الفصل 1
الجزء الأول*
<> بعرفكم عن العوائل<>
الجد ناصر..الجده منيره(يسكنون بالدمام ويملكون شركه فيها..من اغنى عوائل الدمام..يعيشون بأفخم القصور)
مساعد ولدهم الكبير الي هو (ابو محمد)..+زوجته مريم..
محمد:اكبر اولادهم..عمره 24 سنه..ابيض وعيونه بني..طويل شوي وجسمه مرتب..حبوووب حييل ويحب الشغل..محترم مرره..
عبدالله:22 سنه..وسييييم وجسمه معضل على خفيف..ابيض وملامحه خقاااق..بس صاااايع وعنييد..
خالد:20 سنه..كوول وكيووت مره..يحب الموضه وملامحه مرتبه واسمر شوي..عيونه عسلي وشعره سبايكي..وعنده سكسوكه..وشعره قصير ناعم مرتب..يعني خقاااااااااق..
مرام:18 سنه..ثانويه عامه..بيضه وشعرها بني نااعم لحد كتفها..وملامحها صغيره ومرتبه..وجسمها يهببل..نعوومه ودلوووعه..وجسمها مره نحيييل(نحيفه)
ساره:17 سنه..فلله وحبووبه..ثانويه عامه..سمرا شوي..وملامحها مرتبه..جسمها انحف من مرام شوي..وطولها طول مرام..شعرها بووي قصير ومدرج اسود كثيف وناعم..وهي ومرام كأنهم توأم..
________________________________
(عائلة ابو سلطان)
عبدالرحمن+منى..
سلطان:20 سنه..حلو وجسمه حلو ودايم بالثوب المخصر..شعره لحد كتفه ناعم..ويشجع النصر خخخخخ
لينا:18 سنه..شعرها لحد كتفها أسود كثيف ونااعم..وعيونها ذبلانه وبيضه وجسمها خقااااق..هاديه وحبووبه..
ديما:11 سنه..حلوه واكبر همومها الشياكه والاناقه..هع هع..شعرها طوييل..
_______________________________
(عائلة ابوفيصل)
عبداللطيف+باسمه..
ريناد:23 سنه .. حلوه وبيضه وشعرها ناعم..حبووبه وهاديه وتحب الرسم..
فيصل:20 سنه..حلوو حلوو حلوو..يخقق ويهبببل..جسمه روووووعه وشعره لحد كتفه بني ناعم وكثيف وجاي على وجهه بطريقه خياليه..وشيااااكه وكوول..هو احلى واحد بالعائله..والبنات يتهاوشو عليه ....
مها:17 سنه..ثانويه عامه..حلوه سمرا شوي وشعرها لحد خصرها نااعم وكثيف..وجسمها يهببل..
مشعل:12 سنه حلو وحبوب وهادي..
سديم:4 سنين..بيضه وخدودها حمرا وشعرها لحد ظهرها اسود ناعم كثيف..تهبببل وكل من شافها قال ماشاءلله..
______________________________
(عائلة ابو نايف)
راشد+اميره..
نايف:20 سنه..طويل شوي وجسمه حلو..فلله ودمه خفيف ومايحب الموضه ..
جود:19 سنه..قمر بمعنى الكلمه..حلوووووه..طويله شوي..وجسمها كأنها عارضة ازياء..بيضه وشعرها لحد ظهرها كيرلي وكثيف أسود..وشياااكه..
__________________________
(عائلة ابو مشاري)
عبدالعزيز+حصه..
مشاري:20 سنه..حلو وكوول وجسمه خيااال..شعره يجنن
ملاك:19 سنه..حلوه وشعرها(ايمو)ناعم كثيف..جسمها يجنن..
نواف:12 سنه..حلو يدرس ابتدائي..دايم مع مشعل ولد عمه
جنى:4 سنين..بيضه وحلوه..وضحكتها تجنن..
___________________________
)الدمام..الاربعاء..الساعه 1 الظهر)
(بيت ابو محمد)
رجعو خالد وعبدالله ومرام وساره من مدراسهم..وكل واحد اتوجه لغرفته يتروش ويلبس طبعا..
