إن الحروبَ في عيناكِ مَسْلَمةٌ والقتلُ شِعرٌ والرموش جنودُ - الفصل 4 | روايتك

الفصل الرابع ' #إن_الحروبَ_في_عيناكِ_مَسْل� �مةٌ_والقتل_شِعرٌ_والرموش_ج� �ودُ ' ' ' مابه قصيد إلا وبك مقصود ‏ولا إغنيه إلا وتغنّا لك💎.. ' ' '—————————' ارتمت بحضن دره الي فتحت الباب باستعجال من دقها ولمتها بخوف وقلق: فاتتنه صاير شي تماسكت فاتنه الي عيونها زادت فتنه بسبب بكاها! وابتعدت عن حضن دره وهي تحاول تطلع صوتها المبحوح: بخخير انا بخير بس ماقدرت ابعد عنكم وكنت محتاجه هالحضن ابتسمت دره وحضنت وجها الصغير بكفوفها: وحنا محتاجين حسك يالغالييه معنناا وقربت اكثر وهي تهمس: وتررا خالتي وبناتها عندنااا جمدت ملامح فاتنه وهي تتذكر الشخص الي اكيد جاي معهم: وش جابهم! دره: ادخلي الغرفه واجيييك الحين هزت فاتنه راسها بفهم ودخلت لممر غرفتهم وتنهدت دره وهي تحاول ترسم ابتسامه تقابل فيها خالتها وبناتها الي انغثت منهم باول ساعه بس! اما فاتنه دخلت للحمام قبل وانهارت على الارض وهي تكتم شهقاتها وهي ترجع تتذكر كل شي تمر فيه! من حال البلاد لوفاة ام همام لذكرياتها بوفاة امها ولليلة المرعبه الي عاشتها والي رجعت تغطي عيونها من بعدها!! واول ماسمعت صوت دره من ورا الباب تسال عنها وقفت بسرعه وفتحت المويا وغسلت وجها وتنحنحت تبي صوتها طبيعي: دره باخذ دش واطلعع دره: طيب تلقين اكلك جاهز هزت فاتنه راسها وكانها تشوفها وفتحت المويا الدافييه بعد مانزلت عبايتها ولبسها الاسود الي لابسته وغرقت تحت المويا بذكرياتها الي تحاول تتناساها بس مسيطره كككلها عليها!!. ' ' ' بمدينة طليعه..! كانو العسكر محاوطين المدينه بالكاامل والمدافع مسوره المكان بحكم انها ماتناسب تدخل للارض الجبليه هذي! وجبر وسايد بمكان مرتفع من واحد من الجبال وكان فيه اشغال تصير بنص الارض! وهو ان جبر جالس يبسط الارض ولو بشكل بسيط وتصير منخفضه اكثر من باقي الجبال ويصير المكان شبيه للحصن!! ومو اي حصن! حصن من جبال قويه وقددديمه والكل يتجنب ارضهااا المو منااسبه بنظرهمم!. وكان الوقت جالس يمر والمعركه تقرررب! معركه نهايتها اما جبر يثبت نفسه كزعيم ورجل حربي حقيقي؟ او يسقط بثاني معركه قويه وضد اولاد بلاده! وضد؟ مريرة هالمررره يعني ضد كساااب يعني لازم يكسب هالمعركه بذكاء واقل الاضرار لانه بالنهايه يبي يوحد البلاد يعني تهمه حياه الي يحاربهم ومايبي يخسرهممم! وتامل رجاله الموزعين بالمكان وحس بفخر وحب عظيم لهم رجال وثقو فيه تركو بيوتهم وحاربو معه وله استشهد الكثير لعيون ان هالبلد توقف على رجولها من جديد!!. وترجع قويه ويد وحده وتهابها باقي الدول الي تفكر تدخل لها بالسلم او الحررب..! ' ' ' ' ' ولف جبر على سايد وهمس: انا بنزل دجنه وبكون هنا بكرا باذن الله هز سايد راسه بفهم ونزل جبر متوجه لسيارته وحرسه محاوطينه وتوجه لدجنه..! ' ' ' ببيت العم رعد!. دق باب الغرفه بهدوء وفتحه وهو يشوف الظلام محاوطها وترك الباب مفتوح ودخل نور الممر وراه وهو يتقدم لسريرها وشافها نايمه والتعب مبين عليها وجلس