الفصل 2
ابوفارس ماحب ان الشباب يطولون الجلسه مع البنات حتى لو كانوا عيال خاله بس ماحب هالشئ
ابوفارس وقف : يالله شباب خلونا ننتقل لمجلس الرجال ونخلي الصبايا على راحتهم
وقفوا فيصل ورائد وفارس
ريناد : لا فرروس مشتاقين لك
فارس : بتشبعون مني وشوفوا هذي الشنطه فيها الهدايا وكل هديه مكتوب عليها صاحبتها
ابتسم وطلع وهم بدورهم ابتسموا له
كلهم تقدموا للشنطه وفتحوها ولجين نست الالم وزعلها بدوا يفتحون
شافوا ساعه فخمه مبين عليها السعر غالي خمنوا انها تطلع بـ 3 آلآف
كان شكلها فخم مره اللكل تمناها له بس فارس كاتب على كل هديه وصاحبتها
لجين شافت الاسم مكتوب شوق
لجين بضيقه مدتها لشوق
شوق استغربت من ضيقة لجين اكيد تبيها ببتسامه ردت : لجين
لجين : هلا شوق
شوق : وشفيك متضايقه
لجين نسيت الضيقه وردت بمرح اكيد جاب لنا احلى وافخم واغلى ) انا متضايقه بالعكس
شوق يوم شافتها مرحه ماحبت تعلق
شافوا هديه كبيره فتحوا الغلاف الي عليها كانت مره حلووه
كان فيها بوك وشنطه وعطر ولوشن وساعه واشياء للشعر كانت مره حلوه
شافوا الاسم لجين ابتسمت لجين بفرح
لجين بصرخ : فديتك يافرووس
شوق كانت مبتسمه : ( والله انك ذوق يافارس )
وكل وحده اخذت نصيبها وكانوا بالمرتبه الاولى من الهدايا لجين وشوق
بدوا سوالف وضحك البنات
وقفوا اروى ونوف وساره وشوق وهم لابسين عباياتهم
ووقفوا لجين وشهد وريناد
ريناد : وين بدري
اروى : بدري من عمرك مره ثانيه نزوركم
ريناد : الله معكم
طلعوا البنات وفيصل ورائد يحترونهم برا
دخل فارس عليهم وشاف كل وحده معها هديتها
كان حب يسألهم شوق وش قالت عن هديتها بس تلاشت هالافكار بصوت ريناد
ريناد : يعطيك العافيه كل هديه احلى من الثانيه
فارس ببتسامه : الله يعافيك ولو هذا قليل قولوا وشرايكم بالهدايا
كلهم بصوت واحد ومرح : جنان
ابتسم فارس ووقف : انا رايح انام تعبان حدي
كلهم : نوم العوافي
صعد غرفته فارس ورمى نفسه على السرير بتعب
..................
وبعد مرور شهرين وتحول كل شئ
في الجامعه الي فرحان والي حزين والي موطايق نفسه
كانوا البنات مسوين قروبات في قروب ملفت وهو قروب شوق
كانوا جالسين على الارض شوق ولجين وجوري و3 بنات ( رنيم و بشاير و روان )
كان الضحك والسوالف مالي المكان وكل من يمر يناظرهم
مرت جمبهم وحده دلوعه ومايعه
صرخوا بصوت واحد : لاتذوبين
: انتو هيه لاتصارخون انا ماتحمل الصراخ
بشاير : ياربي على الناعمه
مشت عنهم البنت وهي مقهوره منهم
رنيم : تصدقون عاد مشتهيه استهبل وانقز واركض واصارخ
جوري : لاتخلينه بخاطرك قومي
وقفت شوق بتأييد ووقفوا لجين وروان ورنيم وبشاير
وقاموا يركضون بالجامعه مثل الاطفال ويصارخون ويغنون والضحك كان سابعهم
مايسكتون دقيقه
كان هاليوم بالنسبه لشوق غير غير بكثييير
جلست لجين على الارض بتعب : اوففف تعبت
جلسوا معها كلهم ومن جد تعبوا من الركض
بعد دقايق وقفت روان
الكل : وين
روان ابتسمت : بشتري مويه
طلعت شوق من شنطتها 20 ريال : بلييز جيبي مويه على عددنا مباشره عليكم
ضربتها رنيم على خفيف : تباشرين علينا بمويه
شوق : هههههههههههه اجل وش تبون ليكون تبون موكا
كلهم بتأييد : يسسس
شوق : في الجنه ان شاء الله المهم قلبي روان جيبي على عددنا مويه اوكي
روان مشت وبصوت عالي : اوكي
اختفت روان عن انظارهم
.............................
