الفصل 4
الفصل 4
.
💫
.
.
حصه ضحكت : بقي في آلبيت ترا.
ميرال ضحكت على هبال حصه .
ميعاد : يلا حنا بنرجع.
ميرال : وانا بعد.
حصه : صبر ياحلوه وش اسمك؟.
ميرال لفت : ميرال.
حصه بخقه : الله الله جميله واسمها يجنن الله.
ميعاد ضحكت : هبله وربي امشي فشلتينا.
ومشوا لطاولتهم.
حصه : عبد العزيز البنت الي مدحت صوتك تدوخخ.
عبد العزيز طلع عيونه بصدمه : يابنت شوضعك؟
حصه : والله والله انا بنت وخقيت عليها يمهه ماشاءالله كيوتهههه.
ميعاد ضحكت : هبلههه وربي وين مشعل؟
عبد العزيز : بالـسـيآره مع البنات وانا دفعت الحساب وانتظركم.
حصه : يلا بحكيك عن المليحه.
وميرال واللي معاها رجعوا البيت.
.
بالليل الساعه١٢.
ميرال قامت مو جايها نوم شافت شهد تشوف فيلم.
شهد : وش عندك قايمه؟
ميرال : ما جاني نوم.
شهد : تعالي قولي لي شصار معك.
ميرال : الحمدلله تمام بس تدرين.
شهد : وش؟.
ميرال : شفت اخوات المشهور الزبده اسمه عبد العزيز وأخواته وحده اسمها ميعاد وأخذت حسابي الصغيره.
شهد : ول ول متى صار كل ذَا؟.
ميرال ضحكت : لما رحت الحمام.
شهد : ماشاءالله عليك من غير ماادري.
ميرال : لا والله بالصدفه.
.
ببيت ابو سلطان الساعه ١٢.
البيت كان هادي والصاله كان حصه تحكي لعبد العزيز وميعاد ماسكه كتاب وتقرأ وتناظر فيهم.
حصه : بروح اجيب قهوه .
عبد العزيز : اوك .
اخذ جوالها ودخل الانستا كان يدور حساب ميرال.
ماحس الا بميعاد تسحب الجوال من ايده.
ميعاد : ماهقيتك كذا ياعبد العزيز تطيع امر ابليس على طول.
عبد العزيز : انـ..
ميعاد قاطعته : عبد العزيز من متى حنا نمشي على علاقات مُحرمه بعدين انتِ مُـربي اجيال وامي وابوي ماعلمونا كذا لو من جد تبي تتعرف على البنت من البيت.
عبد العزيز : بس.
ميعاد : عبد العزيز انا مو اختك الكبيره بس انا اختك اللي بتكون حريصه انك ماتوقع في الغلط انتِ رجال وانا افتخر فيك لو انك تبي بنت الناس انا بكلمها واخطبها وتعرف عليها بالطريقه التقليدية.
حصه دخلت : شفيكم.
ميعاد ابتسمت : ولا شي بس كنت اوري عبد العزيز سناباتك الهبله.
حصه : اننن،جبت القهوه انا.
عبد العزيز : انا بطلع ارتاح وانتوا تقهوو.
عبد العزيز ، حملت نفسي من الصاله وانا مستصغر نفسي على الشي اللي كنت بسويه كيف انا رجال طول بعرض بصك الأربعين وأفكر هالتفكير الحمدلله انه ميعاد موجوده يارب سامحني ماكنت اقصد ، لحظه لحظه في شي انا استغربته دايم امـي تحكـي لي عن البنات بس ماقد انجذبت وتحمست لهدرجه معقول تطلع نفس زوجتي اللي ببالي لازم اكلم امي واتعرف عليها بس باين عليها بنت ناس من اسلوبها يا الله ان ترزقني الخيرة في الموضوع ذَا وتعفو عني وتسامحني.
البنات.
حصه : وش صار معكم؟
ميعاد : قلت لك .
حصه : طيب غيري القناه.
ميعاد : خذي الجهاز اصلاً مو جالسه اشوف شي.
حصه : اوك .
.
حور وسلطان.
حور كانت منسدحه وبنتها نايمه جنبها.
سلطان ابتسم عليهم وانسدح جنبها : كيفها حبيبتي؟
حور : الحمدلله بشر شصار؟.
