الفصل 2
الجزء الثاني
سامي بصوت خفيف:أسف 000 ماكنت اقصد انا
قاطعته:لا لاتعتذرانا صايره حساسه واجد سامي: اجل ابتسمي علشان لاتقتلني سارة
سميه ابتسمت ابتسامه ساحره سامي في قلبه كيف قدرت ازعل القمر ياربي جمالها بيقتلني
سميه كانت خجلانه من نظراته الي كأنها بتاكلها :انا بروح لهم
وماعطته فرصه يقول لها هم وين راحت وضيعت وين تروح حتى لو رجعت له اكيد هو مشى وكانت تمشي ولاتدري وين تروح وكان في واحد وراها يتغزل فيها الولد:وين ياحلو عطينا وجه سميه:انصدمت من الصوت وكل ماتكلم تشك زياده هو مسك يدها وسميه عطته كف وكانوا اثنينهم منصدمين
الولد:هذي انتي والله جيتي والله جابك ولا بعد تعطيني كف ثاني اوه ماعرفنا اسمك
سميه صارت ترتجف من الخوف >>اكيد عرفتوه وليد الولد الي ضرب سلمان و المكان الي واقفين فيه كان شبه فاضي يعني لو وش يصير في سميه محد عرف
************************************************** *
في مكان ثاني من السوق
راح لهم وهو مفكر ان راح يشوفها أنصدم يوم ماشافها معهم
سامي بخوف:وينها سميه
سارة:ماطلعت من الحمامات للحين!!
سامي زاد خوفه:امبلا طلعت وكلمتها وبعدين قالت لي بتروح لكم وراحت وانا ماقلت لها انتوا وين
سارة: بتصل لها
اتصلت ساره بس ماكو رد زاد خوفها
ساره بخوف :بسرعه خلنا ندورها مي انتي روحي ذيك الجهه وانت فوق وانا بروح ذيك الجهه دور بسرعه ولي يحصلها يتصل الكل راح اتجاه سارة في قلبها اكيد ماجات من ذي الجهه ذي اصلا مافي احد صحت من تفكيرها على صوت وليد ميزت ذاك الصوت الي لايمكن انها تنساه كانت تتقدم ورجلها ترتجف من الخوف راحت وراء الجدار شافت وليد ماسك سميه من ايدها وسميه تتألم ساره في قلبها لازم اتصل لسامي بس ممكن يسالني شنو علاقتنا به او اي شي ثاني بعدت هالـأفكار لأنها في وضع مايسمح للتفكير اتصلت سارة بسامي :سامي بسرعه تعال في شاب يغازل سميه >>> ماشافت الا هذي الكذبة خخخخخخخخخخ
سامي عصب وخاف على سميه :أنتي الحين معهم
سارة:لا قلت بتصل لك أول علشان أقولك
سامي:انتو وين؟؟؟؟؟
سارة قالت له المكان وسكرت بسرعة راحت على طول لسميه وباعدت وليد عنها سارة بعصبيه:انت وش تبي منا
وليد بستهزاء:وش ابي منكم ولاشي بس ابي العب فيها شي ؟؟؟
كان يسرع سرعة البرق حتى الي يشوفه يبي يعرف وش صاير عنده ماهمه احد بس الي هامنه هو سميه وبس حس الحين مشاعرة اتجاه سميه