رنيم وروان وبشاير < العمر : 20 .. في ثاني جامعه .. تخصص : تربيه
........................
ريناد رجعت من الجامعه وهي مره تعبانه رمت نفسها على السرير بسرعه
ونامت وهي بعبايتها
دخلت الغرفه عليها شهد : رينااد
ريناد كانت تعبانه مره وردت بصوت مبحوح : تعبانه شهد طلعي برا
شهد خافت ريناد تتعب وتنام عادي بس هالمره صوتها غير والعرق ينزل منها وتلهث وتتنفس بسرعه
حطت يدها على جبهتها حست بحرارتها مرتفعه
خافت بجد وطلعت من الغرفه ومسكت سور الدرج وصرخت : يمااااااااااااااااااااه
ام فارس : نعم
شهد بصوت عالي : يمه يمه الحقي ريناد تعبانه شكل حرارتها مرتفعه
ام فارس خافت وبسرعه صعدت الدرج ودخلت غرفة بنتها ريناد وقاست الحراره وطلعت بجد مرتفعه
ام فارس بخوف : شهد طلبي دكتوره
شهد هزت راسها وراحت للتلفون واتصلت وعطتهم خبر وقالوا بيرسلون لهم دكتوره
وشوي ووصلت الدكتور جات بجية فارس
فارس بأستغراب : لوسمحتي
: نعم
فارس : احد طالبك هنا
: ايوه
فتحت الباب شهد وسحبتها لفوق بدون ماتكلم فارس وفارس لحقهم
دخلت الدكتوره غرفة ريناد وفحصتها وعطتها شوية علاجات وطلعت لام فارس وشهد وفارس القلقانين
الدكتوره : هي بخير وعطيتها شوية علاجات ومكتوب عليهم الوقت
فارس : وشفيها
الدكتور : قلت لكم مافيها شئ بس شوية تعب وارهاق حرارتها مرتفعه واضبوا على الادويه وان شاء الله تتحسن
طلعت الدكتوره من البيت
ودخلوا غرفة ريناد الي تعبانه
ريناد ابتسمت بتعب ماتبي تخوفهم : شفيكم مافيني شئ لاتخافون ومالاداعي اصلاً تجيبون دكتوره
ام فارس جلست جمبها بحنيه ومسحت على شعرها : لاتتكلمين ولا تتعبين نامي ياحبيبتي نامي
ريناد : لا يمه مابي انام
فارس : ريناد نامي لاتتعبين نفسك ولا بنزعل
ريناد ابتسمت بتعب : غصب يعني انام
فارس : ايه غصب
غمضت عينها ريناد ومن جد نمت خذها النوم وام فارس جالسه جمبها هي وشهد وفارس طلع لغرفته
شهد : يمه شويه تعب بس لاتتضايقين
ام فارس مسحت دموعها : لاتنسين يابنتي هذي بنتي وماحب اشوفها بهالحاله
شهد : يمه انتي روحي كملي طبخ الغدا وانا بداريها اول ماتصحى بناديك
ام فارس : لالا بجلس معها
شهد : يمه خلاص قومي الحين ابوي يرجع ولجين ترجع واكيد جيعانين قومي كملي الغدا
ام فارس استسلمت وقامت وشهد جلست جمب ريناد وانسدحت جمبها ونامت بدون ماتحس وهي مو نايمه
...................