جنبها على السرير ومسح على شعرها الاسود وهو يبعده عن وجها وقرب بهدوء وباس راسها بحنان وقبل يوقف حس بيدها تشد عليه ولف ولقى عيونها الفيروزيه مفتوحه وتتامله بحزن وفهم وش فيها وبدون ماتتكلم ورجع قرب منها وابتسم: كيف حالك يابنتي تعدلت فاتنه الي ماتدري كم الوقت ولا كم صارلها نايمه وبهدوء وذبول داخلي: بخيرر ياعممي العم رعد: الحمدلله، يابنتي الي صار قضاء وقدر ولازم تقوين نفسك هذي للحين بدايه حياتك والي باذن الله هي افضل لسنينك الجاييه هزت فاتنه راسها بفهم ومد يده العم ومسك يدها وطبطب عليها: الحين قرب اذان الفجر وقبلها ابيك تقومين وتصلين ركعتين لربك وتقرين من القران لين تهدى نفسك وترجع ضحكتك وتناسين المك عقدت فاتنه حواجبها بضيق: انا من الصبح نايمه!! هز العم رعد راسه بايه: لقتك دره ترجفين بالغرفه وحرارتك مرتفعه وساعدتك لين اخذتي مسكن ونمتي وجيت اتطمن عليكك رفعت فاتنه يدها لجبينها وفعلاً كانت فيها حراره بسيطه لان دره لحقت عليها قبل تتعب اكثر ودخلت عليهم دره الي كانت سهرانه بالمطبخ تسوي لها شي دافي وعشان ترجع تاخذ مسكن دام مر ساعات من اخذت الاول وابتسمت: فاتنه صحيتي؟ يلا قومي غسلي وصلي وكلي عشان تاخذين دواك وقف العم رعد بعد ماباس راس بنته الي مثل الام له ولفاتنه وطلع تاركهم على راحتهم ونزلت دره الاكل وهي تقرب من المحمومه وساعدتها تدخل الحمام ورجعت ترتب مكانها وصلت فاتنه الي فاتها والوتر وجلست على سريرها وحطت دره الاكل قدامها من جديد: بردت وسخنتها لك اشربها حارره عشان تنفعك وبدت تشربها فاتنه وهي بداخلها تبي تحارب هالالم بعد وماتبي تستسلم له!. ' ' ' صباح اليوم الثاني وبمدينة دجنه وبمكان جديد! طلعت بسرعه من المطبخ بعد مارتبت كل شي وجهزت فطور ابوها ودخلت غرفته بابتسامه عريضه وسععاده انها عنده لانها فعلاً اشتاقت له وللبيت ولغرفتها بعد! العم سعد: الصبح الي يبدا بشوفتك ينشرى بالذهب يابنتييي غصين وبفرح: ربي يخليييك ياييبه والله ماصدقت يجي نهايه الشهر عشان اشوففك العم سعد: انت وش احوالك بذاك البيت! ' ' ' ' ' غصين: انا ببيت زعيم هالمدينه كلها وقريب البلاد يعني شلون بكون يايبه غير اني باحسن حاللل العم سعد وبالم ان بنته تشتغل ببيت احد حتى لو كان زعيمهم!: يضايقونك هناك!! هزت غصين راسها بلا وهي تمد له الشاي: حتى اخته تشوفني صديقه لها مو خدامه انظف وامسح وحتى الخدم الموجودين طيبين وكل مين يبي لقمه لعيشه هز ابوها راسها بفهم وهو يتذكر حاله! ايام كان عسكري قديم وبصحته الكامله! بس اصابته اصابه منعته من انه يكمل ويصرف على بنته الوحيده وحتى انه ماكان معه مصاريف للعلاج وبيوم زارهم الزعيم جبر! ومعه مساعده له وقبلتها غصين الي اصرت انها تشتغل وترد دينه شوي شوي لانها مستحيل تقدر تجمع المبلغ وترده وبنفس الوقت ابوها محتاجه وتضايق ابوها يوم عرف وش سوت بس جبر اكد له انها بتكون بخير وبترجع اذا انتهى الدين بنظرها!! وبنفس الوقت جبر مارفض عرضها عشان تقبل بعرضه ومايبي يحسسهم انه يتفضل عليهم ويحسون بنقص