سلطان : ماصار شي شغل نفس دائماً
حور : طيب شفيك تكلمني كذا؟
سلطان : ليهه كيف كلمتك؟
حور : سلطان؟.
سلطان ابتسم : هاه وش؟
حور : خلاص ولا شي ممكن تقرب بحط راسي بحضنك.
سلطان : طيب.
وقرب لها وحطت راسها بحضنه : ممكن تلعب بشعري؟
سلطان : ابشري كم عندي حور .
وصار يلعب بشعرها وهي مغمضه عيونها وتفكر.
.
بيوم جديد الفجر.
مشعل قام من النوم الفجر وناظر جواله كل ابوه اتصالات رد بصوته كله نوم.
مشعل : خير،، يارب ،، عبد الرحمن وش تبي مني؟ ،، ليه تحسب السالفه بكيفك؟ ،، انا قلت لك ،، ماتدخل في مواضيع كذا ،، سوي اللي بتسويه .
قفل وهو يتأفف : الله يأخذكم كلكم.
وحط راْسه ورجع نام.
عبد العزيز نزل وهو مبتسم شاف امه وابوه يفطرون وواضح على وجه امه الضيق.
عبد العزيز : يمهه وش فيك؟
ام سلطان رفعت نظرها لميعاد اللي تاكل بهدوء .
عبد العزيز بصوت اعلى : يمههه .
ام سلطان لفت بشرود : هلا هاه يمه؟
عبد العزيز : وش فيك ضايقه.
ام سلطان : لا مافيني شي.
ابو سلطان ناظر فيها : يلا انا طالع.
عبد العزيز : صبر يبه بجي معك.
ابو سلطان : هيا.
طلعوا وعند الباب.
عبد العزيز : يبهه وش فيها امي.
ابو سلطان : طبيعي بيجونها حريم وتفكر وش تحط اكل.
عبد العزيز : بس.
ابوسلطان: يلا لا تتأخر عن المدرسه.
عبد العزيز : طيب فمان الله.
.
عند ميرال ناظرت نفسها بالمرايه وابتسمت على شكلها كانت لابسه شوال كامل لون اسود ولابسه فوقه جاكيت جنز ونفس كعبها الاسود وإكسسوارات خفيفه مرا فضيع وشعرها رفعته ذيل حصان وحاطه روج بدرجات الموف.
شهد: ميرال ترا اليوم اخر يوم برجع بيتنا انا.
ميرال : لا تقولينها
شهد : اي والله خلاص مرا زودتها لازم ارجع وانتِ تزوريني واجيك وكذا.
ميرال : خلاص تمام.
شهد ابتسمت : انتبهي لنفسك ولا تشيلي هم ترا الدوام جميل.
ميرال ابتسمت : ماعليك.
شهد رفعت راسها وهمست : تبكين؟
ميرال لفت للجهه الثانيه وهي تمسح دموعها : لا يلا بطلع تأخرت على الدوام .
شهد لفت وجلست.
ميرال ؛ طلعت من الغرفه وانا ضايقه فيني احس شهد غيرت حياتي لما دخلتها بعد ابوي الله يرحمه اخخ ياابوي اشتقت له حيلل.
بعد مرور الوقت.
بالمدرسه طلعت جوالها وفتحت الانستا وشافت كلام حصه ومعه رقمها ابتسمت واضافت الرقم وارسلت لها واتس.
.
بيت ام سلطان.
كانوا يرتبون وام سلطان جالسه وتشوف الشغالات وهم يرتبون وسرحت.
ميعاد جات لها تشاورها وش تلبس : يمهه وش رايك ذَا ولا ذَا؟.
ام سلطان ماحركت ساكن.
ميعاد مسكت يدها : يمهه؟.
ام سلطان بفزه : هاه هلا يمه هلا؟
ميعاد ابتسمت : يمهه فيك شي علميني؟
ام سلطان ابتسمت : لا ياعين امك مافي شي وش فيك؟
ميعاد : وش أحلى؟
ام سلطان : العودي استر.
ميعاد : اوك .
وطلعت لغرفتها ام سلطان استغفرت وهي تمسح وجها وطلعت لغرفتها.
