الفصل 3
الجــــــــــــزء الثــــــــالث
الفصـــــــــــــل الأول
مضت اسبوعين على غرام ولا احلى منهامع امير ماتدري ان لماي تجري من تحتها امير حبه
لسهى يكبر يوم عن يوم وقرر انه يكلم ابوه بالموضوع اللحين بتبتدي الحرب البارده....
لولوه تحاول انها تتكيف مع وضعها لجديد
طلال الي حيران مع لبنت الي صادفها بالمطار شاغله فكره من تكون
هناء قررة انها تروح بيت ابوها تشوف كيف اوضاع غرام
الرياض..بالشريكة بوجاسم
امير جالس بمكتبه بشريكتهم و دخل عليه خاله طلال الي من جامن السفر توه يطلع من لبيت كان
شارد يفكر كيف يفتح لموضوع مع ابوه وخصوصا الأتفاق حان وقته
امير:هلا طلال متى جيت من السفر
طلال:صارلي اسبوعين من وصلت
امير:اسموحه انشغلة
طلال:اهم شي انشغالك بغرام خبرني كيف وضعكم لساتكم هيك والا تغير لوضع
امير:ماني قادر اقرب عليها
طلال:لساتها لبنت شاغله فكرك لي شفتها بالدوحه
امير:ولا غابة عني لحظه
طلال:ابي جواب منك كيف وافقة على الزواج والي اعرفه ان راسك يابس
امير:اقتنعت..امير خبى عن طلال السبب الحقيقي
الشرقيه..الدمام
بالشركه الثاني بالفرع الي بالدمام خالد يحب يجلس يلعب رمي الأسهم على لوحه تحت دخل ماجد
يحب كعاته انه يسوي ازعاج بدخلته الشريكه ركب سياره من لمعروضه وبدىيزمر خالد انزعج
هذا وقت راحته طلع من لمكتب وهو معصب
خالد:مين هذا الي يزمر ياصالح
صالح:هذا استاذ..خالد مشى ما سمع شو بيقول صالح
خالد:ماجد هذا مكان شغل مو مدينة آللعاب
ماجد وهو ينزل من السياره و ياخذ شماغ معاه
خالد:اتبعني المكتب
الرياض..بالشريكة بوجاسم
امير:يبالوعد متى
بوجاسم:الاثنين نملك
امير قام من لكرسي وباس راس ابوه ويده:مشكور يبا
بوجاسم:هذا وفيت...
وداربوجهه يذكر يوم يقنع امير انه يتزوج من غرام عشان ابوهامغير
رايه على لمشروع لان بومشاري رفض وكان قناعه صعب
امير:انابدي لبنت الي خبرتك عنها
بوجاسم:انت تزوج غرام الساع وبعد اقل من شهرين ازوجك الي تبيها
امير:شنو الضمان
بوجاسم:بدون اي ضمان
رجع للواقع واقع ان لبنت الي بياخذهاامير بنت اعز صديق لبو جاسم امير وقف وراح وباس مره
ثاني راس ابوه
امير:الله يخليك لي ولاانحرم من ابداعك
بوجاسم:انت ياامير الي مااقدر اني ارفض لك
بفلة بوجاسم
غرام هالأيام بدت ترجع للخياطه طرز بالأقمشه تحس بالفراق الي اتركه امير لهاامير تبدل مو
امير الي عيشها من شهرين احلى بنت تعيشه دخلت عليها هناء الي تبي تطمن و طمن بالها
هناء:تزوجتي ولخياطه وراك وراك
غرام:امير مو فاضي لي قلت نكمل لمفرش
هناء:انتي مرتاحه مع امير
غرام من جاطاري امير نزلت راسه:امير طلع شي ثاني مو امير الي كان بداية زواجنا
امير بعد مازف لخبر لسهى ان الاثنين تجهز نفسها للملكه والسفر في نفس اليوم..رد لبيت
تعبان عوار رجله مو تاركه يحس ان رجله بأي لحظه تنقطع صعد الدرج بعد ماطلب ابوه منه ان
ينادي على هناء من يم غرام الا هناء طالعه من الغرفه...
