الفصل 4
البـــــــــــــــــارت الرابــــــــــــــــــع
الريـــــــــــــاض
الجده فتحت الباب ناظرت لشخص اللي قدامها وحطت يدها على صدرها وهي تشهق بخوف:يمه وشفيك صقر ومين مسوي فيك كذا
صقر ابتسم:الله يهداك اشفيك مخترعه(وهو يقفل الباب ويحب راسها)وشلونك يالغاليه
الجده بخوف:الحمدلله خلك مني وش صار لك وليش هالشاش مربط على راسك ورقبتك وهاللزق اللي بيدك؟
صقر:انا ابي اعرف وش هو له هالخوف وانا واقف قدامك مثل الحصان
الجده سحبت بيده:تعال علمني داخل(دخلو الغرفه)قول وش صار بسرعه
صقر:رح اقولك هذا ياطويلة العمر بعد ماوصلنا البر وخيمنا وكل شي كان تمام،كانت في اغراض ناقصه اضطرينا انا واحد من الشباب نروح نجيب هالاغراض وحنا نسوق السياره طلعت سياره فجاءه وصدمنا فيها انا جتني ضربه بالراس سولها خياطه وبرقبيتي خدوش بسيطه ويدي وخويي انكسرت يده بس الحمدلله جت سليمه سولنا تنويم لجل يسوون اشاعات وتحليل ورخصونا قبل ساعه
الجده تمسح دموعها :الحمد لله انها جت سليمه وانا اقول البارح كل شوي تتصل لجل ما اقلق عليك
صقر:ههههههه ياحيلك يمه(قام حب على راسها)
صبا نزلت تنادي بصوتها الانثوي:يمه.......يمـــــــــ ــــه وينك يابعد قلبي
جمدت ملامح صقر لما سمع صوتها
الجده:انا هنا يمه بالغرفه عند صقر
صبا كشرت وجلست بالصاله عند التلفزيون
الجده:يله انا بروح اسوي لك امريقة لحم
صقر:لا تعبين نفسك مايحتاج
الجده :لاتعب ولاشي اكيد من البارح ما اكلت شي واكل المستشفيات يالله لك الحمد الا ياوليدي قلت لهلك
صقر:لا ماقلت لهم ،بس كلمتهم ماحبيت اقلقهم على الفاضي
الجدة:يله انا بروح المطبخ.....طلعت وشافت صبا بالصاله،وش كنتي تبين؟
صبا:ولاشي بس فقدتك وقمت انادي عليك
الجده:انا بروح اسوي امرقة لحم لولد عمك دخلت المطبخ
صبا سرحت فجأه قامت تكت على باب المطبخ:ليه تسوين مرقه اكيد تعبان ؟
الجده :اي والله صار عليه حادث بس جت سليمه الحمدلله
صبا بترقب ماصار له شي؟
الجده: جته ضربه براسه وخدوش برقبته ويده
صبا ابتسمت بشماته ورفعت صوتها:يستاهل ماجاه هذي حوبتي ودعوتي عليه والله يستجيب للمظلووووم ...وبقى ماشاف شي
الجده فتحة عيونها عالاخر:صبا وش هالكلام تتشمتين؟! يابنت عيب عليك حشميني وحشمي عمك ترى زودتيها اشوف
صبا بكل بروود:والله انتي وعمي لكم الحشيمه لكن هذا صقر وامه مالهم حشيمه عندي ابد لان اللي مايبينا ما نبيه(وطلعت للغرفه )
الجده :الله يهديك مدري ليه صايره كذا الله يهديك (جلست على الطاوله وكانت حزينه )
صقر قبض على يده بقوه وضربها بالمخده:آآآه لو هي قدامي كنت شربت من دمها ولايكفيني لجل اشفي غليلي منها ...(قام اخذ ملابسه لجل ياخذ شاور سريع قبل
>>صلاه العشا
بعد نص ساعه دخلت الجده وبيدها الصينيه...صقر فز واخذها منها :الله يعطيك العافيه
الجده:الله يعافيك ياوليدي ....صقر لاتزعل من صبا لايغرك طولها تراها بزر ماتعرف.
