وهل للحب أعمار؟ - الفصل 4 | روايتك

الجزء الرابع بعد ما انصك الباب عم السكون بالغرفة وما تحركت ولا سويت أي حركة وأنا انتظر حمد يتكلم أو يقول شي ما في لا صوت ولا حركة طالت فترة سكوته مرت الدقائق ربع ساعة....نص ساعة....ساعة لا يكون حصله شي نسيت الفكرة إللي كنت أفكر فيها حسيت بالخوف علية لفيت بسرعة أشوف إيش فيه شفت حمد جالس بعيد على الأرض وحاط راسه بين يدينه رميت الغطاء عن وجهي بسرعة وقمت من مكاني ورحت لعنده تذكرت زمان لما كانت جدتي تخاصمه يروح يجلس على الأرض وأنا أروح أراضيه جلست على ركبتي و حطيت يدي على راسه مها بخوف*حمد حبيبي إيش فيك (في لحظه نسيت انه زوجي ...و حسيت إنه رجع أخوي الصغير مره ثانية أخوي إللي محتاج لي) ما رد علي خفت عليه أكثر ليكون حصله شي مها بخوف أكثر*حمد...حمد رفعت راسه بيدي ومسكت وجهه بين يديني .........لا مو معقول حمد كان يبكي ...يبكي بصمت ...يبكي ببراءة الأطفال حسيت بالخوف علية أكثر من قبل مها بقلق*حمد إيش فيك ليه تبكي وأخير تكلم بعد ما حسيت إني بموت من الخوف حمد بتردد*مها... لا تزعلين مني مها تطمنه*أنا مو زعلانه أنت ما سويت شي يزعلني منك ليش ازعل منك...؟ حمد يناظرها بتأثر*لأني تزوجتك وأنت ما كنتي موافقه...تزوجتك غصب عنك مها بحنان*بس هذا مو ذنبك أنت سويت إللي قالوا لك عليه جدتي وأخوالك وغصبوك تتزوجني حمد *بالعكس ما أحد فيهم غصبني...هم حاولوا إني أصبر شوي لين ما أكبر وآخذ قراري ...بس أنا رفضت وأصريت إني أتزوجك الحين. حسيت بذهول مها سألته :ليه....؟؟؟!!! وبكلام متقطع من البكاء قال حمد:لأني...... أحبك...... وما أبيك...... تبعدين عني.... مها..... أنا باقي صغير ..... وأنت كبرتي..... بسرعة...... وصرتي..... حلوة ...حلاك..... يتكلم...... عنه..... كل أهل..... القرية .... في .... المرعى.... الأولاد..... يتكلمون عنك....... ويمدحون حلاك ....ويقولون...... يا بختك..... أنت ساكن....... بدار الزينة....... وكل يوم تشوفها قدامك ....بس ......خسارة أنت صغير وما تقدر تتزوجها راحت عليك...ودخلوا الافكار براسي......خفت يجي...... واحد غريب...... بيوم ......ويأخذك مني..... وتروحين بعيد....... وما أشوفك...... مره ثانية. وزادت حدة البكاء عنده حسيت بألم يقطع قلبي هذا كله شايله بقلبك يا حمد ونزلت دموعي ومن دون تردد ضميته وأنا أبكي..... حمد كأنه طفل صغير*ما راح أسمح لأحد يأخذك مني....إللي يقرب منك أذبحه مها *حمد لا تقول كذا قال بخوف:مها لا تتركيني.... لا تتركيني.... مها*مراح أتركك أبد... أبد حمد بعدم تصديق*توعديني مها*أوعدك.... بعد كذا هدا شوي ساعدته على التمدد على السرير ومسحت على شعره بيدي ألين غلب النوم عيونه بعد ما نام جلست أفكر أنا كنت أبي أموت من القهر بسبب زواجي وحمد كان خائف أني أبعد عنه ألحين فهمت ليه أصر يروح عند أخواله راح عشان يقنعهم يجون معاه يخطبوني له قبل كانت أفكاره صغيرة وما يفكر بهذي الأمور بس بعد كلامه هذا بين انه يفكر ويخطط وأفكاره تمتد لبعيد جلست أناظر بوجهه وهو نايم (والله إنك صغير على تحمل المسؤولية.....صغير إنك تكون زوج .....صغير علي أنا) كان فيه فراش إضافي بالغرفة فرشت الأرض ونمت...... مها *يووووووووه....ليه الإزعاج أبي اناااااام زاد الطق على الباب فتحت عيوني شوي وأنا مستغربة إيش إللي نيمني على الأرض بعد شوي تذكرت أمس زواجي رجعت لي الذاكرة شوي ...