امير:ابوي يبيك تحت
هناء:ان شاءالله..وانت علامك
امير:تعبان بس روحي انتي لا يعصب ابوي عليك
مشت هناء وامير دخل لغرفه..غرام جالسه تلم عدة لخياطه وهو رمه نفسه على الكرسي
الطويل انسدح..غرام لتفتت بخوف لان رميت امير لنفسه مو طبيعيه
غرام:امير شفيك حبيبي
امير وهو حاط ايده على رجله:عوار فضيع ماني قادر عليه
غرام اجلست على اركبها بالارض وتحط ايدها على رجله..امير وهو يبعد ايده
غرام:خلني اشوفها رجلك مو طبيعيه
امير:انتي هدمتي حياتي بعدي عني
وكزها وطاحت بالأرض غرام ايدها عورتها مسكتها وراحت عنه
تحت مكان بوجاسم طالب هناء
بوجاسم:هاشقلتي
هناء:عاد المانيا مالقيت الا المانيا ماظن مشاري يوافق
بوجاسم:هذي فرصة عمركم ان تبتدون مشروع حياتكم انتي وهو ترى فرصه ولفرصه ماتتكرر
هناء:انا بخبره ويصير خير
بوجاسم طلع من مخبه ثوبه بطاقتين سفر حذفهم على اطاوله
بوجاسم:اخذيهم
هناء:لمن يوافق
بوجاسم:بيوافق
خذتهم هناء واستأذنت من ابوها بوجاسم كان يخطط لبعيد يبي يبعد بنته عن جوا لبيت فتره مايبيها
تتم بوسط الأحداث الي بتصير مايبي تعتفس حياتها ويخسرها مثل ماخسر بنته مرام
نرجع لغرام غرام ماأستسلمت ولا هزها كلام امير بالعكس جابت طشت فيه ماي دافي وفيه ملح
اشوي حطتهم على الارض وارفعت يد امير من على راسه ومسكتها اهو تلها رفض انه يقوم بس
ماأستسلمت راحت صواب ارجوله وارفعتهم ونزلتهم على الارض وبهالطريقه اطرانه يجلس
امير:انتي شتسوين
غرام حطة رجله بالماي ادافئ وجلست تدلك فيهم في الماي اهو استانس من داخله ان يبي يذلها
بأي طريقه يبي يفهمها ان اهي ولكنبه واحد عكس اهي شو لمراه لعظيمه انها تبي رضى زوجها
بأي طريقه
بالبنك
لولوه الي بدة اداوم بالبنك مديرة بنك خلص الدوام واهي تمشي بالممرات اسمعت لموظفين
يتكلمون بالمكتب
البنت الي جالسه بالمكتب اليمين:اي يقلون مارجع من السفره الاء وزوجته معاه
البنت الي جالسه بالمكتب اليسار:تتوقعين سمع عنها شي
البنت الي جالسه بالمكتب اليمين:يمكن عرف عنها شي والاء خطوبه دامت سنه ونص تنفك بين
يوم وليله
البنت الي جالسه بالمكتب اليسار:الله يستر علينا
تسمعهم وادموعها سابكه على وجهها عدلة شيلتها وحطت لثامه عليها وطلعت بره البنك شافت
سيارة السواق والوليد معاه
لولوه:انت متى بترجع تسوق تراك تحرجني كأني عامله شي انت من رجعت من السفر وانت
مو طبيعي
الوليد:هذا جزاي اني بونسك بطريق بس انتي مو كفوا ان لواحد يجيك
بفلة بوجاسم
امير بعد ماارتاح من تنقيع رجله دخل لتواليت فتح لماي لمغسله بيكلم سهى مايبقى غرام تسمع
رن لجوال قبل ماتبدى نغمةه بس ضوء لجوال سهى ناثره شعرها على لمخده شافت اسم لمتصل
رفعته بصوت عذب:اشتقت لك
امير بصوت شبيه لنغمة النسيم الهادى:قلبي..روحي..اشتقت لنفاسك لعذبه متى يصبح
بكره لتكوني ملكي قلبي يعورني
سهى انزلت دمعه حاره احرقة لهيب الشوق كله :منين يعورك
امير الي ذايب في الهوا نسى وجود غرام نسى انها زوجته:يعورني من بعدك حرقني لهيب
الانتظار
سهى الي نست انها تحترم اصداقه نست ان في انسانه حبت امير:هههههههههه كلها12ساعه
وبتبتدي حياتنا الجديده
امير:نامي زين ابيك بكره تكوني بياض الثلج الصافي
سهى:امير
امير:اعيونه
سهى:احبك
امير:وانا احبك ياسهى
طال انتظار غرام لأمير خافت ان صاير له شي متدري انه قرقان في العسل اطرقة لباب بعد
رابع ضربه فتح لباب
غرام لمعت عينها واهي تكلمه:امير انت ابخير حبيبي
امير ياليت بنفس اليوم الي اوقع على ورقة زواجي من سهى اوقع اورقة طلاقك ماني قادر
استحملك بحياتي انتي مثل لحيه الي تلف على رقبة وتخنقه
غرام ملت سكوت امير اضربة اصابيعها فوقته من الي اهو فيه
امير طلع من لتواليت لف نفسه صار وراء غرام حط ادينه على بطنها وحط دقنه على كتفها خل
قلب غرام يدق وادم يتصاعد بهمس هدوء يشبه همس النسيم لزهور:بشتاقلك وانا ابعيد عنك انا
اشتاقلك وانا اقريب يمك شلون اذا بعت
غرام حطة ايدها على خده:وانا شلون بيجيلي النوم وانت ابعيد عني شلون بخاوي الليل وانت
مو جنبي
