الفصل 4
الجزء الرآبع :
في بيت بوفهــد ::
بوفهد : يلآ عيــآل تأخرتوا
أم فهد تنآدي : طييييــف ، أمــل ، و ينكم يمه ؟
طيف نزلت : كآني يمه خلصت
أمل : يلآ يمه ، بس كنت أستأذن من الدوآم
بوفهد : وين فهد عيـل ؟
طيف : قآل عقب مـآ يخلص شغل بيمر عليهم
أم فهد : و وليد قـآل بيسبقنآ هنآك
بوفهد : يلآ عيـل
نعرفكم على عـآيلة بو فهـــد ::
بوفهد : أخ بومـآيد ، معآه في الشغل والشركة ، وآيد معآآه ، و هوه طيوب وحنون ..
أم فهد : أم مثل كل الأمهآت في الطيبة و المحبة ، وتوجيه عيآلهآ و نصحهم
فهد : عمره 23 سنة ، يشتغل في الشرطة ، و هوه ملتزم و أخلآقه عآلية
أمل : عمرهآ 21 سنة ، تشتغل في المدرسة هيه ربيعة أسمآ ، و أخلآقهآ عـآلية بعد
وليد : عمره 20 سنــة ، يحب سآرة و يموت عليهآ ، حليـــوووو ، يتمنى يكسب قلب سآرة ، و يسوي المستحيل على شـآنهآ
طيف : عمرهآ 17 سنة ، متخبلة شوي ، تقريباً مثل نورة بنت عمهآ ، مآ تحب سآرة وآآيد !!
...
في المستشفى \ وصلوا عـآيلة بو فهــد ::
أم فهد : هلآ والله هلآ هلآ بسآرونة
سآرة سآرت تسلم عليهآ وبـآست رآسهآ ، و سلمت على عمهآ
بوفهد : شحآلج يآ بنيتي ؟
سآرة بنبرة تعب : الحمدلله بخير
و سلمت على أمل و طيف ..
أمل : الله يقومه بالسلآمة
سآرة : الله يسلمج
أم فهد : عيل وين الوآلدة ؟ مـآ شوفهآ !
سآرة : الوآلدة تعبآنة ، إن شآء الله بتيي مع نوآري بعدين
بوفهد : مآ مرج وليد ؟
سآرة : هيه كآن هني من شوي
طيف : من متى هني سآرة ؟
سآرة : من السـآعة 6 ، عيل ليش مآ سرتي المدرسة ؟
طيف : مـآ فيه ، اليوم بيسون يوم مفتوح ، بآيخ شرآتهم
سآرة : و إنتي أموله ؟
أمل : أنـآ استأذنت ، برد بعد شوي
سآرة : الله يوفقكن
...
رآشد يتمشى مع هيآم بعد إلحآح منهآ في ممرآت المستشفى ::
هيآم : رآشد
رآشد : نعم
هيآم : أنآ وآيد ملآحظتنك مهتم بسـآرة و أخوهآ ، ليش ؟
رآشد بعد صمت : تعآطفت مع حآلتهم
هيآم : بس على شآن جي ؟
رآشد متردد و بخآطره : و على شـآن أشيآء
رآشد : مدري
هيآم : كيف يعني مآ تدري ؟
رآشد : غيري الموضوع و اللي يسلمج
هيآم : أوك
[ هيآم غرقآنة بالسوآلف والضحك مع رآشد ، هوه كآن يسولف بعد شوي ، وهيآم حدهآ فرحآنة ]
...
بيت بو مـآآيد \ أم مآيد على سريرهآ ومعآهآ أم خـآلد ::
أم خآلد : حبيبتي يآ وخيتي ، الله يقومه لج بالسلآمة
أم مآيد سـآكته
أم خآلد : مآ يصير تسوين جي يعمرج ، مآ فيه إلا العآفية ، شوي تعب بس
أم مآيد : أنآ خآيفة عليه وآآيد
أم خآلد : انزين سيري شوفيه في المستشفى و ارتآحي
أم مآيد مب قآدرة تشوفه بهالحآل من جي مب رآضية تسير
و مرن 3 سـآعآت ترمسهآ أم خآلد بسآلفة ، و عقب ترمسهآ عن حمود ولآزم تسير تشوفه ..