رفعت جوالها واتصلت على اختها جواهر اللي تكلم عنها عبد العزيز بالبارت الثالث.
ام سلطان : السلام عليكم.
جواهر : الله يحيئ هالصوت وعليكم السلام ورحمه.
ام سلطان : كيفك ياحبيبتي؟.
جواهر : الحمدلله بخير وانتِ شفيه صوتك ؟.
ام سلطان : اخخ ياجواهر مالي غيرك افضفض له والله انه مثل الجبل على قلبي.
جواهر :
بالصاله .
كانت حور جالسه وتلعب مع بنتها هيون.
ميعاد : حور شفتي امي؟
حور : عمتي طلعت لغرفتها روحي لها.
ميعاد : اوك شكراً .
وطلعت متجهه لغرفة امها.
بغرفه ام سلطان.
وهي تكلم .
جواهر : خير يافاطمة وش صاير ماعرفتك وانتِ كذا ومتضايقه وضايقه فيك وماعندك احد وين ميعاد وَعَبَد العزيز وأبوهم عنك؟
ام سلطان : ابوهم يدري بس هم ماقدر أبلغهم.
جواهر : بديت اخاف انا تكلمي هيا.
ام سلطان : عبد الرحمن تقدم لميعاد ومابغا نرفضه وتصير مشكله وبنفس الوقت انا خايفه انه ميعاد لو استخارت ترتاح وتوافق مابغا بنتي تعاني .
جواهر : عبد الرحمن وش زينه .
ام سلطان : يابنتي توهه طالع من السجن ومطلق لانه ضرب حرمته وش تبين اكثر لا ومو مطلق الا خالعته.
جواهر : امكن اهتدى.
أم سلطان : ياجواهر ياجواهر وش اقول انا واش تقولين انتِ الله يهداك.
جواهر : اسمعي مني وانا اختك خلي كل شي يمر على خير ولو بنتك ارتاحت توكلي على الله في النهايه ومايصيبكم الا ماكتب الله لكم.
ام سلطان : زين حبيبتي مع السلامه.
جواهر : استودعتك الله .
وقفلت وهي تناظر لميعاد اللي دخلت.
ميعاد : يمهه وش فيه عبد الرحمن.
ام سلطان : اليوم الربكه ذَا كلها عشان جايين يتكلمون فيك.
ميعاد ناظرت امها : طيب لحد الان مافهمتك وش فيك كذا ضايقه وحالك ماهو زين.
أم سلطان تنهدت : الله يكتب اللي فيه الخير بس روحي تجهزي.
ميعاد : طيب بروح بس لا تنسين بتعلميني.
وطلعت وقفلت الباب وامها تتأملها.
بعد مرور الوقت المغرب بيت ابو سلطان.
البنات كلهم تزينوا.
حصه ماسكه جوالها وشافت رساله ميرال : ياعمري
وفتحت ترد عليها وصارت تهرج معاها.
ميعاد : بنات احس اني راح ارفض.
لمى : حبيبتي الحين اطلعي قدام امه بعدين ارجعي غرفتك استخيري او ارتحتِ كان بها لو ما ارتحتِ لا توافقين وخلاص انتهينا .
لولوه : بالضبط هذا هو.
ميعاد : يارب.
وجلست وهي مرتبكه.
.
عند مشعل بالـسـيآره.
رِن جواله ورد : السلام
عبد الرحمن : نفذت اللي قلته.
مشعل : عبد الرحمن ما تلاحظ انك زودتها ترا هاذي اختي ماقدر ازوجها لواحد ضايع مثلك.
عبد الرحمن : اخر كلام.
مشعل : عبد الرحمن انتِ امش عالطريق الصحيح بعدين تفلسف.
عبد الرحمن : امشي عالطريق الصحيح طيب ان شاءالله بكرا انا بخليك تمشي على الطريق الصحيح.
مشعل : اقول تقلع بس.
وقفل في وجهه وهو يتأفف.
.
ميعاد ناظرت في حصه .
ميعاد : بنت شعندك؟
حصه : تذكرين ميرال؟
ميعاد : اللي شفناها في المطعم؟
حصه : ايوا ايوا تذكرينها؟
ميعاد : ايوا شفيها.
حصه ابتسمت : ارسلت لها لوكيشن بيتنا وقلت لها تجي مع اختها.
