحسابك مبلغ تصرفه بالعافيه
عمار : تسلم يبه .. يالله تامرني بشي
ابو مالك : لا سلامتك .. بس انتبه على نفسك
عمار : اوكي .. يالله باااااي
ابو مالك : باي
*********
اليوم الثاني بالمدرسه ..
جنان وهي تدخل المدرسه وتتـأفف : اففففف فيني النووووووم ليتني غايبه بس
دينا : اقول عن الخيابه الزايده
دخلوا الفصل ثنتينهم ..
كانت سديم جايه من بكير
جنان بتفكير شيطاني ( حلو هذي موجوده خليني اتسلى عليها واغثها )
جنان : هاااااي
البنات : هايااااات
جنان وهي تجلس وحالفه تغث سديم : الا غريبه مبكره اليوم شعندك
سديم ابتسمت : لا ابد بالخبر اليوم ليه مااجي بكير
جنان : اييييه قلتي لي بالخبر
سديم ( هذي مابخلص منها الحين ومن غثتها ) : ايه
( الثنتين منهم يتبادلون نفس المشاعر كل وحده ماتحب الثانيه بدون اسباب )
جنان بخبث : بس ترا عادي المدرسه مدرسة ابوك تعالي كل يوم متأخره محد راح يحاسبك هههههههه
سديم اكتفت بابتسامه ( الله يغثك مثل ماغثيتيني من صباح الله خير )
جنان ( ياليل برودك بس انا اوريك )
دينا : جنووووو تعالي شوي ابيييييك
جنان : نعم .. خير شتبين
دينا : هههههههههه اعصاب يابنت الحلال بس تعالي الشله برا
جنان : شوي وجايتكم
دينا : الحييييييين
جنان : طيييييب دريناااااا
دينا : ههههههههه يالله ناطرينك
راحت دينا
جنان لفت على سديم : ايوه وبعد
سديم ( لحووول ) بكل برود : على ايش
جنان : ههههههههه على كل شي
سديم : هههههه ترا صاحباتك ينتظروك برا
جنان : هذي طرده اعتبرهاا
سديم : لا مو قصدي بس عشان ماتضيعين وقتك معاي
جنان وهي تقوم : ههههه طيب مردوده
طلعت جنان وظلت سديم بروحها
سديم : افففف ماقلت برتاح منها
مر اليوم بالمدرسه مثل اي يوم ثاني
بطلعتهم من المدرسه طبعا كالعاده احيانا الشباب اذا كانوا يبون يشبكون بنات بسهوله يروحوا للبنات المراهقات اللي بالثانوي ..
جنان ودينا وهم طالعين كان واحد كاشخ ووسييم حيييل بسيارة بي ام دبليو ولابس نظارات شمسيه
جنان حبت تستهبل كالعاده فسوت نفسها كأنه بيغمى عليها : وااااااااااي بناااااات مسكوني لايغمى علي
دينا تمسك جنان لانها طيحت نفسها عليها : وجع انشاء الله اثقلي
جنان : وااااي والله مو قادره .. ماعندي مقاومه ابد قدام هالنوعيه
الشاب سمعها وابتسم وجلس يعدل سكبته ويتميلح
سديم كانت وراهم وسمعتهم ( الحمد لله والشكر هالبنت خفيفه بقوه وكل شي عادي عندها )
جنان ومكمله استهبالها : ودي اخذ صوره ياناس اقول لكم انا ماتحمل هالنوعيه
دينا عارفه هبال خويتها : ههههههه جنانوه ووجع اثقلي
الشاب مد ايده بالكرت بكل ثقه
جنان وهي تطالعه بنص عين : وجع هذا مصدق نفسه
الشاب تفشل وانصدم وقام يتلفت حوله مو هذي اللي دايخه عليه قبل شوي
جنان بصوت عالي : هيه انت لاتصدق نفسك من زينك عاد .. والله خساره فيك هالسياره اللي انت راكبها .. تراني مو دايخه عليك دايخه على السياره بس .. ولا انت ماتستاهل تركبها
الشاب انصدم وتفشل مشى بسرعه
البنات : هههههههههههه
جنان وهي تعدل طرحتها : ناس مايجون الا بالعين الحمرا
دينا : هههههههه حرام فشلتيه
