الفصل 3
للتذكير:- وصلو للديوانيه ونزلو وكل واحد متحمس للمباراه ويتمنى فريقه يفوز عشان يكسب التحدي..
_____________________________
**الجزء الثالث**
وسط غرفه مليئه بالشباب والشاهي..يملأها الحمااس..والكل متحمس والبعض معصب..اما سلطان كان واااااااثق ومسترييح..ومتأكد 100% ان النصر بيفوز..
مشاري يدعي بقلبه وهو يطالع بسلطان ويضحك"انشاءلله يفوز الاتحاد..عشان تكسر هالثقه ياسلطان وتتفشل..خخخخ"
___________________________
من جهة نايف..كلم جود وقالها تنزل هي والبنات بيروح يمشيهم عالكورنيش..لانه كان طفشان وهم بعد..والساعه حوالي 5 العصر..ركبو البنات كلهم سيارة نايف بعد ماشاورو اهلهم..والكل وافق حسب رغبة نايف..
ولمن وصلو الكورنيش..طبعا جود ماخذه راحتها لان الي ماخذهم اخوها..فتحت الطرحه وحطتها على كتفها..وفتحت شعرها الناعم الي بدا يتطاير على وجهها مع الهوا..
والبنات كلهم يطالعو بجود وهي متحرره ومقهورين منها..
نايف للبنات:الحين ريناد ليش ماجات معاكم؟؟؟؟!!!
جود وقفت قدام نايف:تقوول راسها مصدددع..
نايف:ماالومها والله..من ريحة اللحم حتى انا راسي صددع..
البنات فطسن ضحك..
نايف يطالعهم بيحرجهم:فديييييييتكم انـــــــا..
البنات وجههم حممر..جود بخقه:حرام عليك نيفووو خجلتهم..
نايف طالع جود بنص عين:اولا انا طوول وعرض قدامك كيف تقولي نيفوو..قولي نايف سامعه..ثانيا..هذولا مثل اخواتي يعني ليش ينحرجو من كلامي(طالع بالبنات)صح؟؟
البنات هزو راسهم بالايجاب..
نايف ماسك الضحكه بالقوه على اشكالهم وهم خايفات منهم:شفيكم خايفات..ترا مااكل..والله!!!يلا تعالو بنجلس على طاوله ناكل ايسكريم بعدين نتمشى..
ومشى وهم وراه..جود جنبه..مها:اا..وين بب..وين بنقعد؟؟؟
نايف بخقه وهو يأشر على الطاوله:هنا..يلا تفضلو حبايبي..
ملاك"عليه رزه واسلووب يذبببح"
جلسو جود قدام نايف طبعا والبنات جنبها..ونايف قدامهم..
والصمت كان سيد الموقف بينهم كلهم ماعادا جود الي تتكلم شوي..
نايف خطرتله فكره:بنات..ممكن اسالكم سؤال؟؟
البنات:تفضـــــــــــــل..
نايف بحرج بس مصر انه يسال هالسؤال..يبي يعرف وش مشاعر كل وحده فيهم تجاهه..طالع مها الي كانت جالسه عالطرف:مها..مين الولد الي سكن قلبك بهالعائله؟؟؟
((يقصد هو واولاد اعمامه))
مها"وش ذا الاحراج؟؟"ردت مرتبكه:ها؟؟ا..اا..ولا احد..
نايف طالعها بشك:اعتررررررفي..
مها بصدق:والله ولا احد...
جود:خلاص حلفت البنت يعني صادقه..لاتحرجها زياده..
طالع نايف بلينا:لينا..دورك..نفس السؤال..جاوبي يلا..
لينا تفكر"مين الي سكن قلبي..خالد؟؟لاء لاء مو خالد..عبدالله لاء مااظن..مممم مشاري..لااااء مااعتقد اني حبيته..فـ..فيصل..اي فيصل هو الي احبه":ا..محد بس في واحد من اولاد اعمامي يعني اعزه اكثر واحد فيكم..
نايف قاطعها بثقه:احم..احم..ادري انا..
لينا انحرجت:ا..اي انت وو..و..وفيصل..(حمرت خدودها)
مرام طالعت لينا بكره وحقد..اما لينا لمن شافت نظرات الكل لها بالذات مرام..قامت ترقع:لاء لاتفكرون غلط..يعني اعزكم مثل اخواني..
طالع نايف بمرام..:وانتي مرام؟؟؟
مرام اكثر وحده ارتبكت..:ا..اان..انا اييييييش؟؟؟؟
نايف ابتسم وبانت غمازاته:يلا بسرعه جاوبي مافي وقت..
مرام"انا مااحب ولاواحد فيهم..بس لمن اشوف فيصل مدري وش يسيرلي..ولمن اقرب منه احس ف داخلي شي غريب..بس مو حب ":والله ولا احد..
نايف طالع ملاك بنظره تخقق:وانتي ملاك..مين تحبي؟؟؟؟
ملاك بخاطرها"انت..والله احبك انت":مممم ولا احد..