ميعاد : تمزحين؟.
حصه : لا ماامزح مرا كيوت
ميعاد : طيب انتبهي لو جات دخليها مابي عبد العزيز يشوفها
ومشت.
.
ميرال : يلا بنروح.
اسيل : دقيقه بس اعدل مكياجي.
ميرال : كيف شكلي.
اسيل : اطلق ميرال في الحياه كيوته.
طلعوا واتجهوا للبيت.
.
بعد مرور الوقت دخلوا وسلموا واستقبلتهم حصه.
حصه ابتسمت : يازينكم تعالوا عند امي والحريم بعدين نروح لأختي.
ميرال ابتسمت : طيب امشي.
دخلوا وسلموا وام سلطان تناظر حصه تنتظرها تقول مين ذولا.
ام عبد الرحمن : ماشاءالله من بناته؟.
ابتسمت ميرال : بنات فيصل محمد الـ...
بتعجب ام سلطان : مو ابوك الله يرحمه مدير مدرسه الـ.. المتوسطه ؟
ميرال اختفت ابتسامتها وحصه ناظرت بصدمه : ايوا الله يرحمه.
حصه : يمهه ابوها كان مع عبد العزيز بس وهي صديقه ميعاد يلا بنطلع نشوفها.
ام سلطان : تمام خذوا راحتكم.
ميرال مشت وهي تحبس دموعها اللي بس ينذكر اسم ابوها تنزل.
حصه ابتسمت وهي تفتح الباب : ميعادي شوفي مين جاء.
ميعاد : هلا والله .
ميرال ابتسمت وسلمت عليها واسيل نفس الشي.
حصه ؛ بروح لامي لا تذبحني مع لولوه ولمى .
اسيل : اجي معك.
حصه : خليك انتِ ضيفه.
اسيل : لا والله عادي.
حصه ضحكت : تعالى اجل مااقول لا.
وطلعوا وميرال كانت جالسه بعيد شوي عن ميعاد .
ميعاد بهمس : فيك شي؟.
ميرال رفعت راسها ومرسومة ابتسامه خفيفه : لا.
ميعاد : عادي قولي لي.
ميرال ابتسمت : بس عشان امك ذكرت ابوي وانا تذكرته.
ميعاد : يا عمري الله يرحمه اي عرفت من انتِ.
ميرال : ليه مو مبسوطه مو اليوم ملكتك.
ميعاد : لا مو ملكه بس خطبه واصلاً مو مرتاحه اتمنى انه مايصير شي.
ميرال : استخيري وكولي امرك لله.
ميعاد : بإذن لله.
ميرال جات بتتكلم الا ينفتح الباب بسرعه ناظرت بصدمه وميعاد مصدومه اكبر منها ميرال بعد ٢٠ ثانيه وبما انه مايمديها تتحرك كل اللي سوته غطت وجها بيدها .
ميعاد : صرخت : اطللعععع ياخبل.
عبد العزيز ابتسم وطلع .
نعيد فتح الباب بسرعه وهو ينادي : ميعادي!!.
بس الشي اللي صدمه الجميله اللي متزينه على سرير ميعاد ناظر في عيونها وهو مبتسم ببلاه وصحته صرخت ميعاد وعطول طلع برا.
ميعاد ابتسمت : اسفه ميرال مرا اسفه ذَا عبد العزيز خبل بروح اشوفه.
ميرال : حصل خير.
ميعاد طلعت برا وشافته واقف عند الباب : ياغبي انت شفيك فتحت عالبنت.
عبد العزيز ضحك : واللع بدون قصد قلت لحصه وين ميعاد قالت فيك قلت اجي اشوفك.
ميعاد : خبل.
عبد العزيز : عبد الرحمن بيشوفك تشوفينه؟
ميعاد : لا وعع.
عبد العزيز ضحك : اجل بقول لابوي اختي رافضه فكره الزواج.
ميعاد : اتمنى .
عبد العزيز : خلاص انقلعي.
ميعاد دخلت وهو نزل تحت.
عند البنات جالسين بالمطبخ ويحلون.
لولوه : معليش اسيل بس حنا مانحب اللي مع امي ولا كان جلسناك بمكان محترم.
اسيل ضحكت : لا والله أنكم فله.
