الفصل 5
في اليوم الثاني ... في المستشفى
يوم كئيب يملأه آللون آلآسود x آلآسود خدها لآيخلي من الدموع يوم لآ يقل عن قبله اخذ حقه من البكاء والدموع والحزن
ريناد جالسه بدورات المياه "الله يكرمكم" الي بغرفتها وحاطه راسها على فخذها وترتجف وتبكي
وشهد وفارس يضربون الباب من برا
فارس بدى يخاف عليها لايصير فيها شئ : ريناد افتحي افتحي كلنا مسامحينك افتتتحي
ريناد تبكي بحرقة قلب بصوت يقطع القلب بدون ماتحس رمت جسمها على الارض وترتجف وتبكي
وشهد وفارس خايفين حيل على ريناد
بوفارس عرف بالي صاير داخل ومرتبك وخايف وبنفس الوقت يحس بقسوه لريناد خلت سمعته بالارض
وام فارس في غرفة بالمستشفى اغمى عليها يوم كامل وفكروا انها دخلت بغيبوبه وتعرضت لصدمه لكن صحت اليوم الثانيه وتعرضة لصدمه قويه وصحت منها لكن حالها يرثى لها
ولجين تبكي وبنفس الوقت تحس بقسوه لاختها لجين طلعت على ابوها نفس حالة ابوها بالمصايب
اما شهد وفارس طلعوا حنونين وطيبين وام فارس وريناد ينهارون ويسون بأنفسهم أي شئ
لجين دخلت الغرفه لما حست ان الجو يتوتر داخل
بوفارس بصوت متقطع : لجين .......
لجين التفت لابوها : نعم
بوفارس : خبريني ..ش..شصاير ....لاختك
لجين هزت راسها بنعم ودخلت الغرفه خافت بجد من سمعت صراخ ريناد بدورات المياه "الله يكرمكم"
وصوتها وبكاءها وشهد وفارس يبكون بقوه عليها ويضربون الباب
لجين ضربت الباب معهم وبصراخ قالت : ريناااااد احنا نحبك لاتسوين بنفسك شئ
ريناد حطت راسها بالمويه البارده وهي ترتجف وتبكي وجلست فجـأه تضحك
لجين وشهد وفارس هنا بجد خافوا يوم سمعوا ضحكها
فارس ماتحمل ودز الباب بقوه وقام يضربه ويضربه لحد مانكسر شوي منه
وقدر يدخل من النص بصعوبه
دخل دورات المياه "الله يكرمكم" وشاف اخته وخاف وقف مرتبك مايدري وش يسوي
فارس صرخ : شهد لجين دخلوا معي حاولو
شهد دخلت بصعوبه وشافت المنظر ووقفت جمب فارس بخوف وارتباك
فارس صرخ : لاتخافين لاتخافيني ساعديني نطلعها
شهد بخوف : طيب طيب
حملوا لكن في الطلعه مو عارفين وجلسوا يضربون بالباب لحد مانكسر جزء كبير منه وطلعوا ريناد
وجلسوها على السرير وهم يهدونها
لجين طلعت تركض وراحت للستر : سستر بليز سستر انا سيك
السستر : اوكي اوكي
وجات السستر ورى لجين ودخلت الغرفه وعطتها مهدئ
السستر سوت لها شوية اشياء ومغذي وادويه عطتها وعطتها منوم حالتها تكسر الخاطر
ونادت النيرس اللبنانيه
النيرس فحصت على ريناد والتفتت للجين وشهد وفارس
النيرس اللبنانيه : الجنين مات وبدنا نعمل إله "لها" عملية إجهاز "إجهاض"
فارس مايدري ليه فرح لان الجنين مات : متى
النيرس : هلا "الحين"
لجين وشهد ناظروا ببعض جد انهم فرحوا لموت الجنين لكن بنفس الوقت حالة اختهم متدهوره
طلعوا كلهم برا وفارس معهم بما خبرتهم النيرس المصريه ان راح يعملون العمليه فوراً الحين وخطره مره
يمكن تموت فيها ريناد لان خطر عليها وخاصتاً لانها خذت شهرين مو شهر والجنين بدى يتكون شوي
ابوفارس بخوف : شفيها
لجين : مات الجنين
ابوفارس : كيف وليه
لجين : مدري بس ريناد دخلت دورات المياه "الله يكرمكم" ومدري وش سوت شكلها جلست تضرب بطنها وطلعناها وهي ترتجف وتبكي ومبلله مويه ومنسدحه على الارض وقالت النيرس ان مات وبيسون عملية إجهاض