في الجامعه الساعه 12
خلصت محاظراتهم
وجلسوا بالكافتيريا
لجين : اممممممممممم السايق الله يرجه مشغول وفارس مايرد اقول شوقو خلي اخوك رائد او فيصل يجينا
شوق : لا خلاص ابدق على السايق
لجين ماتبي السايق تبي فيصل : لالا امي ماترضى اركب مع السايق
شوق : ليه من متى هالقرار ومو من شوي تقولين السايق مشغول
لجين بتصريفه : ههههههههههههههه امزح بس سواقكم ما استلطفه
شوق : لا والله وحنا متوقفين عشان تستلطفينه ولالا اهم شئ سايق يودينا ويجيبنا انا بتصل عليه
قبل لاتتصل اتصل جوالها كان المتصل "رائد"
ردت عليه : الو
رائد : هلا
شوق : هلا رئود
رائد : تبين اخذك
شوق : جيت بوقتك يالله حنا خلصنا
رائد : يالله شوي وانا عندكم
شوق : طيب
سكرت شوق من رائد والتفتت للجين الي وجها منعفس لانها ماتبي رائد تبي فيصل
شوق : لجين
لجين : هلا
شوق : يالله قومي رائد يحترينا
وقفوا معهم بشاير ورنيم وروان وجوري
جوري : وانا بتصل على اخوي اجل يجيني دامكم بتمشون
رنيم : اقول جوجو توصليني
جوري من عيوني بشوره روان اوصلكم
روان : لا انا دقيت على امي وقالت بترسل لي السايق
بشاير : لا والله ماتقصرين بروح مع روان
جوري تمثل الزعل : يعني بشوره تتركيني انا وتروحين مع روان
بشاير : ههههههههههه شسوي فيكم الحين جاني عرضيين
جوري : لالا امزح يالله رنيم مشينا
مشوا جوري ورنيم مع بعض وبشاير وروان مع بعض ولجين وشوق مع بعض
....................
بدر : اقول دانه
دانه : هلا بدر
بدر : جيبي لي مويه
دانه تخصر : ياسلام والله وانت ليه ماتجيب لنفسك
بدر : يالله عاد والله تعبان
دانه بخوف : شفيك تحس بشئ
بدر ابتسم : لامافيني شئ بس تعبان شوية صداع جيبي لي مويه
وقفت دانه وراحت تركض تجيب له مويه
بدر رجعت له ذاكرته لوراا لشوق حبيبته الي مجنون فيها الي ملكة قلبه وروحه وكيانه وعفسته فوق تحت
قام يتذكر حركاتها دلعها ونعومتها وكلامها وملامحها عيونها ونظرتها وكل شئ فيها قطعت عليه افكاره دانه
وهي تمد له المويه
اخذ المويه وشربها بسرعه ووقف : رايح غرفتي
دانه بخوف : تعبان بجد بدر ولا بس تخوفني
بدر : لا امزح معك بس صداع شفيك
راح غرفته ودانه خايفه عليه دخل راكان وجلس بالصاله
راكان : دانه
دانه : هاه تناديني
راكان : لا الجدار في احد غيرك هنا يادانه
دانه : كنت سرحانه مو معك
راكان : المهم وين امي وابوي وبدر
دانه : بدر توه رايح غرفته راسه مصدع وامي وابوي طالعين
راكان : اهاا وانا بنام
دانه : اف يعني بجلس هنا بالصاله لوحدي
راكان : صرفي نفسك عندك التلفون والتلفزيون والطلعه
دانه : شكلي بروح المول مع بنت خالي ريما
وقف راكان وراح غرفته ودانه سحبت التلفون واتصلت على ريما
وصلها صوت خالتها
دانه : هلا خالتي
ام طلال : هلا ريما
دانه : شخبارك خالتي
ام طلال : بصحه وسلامه وانتي دانه شخبارك وشخبار امك وابوك وبدر وراكان
دانه ابتسمت : كلنا بخير وبصحه وسلامه وشخبارك طلال وريما
ام طلال : طلال وريما بخير
دانه : خالتي وين ريما
ام طلال : ريما ايه لحظه شوي
ام طلال : ميري مييري
ميري : يس مدام
ام طلال : نادي ريما
ميري : اوكي مدام
راحت ميري دخلت غرفة ريما الي جالسه على السرير وتفكر
ميري قطعت عليها افكارها : مدام
ريما بدون نفس : خير
ميري : في تلفون
ريما : طيب
ميري نزلت وريما سحبت التلفون الي جمبها وردت : الو
دانه : هلا و غلا بريمو
ريما ابتسمت ونست ضيقتها وانبح صوتها : اشتقتلك
دانه : اشتقتلني شوي وتبكين وشفيك
ريما : دانه محتاجتك مووت
دانه بخوف : ريمو شفيك صوتك متغير شوي وتبكين شفييك مو من عادتك
ريما بكت : ندوش الزفت الحقير الي اكلمه بالجوال متعب لعب علي
دانه بجد خافت : شنوو انا كم مره انصحك ياريما واقولك اتركيه وانتي تقولين لا احبه وبيتزوجني وهو يحبني
ريما بكت بقوه : تذكرين يوم اطلع معه صورني يادانه صورني
دانه : شنوووووووووو
ريما اختفى صوتها : صورني
دانه : ياويلي ياريما بتروحين فيها ياريما ياويلك
ريما : ولا بعد ركب صوري بصور مع رجال وخلاها بشكل قليل ادب ومنحرف ومهددني بينشر الصور
دانه : شنوووووووووو ياويلي ياريما رحتي فيها بجد
ريما بكت بشكل كبير : انا بمصيبه يادانه بمصيبه
دانه : انا جايتك ريما
ريما : اوكي احتريك
سكرت دانه من ريما وراحت لغرفتها ولبست ملابسها وهي متضايقه مره على حال بنت خالها ريما
تذكر صوتها ودموعها
دانه : الله يهديك ياريما كم مره قلت لك لاتكلمينه تراه لعب قلتي لا هو يحبني ويبي يتزوجني
سكرت انوار الغرفه وطلعت وانطلقت بها السياره لبيت خالها
......................
