الفصل 1
الشخصيات :
الجد: عبدالرحمن (عصبي + كلمته مسموعة )
عائلة ابو خالد :
ابو خالد : عمره 55 اكبر اخو فيهم والكل يحترمه لكن زوجته عارفه كيف تمشيه
زوجته سعاد : عمرها 48 عشقها الفلوس وممكن تضحي بأي شي مقابل الفلوس
خالد : عمره 26 راعي بنات كل يوم يطلع مع وحده وحقود يحب يلعب في بنات الناس الله لا يبلانا ويذل البنت ذل جماله متوسط مو جميل مره ولا قبيح
دلال: عمرها 17 انسانه شايفه نفسها على ولا شي ... محد يحبها تحاول قد ماتقدر تلفت انتباه احمد
شعرها كيرلي اسود بس دايم مستشورته ><
.......
عائلة ابوفارس:
ابو فارس: عمره 50
زوجته مريم : عمرها 45
فارس : عمره 23 شخص فله بمعنى الكلمة يحب الضحك والوناسه شعره اسود وقصير بشرته مايله للاسمر وسيم
شموخ : عمرها 17 مرجوجة بشكل مو طبيعي والكل يحبها شعرها كيرلي وكثيف ولونه اسود عيونها بني فاتح وبيضاء
محمد : عمره 7 سنين جا على كبر والكل يحبه
.............
عائلة ابو مشاري :
ابومشاري: عمره 49 كريم وطيب
سارة : عمرها 40 انسانه طيببببببه مره
مشاري : عمره 24 دكتور خلص دراسه ( العلاج الطبيعي ) وسيم بمعنى الكلمه طيب وحنون على الكل
رائد : عمره 18 جماله عادي ويحب الهدوووء
ريما : عمرها 16 و 24 ساعة مع روان طيبه بالحيل شعرها ناعم وكثيف ولونه بني غامق وعيونها عسلية وفيها غمازات
.....
عائلة ابو احمد :
ابو احمد : عمره 49 سنة
حنان : عمرها 39 سنة
احمد : يدرس طب عمره 22 جميل خقق وكل شي >< هادي نادر يعصب
روان : 16 سنه والكل يحبها شعرها كيرلي وافتح من شعر ريما بشوي بيضاء بس مسويه تان وكذا >< عندها غمازات وعيونها عسلي
....
رامي : اصغر عم ويصير اخوهم من ابوهم عايش مع ابوه يدرس طب عمره 22 جميل شعره اسود وعيونه بني غامق ويحب روان مره اكثر وحده من بنات اخوانه
....
وباقي الشخصيات تعرفوها من الرواية ..
ملاحظه : ساره وسعاد وحنان خوات من ام لبنانية
بارت (1)
فتحت مذكراتها وبدت تتذكر الماضي
يجبروني عشان امشي ورجلي ما تمشيني
كنه حلم قدامي يقيدني من الصرخات
ابي اصحى ولكني عجزت القى اللي يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
تجول عيونهم فيني تفصل مني قياسات
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
كتبت هذي الابيات .. وبدت تبكي
سمعت الباب يطق .. سكرت المذكرات على طوول ومسحت دموعها ..
.... : ممكن ادخل ؟
.... : من متى الأخ يستأذن :/
.... : احمدي ربك الحين يقالي مؤدب
.....: هههههه تعال عمو حياك نورت الحته
شاف المذكرات عالمكتب
..... : روان اموت واعرف ايش فيه هالكتاب ؟
روان : رامي شي خاص فيني عن اللقافه
رامي : عيب عليك :/ انا عمك
روان : اسفه وحقك علي :$
رامي : يالله تعالي تغدي عشان نروح المستشفى تكملين علاج
روان مدت البوز : لازم ؟
رامي : أي ولا عاجبك الكرسي ؟
روان: خلاص ببدل واتغدى واقولك
....
روان صار لها حادث هي وامها وابوها كان عمرها 12 سنه ابوها وامها ماتوا
هي دخلت غيبوبة 3 شهور وصارت مقعدة : على كرسي متحرك
عاشت هي واحمد اخوها في بيت جدهم مع رامي
وتتعالج علاج طبيعي
....
في المستشفى :
..... : الحمدلله مره تحسنتي عن أول
روان : الحمدلله يارب .. مشكور مشاري >< عارفه اني متعبتك معي
مشاري : ان شاء الله قريب تتركين الكرسي وترجعين زي اول .. ولا عاد اسمعك تقولين هالكلام
.....