لمى : اي حلا وقهوه وحركات وبالمطبخ.
حصه : اخخ لمى حطي لي قطعه.
لمى : طيب.
وحطت لها.
لولوه : امشوا نطلع للعروس وميرال.
حصه : يوهه نسيت ميرال .
لمى : خذت صينيه الحلا .
واسيل ماسكه ثلاجه القهوه والفناجين وطلعوا لهم .
.
عند الرجال كانوا كلهم جالسين ومشعل وعبدالرحمن يتبادلون النظرات وكل واحد يستحقر الثاني.
مشعل رِن جواله ورد وجلس يتكلم بعدها قفل واستأذن وطلع وَعَبَد الرحمن أشر لأبوه بيطلعون.
ابو عبد الرحمن : يلا نستأذن ياابو سلطان وننتظر رأي بنتكم.
ابو سلطان : بحفظ الله
وطلعوا .
والبنات نزلوا عند امهم ومعاهم ميرال واسيل.
ميرال ابتسمت : يلا بنات حنا نستأذن.
حصه : لا وين خلونا نتعشى سوا.
ميرال : لاوالله امي بتعصب نتقابل مرا ثانيه .
ميعاد ابتسمت : ان شاءالله حبيبتي مع السلامه.
وطلعوا.
ام سلطان ناظرت في بناتها : ماشاءالله من وين تعرفونها.
حصه : يمهه قلت لك صديقه ميعاد بس انتِ ماتصدقيني.
ام سلطان : لا والله انا مااعرف صديقات بنتي.
ميعاد ابتسمت : يمهه ذي ابوها مايخليها تطلع مرا يخاف عليها.
ام سلطان رفعت حاجب وهي تناظر بناتها.
دخل عبد العزيز وابو سلطان .
ام سلطان : هلا وين مشعل؟.
عبد العزيز : طلع يُستقبل الشحنه ويدخلها المستودع.
ابو سلطان : والله اني مو مرتاح بس ننتظر ونشوف.
ام سلطان : وش شحنته الحين ؟
عبد العزيز : الله اعلم .
عند مشعل طلع وقابل عبد الرحمن.
عبد الرحمن : انا عارف أنكم كلكم رافضين زواج ميعاد مني بس ربي مايرضى بشغلك ذَا عشان كذا انا أسف.
مشعل بعصبية : تعرف انت انه هذا مو شغلي وانا بس ..
عبد الرحمن رفع يده بسخريه : اي صح انا اهرب مخدرات واسمم الاطفال وانت بريئ.
مشعل تنرفز وفتح جواله بدون ماينتبه : بس مين بدأ بالشغله ذي يا عبد الرحمن .
عبد الرحمن : انا اشتغلت ودخلتها في بضاعتك يعني ماتقدر تثبت عليا شي ولو تبي تنفذ منها لازم تزوجني اختك.
مشعل رفع حاجبه ببتسامه وطفى التسجيل : تبطئ عظم تاخذ اختي.
ومشى وَعَبَد الرحمن رفع جواله واتصل يبلغ الشرطه.
.
بيت ابو سلطان بعد مرور نص ساعه الشرطه داهموا البيت .
عبد العزيز وابو سلطان : خير .
ابو سلطان : خير ان شاءالله شصاير.
الشرطي : عندنا طلب نقبض على مشعل مساعد الـ..
ابو سلطان : نعممم!.
ام سلطان انكتمت وهي تناظر لبناتها حولها بصدمه وعيونها امتلت بالدموع.
ميعاد وقفت ورى امها وضمت ظهرها.
عبد العزيز ناظر : بتهمة وش؟
الشرطي : تهريب مخدرات مع البضاعه والخداع .
ابو سلطان غمض عيونه بصدمه.
وام سلطان طاحت على بناتها والبنات صرخوا ؛ يمههه.
عبد العزيز ركض لداخل ورفع امه وهو يضرب خدودها ويصرخ على خواته يجيبوا : مويا .
ابو سلطان : هو حالياً مو موجود بس...
ماكمل كلامه الا مشعل داخل.
مشعل ناظر الشرطه وكأنه عارف .
ابو سلطان : خلاص هذا هو مايحتاج تدورون.
