قد سامح الغصن الرياح ولكنه انكسر**يمنيه** - الفصل 4 - بقلم ياسمين أمين | روايتك

الساعه 9:30 المساء كانت تغط بالنوم العميق عندما وقع عكازه وصحيت وهو امامها كان واقف وجالس مقابل لها ويفكر بكلام اهلها عنه وتذكر كلام حسام : انت اللي ما تقبل تشرب ماء بعد احد بتاخذ واحده ** قاطع سرحانه لما استيقظت وتشوف له بتوتر واضح مسح وجهه بيده وقال : ليش نايمه هنا !!! التفتت و شافت شباك الصاله وانه صار ليل ماتعرف كم ساعه نامت بس اللي تعرفه انها كانت تعبانه جدا محمد ملاحظ توترها : ليش نايمه هنا داليا عدلت جلستها بتوتر : كنت تعبانه صار لي ايام ما انام تمام بالمشفى محمد : طيب تغديتي تعشيتي ؟ داليا : لا لسى صحيت الان محمد : جيت الظهر وانتي نايمه واضح كنتي بنوم عميق محد صحاكي ع العموم انا جبت عشاء من خارج تقدري تتعشي هو بالمطبخ هنا وارجعي اختاري لك غرفه من الثلاث الغرف هذول وادخلي نامي فيها احسن من نومه الصاله وقف وهي وقفته بكلامها وبتوتر : ليش تزوجتني؟ شاف لها لثواني وقال: عادي مثل اي واحد يتزوج واحده او عندك شك انه مستحيل حد يقبل فيك خاصه بعد ماعرف حقيقتك؟ داليا بلعت ريقها بصعوبه ورجعت شافت له : ايوه ما اعتقد حد بيقبل فيني ؟ محمد ابتسم: يعجبني الانسان عندما يعرف قدر نفسه شوفي تقدري تقولي رحمت حاله ابوك وحالتك بتزوجكك كذا سنه مثل ما يقولوا بستر عليك امام الناس ومحد عارف ايش بيننا وبعدين بتروحي بحالك وانا بحالي داليا : وليش بتستر عليا محمد : اجر من الله وعندي خوات ومن باب الفضول بشوف طباعك هل هي مثل ما يقول ابوك اريد اربيك بطريقتي ؟ داليا :.... محمد : بدخل انام الان عندي شغل تذكري شي واحد انه لو تموتي لا تدخلي غرفتي ولا تزعجيني ولا تصحيني وانا نايم ولا تدقي عليا وانا خارج البيت ولا تتكلمي عن علاقتنا وتذكري شي واحد مهم احنا متزوجين امام الناس وغرباء فيما بيننا ...! دخل غرفته وهي تشوف بعده وفي نفسها: احسن ما فعلت ! مين قال لك اني مشغوفه بك او بغيرك اليوم الثاني خرج الصباح بدري وصل هناك وحسام بدأ يكلمه : كل الذي حققنا معهم بيشهدوا انهم شافوه اخر واحد معه وكانوا متواعدين يروحوا ذاك المكان مع بعض وكمان بصمات المتهم على واحد من كاسات العصير .. المقتول الطب الشرعي يقول انه في علامات حبل على ايديه يعني القاتل ربط ايديه بالحبل ورماه بين الماء وكل الادله تشير للمتهم ابن خاله الذي بالمشفى لانه ماكان معه حد غيره محمد : طيب وايش يقولوا عن المتهم حسام : هذا اللي فاجاني ان كلهم يمدحوه ويقولوا انه انسان خلوق وانه مستحيل يفعل هكذا محمد عدل جلسته: طيب كم باقي ما حققت معهم حسام: باقي واحد بس صديق المقتول المقرب اسمه معاذ بيوصل الان محمد : روح شوف اذا وصل دخله وماهي الا ثواني ودخل: السلام عليكم محمد : وعليكم السلام اشر له يجلس: تفضل جلس :... محمد اخذ صوره ومكنه: تعرف هذا اخذ الصوره وبحزن : طبعا كيف ما اعرفه هذا صديقي عارف الذي مات مقتول قبل ايام الله يرحمه محمد : ومن تتوقع قتله هل معه اعداء معاذ : والله ما اعرف ما اقدر اتهم احد محمد: متى اخر مره شفته معاذ :في اليوم نفسه الذي مات به شفته الصباح وكلمني انه بيطلع رحله الى السد مع ابن عمته علي محمد يشوف له بمعنى كمل معاذ: وخلاص ماعاد شفته حسام: طيب هو كان بينه وبين علي مشاكل ايش سببها معاذ: ايوه كان بينهم مشاكل بسبب شي تافه حسام: ايش هو معاد : كانوا يحبوا نفس البنت وعارف خطبها وزعل علي منه بس بعدين تصالحوا وخلاص وعلي كان حريص ان الامور تتصلح بينهم محمد : تتوقع علي الذي قتله معاذ : بصراحه صح انه كان اخر واحد معه وكل الناس يقولوا انه هو الذي قتله لكن مستحيل لانه علي انسان طيب وخلوق وهو من الناس الذي يحبوا يساعدوا الغير وكل الذي عندهم مشكله يروح له ويساعده مايرد احد وانسان ملتزم مستحيل شخص مثله يفعل جريمه هكذا محمد : حتى امه قالت هكذا معاذ : امه ؟؟؟ اي ام؟ امه ماتت من زماان وعمره اربع سنين محمد رفع حواجبه بتعجب: انا شفتها معه بالمشفى معاذ: اااااااه قصدك خالته هذيك خالته زوجه ابوه وهي ما تخلف عيال وزمان جبرت زوجها يتزوج عشان اخوه لا ياخذ حلاله لانه اخوه كان طمعان بفلوسه وتزوج واحده الذي هي ام علي بس فعلوا حادث هي وابوه وكان عمره سنتين وربته خالته وحبته كأنه ابنها محد يتوقع ابدا انها خالته حسام :يعني معه عم واحد معاذ : ايوه كان ومازال طمع بفلوسهم حسام : والان لو يموت علي هو بيكون الوصي على كل شي محمد رد ظهره على الكرسي :..... ........... ابراهيم دخل وكان بيصيح: ي بشرررررى بشرى طلعت من غرفتها : ايوه ابراهيم : قولي لزوجه محمد اخوها بيجي الان يشوفها بشرى غلقت غرفتها: طيب بطلع لها الان دخلت عندها وهي بالصاله تشوف التلفزيون : داليا ابراهيم قال اخوك هنا داليا حاولت توقف: عامر هنا طيب فين بشرى: اجلسي اجلسي بكلم ابراهيم يطلعه لهنا نزلت وشافت لابراهيم : نحنا بندخل وانت خليه يطلع ابراهيم : طيب ........ محمد يشوف لحسام: الان كيف ؟ انت تعتقد انه هذا هو اللي قتل او حد دبس له تهمه ؟ حسام : المشكله كل الادله مشاره اليه وخاصه بصماته على العصير وانه انكر انه راح معه السد والشهود قالوا عكس ذلك هذا شي مش في صالحه وخلاه المشتبه الاول والاخير محمد : طيب ايش رايك بعمه الطمع بمال ابوه ؟ مدري ليش لفت انتباهي الموضوع حسام : قصدك انه ممكن يكون عمه فعل له التهم عشان ينفرد له كل شي محمد رفع حواجبه: وليش لا ورجع وقف: اسمع ايش رايك تفعل زياره لعمه ؟ شوف ايش اقواله على القضيه هذه حسام: حاضر محمد : وارجع كلمني انا الان بروح ...... عامر دخل وداليا ابتسمت حاولت توقف الى عنده عامر : خليك خليك بجي انا وصل جنبها: كيفكك داليا بابتسامه: الحمد لله وانت كيفك وليش ما جيت لوما طلعت انتظرتك كثير عامر بتردد: كنت مشغول اصلا قاطعته: قول ان خالتي ما خلتك تجي عامر سكت ورجع التفت لها وابتسم: على العموم انا جبت لك الذهب حقك انتي عارفه انه الفلوس الذي جابها زوجكك وطلب نشتري بها ذهب وجابها لعندي انا اشتريتهن داليا : ذهب ؟؟؟ اي فلوس عامر : حقك المليون ونص داليا رفعت حواجبها: مليون ونص ؟؟؟ يعني ابي ما جابني بلاش عامر مسح جبهته بيده ورجع شاف لها : بصراحه يا داليا ابي هو جابك بلاش بس زوجكك رفض ودفع المهر داليا :... عامر مكنها : وهذول ذهب ورجع وقف: وانا لازم اروح الان ي اختي داليا ابتسمت: طيب اجلس اتعشى معنا عامر: لا لا لازم امشي داليا : طيب الله معك خرج وهي تشوف بعده ورجعت شافت للذهب : معقوله دفع المبلغ هذا كله ؟؟؟؟ تصرفات البني ادم ذا عجيبه عامر خرج ومحمد وصل بالسياره دخل وهم على العشاء منتظرينه شاف لهم ورجع قال: داليا وين ؟ هاله : طالع ما نزلت بشرى: اصلا بتنزل بصعوبه الدرج اطلع اساعدها محمد اشر بيده: لا لا اجلسي باخذ انا عشاء واطلع اتعشى معها دخل المطبخ وموده غصه بالاكل ورجعت تتكلم : بحياته مادخل المطبخ والان بيدخل عشانها شروق شافت لبشرى: وانتي وكلوك الحارس الشخصي حقها او كيف تطلعيها وتنزليها بشرى: مالك شغل محمد اخذ الاكل وطلع وبشرى شافت لهم: اصلا قالت تزوجته عادي ولا بينهم حب ولاشي موده رفعت حواجبها: من صدق بشرى: والله سلوى همست لموده: ما تلاحظي ان اختك بدات تندمج مع داليا قوي موده ردت لها بهمس: احسن خلينا نعرف عنها كل شي محمد طلع وهي بالصاله غلق التلفزيون وترك العشاء وبدون لا يشوف لها: تعالي اتعشي قامت بصعوبه وجلست كذلك وبدات تاكل وكالعاده الصمت هو سيد الموقف بينهم :... الى ان قاطعتهم نغمه الجوال محمد اخذه شاف الاسم و فتح: ايوه ي حسام داليا تسمع بس حسام : رحت عند عمه اليوم ومثل ما قال معاذ واضح عمه يكرهه قوي وما صدق تخلص منه ووصفه بوصف غير عن الكل وقال انه انسان حقود وانه اكيد بيفعل هذي الجريمه وانه قلبه باقي على عارف ومدري ايش محمد : شوف انا شاكك قوي انه عمه هو الذي فعل الجريمه بس ماعندي دليل كل الادله ضد علي يعني طلع مع المقتول الصبح وكل الناس شافوهم وراحوا السد سوى وفجأة يحصلوه مقتول وعلامات الحبل على يده ويحصلوا العصير وعليه بصماتهم الاثنين وعلي مش موجود يعني التهمه لابسته لابسته حسام: وكيف نفعل محمد : لا تغلق القضيه خلينا كم يوم نشوف ايش بيطلع معنا غلق وداليا بتشوف له وبتوتر وقفت بتمشي المطبخ ورجعت تكلمت : عمه الذي قتل محمد شاف لها بنظره قويه : عفوا ي شارلك هلمز ؟؟ يامحقق القرن ال ٢١ ؟؟؟ داليا وهي تمشي على العكاز :تلقاه عمه سوا مخدر بالعصير للطرف الثاني ولما نام قتل ذاك وسط الماء وخرج بدون اي تهمه محمد رفع حواجبه وفي نفسه : تفكير مجرمين ورجع وقف ودخل بعدها المطبخ وهي تغسل ايديها : طيب ليش ماطلع الطب الشرعي علامات المخدر من جسد الميت داليا : لانه فعله في كاس واحد للمتهم بس محمد بتعجب : وكيف بيعرف ان المتهم بيشربه داليا : لانه اختار نوعين مختلفين من العصير على طلبهم وعرف من بياخذ هذا ومن بياخذ هذا اتأكد انهم كانوا نوعين وبتعرف محمد بتعجب : وكيف عرفتي داليا : قرأت روايه مثل هذي الفرق انه كانوا الاثنين الاصحاب سكرانين القاتل غرق واحد منهم وهرب ومسكوا صديقه واتهم انه قتله وهو سكران وتغلقت القضيه اعدم صاحبهم وخرج المجرم حسام عض شفته ورجع اخذ التلفون :حسام الكاسات حق العصير فحصتوها حسام : اعتقد فحصوا واحد ماكان فيه شي محمد : كانوا نفس النوع حسام بتعجب: لا كان واحد عصير توت وواحد كيوي محمد فتح عيونه وسكت :... حسام بتعجب : ليش محمد : اسمع افحصوا العصير الثاني وخلنا نفعل زياره لعلي لوسط المشفى طيب غلق التلفون وشاف لها بتعجب وطلع وهي تشوف بعده :.... .......... خرج الى هناك وحسام عند باب المشفى ودخل معه: كلمتهم يفصحوا العصير حسام : ايوه دخل معه غرفه علي وهو كان نايم سمع فتح الباب ونقز وكان في حارسين على الباب حسام غلق الباب ومحمد وقف امامه : كيف صرت ؟ علي : الحمد لله على كل حال محمد جلس ع الكرسي: قلت لي انك ماعاد طلعت ذاك اليوم مع عارف علي : ايوه كنت بطلع معه بس غيرت رايي باخر لحظه انشغلت حسام : وبعدين ايش انشغلت محمد شاف له: شوف قول الصدق لصالحك لانه احنا شفنا بصماتك على العصير علي تغير لونه :... حسام : لمصلحتك ما تكذب اذا انت بريء احكي لنا كل شي علي : صح انه طلعت معه ذاك اليوم بس والله ما اتذكر شي حسيت بنعاس قمت وانه عارف مقتول انا هربت من الخوف والصدمه بس والله ما قتلته محمد : طيب احكي لنا كل شي من البدايه من اول ما وصل عارف بيتك علي : طيب هو جاء عندي ذاك اليوم وكنا متفقين على الرحله ونطلع السد سوى وخاصه انه بيتزوج بعد شهر قلنا نقضي وقت مع بعض ونصلح المشاكل اللي بيننا وطلعنا اشوف السياره حقي وانه كانت معطله قلنا بنطلع الخط نستاجر سياره وعمي مر بالسياره حقه وشافنا ورجع قال نطلع بيسارته محمد قاطعه: يعني طلعتم بسيارة عمك ؟؟ طيب ومتى اشتريتم الاكل والعصاير ومن فين علي : الاكل جبناه من البيت بس العصاير عمي هو اشتراهن على حسابه من صاحب محل بالطريق نزل وسألنا ايش نشتي انا طلبت توت وعارف طلب كيوي ونزل اشتراهن هو حسام شاف لمحمد : !!!!! محمد وقف : طيب علي : طيب انا بريء والله محمد : العدل بياخذ مجراه خرج وشاف لحسام : اظن كل شي صار واضح اتصل لعمه يجي الامن الان حسام: طييب بشرى شافت محمد لما خرج وجلست في غرفتها شوي وطلعت دقت على داليا فتحت لها بشرى: شفت محمد طلع قلت بجي اجلس معك داليا ابتسمت ودخلتها الصاله وجلست تتكلم معها ........ حسام اتصل بعم علي ووصل وهم منتظرينه دخل ورد السلام وجلس محمد بدا يتكلم: بس حبينا نسالك انت قلت ان ابن اخوك انسان مش تمام ومتوقع يفعل كذا عم علي: ايوه متوقع هو انسان عصبي وكان يكره عارف والناس كلهم عارفين حسام : طيب وانت هل بينك وبينهم مشاكل ؟؟ عم علي: لا وانا ايش بيكون هم الذي معاديني محمد رد ظهره على الكرسي: طيب واحد من اكواب العصير شفنا فيه مخدر ؟ يعني اللي شربه علي كان فيه مخدر علي كان فاقد الوعي عندما حصل الحادث عم علي رفع حواجبه: طيب؟؟؟ انا ايش دخلي بهذا كله حسام: انت اللي اشتريت العصير !! عم علي: الله اكبر عليه ؟ قتل والان بيرمي التهمه عليا بيكذب عليا انه انا ؟ انا اصلا ماشفته ذاك اليوم حسام: يعني بيكذب عليك عم علي: اكيد الناس شافوه مع عارف وانا مادخلي محمد شاف له بتمعن: طيب احنا عرفنا من وين اشترى العصير وعندما ورينا البايع صورتك قال انه انت ام علي وقف: مستحييييل كذب هذا الكلام كيف بيعرفني محمد : الا عرفك وقال انك اشتريت من عنده في اليوم اللي حصل الحادث عم علي: ككككذب اصلا ماتدخل العقل مايقدر يتذكرني حسام: يعني رحت له ؟؟؟ عم علي : هذي كلها اتهامات باطله ليش بقتل الولد؟؟ ايش مصلحتي انا من قتله محمد : طيب وازيدك من الشعر بيت شفنا بصماتك على العصير عم علي بيتذكر انه تجنب يمسك العصير بيده : مستحيل بصماتي تكون موجوده ع العصير هذا كذب محمد : لا كانت موجوده ع الكيس اللي اخذت العصير فيه وقف وبيتكلم وهو يشوف له: انت كنت على علم انه علي بيطلع اليوم الثاني مع ابن خاله رحت لعبت بالسياره عشان ما تقدر تشتغل وخرجت بسيارتك بعيد شوي من المنطقه عشان لحد يشوفكك من الجيران علي وعارف عرفوا ان السياره ما بتقدر تشتغل وقرروا يشوفوا سياره اجره من الخط اللي انت واقف فيه لانه الخط الرسمي سويت نفسك انك شفتهم بالصدفه وبنص الطريق عرضت عليهم تنزل تشتري طبعا رفضوا لانه كل شي كان جاهز عندهم قلت بتشتري لهم عصير وعندما طلبوا نفس النوع انت اصريت عليهم يطلبوا اثنين مختلفين وسويت بحق عارف القرص المخدر ونزلتهم وسويت نفسك انك مشيت بس الحقيقه انك بقيت هناك ووقفت السياره بعيد عندما بدا مفعول العلاج يظهر ع علي ونام انت نزلت وكتفت عارف غدر من وراه وربطته ونزلته تحت الماء لما