نزلو مرام وساره يتراكضون عالدرج..ودخلو للمطبخ الفخم الي موجود فيه امهم..
ساره:هاااااااااااي مذر..
التفتت ام محمد عليهم وحطت الملعقه عالدولاب..وابتسمت:رجعتو؟؟؟� �
مرام تستهبل..طالعت وراها:لاء لسه باقي شوي..
ام محمد قربت منهم وضحكت:هههه..حلوه باقي شوي..يلا اطلعو قولو لاخوانكم الغدا جاهز..
ساره:يما محمد وابوي مارجعو من الشركه؟؟؟
ام محمد:لاء..بعد ساعه انشاءلله بيرجعو..
قربت مرام من امها وابتسمت:يمااااااا عطيني بوووسه..
باستها ام محمد..قربت ساره ومدت بوزها شبرين:وانا بعد..
باستها ام محمد وبعدها طالعتهم:ماتلاحظو اني عطيتكم وجه زيااده..يلا اشوف اطلعو نادو اخوانكم..
طلعو ساره ومرام من المطبخ وهم يضحكو..وطلعو للدور الي فوق..
____________________________
(الساعه 5 العصر..ببيت ابو نايف)
جود ونايف جالسين بالصاله الي بالدور الي فوق..وامهم وابوهم نايمين..
قامت جود من الكنبه وراحت جلست جنب نايف الي كان يلعب بجواله ومو عاطيها وجه..
جود بابتسامه:نااااااايف حبيبي..
نايف من دون مايطالعها:خلصي قولي شعندك؟؟؟
جود طالعته وسكتت..
نايف نزل عيونه عن الجوال وطالعها..وضحك:أي ادري ماتقولين لي هالكلام الا وراك داهيه..
جود ابتسمت من جديد:الموووهيم..اليوم اجازه صح؟؟
نايف:طيب..
جود بتودد:طيب وديني السوووق..
نايف:احلفي؟؟
جود:الله يخليك والله مليت من البيت..
نايف:اليوم بنروح بيت جدي..الكل مجتمع هناك..
جود تطالع ساعتها:لسه بدري الحين الساعه 5 المغرب..العاده نروحلهم الساعه 7 أو 8 المسا..الله يخليك وديني السوووووق..
نايف اقتنع شوي:طيب وش تبين من السووق؟؟؟
جود تفكر:ممم..ابغا اشتري فستان..
نايف تنهد:ياجود انا مو فاضي اليوم..بروح انا ومشاري مشوار..
جود:اففففففف..الله يخليك والله مابطول..
نايف وقف واتنهد:عنييييييده..انا بالسياره انتظرك معاك خمس دقايق ان مانزلتي بروح واخليك ترا..
طلعت جود ركض لغرفتها تلبس عبايتها..ونزلت بعد ثواني وراحو السوق..
________________________
))..نفس الوقت ببيت ابو فيصل..((
مها تكلم تلفوون:ههههه الله يقطعك ياساره..عليك قصص تووحفه..
ساره ضحكت:هههه..اقووول اليوم بتروحون بيت جدي.؟؟
مها:شووووووور..انتو؟؟
ساره:اكييييييد..طيب متى بتروحون لهم؟؟
مها:مدري..امي تقول الساعه 6 يعني بعد ساعه..
ساره بحماس:اها حتى احنا..والله يامها ياعندي سوالييييف ماتتفووت..
مها فرحت:والله!!حتى انا عندي قصص لليل..
ساره:اشوفك هناك..
مها:بااااااااااااااايوو..
ساره:بااااااااااااايوو..
____________________________
)..ف احد افخم مجمعات الدمام..الساعه 6 المغرب..(
جود ونايف يتمشون بالمجمع..وجود كل شوي تدخل محل وتنزل من دون ماتشتري شي..نايف زهق:اقوول مشاري ينتظرني بالكووفي وانتي ماشتريتي شي للحين...
جود:والله الموديل الي ادوره مالقيته..
..طالع نايف على يمينه وشاف محل فساتين فخم..سحب جود من ايدها ودخلو المحل..وكان كله فساتين بناتيه ناعمه وفخمه..جود موعاجبها شي:لاء لاء مو حلوه الموديلات..
