الفصل 4
البارت 4
" عند عائلة ندى "
ندى كانت تسمع لـ حديثهم : يعني امي زوجة ابوي الثانيه!.
امها وابوها ألتفتو : من متى أنتي واقفه ؟.
ندى : من ذكرتو الورث وهذا ، المهم موضوعنا مو هذا منو خواتي اللي من ابوي ممكن تفهموني!
ام ندى بـ عصبيه : ندى انقلعي بـ غرفتك .
ندى : لا ماني رايحه الحين اعرف الحقيقه .
ابو سامي : شوفي يا بنتي الحقيقه هي إني حبيت أمك وتزوجتها وقررت اطلق مرتي الاولى وبس .
ندى وهي تلف يمين ويسار : وعيالك وش ذنبهم تتبراء منهم !.
ام ندى ضربتها كف : ما ابي اسمع حسك انقلعي فوق .
ندى صفقت : براضو ماما براضو ، اخذتي بابا من زوجته وفوق هذا حرمتيني من خواني اللي من بابا
" وجاها كف ثاني "
ام ندى شدتها من شعرها وسحبتها فوق وقفلت عليها : إن ما ربيتك ما اكون سميه .
ابو سامي : انتي وش تسوين تبين تعقدينها ؟.
ام ندى : خلها عشان تتربى .
" ندى جلست على سريرها وهي تفكر منو خوانها اللي من ابوها ودخلت بـ تفكير لحد ما غلبها النوم ونامت "
__
" عند عائلة ميهاف "
ام سامي : عرفتو شي عن اختكم ؟.
سامي : هي بخير بس ما تبي تحن مدري وش وراها ميهاف .
ريهام : ايي والله شي غريب ، احس وراء روحتها قصه غريبه .
سامي : ليكون تبي تنتقم من ابوي بعد !.
ام سامي بـ خوف : والله تسويها اختك المجنونه .
سامي : الله يصبرنا هالبنت هذي كيف جابت فلوس هالشي هذا رافع ضغطي وتفكيري .
" طق باب الجرس "
ريهام : بروح اشوف مين .
سامي : انا بدخل انام .
ام سامي : الله معك .
__
ريهام فتحت الباب : خير ؟.
أحمد : ما عرفتو شي عن ميهاف !.
ريهام بـ قلة حيله : أنت ليش وجهك بارد .!
أحمد : ماني جاي عشانك جاي عشان حبيبتي .
ريهام : حبيبتك من الماضي خلاص ميهاف ما تبيك ما تفهم انت ؟
أحمد : ما افهم ولا بفهم واختك بلقاها صدقيني واوريك .
ريهام : انت بالاول خل يصير معك مخ بعدين فكر تلقاها " وسكرت الباب بوجهه "
أحمد ما يمدي يكمل كلامه الا الباب تسكر بوجهه : ياربي تقهر اختها شايفه عمرها مدري على وش مشكله ميهاف احلى منها اععع .
________________________
___
" عند الفندق "
ميهاف : بنات دام اليوم ويكند شرايكم نطلع مكان !.
كادي : ايي والله طفشت وهذا اليوم ويكند الحمدلله الاسبوع خلص على خير .
كيان : الا ميفو بسألك !.
ميهاف : أسألي .
كيان : حنا جاين من قريه وفقراء وكذا كيف جبتي مبلغ كبير ؟.
ميهاف ضحكت : تبون تعرفون !.
كادي وكيان : اي .
ميهاف : الله يسلمكم رحت عند عمي هذا جارنا ابو ثامر .
كيان : اي كملي .
ميهاف : بقولكم كل شي ..
#فلاش_باك
ميهاف بـ ضيقه : اههخخ ودي اسافر برا واشوف ابوي وكل شي .
ابو ثامر : بنتي ميهاف فيك شي .
ميهاف عدلت جلستها : والله يا عمي انا .. وسكتت.
ابو ثامر جلس : قولي يا بنتي مو دايم تعتبريني مثل ابوك .
ميهاف : الا اعتبرك بعد احلى ابو .
ابو ثامر : قولي وش بخاطرك .
ميهاف شرحت له كل شي : بس هذا .
ابو ثامر : بس هذا ؟ بسيطه يا بنتي .