صقر وهو ياخذ الملعقه:البزر يكبر يمه .......(سرح بفكره)......الله يعين
الجده عرفة بوشهو يفكر بس ماتقدر تتكلم
صبا صلت العشا ونامت بدون عشا
>>السبت الساعه 6
الجده :صبا......صبــــا يله قومي
صبا فتحت عيونها /ان شاء الله (قامت توضت وصلت لبست مريولها وجهزت اغراضها نزلت بس مالقت جدتها وكان الفطور على الطاوله ،طلعت ودخلت غرفة جدتها :يمه اشفيك تعبانه؟!
الجده:لا اخذي فلوسك تحت مع الفطور لاتنسينها.
صبا حبت على راسها:ادري انك زعلانه علي تكفين خلاص اسفه ماعاد اكررها(اخذت يدها وحبتها)الله يخليك لاتزعلين تعرفين اذا كنتي زعلانه ما ارتاح والوسيعه تصير ضايقه فيني
الجده ماطاوعها قلبها:خلاص بس روحي قبل الباص مايجي
صبا:اول شي ارضي عني والا ماني مداومه المدرسه
الجده وهي تمسك خدودها:اااه منك ماقدر ازعلك قلبي مايطاوعني يله روحي افطري بسرعه الله يوفقك
صبا حبت راسها وهي طايره من الفرح نزلت فطرت وطلعت راحت لدنيا اللي كانت واقفه عند باب بيتهم :صباح الخييير وغريبه جايه بالاتوبيس
دنيا:صباح النور موغريبه عاتي جدا اخبارك؟
صبا:تمام التمام صارت اخبار وعلوووم
دنيا:علوووم والا تاريخ خخخ قولي شنهي
صبا:بقولها لك بالاتوبيس(بعد دقايق وصل والتوبيس وركبو صبا حكت لها كل اللي صارمع صقر
دنيا:اما عاااااد احلفي
صبا:اي والله ما امزح معك
دنيا:هههه والله منتي سهله تخوفين اسمعي اذا كنت كارهه احد بجي عندك علشان تدعين عليه
صبا:هههههههه تفكيرك غلططط
مر اليو م عادي بدون مشاكل
>>بعد يومين
الطائــــــــــف
كان ابو صقر وام صقر ومنى جالسين بالصاله
منى :يبه في خبر عاجل بالعربيه قرأت نص الخبر(تعلن السعوديه ودول الخليج والعراق وفلسطين ولبنان ان غدا اول ايام رمضان المبارك)وااااو وناسه بكره رمضان
ام صقر :يعني شعبان ناقص ماكمل ،مبارك عليكم الشهر
ابو صقر :الله يبارك فيك
منى:الله يبارك فيك يمه يله انا بطلع ابارك لصديقاتي
التلفون يرن كانت نوره تبارك لاهلها بشهر رمضان
بعدها اتصل ابو صقروام صقر يبارك لامه
الجده قفلت السماعه
صبا :يمه متى نروح السوبر ماركت؟
الجده:انا موب رايحه مره كبيره بالسن واش اروح له روحي انتي وستي
صبا:طيب يمه بقول لستي تخلي عمر يجهز السياره على بال ما البس
>>بالسياره
صقر يضرب بشباك عمر :وين رايحين؟
عمر:انا في روح سوبر ماركت على شان ياخد اقراض رمدان
صقر:يعني لازم الاسرف والتبذير من معك؟
عمر :معي ستي وصبا
صبا:اوووف عمر يله تحرك تاخرنا
صقر منزل حاجبه :اعصابك لايطق لك عرق ونتوهق فيك لان بصراحه بتكونين خساره على المجتمع ،،،عمر لاتتأخرون الساعه عشر ونص انتو هنا
عمر:حاضر بابا
صقر دخل البيت لقى جدته تصلي التراويح راح توضا وطلع للمسجد يصلي.
