الفصل 2
الفصل 2
.
💫
.
بدأ يغني وهو مبتسم : غيابك يشبه اوصالك وتوصلك طول الغيبه..وانا من يومها عايش ولكن .. ميت إحساسي ..
حصه : الله الله وش ذَا الخرفنه ياولد
لولوه : يالله غني اغنيه تليق في ميعاد.
عبد العزيز : وش يليق في ميعاد.. ميعاد من حلوها مافي شي يوصفها.
لمى : الله وش ذَا الحتسي الزين واللسان الحلو.
حصه : اقول عزوز شرايك ماتتزوج؟
عبد العزيز ناظرها بصدمه : هاه وش اسوي؟
ميعاد ضحكت : تبيك تقعد معاها.
حصه ضحكت وهي تناظر لميعاد : يالبى اللي فاهمني ايوا ايوا ابيك تبقى لنا ومابغى زوجتك تاخذك منا تككففىى!!.
لولوه ضحكت : والله حصه دماغك مضروب.
لمى : اصه اصه جاء الاكل.
عبد العزيز ابتسم للعامل ودخل وحط عالطاوله وبدأوا ياكلون .
.
عند ميرال.
شهد جلست وهي مبتسمه : طلبت من المطعم شوي ويوصل .
ميرال : زين.
شهد : شسمه تعالي اوريك وش جبت لك.
ميرال ناظرت لها وهي قربت الشنطه وطلعت كيس شوي كبير فتحته وبدت تطلع الكتب : هذولا جبتهم لك كنت كل ماادخل مكتبه اشوف كتاب أحسه بمثلك وأشتريه -ضحكت على خفيف- وصرت كل مااروح مكتبه اشتري اك كتاب وصاروا عشره كتب جمعتهم وجبتهم عاد اتمنى تعجبك .
ميرال ضحكت وهي مبتسمه على بنت عمها وبنفس الوقت صديقتها من الطفولة : ياعمري عليككك ربي يخليك لي.
شهد ناظرت الجوال يرن ردت : ارسلي الشغاله تجيب الاكل .
ميرال : اوك.
جابته وجلست شهد تاكل ناظرت فيها : ميرال حبيبي بقعد اكل وحدي؟
ميرال : حبيبتي عليك بالعافيه مالي خلق.
شهد : شوفي لو ماتجين تاكلين بتخلصين كف يلعب سامري بخدودك الحلوه يلا تعالي.
ضحكت ميرال : ياربي منك والله مالي نفس.
شهد : بسررعههه تعالي بدون كلام.
ميرال جت جلست وصارت شهد تأكلها كل مرا تحط في فمها شي وتغصبها عليه.
شهد قطعت بيتزا وعطتها.
ميرال : لا خلاص بطني بينفجر.
شهد : عشاني بس.
ميرال : يابنتت.
شهد : يلا ياحلوتي .
أكلتها وهي تناظر في شهد ببتسامه.
خلصوا ولمت شهد الاكل وخلت الشغاله تسوي قهوه وتجيبها لغرفه ميرال ورتبت الغرفه وجابت الحلا وجلست وميرال جات جنبها .
شهد صبت قهوه وتكلمت : ها مـيـرالي تكلمي .
ميرال : وش اقول.
شهد : كل شي.
ميرال : من وين.
شهد : من يوم رحت عنك.
ميرال ناظرت شهد وعيونها مليانه دموع : من رحتي صرت اغلب وقتي مشغوله بالجامعه وبعد ماخلصت الجامعه كنت افكر في شغل بس قال لي ابوي خليك انتِ مو بحاجه فلوس استفيدي من فضاوتك في شي كويس وعطاني اول اقتراح احفظ قرآن كان دايم يشجعني ويحمسني يسمع لي الآيات ويصحح لي الأخطاء واليوم الثاني يسمع مرا ثانيه ونفس الشي يعدل اغلاطي تعلقت فيه حييللل ماتتخيلين قد ايش حسّيت بقيمة ابوي صار مايطلع دايم جالس بالبيت معي اذا طلع يطّلع للدوام بعد ماختمت القران دخلني المكتبه وعطاني كتاب وقالي هذا لو قدرتي تخلصيه في يوم لك اللي تبين وقتها تحمست وكملته ورحت له فرحانه اقوله خلصته تدرين وش عطاني -نزلت دموعها وشهقت- مسك جواله وأرسل رقم لحمله وأرسل مبلغ ٢٠ ريال سألته حق وش قال هاذي جائزتك قلت بس مااخذت شي انا قالي الا شاركتي في بناء مسجد وقتها انصدمت ابد اول مرا اعرف ذي الاشياء عن ابوي بعدين صار كل كم يوم يعطيني ثلاثه كتب واقرأ واذا خلصت اعلمه وش استفدت وكنا نطلع سوا نروح كوفيهات ونروح محاضرات ونروح عند عمتي وعند ابوك بس...
