الفصل 4
الجـــــــــــــــــزء الرابع
إيه أنا طفله مدام إن السكوت أصبح طفولة
و إلا متعوِّد ضجيجي يملأ اغـرورك شماته
يا رجل مو بالتحدي عرَّفـوا معنـى الرجولة
الرجل : شخصٍ لجل عين الوفا ترخص حياته
وعيت على صوت الاذان قمت توضيت وصليت الفجر
خلصت صلاتي ورديت عسب ارقد اذكرت شي .........القرآن
من متى ما قريت قرآن ....... الصراحة يا في وقته حاسة بضيج وخوف
ماأدري ليش .......يمكن لأني بجرب شي يديد عليه.......... ولا شي راح يصيبني
تنهدت وقمت قريت لي قرآن ........... ما أدري ليش دمعت عيني وانا يالسة اقرا
يمكن من الذنوب .............. يا ربي أحس أني امشي في طريج ما ادري وين بيوديني
حتى صلاتي مب مواظبة عليها
معني مفروض أشكر ربي ليل ونهار وخاصة أن ما في شي قاصرني
الحمدالله على كل حال
غمضت عيني بألم يمكن لان طيف أمي مر عليه ....... صكرت القرآن
ورديت فراشي بس ما وحى للنوم يلامس جفوني الا وانفجر بالصياح فجأة وبدون سبب
تذكرت نورة وزاد كرهي لها .........تنهدت باصرار وأصريت ان نهاية علاقة نورة بابوي راح تكون على ايدي
غمضت عيني ما ادري كيف ومتى بس حسيت اني غرقت في النوم
لين ما سمعت صوت ياي من بعيد صوت دق باب
فجأة فتحت عيني وسمعت صوت الباب يندق
:عليا قوووووووووووووووووووووووو وووومي
رحت فتحت الباب وانا اطالعها بعين شبه مفتوحة : شو تبين
الخدامة :ماما نورة قوووووووول يلا قومي سير دوام
صرخت بغيض : قوليلها ما يخصها ..........أسير ما اسير كيفي
صكرت الباب بغيض أكبر :ناقصة انا نورة بعد من صباح الله خير
طالعت الساعة كانت تسع ونصف ........أووووووووف الظاهر أني تاخرت............. ولا عادي
هذا أول يوم
رحت اتسبحت وتلبست وحرصت على انا مكياجي يكون هادي
رحت البس عباتي بس ما ادري ليش طرا على بالي عدساتي الخضر المحددة بعسلي رحت عسب البسهم و
لبست بعدين عبايتي الي دزاينها على الصيني
( يعني هاي نك والاكمام واسعة ونقش في الظهر )
.............................................
نزلت تحت ويلست في الصالة شوي والا الخدامة ياية ويايبة معاها ال
HOT CHOcoLATE
ذكرتني في الجامعة ..........آه كانت الصراحة أحلى ايام
رحت اشغل سيارتي عسب تحر شوية
شغلتها ويلست فيها اشرب ال هوت شوكليت
يلست اتامل سيارتي الي هي
سودةX5
هي حلوة بس أنا خاطري في رنج اليديد
بس ما تهون عليه سيارتي اغيرها
تنهدت
حالتي صعبة الصراحة
طالعة الساعة كانت عشر وربع أوووووووووف الظاهر وايد تأخرت
رحت داخل وشليت شنطتي ...............ركبت السيارة
شغلت الراديو وكانوا حاطين برنامج البث المباشر
الصراحة يكسرون خاطري وايد هالناس الي يتصلون .........يوم تسمع مشاكلهم تقول الحمدالله انك في نعمة
وتعرف قدر كل شي مهما كان صغير......
