الفصل 5
البارت 5
___
" عند عزام وميهاف "
ميهاف : بـ صراحه ما توقعتك قلبك طيب حسبتك نفسيه .
عزام ضحك عليها : والله الصراحه انتي عوبا بس للامانه قلبك طيب بعد .
ميهاف : اللي مثل شلة الهنوف لازم تعطيهم العين الحمراء .
عزام ضحك : بـ هذي صدقتي ، بس انتي من قبل كنتي بـ مدرسة مختلطه!.
ميهاف : لا كانو كلهم بنات ، يعني هناك بالقريه .
عزام : والله يا ميهاف ليش دايم يروحون مننا الناس الطيبه ؟
ميهاف ما فهمت عليه : كيف يعني !.
عزام : هذا اخر اسبوع لي بالمدرسه .
ميهاف ضحكت : يا حلو مقلبك .
عزام : لا والله جد مو مقلب .
ميهاف بلعت ريقها : كيف يعني بتنقل من هنا ؟.
عزام : لا ، ابوي يبيني ادرس بالبيت وراح يشغلني عنده بالشركه .
ميهاف ضاق صدرها : الله يوفقك .
عزام : ما ودك تقولين شي ؟
ميهاف حطت يدها بـ خدها : وش اقول يعني؟ ما يهمني اصلاً .
عزام : اها طيب .
جت كادي عندها : ميفو انتي هنا ؟.
ميهاف : ايي هنا ، تبين شي ؟.
كادي : امشي ننزل البنات متجمعين اعرف عليهم .
ميهاف ناضرت لـ عزام : يلا معسلامه .
عزام : الله معك .
__
" عند شلة العنيده "
كادي : يلا كل وحده تعرف على نفسها لـ ميهاف .
" الكل تقدم وعرفو نفسهم وميهاف استانست عليهم "
كادي شافت عبدلله وابتسمت بـ حب وهي تعدل شعرها وتلعب فيه : اكيد يقول عني حلوه .
عبدلله يناضر فيها ويقول بنفسه : الله لا يبلانا .
كادي حاطه إصبعها بـ فمها ومنزله راسها بدلع وبينها وبين نفسها : اكيد يقول وش هالحلو اللي يستحي .
عبدلله بينه وبني نفسه : شفيها هذي مصدقه روحها جد خبله مشكله كشتها طايره .
كادي : واهه بصيح اكيد حق علي بروح له .
عبدلله صد عنها وحب يده : يالله وش هالقراده .
كادي جت عنده بدلع : عبدلله .
عبدلله لف : نعم شتبين ؟.
كادي ابتسمت بـ حب : انا كادي انت شخبارك ؟
عبدلله : وبعدين يا كادي تبين شي ؟.
كادي وهي منزله راسها : شفيك كذا مسوي ثقيل ادري اني إعجبتك .
عبدلله مسكها من ياقتها : اقول توكلي عني بس .
كادي : اوه عبودي شفيك .
عبدلله : وجع بنت انتي ولا وش .
كادي : انننن مسوي نفسك بس .
عبدلله بعد تفكير قرب من كادي : كوكو .
كادي طارت من الفرحه : شنو كأنك قلت كوكو ؟
__________________
___
" عند عبدلله وكادي "
عبدلله : جعني كيك .
كادي استحت : يا قلبي والله .
عبدلله : الا قولي لي وش الكشه اللي عليك اخذت عقلي .
كادي : من شوي تعيب علي .
عبدلله ضحك بـ سخريه : يا حلو الزعلان .
كادي خقت على ضحكته : ياويصي ضحكتك تخرفن .
عبدلله وهو يبي يسحب منها كلام : الا قول لي ميهاف هذي ليش مجمعه شله .
كادي : انا اللي قلت لها شرايك فيني !.
عبدلله : اي اي كفو ، المهم بروح .
كادي مسكته من يده : وجع خلك تو الناس .
عبدلله بينه وبين نفسه : يارب عطني الصبر على الخفيفه هذي .
كادي : شفيك ساكت ؟
عبدلله : بروح يا كوكو تكفين .
كادي بـ حنيه : طيب روح .
عبدلله باسها من خدها عشان يخرفنها زياده : تبين شي يا قمر .
" كادي من الفرحه طاحت ومسكها عبدلله وكانو يناضرون لبعض بعدين تركها وراح وهي ضلت ماسكه خدها "
كيان جت : كوكو .
كادي ماسكه خدها وتتخيل عبدلله : عيوني .
كيان بـ استغراب : فديت عيونك فيك شي احد ضربك كف !.
كادي وهي ماسكه وجها : فيني حبك .
كيان : شنو ؟
كادي استوعبت وشافت اختها وشالت يدها : انتي من متى هنا .
كيان : بِسْم الله شفيك توني هنا فيك شي!.
كادي : هاهه لا مافيني شي تبين شي انتي .
كيان : لا خلاص بروح .
__
" عند شلة الهنوف "
عهد : الهنوف ترا ندى من جت للمدرسه وهي ما تحركت من مكانها .