ابوفارس جلس على الكراسي جد ماحب الطفل لكن كم يتمنى يشوف حفيد من احفاده وخاصتاً من ريناد
جد انها حملت وتزوجة بدون مايدرون لكن الي مريحه انها تزوجة على سنة الله ورسوله وعندها عقد الزواج
فارس : يبه شخبار امي
ابوفارس : بخير روح طمنها
شهد : بروح اطمنها
مشت شهد لناحية غرفة امها ودخلت
ام فارس : وينها
شهد جلست جمب امها : مات الجنين
ام فارس : كيف
شهد : ضربت نفسها وجلست تبكي وترتجف وحالتها يرثى لها لحد مامات الجنين والحين بيسون عملية إجهاض
ام فارس مومستوعبه : وهي كيفها
شهد : حالها ماهو حال يكسر الخاطر عطوها مهدئ ومنوم والحين بيسون لهاالعمليه
ام فارس بكت اكثر جد انها حقدت على بنتها لكن قلب الام طيب ومستحيل تحقد كثير بكت عليها
ام فارس : ابي اشوفها قبل لايسون العمليه اخاف تموت وهي شايله بخاطرها علي
لجين دخلت بهاللحظه وسمعت كلام امها : المفروض اهي تجيك وتخاف ان انتي شايله بخاطرك عليها
ام فارس : ولو هذي بنتي مثل مانتو بناتي
لجين : هذي بنتك تزوجة بالسر وحملت ولا خبرت ولا وحده مننا ولا احد يدري
ام فارس عصبت : مالك دخل انا امها وانا الي احاسبها لا انتي ولا اختك ولا اخوك لكم دخل فيها انا وابوكم نحاسبها فاهمييين
لجين سكتت لما لاحظت عصبية امها وفظلت الصمت وشهد جلست جمب امها تهديها
ام فارس : الله يرضى عليك ياشهد قولي شقال الدكتور
شهد : يقول العمليه خطيره ممكن ريناد تموت فيها (وسكتت فتره وخلت الدموع تنزل وتاخذ راحتها وكملت) يقول احتمال كبير تموت (ورجعت بنوبة بكاء) لان العملية خطره وخاصتاً ان خذ شهرين مو شهر ولا اسبوع
ام فارس بكت مع شهد وضمتها وحالتهم تكسر الخاطر كلهم يكسرون الخاطر وخاصتاً شهد وام فارس وريناد
.....................................
في بيت ابوفيصل
يملأه الفرح والسعاده لموافقة فيصل على بنت خاله ملاك
ام فيصل : اقول حبيبي فيصل متى تبي اتصل عليها
فيصل ناظر ساعته "9 الصبح" : يمه الله يهداك من الحين تفكرين ترى الحين الصباح اتصلي العصر
ام فيصل : الي تشوفه المهم اني اشوفك معرس واشوف عيالك
فيصل ابتسم وباس راس امها : الله لايحرمني منك ياغلى ام
شوق نزلت اخلاقها زفت صايره لابسه عبايتها والنظاره الشمسيه وعلى طول طلعت برا البيت
ام فيصل : شوق سلمي وافطري
شوق بدون نفس : كيف مابي اسلم وفطور مابي افطر
ام فيصل تعودت على شوق اذا صحت من النوم مره مروقه ومره اخلاقها زفت ابتسمت بحنان : براحتك
شوق طلعت وركبت السياره شافت رائد راجع البيت وشكله جاي من الجامعه
رائد : صباح الخير
شوق مشت وماردت
رائد : اووه الاخلاق مقفله
شوق التفت له وعطته تحقيريه وتصغيريه كلها غرور وبنفس الوقت مرعبه
رائد : بسسم الله وش هالنظره
شوق ركبت السياره وسكرت الباب وانطلقت بها السياره للجامعه
اما رائد دخل البيت وهو مبتسم يعرف اخته شوق مره مروقه ومره معصبه
رائد : اقول يمه شفيها بنتك شوق الاخلاق مقفله مررره
ام فيصل : ماتعرف اختك مزاجها متقلب
رائد : ماطلعت على اخوها رئود دوم رايق
فيصل بأستخاف : واضح
رائد : مالك دخل انا اكلم الغاليه بنت الغاليه الي ولدها الغالي
ام فيصل ضربته على خفيف : اخلص وش تبي
رائد : يعني انا مامدح امي الا وانا ابي منها شئ
ام فيصل : ولدي وخابزتك وعاجنتك شتبي
رائد : احم احم ابي فلوس
ام فيصل : ادري كم وليه
رائد : ابي 200 ابي اشترك بنادي