ميهاف : كيف بسيطه السفر وكل شي يبيله مبلغ .
ابو ثامر : كل شي بيكون على حسابي .
ميهاف : ما ودي اكلف عليك .
ابو ثامر : انا الله ما عطاني بنات ولا عيال بس انتي خليتني اعيش هالشعور ولا ترديني لانك بنتي الوحيده .
ميهاف ابتسمت : تمام يا بابا .
ابو ثامر حضنها : يلا بنتي لا تكدرين على عمرك انا دايم علمتك انك تكونين قويه وتمشين وراء اهدافك .
ميهاف مسحت دموعها : اي وانا مثلك يا بابا .
ابو ثامر باس عيونها: يلا قومي يا بنتي وانا بحجز لك الطياره .
________________________
" نرجع للواقع "
ميهاف : بس هذا .
كادي : جد انه رجال وكفو عمو ابو ثامر .
كيان : الا ليش ينادونه ابو ثامر دام ما عنده عيال!.
ميهاف : كان عنده ولد ويوم سماه ثامر مات الولد والناس كذا اول مولود للشخص ينادونه عليه .
كيان : ايي والله .
كادي : اسمعو وين تحبون نطلع ؟
ميهاف : بنروح نتمشى بالمول نشتري لنا اغراض ناقصه ونروح بعدها نتعشاء شرايكم .
كيان : قدام والله نبي نستانس .
كادي : شرايكم نعزم ريناد وليان ؟.
ميهاف : تمام اعزميهم .
كادي رفعت السماعه : الو ريناد .
ريناد ردت : هلا يا ععومريي .
كادي : اسمعي بنروح لـ مول ** وتعالي انتي وليان واذا تبون اعزمو الشله .
ريناد : لا شدعوا بس انا وليان وهمس وتالين بنجي.
كادي : تمام " وسكرت "
__
" وصلو للمول واشترو كل شي يبونه وراحو لـ مطعم فخم "
ريناد : حي الله خوياتي الجدد اليوم عزمتكم على حسابي .
ميهاف ابتسمت وبانت غمازتها : تسملين يا حلوه .
كادي : الله بصور المكان .
ريناد : يلا اجلسو وبروح اطلب اكل .
ميهاف : تمام .
" وجلسو البنات واللي تصور واللي تضحك واللي تطقطق "
جت ريناد ومعها الاكل : يلا بنات خل نصور ونقهر شلة الهنوف .
ميهاف : كفو يا صيقيقتي .
ريناد : كفو .
كادي : اكتبي شلة العنيده هههههههه.
ريناد : ولا يهمكم ههههههه .
" وصورو مع بعض وكانو مستانسين "
__
" عند الهنوف طالعه مع إلياس "
الهنوف دخلت وشافت سنابها : وجع توجعهم .
إلياس: شفيك تكلمين نفسك !.
الهنوف : شوف شوف السلقات .
إلياس طاحت عيونه على ميهاف وابتسامتها وغمازاتها: اههخخ بس .
الهنوف : على وش اههخ ؟
إلياس استوعب : اقصد اههخ منهم مصلححيات .
الهنوف : اي عبالي .
إلياس : عبالك وش ؟.
الهنوف : عبالي خقيت عليهم .
إلياس : هههههههه مو منجدك اخق عليهم .
الهنوف : الا اقولك عبدلله شعنده قام يداوم كثير .
إلياس : شايفتني ساكن معه! روحي أسأليه .
الهنوف : اوف ما منك فايده ما تأخذ منه سالفه او شي مناك او مناك .
إلياس ضحك بقوه : انتي عبالك عبدلله يعلم بكل شي ، ترا عبدلله اي شي يصير معه ما يعلم احد فيه .
________________________
___
" عند البنات "
ميهاف : هاهه بنات نمشي ؟
ريناد : لحظه تخيلو الهنوف شافت سنابات ولا قالت حرف ههههه .
كادي : قطيعه شكلها انقهرت .
ميهاف : هذي المغروره على شي تغار .
كيان : بنات بنات .
الكل : هاهه .
كيان : كأنه هذاك عزام ؟.
ميهاف شافته ورجعت صدت : الا هو .
ريناد : جاي مع خويه معاذ .