شوي والا انا واصلة عند الشركة
بركنت سيارتي وطالعت عمري في المنظرة قبل لا انزل
بس حسيت البلاشر زيادة شوي فخفيته
شليت شنطتي ونزلت من السيارة
وصلت عند باب الشركة .......... شفت الي واقف عند الباب ابتسمتله ( حليله هالهندي بشوش)
دخلت داخل واتصلت على طووول في ابوية
عليا:ألو
ناصر: هلا والله ها شو الدوام
عليا:أي دوام توني واصلة
ناصر:توج وااااااااااااصلة:......... عنبو تأخير من اول يوم
عليا:لاء بس انا قلت اول يوم يعني مافي شغل
ناصر:ليش نحن في المدرسة أول يوم مافي دراسة :......... أنزين يلا بسرعة روحي عند مكتب حميد
وهو بيدليج على مكتبج وبيعلمج على الشغل
صكرت عن ابوية ورحت الرسبشن اسأل عن مكتب حميد
دلوني على القسم الي هو فيه
رحت وأول ما دخلت القسم
شفت كذا كبينة زجاج
ما اعرف حسيته مثل متاهات
مشيت لين ما وصلت عند غرفة كبيرة مكتوب عند الباب رئيس القسم
دقيت الباب ودخلت
شفت واحد كان يالس على المكتب
رفع راسه وأطالعني
مستغرب
عليا: السلام عليكم
طالعني : وعليكم السلام
طالعته وأنا أحس نظراتي كلها خوف وتوتر
الريال: بتخبرج أنتي شو تتحرين عمرج ........ داخلة زرب هوش
فجيت عيوني وبغيت ارد عليه بس احترمت عمري وربطت لساني
بغيت اتكلم بس حسيت ما أروم: نع......نعم
الريال:تنهد تعالي تعالي
عليا:وين
الريال:بيت ابوية وين بعد تعالي يلسي
تجدمت من مكتبه.......يالله من أولها جي شلي انا ابلش عمري واشتغل عند هذا المينون
يلست على الكرسي المجابلنه
حميد:أبوج قالي تبين تشتغلين
عليا:هي بشتغل
طالعني مستغرب جنه ما توقع هالرد .........أنا بعد غبية شو يخص هالجملة الحين
حميد:أنزين ساعة كم الحين
طالعت ساعتي: 11 الا ربع
حميد : والدوام يبدأ ساعة كم
عليا: سبع ونص
حميد: يوم تعرفين ليش التأخير عيل
طالعته مرتبكه وخايفة اول مرة حد يغلط عليه وما أرد عليه بس هذا ما اروم ارد عليه
اخاف اقوله شي يجتلني ....أدريبه ما يداني الحريم
شفته يبتسم :أنزين عليا يلا قومي براويج مكتبج
راح وفتح باب كان في مكتبه بس مب نفس الباب الي دخلت منه
المهم طليت شفت المكتب جدرانه كلها زجاج
حسيت المكتب شوي معزول بمكتبه
:حميد :هذا مكتبج
ابتسم وقال: ومن بابج يدخلون الموظفين اذا بيون عندي
......... مب من الباب الي دخلتي به
هذاك دووومه مقفول بس ما ادري منو فتحه
تم يفكر شوية بعدين قال :المهم قومي براويج القسم
رحت معاه واتعرفت على القسم طلع مب مثل ما توقعته ..........ظهرت المكاتب كلها مفتوحة على بعض
بس في شي وايد استغربت منه أن في حريم في القسم .............غريبة
بعد شوي رجعت مكتبي ومعاية واحد اسمه علاء وتم يعلمني على الشغل
كنت اتريا الساعة تصير ثتين اسميه كرفت كراف
ماصدقت يوم شفت ****ب ساعتي على الثنتين ودقيقة
على طول شليت شنطتي وظهرت من المكتب ورحت الرسبشن وقعت خروج وظهرت من الشركة كلها
حسيت اني اول وحدة تظهر من الشركة
ما صدقت وصلت البيت
شفت نورة تبتسم لي : ها شو الدوام
تخطيتها وكأني ما سمعتها زقرت الخدامة وقلتلها ما ابغي اكل
رحت فوق ودخلت غرفتي ما ادري ليش دمعت عيني حسيت اني متضايجة
ما أبغي اداوم .............أوووووف يا ربي
طالعت الطاولة شفتها فاضية جني امس خليت عليها أجياسي