الهنوف وش مدريني عنها .
عهد : احس فيها شي .
الهنوف : العالم اليوم كلها فيها شي .
عهد بـ إستغراب : مين العالم ما فهمت!.
الهنوف : إلياس الوصخ بعد صرخ علي .
عهد : غريبه والله .
الهنوف : اسمعي .
عهد : وش ؟
الهنوف : عندي خطه .
عهد : وش ؟
الهنوف : خطتي **** .
عهد : تمام انا معك .
الهنوف : كفو .
_________________________
___
" عند عائلة ميهاف "
ريهام : تعبت والله يا يمه من رياضيات .
سامي : عاد شدي حيلك ، وعندي لكم خبر .
ام سامي : شنو الخبر .
سامي : لقيت وظيفه محترمه .
ام سامي : الحمدلله ، والله يا يمه ابو ثامر كل عمره يصرف علينا وانا مدري شقول .
سامي : ابو ثامر مثل ابوي واللي سواهه لنا ما سواهه ابوي لنا .
ريهام : ابوي اصلاً ما أعترف فيه ليش دايم ينادوني بنت حماد ، مو حماد اللي تخلى عننا ؟.
ام سامي : خلاص يا بنتي لا تقولين كذا مهما كان يضل ابوك .
ريهام عصبت : ماما كفايه تدافعين عنه الحقير ، طلقك بس عشان فلوس زوجته الثانيه .
سامي : اتفق مع ريهام ، مستحيل اسامحه على كل شي جاء منه .
ام سامي : تكفون قفلو على السالفه بسبب هالاشياء اختكم تأثرت عاجبكم كذا .
ريهام : اصلاً ميهاف اكثر وحده كانت تبكي يوم تشوف ابوي يمد يده عليك كنا صغار ولا نفهم بس كنت اشوفها تبكي واسكت .
ام سامي : خلاص انسي يا بنتي وتعشي وراك اختبار لا تخربين جوك .
ريهام مسحت دموعها : طيب .
__
" عند احمد واخته أسماء "
اسماء : وش تبي يعني ؟
احمد : دبر لي فلوس من زوجك .
اسماء : ليش شفيك ليكون متدين من احد .
احمد : لا ، بس بسافر لالمانيا .
اسماء : وليش ان شاء الله .
احمد : ميهاف هناك .
اسماء : اها عشان ميهاف تبي تسافر .
احمد : تكفين اسومه .
اسماء : تمام ابشر بكلم زوجي .
احمد : كفو اختي .
اسماء : وكيف دريت انها هناك ؟.
احمد : كلمت وحده من صحباتها وعلمتني .
اسماء : تمام وكم تبي المبلغ ؟؟.
احمد بتردد : المبلغ كبير يعني *** .
اسماء انصدمت : منجدك انت ؟؟.
احمد : اييي ليش ؟
اسماء : خلاص تمام بحاول ادبرهم .
___________________
___
" عند المدرسه تحديداً "
كانو ميهاف وخوياتها بالفصل وقاعدات ومسوين دائره وجايبين اكل "
ميهاف وهي ترفع العصير : هذا وش يا بنات ؟
كادي بـ صوت عالي : هذا حمضيات .
ميهاف وهي ترفع الثاني : وهذا وش يا بنات ؟
ليان : هذا فيمتو الغازي .
ميهاف ضحكت بقوه : طيب بنلعب لعبه .
الكل : اي اي قدام .
ميهاف : كل وحده تقول امنيتها .
كادي : امنيتي فارس احلامي .
ليان : امنيتي اصير دكتوره .
ريناد ناضرت الهنوف من وراء : امنيتي اكسر خشوم بعض الناس .
ميهاف ضحكت بقوه : كفو كفو قدوتي .
تالين : امنيتي اوزع فلوس على الفقراء .
ميهاف : كفو تالين .
همس : امنيتي إني اتزوج واحد مز .
ميهاف : اوخص ههههه .
اماني : امنيتي اسوق بالسياره .
ميهاف : كفو يالعشيره .
_
" عند شلة الهنوف "
الهنوف : العمى شوفوهم .
عهد : هذي ريناد قبل كنا نربيها من جت ميهاف صارت تشوف نفسها .
الهنوف : كنا اسيدها .
عهد : وبنضل اسيادها .
الهنوف : وجع جايبات اكل ويحشون انننن .
ندى كانت حاطه يدها بـ خدها : انا بطني توجعني .
شهد : روحي للحمام .
ندى قامت : طيب .
عهد : بنات في شي غريب ماني مستوعبته .
الهنوف : وش ؟
عهد : شفت بـ قائمه الفصل ندى مو اسم ابوها حماد ؟
الهنوف : اي كلنا ندري انها ندى حماد!!
عهد : واسم ابو ميهاف حماد سبحان الله بس .
الهنوف : اي عادي كثير الاسماء تتشابه .
امل : اتفق والله .
عهد : والله مدري من شفت الاسامي حسيتهم خوات ونفس اللقب بعد .