كيان : هالانسان غريب دايم ساكت ولا يسولف مع احد .
ريناد : هو الصراحه قبل كان فله بس من ٥ سنوات صار كذا بس ما احد يدري ليش .
ميهاف بـ فضول : كيف يعني ما احد يدري السبب .
ريناد : لان عزام ما يعطي احد مجال ويكون بعلمكم عزام اول كان هو رئيس شلة عبدلله وبعدها طلع منها صار عبدلله بداله .
كادي وهي خاقه : عبدلله وش يصير لـ عزام ؟.
ريناد فهمت عليها وضحكت : الصراحه عبدلله وعزام عيال عم .
كادي : اها .
ميهاف وهي تلعب العصير : كل إنسان يواجهه شي بحياته وعنده شي ما وده احد يعرفه .
ليان كانت تتسمع لها : صادقه والله .
تالين : واضح ان انتي بعد يا ميهاف فيك شي او في شي مخلي شخصيتك كذا قويه وجريئه .
ميهاف ابتسمت بوسط حزنها : يب يا تالين كذا .
همس : اقول لا تعكرون الجو بقصص مالها داعي خلونا نفلها .
كادي : قدوتي همس .
همس : حياتي والله .
__
" عند عزام ومعاذ "
عزام : بس هذا كل شي .
معاذ : والله مدري شقولك يا عزام بس ابوك احس وراه شي .
عزام : تكفى يا معاذ مو وقتك ، بعدين ابوي لو عنده شي كان قال بوجهي .
معاذ : بس شي غريب يبيك تدرس بالبيت وتشتغل بالشركه .
عزام : ابوي يبيني اعتمد على نفسي .
معاذ : اجل اترك الدراسه يا رجال واشتغل راتب وحركات وفله .
عزام : يا رجال مقدر .
معاذ : وش اللي يمنعك !.
عزام : هذا حلم امي إني اكمل دراستي .
معاذ : اها انا اسف .
عزام : عادي .
معاذ : شوف شوف هذي البنت القويه اللي سوت بمدرستنا الهوشه اللي كنت معها ميهاف .
عزام التفت وشافها وابتسم بوسط حزنه : الا هي .
__
ميهاف شافته وابتسمت بخجل : لا رد .
كيان شافتها وابتسمت : احم احم وشفيها الحلوه تبتسم !.
ميهاف : يعني الواحد ما يبتسم لو شوي ؟ خلوني بحالي .
كيان : بِسْم الله اكلتيني هههههه .
ريناد وهمس وتالين وليان وكادي : ههههه .
________________________
___
" مر يومين بدون إحداث مهمه "
بالمدرسه "
ميهاف شافت عزام قاعد والكل كان تحت بالفسحه وتقدمت له : عزام شفيك قاعد لحالك!.
عزام وهو صافط يدينه : يهمك؟
ميهاف قعدت : اي يهمني فيك شي احد مضايقك؟ بعدين اذا في احد مضايقك قوم دافع لـ نفسك .
عزام ضحك عليها : ما احد يقدر لي يا ميهاف انا لو احد يتمادى علي نهايته ينطرد .
ميهاف : اوهه ابوك هو اللي ورث هالمدرسه ؟.
عزام : اي .
ميهاف : بسألك بس لا تعصب .
عزام : أسألي .
ميهاف : انا من جيت هنا اشوفك دايم ساكت ومهمومه عادي لو مرا تعطيني قلبك وتفضفض .
عزام ناضر فيها : وش يضمن لي إنك ماراح تعلمين احد عن قصتي وقصة سكوتي اللي من سنين الكل يحاول يعرفها .
ميهاف حزنت عليه وقربت له ونست نفسها ومسكت يده وبحنيه : عزام كلنا عندنا قصص بحياتنا ونواجهه اشياء مو شي انا بعد ودي افضفض ودي اقول اللي بـ قلبي وانت بعد لك حق تفضفض .
عزام دمعت عيونه والتفت وهو يتذكر امه "لفو الشاشه وشوفو المقطع " : كنت اقول صعب القى مثل حنية امي بس لقيتها فيك يا ميهاف .
ميهاف حزنت عليه : امك ليش وينها .
عزام ببحه: ماتت الله يرحمها .