،،
في المستشفــى ::
سوآلف هيآم اللي مآ تنتهي ، مـآ نسّت رآشد سـآرة ..ْ~
رآشد : هلآ سآرة
سآرة بابتسآمة : أهلين دكتور
رآشد : شحآلج ؟
سآرة : تمآم
رآشد : سآرة متى بتردين البيت ؟
سآرة : مآبرد ، بتم
رآشد بجدية : يلآ جدآمي ، ألحين بتردين البيت
سآرة : دكتور أنت شو تقول ؟ مآ أقدر أخلي أخوي بروحه
رآشد : هوه مب بروحه
سآرة : بغيت أسألك ، الدكتور متى بيي ؟
رآشد : يمكن ورآ بـآجر
سآرة : مب حرآم عليهم ؟!!
رآشد : شو نسوي بعد ! صبري !!
سآرة سـآكته
رآشد : سآرة الله يخليج رجعي البيت ، يكفي معذبة عمرج وآقفة 5 سآعآت ، مآ تعبين إنتي شو ؟!!
سآرة : حرآم عليك لآ تحسدني ، تدري إنه أغلى مآ عندي ، فديته مب حلو البيت من دونه
رآشد : مآ علـي ،، إنتي سيري ألحين ، و الفليل تعآلي ، بعد أمج بتشتآق لج
سآرة بخآطرهآ : أمي تشتآق لي ؟! مستحيـل تبآ الفكه مني !!
سآرة : إن شـآء الله
رآشد : سوآقكم وين ؟
سآرة : ينطرني تحت ، أنآ خليته هني على شآن إذآ احتجت شي
رآشد : حشآ ، معذبة الريـآل ، يلآ قومي ، سيري بيتكم
سآرة : لآ ، خلني معآه
رآشد : لآ تخليني ألغي الزيآرة حقه
سآرة نقزت معصبة عليه : والله مـآ تروم
رآشد : لآ توثقين وآيد ، أقدر ألغيهآ
سآرة برجـآء : رآشد واللي يعآفيك [ عقب ع طول صخت ] ..
رآشد ابتسم : رآآشــــد ؟!
سآرة : سوري ...... أنآ آسفة دكتور
رآشد مبتسم : لآ عـآدي
تمت سـآكتة ..
رآشد قومهآ من مكآنهآ : يلآ السآيق نآطرج
سآرة بمعنى بليييز : دكتوووور
رآشد : الله يخليج رجعي البيت ، أنآ بعد ألحين برجع عندي بشــآآآآرة و لآ أروع لأختي و ربيعتهآ
سآرة : مـآشـآء الله ، ليش ؟؟
رآشد : مفـآجآة ، إذآ ظل أخوج في المستشفى ، بتشوفينهآ بعد يومين مع ربيعتهآ
سآرة : كيييف ؟
رآشد : بعدين بتعرفين
رآشد ، وسـآرة نزلوا تحت ، على شآن خلآص كل وآحد بيسير لبيته ..ْ~
...
بيت بو مـآيد ::
وصلت سـآرة بيتهم ، و كآنوا كلهم رآدين من شغلهم ..
سآرة : السلآم عليكم
الكل : و عليكم السلآم
نورة : آه بس ! منو قنعج تردين ؟
سآرة ضحكت ، و سـآرت تبوس رآس أبوهآ اللي توله عليهآ وآيد ..
سآرة : وين الوآلدة ؟
مطر : بغرفتهآ تعبآنة
،،
سآرت سـآرة غرفة أمهآ ، ترددت تدخل ، لكن آخر شي دخلت ::
سآرت بآست رآسهآ ، و بـآست ايدهآ : مآ تشوفين شر يمه
أم مآيد لفت عنهآ ، مب طآيقة تشوفهآ أو حتى ترمسهآ ..
سآرة : يمه حمآدي محتآج لشوفتج ، سيري له اليوم
أم مآيد سـآكته
سآرة : يمــــه
أم مآيد تصآرخ : بس سكتي خلآآآآآآآآص
سآرة حدهآ تفآجأت : آسفـة يمه
و توهآ بتطلع دخل مآيد و سكر البآب ،، مسك سآرة من ملآبسهآ ولصقهآ باليدآر ..