************************************************** ** في مكان ثاني ***كان ملان طلعوا أصدقاءه بدري فراح يفكر بساره الي اخذت عقله وراحت و كان فرحان احلى صدفه شافها اليوم تمنى أن وليد يضربه كل يوم علشان يشوف ساره حب انه يتصل لها سلمان:اتصل لا لا مابتصل لالا بتصل مافيها شي لو شكرتها على شجاعتها واشكر صديقتها واتصل لها بس ماردت استغرب لايكون نامت اتأففف من حظة النحس وقال بشوف مره ثانية يمكن ترفعه
مره ثانيه بس ماردت اتصل مره ثالثه بس ماردت سلمان :أفففففففففف برسل لها رسالة وبحاول إني مااتمادى في كلامي الرسالة((اشكرك على كل شي فعلتيه لجلي وشكرا))رسل الرسالة و رسل روحه معها
عند مي
مي حدها خايفة على سميه :اففف وينهم هذول شكلهم نسوني المشكلة محد يرد علي وينك يا سارة ليش ماتردين بتصل مره ثانية يمكن ترد اتصلت بس ماحد رد زاد خوفها
*****************
عند سميه كانت خايفه واجد جاء سامي :تباعد عنها يالحقير
وليد :إذا أنا حقير أنت شتكون
طبعا وليد كان معطي سامي ظهره دار وليد و سامي شهق
سامي :أنت لابارك الله فيك ولافي اهلك
وليد:أنا شغلي مو معاك وأنت عارف شنو قصدي
سامي:خل سلمان في حاله احسن لك
ساره :سميه صار لك شي سوى لك هالحقير شي
سميه:لا وين مي ماشوفها معاكم ؟
سارة توها مذكره مي :ذكرتيني بتصل لها
مي اول ماشافت الاسم ردة بعصبيه :وين انتوا ؟
سارة:شوي شوي علي
شرحت لها المكان وفي بضع دقائق وصلت مي
مي بخوف :سميه فيك شي ؟
سميه:لا
مي ولازالت خايفه : منو ذا؟
سارة :هذا الي قلنالك عنه
وليد: لا مابخلية ورني شنو بتسوي
سامي : جا بيضربة بس سارة مسكت ايده وقالت :لا تدخل نفسك السجن عشان واحد مايستاهل
سامي : تركيني سارة
سارة:لا مابتركك خلنا نمشي سامي
سامي طالع في عيون اختة الي كلها خوف عليه تنهد تنهيده طويله وقال :اوكي يله نمشي ودار على وليد واشر له بصبعة :ياويلك إن قربت على سلمان راح تشوف شي ماشفته
ضحك بسخرية وقال :بنشوف
(في السيارة)
الكل ساكت من الموقف حبت سارة تغير الموقف وقالت:سميه شوفي وش شريت
سميه ابتسمت واخذت الكيس بتشوف وهي تطالع: الله حلوييين من.......وقطع كلامها سامي:ليش رحتي ذاك المكان
سمية بخوف وتردد :مدري وين سارة ومي وانت ماقلت لي و......
قاطعها سامي وبعصبية الكل سكت منها : وليييييييييييش ماسئلتيني
سارة :سامي شنو ...........
سامي:سارة انا كلمتها ما كلمتك
سميه والدموع في عيونها :انا نسيت وبعدين المكان كبير ....