قدامه!! وماحسب حساب ان هالصغيره اذا اشتغلت عنده ماراح تححبه وتصير ماتشوف الدنيا بعده..! ' ' ' وبنفس المدينه بس بقصر الزعيم جبر نزل من سيارته وهو في غايه بداخله من هالجيه! وهو انه يودع اخته وعمته وعمه!! مايدري وش هالشعور الي غزى قلبه ومايبي يشغله هالموضوع فنزل يتطمن عليهم بعد وقبل يدخل للبيت غير طريقه ودخل للحديقه الواااسعه وتوجه للاسطبلات وتحديداً لاسطبل الادلم بس لقاه فاضي! ولف لساحات الي يركض فيها خيله وابتسم وهو يشوفه يتمشى مع عامل من عمال الحديقه واول ما شاف جبر بدا يصهل وهو يرفع حوافره بقوه على الارض ويكرر الحركه وكانه يبشر سيده بتعافييه وركض جبر بسعاده حقيقه للغالي وهو يحضن رقبته الطوويله بشعرها الاسووود الطويل وباسه اكثر من مره وهو يهمس له بكلام وخيله يصهل بكل مره وكأنه فاهمه ويرد علييه وحط جبر جبينه مقابل جبين الادلم وهمس: خفت افقدك وافقد ريحه منهااا صهل الخيل وابتسم جبر: اننت بعد خفت!! شد عليه: لا تخاااف انت قوي وهي قوية وقريب ترجع لك وتمشى على ظهرك مثل قبل!!. وابتسم وهو يمسك اللجام ورجع للاسطبلات وهو يتامل هالمكان الي يشهد عليهم ثلاثتهم سوا! وظهره هو يشهد على لعبها عليه مو بس خيله.!! وبعد مادخل الادلم كمل طريقه بالحديقه لين دخل لعمته مهيره والي استغرب ان حديقتها وخصوصاً مرجيحتها خاليه منها ودخل من الشرفه للغرفه الواااسعه والي فعلاً ذوق مهيره الهاديه البسيطه وعلى دخلته طلعت هي من الحمام والتقت نظراتهم لوقت طويل قبل مايبتسم وتركض هي تحضضنه بقوه وكانها خايفه يروح او تفقده ' ' ' ' ' وحضنها جبر وهمس: شفيك يالغاليه انتِ بعد مشتاقه؟ مهيره بنفس الهمس: اييه وتدري الشوق لمين ياجبر ابتعدت وابتعد جبر الي حضن وجها بكفوفه: قربت! بترجع البلاد مثل قبل واحسن وبينكشف كل شي وبيرجع حق شاكر وحقك ويتحاسب الي كان السبب عقدت حواجبها بالم للحبيب الغايب غياب مامنه رجعه دامه صار عند ربه! وابتسمت بحزن: ماقدرت احزن عليه مثل اي بنت مقتول حبيبها ظلم ياجبر ظلموني معه وقتلو داخلي بكلامهم ودفنوني من زمممان! جبر: الكل بيعرف غلطه الي غلطه بحقك ووقتها بياكلهم الندممم يامهيره بس انتِ كوني وقتها قويه وتحملي نتايج الي بيصير بقلب قووي وصابر وماكمل كلامه على الباب الي انفتح بقوه ودخلت غيسانه تركض بفرح اول مابلغوها ان جبر رجع!!! وارتمت بحضنه على صد مهيره الي طلعت لحديقتها وضحك جبر وهو يقول: غيسسانه وش فييكك غيسانه وشاده عليه: مو كل يومم يحصل لي اشوفك مرتين بالاسبوع ياجبر!! وابتعدت بخوف: ولا لايكون فيه شي صاير!!!! جبر: وش بيصير غير كل خيرر بس جيت اشوف الادلم واتطمن عليه وتعرفين انصاب من كم يوم!! كشرت غيسانه: ايه بسبب خيل هالي مايتسمى كساب انا للحين مو مصدقه انت شلون تقبل هديته وتجيبها لين هنا! سكت جبر وماعلق وقال: عمي حازم موجود! غيسانه: ايه بمكتبه طلع جبر بدون مايتكلم وتاملت غيسانه مهيره الي تتمرجح بهدوء تنهدت غيسانه وطلعت ورا اخوها..! ' ' ' وبغمممار..! فتحت عيونها المورمه وهي تحس توها تستوعب الدنيا وترجع