شهد : بس وش ياعمري كملي.
ميرال وهي تبكي : هذاك اليوم كان بغرفته وصلى الفجر وقال بيريح ونصحيه للدوام يوم صحته امي ماقام وصارت تصرخ بكل البيت يمهه ميرال اسيل تعالوا أبوكم وطلبنا الإسعاف وأخذناه المستشفى وكله بس تدرين وش صار!!!.
شهد : وش صار؟.
ميرال : بينما حنا ننتظر خبر يريح قلوبنا طلع الدكتور وقال وين ميرال لما رحت قال تعالي ولبست ودخلوني مسك يدي وهمس بااسيل اختك حطيها بعيونك ولا تهملين القران و...انتظرك بالجنه بعدها شد على يدي بقوه وشوي يده ارتخت رميت نفسي بحضنه وانا اشم ريحته ضميته بكل قوتي وبين راْسه بست يده ،، ناظرت وكأن الدنيا اسودت قدامي احس لو فقدت امي ماكنت بحس بالشعور اللي حسيته وقت ابوي صرخت ومافي صوت غمضت عيوني وانا بحضنه وماصحيت الا والدكتور جنبي والممرضه تعدل المغذي طلعت المغذي والدكتور مسكني صرخت عليه ابببووووييي بروحححح لهههه ابببووووييي .
الدكتور : لازم ترتاحي الحين .
ميرال شهقت بالبكى وتكلمت بصوت شوي عالي : كنت ادق الدكتور بشوفهههه تتتكفففىىىى اتركنييي بشوفه قبل يحطونه بالحفره وخلاني الدكتور ركضتتتت لجهه الوفيات كنت دايم ادعي انه هم يروحون يشوفوني قبل لا اشوفهم بس صار العكس دخلت وسألت وشفت عمي واقف قدامي قلت له بدخل لابوي قال مايصلح الحين بنجيبه للبيت كل الكرهه له تكون بقلبي وقتها ناظرته وانا اضربه واعلمه بكميه كرهي له بس ابي اشوف ابوي بس صدني وأخذوني للغرفه وضربوني أبره ونمت.
ولما صحيت طلعت من المستشفى وجيت للبيت واشوف الكل لابس اسود وكلهم يبكون مدري اذا عليه او تمثيل وقتها رحت لامي وطلبت منها تجيبه ماردت عليا رحت ترجيت عمتي بس تساعدني بس يجيبوا لي ابوي بس قالت لي طيب..
شهد ناظرت : وبعدين؟!
ميرال قامت وصرخت بعصبية : ماشفتههه ما جابوه ماجااابببوههههه ماااخلللوهههه يججججييي جابوهههه للرجال شميت ريحححههه المسسسككك بس ولا ضميته
مشت لها شهد وضمتها وهي تبوس راسها : بسسس ياعمررريي بس بالجنه ان شاءالله .
ميرال دفنت وجها بكتف شهد وهي تشهق : اشتتتقققتت له ياشهد اشتقت له كيف بكمل حياتي بدونه.
شهد مسكت راسها وهي ترفعه وتشد على فكها : بتكملين!! تسمعيني بتكملليننن اول شي بتقدمين على وظيفه عشان وقتك الفاضي من بكرا انتِ مـيـرالي لازم ترجعين احسن من قبل لان لو شافك عمي الله يرحمه كذا ماراح يرضى بتملين سمعتيني!!.
ميرال رجعت ضمتها.
.
بالمطعم أكلوا وخلصوا.
عبد العزيز : هاه خلصتوا.