جنان : هههههههه احسن عشان يحرم يغازل .. راز عمره مع وجهه .. ههههههههه هذي احسن طريقه لهم عشان يحرمون .. تعطيهم الثقه بنفسهم وبعدها تفشليهم
دينا : هههههههه والله انك مجنونه .. امشي نركب السياره بس
جنان ودينا راحوا ركبوا السياره
**********
سديم وهي تركب سيارتها : والله بنات البطرا مهابيل ومجانين .. شمس روح الظهران
شمس : اوكي مدام
وصلت سديم بيت اهلها
سديم بداخلها ( الله يعيني على غثة ابوي )
دخلت البيت واستقبلها اخوها عبد الله
عبد الله : دووووومي
سديم : هههههههه ياعيون دومي
عبد الله : اليوم تنامين عندنا
سديم : ههههههه ولا يهمك كم عبادي عندنا
اشوي الا دخل ثامر
ثامر : اوه دومي عندنا اليوم
سديم : هههههههه وبرز نفسي عندكم كل يوم بعد فيه اي اعتراض
ثامر : ههههههههه تكفين تعالي كل يوم .. من طلعتي من هالبيت وانا ضايع ماعندي حد اجلس معاه
سديم بغرور : هههههههههههه احسن عشان تحس بقيمتي
ثامر : هههههههه اقول امشي ادخلي قبل لاادفنك هنا
سديم : ههههههههه تسوي خير فيني
دخلوا سديم وثامر وهم يضحكون
ام سديم : اوه سديم جيتي كويس لاني ابيك
سديم : ههههههه هلا ماما
ام سديم : هلا والله بالخوافه هههههههههه
سديم انحرجت وبنفس الوقت عصبت : مامااااااااا
ثامر : ليه خوافه .. فيه شي صاير وانا مدري
سديم : ماااااايخصك
ثامر : افاااا من متى مايخصني
سديم : اففف منك نشبه
ام سديم : هههههه عن الهواش انت معاها .. يالله روحوا بدلوا على بال مااحط غدا
سديم وثامر : اوكي
راحوا بدلوا ونزلوا
عالغدا..
رغد تلعب ومو راضيه تاكل
ام سديم عصبت : رغد وبعدييين ماما اكلي
سديم : هههههههههه شوف شكلها ثامر كيف صاير
ثامر : هههههههه تموت من الضحك
ام سديم : ايه اضحكوا وانا متعذبه معاها ماترضى تاكل الا وهي تدور
عبد الله : ماما خليها تولي وتعالي اكليني انا
الكل : هههههههههههههههه
سديم : طالع هذا غيران
ثامر : ههههههههههه اجل انا بغار مثله
ام سديم : وانا ناقصتكم
سديم : ههههههههههه
خلصوا غدا وكل واحد راح غرفته
********
بالعصر ..
جنان مشغله الاغاني وترقص وتستهبل وتغني مع الاغنيه
ليان دخلت عليها وقامت تضحك : ههههههههههههه
جنان ولا عامله اي اهتمام
ليان : جنوووووووووووووووو
جنان تسوي نفسها ماتسمع
ليان : جنووووووووو
جنان لاحياة لمن تنادي
ليان راحت ودفتها عشان تطيح على الكنبه وطاحت هي معاها
جنان وليان : ههههههههههههههههه
جنان : هاه شتبين خربتي علي رقصتي
ليان : ههههههههههه تكفين عاد
جنان : هههههه يالله اخلصي علي شتبين
ليان : ابي اجنن محمد
جنان بحماس وهي تتربع على الكنبه وتقابل ليان : حلوووووووووو هههههههههههههه
ليان : جنووووو فكري لي ابي اجننه
جنان : ههههههه وصلتي خير يابووووك .. بس ايش اللي خلاك تقلبي عليه
ليان عارفه وواثقه ان اختها تقدر تجنن اللي مايتجنن والدليل بندر
ليان : بس ابي اكشنات هههههههههه
جنان وهي تغمز لها : علينااااااااااااااااااا
ليان : ههههههههههههه مالك شغل
جنان : شوفي اذا ماتعلميني ترا ماخطط لك
ليان : هههههههههه لا خلاص توبه عمتي بعلمك
جنان : يالله قري واعترفي
ليان : اممممممم مو راضي يسوي لي اشياء ابيها
جنان : بس !