ام طلال وقف قلبها من الي تسمعه سمعت حديثهم بالتلفون
وصعدت لغرفة ريما
ام طلال دخلت بهمجيه نقزت ريما من مكانها : ريماااااااااااااا
ريما : يمه شفيك
ام طلال تقدمة لها وضربتها كف : يالحقيره آآآه على تربيتي لك ياريما آآآآآه
ريما حطت يدها على خدها بأستغراب : يمه شفيك
ام طلال : يالحقيره يالحماره يالزفته
ريما بعصبيه : يمه وش هالكلام فهميني شفيك
ام طلال : انتي الي قولي لي وش فيك وش جرى لك وين راح عقلك منك
ريما : فهميني يمه
ام طلال : انتي الي فهميني تكلمين رجال اجل هااااااااه يالحقيره
وعطتها كف اقوى من الاول بمليون مره طيح ريما على الارض وخلاها تبكي
ريما مسكت قميص امها من الحفه ودموعها تنهار اكثر واكثر : يممه
ام طلال : تكلمين رجال وطالعه معه بعد يالحقيره سمعت حديثك انتي وبنت عمتك دانه ومصورك بتفضحينا يالحماره بتفضحينا وش بيصير بأبوك مافكرتي
ريما تبكي بقوه : يمممه
ام طلال سحبت قميصها منها بقوه وبدون رحمه وضربتها وهي على الارض : لاتقولين يمه انا ماعدت امك ولا انتي ببنتي ايه انتي مو بنتي مو انتي بنتي الي ربيتها على الاخلاق والاحترام الي كنت ارفع الراس فيها انتي وحده ثانيه
ريما : يمه الشيطان لعب علي سامحيني
ام طلال بقسوه : اسامحك على شنو اسامحك بعد ما خليتي سمعتنا بالارض
دانه دخلت بيت خالها سمعت الصراخ فوق وخافت ليكون صار بريما شئ ماتدري وش صار لريما اكثر
ودخلت غرفتها ووقفت مصدومه من الي تشوفه
دانه بخوف : شفيكم
ريما راحت لدانه وارتمت بأحضانها وهي تبكي بقوه ومنهاره وتختم بكاءها شهقات متتاليه تقطع القلب
دانه بخوف : خالتي ريما شفيكم
ام طلال بتتقدم لريما بتضربها بس ريما تخبت ورى دانه مثل الطفل
ام طلال : الحقيره الحماره تكلم رجال وطالعه معهم ومصورها هي سوت سوى هي سوت الي ماينتسوى الحماره
دانه بخوف : خالتي صلي على النبي
ام طلال : الف الصلاه والسلام عليه وين ارتاح واهدى وهالزفته بتخلي سمعتنا بالارض
ريما طاحت بالارض مغمى عليها وام طلال حالتها يرثى لها تحس انها مخنوقه وبتموت
ودانه تبكي مع ريما وبنفس الوقت خايفه عليها ام طلال طلعت من الغرفه وبقسوه دفت ريما تبيها تموت تبي تفتك منها
دانه جلست جمب ريما الي مغمى عليها وبكت : ريمااااااااااا
ريما مغمى عليها غايبه عن الوعي
دانه هزتها : ريما ريمااااااااااا
وشالتها بتعب ويوم بتوصل للباب
ام طلال بقسوه : خليها تموت لاتودينها المستشفى
دانه ماردت على خالتها وطلعت وركبت السياره
دانه : توجه للمستشفى
وانطلقت السياره للمستشفى وصلوا ونزلوا
دانه بخوف نادت السسترات وجابوا كرسي وحطوا فيه ريما ودخلوها غرفه
دانه جلست بالكراسي بخووف
طلع الدكتور وهو وجهه يبشر بالخير
دانه بخوف : شفيها
الدكتور : مافيها الا العافيه بس شوية ارهاق وتعب شوي وتصحى
دانه حست براحه وبنفس الوقت تذكرت الي صار ورجعت تبكي وجلست على الكراسي بتعب
..................................