لحظة................... فتحت الكبت وشفتهم مرتبين في كبتي
عليا:منو الي حطاهم في الكبت أكيد مب الخدامة
ما في غيرها مربية الاطفال ............ الحنونة
نزلت تحت وانا أمشي وأحس دمي بيظهر من شرايني من كثر ما يفور
نزلت شفتها يالسة وتلعب بشعر اختي فاطمة
عليا :هي انتي
الكل أطالعني وخاصة أني كنت أصرخ
عليا: منو داخل غرفتي في غيابي
نورة:أنا
عيلا وانا أصارخ:لاء والله وليش ان شاء الله داخلة الغرفة شو عندج
نورة وحسيتها منحرجة وخاصة أن فاطمة وشهد في الصالة :لاء بس يوم شفت ثيابج بعدهم من أمس في الاجياس قلت ارتبلج اياهم
لأنج بتردين من الدوام تعبانة وما بترومين ترتبينهم
عليا:أولاَ منو سمحلج ادشين غرفتي ولا لقيتيها حجة عسب ادورين في اغلاضي
ها لقيتي شي .......... عسب تراوين ابوية .......... وتشيشينه علي
نورة:والدمعة في عينها :لاء مب قصدي
عليا صرخت: أنا ما يهمني قصدج ولا لاء.............بس ليكون صدقتي انج امنا صدق وانج ترومين تسوين الي تبينه
حسيتها نزلت راسها
عليا:يوم بتيبين عيال اتحكمي بهم على راحتج
شفتها رفعت عينها اطالعني............... وفعينها ألم وعذاب
ركضت بسرعة فوق وهي تصيح
فاطمة:بخبر بابا
عليا قلت باستهزاء :دخيلج لاء............ الله يخليج بموت من الرعبة ........ بعدين حبيبتي ما في داعي تخبرين
هي يوم بتشوفه على طول بتخبره ما بتقصر
رحت فوق وانا أنافخ من القهر :ناقص نورة عقب هاليوم الكرية بعد تزودها
كافي متحملتنها لين الحين ........... والي يبا يعيش في هالبيت يتحمل أصحااااااااااااابه
رحت أغير ثيابي واتغسل عسب اصلي
شوي والا اندق الباب ودخل أبوية مبتسم:ها حبيبي شو كان أول يوم دوام
عليا:هههههه زين
يا ييلس عندي : صدق ............... شو مرتاحة في الدوام
عيلا:لين الحين هي
جذبت على ابوية الصراحة لأن تفكيري الحين ما كان في الدوام كان في
نورة ............لاني توقعت أنها اشتكت عند أبوية واكيد هو ياي يرمسني
ناصر: هي بس أنا زعلان
عليا: ليييييييييييييييييييييييي ييييييش
ناصر: لاء والله ........... مخليني اتغذا روحي اليوم وتقولين ليش
عليا:ليش وينهم
ناصر: فطوم وشهوده يقولون متغدين قبل لا أي
ونورة تبغي تروح بيت ابوها
شقيت حلجي بالابتسامة أخيراَ حست على دمها
اخيراَ بتفارج
فتحت عيني وأنا ابتسم وقلت لأبوية بعدم تصديق:صـــــــــــــــدق
عقد ابوية حياته:هي
عليا:ومتى ........
ناصر: متى شو قصدج متى بترد
ها متى بترد؟؟؟؟؟؟ أوووووووف وانا اقول.............هاي اللزقة وين تفارج بعد
عليا: هي متى بترد
ناصر: ما ادري فليل على ال12 وشي
عليا:زيييييييييييييييين
ناصر:أوكي عيل يالله أنا الحين بسير ارقد تعبان يالله تصبحين على خير
عليا:وأنته من أهله
غمضت عيني عسب ارقد
آآآآآآآآآآآآآآآآآآآآآآآآه يا القهر تحسبتها بتروح خلاص بدون رجعه ..........لكن وين
رادة رادة ماشي مفر
غمضت عيني ورقدت
حسيت الهدوء عم المكان بس شوي
والا احس شي ثجيل على ظهري ما ادري شو هو
صديت براسي ورا والا اشووووووووووووف
ياااااااااااااااااااااااا اااهل على ظهري
أوووووووووووووووووووووووي منو هاي
سمعت صوت من وراها:لعوزيها هالغبية ...........