الشرطه مسكوه ومشوا وهو ماتكلم وهو عارف كل شي وابو سلطان جلس بصدمه.
ميعاد صرخت : عبد العزيز امي مو طبيعيه تكفى خلنا نسعفها.
عبد العزيز : اصبري ميعادي اصبري.
لولوه صرخت : يعني هو يقعد برا طول عمره ويجي بالمشاكل الله ياخذه خلونا نسعف امي لا تروح من يدنا.
حصه بصدمه : ابوي وينهه؟.
وطلعت ركض مع لمى وشافوه جالس عالارض وماسك راْسه.
حصه جلست عند رجوله : يبهه تكفى قوم يبهه اكيد سوء تفاهم يبهه لا ينكسر ظهرك انتِ السند لنا كلنا.
ابو سلطان رفع راْسه وهو يخفي عيونه المحمره.
ساندوه لمى وحصه ووقفوه وراحت لولوه تجيب ثوبه ولعبد العزيز وطلعوا .
عبد العزيز : انتبهوا لها انا بفهم واجي.
.
عند مشعل وصل للمركز ودخلوه للتحقيق.
مشعل : لحظه لحظه انا معي تسجيل يفيدكم وعشان تعرفون اني مظلوم.
المدير : ماشاءالله عليك واثق .
مشعل : طيب اسمع وشوف.
المدير : هاته .
وفتح التسجيل المدير عقد حواجبه : ذَا قبل ساعه .
مشعل : ايوا .
المدير : بس مضطرين نستضيفك عندنا لحد مانشوف اذا هذا صدق ولا مفربك وطلع من عنده.
مشعل ابتسم : هين يا عبد الرحمن.
عبد العزيز دخل : غببي انت وش مسووي من مصيبه فشلت ابوي الله يهديك وامي انكسر ظهرها ياولد ذَا التربيه؟.
مشعل : هوب هوب عزيز شفيك تراني اخوك الكبير.
عبد العزيز بنبره حاده : الصغـير ولا الكـبير مين ماتكون نزلت دموع امي وكسرت ظهر ابوي لو يطّلع شي عليك يامشعل لو شي صغغغيرر بس تحرم تشوفهم او اوقف معك.
مشعل حط يده ورى رقبته ونزل راْسه بدون مايتكلم.
عبد العزيز : طيب يامشعل طيب تشوف بس خل يثبت عليك شي انت وَعَبَد الرحمن الكلب ذَا وبكل عين قويه جاي يطلب ميعاد.
وجلس رايح جاي : من متى وانا اقولك لا تشتغل معه لا تشتغل معه بس انت حمممااارر ماتفهم ، اصلاً حاش الحمار عنك.
مشعل : شوف عبد العزيز كلمه وحده بتزعل.
عبد العزيز جاء بيتكلم دخل المدير.
المدير جلس : بس ننتظر يجيبوا عبد الرحمن.
عبد العزيز : زين ننتظر.
المدير : لو ثبت بس لو شي بسيط عليه ينسى انه يعرفني.
عبد العزيز : ماعليك انتِ الحين عامله وهو ولد مساعد ولو ثبت شي برميه معك انا في السجن .
المدير ناظر مشعل بقلة حيله ورجع لاوراقه.
.
عند ميرال
كانوا سهرانين هيا واسيل.
اسيل : الله يازينهم لمى واخواتها مرا طيبات حبيتهم.
ميرال : اي تراهم اخوات عبد العزيز اللي يغني.
اسيل : بالله؟
ميرال : اي والله.
اسيل : اكيد تلقين اصواتهم حلوه.
ميرال ضحكت : مو شرط بس مرا حبوبين حبيتهم بذات ميعاد وحصه.
اسيل ابتسمت : اي خلينا في الويكند الجاي نعزمهم.
ميرال : ان شاءالله ماعليك.
اسيل : ايوا كيف المدرسه .
ميرال : الحمدلله بس كذا الطالبات مزعجين.
اسيل : ياعمرري الله يعينك.
ميرال : بشوف يااستمر يااخلص هالترم وافصل.
اسيل : لا بتملين.
ميرال : نشوف .
اسيل : طيب صبي عصير بس.
ميرال : شوي شوي ياهبله.
وصبت لها ورجعوا على التلفيزون.
.
بيت آبــو سلطان .