ام طلال < نوال ... العمر : 44 .. مساعدة في مدرسة ابتدائي
ابوطلال < سعود .. العمر : 54 .. تاجر
طلال < العمر : 21 .. في ثالث جامعه .. في كلية التقنيه
ريما < العمر : 19 .. في اولى جامعه .. في كلية الطب
.............
ام بدر < العمر : 48 .. آلآسم : عبير .. موجهه
ابوبدر < العمر : 56 .. آلآسم : احمد .. تاجر معروف
بدر < العمر : 25 .. يشتغل مع ابوه في الشركه تاجر ومعروف
راكان < العمر : 24 .. يشتغل مع ابوه بس مكانته مو مثل مكانة بدر
دانه < العمر : 20 .. في ثاني جامعه .. تخصص علم اجتماع "اداب"
..............................
شوق رجعت البيت
رن جوالها ورفعته وابتسمت لما شافت المتصل "فارس"
بسرعه ركضت للغرفه
وردت بصوتها المرح : هاي
فارس : هايات شخبارك
شوق : تمام وانت
فارس الحمدلله بخير
شوق : اممممممممممم اشتقتلك
فارس : وانا اكثر
شوق : الا اقول فارس متى بتتقدم لي
فارس ابتسم بعذوبه : قريب
شوق تأففت : اوفففف كله تقول قريب قريب
فارس : وهو غصب اخطبك
شوق بعصبيه : وش قصدك
فارس : ههههههههههههه امزح هبيتي بوجهي
شوق : حسبت بعد مو انا ادري انك ماتقدر تستغنى عني او ماتسمع صوتي يوم واحد
فارس : يالواثقه
شوق : يحق لي اوثق دام عندي من يموت فيني
فارس : وش دراك اني اموت فيك
شوق : انت قلت لي
فارس : شوق انتي لو تقدمة لك تظنين ابوك ماراح يوافق او بيعترض
شوق : طبعاً ياحبيبي لا بيوافق لانه يعرفك زيين
فارس : جد
شوق : ابصم لك بالعشر
فارس : اجل خلاص توكلنا
شوق بفرح : فروس يعني بتتقدم لي قريب
فارس : ايوه بس بعد اسبوعين
شوق بطفش : فارس كل مره تقولين بعد يوم بعد يوم والحين بعد اسبوعين اذا ماتبيني قول
فارس : ههههههههه وش ما ابيك ياقلبي بس تعرفين لازم لها استعداد ولا على طول طقت براسي اخطبك اجي اطق بابكم بدون علم للاهل وابوي
شوق : طيب انا بسكر
فارس : الله معك لاتزعلين
شوق بدلع : وانا اقدر ازعل عليك
فارس : باي
شوق : باي
سكرت شوق من فارس وهي تحس بفرح واخيراً بتصير زوجته عن قريب
دخلت عليها الغرفه نوف
نوف : شوووق
شوق تلاشت افكارها : هلا نوف
نوف : الي ماخذ البال يتهنى به ووش سر هالابتسامه
شوق من الفرحه ضمة نوف : نوفو احبببببببببك
نوف : هههههههههههه شوق شفيك انهبلتي
شوق ابعدت عنها : ايه شكله بيهبلني
نوف بخبث : مين هذا الي بيجيب لاختي المغروره الهبال والجنون
شوق : نوفو
نوف سحبتها من يدها : يالله قومي نتغدى اللكل يحترينا تحت
شوق كانت فرحانه حيييل : يالله قومي
نزلوا نوف وشوق وجلسوا على طاولة الطعام الي الكل موجود وجالس اروى وفيصل ورائد وساره وابوفيصل وام فيصل وجنى ومروان
جلسوا نوف وشوق وبدى اللكل ياكل
ام فيصل : شوق تبين دجاج
شوق : لالا ثانكس مابي دجاج بس اسكبي لي رز ومويه
ام فيصل : طيب
نوف بزعل : يمه وانا ماتبين تسأليني وش ابي
ام فيصل ناظرت فيها : ياقلبي على الزعلان وش تبين
