الفصل 3
الجزء الثالث
ريم بدون ماتنتبه للي فاتح الباب قالت:واخيرا فتحتوا الباب كان خليتونا نخيس احسن .....كانت راح تكمل بس انتبهت لأختها تضحك
ريم:وانتي ليش تضحكين .......انتبهت للي واقف قدامها ويضحك ويقول:شوي شوي لا يروح لسانك بعدين ماراح تقدرين تقولين موافقه على زواجنا
ولعت ريم بس مو تولع خجل تولع غضب وهو كان قاصد لأنها ماتحبه ولا تواطنه في عيشة الله
ريم :قطعععع عساه مايجي ذاك اليوم الي تقول عنة
رامي حابس الضحكة:اقول ماودك تدخلين لنا اختك سبقتك
ريم تدور اختها يمين يسار بس ماشافتها بعدته بصبعها كنها متقرفه منه
رامي بصوت خفيف:والله لطير لك عقلك اليوم واخليك تندمين لانك جيتي نيهههههههااااااااااا<<<<ضحك ة شريرة
ريم من وراه:سمعتك
رامي:وللل مو اذون ذي
ريم حقرته ومشت لداخل شافتها روان وجت تركض بسرعه
روان:هلا والله بالقمر توه ما نور البيت
ريم بضحكة خفيفه:ههه وانتي ماعندك الاهذي الكلمة ...وتقلد عليها وتقول:توه مانور البيت وانا ارد عليكـ واقول منور بصحابه ماعدا واحد منهم
ضحكت روان وهي عارفه انها تقصد رامي:ههههههههه والله انك فله
ريم بغرور:قديمه ماجبتي شيء جديد
روان :اموت انا على الغرور
عبير :هلا ريم
ريم:هلا عبور
عبير:شكلك مانتي ناويه تقعدين
ريم:ههه لا بس شفت روان وانذمجت بالكلام
عبير:والله انتي الي يشوفك مايقول في اول ثانوي بقول في الجامعة كلامك كلام كبار
ريم وهي ماسكه خصرها :وانتي الحين تعتبريني بزر
عبير:ههههه
سارة:اقول عبور متى راح يجون صاحباتك
ترن ترن
عبير:الطيب عند ذكره يبان
راحت فتحت الباب وهي الي مفكره انهم صاحباتها وانصدمت لما شافت انه ولد خالها راكان الي تحبة
راح اعرفكم على بيت الخال
(الخال مشترك مع ابو خالد في الشركه شوي عصبي يحب زوجته واولاده)
(ام راكان عطوفة وطيوبة مرررررررة )
(راكان 24 سنة حلو مررررررة له غمازه وحده على اليمين ابيض عينه عسليه وشعره بني فاتح ومتعرج على خفيف يحب عبير )
(سالي 19 سنة حلوة بس مو كثير عينها بني غامق وشعرها مموج طيبه مثل ساره)
سالي وهي كاتمه ضحكتها :راح تطولون علشان اذا راح تطولون راح ادخل واخليكم على راحتكم
عبير تفشلت وراحت ورى الباب وقالت:اسفه تفضلي
سالي ضحكت على خفيف وطالعت اخوها بس عطاها نظره خلتها تسكت لأنها تدري انه يحبها وخربت عليه
دخلت سالي
راكان اخذها فرصة وقال :اسف مانتبهت <<<<مو لله علشان تتكلم بس
عبير وهي خجلانه :لا عادي
راكان ويلوموني الناس بحبك :موجود رامي
عبير:لا
راكان يطول السالفة :تدرين وينه
عبير:راح لولد عمي ناصر
راكان:شكرا
عبير:العفو
راكان :فمان الله
عبير:فمان الكريم
تنهد بقوة وقالت :ياحبي لك بس ياليت تحس فيني
راكان ركب سيارته وقال :ياحبي لها بس ياليتها تحس فيني
جاوا صاحبات عبير وشغلوا الاغاني ورقصوا وضحكوا وريم ماخلت شي الا قالته حبوها صاحبات عبير كثير
في بيت ابو فيصل
بيت ابو فيصل ماعندهم الا فيصل وعمرة 24 سنة يحب مي من كان صغير حلو
جود 19 سنة حلوة بس مو كثر اخوها
جود تكلم اخوها :فيصل
فيصل يشاهد التلفزيون :نعم
جود:ماودك تطلع
فيصل:ليش؟
جود:لا بس مو عادتك تجلس في البيت
فيصل نزل على صوت التلفزيون وقال:لا اليوم ماودي اطلع
جود:على راحتك
رن جرس الباب
جود:اكيد مي
قامت بتفتح الباب
فيصل:جود لا تفتحي انا راح افتح الباب
فتح الباب وابتسم ابتسامته الساحره:هلا والله مي
مي:هلا فيك
جود:هلا وغلا
مي:هلا شخبارك جود
جود:تمام وانتي
مي:الحمد لله
جود:تعالي دخلي ليش واقفه
مي راحت عند ما جود واقفه
وفيصل يتابعها بعيونه والله وكبرتي وحلويتي يا مي
مي:شخبارك فيصل؟؟؟
فيصل:تمام
مي:دوووم يارب
فيصل:يدوم عزك
جود:فيصل شرايك تودينا مطعم