بفلة بومشاري
الجازي:عمي كيف كانت السفره
طلال:اسفره حلوه لاني مفارق وجهك الي يجيب النكد
الجازي:مين يحصله انه كل يوم يشوف وجهي الحسن الي يسر لقلب
طلال ينرفزها:تصدقين ان قبل ماادخل بيتكم وقفني راعي لزباله طالب لقرب منك
الجازي تنرفزة دايما تقول ان الي بياخذني ماينام الليل من التفكير فيني
وقامت وشدة شعر طلال بقوه وهم طلال شد شعرها واهي عشان تتخلص منه عضته في الساع
وطلال المته بس ماتركها وطاحوا على الارض بس دخلت بومشاري خلتهم يتركون بعض
بومشاري:انتوا شنوا ابزور مانفطمتم من حليب امكم
الجازي واهي تعدل شعرها لانه صار كشه:يبا انا يقولي طلبك مني راعي لزباله انا بنت فهد
الغامدي هذا قدري عند اخوك
طلال الي ميت ضحك:الاء شتقول اخوي مو احسن
بومشاري وهو يحط ايده على كتف الجازي:هذي آخر لعنقود هذي الي بيطلبها..بيطلبها بمهر
غالي..هذي مو اي احد بياخذها
طلال:اااووووووه..من متى الغلا كله
الجازي واهي تمد لسانها لعمهاتحره..بس طلال شد بلوزتها وسحبها لعنده وايده حوطها على
رقبتها
طلال:هذي محد بياخذها..هذي الي بياخذها بيكون اجل قريب
ام مشاري:سمله على بنتي فال الله ولا فالك بنتي حضها قوي وبيكون من احسن الشباب
طلال:هاااااااا مرة اخوي وانا كيف بيكون حظي
ام مشاري:حظك بيكون ولا اروع منه بس انت استعجل بسالفة الزواج
عند هناء ومشاري
هناء:هااااااااا شقوله ابوي
مشاري وهو يجلس يمها على السرير:مثل ماقال فرصه وماتتعوض
هناء واهي تمسك ايده:مشاري حبيبي انا ودي ان نكون حياتنا لحالنا مانبي نعتمد على فلوس
ابوي او ابوك..الله يخليك لا ترفض
مشاري الي يغرق اذا طالع بهناء واهي تترجاه:اموافق..وفرصه ان نثبت وجودنا
هناء احضنت مشاري:مشكور حبيبي
مشاري وهو يبوس راسها:انا اموت بهواك..مااقدر اقاوم جمالك
هناء احرة خدودها واهي بحضن مشاري:مشششششششششاري
مشاري:عمر مشاري
هناء:احبك واهواك
مشاري:وانا اموت مليون مره بهواك
الشرقيه..الدمام..بفلة بوخالد
خالد جالس بغرفته وناثر اصوره اهو ومرام..يطالع فيهم اول صوره يوم خطبها طلبها منها
يبكي تذر حياته كيف بتكون بعد مايتزوجون..مر شريط عليه يوم عرف ان في المستشفى
صار لها حادث وخصوصا كان الحادث في اسبوع زواجهم كيف هرع للمستشفى اول ماعرف
بالخبر جن ماعرف كيف وصل وفتح باب المستشفى بدى يركض شاف ابوها واخوانها يبكون
راح مسرع لهم
خالد:عمي شلي صار لمرام
بوجاسم:ولدي خالد مرام مرام حالتها ميئوس منها
خالد ادموعه على خده مو مصدق يبي يكون هذا حلم مو حقيقه راح لجاسم الي جالس على
الكرسي:جاسم كيف صار معاها لحادث
جاسم وهو يبكي ولكليمات تطلع منه بالقصب:الي نقلوها يقلون انها شافت سياره تسرع ولد
بوسط الشارع بياخذ لعبته سرعة للولد لتنقذه وصار الي صار
خالد الي شاف الدكتور طالع من غرفة العمليات سرع له مسكه من ادينه بكل رجاء ان ماينطق
كلمة خلاص مافيه امل
الدكتور:انا مااحب اني انقل الاخبار..بس بنتكم تعطيكم الرحمه
خالد الي صرخ خل لمستشفى يوصل صوته بكل ممراته:لالالالالالالالالا انت تكذب موصحيح
اطلعوا ممرضات واهم يجرون سرير فيه بنت مغطاه بالبشار الابيض وقفهم رفع البشار جلس
على الارض بكى
خالد:مرام انا ماكنت اقولك كلمة احبك دايما كنت استحي..كانت لكلمه بطرف لساني بس
لساني يعجز عن ان ينطقها..سامحيني يالغاليه كنت مقصر في حقك سامحيني..سامحيني
رجع خالد رمى نفسه على الاصور الي على السرير في قلبه كره لمشاعل محملها هي
المسؤله:مشاعل انا اكرهك انتي السبب الي حرمتيني من مرام خليتها تكره الدنيا على شانك
عشان انتي تعيشين واهي تموت
الرياض..بفلة بوجاسم
ادخلت مشاعل غرفة اختها مرام من ماتت ومافيه احد يدخل فيها خذة صورة اختها الي على
التسريحه ضمتها لصدرها اهي عكس خالد اهي تموت عليه..تعبد الارض الي يمشي عليها
مشاعل:مرام ليه ضحيتي اليه عطتيني قلبك ليه ماخليتيني اعاني بتعب قلبي..ليه عطيتيني
قلب ينبض..يهوي..يعشق..يذوب..في حب خالد
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 11-07-13, 10:44 AM