ميهاف عورها قلبها ومسحت دموعه : عزام تكفى لا تبكي قسم بالله انا ما كنت ادري اسفه .
عزام مسح دموعه : لا عادي بس القصه هي ..
#فلاش_باك
ام عزام كانت صاعده بـ سلم وتبي تجيب اغراض : يا ولدي يا عزام وينك .
عزام كان قاعد بعيد : هلا يمه شتبين .
ام عزام : يا ولدي تعال ساعدني " ما حست الا وهي طايحه على راسها .
عزام ركض بيساعد امه لقاها مرميه والدم ينزف منها وصرخ بـ اقوى ما عنده : يممممممهه لا تخلييييينننننيييي دخخخييييلكك يا يممممهه .
ابو عزام كان داخل وشاف مرته وولده وركض لهم وطلب الاسعاف وجو بوقت متأخر ولقوها ميته ومن بعد هذاك اليوم بطلنا عزام صار يلوم نفسه انه ما جاء بالوقت الصح بس ابوه كان يقوله هذا قضاء الله وقدره ..
" نرجع لـ قدام "
ميهاف ببكاء : عزام لا تلوم نفسك هذا يومها ربي كاتب كذا واكيد هي مرتاحه بـ قبرها انت بعد غير من نفسك كذا تعذب امك .
عزام وكلمتها تعذب امك : لا ما ابي امي تتعذب ، بس انا انحرمت من حنانها يا ميهاف .
ميهاف بـ حزن : كلنا كذا يا عزام .
عزام : انتي وش قصتك !.
_____________________
___
" عند ميهاف وعزام "
ميهاف : قصتي حيل صعبه بس ما فقدت لا امي ولا ابوي بس فيك تقول إني من انولدت ما شفت ابوي الا قليل وبعدها ماعاد شفته من طلق امي .
عزام : يعني امك وابوك منفصلين؟.
ميهاف بـ ضيقه : ايي ، وانا وخواني اللي تحملنا كل العواقب ، وكان ابو ثامر مثل ابوي وما كان مقصر معي بشي .
عزام : قولي قصتك كلها وانا بسمعك مثل ما سمعتي قصتي .
ميهاف : طيب .
#فلاش_باك
كانت ميهاف صغيره وعمرها ٤ سنوات وهي وسامي تؤام وريهام اكبر منهم بـ سنه ابوها اشتغل مع واحد وعرض عليه عرض انه يتزوج بنته ويصير اغنى واحد بالبلد وكان شروط سميه زوجة حماد الثانيه ان يطلق زوجته وكان مو راضي يطلق زوجته لان كان يشوف عياله كان وده بوظيفه تعيشه وتعيش عياله وزوجته الاولى بس الزمن جبره يتزوج الثانيه والثانيه كانت حقيره وتبيه يطلقها وبيوم من الايام كانت زوجته الاولى تعاتبه وكان يضربها بقسوه وكان ناسي واجود طفله مندسه وراء وتشوفهم وتبكي بحرقه اللي هي ميهاف وبعدها
بـ فتره درت زوجته الثانيه انه يسافر للاولى وسوت مشكله وقرر يطلق الاولى وطلقها ومن بعدها ماعاد سأل عن عياله ..
" نرجع للواقع "
ميهاف : بس هذي قصتي ابوي تخلى عننا .
عزام حزن عليها وضمها بقوه : والله يا ميهاف كل شخص فينا عنده قصه .
ميهاف غمضت عيونها بحضنه : كلنا والدنيا بكبرها قصه .
عزام : صادقه .
" كان يتسمع لهم والغيره ماليه قلبه ودمعت عيونه بقوه وراح للهنوف ومتجاهل حزنه "
__
" عند الهنوف وإلياس "
الهنوف : عسى خير فيك شي يا إلياس .
إلياس وهو يتذكر حضن عزام لميهاف وعيونه مولعه شرار : لا مافيني شي .
الهنوف : مو من عادتك تكون ساكت .
إلياس صرخ وضرب الحديد : قلت لك مافيني شي .
الهنوف خافت ووخرت عنه : يماهه شفيه انهبل .
" إلياس راح للفصل وجلس وهو ينتظر يبي يطلع ويرتاح بالبيت "
__________________
يتبع.....