فيصل:مو وقته شنو مطعم
مي:والله حلوه الفكره انا بعد نفسي في المطعم
فيصل: اوكي راح اوديكم
جود وسعت عينها: يانصاب توك تقول مو وقته
فيصل:علشان عيون مي بس ولا انتي تخسين
مي ماتحب تعامله معها تلميحاته الي توضح حبة الكبير
جود:مي مي
مي:نعم
جود:اقولك قولي له يوديني بكر السوق لـأنه يسمع كلامك
مي:ههــــ وانا شدخلني فيكم بس
فيصل:اقول ماودك تخلصينا وتروحين تلبسين عباتك
جود تركض على الدرج :دقايق بس واكون جاهزه
بعد ثواني عم السكوت في الصاله مي تطالع في رجلها ماتبي تشوف نظراته الي بياكلها فيها
فيصل قطع السكوت :اقول مي شخبار تركي
مي:بخير
فيصل:من خطب صرنا ما نشوفه
مي:هههـ حتى حنا ما صرنا نشوفه
فيصل:تسلملي هالضحكة عساها دوووم يارب
مي سكتت فيصل ظن انه خجلها مايدري انها ماتبقيه ولاتحبه
نزلت جود :يله خلنا نمشي
فيصل:يلا
في بيت ابو خالد
الساعة 12 راحو صاحبات عبير وماظل غير ساره وريم وسالي
في هالوقت دخل رامي وراح لصالة الضيوف
رامي ههه اشوى انك مارحتي يا ريم ماكون رامي لو ماطفشتك اليوم
دخل عليهم فجأة عبير:انت ماتعرف الذوق لو كانوا مو لابسين العبايه ودخلت علينا فجأة شنو بيقولون عنك احسن بس انهم راح يروحوا
ريم بتأففف :صج ماعندك ذوووق
رامي ولع منها وهذا انا قاعد اخطط انرفزها اتاريها هي الي نرفزتني واكيد كانت تخطط لسالفه ولا بعد راح تهرب مني شكلها خايفه
ريم يقاله يخوفني اقول مناك بس نافخ نفسه على الفاضي
ريم:اقول ساره خلي السايق يستعجل شوي لأني احس اني بختنق
رامي مقهور ويتوعد فيها طالع في ريم وقال :اقول عبور ليش البيت ريحته خايسه
عبير:اقول انتوا الثنين للحين اطفال تتهاوشون
سارة:أي والله متى بتكبرون وتهونون
سالي :ههه اتخيل اخر شي تاخذوا بعض ونضحك عليكم وعلى هواشكم
رامي وريم كشروا في وجوه بعض وكأنه كل واحد يقول الله لايجيب ذاك اليوم
رامي:يعععع ماشفتو الاوحده مغروره وشايفه نفسها على الناس تصير زوجتي
ريم:وعععع الي يقول انا الي ميته عليك اقول لاتغتر بحالك مع هالعيون الخضر الي يشوفها يقول ماكل الخيار كله الموجود في البلد
رامي :ههههه تحاولين تنكتين انتي والعيون الي يشوفها يقول هذي شاربه المحيط الهادي(للعلم ان ريم عينها زرق بس غامقه عكس ساره الفاتحه )كمل:وبعدين اذا راح تطنزين علي فأنتي تطنزين على روان
ريم سكتت ماتدري شنو تقول لأن أي شي تقوله راح يتحول لروان
ريم:اقول لاتاخذها وسيله تسكتني فيها لني مـــــــــاراح اسكت واعلى مابخيلك اركبه
ساره تبي تسكت اختها الي فشلتها :ريـــــــــــــــــم
ريم بدون نفس :نعــــــــــم
ساره:نعامه ترفسك
رامي ضحك عليها معنى مايحس انه لديك الدرجة يضحك بس حب يقهر ريم
ريم انقهرت منه جات تبي تتكلم بس رن جوال ساره
ريم قالت بعد ماسكرت ساره:هذا السايق؟؟؟
ساره:ايي جاء يلا مع السلامة عبور
عبير :الله يسلمك خلينا نشوفك
سارة:اوكي وانتي بعد يلا ريم
ريم والشرار في عيونها من رامي تطالعه :اوكــــــــــي
رامي كاتم ضحكته عليها واخيرا خلاها تعصب
روان:باي ريوم
ريم :باي حبيبتي
رامي:خلينا نشوفك يـــــــــــا ربيان
ريم تعصب ولا احد يقول لها ربيان :اقول اسكت يا ....
قاطعتها ساره:ريــــــــــــم وبعدين يلا خلينا نروح
ريم:اففففففففففففــــــــ� �ـــــ
سارة:يلا باي سالي
سالي:باي انشاء لله المرة الجاية عندنا
سارة:لا انشاء لله عندنا هه باي
حب عبير لراكان وراكان لعبير هل راح ينكشف ولا راح يضل خلف الستار؟
ساره هل حبت سلمان صج ولا اعجاب فقط ؟
وسمية وسامي شنو اخر الاحداث ؟
ومي راح تحب فيصل ولا لا ؟
ابي تفاعل انا توني حاطه الروايه من يومين فقويه من بدايتها تحطموني
تحياتـــــــــي