حصه رفعت يدها وضربتها على بطنها : اوهه الحمدلله .
عبد العزيز ضحك على عفوية اخته : جعله هني وعافيه يابعد هلي انتم.
ميعاد : الله يعافيك ياقلبي.
لولوه : يلا عزوز اطلب الحساب!.
عبد العزيز : طيب اطلعوا غسلوا وانا بحاسب وانزل السياره.
ميعاد : اوكيهه
وطلعوا البنات وَعَبَد العزيز طلب الحساب وحاسب ومشى لجهه دورة المياه.
طلعوا ونزلوا للسياره.
عبد العزيز : هاه وين تبون؟
ميعاد ابتسمت : انا عن نفسي اقول نرجع البيت والترويقه بالبيت
لمى : لا في كوفي في الكورنيش عليهم تشيز كيك يخققق.
عبد العزيز ابتسم : خلاص ميعادي راح نروح الكوفي ونروق معك ولا تزعلون.
حصه : الله يخليك ياعبد العزيز.
البنات كلهم : امين .
.
عند ميرال .
شهد نيمتها ودفتها ودخلت بنومه عميقه قامت من جنبها وشالت جوالها وكلمت ابوها.
شهد : السلام عليكم.
عّم ميرال : هلا هلا بحبيبه ابوها هاه وينك؟
شهد : ببقى عند ميرال .
عّم ميرال : الله ليهه؟
شهد : يبهه ليه ماخليتها تشوف عمي يوم العزاء.
عّم ميرال : الله ياشهد رجعنا لنفس السالفه ماصدقت وانا ارتاح من عمتك قلت لكم عشان ماتصير مناحه .
شهد : الله يسامحك يبه.
عّم ميرال : فمان الله.
وقفل.
شهد رمت جوالها بضيق من ابوها اللي مو مهتم وهمست : الله يهديك يبهه بس.
.
الساعه ١:٣٠ الليل بيت ابو سلطان.
دخل عبد العزيز والبنات البيت.
لولوه : بموووتتتت نوم تصبحون على خير ياحلوين.
عبد العزيز : وانتِ من اهله.
لمى : وانا بعد ماقدر استحمل.
عبد العزيز : الله يرزقني بنومك.
لمى : انننن انطم واذكر الله.
عبد العزيز : يمههه تفف ماشاءالله عليك.
ميعاد : الله يهديك لموش مو كذا عاد.
حصه : روحي روحي تصبحين على خير يا نفسيه .
عبد العزيز : يلا حبايبي انا بروح ابدل وانام تعرفون بكرا دوام حتى بقى كم ساعه.
ميعاد وحصه : تصبح على خير
عيد العزيز : وأنتم من اهله ياحلواتي.
.
بيوم جديد الصباح.
ببيت سلطان قامت حور وحضرت الفطور وهيون تشاغب.
هيون : ماما .
حور اخذتها وهي تضمها وتبوسها بكل وجها : ياعييوننن ماما وروح ماما هاه ياعمري.
هيون كانت تضحك على امها وهي تبوسها : بابا متى يقوم .
حور ضحكت : نروح نقومه سوا؟
هيون هزت راسها بإيجاب مسكت يدها ودخلوا عند سلطان وهو بسابع نومه حور جابت منديل وبدت تلعب به جهه أذنه وكان يتحرك ويهش جهه أذنه هيون تضحك بشويش وتحط يدها على فمها بعدين حور عطتها المنديل تجرب وكانت تسويها وتضحك فتح عيونه سلطان وابتسم عليهم .
حور ابتسمت : صباح النور.
سلطان : صباح الخير .
هيون ناظرت ابوها : صباح الخير.
سلطان اخذها وهو يبوسها : ايه خير وانتِ عندي هاه هاه باكلك.
ضحكت هيون وصرخت : بابا صوصه.
ناظر فيها وضحك وخلاها تبوسه.
حور : يلا قومي ياسلطاني عشان تفطر.
سلطان ابتسم : تمام.
وطلعت حور وهيون معاها وسلطان قام يبدل.
.
عند ميرال .
قامت الصباح صلت وتروشت ولبست تنوره سوداء مخططه باابيض ماسكه من جهه البطن بعدين تبدأ تصير واسعه ولبست عليها قميص ليموني ورفعت شعرها وهي مبتسمه.