طالعها نايف شوي..وسحبها من ايدها لداخل المحل..وسحب فستان لونه بنفسجي ناعم وحلوو وقصير..وقال:ها شرايك بهذا؟؟والله بيطلع عليك خقاااااق..
جود مو عاجبها:لاء لاء مو حلوو..مو مثل الي ابي..
حط نايف الفستان بالكيس..وراح للمحاسب وجود تلحقه:لاء نايف مو زيين..
نايف حاسب عالفستان:موب كيفك..طفشتيني من اليوم وانتي تدورين بالمجمع ومو عاجبك العجب..
جود تتحرطم وهي تمشي وراه للسياره..
_________________________
)..الساعه 7 ونص المسا..ببيت الجد ناصر..(
بالقصر الفخم..كل العائلة اجتمعت..الرجال والشباب بمجلس الرجال مع الجد..والحريم والبنات والبزران بمجلس الحريم..
والفوضى تعم القصر..سواليف وضحك وكل قصص الاسبوع يقولونها بهاليوم..خخخخخ..
)..عند الحريم..(
كانو الحريم جالسين بركن من المجلس الفخم ويسولفون واغلب سوالفهم عن الرجال والجيران..والحريم الي تطلقو والطبخ ومن هالسوالف..
اما البنات..بما فيهم(مرام+ساره+لينا+جود+مها+ ملاك+ريناد)
جود طالعت يمين يسار تتاكد ان الحريم مشغولين بالسوالف..ورجعت طالعت بالبنات وقربت منهم وقالت بهمس:وربي اليوم لمن رحت المجمع مع نايف..شفت ولد خقااق..يهبببببببببببل..
مرام بحماس:واااااااي امانه كيف شكله..؟؟؟؟
البنات متحمسين مع السالفه ويطالعون جود باهتمام..الا ريناد ماهتمت بهالسالفه..
جود بهيام تتذكر شكله:طويل شوي..اسمر و..وعنده سكسوكه تجنن..وجسمه خقااق..هذا غير النظاره الشمسيه والدخان الي بأيده..وربي يجننننن..
مها وساره طاحو عالكنب باستهبال..
البنات:هههههههههههه..
ريناد:سلامات..خقن البنات لاتكملي ياجود..
ضحكت جود:والله انا الي خقييت..من شفته نسيت الفستان والموديل...
البنات فقعو ضحك..
_____________________________
(ف نفس القصر..عند الرجال..)
السوالف ماخذتهم يمين يسار..وكل سوالف الرجال عن الاسهم والشركه والتجاره..اما الشباب الحلوويين..
نايف مسك راسه بتمثيل:احس بصدااع..
فيصل ضربه على كتفه بالخفيف:حاس فيك..سوالف ابوي واعمامي تصدع كلها عن الشركه ومدري شنوو..
ضحك نايف:ههه..لاء مو من كذا..حاس بصداع يذبح..
خالد غمز لنايف بمزح:خويتك تهاوشت معاك؟؟؟؟؟
نايف طالع خالد بغبااء:ها؟؟؟
خالد فقع ضحك:هههه..يعني صح كلامي..
نايف توه يستوعب..رما على خالد المخده الي جنبه:وججع..اصلن مين قال اني راعي هالسوالف..
مشاري:عليييييييييييييييين� �..
نايف توهق..وطالعهم بحقد..اما الشباب سطحو ضحك..
قطع ضحكهم صوت ابو سلطان:سلطان..ياسلطان..
سلطان وقف وراح ناحية ابوه:يس دادي..
الجد عصب على سلطان:وش يس دادي وش هالكلام..قول سم يايبا..
سلطان فيه الضحكه:اوك سوري..سم يبا..
الجد:شووف..يقولي اوك وسوري وشوري..اقولك تكلم زي الرجال..
سلطان ماقدر يمسك ضحكه..ضحك وبعدين طالع ابوه:هلا يبا..
ابو سلطان الي وقف ضحك:اقوول روح قول للحريم يسوو قهوه..