سآرة مستغربة و حدهآ خآيفة : مآيد ، مـآيد انت شو تسوي ؟
مآيد بعصبية : إنتي ليش مطفرة بأمي ؟ ليــــش ؟ خلآص خليهآ ترتآح
سآرة : مآيد ترآ مثل مآ هيه أمك ، هيه أمي ، و مستحيل أطفرهآ أو أضآيقهآ
مآيد : مع منو كنتِ في المستشفى ؟
سآرة منصدمة : شو مع منوو ؟؟
مآيد : اليوم وليد و خآلد مروج صح ؟
سآرة : يـآيين يطمنون على حمآدي
مآيد بجدية : يطمنون على حمود ؟ و لآ عليج ؟ يـآ قليلة الأدب
سآرة تصيح : أنآ مـآ أسمح لك تقول عني جي
" طرآآآآآخ " كف محترم على خد سآرة ، خلآهـآ تطيح تحت تصيح و تتألم
مآيد : مآ شي سيرة المستشفى مرة ثـآنية
سآرة برجـآء وصيآح : مـآآآآآآيــــد
أم مآيد : مآيد فكونآ من الحشرة خلآص ، خلهآ ، بسهآ تكفيخ
مآيد يرمس سآرة بحزم : غرفتج بسررعة
قآمت سآرة بسرعة شآلت شيلتهآ و ركضت الغرفة و قفلت البـآب تمت تصيييح !!
...
بيت بوحمــدآن \ جنآح حمدآن ::
حمدآن : وين غترتي ؟
حنآن : بعد قول أنآ سرقتهآ
حمدآن : أنآ سألتج سؤآل ، ردي بقد السؤآل
حنآن : و أنآ شدرآني ، قآلولك خدآمتك
حمدآن : عنبو دآرج ردي رد محترم ، ردي رد يبرد الفوآآد ، أنآ أرد من الدوآم تعبآن ، أبآ كلمة تبرد قلبي
حنآن : ليش شو قآلولك ؟ أنآ مب محترمة ، أنآ بعدني أحسن و أشرف عنك
حمدآن صآرخ : حنـــــــــآآآآآآآن
نقزت حنآن من قوة الصرخة
حمدآن : لو سمعت هالكلآم مرة ثـآنية ، مآ تلومين إلآ نفسج
[ و ظهر ] ..
،،
غرفة أروى \ دخل رآشد عندهآ ::
أروى : هلآ
رآشد : أهلين ، شحآلج ؟
أروى : الحمدلله
رآشد : الدكتورة أروى و الدكتورة سـآرة بيدآومون يوم الأحـد في المستشفى
أروى نقزت متخبلة ، عفدت على رآشد صآرخت : أحلللللللف
رآشد يضحك عليهآ : قومي عني ذبحتيني أبـآ أتنفس ، كح كح
أروى : رشووود قول والله
رآشد : والله [ و دزهآ بالقوو هههه ذبحته مع إنهآ مب دبة ] ..
أروى : ألحين ببشر سـآروونة
رآشد تذكر سآرة و بخآطره : فديت سـآروتي أخت أخوهآ هههه ..
أروى طردت رآشد ، على شآن تآخذ رآحتهآ لمـآ ترمس سآرة ..
اتصلت على فون بيتهم ::
أروى : هلآ
نورة : أهلين ، هلآ والله
أروى : شحآلج نورة ؟
نورة : الحمدلله بخير ، إنتي شحآلج ؟
أروى : يسرج الحآل ، موجودة سـآرة ؟
نورة : ويت بحولج على فون الغرفة
ســآرة ترددت إنهآ تشل سمآعة الفون ، بس يوم شآفت رقم بيت أروى ، رفعت السمآعة
سآرة بألم و يبين من نبرتهآ تصيح : هلآ أروى
أروى من النبرة الفرحآنة ، تغيرت : سآآآرونة قلبي ، شو فيج ؟
سآرة مآ قدرت تسمك نفسهآ و تمت تصيح
أروى : سوير قطعتي قلبي ، شوفيج يـآ عمري ؟
سآرة تهدي نفسهآ : أروى ، مآيد ضربني
أروى عصبت : يعل ايده ..... [ و سكتت ] ..