شهد من ورآه : ياويلي ويلّاه ياخوفي تنخطبين اليوم وش هالجمال؟
ميرال ضحكت : يلا اذا خلصتي ننزل نفطر.
شهد : يلا نفطر اساساً امك واسيل ينتظرون.
نزلوا وكانت الصدمه لما شافت بنتها وهي نازله من الدرج والابتسامه شاقه وجها .
ثريا : ياهلا ياهلا والله لو ندري ياشهد انك بتغيرنها جبناك من زمان.
ضحكت شهد : لا وين يااعمه.
اسيل ابتسمت : افهم أنكم بتجون معي البازار.
شهد : بازار وش؟
اسيل : عندنا بالجامعه .
شهد : خلاص تمام بنروح عشان ميرال تقدم وظيفه بعدين نمرك.
اسيل : يازينكم مانحرم يارب.
شهد : حبيبتي.
ثريا : وين بتقدمين ياميرال .
ميرال : بقدم في مدرسه.
ثريا : ليهه في مدرسه قدمي في الجامعه المدرسه تعب .
ميرال : لا مدرسه احسن
ثريا : خلاص اجل قدمي ولو ماضبط معك بكلم واحد كان مع ابوك في المدرسه ويوم جاء للعزاء قالي اي شي تبونه كلموني.
ميرال : طيب يمهه.
شهد : يلا ميرال خلصتي؟
ميرال : اي الحمدلله.
شهد : يلا عمه نتقابل بعدين .
وقاموا وطلعوا
.
في بيت ابو سلطان .
كلهم كانوا يفطرون .
عبد العزيز نزل : صباح الخير.
ردوا عليه.
حصه : عزوز حبيبي توصلني معك.
عبد العزيز : ابشري كم عندي حصه بس بفطر.
حصه : يابعدي والله.
ميعاد ابتسمت : بالتوفيق.
لولوه نزلت من الدرج مع لمى وهم لابسين عبايتهم.
ابو سلطان : وين بناتي؟
لولوه : عندنا محاضرات يبه.
ام سلطان : زين اجلسوا افطروا .
ابو سلطان : افطروا عبال مايطلع السواق للسياره.
لمى جلست : ماما عطيني عسل.
عبد العزيز : الله الله كيف عسل ياكل عسل.
لمى ضحكت بخجل،
ابو سلطان : لا تحرجها خلها تاكل.
حصه : عزوز الساعه ٧ عبال ماتخلص الا قدها ٧:٣٠ يعني أوصل الساعه ٨:١٠ تقريبا
عبد العزيز ابتسم : عادي يابنت مساعد روحي متأخره مافيها شي
حصه : لا تكفى خلنا نروح.
عبد العزيز : طيب أمشي
ام سلطان : استودعتكم الله.
وطلعوا .
.
بالظهر ببيت ميرال.
دخلت مع شهد وكانت ثريا بالصاله.
ثريا : ميرال تعالي معي.
ميرال : عن اذنك شهد.
شهد ابتسمت : خذي راحتك حبيبي.
وطلعت مع امها .
ثريا : اجلسي.
ميرال : قولي يمه.
ثريا : امّم صراحه مدري كيف افاتحك .
ميرال : اسمعك؟
ثريا : فـيـه واحـد متقدم لـك يعني حنا نعرفه بس يبغا يسمع الموافقه قبل يجي.
ميرال عقدت حواجبها بصدمه : مـتـقـدم لي انا.
ثريا : ايه ويعني يبيك وراضي بكل شروطك و..
قاطعت امها : يممه من جدك تسألين هالسؤال؟.
ثريا : ميرال انتِ شفيك اوكيه ابوك مات تمام الله يرحمه بس ماتوقفين حياتك شفيك انتِ؟؟
ميرال : يمه اربعه شهور بس اربعه شهور بس ماقدر أعيش خلي اول تمر سنه اقل حاجه.
ثريا ناظرت في بنتها بصدمه : ميرال استخيري واذا ارتحتي راح تتزوجين غصب عنك.
ميرال ناظرت امها بدهشه وجات بتتكلم امها فتحت الباب وطلعت من غير ماتناظرها.