هذا صووووووووت
نقزت من مكاني وزين ما طيرت البنية وياي
نقزت في حضنه: عمي سلوووووووووووم
سالم:ههههههههه ريال متزوج وعندي بنت وتقوليلي سلووووووم
استحي على ويهج
عليا:ههههههههههههههههه وينك ما تنشاف
سالم :أنا ولا انتي الي ما يندرى وينج لا مرسال ولا رسالة وتلفون
عليا:عههههههههههههههههههه� �هه
عليا:عيل وين سارة
سالم: يالسة تحت عند أبوج
نزلنا تحت نسيت أخبركم عند عمي سالم هذا عمي أخو أبوية عمره حوالي 27 سنة يعني مب أكبر مني بوايد
عسب جي ما خذه راحتي وياه
صارله متزوج من سنتين من وحدة اسمها سارة وعندهم ياهل عمرها سنة ونص اسمها مها (الي كانت على ظهري )
سلمت على سارة واستلمتني هي وعمي
سارة:ها ما تنشافين
سلم:هي قبل تمر علينا الحين موووول ما تي صوبنا حتى
سارة :هي خلاص كبرت
عليا:ههههههههههههه بس كلتوني خلاص باجر الظهر بي اتغدا عندكم
سالم:هي زين بنخلي مها عندج وبنظهر نتغدى برع نحن
عليا:لاء والله انتو تظهرون وأنا ايلس ويا مها
سالم:ههههههههههههه أفا عليج أنتي بس تعالي وأنا بظهرج ........أدريبج بتموتين اذا ما ظهرتي
عليا:ان شاء الله ........... ها سارونه شو الدوام
سارة :تعب
سالم:تعب عيل استقيلي وايلسي في البيت
سارة:تبتسم:أدري ان هذا الي تباه بس لاء ما بستقيل
عليا : هي والله يا حيج تشتغلين
سالم :ليش أنتي ما تشتغلين في الشركة
عليا:هههههههههههههههه أويه نسيت أني اشتغل
سالم:ههههه أنزين ما قلتيلي شو الدوام
عليا:الحمدالله بخير
سالم :هي عيل بنوصي عليج حمود عسب لا يثجل عليج يالشغل
صرخت مرة وحدة :لاااااااااااااااء
حسيت الكل اطالعني مستغرب :لاء قصدي ما أبغي حد يوصي عليه
ما ادري كيف ظهرت هالجملة وهالتبرير................ وأكيد محد صدقه بس حسيت عمي طوفها بمزاجه
لأنه لو عرف اني أخاف من حميد بيتصل به وبيتم يتمصخر عليه وبيقوله اني أخاف منه
سالم:زين زين............ يقولون راقدة ساعة تسع امس
طالعت ابوية باستغراب
رفع أيدينه:ههههههههههههه ما يخصني انا...................... هذي فطيم قالتله
عليا:لاء والله
أهي الحين عاد عمي سلوووووم ما بيقصر بيبدا بالمصخرة عليه
سالم:هههههههههههههههههههه� �هههههههه
عليا صديت الصوب الثاني
سارة:بس سالم زعلت علايا ما بتمر علينا باجر
سالم:هههه لاء افا شو ما تمر............... باجر بطبخلها روحي
عليا:لاء دخيلك أكل طباخكم هالمعفن ولا أكلك
سالم:ههههههه وحليلج .........طباخنا خلاص سفرناه من زمان الحين ناكل من ايد سومواتي الخدامة
ناصر:ليش شو سوى
سالم اطالع سارة وابتسم: هههههههههههههههه
سارة :بس ساااااااااااااااااااااااا ااااااااااااااااالم
سالم: ترا مرت أخوك تخاف يجتلها فقالت ما يتم في البيت
سارة: هي عيل شو انت طول الوقت برع أنا روحي في البيت ............. شو عرفني ما يسووون فيني شرات هذيج البنية يا حليلها
سالم: هههههههههههههه يهبي الا هو...................... كله ولا حبيبتي
حسيت سارة انحرجت
عمي يحب يحرجها وايد بس صدقها تخاف هالايام ماشي امان
نحن عالأقل وايد يعني غير عنهم
مر الوقت بسرعة ............ راحوا عمي وحرمته
طالعت ساعتي كانت 11 الا ربع يالله نفس الوقت الي وصلت به الدوام ههههههههههه
قمت رحت فوق شغلت الكمبيوتر وفتحت المسنجر شفت وايد متصلين عسب جي صكرت وريحت عمري من هالصدعة
أبقولكم شي ما تعرفونه
ما تحسون أن تقريباَ معظم هلي يعرفون حميد
ترا حميد يتسوي ولد عمي ؟؟؟؟؟؟؟؟
انتهى البارت