وتسفك الدماء من نظرة عينيك وأنا المذنب بالنظر عمداً - الفصل 4 | روايتك

البارت 4 •لا حول ولا قوة الا بالله •لا استبيح القراءة بدون لايك ببيت اهل نياف * ام نياف وهي تناظر سُلاف وشكلها : ابد ما تأخرتم عمة نياف : حياكم حياكم ابتسمت ام سُلاف وهي تمشي معها ووقفت بمكانها وهي تناظرهم ببرود وتوجهت للصاله وهي تقعد ومتجاهلة نظرات الكل لها ولملامحها وشكلها بعد ساعات من جلوسها نادوها توقع وقامت وهي تجاوب علي الشيخ وامها بجنبها ووقعت الشيخ : وين المعرس ؟ توتر ابو نياف واستاذن منه وطلع وهو يدق على نياف ودخل على ام نياف :وينن ولدكك؟ ام نياف :اتصلت ما يرد الله يستر لا يكون صاير فيه شي ابو نياف وهو حاط جواله باذنه:وهذا وانا قايل له رايح يسربت ولفوا على لينا الي ركضت لهم : يبه نياف جاء ودخل المجلس ام نياف : فيه شي ؟ لينا : سمعت صوته بالمجلس بس ما شفته وراحت ام نياف وانتبهت لينا على الي نازل وهو يضبط شماغه خزته بحقد : بالله! تكشخ لاخوك بعد ما دمرته ؟ نايف : اسكتي انتي لا اعلمهم وش مسويه خليني اشوفك ناطقه بحرف خزته وهي حاقده عليه ودخلت المجلس وهي تناظر سُلاف بحزن وبداخلها تتمنى لو تتكلم وتغير مصير اخوها وسُلاف بس كل مالها تتذكر نايف وتهديده وجلست وهي تتنهد - بمجلس الرجال * دخل بثوبه الاحمر والي مليان دم وجهه الي ينزف جلس بجنب الشيخ وهو يخز بندر تنهد ابو نياف بصدمه من شكل ولده ونظرات الرجال له الشيخ : وشصاير معك يولدي نياف : الي ما يسر الخاطر يا شيخ تنهد الشيخ وسأله ووقع نياف وقام وهو يطلع من المجلس بدون ما يسلم على احد او يرد على تباريك عيال عمه واعمامه انتبه لشهقات امه ونظراتهم المصدومه من شكله ووجهه وثوبه وشماغه الي على كتفه : عساك فرحتي يا ام نياف بزواج ولدك قربت منه وهي تلمس وجهه وسرعان ما بعد عنها وناظر عمته الي طلعت من المجلس : العروس جاهزة تقدر تشوفها ملاك * وقفت مكانها من دخل عز وهو يناظرها ويناظر شعرها وملامحها أنتبهت على نظراته وصرخت : غض بصرك والناس تدق الباب قبل تدخل عز : والناس ما تتمشى بالبيت وكله رجال ملاك : ما اشوف ولا رجال كلهم حريم رفع نظره لها بحدة : ساكت لك يا بنت العم وما ضنتي تبين مين يراددك ويعلمك السكوت ملاك : محد يعلمني شي بعد ابوي وخزته وهي تدخل المجلس وتلبس عبايتها وطرحتها وانتبهت له من دخل المجلس الثاني وشافت سرير تقدمت وهي تدخل عليه : بتنام هنا ؟ عز : قفلي الباب وراك ملاك : اتكلم جد كيف اخذ راحتي وانت نايم هنا عز: لسانك ماخذ راحته من جيتي وقفت عليك ؟ ملاك : ما عندك غرفة انت ؟اطلع لغرفتك عز وهو يفصخ ثوبه : قفلي الباب تأففت وهي تقفله وطلعت لامها وشافتها جالسه مع عماتها وبناتهم ، انتبهت لنظرات الكل لها من دخلت مشت وهي تجلس بجنب امها مرام : يوه كبرتي اذكرك كنتي بزره ناظرتها ملاك ببرود وصمت منى : من مات عمي معاد شفناكم وشذا القطعه ؟ ملاك : احنا ولا انتم يالسراقين ولفت على دخول اعمامها عمها بدر : ساكتين لك يا بنت سلطان عشان امك ولا انتي نعرف وش نحط بفمك ملاك : قولها لا تستحي قولها بذبحك زي ابوك بدر بصراخ : احترميي نفسك وذا اخوي قبل يصير ابوك وكيف تتهميني بقتله ؟ قاموا البنات من صراخ بدر وهم يرجعون على وراء ويلبسون طرحاتهم من دخلوا العيال على صراخه سحبت ثلاجة القهوة وهي تصب لها ورفعت نظرها له : تحسب الكلام من راسي ؟ ترا ذاكرة الطفل اقوى منك بكذب عيوني واصدق واحد مثلك ؟ فتح الباب ودخل وهو يسمع كلامها جلس بجنب جدته وهو يناظر ابوه الي عصب من كلامها وقرب منها وهو يسحبها من عبايتها : لو سمعتك تتهميني بقتل اخوي والله لانشر اعضاءك بمقابر الرياض ملاك وهي تناظر عيونه : يعني قتلته وناوي على بنته ببيت اهل نياف * سمع كلام عمته وتقدم وهو يدخل المجلس وسرعان ما استوقفته ايد امه : غير ملابسك ما يصير تدخل بذي الحاله نياف : شفيها حالتي؟ مرد عروستكم تصير بنفس حالي واردى ودخل المجلس ومتجاهل كل البنات والحريم الي قاموا بسرعه وطلعوا انتبهت على كلام امها : حي الله نياف ورفعت نظرها للي دخل ونزلت نظرها لثوبه وشكله ووجهه بلعت ريقها برعب وهي توقف بجنب امها ومسكت طرف فستانها وهي تشد عليه نياف وهو يناظر سُلاف : الله لا يحييك لا انتي ولا البلوة الي بجنبك ضحكت ام سُلاف : مقبولة منك يا ولدي تقدم لسُلاف وهو يناظرها انتبه لنظراتها الخايفه ودموعها المتحجرة ورد على ام سُلاف الي قالت : اجل نخليكم مع بعض ومنها تتعرفون على بعض ولفت على بنتها الي سحبت فستانها وهزت راسها بالرفض وبصوت يرجف وخايف :خذيني معك ام سُلاف بضحكة : صار زوجك لازم تتعرفين عليه وانا برا اذا احتجتي شي ناظرت امها لحتى طلعت ولفت على الي واقف قدامها ويناظرها بحدة : ما خفتي لما اتهمتيني الحين تخافين ؟ سُلاف بخوف: ما اتهمتك بباطل قرب منها ولصق فيها ومسك فكها : ناظري ذا الوجه متاكدة لمستك ؟متى لمسك ؟ متى قربت منك ؟ سُلاف وهي ترمش برعب من قُربه : ايه لمستني ما اسرعك نسيت نياف : يعني صامله باتهامك ؟ وسحب فكها بقوة : احفظي ذا الوجه زين والله لاطلع اتهامك من عيونك وبعد عنها واطلقت انفاسها المتسارعة برعب وناظرته : ما قلت شي من راسي ولا اتهمتك لمصالح انت قربت مني وفاكرة وجهك اكثر من اي شخص كان معك قرب منها : جيتك مسوي حادث لحالي وما يخالف اقتلك بحادث سحب ايدها وهو يشد عليها وفتح الباب وناظر امه وكل المعازيم شد على ايد سُلاف بشكل اقوى وهو ياخذها معها وطلعوا وهو يفتح السيارة ورماها فيها وقفل الباب وركب بجنبها : فاكرة وجهي اجل والله لاخليك تكرهين وجهي والساعة الي شفتيه فيها "صلوا على محمد" ملاك * ترك عمها عبايتها من سحبوه اخوانه وطلع وهو معصب منها ناظرت الكل ونظراتهم لها وسحبت فنجانها وهي تكمل قهوتها ولفت على جدتها وانتبهت على الي قاعد بجنبها جدة عز : ما تعرفين تسكتين انتي ؟مين جيتي وانتي لسانك ذا طوله ما تستحين تتهمين عمك بذا الهرج ؟ ملاك : لساني ذا طوله بس ما قال الا صدق تكذبيني وتصدقين ولدك بكيفك وخزتها وانتبهت على صراخ عمها : احترمي نفسك واعرفي مع مين تتكلمين جدتك اكبر منه وتخزينها كانها اصغر عيالك قامت وهي تتأفف وتناظره ببرود وكمل ولد عمها ماجد : محد ضربك على ايدك وجبرك تجلسين انقلعي لبيتك وتعلمي كيف تتكلمين ملاك ناظرت الكل : احد عنده كلام زيادة ؟ واشرت على اذنها : بسمع من هنا وبطلع من هنا وعناد مراح ارجع وبقعد على قلوبكم وبذكركم بفعلة ولدكم النجس ورجعت على وراء من صرخوا اعمامها وعيالهم : احترمي نفسك ابوي مهوب نجس يالنجسه ماجد: اقسم بالله لو ما تعدلين الفاظك لاقص لسانك تقدمت ملاك وهي تدفه عن طريقها : فارق بس شف من يتكلم وفتحت الباب وهي تطلع للمجالس دخلت وهي تنزل عبايتها ومقهورة منهم ومن امها الساكتة وتناظرها ولا كانهم اخذوا حلالهم تنهدت وهي تحس تعبت : والله لاوقف بوجيهكم والله ما اضعف لواحد منكم وسحبت اللحاف الي حطته العاملة وتلحفت وهي تنام ونزلت دموعها من تذكرت ابوها : اخذوك مني وانا ما شبعت منك والله ما اسامحه ولا واحد فيهم وشدت على اللحاف وهي تمسح دموعها وغفت بسرعة بعد تعب ويوم ثقيل عليها . بالصالة * دخل بدر وهو يناظر ام ملاك : بنتك ذي اذا ما ربيتيها بربيها من جديد واعلمها الاحترام على اصوله ناظره عز ببرود وناظر عيال عمه المتنرفزين من ملاك ومن كلامها واسلوبها وتنهد وهو يقوم ويرجع للمجلس ونام بسيارة نياف * حرك وهو يزيد من سرعته بكل عصبية وصل للطريق العام وصار يفحط بوسط السيارات ومتجاهل اصوات البواري وصراخ الناس وصراخ الي بجنبه سُلاف بخوف : يا مجنون خفف سرعتك ما رد عليها وصار يزيد اكثر من سرعته صرخت من شافت سيارة قدامهم ونياف مو راضي يتحرك يمين او يسار ويناظر السيارة وصاحبها الي يضغط البوري زاد من سرعته وهو يقرب من السيارة اكثر ومطنش صراخ سُلاف الي حطت ايدينها على عيونها بخوف لفت عليه وهي معصبه من بروده وحطت ايدها على الدركسون وهي تلفه بعصبية وطلعوا من الشارع وقف السيارة ولف عليها ومسك ايدها : مين سمح لك تلفينه ؟ توجعت من قبضته وناظرته : تبينا نموت ؟ موت لحالكك مابي اموت دفها على الباب : لا بتموتين وعلى ايدي سُلاف بصراخ :نزلنيي مابي اروح معك لف عليها ببرود : انزلي انقلعي وفكيني منك ناظرت عيونه ولفت وهي تناظر المكان والظلام ولفت على الباب وهي تفتح الباب ونزلت وقفلت الباب بقوة حرك وتركها بوسط البر والظلام واسرع وهو يسحب عليها ناظرته لحتى راح ولفت وهي تتفقد المكان الي كان عبارة عن مساحة واسعة وكلها رمال بكت وهي تحضن نفسها من البرد والهواء البارد وجلست بمكانها وهي تدعي عليه - كمل طريقه وتوجه لاخوياه وقف عند استراحتهم وهو ينتظرهم طلعوا وهم يركبون معه عمر:ولد شفيك ؟ زايد : شفيه وجهك ؟مسوي حادث ؟ نياف : ايه عطني دخانك انت طلع زايد دخانه وهو يمده لنياف سعد وهو يشوف السنابات : ولد تزوجت انت؟؟ نياف وهو ينفث دخانه : ايه عمر : صادق انت ولا تعلمنا ؟ مين تعيسة الحظ؟ نياف : انا تعيس الحظ زايد : افا ليه؟ لا يكون مب زينه ؟ نياف :العن ما شافت عيني عمر : وساحب عليها من اول ليلة ؟ نياف : تاركها بطريق الملك عند ملاك * بالصباح صحت وهي تطلع تتوضى ورجعت صلت وناظرت امها الي نايمه معها تنهدت وهي تطلع وصارت تدور المطبخ سمعت صوت واتجهت لمصدر الصوت شافتها واقفة بالمطبخ وتقطع بطاطس عقدت حواجبها وهي تناظرها واول مرة تشوفها ملاك : صباح الخير نجلاء : صباح النور ملاك :جعت وجيت اسوي اكل ابي بيض عندكم نجلاء : بسوي فطور تاكلين معي ؟ ملاك بضحكة: ما اقول لا وانا جيعانة بدات تساعدها وهي تحس انها مرتاحة لها نجود :انتي ملاك ؟ ملاك :ايه نجلاء بضحكة:بليلة سويتي ضجة ببيتنا اعجبتيني ملاك :انتي من بنات عمي؟ نجلاء:لا انا عمتك اخت بدر ومحمد كشرت ملاك : يارب ما تطلعين زيهم ضحكت نجلاء ولفت على الي دخل :عز ملاك هنا انتظر عز من وراء الباب : عندك مفتاح الشاص؟ نجلاء :ليه ؟ عز :برجع للبر نجلاء : ما راح اسمح لك الا لما تتعدل حالتك وتتحسن تنهد عز : خلي الي عندك تتغطى ملاك :شتبي ؟ عز :ابي ادخل اخلصي تغطي تنهدت :يليل ادخل دخل عز وهو يسحب كوب وفتح الثلاجة وهو ياخذ حليب نجلاء :تفطر معنا احسبلك ؟ ولفت على ملاك الي اشرت لا بالرفض انتبه لحركة ملاك :ايه احسبي لي تركت السكين وتوجهت وهي تاخذ صحن وشهقت من صرخة نجلاء من الي دخل : خالدددد ضحك عز من فرحة نجلاء وابتسم لرجعة عمه من امريكا وقرب منه وهو يسلم عليه ولفوا كلهم على الي طرحت الصحن وهي ترجف وطلعت بسرعة من المطبخ سُلاف * انتبهت على تجمع سيارات على الشارع ونزلوا منها عيال وهم يسولفون ويضحكون وخافت من اصواتهم ورجعت على وراء وداخلها يرتجف من الخوف وزاد خوفها من زادت اعداد السيارات وكثروا العيال والتجمع ،،دعت على نياف من قلبها وهي تبكي برعب كانت تناظرهم وسرعان ما صرخت من ارعبها صوت كلب بعيد عنها وحطت ايدها على فمها بسرعه من انتبهت لنظرات العيال الي لفوا كلهم غمضت عيونها وهي تدعي ان الظلام الي هي مافيه ما يخليهم يشوفونها - بسيارة نياف ^ زايد:يا مريض مخليها لحاله وعلى طريق الملك ؟؟ نياف ببرود : ايه عمر : حرك حرك العيال كلهم هناك ما تشوف القروب انت نياف : خلها تتبلى على واحد منهم وتفكني سعد : يولد مجنون انت ؟في عقلك شي ؟ كل القروبات مجتمعين هناك والبنت لحالها حركك نياف :بحرك بس روحه لها مانيب رايح عمر : ما بتروح لها حنا بنروح لطريق الملك عاد كيفك بس وصلنا حرك نياف وتوجهوا لطريق الملك سعد وهو يشوف العيال :ول ومخليها عند ذول نياف : بتنزل انت ؟ نزلوا العيال ووقف سيارته ورجع راسه لوراء وتنهد بتعب شغل النور الي بالسيارة وقرب من المراية وهو يشوف جرحه نزل نظراته وانتبه للشي قاعد يركض شغل نور السيارة بجهته وشافها من قعدت وهي تتنفس بتعب وانتبه للكلب الي يركض وراها وسرعان ما نزل من شاف العيال نازلين لجهة البر نياف بصوت جمهوري : وشعنده فواز هنا ؟ لف الكل عليه وغيروا وجهتهم وهم يرجعون مكانهم من رد فواز :يدق راسك نياف بضحكة : متأكد ؟ تعال اعتلت صرخات العيال والتعزيز من قرب فواز من نياف - حطت ايدها على صدرها وهي تتنفس بتعب من الركض ولفت على صراخ العيال وناظرت الاثنين الي تقابلوا عرفته من ثوبه الاحمر ومن هيئته وابتسمت من لكمه فواز بفكه نتوقف هنا