.
بيت ابو سلطان .
كانوا جالسين ميعاد وامها ودخل سلطان ومعه هيون وحور.
ميعاد قامت سلمت على حور وخذت هيون : ياحبيبه عمهه ودالبببسسس أكلك انا أكلك ياحلوك .
سلطان ابتسم : يمهه كيفك؟
ام سلطان : الحمدلله حبيبي وانت؟
سلطان : الحمدلله بخير
ام سلطان : وانتِ حور ياعيني اخبارك؟
حور : تمام ياعمه .
ام سلطان : ميعاد عطيني حفيدتي الحلوه.
ميعاد : ماشبعت منها يمه.
ام سلطان : عطيني هي يابنتي.
ميعاد : زين هاه.
ومدتها لامها وراحت جلست جنب حور.
ميعاد : كيفك حور؟
حور : الحمدلله بخير وانتِ اخبارك!
ميعاد : الحمدلله بشري كيف هيونه معك؟
حور : عادي تشاغب على خفيف.
ام سلطان : يمهه ميعاد حبيبتي ضيفي حور وأخوك.
ميعاد : ابشري ياجنتي.
ام سلطان : تبشرين بالجنه ياحبيبه امك.
قامت ميعاد وهي تضيفهم.
.
عند ميرال انخنقت من اُسلوب امها وقفت وركضت لغرفتها قفلت الباب وصرخت بكل صوتها صرخت بكل صوتها وصارت تكسر وترمي كل شي قدامها ميرال : جاتني كتمه فجأه حسّيت شي كتم على نفسي امي بتغصبني وعلى زواج امي ماهي امي شفيها الدنيا!!.
سمعت صوت شهد وهي تصرخ عند الباب : مـيـرالي مـيـرالي حبيبتي افتحي ميرال .
سمعت صوت شهد وكيف كانت خايفه عليا في نبرتها الحنونه اللي كنت اسمعها من ابوي بس تمنيت لو اني اموت وقتها بس ماقدرت قمت وفتحت الباب حاولت استجمع نفسي لكن ماقدرت الا اني ارمي نفسي في احضان شهد اللي ضمتني ومسحت على شعري وسألتني بخوف " مـيـرالي حبيبتي علميني شصار وش زينك قبل" طلعت التنهيده مني وكأني محمله بجبال وضيق فيني مو طبيعي.
جلسنا عالسرير بعد ماغسلت لي وجهي وانسدحت على رجولها وانا اسمع صوتها الهامس " والله مافي شي يستاهل ضيقك ياميرال الله يسامحك ياعمتي ثريا" كنت مغمضه عيوني واوهمها اني نايمه مدري اذا فهمت اني صاحيه او لا بس اعرفها شهد دايم تحس فيني كنت تعبانه حيل حبيت اني اغير من نفسيتي وأُقدِّم على الوظيفه لكن ماضبطت جيت بقولها ضبطيني مع صاحب ابوي بس صدمتني بسالفه الخطبه.
.
ابو سلطان.
رجعوا البنات من دواماتهم ودخلت حصه وشافت هيونه بالصاله شالتها وهي تصرخ : حبببييبببهههه عمهههه هنااا يااععمممرييي وقلللبيبي وعيني ياروحي انا احبك احبك وصارت تبوسها وهيونه تضحك .
ام سلطان : خيييررر ياحصه شوي شوي على هيونتي يابنت.
حصهه : ياعمررري وحششتتنننييي.
ميعاد ضحكت وراحت شالت هيونه وحصه دخلت تسلم على حور.'
ام سلطان : الله يهديك ياحصوصه.
حصه ركضت لها وهي تبوس خدودها : هنا بوسه وهنا بوسه يااحلى ام بالدنيا ببدل واجي أكلك انتِ وحفيدتك.
ام سلطان ضحكت عليها.
حور : ياعمري على حصه.
لمى : هيا هيا حصه ماتغير.
ميعاد : ياحلوها خلوها بحالها.
شوي ودخل عبد العزيز : السلام عليكم.
ودخل وجلس واخذ هيونه وهم ردوا عليه السلام.
ام سلطان : عبد العزيز ابوك وسلطان بالمجلس روح لهم.