>>بيت ابو دنيا
ديما:ياااي وناسه بكره رمضان
عبدالمجيد:احلفي احلفي ان بكره رمضان مغبرررررره
عبدالعزيز:عبود انت متوضي
عبدالمجيد :ايه يبه متوضي
عبدالعزيز:وين حمود بسرعه نبي نلحق الصلاه
ديما:يبه حمود نايم
عبدالعزيز:اطلعي صحيه وانت عبود انتظره وتعال انت وياه خلاص ،يوه نسيت شغله
ديما:حموووود...........حموووووو د بسرعه اصحي لان ابوي ينتظرك تحت علشان تروحون تصلون
محمد وهو يحك شعره:ما ابي اروح ابي انام
ديما :خلاص بس رح اقول لبوي انه عيا يقوم ..نزلت .عبود خلاص روح يقول مايبي يصحى
عبدالمجيد يصيح لبوه:يبه حمود عيا يصحى
عبدالعزيز:خلاص خله.سلوووى .....ياسلوى
سلوى:نعم عبدالعزيز تعال انا بالمطبخ
عبدالعزيز دخل المطبخ:اشوفك قاعد ترتبون هاه مو ناقص شي؟
سلوى :لا الحمد لله مو ناقص شي
عبدالعزيز:الله يعطيك العافيه يله انا بروح اصلي اذا بغيتو شي اتصلي علي مع السلامه
سلوى: مع السلامه
دنيا كانت بالغرفه كانت تتمغط:اااه ياربي بكره مدرسه اعوذ بالله قلق شكلي بسحب عليها بنزل اشوف امي (نزلت من الدرج)يمـــــــــــــه وينك؟
ديما :امي بالمطبخ
دنيا دخلت المطبخ:يمه وش قاعد تسوين؟
سلوى:قاعده اطق اصبع وارقص يعني ماتشوفين؟.
دنيا:ههههه اتخيل شكلك وانتي جالسه ترقصين وبطنك قدامك ههههههههه
سلوى: خلف الله علي انا وابوك.......ناني حطي هذا بالثلاجه
دنيا تاخذ كاس مويه:اقول يمه شكلي بكره مو مداومه
سلوى:وليه؟انتي اكثر وحده تغييبن من اخوانك.وبصراحه غياباتك كثير وانتي وراك ثانويه عامه
دنيا:يمه بكره رمضان يعني صايمين
سلوى:واذا رمضان يعني وش بتسوين لا يكون بتشتغلين بالمدرسه .وبعدين الدوام بكره الساعه 9
دنيا:ياربي والله قهر(طلعت وهي زعلانه)
ديما ترقص حواجبها:اجل تبين تغيبين حامض على بووزك
دنيا :ديمووه اسكتي احسن لك تراها واصله هنا(قالتها وهي تأشر على خشمها)
>>الساعه 11 ونص
كانت صبا داخله من الباب ومعها اكياس لقت جدتها بالصاله:السلام عليكم يمه (دخلت المطبخ وصلت الاغراض طلعت وجلست جنب جدتها)وه وه وه يمه زحمه موووووووووت ماكأن العالم يعرفون الاكل الا برمضان
الجده :هلا يمه وعليكم السلام تأخرتو حيل
صبا وهي تاخذ نفس عميق:والله يمه زحمه عالم واقفين ساعه عند الكاشير
الجده:الله المستعان وهذا الناس متقضين من اسبوعين الله يرحمنا برحمته وين ستي ؟
صبا :اكيد تدخل الاكياس
صقر بصوت عالي:يمه في احد عندك؟
الجده:ايه صبا موجوده
صقر مقهور:الحمدلله على السلامه توهم يجون
صبا موطايقه تسمع صوته:يمه انا بطلع انام صحيني الساعه2 (وبسرعه اطلعت)
في هاللحظه كانت ستي تدخل الاكياس بالمطبخ
الجد:ادخل ياصقر مافي احد
صقر طلع من غرفته دخل الصاله:وليه تأخروا مع اني منبه على عمر انهم مايتأخرون
الجده:صبا تقول زحمه .....متى رح تفك الشاش اللي على راسك
صقر:ان شاءالله كلها اربع ايام بالكثير وارتاح منه
صبا من الدرج:يمه خلى ستي تدخل الايسكريم بالفريز قبل لايذوب
الجده:ان شاء الله بقول لها ،بسم الله عليها تاكل عسكريم كل يوم اخاف عليها من اللوز
صقر:ههههههه اسمه ايسكريم مو عسكريم
الجده وهي تقوم:والله ياوليدي مدري وش هالخرابيط مانعرفها ولا نبيها..بقوم اشوفه ،تبيني اجيب لك؟
صقر:اممممم خلاص طيب والا اقول بجي معك
دخلو المطبخ وكان حوسه الاكياس كانت بكل مكان
الجده:ستي وين عسكريم صبا
ستي: هنا في كيس ودري باسكن وربنز
صقر اخذ الكيس وفتح عيونه اللاخر:الله وش هالعلب الكبيره؟!على كذا يكفيها شهر
ستي تضحك:هازا مافي كفي صبا شهر هازا ممكن يكفي اسبووع بس
الجده:ستي هه اذكري الله
ستي :ماشاء الله تبارك الله
الجده :عطي صقر منه والباقي دخليه بالفريز