ليان وهي منحرجه : امممممم بس كان يبي يعدي الخطوط الحمراا معاي
جنان : هههههههههههههههههههههه خليه يعديها حلاله زوجته انتي
ليان وهي تطقها على راسها : انطمي ياغبيه شفهمك انتي
جنان : هاه عن الغلط ترا ماخطط لك
ليان : لا خلاص آسفه عمتي
جنان : ههههههههههههههه
ليان وهي تتمسكن : يالله جنوووو تكفيييين ابيه يستخف
جنان بخبث : هو ايش سوا بالضبط
ليان : لحوووووووول هذي اللي بتذلنا الحين
جنان : ههههههههههههههه طيب خلاص بس كم تعطيني
ليان : ياليل مصلحتك اللي تبيه بس ساعديني اجننه
جنان : شفتي ساعات الجنون يجيب فايده
ليان : هههههههههههه ماقدر انا على الجنون
جنان : انتي كيف تبين تجننيه بالضبط ؟
ليان : امممم مدري بس ابي حل سريع
جنان : شوفي اسرع حل اعزميه على عشاء عندنا هنا بالبيت وتشخلعي وتكشخي واجلسي بعيد يعني البسي فستان قصيييير مثلا او تنوره قصيره مره ههههههههههه
ليان : لا ياشيخه فالحه .. هذا عز الطلب هذا اللي يبيه هو
جنان : صبر ماكملت كلامي
ليان : كملي اشوف
جنان : هيه لاتتريقين ترا ماكمل
ليان وهي تحط ايدها على فمها : لا خلاص بسكت توبه
جنان : هههههه ايه يازين العاقلين
ليان : ........
جنان : هههههههههه ايه عاقله وشاطره
ليان : ........
جنان : هههههههههه لا كذا تأكدت انك مطيعه
ليان : وجع خلاص كملي
جنان : هههههههههههه طيب طيب .. شوفي بعد ماتكشخين وتحطين احسن عطر عندك وتجلسين وحسيتي انه استخف ناديني اجلس معاكم هههههههههه
ليان : وايش تبين تجلسين معانا
جنان تطقها على راسها : ياليل الغباء انا مادري من وين تستوعبين .. ياهبله عشان مايتعدا الخطوط هههههههههه ومابيقدر يسوي شي وانا جالسه فهمتي
ليان : اهاااا .. لا احس هالشي صعب واحراج له .. دوري لي شي غيره
جنان : اقول انقلعي برا انتي مامنك فايده
ليان : هههههههههههه لا جنوووو فكري لي بحل ثاني
جنان : خلاص مكتب الطلبات مقفل .. تعالي بكرا يمكن يكون فاتح
ليان : هههههه ياملغك
وجلسوا على هالحال من فكره لفكره .. يعني دام جنان استلمت الحكايه قولوا على محمد السلام
**************
سديم نازله تحت ومعاها عبايتها واغراضها
ام سديم : على وين سديم رايحه
سديم : بروح البيت بعد وين بروح
ام سديم : لاتروحين نامي هنا ابيك اليوم
سديم : ايش بغيتي ماما
ام سديم : ماينفع الحين
سديم : ليه ماما
بهالوقت دخل ابو سديم
ابو سديم : وانتي بعدك ماما وبابا .. كبرتي ترا عليهم
سديم انشدت اعصابها
ام سديم عارفه ان لو جلست سديم اكثر بينسم بدنها : سديم ماما خلاص انتي روحي بيتك وبعدين انا احاكيك
ابو سديم وهو يجلس : وحتى انتي تقولين لها ماما .. محد معودها على هالدلع غيرك
سديم بضيق : خلاص يمه انا طالعه تامريني بشي
ام سديم وهي تقوم معاها : سلامتك
سديم : الله يسلمك