عبد العزيز : ابشري يالغاليه.
ام سلطان : تبشر بالجنه.
وطلع لأبوه وأخوه.
ميعاد ابتسمت وهي تناظر في امها.
ام سلطان : يلا قوموا نحضر الغداء واضح عزوز جوعان.
ميعاد: ياعمري عليههه اي باين.
حور قامت معاهم وجت بتمشي حست بدوخه وطاحت عليهم ..
ميعاد لفت وصرخت : يمممهههه
صرخت ام سلطان وهي تمشي لي حور : يمهه حور وناظرت ميعاد ؛ اركضي نادي اخوك.
ركضت ميعاد وجاء سلطان ركض هو وابوه وَعَبَد العزيز وراهم وفي يده هيون .
سلطان ركض لحور وهو يرفعها : يمهه شفيها حور؟
ام سلطان : مدري طاحت فجأه.
سلطان ناظر ميعاد : انتِ باقي واقفه روحي جيبي عبايتها
ركضت ميعاد وسلطان حطها عليها وشالها وطلع حور بحضن سلطان وَعَبَد العزيز يسوق فيهم.
.
ميرال مر الوقت بسرعه وعلى اذان المغرب صحت وشافت شهد نايمه جنبها ناظرت فيها وابتسمت وسحبت المفرش ودفتها وقامت رفعت شعرها وبدلت لبسها ودخلت تتوضى وتصلي.
بعد ماخلصت اخذت قرآنها وجلست تقرأ وبعد ماخلصت صارت تهمس بكلام لربها وانه يقدم اللي فيه الخير ويرشدها لطريق الصواب خلصت وقامت ناظرت الا اسيل عند الباب اشرت لها بأنها تسكت عشان شهد النايمه وطلعت لها..
ميرال : هاه؟
اسيل : امي تقول انزلي تبيك.
ميرال : استغفرالله ، طيب شوي ونازله.
اسيل ناظرت في ميرال بقهر وطلعت.
ميرال مشت وراها وقفلت الباب على شهد.
بالـصـاله..
ثـُريـا جالسه وقدامها ملف وجوابها بيدها.
ميرال جلست وهي مبتسمه : السلام عليكم.
ثـُريـا ابتسمت ونزلت النظارة : هلا حبيبتي وعليكم السلام ورحمة الله وبركاته.
ميرال : قلتي تبغيني!.
ثـُريـا ناظرتها : اي بغيت اقولك انه لقينا لك وظيفه بس.
ميرال : بس وش!.
ثـُريـا مسكت يدها : خايفه انك ما تنقبلين الوضع مع طالبات وشرح وشغله موجهه ومديره تعطيك أوامر وهذا كله.
ميرال تنهدت : ماعليك لو حسّيت نفسي مابغا بقولك.
ثـُريـا ابتسمت : خلاص حبيبتي بالتوفيق.
ميرال ابتسمت : يعطيك العافيه يالغاليه.
ثـُريـا حطت يدها وراء اذنها : بالنـِسبه للموضوع الزواج استخيري واذا ارتحتي توكلي على الله.
ميرال : ان شاءالله بس مين متقدم لي؟.
ثـُريـا : امّم نايف ولد عمتك .
ميرال ناظرت امها بصدمه : نايف؟؟؟
ثـُريـا : ايوا.
ميرال : معليش يمهه انا لو وافقت بسبب حقد وكره بالعائله بذات انه توهه مطلق بنت خالة شهد وبتحقد عليا وكذا لا لا مستحيل.
ثـُريـا : زين استخيري والخيره فيما اختاره الله.
ميرال : ونعم بالله.
ثـُريـا : هيا روحي تجهزي وراك دوام .
ابتسمت وقامت : يلا بروح
وطلعت تصحي شهد وهي بطير من الفرحه.
.
بالمستشفى طلع الدكتور وهو مبتسم بينما ملامح سلطان متوترة.
سلطان : ها بشرنا دكتور شصار علي حور بسرعهه عايشه؟ كيفها؟ وش مرضها؟
الدكتور ضحك : دقيقه دقيقه شويا شويا.
سلطان :
تفاعل+محد متخرفن مع التصميم😩🔥!.
نقف هنا....
منتظرة تفاعلكم....