سآرة : أروى أنآ وآيد تعبآآنة ، حرمني إني أسير عند أخوي المستشفى ، والله أفكر فيه
أروى فرحت : بس والله مآ يقدر يمنعج
سآرة تفآجأت : كيـــف ؟
أروى : لأنج بتدآومين في نفس المستشفى اللي فيهآ أخوج
سآرة جنهآ فرحت : والله [ بس ردت حزينة ] بس متى ؟
أروى بسعآدة : بعد متى ؟ اليوم الخميس و يوم الأحد بدآومين
سآرة طآرت من الفرررحــة : واللــــــــــه ، ونآآآآآآآسه ، أحلى خبر سمعته بحيآآتي ، فديتج أروى
أروى فرحآنة من حآل سآرة : فرحتي يآ قلبي ؟
سآرة : إلآ طــــآآآيرة من الفررحـــة ، يلآ يلآ بسير أبشر أبوي ، أكيد بيستآنس
أروى : أوك
[ على طول سكرت سآرة الخط ] ..
سآرت عند أبوهـآ ، و بشرته طبعاً طـآر من الفرررحة ، و مطر و نورة بعد فرحوا لهآ وآيد ، و تموا يحضنون بعض فرحآآنيـــن ..
...
خــآلد و رنــــآ في المول يتمشون ::
رنآ : خآلد أنـآ بحبك كتييير
خآلد : و أنـآ أكتتر
رنآ : تسلم لي والله ، خآلد في يوم بتزعل مني ؟
خآلد : مستحيييل ، إنتي رنوونة
رنآ : يسلمــووو
خآلد : رنآ إنتي شفيج هالأيآم كل تسألين هالأسئلة ؟
رنآ : لآ ، ولآ شي
،،
بعد مـآ رجع خآلد من المول ، ودآ العنود عند سـآرة ::
سآرة : هلآ والله
حضنتهآ العنود من غير نفس : هلآ سوير ، شحآلج ؟
سآرة : الحمدلله ، إنتي شحآلج ؟
العنود : تمآموووو
سآرة و العنود يلسووا ،،ـ
سآرة : شو مسوية في المدرسة ؟
العنود : سكتي لآ تذكريني
سآرة : عنّوود ، ليش قطعتيني ؟
العنود : فديتج ، بس مآ نسيتج ..
مدآم اكتملت عآيلة أم خآلد ، خلونآ نعرفكم عليهــآ
عـآيلة أم خـآلد ::
أم خآلد : تعبت كل التعب ، لمآ توفـآ بو خـآلد ، و ربت عيآلهآ بروحهآ ، و تعبت بتربيتهم وآيد
خآلد : عمره 23 سنة ، صديقته رنآ ، بس قلبه يميل لسـآرة ، جمآله هآدي
العنود : عمرهآ 17 سنة ، مثل مآ قلت لكم أم خآلد وآيد تعبآنة بتربيتهم ، يعني العنود و لآ شي ><
...
بيت بو حمـــدآن \ المطبخ ::
حنآن يت من ورآ رآشد : شحآلك رآشد ؟
رآشد تفآجـأ : هلآ حنآن ، الحمدلله
حنآن : شو تبآني أسوي لك ؟ تبآ توست ؟
رآشد : والله إذآ فيج خير سوي حق ريلج مب حقي
حنآن : يآ عيوني ، مـآ يستآهل شي كثر مآ تستآهل
رآشد : حرآآآم عليج ، لآ تخونين أخوي
حنآن : من زينه
رآشد عصب : لآ تغلطين عليه
حنآن : رآشد فكنآ من هالسآلفة
رآشد : سمعي أنآ أحب أخوي ، و ترآ في يوم من الأيآم بيشوفنآ مع بعض ويعصب
حنآن : خله يولي زين مآ عآد يهمني
رآشد : بس أنآ يهمني
حنآن : لآ تعصب بي
[ ظهر عنهآ رآشـــد ] ..