ام سديم وهم يمشون للباب : اسمعي سديم حبيبتي لاتزعلين من ابوك .. وابي اكلمك فيه شغلات لازم تعرفيها وتتعلميها
سديم بأستغراب : شغلات ايش
ام سديم : ههههههه اذا جيتي بكرا او كلمتيني راح تعرفين
سديم : اوكي .. يالله باي
ام سديم : باي
*********
دينا كنت منسدحه على بطنها وفاتحه كتبها تحل واجباتها
اندق الباب
دينا : ادخـــــــل
دخل ابو دينا : هاه حبيبتي تذاكر
دينا وهي تعدل جلستها : هههههههه هلا بابا
ابو دينا : هلا ياعيون بابا .. هاه كيف المدرسه
دينا : تمااام
ابو دينا : مو محتاجه شي ؟
دينا : لا بابا سلامتك .. الله لايحرمني منك
ابو دينا : ههههههه والله انك دلوعه وتاكليني بالحكي
دينا : هههههههه لازم لاني بنتك الوحيده
ابو دينا : واحلى بنت بعد
دينا : ههههههههه
ابو دينا : طيب هالويك اند عندي لك سربرايز
دينا بحماس : والله ؟؟ ايش هي ؟؟
ابو دينا : ههههههه حيلك حيلك علي .. شلون تصير مفاجأه اذا قلت لك
دينا : يووووه بابا الحين بتخليني افكر شنو هالمفاجأه
ابو دينا : ههههههه ايوه عشان تحلى المفاجأه لما تجلسين وتخمنين
دينا : هههههههه الحين ايش ينومني انا اليوم
ابو دينا : هههههه راح تنامين لاتخافين
دينا : هههههههههه
ابو دينا يقرص خدها بحنان ويبوسها : يالله ياحلوه .. اخليك تكملين مذاكرتك
دينا : لا خلاص خلصت بس اجلس معاي
ابو دينا : ودي والله حبيبتي بس عندي شغل
دينا : اهااا اوكي اجل
ابو دينا : هاه .. دلوعة البابا تامر بشي
دينا : لا سلامتك بابا
ابو دينا : Au Revoir ( أورافوار – مع السلامه )
دينا : ههههههههه Au Revoir
***********
بالليل ..
عمار جالس مع صاحبه
سيف : ياخي روق حصلت لك سياره من ورا راسها ايش تبي بعد
عمار : ماراح يهنا لي بال ولا خاطر لين ماخليها تتربى
سيف : انا اقول خليها بحالها هي بعدها صغيره .. انا اختي نفس تصرفاتها عادي يعني
عمار : الا هذي مو عادي .. هذي امها اوروبيه يعني راح تتمادى وكل شي راح يكون عندها عادي بحكم امها فرنسيه
سيف : طيب ايش راح تسوي يعني
عمار وهو يأشر باصبعه السبابه براسه : هي دخلت هنا .. وهالمخ ماراح يخليها بحالها
سيف : كيف يعني ؟
عمار : انطر علي شوي لين مااضبط الخطه عدل وبعدين اقول لك .. وانت عارف جدي مايحتاج اي شي اقول له اياه ينفذه وهو مغمض عينه
سيف : ههههههه انا نفسي اعرف شهالسر اللي بينك وبين جدك
عمار : هههههههههه اسرار المهنه
سيف : اوعدنااا يااااارب بجد مثله
عمار : قول ماشاء الله لاتصكني عين
سيف : ههههههههههه ماشاء الله وخمسه وخميسه
جا بهالوقت صقر
صقر : اقول يالربع السهره مابدت
سيف : هههههه لا ننتظر حظرت جنابك تشرف
صقر : هههههه اهم شي فيه من اللي خبركم
عمار : اكيد فيه وانا اللي عازمكم عليها
صقر : اكشخ .. وبمناسبة ايش ؟
سيف : جده هاديه سياره
صقر : اوعدنا ياااااارب ناس تهدينا هالهدايه
عمار : ههههههههه السياره بتحترق والسبب انتوا تبونها خذوها .. عادي اقول له ويجيب لي ثانيه