وماقدرت تكمل
حس فيها سامي وقال: اسف
وكانت ذي اخر كلمه سمعوها في السيارة
نزلت مي وبعدها نزلو الثلاثي
سامي:راح اوصلك عند الباب
سميه: لا شكرا
سامي ولا كأنه سمع كلامها وصلها للباب جت بتدخل مسك ايدها وقال: سامحيني اليوم خليت دمعتك تنزل مرتين
سميه حست برجفه وسحبت ايدها منه وقالت:الله يسامحك ودخلت البيت وسامي راح لبيته
دخل سامي البيت وشاف ساره واقفه قدامه وتقول: ممكن تفسر لي شنو سويت اليوم
سامي تنهد وقال: مو وقتك سارة
سارة بعناد :الاوقته ونص بسرعه قولي
سامي ركب الدرج ولا كأنة سامعها كان ضايق صدرة ولا له خلق يتكلم في الموضوع
سارة :سامي سامي ساميييـــــــــــــــــــ ي افففففففففففففففف شنو هالروحه الي سكرت صدرنا بدل ماتفتحه
في اليوم الثاني
على طاولة الفطور الكل موجود الا سامي الا ما نام الا متاخر
ابو سامي:وينه سامي
مشعل اصغر واحد عمرة 13سنه:نايم رحت اقعد قالي ما نام الا الفجر
ابو سامي :وليش السهر كله
ام سامي: الله يهديه بس
سارة:انا اتأخرت بروح المدرسة .........باي
ابو سامي:بتروحين مشي!؟
ساره:ايه
ابو سامي :لا يابوك لاتروحين مشي
ساره:بس يبه انا متعوده اروح مشي بس اذا شفت سامي وعنده وقت خليته يوصلني بعدين المدرسه قريبه وماعندي سايق يوصلني
ابو سامي:انا جبت لك سايق من اليوم لا تروحين مشي اسمع قصص واجد عن الا يروحون مشي
ساره:يبه مايحتاج سايق المدرسة خطوتين ووصل
ام سامي :الله يهديك بس شنو الي خطوتين بس قولي ربع ساعة مو خطوتين
ابو سامي :هو بيوديك الصباح بس اما الظهر اخوك بيجيك وانتهى النقاش
سارة حبت راس ابوها :الاتشوفه يبه
نطت عليهم ريم الملقوفه عمرها16سنه مغرورة و طويلة لسان الي يقول لها كلمة ترد له بعشره ملقوفه درجه اولى ماتترك شي الا وتعرفه بس الشي الحلو فيها انها ضحوكة عمرها ماحزنت على شي :وانا يبه ابي سايق
ابو سامي :هذا السايق لكم ثنتينكم يأم سامي اذا جلس سامي طرشيه للشركة لا يتأخر
ام سامي:انشاء لله
ابوسامي :فمان لله
ام سامي:فمان الكريم
ساره :اوكي انا رايحة باي
ريم:انتظريني ساااااااااااااااااااااارة
في السيارة
ريم:اقول ساروه شنو صار في غيابي امس ؟
ساره بطفش:اولاً اسمي ساره ثانيا ماصار شيء
ريم بغرور:اكيييد دام اني مو معاكم مراح يصير شي
( في المدرسة)
سارة مستحيه تطالع في سميه ماتدري شنو تقول لها
سميه:ليش ماجيتي تسلمي علي
سارة فشلت من صديقتها وقالت:اسفه سميه بس فشلانه من اخوي مدري وين اودي وجهي منك انا..................
قاطعتها وقالت:لا تعتذرين اصلاً انتي ماسويتي لي شي علشان تعتذرين
ساره:ياطيبتك يا سميه من وين جايبه هالقلب الطيب
ابتسمت سميه ابتسامه حلوه شرحت نفس ساره وارتاحت
مي جات لهم:بنات المعلمه جات
رجعو الكل اماكنهم ودخلت المعلمه وبدأت بالشرح
بعد المدرسة توادعوا الاصدقاء ورجعوا بيوتهم بعد ماتصافت القلوب
رن جرس الهاتف و راحت له ريم :الووو
:هلا ريوم وين ساره
ريم :هلا بالقاطعه دقيقة انادي عليها
جات سارة ورفعت التلفون :الووو