في السيارة :
روان : وين عمي رامي ؟ ليش ما جا يرجعني ؟
.... : هذي طردة :/
روان : هههههه لا بس مستغربة فديت حمودي انا محد يتجرأ يطرده ><
احمد : رامي انشغل شوية وقالي ارجعك وصح ترا الهبل ينتظرونك بالبيت
روان : حدك على ريومتي وشموخ :/
....
في البيت الكل كان مجتمع
الحريم والبنات في الصالة
والشباب بالحديقة برا
والشياب في المجلس :p
....
سعاد : اقول روان انتي لسى تتعالجين ؟
روان : أي خالتي
..... : ههههههههه بالله لسى عندك امل انك تمشين ؟ تقبلي الموضوع عمرك ماراح تمشين
شموخ : دلالوه :/ يا قولي كلام زي الناس ولا كرمينا بسكوتك
مريم ام شموخ : شموخ ! تكلمي مع الناس بأدب
دلال تناظر شموخ وتضحك وشموخ واصلة معها ><
...
طلعوا البنات للحديقة
احمد : روان تعشيتي ولا اجيب لك من ماك ؟
روان : الحمدلله اكلت
ريما والابتسامة وش كبرها : اقول مشاري حبيبي تراني ماتعشيت
مشاري : المطلوب :/
ريما : جيب لي من ماك :$
مشاري : اتوقع انك حافظه رقمهم دقي عليهم واطلبي اشتغل عندك انا :/
شموخ : حرام عليك دلعها ><
فارس : انتي يصلح تكرمينا بسكوتك ؟
استانسوا وفلوها وبعدين كل واحد رجع بيته ..
....
بعد شهر : تحديدا في المستشفى ..
مشاري : الحين لو افكك تقدرين تكملين لحالك ؟
روان بخوف : المره اللي فاتت طحت
مشاري : حاولي بتقدرين
مشت بكل خوف خطوه ورا خطوه كأنها طفل في بدايه مشيه
مشت لما رامي ! وحضنته وجلست تبكي من الفرح ..!
روان : رامي انا مشيت !! ماني مصدقه
رامي : قلت لك انك بتمشين والحمدلله لك يارب رجعتي تمشين
والحين ماعاد نحتاج الكرسي هذا
....
انتشر الخبر .. والكل فرح لها وسووا لها حفله كبييييرة
ودلال بتمموت من القهر >< ماتحب الخير لاحد
...
بين اوراق المحاضرات والحوسه اللي هو فيها
رن جواله
رامي : الو
ابو خالد : هلا رامي... كيفك وكيف ابوي واحمد وروان
رامي : الحمدلله كلنا بخير
ابو خالد : بكره عالعصر راح نطلع للمزرعه كلنا خلكم جاهزين
رامي : والدوامات
ابو خالد : اي دوامات ؟؟ خميس وجمعه !
رامي : اي صح اعذرني في حاله فهاوه .. طيب متى بنرجع !!
ابو خالد : الجمعه بالليل ان شاء الله .. يالله مشغول تامرني بشي ؟
رامي : سلامتك .. يالله مع السلامه
كل العوائل جهزت الأشياء اللي يحتاجونها تجمعوا في بيت الجد عبدالرحمن عشان يمشوا سوا
...
البنات كلهم في سيارة رامي .. مسكين
والشباب كل واحد في سيارته وفارس ركب معه صاحبه فيصل (فيصل شخص خقه عمره نفس عمر فارس طيب وحنون مره )
والشياب كل واحد وزوجته وخدامته ><
...
شموخ : بالله رموي شغل ماجد المهندس
رامي : قولي عمي رامي لا بكف الحين
شموخ مدت البوز: مو لايق عليك عم :/
رامي : احلمي اشغل ماجد المهندس
روان : ههههه احسن تستاهلين .. بالله عمي رامي شغل عبدالمجيد
رامي ابتسم : قولي لي رامي انتي عادي
شموخ : لا والله ! ترا حالها حالنا .. وتطالع روان بطررف عين
روان : احسن موتي قهر .. يالله رموي شغل
رامي : من عيوني
...
المزرعة كبيره فيها غرفه للبنات وغرفه للشباب ومسبح وخيول ومكان خاص للحريم ومكان خاص للرجال
انتهى بارت (1)
اتمنى يعجبكم + رايكم