تدري وش اللي يقلب فيني أوجاعي لا من طرالي فرقاك و إنك لغيري - الفصل 3 | روايتك

ام طلال : ( هذا اخر دلعك لها شوف لوين وصلتها ) اول ماتجي اخبرها طلع ابوطلال وتوجهه لدورة المياه "الله يكرمكم" وام طلال تبي تبكي وتفرغ كل الي بقلبها وماتبي بوطلال يشوفها بهالحاله ويشك بشئ ام طلال نزلت تحت لحظها التعيش شافت طلال وين ماتروح بتشوف احد توجهة للمطبخ تجهز الاكل لبوطلال وطلال طلال بصوت كله مرح : هااي يمه ام طلال : هلا طلال حست بأمه فيها شئ صوتها متغير وجها متغير راح لها وربت على كتفها وقال بحنان : يمه شفيك ام طلال ابتسمت له بدورها بحنان : مافيني الا العافيه طلال : يمه انا اعرفك من نظرتك انك متضايقه وتبكين خبريني شفيك ام طلال بضيقه كبيره : طلال ابعد عني خلني اشوف طريقي لاتقعد شفيك ومافيك طلال : والله يايمه ماراح ابعد الا لما اعرف سبب ضيقتك الي عفستك وهذاني حلفت ام طلال دفته بخفيف وراحت للمطبخ وطلال قلقان ولحقها للمطبخ وهو تضايق معها وهو مايعرف السبب ام طلال جهزت الاكل وساعدتها ميري على حطاط الاكل على طاولة الطعام رغم مالها نفس للاكل بس عشان طلال وابوطلال مايحسون بأي شئ وهي ناويه ماتخبرهم طلال : يمه شفيك ام طلال بدت تعصب وصرخت : خلاص طلال شفيك وشفيك غصب اقولك اطلع برا اطلع طلال استغرب الحين بجد من امه تصارخ ومعصبه ومتضايقه وتبكي طلع بهدوء وهو يحس متضايق مره جلس على الكنب وابوطلال نزل ببتسامه ابوطلال : هاه طلال رجعت من الجامعه طلال حاول يبتسم ومايحسس ابوه بشئ لكن ماقدر والضيق مبين بعيونه ووجهه : ايه رجعت من شوي ابوطلال : شفيك متضايق طلال يصرف : هاه لا مافيني شئ بس صداع براسي بروح ارتاح بوطلال بخوف : ننقلك للمستشفى طلال : لامايحتاج شوية صداع ارتاح شوية ويخف .. سلام ابوطلال : روح روح ارتاح الله معك واول ماتصحى وتحس نفسك خفيت طمني اوكي طلال باس راسه : اوكي صعد لغرفته وهو ضايقه فيه الوسيعه وحالة امه الي موقادر ينساها اول مره يشوفها بهالشكل شكل الموضوع ياطلال قوي هالي أثر بأمي وخلاها بهالضعف لازم اعرف لازم اعرف ) .......................... في اليوم الثاني في بيت ابوبدر دانه جالسه بغرفتها ومعها ريما الي رفضت ترجع بيتهم دانه كانت مبسوطه لجية ونومة ريما ببيتهم وبنفس الوقت متضايقه لحالتها دانه حاطه الاكل على الطاوله وتترجى ريما تاكل دانه برجا : تكفين بهذي لاترديني اكلي تكفييييييين ريما صدت عن الاكل : مابي مابي دانه : ريمو بلا دلع اكلي ريما : دانه مابي لاتغصبيني دانه : لك يوم كامل مادخل بفمك شئ شوفي نفسك ذبلانه ريما : انا الي ماكلت ولا انتي وكيفي انا مستانسه لشكلي الذبلان كذا دانه نزلت الاكل وهي متضايقه من حالة ريما الي تدهور يوم عن يوم رن جوال ريما ورفعته : الو : هاه ريما نتلاقى اليوم ولا الصور اعتبريها منشوره ريما رجعت تبكي : تكفى تكفى حرام عليك الي تسوي فيني يامتعب ارحم حالتي تخيل لو اختك صار لها كذا وش بتسوي متعب بقسوه : حرام علي ولا عليك وبعدين لاتمثلين دور المسكينه ولاتجيبين طاري اختي على لسانك لان اختي اشرف وارقى من هالاشكال ريما : متعب متعب : ياشين اسمي على لسانك سمعيني ياريما كلام يوصلك ويتعداك لو ماتقابليني يوم ونتفاهم (قالها بأستفزاز) ياقلبي ولا ترى الصور منشوره منشوره ريما : انتي حقير متعب : احترم وجهة نظرك فيني ريما دخلت بدوامة بكي موطبيعيه تبكي