الفصل 5
بارت(6)
عقب خالي ضاحي يا : هاا يقولي الحبيب شافج وانهرتي جدامه ما يسوى عليج الا شوفه
أنا: يديده شوفي ولدج
يديده: ضاحي خلها عنك شو تباها
خالي منقهر كني كله يدافع عني يديده طبعاً يحق لي أول حفيده لها
...
خالو مها: شموو تعالي بنسير داخل بنشوف فلم
أنا: لا مالي نفس أفلام أبا ارقد
خالو كلثم: توه تقول مافيني رقاد
خالي ضاحي: تبا تحلم بحبيب القلب
أنا شليت كوب الماي وصبيته عليه
شهق خالي: يا الحيوانه أمااه شوفيها
يديده: أنت حاط دوبك ودوبها قومو عني بسير برقد
هههه يوم أقولكم يديده ما ترضى علي
,.,
يوم السبت قمت الصبح
شفت خالو مها راقده صوبي وخالو كلثم الجهه الثانيه
متعودين ينشو متاخر مو انا أنش من وقت عسب الدراسة وكله نفس الوقت أجازة و ايام دراسة
سرت سبحت ولبست جلابية وصليت
...
طلعت برع الحجرة
أنا: سلام عليكم
الكل: عليكم السلام
خالي ذياب: قايمة من وقت اليوم
أنا: كل يوم أقوم من وقت أنت اللي شعندك مودر حرمتك وبنتك وياي اهنيه
خالي: حشى بيتج جنه ههه
يديده: تعالي مسويه لج خبز اليوم
أنا: ززين باكل ولو اني مضايجه من ناس ع سواتهم
خالي: أونج يعني ههه
يلست أكل يوعانه أمس ما تعشيت من اللي صار
...
ع الساعه 11 شفت خالو مها قامت ويايه تتريق
أنا: الناس ناشة من وقت وناس ناشة هالحزة
خالو: محد قالج روحج ناشة
أنا: بعد ما ياني رقاد شو اسوي
خالو مها: أماه شو الغدا
يديده: مجبوس لحم وسار أخوج أييب سمج
أنا: يعني ما اغدا اليوم
خالو مها : ماعرف ليش ما تحبي اللحم والسمج
أنا: طنشت وقعدت اشوف التلفزيون
...
عالساعه 1 رحت الشقه
أنا: سلام
الكل: عليكم السلام
امي: تغديتي
أنا: لا انا يوعانه
أمي: ززين يللا بدلي وتعالي
أنا: زين
قعدت أكل امي مسوية صالونه دياي
...