شوي ومازال الباب يطرق أكيد هذي جدتي قمت بسرعة غيرت ملابسي وفتحت الباب أمي*صباحك مبارك يا عروس ضمتني وسلمت علي مها مكبرة عيونها من المفاجأة*هلا يمه الله يبارك بعمرك أمي*يا لله يا بنتي غيري ملابسك وتعالي جو الحريم عشان يفطرونك ويباركون لك وصحي حمد. مها تتثاوب*طيب يمه الحين أصحيه وأجي. سكرت الباب ورحت يم حمد ومثل الأيام العادية جلست على حافة السرير على شان أصحيه مها*حمد...حمد يا لله قوم فتح عيونه اللي باقي متورمة من البكاء وابتسم ببراءة حمد*صباح الخير مها*صباح النور يا لله أمي تقول الفطور جاهز والحريم ينتظروني حمد*تأكلين معي ؟؟ مها*لا باكل معهن حمد بكل دلع قال*خلاص أنا ما أبي فطور أبي أنام مها*حمد عن الدلع ويالله قوم أفطر حمد*ما أبي....أبي أنام مها*إذا ما قمت تاكل ما راح أكلمك أبد وجلست أمشط شعري وأنا مسوية زعلانه وهو ينادي علي... حمد:مهـــــــــــــا..... وينادي وأنا ما أرد عليه.... حمد*مها...... مها..........* قام من على السرير وجاء وقف عندي حمد*مها....يالله عاد ردي علي.... ناظرت فيه من فوق لتحت ببرود وما رديت ورجعت أكمل زينتي..... حمد*خلاص مها ...بروح آكل... ضحكت والتفت له: طيب يا لله غير ملابسك عشان نطلع سوا حمد مبتسم*طيب الحين البس انتظرت حمد يخلص وأنا على السرير جالسة انتظره بعد ما انتهى جاء لعندي ومد يده ضحكت ومديت يدي ووقفت.... (كان حمد بنفس طولي تقريبا أو أطول شوي مع إنه صغير) مشينا سوا بعدين تفرقنا أنا رحت لعند الحريم وهو راح للمجلس بعد الفطور راحوا الحريم وأنا جلست مع جدتي وخالات حمد بعد شوي قالت حليمة(خاله حمد): *مها.....روحي اجلسي مع زوجك وبكل برود قلت*ليه.....وين اخواله ؟! كلهم رحوا يتمشوا وهو جالس لوحده بالحوش روحي ونسيه ولا خليه يدخل مافي أحد غريب مها بدون نفس*طيب لقيته جالس علي جدار الحوش مشيت للمكان إللي جالس فيه وقفت بجنبه التفت لي وقال:هلا مها مها تبتسم*هلا فيك كان ماسك وردة بيضاء بيده ومد يده بالوردة لي اخذتها وابتسمت له مها*شكرا حمد*العفو سكت شوي بعدين قال*انا أحب الورود لأنها جميلة و ريحتها حلوه ومنظرها يسر الخاطر وتخلي للحياة طعم ثاني مها تضحك*انت خبير بالورود حمد*ههههههههههه مو لذي الدرجة....بس تعرفين مها اتمنى اني ادرس واعرف كل شي عن الورود لاني احب الطبيعة مها*بس هنا مافي مدارس حمد*اعرف ....لما رحت عند أخوالي عيالهم كلهم يدرسون يعرفون يكتبون ويقرون حسيت وانا معهم بالقهر وتمنيت إني أكون متعلم مثلهم ما رديت عليه وقعدت أفكر حمد باقي صغير ويقدر يلحق على عمرة ويدرس وخطرت ببالي فكرة.... حمد*مها....مها.... مها*هاه.... حمد*ايش فيك ماتردين ؟؟ أنا قاعد أسالك... مها*عن ايش ؟!..... حمد*ليه جيتي لعندي ما جلستي مع أمي والحريم مها*ما في أحد كلهم راحوا تبي تدخل حمد*إيه أبي أدخل دخلنا وجلسنا مع جدتي وخالاته نسولف خذتنا السواليف والضحك وتعرفت أكثر على خالاته خالاته خمسة واخواله ثلاثة وكلهم متزوجين بعد العشا رحنا ننام ومثل الليلة إللي قبلها هو على السرير وانا على الارض بعد أسبوع راحوا كل أخواله ما بقي إلا خاله سعود وزوجتة وعيالهم الثلاثة سعود كان رجال طيب وحبوب ومن تصرفاته حسيت غنه متعلق في حمد كثير ويحاول يسعده بأي طريقة كانوا يروحن يتمشون ويجلسون وياكلون سوا ما يفرق بينهم إلا النوم سعود أصغر واحد بإخوانه وهو بنفس عمري وزوجته أصغر منه بثلاث سنين وتنحب من القلب مره طيبه ارتحت لها كثير اسمها (خلود) خلود دخلت المدرسة وتعلمت لين خلصت الجامعة وجلست بالبيت عشان زوجها نشأت بينا صداقه وتطورت لين صرنا مثل الاخوات عرضت على انها تعلمني القراءة والكتابة بس من غير محد يدري وفعلا بدينا الدروس كنا نجلس سوا وأي احد يشوفنا