ام سلطان قامت وسلطان جاء وشاف امه راح لها ومسك يدها وباسها : ماعليك يمه لا تتضايقين ،، ما يستاهل دموعك والله.
ام سلطان غطت وجها : انا زعلانه على تربيتي اللي طارت يايمه على عمري اللي راح بدون فايده.
سلطان وهو يبوس يدها : لا يمه مافي شي راح شوفيني شوفي عبد العزيز حتى حنا لا تشوفينا شوفي بناتك كيف ينضرب فيهم المثل بنات فاطمه ومساعد يمهه لا تزعلين تكفين.
ام سلطان ضمت راْسه وهي تدفن وجها في كتف ولدها الكبير .
سلطان حاوط ظهرها ومسح عليه ويحاول يصبر قلبها ويكون لها نعم الابن .
والبنات واقفين حولهم يناظرون امهم اللي منهاره وبنفس الوقت يتمنون انه يكون كذب هالكلام ومشعل بريئ .
بعد مرور الوقت الساعه اربع ونص دخل عبد العزيز ومشعل ورآه.
ابو سلطان وقف يناظرهم : هاه وش صار؟
مشعل : بريئ طبعاً هذا كله من تدبير وجهه العنز عبد الرحمن عشان بيتزوج ميعاد.
ام سلطان: حسبي الله ونعم الوكيل فيه من ولد.
ميعاد ناظرت فيه : وش دخل زواجي في شغلك ممكن تشرح اكثر!.
مشعل ناظرها برفعه حاجب : اعتقد واضح بدون مااشرح.
ميعاد استحقرته : اخوي الكبير على عيني وراسي لكن انتبه بشغلك لان ماارضى احد يزعل امي وابوي ويفشلهم سمعت.
ابو سلطان : خلاص ياعيال خلاص.
سلطان : صادقه ميعاد يبه انتِ تعبت وامي تعبت ويجي هو يتعبكم زياده ويفشلكم.
مشعل ناظرهم : زي ماقال ابوي حصل خير خلاص.
حصه مشت بهدوء : تصبحون على خير.
لولوه : هو فيه صباح باقي يلا حتى انا بنام .
لمى سحبت ميعاد وطلعوا.
عبد العزيز : يمهه يبهه روحوا ارتاحوا تعبتوا اليوم.
ام سلطان مسكت أيد سلطان وساعدها لغرفتها وَعَبَد العزيز سند ابوه ورجعوا لمشعل في الصاله .
سلطان جلس : اقول مشعل وش مسوي اعترف.
مشعل : قلت لكم وانتوا كيفكم.
عبد العزيز : على العموم وانت سمعت كلامي واللي قلته ماراح أعيده الا امي وابوي.
مشعل : زين زين يالبار .
سلطان : استغفرالله واتوب اليه.
مشعل طلع من عندهم وهم يناظرونه لحد ماغاب عن ناظريهم.
عبد العزيز : اسمعها مني وانا اخوك بتجي مصيبه على راسنا وقال عزيز ماقال
سلطان : اي والله مشعل رجعته مو خير الله يستر
عبد العزيز : عشان أكون صريح معاك انا مو شايل غير هم امي وابوي اما هو بحريقه.
سلطان ضحك على عبد العزيز : الله يصلحك بس يظل اخوك
عبد العزيز ابتسم : اخوي بس مو كذا.
سلطان : يلا انا برجع الحين تلاقي حور تنتظر.
عبد العزيز : ياحليلك ياخوي ارجع.
سلطان ابتسم : وانت وش وراك ماتتزوج.
عبدالعزيز: والله شوف انا ودي بس ماابي امي تنكبني مع وحده شينه.
سلطان ضحك على اخوه : احلف عاد
عبد العزيز : اي والله الحق حق وسيم مثلي مايبي ينكب.
سلطان : طيب انا برجع بيتي يالوسيم
عبد العزيز : بحفظ الله يااخو الوسيم.
سلطان طلع وهو مبتسم على عبد العزيز.
.
الصباح عند ميرال قامت ولبست وخلصت ونزلت تحت شافت امها واسيل ويفطرون.
ميرال : صباح الخير ياوجيه الخير.
ثريا : صباح النور يالرايقه.
ميرال ابتسمت : ها كيف نومتكم.