نوف : اممممممم اسكبي لي رز ودجاج ومويه
ام فيصل : من عيوني
جنى بزعل تقلد خالتها نوف : يمه وانا ماتبين تسأليني وش ابي
نوف ناظرت بجنى الي تناظرها وحست انها تقلدها وراحت وعضتها بخدها : دبه لاتقلديني
جنى حكت خدها الي عضته نوف بقوه : انتي وخلي "وخري" لاتعضين خدي المتيني
نوف : كيفي كيفي هذا حقي
جنى : لا خدي هذا انتي عندك خدك
نوف : لالالالا هذي خدي
اروى : نوف لاتخلينها تتهاوش معك بجد ماصدقت انها تاكل وساكته تجين انتي بدال مروان
ساره : ماطلعت على توأمها ساره مالت بس مالت
نوف : ليه ان شاء الله اصير مثلك عشان اموت اربعه وعشرين ساعه ساكته
ساره : مابيع هيبة الصمت برخص الكلام
شوق : اووووووووه حبتين والله وتقولين حكم ياطنط ساره
فيصل : اقول يبه انا من اجلس على الغدا وهذيلي كله هواش
ابوفيصل : ههههههه لا بالعكس هم ملح الاكل يوسعون الصدر
اروى ونوف وساره وشوق بدلع : وييييييييييييييييييو فشلوك
ام فيصل وابوفيصل : ههههههههههههههههههه
جنى تقلدهم : وييييييييييييييييييو فشلوك
فيصل : على شنو اتفشل
اروى هزت كتفها : ايه ايه صرفها صرفها
رائد : اقول يمه صبي لي مويه
ام فيصل : ان شاء الله
صبت له مويه وعطته وشربه
ساره : رئود وش جرى لك ساكت ولا اكل لسانك الئط "القط"
رائد : كيفي انا بسكت وشدخلك
ساره : لا ابد كيفك لايطق بس فيك عرق
رائد : الا اقول فصول تعرف هذاك أنس ولد الجيران شاري سيارة أفلون
فيصل : والله واخيراً مسكين يحلم فيها
رائد : هههههههههههه ايه لو تشوفه مسكين فرحان فيها حيل كل دقيقه يتطمن عليها وينظفها
فيصل : هههههههههههه الله يهنيه فيها
ابوفيصل : ايه انا اشوف سيارة جديده اقول من سيارته احس اهلهم الي بالرياض جاو اثر أنس شاري سياره
رائد : ايه انس
اروى : الا اقول يمه عيال خالتي الي بالكويت متى بيجون الشرقيه
ام فيصل : والله كلمة امس اختي تقول يوم الخميس
نوف : شنو اليوم
شوق : فقدتي الذاكره
نوف : لا جد شنو
شوق : الاثنين
نوف : اممممممممم باقي يومين مشتاقه لاسيل ونوره عيال خالتي
ساره : والله جد وناسه بيجون الخميس اجل يااهي فلله بيصير بيت اهلي يوم الخميس مع اسيل ونوره
شوق تحمست ليوم الخميس وصرخت وصفقت : واااااااااااااي فلله
اروى : ههههههههههههههههه ايه والله بجد فله مع اسيل ونوره الله يرجهم يضحكون الي ضايق خلقه
ام فيصل : ياحليلهم نوره واسيل والله انا افكر بوحده منهم لفيصل
فيصل ارتبك : هاه
ام فيصل : ودي ادي اسيل او نوره لك
فيصل : لا انا تو بدري
بوفيصل : وش بدري وش كبرك
فيصل : متى مافكرت اتزوج بتزوج لاتغصبوني واسيل ونوره هالرجه ذيلي مابيهم
ساره بعصبيه : هيه هيه لاتغلط جد انهم رجه بس والله كشخه وناعمين يهبلون احسن لك تاخذ وحده توسع صدرك ولا تاخذ وحده دلوعه واربعه وعشرين ساعه تقعد تدلع وتتمييع
فيصل : ابلعي لسانك لاجي وابلعك اياه
..............................