نايف بجرأه:مااصدق كلكم ماتحبوو..انتو بفترة مراهقه الي مثلكم يحب ويعشق بعد..
جود طالعته:الي يسمعك يقول عمرك 50 .. الا 20 سنه..حتى انت مراهق بعد..وميييييين تحب من هالبنات؟؟يلا قوول..
نايف حمر وجهه ومسك زوالفه بحرج..وطالع البنات كلهم وحده وحده بتمعن هالمره..وقال:والله كلكم اعزكم مثل خواتي وبس..لااكثر ولا اقل..
انقلبت ملامح ملاك لوحده مكشره"كنت احسب انا"...بس محد لاحظها..
نايف طالع جود بخبث:أي صح..بقى انتي..يلا جاوبي عادي انا اخوك صندوق اسرارك..
جود"الصراحه..انا اكتشفت اني معجبه بسلطان..بس لسه ماحبيته..ولو حبيته مستحيل اقوول لاحد":والله كلهم مثل اخواني..بعدين تعال انت ليش تسالنا هالسؤال..
نايف حرك حواجبه بمزح:عشان كنت احسب ان وحده فيكم عالاقل فكرت فيني..لكن طلعتو نذلااااااااااات..
البنات:ههههههههههههههههه..
جود قرصت خدوده:وربي انك تووووووووحفه يانيفووووووو..
ضربها نايف على ايدها بالخفيف:يابنت عيب لاعاد تقولي نيفوووو .. مو شايفتني طول بعرض قدامك..
شوي وطالع نايف بالطاوله الي وراه شاف سلطان ومشاري جالسين عالطاوله..ومو منتبهين لنايف..
وراح لطاولتهم نايف..لانه تفاجا فيهم..
..اما البنات..
جود خقت"وآآآآآآآي جا نوور عيني"
مها"افففف..جا مشاري النشبه"
_____________________________
((عند الحريم))
ام مشاري لام فيصل بهمس:اقوول الحين مها سنه كم؟؟؟؟
ام فيصل بنفس الهمس:الحين انشاءلله بتطلع ثاني ثانوي..
ام مشاري ابتسمت:اهــا..يعني ماشاءلله مو صغيره..
ام فيصل الي فهمت قصدها:الا عادها صغيره حبيلها...
ام مشاري بابتسامه:يالله الله يوفقها انشاءلله...
ام فيصل:ويااك..
_________________________
واقف بالممر لحاله ويكلم جوال بصوت يدووبه ينسمع:شهووده الحين انتي بالاستراحه؟؟؟؟
شهد بخقه:أي..يلا عاد تأخرت تعال..
:امممم مدري يمكن اجي بعد شوي..سلمان معاكم؟؟؟
شهد بدلع سخييييف:أي ياقلبووو..
:بااااااااااايو..انتظريني..
شهد:متى راح تجي؟؟؟
طالع ساعته:امممم..عالساعه 8 المسا انشاءلله..
شهد بمياااااعه:يووووه حتوحشني..اموووووووواح..بااا اااي
ابتسم:باااااااااااااااااا� �اااااااااي..
_________________________________
((بعد ثلاث ساعات))
طالع ساعته عبدالله.."يوووه الحين الساعه 8 الا ربع" وقف بعجله سحب المفاتيح وطلع برا قصر جده ناصر متوجه لمكانه المعتاآآآآآآآآآآآآآآد..وال ي يقضي فيه أغلب وقته..
_________________________________
((الساعه 9 المسا))
سلطان جالس كئيب جنب جدته بعد مارجع هو ومشاري ونايف مع البنات..
الحريم يطالعو فيه ويحاولو يعرفو سبب ضيقته..
اما نايف ومشاري فاطسين ضحك..وهم يدرون ليش زعلان سلطان...
البنات يطالعو فيهم الثلاثه .. ومو فاهمين شي..
سلطان مكتف ايدينه وبوزه شبرين كانه بزر..وجالس جنب جدته..
الجده منيره:ياوليدي ياسلطان..شفيك يبا؟؟
سلطان مايطالع ولا يرد على احد..
عصبت ام سلطان على نايف ومشاري:الحين ليش تضحكون وولدي زعلان ها؟؟؟اكيد انتو زعلتووه..
مشاري بضحكه:ا..انا بفهمك السالفه..(فطس ضحك وماقدر يتكلم من الضحك)
الجده ارتفع ظغطها..بعصبيه:براااااا انت وياه اشووف..برااااااااااا..
سلطان صدق زعلان ومايرد على احد ومايكلم احد..
جود طالعت فيه وسررررررحت"فدييت الزعلانين انا"
الجده تهز كتف سلطان:وش فيك ياوليدي؟؟احد ضايقك؟؟
سلطان هز راسه بالنفي..
نايف ومشاري دخلو راسهم من عند الباب بيضحكون على سلطان وكانهم بزران بس شكلهم يجنن..
لاحظتهم ام محمد:ياخاله شوفي مين عند الباب؟؟؟؟
رجعو على ورا نايف ومشاري وركض للحوش وهم يضحكووووو..
ساره بصوت عالي:ياااااااااسخفهم هالاثنين..
