وتسفك الدماء من نظرة عينيك وأنا المذنب بالنظر عمداً - الفصل 5 | روايتك

البارت 5 ملاك * دخلت المجلس وهي خايفه من شافته ومن وجوده لفت على امها : شفيك؟ ملاك :ولاشي وطلعت وهي تتوجه للمرايات وتغسل وجهها : ماراح يسوي لك شي لا تخافين بتقدرين على اخوانه وعليه لا تضعفين وسمعت صوت نجلاء الي نادتها وسحبت طرحتها وهي تحطها عليها وطلعت لهم ناظرت عمها وهي متوتره خالد بضحكة: اوخس ملاك كبرتي خزته وهي تلف على نجلاء وشالت معها الحليب وطلعوا للصاله بدات تفطر وهي متوتره من وجود عمها معهم عز : صبيلي شاهي ملاك بفهاوة : ها ناظرها وهو منتبه لرجفتها من جلست : صبي شاهي هزت راسها وهي تصب له واعطته انسدت نفسها من سوالف عمها وهي تحس مو بالعته وقامت وبدون ما ترد على نجلاء :شفيك ما افطرتي؟ دخلت للمجلس وهي ترمي طرحتها وسحبت اللحاف وهي تقعد على جوالها بملل وتفكيرها بعمها قفلت جوالها ورجعت نامت * بالليل ~ صحت على صوت المكنسة وناظرت العاملة الي تكنس المجلس :وجعع وجع نايمهه ما تشوفين العاملة : مدام فاطمه يقول كنس مافي مشكله ملاك :لعنه عليك انتي وفاطمه وقامت وهي تتوجه لدورات المياة شافت فيها احد ودقت الباب بعصبيه :ميين فيهه ؟ فتح الباب وهو يناظرها : سلامات ؟ دفته من صدره :وخر انت الثاني سحبها من ايدها وهو يرجعها قدامه : معصبه بكيفك بس قلة الادب امنعيني منها ملاك : بتوخر ولا كيف ؟ عز :ماني موخر سحبته من ثوبه وهي تشد على ايده وتركتها بتأفف : ابعدد ماني رايقه لك تراها قافله عز لف على الباب وسحب المفتاح من داخل وقفل دورات المياة واخذ المفتاح : خلي عصبيتك تنفعك وانقلعي الحين لدورات جدتي ملاك بعصبية : لحوول هات المفتاح بلا استلعان ولفت بسرعه من تنحنح ولد عمها وهو ينادي على عز سحبها عز وهو يحطها وراء ظهره: شبغيت يا ماجد سُلاف * كانت مندمجه ومركزة على مضاربة فواز ونياف وصرخت من ضرب فواز نياف على وجهه :اييههه اضربهه وبلعت ريقها من وقفوا مضاربة وهم يدورون صوت الانثى واحد من العيال وهو يأشر على البر :يا عيال الصوت جاي من هنا عصب من سمع صوتها وسحب فواز من ياقة ثوبه وهو يكلمه وطرحه على الارض وكمل عليه وانصدموا العيال كلهم وقربوا منه وهم يبعدونه عنه سعد :يعياااال دوريااات وقام الكل وهم يركبون سياراتهم وسحبوا فواز سعد وهو يناظر نياف الي مسك ايده بوجع :يولد امشش دوريات نياف : اركبوا مع العيال عندي شغله بسويها تنهد سعد وركبوا العيال واختفى الكل باستثناء نياف وسيارته نزل لجهتها وهو يدور عليها سحب جواله وهو يشغل الكشاف شافها من بعيد وقرب منها - ارتعبت من شافته يقرب منها وقامت وهي تناظره نياف : اضربه اجل ؟ قاعد على قلبك وسحب ايدها وهو يلفها لها : كأني سمعت صراخك ؟ سُلاف بوجع :اترك ايدي ولفت بوجهها والتقت نظراتهم ببعض انتبهت على دم بوجهه بلعت ريقها : شفت ذا الي بوجهك صدقني اتمنى لك الي اكثر منه والي يشوهه لك وجهك شد على ايدها زياده وصرخت بشكل اقوى : شفتي الي بوجهي بيصير لك وباضعاف وما اكون نياف اذا ما شوهت لك وجهك زي ما تتمنين لي وترك ايدها وسحبها من ايدها للسيارة ركبها وحرك - رجعت راسها على وراء وهي تمسك ايدها وبكت من اوجعتها وهي تتذكر كلام امها وبداخلها :ذوقني الموت باول يوم يمه اطلقت تنهيدتها الطويلة والمحملة بتعب ووجع وهي تناظر الشباك انتبه لتنهيدتها وزاد من سرعته وبعد دقايق * وقف عند استراحتهم وسحب مفتاح ودخانه ومحفظته ولف عليها من قالت : رجعني البيت "صلوا على محمد" ملاك * تقدم ماجد وهو يناظر عز : عيال الجماعة يبون يسلمون عليك عز : جاي ناظره ماجد لثواني وراح ناظر الي طلعت من وراه وهي تناظره : قطع الله ذا الوجه وراحت لقسم الحريم ودخلت وهي تشوف حريم الجماعة واغلب بناتهم بالمجلس ناظروا شكلها وشعرها المفكوك وجهها ،،خزتهم وهي مشت لدورات المياة قدامهم بعناد بجدتها الي اشرت لها ترجع للمجالس وصلت لدورات وهي تناظر الي واقفه عند المراية وبجنب الباب ملاك : وخري ناظرتها عواطف : تقدرين تدخلين بدون ما اوخر ملاك : اوك دفتها من ظهرها على المراية ودخلت لدورات المياة بعد دقايق * طلعت وهي توقف عند المراية وتضبط شعرها وشافت نجلاء سحبتها : ابي بجامة طفشت بالتنورة نجلاء : غرفتي اخر وحدة على يمينك هزت راسها وتوجهت لغرفة نجلاء وفتحت دولابها واخذت فستان خفيف : ابي اصور طفشت وتقدمت وهي تحط مكياج خفيف وطلعت وهي تناظر الحريم وتقدمت وهي تسلم عليهم وراحت لنجلاء نجلاء : بنطلع احنا والبنات للسطح مسوين جلسة تعالي معنا ملاك :جات بوقتها بس بجيب جوالي واجي وطلعت للمجالس وهي تدخل المجلس وسحبت جوالها وجلست تتفقد الاشعارات وشهقت من شافت قروب شعبتها : عندي اختبار !!!؟ وشافت الساعة صارت ١٠ ليل وما يمديها تذاكر وكتبها مو معها ركضت للسطح وهي تنادي نجلاء : عندي اختبار واهم اختبار وكتبي بالبيت ابي اخذهاا نجلاء :بسم الله طيب بخلي واحد من العيال يوديك ملاك : تكفين مافيه وقت اذاكر فيه نجلاء :طيب طيب برسل بقروب العايله نجلاء: مين فاضي يجيب كتب ملاك من بيتهم عندها اختبار ؟ ماجد :فاضي بس والله ما اجيبها سُلاف * لفت عليه وهي تناظره : رجعني البيت ! نياف : انتظري للصباح ودوري واحد تتبلين عليه عشان يوديك لبيتك تنهدت : بلا استهبال تعبانه رجعني البيت جايبني هنا ليه ؟ قفل نياف الباب : برجعك لبيت اهلك سُلاف وهي خايفه من ردة فعل امها واخوها : يكون احسن خزها وحرك سيارته وتوجه لبيت اهلها : اقعدي عندهم لين يوصلني خبر وفاتك سُلاف : ياليت ما تتذكر ان عندك زوجة بيوم لاني معاد ابي اشوف وجهك ناظرها بحدة وسحبها قبل تفتح الباب : اوريك وحرك وهو متجاهل صراخها : نزلنيييي نياف : بخليك تشوفين وجهي كليوم وصلوا لبيت اهله ونزل وسحبها معه وفتح الباب وشافهم يتقهون سحبها لغرفته ورماها : لو اشوفك طالعة من هنا بتذكر انك زوجتي والباقي فاهمته وقرب من وجهها وهو يناظرها : بعتدي عليك صدق لو طلعتي من هنا دفته من صدره : ما كفتك اول مره ؟؟ نياف وهو يناظر عيونها : لا تبين نعيدها ؟ بلعت ريقها وقامت وهي متوترة من وجوده قرب منها وصار وراها وهو يهمس باذنها : ما متي اليوم بتموتين بكره احسبي ايامك على اصابعك وبعد عنها وهو يطلع ويقفل الباب نزل لاهله وانتبه لسؤال لينا : وين سُلاف خلها تنزل تتقهوى معنا نياف : بتقعد بالغرفة لين تخيس بنت امها فيكم تفتح لها الباب او تكلمها بحرف سكت لكم من زوجتوني بالغصب بس اقسم بالله ما ارحم اي وحده تتدخل فاهمين وطلع لحوشهم وطلع دخانه : وطلع اسمك سُلاف اجل والله لانسيك اسمك ولف على اخوه الي دخل ناظره بحدة وعقد حواجبه وهو يقرب منه : متأكد كنت نايم ومو انت الي اعتديت عليها ؟ نايف بضحكة: ايه يرجال اصلا ما دريت بسالفه الاعتداء الا قبل شوي ناظره نياف بحدة : ادخل دخل نايف وهو متوتر من كذب على اخوه وهو يعرف اطباعه رمى سيجارته ودخل وهو يطلع لفوق ملاك * وقفت بجنب نجلاء وهي تقرا ردود العيال ملاك وهي معصبه من رد ماجد : منزينك عاد يسحب بترجاه نجلاء وهي تكتب لهم : عز فاضي ؟ عز : فاضي نجلاء : اجل جيب كتبها البنت عندها اختبار عز : تمام خليها تطلع ملاك : وليه اروح معه ؟ نجلاء :اكيد بتنزلين تجيبين كتبك ولا شدراه المسكين تأففت ملاك ونزلت وهي تلبس عبايتها واخذت المفتاح من شنطة امها طلعت من باب المجالس والي يفتح على جلسة العيال التفت الكل لها وعصبوا عيال عمها من ناظروها عيال القبيله وسرعان ماخزتهم ومشت وهي تركب وراء عز عز : محد قالك فيه باب حريم ولا قاصده حركتك ؟ ملاك : مستعجله عاد منزين اخوياكم عز : محد سألك زينين او لا لا عاد تتكرر ملاك : على خير بس اخلص مافيه وقت ابي اذاكر عز : راكبه وراء كاني سواقك ما قلت شي بس تتآمرين بذا الاسلوب بتنزلين ملاك تأففت وسكتت فتحت الشباك وهي تطلع ايدها وتصور عز : دخلي يدك ملاك : يليل تراك زودتها وشفيها اذا طلعت ايدي عز : اوك طلعيها وطلعتها ملاك وسرعان ما صرخت من قفل الشباك عليها : يا بزر ايدييي عز :دخليها اخلصي دخلتها وهي معصبه منه وفتحت جوالها وهي تنشغل فيه بعد دقايق وقف عز ونزلت وهي تقفل الباب بقوة وخزته من لف عليها وهو يصرخ : ياااالتبن طلعت لبيتهم وهي تاخذ كتبها وتوجهت للباب وسرعان ما خطرت لها فكرة وبخاطرها تبي ترد له حركته دخلت وهي تقفل الباب ونزلت عبايتها وتدخل المطبخ وتسوي قهوة : اقعد بالسيارة والله لاطول واخلي البلوت يروح عليك "صلوا على محمد" نياف* طلع لغرفته وشافها تمسح روجها خزها وفتح دولابه واخذ له لبس ودخل دورات المياة كانت حاسه بوجوده وانتبهت على الي دقت الباب لينا : ما اكلتي شي خذي بسرعه قبل يشوفني قربت سُلاف بجوع : اووف جاء بوقته ما اكلت شي لينا بضحكة : بالعافية وركضت من طلع نياف وهو يجفف شعره ناظرها ونزل نظراته لكوب القهوة والكيك الي بيدها سحبه منها : حلو كنت جيعان سُلاف: مو لك بلا لقافه نياف : اي شي يدخل غرفتي يعني لي وقرب منها : مين جابه لك ؟ سُلاف: مالك شغل ودفته من صدره وهي تتوجه لدورات المياة وصرخت من مسكها ايدها وهو يلفها : مو ناوي ابدا بتربيتك من جديد بس شكلك مو متربيه وتحتاجين مين يربيك بكت وهي تشهق من لف نفس اليد الي لفها من قبل نياف وهو يناظر عيونها : دموعك مراح تنفع معي وشد على ايدها وسرعان ما دفها على الجدار من صرخت باقوى ما عندها و صفقها كف : تحسبين بتكفيني ايدك لما اكسرها ؟ صدقيني لو يذبحونك قصاص وقدامي ما يشفوني غليلي عليك حط ايده على فمها قبل تتكلم : حتى صوتك مابي اسمعه تفهمين ؟ وبعد عنها وقرب للمراية وهو يضبط شعره مسكت ايدها وهي تشهق بوجع نياف بحدة : قلت مابي اسمعه صرخت بقوة : اعتديت علي وتبيني اسكت ؟ بتكسر ايدي وتبيني اسكت ؟وتمد ايدك وتبيني اسكت؟مراح اسكت افتحح الباب خلصنيي نياف وهو يحط المشط وناظرها : الي سمعته الحين صوتك؟ تعاندين يعني ؟ سُلاف بنفس نظراته : دام بتمشي كلمتك علي حتنا بمشيها عليك ضحك بخفة وقرب منها : تخسين محد يمشي كلمته وانتي بالذات كلمتي تمشي عليك ومن فوق خشمك سُلاف وهي تحاول ما تضعف : وانت بعد تخسي تمشيها علي صفقها كف وسحب شعرها : كلمتك ذي محد ترجى ينطقها بوجهي ولو ازيد اسمعها منك بخليك بكماء عز * كان ينتظرها بالسيارة وتأفف من طولت وانتبه على اتصالات العيال ورد عليه ماجد :ولد وينك تأخرت عز : جاي مسافة الطريق ماجد : يالله اخلص باقي شوطين قفل عز وهو يمسح على جبينه من بنرفزة - ملاك * لبست سماعتها وهي ترقص بوسط المطبخ انتبهت على اشعار نجلاء : وينك عز ينتظر ؟ مسحت اشعارها وهي تصور لصحباتها بكل روقان سمعت صوت الباب وعرفت انه هو وصارت تغني بصوت عالي ومطنشته وسحبت كوبها وهي تشرب - وصله صوتها وهي تغني وعصب زيادة وهو يضرب الباب برجله وزاد ضرب الباب وهو متنرفز من حركتها ولف على جارهم الي طلع :شفيك انت سلامات ؟ عز بوهقة : لا بس ابي الاهل جارهم : ما تعرف تدق الجرس عز : لا دقيت بس ما يردون يعطيك العافية ناظره جارهم بحدة ودخل وهو يقفل الباب فتح جواله وهو يرسل لعمته ترسل رقمها اتصل عليها ووصله صوته : لو ما تطلعين الحين دوري لك مين يرجعك وسعت عيونها وهي ناسيه انه ممكن يروح ويسحب عليها ملاك :جاية جايية وقامت بسرعه وهي تلبس عبايتها وسحب كتبها وفتحت الباب وشهقت من شافته واقف عند الباب ناظر وجهها وبعصبية : قدامي اوريك شغل الله ملاك وهي تحط الطرحة على وجهها : اعصابك الواحد ما يسوي قهوة سحبها من ايدها : لاطعتني نص ساعة وقاعدة تغنين ؟ ملاك وهي تسحب ايدها : نسيتك الواحد ما ينسى بعد هنا ونزل وهو يركب السيارة وركبت وراه ملاك وهي حاسه انه بيفصل عليها : البنات وصوني اغراض من البقاله عز : اشتريلهم من اغانيك نتوقف هنا