يقول انا نسولف ما يدرون انها المعلمة وانا التلميذة جلسوا عندنا سعود وزوجته لمده شهر ونص تقريبا انا وحمد على نفس الحال ننام بغرفة وحدة مثل الاخوان ونصحا الصبح كل وحد يروح في حاله اجازة سعود قربت تنتهي ولازم يرجعون الرياض قمت اعرف قليل من القراءة والكتابة ووعدتني خلود انها ترسل لي كتب عشان اقرها حتى ما انسى القراءة رجعت افكر في موضوع حمد انه يدرس وقررت اني اكلمه يروح مع سعود عشان يتعلم وفي يوم بالليل وأنا بالغرفة أمشط شعري وهو جالس على السرير سالت حمد:حمد حمد*هلا مها*انت باقي تفكر انك تتعلم ؟؟ حمد*إيه والله الفكرة باقي براسي مها*طيب ليه ماتروح مع خالك وتسجل بالمدرسة ؟؟ نط بسرعة من السرير وقال:والله فكرة حلوة سكت شوي كانه يفكر بعدين قال*وأخليك لوحدك لا ما أقدر مستحيل..... مها*بس انا مو لوحدي امي معي وانت راح تزورنا كل ما قدرت... حمد باصرار*لا ما أبي أروح ما ابي.... مها*حمد لاتخليني أزعل منك وكانة نسي اني زوجته قال:بس أنا ما أبي ابعد عنك اخاف اروح وأرجع ما ألاقيك... مها تبتسم*حمد نسيت اني زوجتك وببلاهة وهو فاتح فمه: هااااه...... شكله كان يموت من الضحك مها*ههههههههههههههههههههه� �هههه بعد شوي وكانه استوعب يستوعب الموضوع قام يضحك* هههههههههههههههههههههه ضحكنا سوا وبعدين سال بتردد*م.....مها مها*هلا حمد*ابي اسالك عن شي مها*خير ؟؟ حمد*أنا زوجك صح مها*إيه حمد*طيب .....ليه......ليه... مها*حمد ايش فيك حمد*لا خلاص مافي شي مها*لا عادي قول...قول قال وبسرعة *اصحابي يقولون متى تصير ابو ؟؟ ضحكت شوي مافهمت قصده وبعد ما استوعبت الموضوع حسيت بالاحراج قمت لفراشي وتلحفت حمد*مها.....مها مها من تحت الحاف*خير ؟؟ حمد*الخير بوجهك ليه ما تردين علي ؟؟ رديت بعصبية: أبي أنام وأنت لازم تنام بكرة ورنا قومه من الصبح... مارد علي سمعت حركته على الفراش شوي عم السكون الغرفة وأنا أفكر في أصحابه إللي يحاولون يخربون علي الهدوء والراحة إللي أنا فيها ويحاولون يفهمونه إنا ما عدنا إخوان... في اليوم الثاني صحيت قبل حمد خرجت من الغرفة البيت هادي مبين مافي أحد صاحي خرجت للحوش ومشيت إلين عند حديقة الورد إللي مسويها حمد جلست أتفرج على شكل الورد وأخذتني الأفكار ........*مها....انتي هنا فزيت بخوف كان حمد ما سمعت صوت خطواته مها وهي تتنهد*صحيت وكنتوا كلكم نايمين وخرجت أمشي بالحوش شوي... حمد*طيب أنا جوعان أبي آكل مها وقفت*ألحين أسوي الفطور ضحك بمكر وقال :بس لا تتأخرين خلينا ناكل لوحدنا... ضحكت وقالت:طيب باسرع وقت (من يوم زوجنا واحنا ما أكلنا مع بعض هو ياكل مع خاله وأنا مع الحريم) خلصت الفطور شلت الصينية ورحت لعنده بالحوش كان جالس ينتظرني حطيت الصينية وجلست أول ماجلست قال:نسيت أقولك صباح الخير ومد يده بوردة... ثم قال: بس بأقولك صباح الورد يا أحلى مها بدنيا مها*ربي يحلي أيامك... بعد ما أكلنا وخلصنا وقفت علشان أشيل الصينية حمد*وين رايحه ؟؟ مها*بودي الصينية المطبخ حمد*خليها أبيك بسالفة..... جلست مرة ثانية*خير ايش فيه حمد*سلامتك بكلمك عن الدراسة مها*أي دراسة ؟؟؟ (وانا نسيت موضوع الدراسة اصلاَ) حمد يكمل*قررت أروح مع خالي الرياض وأدرس هناك... وبفرح قلت:أخيراً اقتنعت حمد*تبين الفكه مني هاه ؟؟ مها*لا والله بس أبي مصلحتك حمد يبتسم*أنا عارف عشان كذا قررت أروح مع خالي مها بفرح*الله يوفقك حمد*بس يكون بعلمك بروح اخلص الدراسة وأرجع بسرعة مها*ترجع بالسلامة ان شا الله.... بعد كذا وديت الصينية للمطبخ ورجعت جلست معاه الين صحوا الباقين...... يتبع..... Like