اسيل : والله نمت ساعه ونص وقمت شفت كوابيس مت الفيلم.
ميرال : شكلك ماقلتي الأذكار عشان جذي.
ثريا : اصلاً غريبه قمتم توقعت افطر وحدي دامكم سهرانين.
ميرال ابتسمت : لا ماعليك مانخليك .
ثريا : اجل خلصوا وخلونا نطلع البيت ملل.
اسيل : لا يمههه مالي خلق طلعه وكذا .
ميرال : لا خير خلينا نطلع .
اسيل : عشانك بس .
ميرال : اي عشاني.
ابتسمت ثريا عليهم : سبحان مغير الأحوال.
.
بيت ابو سلطان قاموا الصباح وكانوا يفطرون.
دخل سلطان سلم وجلس.
سلطان : يمهه عندي لك خبر يطيرك من الفرحه.
ام سلطان : قوله ياوجهه الخير.
سلطان ابتسم وهو يناظر بعبد العزيز : اخوي العزيز قرر يتزوج.
حصه : مشعل ؟ اكيد بعد سالفه امس .
سلطان : تسأل وتجاوب الهبله لا عبد العزيز.
ميعاد : اوهه تمزح؟ عزوز من جد تبي تتزوج؟.
عبد العزيز ضحك لان سلطان نكبه : ايه بس ابي وحده زينه.
حصه : عندي عندي اللي ابيها .
سلطان ضحك وهو يناظر عبد العزيز.
لولوه ابتسمت : اوهه ياعبد العزيز جمممييللههه وتجننن وكيوته لا وماشاءالله ماشاءالله حافظه القران.
ام سلطان : بسمم لله من بنته ذي كلكم تعرفونها الا انا.
لمى: الا يمه تعرفينها حتى زعلتيها قبل لا تاخذ ولدك'.
ام سلطان : انا !!!. زعلتها من هي؟..
ميعاد : يمهه ماعليك اهم شي عزيز قرر يتزوج الففف مببرروكك مقدماً .
ابو سلطان ابتسم : الله يكتب اللي فيه الخير وانا ابوك.
لولوه رفعت راسها : وين مشعل؟.
ميعاد : شفته طلع بدري الصباح .
سلطان ناظر عبد العزيز وَعَبَد العزيز هز راسه بـ لا حول وقوه الا بالله .
آبــو سلطان : انا بروح ارتاح.
ام سلطان ناظرت فيه وهو باين عليه التعب ومسحت دموعها اللي نزلت .
ميعاد : يمههه تبكين ليههه يمههه؟.
ام سلطان مسحت دموعها : مااحب اشوف أبوكم كذا واضح عليه التعب واضح انه مقهور واضح انه عارف السالفه اللي بين عبد الرحمن الحقير ومشعل .
عبد العزيز جلس عند ركبها ورفع يدها اللي مسحت فيها دموعها : يمهه اوعدك يمهه لو له يد بالشغله ان اخلّيه يندم يمهه بس لا تبكين.
ام سلطان نزلت دموعها وهي تبوس راس عبد العزيز اللي قام وباس راسها وضمها.
سلطان : يمهه ماعليك انا بكلم ابوي.
لولوه : اي يمهه شوفي عزوز بيتزوج وبنفرح .
لمى ضحكت : مرا اوڤره جذي عبد العزيز بيتزوج حرام صراحه مابي زوجته تاخذه.
عبد العزيز ضحك : لا ماراح تأخذني ومافي اوڤره في الموضوع ياحلوه
حصه : لا ماتوقع تأخذه منا هيا حبوبه بس لو هو بيروح مابتقوله لا.
كلهم فطسوا ضحك.
عند ميرال وامها.
طلعوا كلهم من البيت وراحوا عالبحر .
ميرال : يمهه ابي كوفي قبل.
ثريا : اي تمام .
اسيل : وانا ابي ايسكريم.
ثريا : احسن حل في البحر ستار بكس ومحل ايسكريم تشترون مناك احسن لي ولكم.
اسيل ابتسمت : اي يا احسن ام بالدنيا.
ميرال : ياعمري والله شنو هالجمال.
اسيل ضحكت : عبالي تمدحيني.
نقف هنا....
منتظرة تفاعلكم....