لجين بخوف : شهد يمه وش فيها ريناد تعبانه
شهد : مافيها شئ بس حراره
لجين : جد
شهد : ايوه جد اجل امزح معك
لجين حطت يدها على جبهة ريناد تتحسس : وجهها فيه عرق وحرارتها مرتفعه
شهد : عادي كل التعبان اذا تعب ترتفع حرارته
دخل فارس وبضيقه بينت بصوته قال : ماخفت ريناد
ام فارس بضيقه : لا والله هذي اهي على حطة يدك تعبانه
فارس : لازم انقلها للمستشفى مو طبيعيه البنت تعبانه حتى ماصحت
ام فارس : ايه والله
شهد : يمه جبنا دكتوره وطمنتنا
فارس : لالا حالتها يرثى لها لازم ننقلها للمستشفى
وحملها بين يدينه فارس وركبها السياره وركبت معه امه ولجين وشهد وانطلقوا للمستشفى
بعد دقايق وصلوا
اسعفوا السسترات ريناد ودخلوا بغرفة
بعد دقايق طلع الدكتور
فارس : شخبارها
الدكتور : والله البنت شكل مو بس فيها حراره بنسوي لها اشعه ويبين كل شئ
ام فارس بخوف : وش فيها ماخمنت يادكتور
الدكتور : قلنا لك بنسوي لها اشعه ماندري شفيها
فارس : يعني لو سويتوا لها اليوم متى تطلع
الدكتور : بكره
فارس : ابيك يادكتور على انفراد
راح فارس مع الدكتور لانفراد
فارس : دكتور جد مافيها ريناد شئ
الدكتور : قلت لك مابين شئ بنسوي لها اشعه وتطمن ان شاء الله مافي الا الخير
فارس رجع لاهله الي كلهم يبكون ومتوترين
فارس حب يطمنهم : يمه شهد لجين يقول الدكتور هي بخير وبصحه وسلامه ومافيها اي شئ بس اشوية ارهاق وبيسوي لها فحوصات واشعه للاطمئنان
لجين : اجل ليه قال مو بس فيها حراره
فارس ارتباك : المهم ان مافيها شئ يمه تبكين خلاص هي بخير
ام فارس : خلوني اشوفها
فارس : لا ممنوعه عنها الزياره
شهد : دامها بخير مثل ماتقول ليه مايخلونا نزوها
فارس : لاعاد تبكون وقوموا للبيت
ام فارس : والله ماروح وبنتي تبقى هنا مستحيل
فارس حاول بأمه لكن بعدها استسلم لما حس ان امه بتعند ومستحيل تروح معه وجلس معهم
.............................
في المستشفى
دانه دخلت لريما وهي متقطعه من البكي
رمت راسها على صدرها ومسكت يد ريما
دانه : ريما وش سويتي بنفسك ياما نصحتك وماسمعتي كنتي تعتبريني انا الغلط وانتي الصح شوفي وش سويتي بنفسك ياريما شفتي
قامت تبكي بأنهيار وخايفه من الجاي
راحت للنافذه وقامت تناظر بالي رايح والي جاي
.........
ام طلال بغرفتها حابسه نفسها تبكي بأنهيار
ام طلال : ( آآآه ياريما هذي اخر تربيتي لك تكلمين رجال وتطلعين معهم ياليت بس على كذا مصورينك وبينشرون صورك ومركبين صور خالعه ياااااااااربي لاتخليني اوقف معي بهالمصيبه الي سوتها بنتي )
دخل بوطلال : نوال شفيك عسى ماشر
ام طلال مسحت دموعها : لا ابد مافيني شر
بوطلال بشك : الا فيك اجل وش سر هالدموع
ام طلال حاولت تبتسم : مافيني الا العافيه بس تذكرت امي الله يرحمها
بوطلال : صدق ولا
ام طلال : صدق يعني اكذب
بوطلال : طيب وشرايك اليوم نطلع طلعه عائله انا وانتي وريما وطلال
ام طلال ارتبكت وخافت وبين عليها هالشئ : هااه .. لالا مانبي
بوطلال : نوال فيك شئ قولي
ام طلال ابتسمت : لامافيني شئ قلت لك بس مالي نفس اطلع
ابوطلال : براحتك مره ثانيه طيب نادي ريما ابي اسولف معها مشتاق لها
ام طلال : ( ماتدري ياسعود وش مغبره بنتك ) ريما طالعه مع بنت عمتها دانه للسوق
ابوطلال : اهااا اذا رجعت خليها تكلمني مشتاق لها