ستي:بابا اش يبقى شكولاته او توفي
صقر:عطيني توفي
>>السحور
الجده دخلت تاخذ مويه
صبا :يمه تعالي تسحري معي من جا صقور وانتي ماتكلين الا معه
الجده:عيب اخليه لحاله وبعدين كلها اسبوع ورايح
صبا:اوووف احس اسبوع كثيره بالحييييل متى يروح وافتك منه
الجده :صبا قلت لك عيب ترى ازعل عليك
صبا:لا لالاتزعلين على روحي عنده
>>بيت ابو دنيا
عبدالعزيز بغرفة الاولاد:حمود.....حمود يله قوم السحور جاهز....عبود يله قوم يله اشوي ويأذن يله ياعيال
عبدالمجيد:يله بيه جاي
عبدالعزيز:حمود بتقوم والا شنهو؟
حمود يتمغط بكسل:خلاص بقوم
عبدالعزيز طلع من غرفة الاولاد لقى ديما نازله:هاه دنيا صحت؟؟
ديما:لا يبه ماصحت
عبدالعزيز:دنيا ......دنيا قومي يله الله يصلحك
دنيا فزت:خلاص يبه جايه (غسلت وجهها ونزلت)
سلوى:انتي دايم اخر وحده تجين
دنيا:يمه خلاص(اخذت الملعقه بكسل)عبود عطني السلطه
محمد كان حط يده على خده
عبدالعزيز:حمود حبيبي ليه ما تاكل والا مابتصوم؟
ديما:اكيد مو صايم لانه كسلان
عبدالعزيز:لا حمود شاطر ورح يصوم انتي اللي كسلانه صح حمود
محمد:ايه بيه اصلا انا صاير كبير
سلوى:ايه ماشاء الله عليه اوليدي
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 02-11-12, 12:46 PM #9
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
>>الساعه 9 الشوارع كانت زحمه طلاب وموظفين
بالمدرسه الحصه الرابعه
دنيا حاطه راسها على الطاوله:ياربي متى يخلص الدوام طفششش
الجوهره:وليه منتي نايمه؟
دنيا :الصراحه مالي خلق اداوم بس امي الله يهديها عييت
الجوهره:الله يعطيها العافيه سوت خير لان غياباتك كثيييييييره
دنيا:ولييييه لازم هالاسطوانه بالبيت وهنا اووووووف
صبا:دنيوووه صومي كله تتحلطمين من حنا بالاتوبيس
دنيا:اللهم اني صائمه لكن طفش هاللحين ابلى وفاء ليه ماتجي وتفكنا؟
الجوهره :ياحليلك ابلى وفاء غايبه
دنيا:ياااااااحظها طيب ليه ماتدخل ابلى فاطمه لجل نخلص
صبا:بنات اسكتو في هووووشه
دنيا رفعت راسها :اي والله صادقه شكله بدر بس مين الضحيه هالمره(قامت بسرعه)
الجوهره:هههههههههه وين رايحه ياحبك للمشاكل
دنيا:مالك دخل (وطلعت من الباب مع شلة بنات)
صبا:وش رايك نقوم جوجو نطالع
الجوهره:لا تكفين صبا ما ابي تعرفين ما احب المشاكل
صبا:سحر وش صاير؟
سحر:بدر متهاوش مع بنت من ثالث ادبي
الجوهره:مين هالبنت؟
سحر:وحده اسمها رشا حتى اذكر انها درست معنا بأول ثانوي
الجوهره:ايه تذكرتها ذيك السمرا الطويله
سحر:هي بعينها
صبا :اييييه عرفتها والله اطلع اشوف(شافت دنيا حاطه يدها على خصرها قربت منها وبصوت عالي )وش تسوييين؟
دنياخافت:صبووووه حسبي الله علييك ترى مو فاضيه لك
صبا:اللهم اني صائمه (وطالعت باللي قدامها )حشى ذولا مو بنات ذولا اولاد ولا كأنا برمضان
دنيا كانت متفاعله مع المشكله ونص البنات طالعين من فصولهم
كانت بدريه شاده شعر رشا،،،اما رشا كانت شاده مريول بدريه من حلقها ويتلفظون على بعض ،اخيرا جت المديره ومعها مدرسات وفكوا البنات عن بعض ونزلتهم الاداره
صبا ودنيا وبنات فصلهم دخلوا
دنيا:فاتك ياجوجو صارت مضاربه مي صاحيه
الجوهره:احلفي مضاربه مره وحده وبرمضان استغفر الله العظيم
صبا:اما انتي تباااالغين مو مضاربه مضاربه بس مشاده
الجوهره:اعوذ بالله اولاد موبنات وهذي بدريه داائم مشاكل
سحر:يقولون انها عايشه بين اولاد ماعندها خوات
الجوهره:والله حتى ولو هذي هي بنت عمي رزان عايشه بين اولاد وحيده وش حليلها بنوته نعومه
صبا طلعت دفترها تحل واجبات اليوم
ساره جايه تركض من برى الفصل بنات مين تتوقعون عندنا احتياط؟!