بحرقه تبكي بندم بس وش يفيد الندم ياريما الحين اما دانه كانت تسمعها وهي مصدومه شافت انذال بس مثل متعب ماقد شافت لعب بمشاعر بنت وخلاها تغرق بدوامة الحب وفي الاخير يهددها ويقسى عليها من جد الحياة صارت تخوف حتى الرفيق الي تثق فيه احذره دانه انقهرت وهي تشوف حال بنت خالها ريما كيف يقطع القلب سحبت الجوال وردت بصوت اقسى من صوت متعب واستفزازي واحتقار : اسمع انت ياولد الشوارع يالي ماتربيت احترم نفسك واعرف قبل لاتكلم احد مين تكلم ومين بنته انت تكلم البنت الي تسواك انت واهلك الي تغرقك بخيرها اسمعني ياولد الشوارع هالرقم هذا لو تدق عليه مره ثانيه لاتشوف شئ ماشفته (وصرخت) سامع متعب محد يستفزه لكن هالبنت كلامها حرك فيه شئ استفزته بكلامها درجه اوله وخاصتاً كلمة ياولد الشوارع متعب سكت لان يحس بضعف ماعمره حس فيه حس بضعف شديد من كلمة "انت تكلم البنت الي تسواك وتسوى اهلك" " ياولد الشوارع" دانه : سامع متعب : لا اشم دانه : هيهيهي اشم ريحة نكته ريما سحب الجوال منها وسكرت الخط لكن سرعان ماوصلها مسج من متعب "تجين ولا الصور منشوره" رجعت تبكي بشده قطعت قلب دانه : عمري ماشفتك ياريما بهالشكل وبهالضعف ارتمت ريما بأحضان دانه دخل فجأه بدر وشاف المنظر واستغرب تبكي بقوه ومرتميه بأحضان دانه في شئ وكلام طلال ولد خاله يتردد بذهنه لما كلمه "امي متضايقه اتوقع فيها شئ" وريما عندنا يوم كامل وكله تبكي اكيد السالفه كلها متعلقه بريما نادى دانه وطلع برا دانه : نعم بدر : شفيها ريما من يوم مو على طبيعتها المرحه دانه حست بضيقه ونزلت دموعها وسرعان مامسحتهم وحس فيهم بدر : مافيها الا العافيه بدر : من شوي اتصل علي طلال ويقول امه متضايقه وريما متضايقه السالفه تتعلق بريما صح دانه بضيقه وضحت بعيونها بشكل كبير : مافيها شئ تكفى روح بدر جلس جمبها بحنان : دانه انا اخوك واقرب انسان لك تخبين علي شئ بقلبك قولي واعتبري سرك في بير دانه قالت لاخوها كل الي صار بضعف تبي حل لازم رجال يوقف معهم بهالموقف اما بنتين مستحيل يحلونه مع رجال همدي مثل متعب بدر مو مصدق ريما الهاديه المرحه البريئه يطلع منها كل هذا دانه : لا تقول كيف وليه هذا الي صار وانا ماقلت لك الا ابي مساعدتك ريما تكسر الخاطر وخالتي نوال حالتها حاله بدر استوعب الكلام ورد بطبيعته : قال بيقابلها صح دانه : صح بدر : خليها تقابله دانه بصدمه : شنو تقابله هذا الحل الوحيد عندك جد الغلطان الي يقولك بدر : خليها تقابله واروح معها وانا الي اقابله دانه : والله وش بتقول له بدر : رجال بين رجال يتفاهم خليها علي وبتفهمين كل شئ دانه ابتسمت براحه وهي عارفه بدر اكيد بيخلص الموضوع دخلت الغرفه شافت ريما مثل ماهي ريما بأنفعال : قلتي لاخوك صح اعترفي دانه ابتسمت براحه وتقدمة لها : ايه قلت له ريما بعصبيه : ليه قلتي له بياخذ عني فكره سيئه دانه : انا قلت له ياريما عشان يحل الموضوع ويقولك بدر قابليه هذا الحقير وبيروح معك ويقابله هو ريما مومستوعبه : حلفي دانه : والله شفتي كيف انا افكر ماقلت له الا وانا عارفه بيسوي شئ للحقير هذا ريما : والله لو يبعده عني وياخذ الصور والله لاكون اسعد انسانه بالوجود دانه ابتسمت براحه وهي تشوف ريما رجعت مثل قبل بس الحزن مازال واضح عليها ............................... في المستشفى التحاليل بتطلع اليوم والكل متوتر وعلى اعصابه جالسين بالمستشفى