:هللللللللللللللللللللا والله بسارة
سارة:هللللللا وغلا ببنت خالتي هلا بالقاطعة
عبير :محد قاطع غيرك
سارة:قلبتها علينا
عبير:هههههه
سارة:وشنو الشي الي ذكرك فينا
عبير:حبيت اسوي حفلة في بيتنا واتصلت بقولك انا اليوم بسوي عزيمه الساعه 8
سارة بحماس:ييياااااااااي من زمان على الحفلات
عبير:اوكي استناك مو تتاخرين باي
سارة:باي
ريم :شعندها عبير متصلة
سارة:تقول بتسوي حفلة اليوم واحنا معزومين
ريم :يااااااااي متى بنروح
سارة:الساعة 8 بس لا تتأخرين زي عادتك
ريم :لا ماراح اتأخر ماراح افوت البارتي
سارة:اسمع وصدق اوكي انا رايحة ارتاح اشوي جلسيني بعد ساعة
ريم:اوكي
ركبت ساره غرفتها واول مادخلت مسكت جوالها انتبهت إن موجود رسالة من رقم قريب فتحت الرسالة وقرت المكتوب
سارة ابتسمت ابتسامه خفيفة ماتدري ليش بس ارتاحت لها الشخص
سارة تكلم نفسها:بس انا شنو اسوي خلاص اعتقد انه هو شكرني راح اقوله يمسح رقمي
اتصلت له وتحس يدها ترتجف واخيرا كملت الرقم ورن سلمان كان يفكر فيها بس انقطع تفكيرة برن جوالة اخذ جواله وركز على الرقم وقال :هذي هي .... رفعة وقال:هلا
سارة:اهلين .........عرفتني؟
سلمان وانا اقدر انساك وقال:ايي مو انتي ساره
سارة بحيا :ايه شكرا على الرسالة ...............بس
سلمان :بس شنو؟
سار بتوتر:اتوقع انك خلاص شكرتني .....ممكن تمسح رقمي من جوالك
سلمان :ليش ..اقصد انا سويت لك شي خطأ او ضايقتك
سارة:لالالا ....بس ...انا
سلمان :خلاص فهمتك راح امسح رقمك .....و.....شكرا
سارة :العفو
سلمان:باي
سارة:باي
سكرت بعد مارتاحت بس حست بضيق في صدرها :افففف شنو صارلي لايكون حبيتـــــــــ ــــــة
مر طيف خالد عليها تأففت وقالت:ليش يا خالد ليـــــــش تركتني ورحت ليشــــــــــــــــــــــ ـ انا مو حبك وجنونك ليش تركتني ورحت ليـــــــــــــــــــــــ ــــــــش وبدت تبكي زي كل يوم يمر عليها
عند سلمان مسحت رقمك بس ماراح امسح صورتك من عيني ولا صوتك وغمض عيونه بقوه وصوتها يتردد في اذانه وقال بدون مايحس بنفسة :احبـــــــــك
في بيت خالت سارة
عبير تحضر للحفلة وخواتها يساعدونها بنعرفكم لهم
*الخالة منى حنونة على بناتها وطيبه لأبعد الحدود *
*زوج الخاله محمد عنده شركه كبيره بس مو اكبر من شركة ابو سارة*
(الاخو الاكبر خالد عمرة 23سنة يموت على شي اسمة ساره وهو مسافر لفرنسا يكمل دراسه عاش4 سنوات في فرنسا وهو اخر سنة وراح يرجع للسعودية كل البنات يخقوا عليه عينه اخضر زيتي وشعرة اشقرعلى بني يوصل لرقبته)
(عبير الكبيرة عمرها 19سنة حلوة وحبوبة عيونها بنية وشعرها بني وتحب المغامرات تحب ولد خالها وهو يحبها بس ماحد يدري عن الثاني )
(رامي و روان توام حلوين مررررة عمرهم17 سنة لون عينهم خضراء وشعرهم اشقر رامي يحب يتعارك مع ريم عكس روان تموت على ريم وتعتبرها خافيت اسرارها ونفس الشي لريم) ( واخروحدة هي رهف عمرها 9 سنوات تحب مشعل وتتلزق فية من تشوفة خخخخ )
عبير على اعصابها للحين ماخلصو والساعة الحين 7ونص