بنات الفصل :مـــــين؟
ساره:ابلى حنان
البنات :وااااااااو فله
عواطف:فله ولا باربي خخخخ
بنات الفصل :ههههه
دنيا :الله يقطع سوالفك ياعواطف
ابلى حنان :السلام عليكم
البنات :وعليكم السلام
ابلى حنان مبتسمه:شخباركم ومبرووك عليكم الشهر
البنات:علينا وعليك ابلى
(ابلى حنان اكثر بنات المدرسه ميتين عليها جمال وكشخه وتعامل راقي مع الطالبات تعتبرهم زميلات لها )
ابلى :حنان وش بتسوون اذا رجعتوا للبيت بس بصراحه نبدا من سحر
سحر:اكييد بروووح انااام تعبانه حيل
عواطف:ابد ياطويلة العمر بقلب بها التلفزيون اذا عجبني شي والا رحت انطقيت ونمت بغرفتي لاني حييل عطشانه الين ما يأذن واشرب اشرب واترس كرشتي آآآآآآه يازين المويه زيناه(تلفتت للبنات)كأني قلبت المواجع عليكن المشكله اني شاربه 5 كاسات قبل ما يأذن الفجر والضريبه مانمت زين كل شوي وانا بالحمام الين ماجت الساعه 9
ابلى حنان والبنات :هههههه
ابلى حنان :صبا وش قاعده تسوين؟
صبا:احل واجباتي
ابلى حنان رافعه حاجبها:لايكون واجب الحصه الجايه
صبا:لا ابلى وش دعوه ابي احل واجبات اليوم علشان اذاكر بالبيت فقط
دنيا:ابلى يعني ماتعرفينها دااافور مايحتاج
صبا:يمه بسم الله علي ابلى شوفيها
ابلى حنان:هههههه حرااام دنيا قولي ماشاء الله تنظلين البنيه
دنيا ماشاء الله عيني عليك بارده
>>اخر الدوام عند البوابه
دنيا وهي تلبس عبايتها :تصدقون ان بدريه ذكيه
الجوهره:وليه ياحظي؟!!!