سلطان طالع ساره وفكر شي ثاني"ياحلوها تدافع عني"
جود ودها تقوم تكفخ اخوها ومشاري..عشانهم يتريقون على سلطان...
حطت جود ايدها تحت دقنها وهي تطالع بسلطان واكثر شي عاجبها فيه..الثوب المخصر الي على جسمه الخقااااق..
"يانااااااس الحقوني بموووت..يجنن وهو ماد بوزه"
وقفت ساره..ولفت طرحتها:عن اذنكم ..
وطلعت من الصاله للحوش..ودها تتهاوش مع احد..
لقت نايف ومشاري جالسين على درج الحوش وفاطسين ضحك..
ساره اتقدمت ونزلت من عالدرج..ووقفت قبالهم وكتفت يدينها..وبقهر:ممكن اعرف وش الشي الي يستاهل كل هالضحك الي ماله داعي؟؟؟؟
طالعو مشاري ونايف ببعض ورجعو يضحكوو بينرفزوها..
ساره بقررف:ياااااااااااااسخفكم بس..
مشاري وقف ضحك:اقول..وش تبين انتي..؟؟تبين تتهاوشي ترا ماعندي مانع..بس لعلمك انا دخلت معهد كاراتييه..
ساره بسخريه:لااااءوالله!!خوفتني وريني شعندك اشووف!!؟؟
رفع مشاري الثوب وربطه على خصره..ونايف يراقب وهو قاعد وكل شوي يتذكر شكل سلطان ويضحك..
ساره لفت طرحتها من جديد..واستعدت للمهاوشه..
قرب مشاري منها:مستعده..
ساره تهز راسها بالايجاب:يـــس..
ضرب مشاري ايده بالهوا..مسوي انه ضربها..
هي اعطته بكس حقيقي على بطنه..رجع مشاري على ورا وقعد عالدرج وهو ماسك بطنه:يقطع ابليسك..وش هالبكس؟؟
نايف+ساره:هههههههههههههههه ..
ساره:خخخخخ تستاهل عشان لاتتحداني مره ثانيه...
مااستسلم مشاري وقف:قربي يلا لو فيك خيير...
رجعت ساره على ورا وراحت ركض عليه واعطته بكس على راسه وعلى ايده وعلى بطنه..مشاري:حشا مو بنت ثوور..
نايف لساره بمزح:لاء وتتغطى مننا لسه..ضربتي الولد مابقى شي..وبعد لافه الطرحه..صدق شين وقواية عين..
ساره راحت تمشي لداخل البيت بغرور:مو شغلللللللك..
_______________________
((الساعه 10 المسا))
قاعد عبدالله ومستانس اخر ونااسه..لانه صارله اسبووع ماجا للاستراحه وماشاف حبيبته شهد..كان جالس باحد طاولات المكان الي يملاه الشباب والبنات والشراب..ويعم بالفوضى وصوت الدي جي..ورقص وغنا وونااسه..<<بالنسبه لهم..
جا صاحبه سلمان وقعد جنبه عالطاوله:هلا والله بشيخ الشباب..شلونك؟؟؟؟
عبدالله بابتسامة مجامله:تمااام..
سلمان:وش فيك ياشيخ اسبوع ماشرفت هنا؟؟عسى ماشر..ولا نسيتنا..
عبدالله يجمع كلامه:تعرف..ظروف العائله وكذا انشغلت يعني..
سلمان بلقاافه:ليش شفيهم العائله سلامات؟؟؟؟
عبدالله عطاه اياه كاش:مااحب اتكلم عن اموور العائله مع احد..خصوصا مع شخص ينتمي لهالقرف الي احنا فيه..
سلمان بنظرة خبث:تقصد الاستراحه؟؟؟
عبدالله:بدون شك..
سلمان:دامنا على قوولك قرف ليش تجي تسهر معانا؟؟؟؟
عبدالله:مجبوور..
سلمان تنرفز:لاءوالله!!!؟؟؟؟
عبدالله بيقهره:أي والله..
سلمان:وش الي جابرك؟؟؟؟
عبدالله:بيتنا زهقت منه..اخواني واخواتي مااشوفهم الا بالشهر مره..عايشين تحت سقف واحد وماكاننا اخوان..كل واحد لاهي بحياته...والشوارع ماخليت مكان مالفيته..ماعندي الا هالمكان اتسلى فيه بس..<<هيا كذا حيآة الأغنيآء
سلمان:وشهد؟؟
طالع فيه عبدالله:وش فيها؟؟؟؟
سلمان:بصراحه انا كنت احسبك تجي هنا عشانها..طلعت ماتعنيلك شي؟؟؟؟
عبدالله جا بيتكلم..بس شهد جات ناحيته ومسكت ايده بمياعه:حبيبي عبووووودي قوم نرقص..
ضحك سلمان بسخريه على عبدالله الي وقف
وهو مو حاس بعمره..وراح مع شهد مكان ماسحبته....
__________________________
ادري هالبارت مو طويييل..بس ابي اشوف ردودكم..
:تحياتي:
^أميرة الشووق^