عبير:روااااااااااان روانننننننننننوه ووجع
روان:نعم شتبين وبعدين لعلمك انا روان مو روانوه
عبير:احلفي توني ادري سامحيني
روان :افكر اسامحك
عبير :اقول وين حطيتي عقدي الي اخذتيه ذيك المره
روان:تلاقينه على تسريحتي
رهف جاية تسرع :عبوره حبيبتي عادي اكل من الكيكة شوي
عبير وهي ماشيه:طبعا لا
رهف:اففففف
روان :ماتقدرين تصبرين شوي لين يجوا الضيوف
رهف:لا
روان :اروح اجهز ابرك لي منك
بيت ابو سامي
الساعة الثامنه
ساره :ريم تأخرنا سرعي
ريم وهي نازله من الدرج تركض وتناقز و تغني :كاني جيت
ساره:يالله ثبت علينا العقل والدين
ريم بتكشيره:وش قالوا لك مجنونة
سارة بضحكه خفيفه :الا ملكة المجانين بعد
ريم:عن التطنز ويله خلينا نروح تراك اخرتينا
سار فتحت عيونها على الاخر :الحين سويتيها انا الي اخرتك منو الي كان فوق وتوه نازل هي انتي احاكيك
ريم ولاكأنه سارهـ تناديها وماشيه بدون اهتمام
سارة:هذي مابتترك طبعها ذا يارب صبرني عليها
في بيت مي
نعرفكم بهم(الاب وزير بس مو كبير مر الكلمة الي يقولها تتنفذ بالحرف الواحد حنون على اولاده ولا يرفض لهم طلب )
(الام حلوة ويعطونها الناس بالعشرينات طيوبه مررره )
(رغد الاخت الكبرى عمرها 25سنه متزوجه ولد صديق ابوها حلوة وطيوبة مثل امها تموت على الاطفال بس ماعندها وعمرها 22 سنة )
(تركي 24 سنة وسيييييييم مرة عيونه بني فاتح وخاطب بنت عمه وشعره بني غامق )
(مي سبقت لكم شرحها )
مي توها مسكره من سميه بطفش :افففففف وين اروح الحين ملل
سمية راح تروح بيت جدها وسارة ببيت خالتها ...........فجأة قالت:لقيتها
اتصلت لبنت عمها جود اكبر منها بسنه :االووو
:الوو
مي:موجودة جود؟
:انتي .....مي
مي بعدم اهتمام وهي عارفة تكلم منو :نعم
زادت دقات قلبه بابتسامه:شخبارك مي
مي:بخير وانت
:بخيير مدام سمعت صوتك
تجاهلت الكلمه الي قالها وقالت :موجودة جود
:دقيقة بس بنادي عليها
بعد عدة ثواني جت جود وهي تقول لأخوها:فيصل منو على الخط
فيصل:مي تبيك
اخذته منه وقالت:هلا وغلا بمي
مي:هلا فيك بس قلت اذا ماعندك شي بجي لك
جود:تشرفينا والله
فيصل عرف انا مي راح تجي فقام يتكشخ
نروح لعبير وحفلتها
رامي جالس في الصاله الفخمه ويشاهد تلفزيون
عبير تعبت معه من كثر ماتقول ل يطلع من البيت
عبير:للمليون اقولك اطلع من البيت صاحباتي راح يجون وانت للحين موجود
رامي:الله على صاحباتك الي يقول الشله كلها راح تجي غير ثلاث والباقي نعرفهم
عبير:ولو قوم
رامي:افففففففـــــ انتي الحين بتدخلينهم في صالة الضيوف مو الصالة الي نجلس فيها
عبير :بس صديقاتي خجولين مايبون احد في البيت
رامي :ضيوف ويتشرطون بعد والله حاله
جات تبي ترد عليه الا بجرس الباب
عبير :قوم افتح الباب
رامي :خلي وحده من الخدم تفتح الباب
عبير :كلهم مشغولين
تأفف وقام يفتحه
نهاية الجزء الثاني
شنو سالفة خالد مع سارة وهل سارة تحب سلمان صج ولا بس اعجاب
شنو بيصير في الحفله ؟
تح ـــــــــــياتـــــــــــ ـــــــــــــــــــــــــ ي