دنيا :كل هالمضاربه والمشاكل علشان يفصلونها اسبوع
الجوهره:لك الحمد والشكر عن جد البنيه منتهيه
صبا:هههههههه والله انك صادقه ....طيب ليه ماتصيرين ذكيه مثلها دندون
دنيا:والله شكلي بسويها واتضارب معك انتي وجوجو طبعا كل هذا تمثيل وبعدها يفصلوني اسبوعين اسبوع لجلك صبا واسبوع لجلك جوجو هاااه موافقين؟؟
الجوهره:اقول مع السلامه السواق جا الظاهر هذي البنت الجوع مأثر على عقلها
صبا:ههههه مع السلامه ياحظك انتي على الاقل بتفتكين منها ومن دلاختها لكن انا الله بلاني فيها ....دندون انا موافقه بس بشرط اعطيك كفين يطير ماتبقى من عقلك
دنيا:اقول اقول لايكثر خلينا نورح البيت ماعاد فيني حيل ابد
صبا داخله من الباب:الله على هالريحه صدق ريحة رمضاان ..السلام عليكم حبيبتي
الجده:وعليكم السلام يله يمه اطلعي بدلي ملابسك وصلي العصر ونامي لك ساعه
صبا:Noah مابنام رح اساعدك
الجده:وش تساعديني فيه خلاص سوية الشوربه والمكرونه والسمبوسه لفتها ستي
صبا:اممممممم بسوي حلى ووووفتوش وكبه بالصينيه
>>قبل الاذان بعشر دقايق
بيت عبدالعزيز
ديما:اطلع حمود قوم دنيا وعبود
محمد:الله لايردهم انا ابي اشرب يمه كم بقى على الاذان
سلوى:خلاص يمه مابقى الاعشر دقايق
ديما :هذا اللي صاير كبير وبيصوم طلع اخررطي
سلوى:ديما اطلعي صحي اخوانك
حمود يطالع بالطاوله :يمه بس تمر ولبن ومويه وين الباقي
سلوى:الباقي بعد الصلاه مو اللحين
ديما كانت طالعه من الدرج:غرريبه دنيا قايمه لحاله بصراحه لحظه تسجل بالتاريخ
دنيا باستهبال:تاريخ والا جفرافيا
عبدالعزيز:السلام عليكم
سلوى:وعليكم السلام
عبدالعزيز كان معه كيس:خذي خلي الشغاله والا اقولك خلاص بخلي دنيا ،روحي عطي الشغاله تغسل هالرطب نفطر عليه
دنيا اخذت الكيس من ابوها :ان شاء الله بيه
عبدالعزيز:اشفيه حمود زعلان؟
سلوى:يقول انه عطشان يبي يأذن بسرعه لجل يشرب
عبدالعزيز:هههههههه شاطر حبيبي صايم ،،يله انا بروح اتوضا قبل مايأذن
>>صبا بالمطبخ:ياربي قهر متى يروح هالصقر وافطر انا وامي والله كأني شغاله حتى ستي احسن مني راحت تفطر مع عمر وانا لحالي(في هذه الاثناء كان الاذان يرتفع)استغفرالله العظيم العالم قاعده تدعي وانا اتحلطم الله يعين على هالاسبوع "اللهم لك صمنا وعلى رزقك افطرنا ذهب الظمى وابتلت العروق وثبت الاجر ان شاءالله"دعت وسمت بالله وافطرت
>>بالصاله
صقربعد ما اكل التمر اخذ المويه واثنا مهو يشرب دق جواله اخذه وهو مبتسم:هلا والله ببو صقر
ابو صقر :هلا فيك والله شخبارك وانا ابوك واخبار جدتك وبنت عمك
صقر:طيبين ولله الحمد انتو اخباركم
ابو صقر:الحمد لله كلنا بخيرهاه فطرتوا؟
صقر:اي والله فطرنا الله يعينكم بقى نص ساعه ويأذن عندكم
ابو صقر:اي والله ياوليدي
صقر:شخبار الشركه والشغل
ابو صقر:الشركه والشغل وانا والبيت فاقدينك الله يرجعك بالسلامه
صقر مبتسم :وانا وبعد فاقدكم يله كلها ايام وجاي ان شاء الله بالنسبه لموضوع الشغل قرب ينتهي
ابو صقر :الله يوفقك ،يله ما اطول عليك سلم على جدتك وبنت عمك
صقر :يوصل وانت سلم على امي وخواني ...مع السلامه(طالع بجدته ابوي يسلم عليك وعلى صــ (وبدون نفس)بنت عمي،يله انا بروح اصلي
الجده :الله يسلمك ويسلمه
>>بعد الصلاه
صقر وهو جالس على السفره وياكل حلى طالع جدته:ماشاء الله عليك يمه تعرفين تسوين حلو وحركاات
الجده :ههههه والله يمه انا ماعرف لهالخرابيط
صقر:اجل الشغاله مسويتها؟
الجده:ولا الشغاله هذي مسويتها صبا هي والفتوش والكبه
صقر متعجب:اشوى فالحه بشي غير طولت اللسان يطلع منها ام لسان ونص
الجده حرام عليك ياوليدي والله صبا مافي منها طيبه وحنونه وتعرف السنع
صقر ابتسم باستهزاء:باين والله السنع يقطر منها تقطير
>>الطائــــــــــف
على الطاوله
ام صقر والدموع بعيونها الله لايغيبك ياصقر الا مثل هالغيبه
منى:اي والله اول رمضان يمر وهو مو موجود.