ام فيصل : لك من المئتين للمليون بس وش حقه هالنادي
رائد : حق رياضه
ام فيصل بخوف : لالا رائد اخاف تتكسر انت ماعندك صحه اكلك مثل اكل العصفور
رائد : بالعكس يمه هذي الرياضه تعطيني لياقه وقوه حتى لو اكلي مثل العصفور هذي تعطيني قوه
ام فيصل : مدري شقولك الي تشوفه الا اقول مانزلت مكافئتك
رائد : ليه ناويه عليها
ام فيصل : ههههههههههه لا بس اسـأل غريبه جاي تطلب مني ولا دوم مغتر بهالمكافئه الي تنزل لك
رائد : هههههههههههه لا لسه مانزلت باقي اسبوع
ام فيصل : اجل الله يعيننا على طلباتك الي ماتخلص
رائد لاحظ فيصل انه شارد ويفكر
حب يقطع عليه تفكيره وقال : اقول فيصل وين وصلت
فيصل مارد عليه ووقف وصعد غرفته
رائد : الي ماخذ البال يتهنى به يابختك والله ياملاك اخوي فيصل شكله منجن عليك
فيصل وهو معطيه ظهره ابتسم اول ماجابوا طاري ملاك
صعد لغرفته وهو يحس بالسعاده من كل مكان يحس الدنيا تضحك له
خذ له دش سريع وبدل ونزل تحت
ام فيصل : وين بتروح فيصل
فيصل : بروح صاحبي سامي بفرفر معه وش وراي
ام فيصل : ياولدي روح للمستشفى احسن لك ماخذ لك إجازه وجالس عطالي بطالي
فيصل : يعني جالس على قلبك
ام فيصل : لا ابد بس يعني اقول إجازه مو بوقتها
فيصل : ماعلينا تامريني على شئ
ام فيصل : لا ابد سلامتك ولاتسرع بالسواه
فيصل : مع السلامه
طلع فيصل وقابل رائد
رائد بأستفزاز : خوش دكتور والله تفرفر بالشوارع من الصباح
فيصل التفت عليه وبنفس نظرته الاستفزازيه : خوش جامعي والله جالس بالبيت وساحب على الجامعه
رائد : خلصت ماعندي محاضرات
فيصل : هههههههههههه اقول يمه تكفين اخذي جدوله حق يوم الاربعاء شوفي عليه الساعه 9 محاضره وساحب عليها
رائد : احم احم انا بروح انام
ام فيصل : رئود تعال وقف محلك
فيصل طلع وهو مبتسم لانه خرب على رائد روقانه
ركب سيارته وانطلقت به لمكان مايدري وين يروح
ام فيصل : رئود البس وروح الجامعه فاهم
رائد : يمممه
ام فيصل بجد : قلت لك روح ولا ترى يارائد بزعل عليك
رائد : لالا كل شئ ولا زعل الغاليه
ام فيصل : اجلس البس وروح الجامعه
رائد : ان شاء الله
صعد غرفته وهو متضايق : ( الله ياخذك يافيصل خربت علي روقاني )
لبس ثوب وشماغ وعقال صاير جذاب ورش عطر واخذ كتابه ودفتره والقلم ونزل تحت
ام فيصل ابتسمت لما شافته لابس للجامعه : الله معك
رائد ابتسم : تسلمين
طلع وركب سيارته وانطلق للجامعه ونزل
الشباب : هووووووه مستر رائد جاء وين الي بيسحب
رائد بملل : الله يقلعه اخوي فيصل خرب علي وامي اصرت اني اجي
صالح : احسن تستاهل ولا وش السبب انك تغيب
رائد : مالي خلق ياشيخ
صالح : شعندك على اساس انك تاجر مشهور
رائد : متسقبلاً
فهد : هههههههههههه انا قاطع الامل فيك انت بتكون تاجر
رائد : انطم بصير ان شاء الله
احمد : تصدقون عاد انا اتوقع صالح وفهد تصيرون تجار الا انت يالمطقع
رائد ضربه على خفيف : ليه انا طيح من عينك ولا مو عاجبك
فهد ناظر ساعته : اقول شباب المحاضره باديه سلالام
رائد وقف : وانا باديه سلالام
اختفوا رائد وفهد وبقوا صالح واحمد
صالح : بوحميد طلعت لي فكره نروح اليوم النادي نلعب بلياردو وكذا
احمد تحمس : والله عجبتني الفكره قول فهود ورئود
صالح : يووووووه المحاضره بدت وانا مارحت قم قم
وقفوا صالح واحمد وراحوا للمحاضره والمكان صار فاضي
...................