لها طاقتها وجلست بسرعه وهي مو مصدقه ومسكت راسها وتحركه بتتاكد ان الصداع الحاد الي تعاني منه راح!! وصرخت بفرح وهي تحس انها خفيفه جدديدة وماتعاني من شي! وكأن المها الي قبل كذبه! ونزلت من سريرها بسرعه ودخل للحمام واخذت شور طووويل وطلعت بعده وهي تصلي وتلبس واختارت احلى فستان بيت عندهاا ورشت من عطرها وطلعت بابتسامه عريضه وهي ماتدري شفيها تتصرف كذا بس تحس بطاقه غريبه وتبي تفرغها وترجع الحياه للقصر الفاضي والمهمل ونزلت للمطبخ عند المساعدات: صبباح الخييير لفو كلهم بتعجب واضح من حال الكاسره الي دايم حاده طباعها وماتعودو على هالمرح والحيويه! وردو عليها بتردد وهم يقربون يسالونها وش تبي تاكل! وصدت سهى بخوف لان كاسره مهددتها ماتشوفها ولا تطردها فعلاً بس وصلها صوت كاسره: سهى جيبي لي الفطور انتِ ابتسمت سهى بس توترت وبسرعه جهزو اكل هالاميره الصعبه وطلعت سهى فيه وهي تدورها وشافتها بالصاله وحطته قدامها واسرعت بترجع بس وقفها صوت كاسره: سهى ' ' ' ' ' لفت عليها وهي تفرك يدها بخوف: ههلا تاملت كاسره الاكل وقالت بصدق: اعتذر عن الي صار من يومين!! فتحت سهى عيونها بصصدمه كاسره تعتذر؟؟؟؟ شي يصدم فعلاً لان هذا شي ماتسويه بسهوله وابتسمت سهى بفرح: انا الغلطانه ياكاسره ماكان لازم امد يدي لشي مو لي كاسره: وانا كنت بوضع صعب وفرغت فيك الالم الي احسه! ولا اذا عجبك فستان ماراح اردك تاخذينه!! سكتت سهى واشرت لها كاسره: تقدرين تروحينن هزت سهى راسها بفهم وراحت للمطبخ بسرعه ومدت كاسره يدها للاكل بضيق من نفسها وبدت تاكل وهي تفكر بحالها الي انقلب فجأة! والالم الغريب الي كانت تحسه. ' ' ' مساء اليوم بمريرة..! ' قضت فاتنه الوقت كله بغرفتها وللحين ماطلعت لا للخاله ولا بناتها وكانت تبي تختلي بنفسها مع شي تحبه! وهو التصصويرر بكاميرتها ورغم تعبها الي تو خف قاومت واخذت شالها الكبير وكاميرتها وشريط جديد بتعبيه فيديوهات وصور! وطلعت من الغرفه وهي تتلفت ماتبي تطلع بوجههم او تقابلهم وبسرعه طلعت الدرج وفتحت باب السطح بعد مافتحت انواره ومشت وهي تشد الشال من نسمه الهواء البارده الي داهمتها وتثبتت الكاميرا على سور السطح القصير تقريباً وشغلتها وبدت تتكلم بفيديو مثل عادتها قبل تصور اي صوره لانها تبي كل هالذكريات تنحفظ لها بعدين!. وبنص انشغالها مع نفسها وهي تكلم الكاميرا عن موقف امس والاصوات والدم؟؟ انتبهت لظل الطويل الي بدا يقرب منها بههدوء تكتفت فاتنه ومالفت: دره! قطعتي التصوير والحين بعيده!! ووقفت بتوقف الكاميرا بس ارعبها الصوت الرجولي المبتسم والي قال: فاتنه؟؟ لفت بشهقه وفجعه ويدها على فمها وجمممد الدم بجسمها من الي ينظر لها بتفحصص ويقرب منها وهي ماتدري وش جاها! رجولها لصقت بالارض وصارت ترجف بخوف وكره لذا الشخصص! وهي تسترجع مين هو! وقبل تصرخ ركض وقفل فمها وبدا يدفها للجدار تحت مقاومتهاا ودفها له وهي تصرخ صراخ مكتوم تحت يده واول ما حاصرها بالجدار ونزلت دموعها واحمر وجها بغضب لغسان ولد خاله دره!!! ومسح هو على وجها وبصوت حنون: فاتنتي السمراء! اشتقت لك ما اشتقتي لي؟. ماتحملت فاتنه الي بدت تنهار وهي تصيح بقهر منه وهو اقوى منهااا وكمل همسه ولمساته الي تحسها تحرقها: تزوجيني يافتننه تزوجيني وراح اقولك كل شي اعرفه وعن امك وابووكك لفت بحده بعيونها الي للحين تصيح وكمل هو وبسخريه على حالها وهي متشفقه انها تعرف لو معلومه وحده! وكان يستخدم هالاسلوب معها زمان! بانه ياخذ منها وعد تتزوجه وهو يقولها معلومات كذب عن ابوها! ' ' ' ' ' بس هالمره قال الامر الي عرفه بزله لسان من العم رعد من سنين!: بقولك جزء صغير من الي اعرفه وبعد زواجنا اوعدك تعرفين كل شي! وصدق هالمره سمعت رعد يتكلم فيههه وقرب اكثر وبهمس مستفز لكل كلمه: زعيم دجنه! ابن هاروننن! هو الي اعدم ابوك!!! فتحت عيونها بصدمه اكبر من الاسم وزاد ضربها له وهي تصصصرخ بقهررر وغضب على ضحكه وهو يشوف جنونها الي قامت! وقرب وهمس باذنها بامر لجمها! صدمها حست الدنيا هدت حولها وصفير حاد براسها قلبها يتسارع بغضب وضحكته صارت تتردد براسها!!. وقبل يقرب منها غسان اكثر انتبهت فاتنه الي جسمها وقلبها يرجفون منه ومن جبر ومن العممم رعد! ومن السر الي قاله لهااا! وكانت تقرب يدها شوي شوي لخيط الكاميرا الي نازل جنبها وبيدها المثبته على الجدار سحبته وطاحت الكاميرا الي فوق سور السطح القصير بقوووه واستقرت على راسه وصرخ غسان بالم وفلتها من يده وصرخت هي وركضت تهرب منه بس انتبهت ان باب السطح مقفل ومسك غسان راسه ولف عليها بغضب وانتبهت لسطح الجيران الي تعودت هي ودره يروحون لها وينقزون منه اذا تقفل عليهم الباب! وقبل يركض لها ركضت هي لصندوق المثبت ونقزت بسرعه لسطح الثاني على نظراته المصدومه وهو ظن انها طاحت تحت وركض لسور وشافها تركض بسطح الجيران وماقدر يلحقها وهو يشوفها تختفي ورا جدرانه! وجن جنونه انه ممكن ينكشف الحين! وصار يدور حول نفسه وهو يدور حل يبعد التهمه عنه لو قالت اي شي! وبسرعه نقز للارض القريبه لان البيت من دور واحد بنفس الطريقه الي طلع لها فيها بعد ماسمع صوتها تتكلم للكاميرا! وانتظر حول الساعه برا البيت وهو يدور حوله ويتاكد ويتفحص لو لها اثر بس اختفت مايدري وينها!! ويوم تاكد غسان ان فاتنه مالها اثر حول البيت دخل عند رعد وهو يمثل القلق: عمممي عمي لف عليه العم رعد باستغراب من حاله وكمل غسان: انا شفت لي شوفه بسس اعتدل العم رعد وبقلق: وش شفتت! غسان ويمثل انه ماهو قادر ينطق الي صار!: والله ياعمي مدري شلون اقولها عصب العم رعد: انططق غسان ومافيه مفرر خلاص: شفت قريبتك الي عايشه معك مع رجال غريب بالسطح ويوم دخلت وشافوني ها... سكت وهو منلجم بصدمه من الكككف القوي الي استقر على خده وهزه بعد ووقف العم رعد بغضب وهو ياشر له بيده: اصصص ولا كلمة واعرف عن مين تتكلم يالي ماتستحي هذي شررريفه بنت اشراف وماهو انت الي ترميها بهالكلاممم لف غسان وخاف ينكشف وحلف كذب: والله ياعمي شفتهم وهربو مع بعض يوم شافوني واشر على راسه: وهذا ضربه لي عشان يقدرون يهربون ' ' نوقف هنا✌🏼💃🏻 توقعاااتتكم😥🤍🤍🤍💎🐎. نهاية الفصل.