سيف : اقول لك صقر مالت علينا اجل هههههههههه
صقر : هههههههه من جد
عمار : يالله هالحفله بمناسبة الصغيره وهي السياره .. ودعوا ان تحقق اللي ببالي اسوي لكم اللي تبوه واحلى حفله بعد
صقر : يااااااااارب يتحقق اجل وتجيب لي سياره .. بس ايش اللي ببالك
سيف : خويك يبي ينتقم من اخته
صقر فلت لسانه : لايكون ام عيون زرق الحلوه
سيف اشر له يسكت
عمار عصب : ايه هذي هي ايش تبي فيها ومتى شفتها اصلا
صقر توهق : لا ماقصد شي بس مره كنت جاي بيتكم وشفتها طالعه
عمار : خلاص هي وقفل هالسيره
عمار قام عنهم يجيب له شراب
سيف بصوت واطي : انت كيف شفتها
صقر : كنت مره رايح له امر عليه وشفتها طالعه تركب السواق
سيف : وكيف هي ؟؟ انا اللي اعرفه امها فرنسيه
صقر وهو يسيح بالجلسه : يوووووه ياسيف .. البنت لقطه قمر ويمشي بالارض
سيف بحماس : كيف شكلها ؟
صقر : عيون زرق وشقرا وبيييضا وفيها حمار .. الزبده البنت اوروبيه مو سعوديه مافيها شي من العرب الا يمكن كلامها
سيف : ياخي حمستني اشوفها
صقر : اسكت هذاهو جاي لايسمعك ويذبحنا
سيف : ايه والله هذا ماعنده تفاهم ابد اذا اخته وشوي ويذبحها
صقر : خلاص اسكت
عمار يشرب من الكاس اللي بأيده : هاه عن ايش تسولفون
صقر وهو يقوم عشان يصب له كاس : ابد سلامتك .. اقول عمير
عمار : هلا
صقر : اذا تبي نساعدك بالخطط اللي براسك احنا حاظرين
سيف لف عليه كأنه يسأله على ايش ناوي
عمار : لا شكرا
صقر وهو يجلس : جد احنا بالخدمه
عمار : اذا احتجت لكم لجأت وقلت لكم بس حاليا لا
صقر : براحتك بس متى مابغيتنا انا وسيف ترانا جاهزين
سيف بصوت واطي مايسمعه الا صقر : على ايش ناوي ياحمار
صقر : بعدين
كملوا سهرتهم لما تجمعوا الشباب وكلهم تقريبا فاشلين وماخلصت السهره الا على الفجر
سيف وصقر ماكثروا شرب بس عمار كثر
سيف جنب صقر : اقول ابو الصقور الحين ايش ناوي عليه
صقر : شي يونسني انا معاك
سيف : بس هذي اخته
صقر : ههههههههه تعجبني تفهمها وهي طايره
سيف : هههههههه اكيد اعجبك
صقر : البنت انا شفتها كيييييييييكه اطيح عليها يعني اطيح عليها
سيف : ههههههه وكيف بتطيح عليها
صقر : ولا يهمك سهل امرها بس اعطيني فرصه اشوف هي بأي مدرسه واخطط لها خطه سنعه
سيف : وكيف بتعرف هي بأي مدرسه وكيف بتوصل لها
صقر : عادي انا لها وبسيط ترا الموضوع .. سهل لاتخاف
سيف : خاطري اشوفها
صقر : اوريك اياها وانا اخوك ماخلي شي بخاطرك وبتعذرني بعدين
سيف : نشوف هاللي دايخ عليها .. بس لازم ننتبه من عمار ولا والله بيذبحنا
صقر : اكيد افا عليك بس لازم نضبط وضعنا معاه
سيف : كيف يعني
صقر : لاتصير دلخ .. يعني نساعده بأي شي يبيه ونجاريه .. لازم نتقرب منه كثير
سيف : ههههههه لجل عين تكرم مدينه
صقر : ههههههههه وهذا انت قلتها
***********
توقعاتكم ؟؟
دمتم بود