الهنوف : الحين اتركينا من هذا امشو نسوي هوشه .
__________________
" عند المدرسه "
الهنوف بـ صوت عالي : بنات في وحده كنا دايم نكسر راسها .
عهد بـ صوت عالي : يب يب اللي هي ريناد .
ريناد قامت : تخسون والله اكسر ضلوعكم .
الهنوف تقدمت : ما يخسي الا انتي .
ميهاف قامت بـ عربجيه: اقول امسكي نفسك لا اتوطاء فيك انتي وشلتك.
عهد : اقول اعقبي بس .
ميهاف : عيدي شقلتي .
عهد بـ خوف وتمثل القوه : اللي سمعتيه .
تقدمت ميهاف وعطتها كف قوي : انا عمتك يالكلبه .
" تجمعو شلة الهنوف وشلة العنيده وصارت مذابحه ويقطعون شعور بعض وميهاف اخذت العصاير وصارت تكب عليهم وتعضهم وقطعت شعر الهنوف ودفتها بالطاوله وريناد مسكت عهد وقطعت قميصها وضربتها بقوه على خشمها وصارت المضاربه قويه وجو شلة إلياس وبعدوهم "
__
عبدلله : هذي ثاني مرا تتضاربون انتم بنات ولا وش ؟.
ميهاف : مالك دخل فاهم .
عبدلله : الا لي دخل شكلك ما تدرين ان عمي هو اللي مسؤول عن المدرسه هذي .
ميهاف حطت يدها بـ خصرها : اقول اهجد لا اقوم عليك .
عبدلله : مالي كلامك معك .
كادي جت ومسكت ميهاف : معليش عبدلله ميهاف كذا .
عبدلله : هجدي خويتك .
" ميهاف جت بيتكلم بس قفلت فمها كادي "
كادي : المعذره .
_
عبدلله ناضر للهنوف : وانتي بعد ان شفتك توطوين وتسوين مشاكل ما تلومين الا نفسك .
الهنوف بينها وبين نفسها : استغفر الله يا هذا .
عبدلله : سمعتي شقلت !!!.
الهنوف : اي ، بس هم بدو .
عبدلله : العلم للجميع فاهمين .
" الكل كان ساكت واشكالهم متبهدله "
_____________________
___
" مر أسبوع بدون أحداث مهمه وكان اخر يوم
لـ عزام بالمدرسه وكل الطلاب درو انه خلاص ماعاد له رجعه هنا "
إلياس بـ فرحه : الهنوف كيفك .
الهنوف بـ أستغراب : شفيك اليوم مستانس ؟
إلياس : مدري مروق ، اشتقت لك .
الهنوف ابتسمت : اممم زعلانه .
إلياس : اللي تبينه برضيك فيه .
الهنوف : شعندك كنت تصرخ علي !.
إلياس وهو يصرف : والله امور عائليه تدرين يعني .
الهنوف : تمام خلاص رضيت .
إلياس : فديت اللي يرضون يا ناس .
الهنوف : قلبي والله .
إلياس بـ فضول : الا وين شلة العنيده ؟.
الهنوف : مدري اكيد موجودين بعدين هذا عبدلله ناشب لنا .
إلياس : عرفت السبب ترا .
الهنوف : وش السبب قول .
إلياس : طبعاً المدير قايل ان عبدلله حضوره قليل وغيابه كثير وممكن ينفصل وابوه هدده اذا ما صار يداوم راح يسحب منه الصرافه والسياره .
الهنوف : اها ، بس ما يقدر يفصله .
إلياس : اكيد بس عبدلله بيأخذ واسطه من عمه ابو عزام وبيرجع يغيب .
الهنوف : احسن فكه .
إلياس : وفكه من ولد عمه عزام .
الهنوف : عزام ما نسمع له حس ، ليش تكرهه .
إلياس : كذا بس ما اطيقه .
__
" عند عزام وميهاف "
كانت ميهاف طالعه بالحوش لحالها وتشم هواء وتتذكر كل شي بينها وبين عزام : اههخخ يا عزام .
عزام من وراها : ميهاف فيك شي .
ميهاف لفت وشافته : لا بس اشم هواء .
عزام : ما تخافين احد من الاداره يشوفونك .
ميهاف : معلي منهم ما اخاف الا من اللي خلقني .
عزام ابتسم بوسط حزنه : اليوم اخر يوم لي اشوفك فيه .
ميهاف حزنت بقوه وبـ غصه : الله يحفظك وين ما تكون .
عزام : امين ، انتبهيلك .
ميهاف : معليك مني ، انا بخير اصلاً .
عزام ابتسم وشاف الغيوم : شكلك تحبين الغيوم .
ميهاف وهي تشوف الغيوم : يب .
عزام : يلا معسلامه .
" ميهاف بكت وهي رافعه راسها فوق وتتأمل الغيوم"
" بعد وقت عزام اخذ اغراضه وطلع برا المدرسه "
__________________________
توقعاتكم للبارتات الجايه????؟