ابو صقر:خلاص اشفيك ياشيخه كلها ايام ويكون هنا
عبدالله بزعل متصنع :والله قهر بديت اغار منه على الاقل قدرو مشاعري لاتجرحوني اكثر من كذا
ابوصقر:اقول اترك عنك حركات المبزره وخلنا نلحق الصلاه
منى:ههههههه صادق ابوي حركات مبزره هههههه
عبدالله يقلد ضحكتها:تضحكين بليا ضروس .....المهم مارجع من الصلاه الا وهالطاوله متروووسه ok مام
ام صقر :ابشر بس لحق على الصلاه
>>بالريــــــــــاض
دنيا:يمه بنروح نصلي بالمسجد؟
سلوى:ايه بس جهزوا انفسكم
دنيا:ok بتصل على صبا لجل نتقابل
عبدالعزيز:ليه؟لايكون بتقعدون تسولفون وتتركون الصلاه؟
دنيا:لا يبه وش دعوه (اخذت التلفون ودقت الرقم)
>>بالصاله
صقر كان يطالع التلفزيون والجده كانت تتوضا دق التلفون 3مرات وبالرابعه اخذ السماعه
دنيا:آلوووه
صقر:نعم
دنيا ارتبكت:هذا مو بيت عبدالله الصقر
صقر:إيه هذا بيته وش بغيتي؟
دنيا:صبا موجوده؟
صقر :لا مو موجوده اتصلي عليها بعد شوي
دنيا :ok (وقفلت السماعه)
صقر هز راسه مو عاجبه راح يتوضا
صبا كانت بغرفتها :ياربي احس اني بنام اوف بشوف يمكن انقلع وراح لغرفته (طلت من الدرج )يمـــــــــه ......ستـــــــــــي
ستي وهي تغسل المواعين:نعم صبا
صبا:في احد بالصاله
ستي طلعت تشوف /لا مافي
صبا نزلت بسرعه قلبت بهالقنوات لقت مسلسل سوري اندمجت معه التلفون كان يدق ردت بسرعه بالسوري :اهلا وسهلا دنيا كيفك هلاء ان شاء الله رجع لك عئلك(عقلك)
دنيا:بسم الله شوي شوي علي وبعدين وين كنتي حسبي الله عليك
صبا بالسوري:هوون خيتو وين بدي روح يعني
دنيا: اتصلت قبل شوي و رد علي رجال
صبا:اكيد هيدا صئور ابن عمي
دنيا:ههههههه حلوه ذي صئوور (تحاول انها تتكلم سوري)كان بدو يطيح قلبي فكرت اني غلطانه بالرقم المهم بدك تروحي تصلين بالمسجد
صبا:يرحم امك لا تتكلمين سوووووري شوهتي اللهجه والله حرام اوووك دنيا ،،خلاص بروح حتى كنت بتصل عليك
دنيا:وليه انتي بس اللي تتكلمين سوري حتى حنا نعرف
صبا بثقه:مبين خيتو انا امي سوريه يعني شاربتها شرب حبيبت ائلبي(قلبي)
دنيا:يحق لك يله سلام
صبا:الله معك
>>بعد ثلاث ايام
الساعه 2 بالفجر
صبا كانت تتألم و حاطه يدها على بطنها
الجده:هاه إن شاءالله اللحين احسن من اول
صبا:مدري اخذت بندول ان شاء الله اكون احسن
الجده:خلاص بكره لاتداومين ارتاحي
صبا:لا تكفين الا بكره علي اختبار صحيني الساعه 8 علشان انا ودنيا بتمرنا الجوهره
الجده:ان شاءالله تصبحين على خير
الساعه 8 صحت صبا واخذت لها شاور لبست مريولها نشفت شعرها قررت تسويه جديلتين كان شكلها طفولي وكيوووت نزلت المطبخ سوت لها سندويش وعصير برتقال جلست على الطاوله تاكل
صقر كان صاحي لان عنده شغل ولازم يخلصه اخذ الكيس اللي شاريه من الصيدليه وقرر انه يغير الشاش اللي على راسه فكه وبدى يطهر الجرح اخذ القطنه والشاش:يالله هاللحين من وين لي مقص اكيد بلقى بالمطبخ طلع من غرفته ودخل للمطبخ
>>>نهاية البارات