مشوا وتوجهوا للقاعه ودخلوا
الدكتور : بدري تجون
صالح : اسفين دكتور خذنا الوقت
الدكتور : راح نص الشرح وين اصرف الحين خذنا الوقت ماراح امشيها بعتبرها لكم غياب
احمد : تكفى دكتورنا دخلنا عااادي بس المهم لاتعتبر غياب
الدكتور : انا متأخر لاتخلوني أأخر الجايين برا
طلعوا احمد و صالح وهم يتحلطمون على الدكتور
احمد : والله ماخذ الشرح حتى ربع ساعه ليه يطلعنا
صالح : ياشيخ لا تضيق خلقك خلنا نجلس نستهبل ولايهمك
راحوا للكافتيريا
صالح : لوسمحت
الجرسون : وت
احمد : اثنين كورسان واثنين كبتشينو
الجرسون : اوك
صالح : اقول بوحميد مباشر علي
احمد : يسس
صالح : هووه شعندك
احمد : اذا تبي تدفع عادي
صالح : لالا خلاص بسكت
احمد : هههههه جد ماشفت خير
جلسوا يسولفون لحد ماجاء الاكل وبدوا ياكلون
دخلوا عليهم فجأه رائد وفهد
فهد بأستغراب : ماحضرتوا المحاضره
احمد : للاسف لا
رائد : ليه
احمد : الزفت الدكتور طلعنا لاننا تأخرنا
صالح : والله احسن
رائد : افففف وانا هالزفت فهود موديني قبل المحاضره بـ5 دقايق
فهد : احب العلم
صالح : هالفهد واحمد كل شئ ولا يفوتون محاضره
رائد : اما انا وانت اوووف مطقعين
.......................
في جامعة البنات للتربيه
شوق في المحاضره وجمبها ملاك بنت خالها على اليسار وعلى اليمين جوري
ملاك بهمس : اقول شوقو هالزفته المشرفه قاهرتني
شوق بهمس : افففف حتى انا واقفه بالنص ماني قادره اطلعها ولا ابلعها
ملاك : افففف
المشرفه : هيه انتو وياها يالي ورا سكتوا ولا ترى براا
شوق بصوت شوي عالي : افففففففففففف
ملاك ابتسمت برضا على حركة شوق بردت شوي من حرتها
المشرفه ناظرت شوي بأستحقار لحركتها الاستفزازيه
وكملت تراقب وكانت انظارها لملاك وشوق
جوري همست : اقول شوقو شكلها بتحولك للاداره نظراتها كلها عليك
شوق : عادي تحولني وش وراي اروح
المشرفه انتبهت لجوري وشوق
المشرفه بصراخ وبصوت عالي : الي فوق الثلاثه طلعوا برا
ملاك بصوت شويه عالي : يالله بنات انا مالي نفس هالمحاضره خلونا نطلع زين جات منها
المشرفه وصلت معها : احترموا نفسكم واذا مو محترمين انفسكم احترموا المكان الي انتو فيه
شوق : برافوووو درس الاحترام مع المشرفه الفاضله
المشرف بمقاطعه : برااا
شوق وملاك وجوري وقفوا وطلعوا برا والمشرفه معصبه منهم مره شافت بنات كذا بس هذيلي بصوت عالي يتكلمون
طلعت وراهم وتكلمة بصوت عالي : وراي للاداره
شوق : وااااو مشتاقه لها يالله بنات سرينا
مشوا جوري وشوق وملاك للاداره قدام المشرفه عشان يقهرونها
وصلوا للاداره وفتحوا الباب
المشرفه بقهر : ياحضرة المديره هذيلي البنات قليلات ادب ويرفعون اصواتهم على المشرفه
المديره ببتسامه : بنات صح هالكلام
جوري : صح
المديره القت نظرها عليهم "ماشاء الله كلهم قمر" : حبايبي انا ماراح اهزأكم ولا بسوي لكم شئ بس ابي منكم شئ
كلهم : شنو
المديره : تعتذرون للمشرفه
ملاك بدون شعور : تخسي
المديره ناظرت بملاك : لوسمحتي احترمي نفسك والمكان الي فيه
