الفصل 4
بارت (4)
في المطار
روان بطفش : يالله عاد متى بنركب الطيارة طفشت !
رامي : انتظرني يمكن خمس دقايق ويعلنون عن الرحلة
روان : يوووه طيب ><
التفتت على احمد : انا ابي اعتمر عن امي
احمد ماحب يزعلها : اوك حبيبتي
...
بعد خمس دقايق اعلنوا عن الرحلة وركبوا الطيارة
..
روان جالسه عند الشباك وجنب رامي اللي ماتركها تتهنى بالرحلة
احمد جلس جنب جده
..
التفتت على رامي : شوف رامي والله لو سويت شي اجيب احمد بدالك
رامي : هههههه طرده ؟
روان : اعتبرها اللي تبي
رامي : اخبار الدراسة :
روان كشرت : الحين مالقيت تسأل الا عن الدراسة .. ماشي حالها
رامي : شدي حيلك ولا يكثر ابيك تكونين دكتورة زيي
روان تناظر بطرف عينها: انت لسى مو دكتور وانا مابي طب
رامي : وليه ان شاء الله ؟؟
روان : مزاج ابي هندسة
وجلسوا طول الرحلة يتهاوشون
..
احمد جلس يسولف مع جده
احمد كاتم ضحكته : اقول جدي ماودك نخطب ؟
الجد : اخيرا يا ولدي فكرت تخطب لك
احمد : لا لا جدي نخطب لك انت
الجد : والله اني ماقول لا ><
احمد : هههههههه خلاص ندور لك وحده من صديقات جدتي الله يرحمها
...
في الشرقية
ريما كانت مره طفشانه ومو عارفه ايش تسوي اتصلت على شموخ ماردت اتصلت مرتين وماردت لما ردت في المره الثالثة
ريما : انتي ساعة لما تردين
شموخ : ياختي كنت مشغولة
ريما : ماشاء الله متزوجه ولا عندك عيال جالسة تطبخين لهم الغدا ؟؟
شموخ : اقول لا تكثرين كلام وقولي وش عندك
ريما : شرايك نروح المول عالمغرب كذا طفشانه مره
شموخ : قلتي لابوك؟
ريما : لا
شموخ : خلاص قولي لابوك واكلم ابوي بس لو بروح لازم فارس
ريما : ليه ؟؟
شموخ : ماتعرفين ابوي يعني ؟
ريما : يارب يرضى فارس ..
سكروا من بعض
...
في بيت ابو فارس راحت شموخ ركض لابوها
شموخ : يبه حبيبي
ابو فارس : امري يا بنتي
شموخ : عادي اروح المول مع ريما ؟؟
ابو فارس : شوفي اخوك اذا رضى يوديك ويجلس معك ماعندي مانع
شموخ : ان شاء الله
..
وراحت طيرااااان لغرفته وفتحت الباب بدون سلام ولا طفت الباب ><
شموخ : فويرس
فارس : اول شي وعليكم السلام ثاني شي طقي الباب لو سمحتي !
شموخ : ياخي نسيت ومع الحماس .. السلام عليكم
فارس : ههههه وعليكم السلام
شموخ بدلع : فروس حبيبي ممكن طلب ؟؟
فارس : بدينا .. قولي وش عندك
شموخ : ودني الظهران مع ريما طلبتك طلبتك طلبتك
فارس : وليش انا ؟ روحي مع السواق
شموخ : الحين انا كل ماقلت لك ودني تقول ليش انا روحي مع السواق ؟؟ يعني ماتعرف ابوي؟؟
فارس : طيب خلصينا متى ؟؟
شموخ : اليوم المغرب
فارس : طيب ريما نمرها ولا هي بتروح هناك
شموخ لا ماقالت لي يمكن مشاري ولا رائد يوديها
...
وصلوا من الطياره وروان كانت في قمه الوناسه وكلم الجد عياله يخبرهم انهم وصلوا
وصلتها رسالة من نفس الرقم ذاك : الحمدلله على السلامة حبيبتي انتبهي لنفسك ولا تتعبين نفسك واجد
مابي زوجتي تتعب
روان دقت عليه طلع مقفل وتضايقت كيف يعرف اخبارها وانها مسافرة ! بس قررت انها تطنش
حطوا اغراضهم بالفندق ونزلوا يعتمرون
..
في الشرقية :
اتصل فارس على مشاري : هلا والله
مشاري : اهلين فارس
فارس : انت بتوصل اختك للظهران
مشاري : أي ليش ؟
فارس : طيب حتى انا بوصل شموخ شرايك نجلس بقهوه ولا شي هناك ؟
مشاري : خلاص اوك اتفقنا
فارس : انا بنادي فيصل اوك ؟
مشاري : خلاص اوك 7 نكون هناك
...
لبست عبايتها بسرعه
فارس بصوت عالي من تحت : شمووووووووخ خلصيني
شموخ وهي نازله : طيب ياخي هد اعصابك شوي
فارس : بلا كلام واجد وماله داعي واركبي السيارة خلصيني
شموخ تتأفف : طيب طيب اعوذ بالله
...
في السيارة اتصل فارس وخبر فيصل وقال انه راح يجي
...
في السوق
ريما وشموخ وفيصل وفارس ومشاري
فيصل كان موقف بعيد بس يسمع كلامهم
..
مشاري : اسمعوا انتم الثنتين ياويلكم تبعدون واجد حدكم بوابة ولا ثنتين
ريما : لا يا شيخ احلف ابي اشتري ملابس
مشاري : ماقلت لك لا تشترين اشتري بس لا تبعدين
شموخ : وليش ؟
فارس : عشان حنا بنجلس مع فيصل في القهوه
شموخ تطنز : اللهم طولك ياروح واذا بعدنا بيجي البعو ياكلنا ؟
فيصل يوم سمعها كتم الضحكه
فارس متنرفز : شموخ اسمعي الكلام ولا ترا والله لارجعك فاهمه
شموخ تقلد اخوها : ترا والله لارجعك فاهمه
فارس عصب : شموخ خلاااااص
خافت شموخ وسكتت بس كان ودها ترد
..
راحت هي وريما وما بقوا شي ماشروه كل وحدة ماسكة لها خمس اكياس
..
نرجع لمكة ارجعوا وهم هلكانين الساعة 10
روان بتعب : ابي عشاء جايعة مره
رامي : انا الحين بطلب عشاء من الفندق تبي احمد ؟
احمد : شرايك يعني ><
رامي : الشر على اللي يسألك
..
ريما وشموخ تعبوا من المشي ماوقفوا ابد شروا لهم عشاء
شموخ : اقول ريما نامي عندي تكفييييييييييييييييين
ريما تحمست : اووووك ثواني اكلم ابوي
دقت على ابوها وسمح لها
ريما : ونااااسه وافق
واتصل مشاري يشوف وينهم
جوهم مشاري وفارس
ريما : مشاري انا تو اتصلت على ابوي ووافق انام في بيت شموخ
مشاري : سويتي خير عشان ماتقلبين سيارتي يكفي الروحة حستي امها
ريما مدت بوزها : احمد ربك اني اركب معك اصلا
واخذهم فارس وراحوا بيت ابو فارس ورجع مشاري بيتهم
..
نقف هنا