سلطان:اوكـــ(تذكر جده)..هاه..لاء قصدي ط..طيب..
وراح برا المجلس متوجه للحريم..هنا الشباب سطحو ضحك..
وصل لعند الحريم وكان لابس ثوب اصفر مخصر على جسمه..وحاط الشماغ على كتفه وشكله يجنن..
وقبل لايدخل الصاله:احم احم..
لفو البنات طرحهم..الا لينا طبعا لانه اخوه وعرفته من صوته..
ام محمد:ادخل ادخل..
دخل سلطان بمشيته الرزه..وسكت الكل من دخل سلطان..واتوجه لجدته وسلم عليها باحترام..وسلم على زوجات اعمامه باحترام..وقال:سوو قهوه يقولو الرجال..
ام مشاري وقفت:بروح اقول للخدامه تسوي قهوه..
رجع سلطان بخطواته على ورا والتفت للزاويه الي قاعدين فيها البنات..وطالعهم وحده وحده بس مابين هالشي..
وانتبه على نفسه:ا..انا بروح المطبخ..
طلعت جود المرايا الصغيره من شنطتها وطالعت بوجهها شوي:يوووووه الكحل حقي خرب..(وقفت)بروح اظبطه..
وراحت برا الصاله..
سوت الخدامه القهوه وشال سلطان الصينيه الي فيها القهوه والفناجيل..متوجه لبرا المطبخ الفخم..جود نسيت ان سلطان بالمطبخ..راحت ناحية المطبخ بتشرب مويه...جات جود بتدخل المطبخ الا سلطان ينزل من المطبخ وبايده الصينيه..صفق بجود وطاحت الصينيه بالارض واتكسرت نص الفناجيل..وانسكبت شوي القهوه على ملابس جود الي كانت لابسه<<
سلطان تفشل .. اما جود وجهها حممر..وطالعت لبسها الي مسكوب عليه قهوه:آآآآآآآي حاااااااره القهوه..
سلطان وطى للارض بيشيل القهوه..بس طالع بجود من تحت لفوق ووقف:ا..اا..اووووبس والله ماشفتك سوري سوري..
جود مو مستوعبه:ها..لاء عادي..
مرر سلطان ايده على شعره بحرج:عسى ماتعورتي؟؟
جود طالعته:لاء عادي ماسار شي..
ترك سلطان القهوه..مسك طرف بلوزته..ومسح القهوه الي بتنورة جود..
جود تفشلت..ترك سلطان القهوه وراح ركض لمجلس الرجال..وهو متفششل ..اما جود اتصنمت مكانها"والله فشللللللللللللله.."
_________________________
(خلونا نلقي نظره عالبزوره شوي)
بنفس القصر..بس بغرفة الاطفال الي بالدور الي فوق..
غرفه ملونه تملأها الرسومات الي عالجدار والالعاب الكثيره الموجوده بالغرفه..هذي الغرفه الجد سواها لاطفال العائله..وفيها سوني وكمبيوتر مكتبي وتلفزيون..والعاب كثيره منثوره بالغرفه..كانو قاعديين فيها(مشعل+نواف+سديم+جنى+ديم� �)
جنى وسديم يلعبو بالالعاب المنثوره بالارض..اما ديما ونواف ومشعل يلعبو سوني..(بلايستيشن)
مشعل متحمس ويلف يد السوني يمين يسار..
ديما بخقه:لاتحاول ماراح تفوز علي..
مشعل بثقه:بتشوووفين..
نواف زهق وهو ينتظرهم يخلصون هاللعبه:ترا زهقت وانا انتظركم..يلا واحد يفوز ويريحني..
____________________________
وعالساعه 12 حطو العشا والكل تعشى..وجلسو يتقهوون ويسولفو شوي..وبعدها الكل راح لبيته..
_____________________________
ها شرايكم بهالبارت؟؟
ترا هذي البدايه..والجايات اكثر..
بس ابي منكم الدعم الي يخليني اكمل هالروايه..وابشرو بالبارت الي بعده..أتمنى تكملوو معآآي للآآخر..صدقووني ماراح تندموو...
:تحياتي:
^أميرة الشوق^