المشرفه : تلوميني ياحضرة المديره قليلات ادب "واشرت على شوق وملاك" وخاصتاً هالثنتين
المديره ناظرتهم : سامحيهم هالمره والمره الثانيه لي شغل ثاني معهم
شوق وملاك وجوري ناظروا بالمشرفه بأنتصار وطلعوا من الغرفه واصوات ضحكهم عاليه
المشرفه : المفروض ياحضرة المديره
المديره بمقاطعه : انا اعرف شغلي وكيف اتفاهم مع طالباتي
المشرفه : بس بكذا بتخلينهم يزيدون بالقلة الادب اذا كان ماتسوين لهم شئ
المديره : ماعاش من يزيد قلة ادبه وانا موجوده وانتي تطمني مستحيل لو يعيدونها يعدونها
المشرفه ابتسمت : مشكوره
المديره بادلتها الابتسامه : هذا شغلي وواجبي
طلعت المشرفه من غرفة المديره وسمعت ضحك البنات جالسين على الكافتيريا
المشرفه : للمحاضره قدامي
شوق بأحتقار تناظرها من فوق لتحت : شنو شنو ماسمع
المشرفه : اشوفكم قدامي للمحاضره
ملاك : انتي طردتينا ليه ترجعينا جد ناس ماعندها كلمه وحده
المشرفه مشت ماتبي تطول الحديث معهم ماتحب تتعامل مع الي مثل ملاك وشوق يراددون والغرور يبين من عيونهم لكن تعاملهم مع البنات غير غير بكثير متواضعين وحبوبين
شي وخلص الكلاس وجاو البنات
روان : صراحه اليوم احسدكم لعبتوا بالمشرفه والله انتي حفله بدون كيك
جوري : افا عليك نعجبك
بشاير جلست وهي تتنهد وجلست ساكته
رنيم : اليوم توقف نص الشرح والسبب ان البنات بدوا سوالف وضحك وهرج ووصل لمسامع الدكتور وعصب ووقف شرح
روان : ايه والله عصب صراحه البنات ماسكتهم المشرفه وبس طلعت شوفي الهرج الي صار
شوق : احسن خليها تعصب
ملاك ناظرت ببشاير بغرور ورجعت تناظرهم
ملاك تذكرت شئ : اقول بنات لجين وشفيها ماجات
شوق : والله مدري غريبه تغيب بدون ماتعطينا خبر
ملاك : مدري شرايك اتصل فيها
شوق : ايه
اتصلت ملاك عى لجين بعد رنتين وصلها صوت لجين المبحوح : الو
ملاك بأستغراب : لجين
لجين : لا الجنبي ايه لجين نعم شتبين
ملاك استغربت اكثر : شفيك هبيتي بوجهي ليه غايبه
لجين : كيفي بغيب ولا انتي امي تدخلين فيني
ملاك : لا بس فقدناك
لجين : شكراً
ملاك : اخليك شكل اخلاقك زفت
لجين سكرت الخط بدون ماترد
ملاك ناظرت البنات بأستغراب : تصدقون مدري متغيره صوتها متغير فيها شئ اكيد
شوق سحبت جوالها : بتصل على نوف او ساره بسأل جات شهد ولالا
ملاك : وش تستفيدين
شوق : اذا جت لجين فيها شئ اذا ماجت فأكيد كلهم فيهم شئ عيال خالتي
روان : جد اتصلي
شوق طلعت جوالها : الو
ساره : هلا مين
شوق : انا شوق
ساره : هلا شفيك داقه
شوق : اقول سارونه شهد بنت خالتي جات السكول
ساره : تصدقين لا
شوق بأستغراب : تصدقين حتى لجين ماجات
ساره بأستغراب شديد : اكيد فيهم شئ اجل لجين وشهد يغيبون
شوق : طيب مع السلامه
ساره : باي
سكرت شوق من ساره والتفتت للبنات
شوق : ماجت شهد
جوري: لالا البنات فيهم شئ
رنيم وقفت : بنات اخوي جاء سي يو
اللكل : سي يو في الطريق تشربين ديو ياغبيو "جملتهم المعروفه"
شوق : اقول ملووكه شرايك اوصلك بيمرنا فيصل
ملاك حست بخجل وخاصتاً لانه فيصل : لالا استحي من فيصل لو السايق او رائد ممكن