تاكدت انه مات فكيت الرباط وطلعت وهربت وعندما صحي علي انصدم بعارف ميت ومن الخوف هرب وبكذا لبسته التهمه عم علي وهو يتعرق: لا ذي اتهامات محمد : طيب خلينا نطلع نفتش سيارتك انا متاكد ان الحبل الذي ربطت به عارف مازال في سيارتك وماحصلت الفرصه للان انك تتخلص منه واكيد باقي اقراص من العلاج المنوم اللي استخدمته عم علي نزل عيونه وقبض ايديه: ايوه قتلته انا قلته عشان اتخلص من علي لانه كل شي كان مع اخي اخذه ابنه والمفروض اخذه انا هذي الفلوس كلها والاراضي كانت المفروض لي محمد شاف لحسام وحسام مسكه ولبسه الكباشات ومحمد جلس ع الكرسي يشوف بعده وبيخرجه وهو التفتت لمحمد : معي سؤال بس كيف تقول صاحب المحل عرفني والمحل كان مزدحم وانا اول مره اشتري منه وكيف تقول بصماتي ع الكيس اللي فيه العصير وانا تعمدت اخفيه محمد : انا بس حاولت اخليك ترتبك في كلامك وانا ماسالت اصلا صاحب المحل ولا شفنا بصماتك بس بقول لك شي دائما الروح اللي تقتلها تجلس تشير اليك الى ان اما تموت او تكون في يد العداله ......!!!! ........ كانت تتكلم مع بشرى بالصاله ورجعت تقول لها :تعالي ندخل الغرفه بوريك الذهب حقي بشرى ابتسمت ودخلت معها وسالتها بتعجب : انتي تنامي هنا ؟؟؟؟ داليا هزت راسها بدهشه: ايوه ليش بسرى: بس احنا نعرف انه غرفه محمد هناك داليا بتوتر : ايوه اصلا ذي بس زياده يعني بشرى : يعني لو يجي محمد ممكن يدخل لهنا داليا بتوتر: مدري ليش بشرى: عشان اذا بيجي لهنا بنزل قبل لايجي داليا : لا تقلقي اكيد معه شغل طويل وبعدين عادي اذا جاء وانتي هنا مافيش مشكله بشرى :..... ...... موده جالسه امام الشباك تشوف لخارج: متى يروح محمد طول اليوم وهي تتكلم وصل بالسياره غلقها ونزل وهي تشوف له بحذر لايشوفها وتشوف له بحب واعجاب: هذا الشخص لي انا تعبت من اجله كثير انا احبه من سنين كيف تاخذه داليا !! انا ارتكبت جرائم عشان احصل عليه انا قتلت ناس عشانه !!!!!! قتلت عشاااانه نااااااس مابسمح لداليا تاخذه مني مستحيل !! دخل وطلع على طول فوق فتح باب الشقه فكر داليا نامت جلس بالصاله بتعب ومسك جواله ووقف يشغل الوايرلس وهو يفكر: معقوله بنت درست لسادس عندها ذا التفكير ؟؟ وتقرا روايات ؟؟ مدري مرات تخليني اشك انها بنت خطيره وما يستهان بها ومرات اقول انها بنت بريئه وعلى نياتها ؟؟ وبعدين معك ي داليا ؟؟ ماعاد عرفت اي واحده هي شخصيتك ؟ وهو واقف امام الوايرلس بالصاله بيدخل غرفته سمع صوتها مع بشرى داليا : هذي اول مره بحياتي احصل ذهب ماتصورت ابدا توقعت حتى لو اتزوج ياخذهن ابي وخالتي بشرى ضحكت : احنا الله يخلي لنا اخي محمد جاب لكل واحده مننا شي ماقصر حتى بنات عمي جاب لهن وجاب لموده خاتم وهي بالاعدادي محتفظه به للان داليا سرحت بحزن: لا انا كان ابي يجيب بس لزينه انا كنت اتمنى لو جاب لي حتى مره واحده حتى لو كانت ورده بشرى شافت حواليها : الا بسالك ماجبتي لك ملابس؟؟ يعني من حين جيتي وانتي بهذول وبعدين قصار شوي داليا فتحت عيونها : هذول اغلى ملابس اشترتهن زينه اصلا بشرى بتعجب : زينه ؟؟؟ داليا : ايوه اقول لك شي ؟ انا اصلا ما يشتروا لي ملابس انا البس ملابس زينه عندما يشتروا لها جدد تجيب لي ملابسها القديمه محمد رفع حواجبه وترك التلفون وجلس يسمع بشرى بدهشه : ما تشتري ملابس ؟؟؟ داليا : هم يشتروا لزينه ملابس اضيقهن شوي بس يبقوا قصار شوي تشتري بالعيد ملابس غاليه وحلوه والعيد الثاني يجبوهن لي ويشتروا لزينه ملابس جديده تعرفي يا بشرى احيانا كانوا يجيبوا لها ملابس حلوه واجلس بشوق متى يجي العيد الثاني عشان اخذهن بشرى : بس بيكون خلاص مو مثل وهم جدد داليا : ايوه اعرف بس كمان كنت افرح بهن بشرى تنهدت : طيب يا قلبي ما ينفع تجلسي باثنين ملابس لزينه واحد تلبسيه وواحد تغسليه كلمي محمد يجيب لك ملابس داليا قبضت ايدها مع بعض وبتوتر : لا انا مرتاحه كذا بشرى: لا كلميه ما بيقول شي ضروري يكون معك ملابس انا مستغربه كيف ما انتبه محمد انه ماعندك ملابس داليا : لا انا ماكلمته واصلا مو مهم انتي مكبره الموضوع انا مرتاحه كذا ومحمد مشغول واصل واغلب الاحيان يرجع الفجر مش معقوله بينتبه ايش لبست وايش مالبست بشرى عقدت حواجبها بتعجب: بالعكس محمد خطير يركز على كل شي داليا : انسي انسي محمد سحب نفس عميق وشاف للساعه كانت 12:00 بشرى وقفت: بخرج سمعت صوت باب يمكن انه محمد داليا سكتت فتحت وتفاجأت فيه بالصاله: امممم مساء الخير محمد : مساء النور بشرى : عن اذنكم طلعت وهو يشوف بعدها ورجع شاف لداليا وهي توترت من نظراته ودخلت غرفتها وغلقت الباب وجلس هو يتذكر كلامها: انا البس ملابس زينه اضيقها شوي والبسها بس تبقى قصيره شوي لانه انا اطول من زينه اذا اشترت زينه ملابس حلوه للعيد اجلس انتظر متى يجي العيد الثاني عشان تجيبهم لي زينه ويشتروا لها غيرهن ........... اليوم الثاني الصبح طلع بدري وكانت مازالت نايمه راح المشفى ودخل عند علي وكانت خالته نايمه سمعت صوته وقامت وعلي كذلك صحى محمد : انا بس جيت بقول لكم انه امس المساء احنا مسكنا عمك ي علي طلع هو الذي خطط لهذا كله وقتل عارف خالة علي بفرح: الحمد لله كنت متاكده ابني مستحيل يقتل مستحيل علي مسح وجهه: عمي ؟؟!!!! لاحول ولاقوة الا بالله لهذي الدرجه طمعته الفلوس !!!! شاف لخالته: شفتي يمه كيف فعل هذا وهو عمي خالته مسكت ايده وضمته: لا تشيل بال ي ابني لا تشيل بال المهم الحق ظهر وانت رجعت لاحضان امك محمد كان يشوف لهم وفي نفسه: محد يصدق انها زوجته ابوه صدق الناس ما يتساووا بعد دقائق خرج من عندهم وهو يكلم نفسه : وسط سوء هذا العالم يظل في ناس خيرين وفي قلوبهم نور وعندما وصل المكتب حقه تفاجأ بواحده بتكلمه : انا ام عارف ارجوك خليني اشوف قاتل ابني اسأله سؤال بس ارجوك محمد : ما اقدر اليوم بينقلوه من عندي وانا ما اقدر اخليك تشوفيه شافته له وبرجاء: ارجوك ي فندم بس بساله سؤال واحد بس ارجوك محمد بعد رجاها : طيب تعالي معي وصلها هناك وفتح لها وكان معه شرطيه واقفه جنبه ودخلوا معها ام عارف شافت له ودموعها تجمعت بعيونها دخلت ووقفت جنبه : انت الان اللي قتلت ابني صح عم علي كان ساكت ام عارف : بسألك سؤال واحد بس امانه رد عليا عندما قتلت عارف قلي هل عذبته قوي💔 امانه قلي هل كان يصيح او يتألم قلي هو تعذب قبل مايموت ،، ابني مدلع انا عمري ما مديت يدي عليه !! امانه لاتكون شديت قوي على يديه ووجعتهن ؟؟ اخاف جرحته بايديك عم علي شاف لها بندم :.. ام عارف :... عم علي شاف لها بندم :.. ام عارف : قلي ايش عمل بك ابني ؟؟ عادنا قلت بزوجه الشهر هذا ؟؟ قلي ليش قتلته مسكت ايدها وفكت الاسور وايديها ترجف من الحزن : عشان الفلوس هاه خذ هذول لو كلمتني انك بتفعل بابني كذا عشان ورث ابن اخوك كنت بعت اللي فوقي واللي تحتي وجبته عشان روح ابني نظر عيني!! عادي الموضوع سهل ولا تحرمني منه عادني اقل له ي عارف انا مشتاقه لعيال اختك يقول لي يمه بعبي لك البيت عيال انا ابنك الكبير بخليك تكرهي كلمه عيال وانت جيت وعبيت لي البيت حزن💔 صور ابني في كل زوه بالبيت وملابسه وكلامه كيف قدرت تفعل كذا!!!!! مافكرت فينا ؟ انا كيف بفعل بدونه ؟ لوحد خذ ابنك منك ؟ كاانه ينزعه من روحكك كيف قتلت فلذة كبدي !! ياليتني زوجته وشفته عريس مثل كل الامهات ،، ياليتك اخذت روحي كانت تتكلم وهي تبكي محمد التفت للشرطيه : خلاص طلعيها طلعيها وشافها بتبكي :.. محمد : قلت طلعيها لانه واضح منفعله هزت راسها ومسكتها وهو طلع بعدهن وكان عم علي يتكلم بعدها: والله نادم والله ناااادم سامحيني .......... الظهر رجع البيت وداليا بغرفتها دخل وبيده اكياس كثير دق غرفتها وفتح وترك الاكياس : هذول ملابس داليا رفعت حواجبها بتعجب: بس !! محمد : مش حلوه تظلي بهذول مثل الشغاله !!! وانتي عارفه انتي زوجة من داليا بلعت ريقها بصعوبه :... محمد طلع وهي تشوف بعده اخذت عكازها واقتربت ولما فتحتهم انصدمت كانوا كثير وواضح سعرهم غااالي ليش عمل محمد هكذا؟ هل بس امام الناس ؟ او في شي ثاني ما اعرفه ؟ ليش بيتصرف بهذي الطريقه بيفعل خير ويقول شر!!! ورجعت تشوف لهم : بعدين كانهم مقاسي كيف الرجل هذا شديد الملاحظه ودقه النظر من كم نظره خاطفه جاب مقاسي بسهوله الان اقوم البسهم نفسي اجربهم كلهه بس يدي ورجلي بيعيقوني !؟ سهل اول ما اتعافى بالبسهم واجربهم واحد واحد يااارب اتعافى بسرعه .............. بعد اربعه اشهر كانت بالمطبخ بتصلح العشاء بشرى جالسه جنبها تتكلم معها : مش معقوله امس فكيتي ايدك ورجلك واليوم تشتغلي خليني بسوي العشاء انا داليا : لا لا محمد قال اطبخ لنفسي بعدين بيقلب عليا صوره تعرفي ابن عمك كيف هو بشرى بتعجب : داليا تصدقي انا كم اجي اجلس معك بالصدفه بس ولا يوم شفتك تتكلمي معه اصلا مدري كيف لما اكون جالسه معكم احس انكم مثل مغناطيس نفس الشحنه تتنافروا وكأنه انتم يعني بصراحه مش متزوجين !!!! داليا شافت لها:... بشرى: داليا بصراحه اعتبريني صديقتك كيف علاقتك بمحمد ؟؟؟؟ مستحيل تكون ذي علاقه بين زوجين !!! حتى ما تبتسموا بوجوه بعض!! داليا تتذكر كلامه ،، انا وانتي امام الناس متزوجين وغرباء فيما بيننا ... بشرى: لا تخافي مني والله ما اطلع اي كلام داليا : بشرى انا و محمد ماكنا نلتقي الا عند الاكل عشان انا كنت مريضه كان يطلع لي الاكل وناكل وكل واحد يرجع غرفته طول الاربعه الاشهر ذي ماحصل بيننا اي حوار اطول من تعالي اتعشي مساء الخير بشرى رفعت حواجبها : مممممن صدددق لللللليش طيب !!!! داليا بتتكلم وهو فتح الباب شافت له وسكتت وبشرى شافته وطلعت داليا جهزت العشاء وطلعت وهو يتعشى رن جواله رد : ايوه ي حسام حسام: معنا جريمه!!! محمد ترك الاكل من يده ووقف: فين هات لي العنوان بجي الان اتركوا كل شي لحد يلمس شي طوقوا مكان الجريمه .. وهي تشوف له وطلع اول ما خرج وشغل سيارته ومشي سمعت صوت ضرب حجر بالبلكونه استغربت فكرت انه ممكن يكون هو نسي شي !!!! فتحت البلكونه وصدمت برساله ع الحجر اخذتها وفتحتها ورفعت حواجبها بدهشه عندما كان مكتوب فيها " ليش نسيتيني يا داليا ؟؟ اخذك محمد مني ؟؟ تتذكري ايامنا مع بعض والطلعات من وراء اهلك ؟؟؟؟؟ على العموم ماعندي مشكله ابقى على تواصل معك حتى لو انتي متزوجه ضابط ،،، حبيبك القديم الوفي " صعقت من الكلام اللي بالورقه ورجفت ايدها وهي تحس المكان يلف ويدور بها لو تاخر محمد دقيقه وشاف الورقه ايش بيفعل بها التفتت تشوف مافي اي حد خارج قبضت بيدها ع الورقه وقطعتها ودخلت المطبخ وحرقتها ويدها مازالت ترجف من الخوف :..... وصل هناك شاف الناس متجمعين والشرطه هناك حسام شافه : الجثه الى الان غير معروف صاحبها بس هي بنت صغيره بالعمر قتلت بطريقه بشعه محمد بيمشي وحسام يكلمه ولما دخل بين الناس وتقدمهم وشافها صدددم كانت بنت يبان عمرها 9 سنه مرميه جنب الزباله والدم على جسدها بالكامل اقترب منها بعد ماصوروها وقبض يده بشده : ايش سوت ذي الطفله عشان تقتل بالطريقه الوحشيه هذه التفتت لحسام :الطب الشرعي وصل حسام: بيوصلوا الان محمد وقف: شكلها جريمه قتل واغتصاب وشاف لحسام: اعطي بلاغ لكل اقسام الشرطه تعطينا كل المعلومات اذا في حد بلغ على بنت مفقوده عمرها في حدود 8 الى ١٠سنه حسام : سبق وبلغت ي فندم وفي واحد من المركز قال انه قبل يومين جاء واحد وبلغ فعلاً محمد : وليش منتظر يله نروح واتصل له الان انه احنا جايين وكلمه يتصل لاهل البنت اللي بلغوا عن اختفائها ورجع التفت لها بقهر ومشي :...... وصل هناك دخل وابو البنت قام لعنده : ايش حصلت بنتي؟؟ وين هي كيف هي محمد بهدوء: اشوف صوره بنت ابو البنت طلع الصوره ويده ترجف من القلق: هذه هي بنتي ملاك محمد مسكها ورفع حواجبه بحزن كانت نفس ملامح البنت بس الفرق ذاك الوجه شبه مشوه وهذا الوجه شديد الجمال بلع ريقه من الحزن وشاف لابوها :شوف ي عم انا والله العظيم وخذه عهد الان امامك وامام الكل اني باطلعه لو كان تحت الارض نظر اليه نظره مكسوره وجلس: كيف يعني ؟؟! حسام : بنتك شفناها مقتوله ي عم !! تنهد وقبض ايده مع بعض وقال بهدوء: مقتوله ؟؟ بنتي عمرها 9 ليش حد بيقتلها ؟؟ محمد : هذا اللي بنعرفه منك ؟ انت معك اعداء شاكك بشي شاف له ورفع حواجبه رغم قوته وصلابته تكلم وخرج كلامه مع نزول دمعه القهر من عينه : لا والله ي فندم ماعندي اعداء انا انسان مسالم لا اذيت احد ولا احد اذاني محمد : طيب انا ما اريد اضغط عليك بس كل كلمه تقولها بتفيدنا انه نوصل قاتل بنتك الى منصه الاعدام قول لي الان كيف اختفت بنتك ومتى ووين كنتم ابو ملاك ودموع تتساقط: كانت تلعب بحوش البيت حقنا مع بقيه الاطفال وامها حريصه عليهم كثير غلقت الباب بيدها وتاكدت انه مغلق وطلعت وبعد ساعتين روحوا العيال الا هي وقالوا انه مفكرينها داخل الشقه لانه ماشافوها طلعت ابدا دورنا عليها في البيت كله ماحصلناها طلعنا كمان ماحصلناها بالحاره بالشوارع بالمستشفيات ما حصلناها امها ماقدرت تتحمل صار فيها انهيار عصبي هي الان بالمشفى تصحى تسال عليها وتنام تسال عليها حسام : متى اختفت ابو ملاك: قريب قبل يومين بس حسام :طيب هي ومن كانت تلعب ابو ملاك: مع عيالي وعيال المستاجرين محمد: بيتكم كم دور ؟ ابو ملاك : اربعه ... محمد: لمن ماجرينه ابو ملاك: الدور الاول لعائله سليمان فيها هو وزوجته وعياله الاربعه بعمر ملاك واصغر والثاني مستاجرينه طلاب بسنه اولى جامعه انا ماكنت باجر لعزابين بس اغلب الاحيان تجي اختهم تطبخ لهم وتصلح لهم لهذا وثقت شوي والثالث لواحد مكمل جامعته والان بيشتغل وقال انه قريب بيطلع زوجته تعيش معه لانه هي بالقريه والرابع لي انا وعائلتي محمد شاف لحسام : اشتي بعد ساعتين كل المعلومات عنهم توصلني المكتب حسام:حاضر ابو ملاك مسح وجهه ودموعه بقهر : من بيقتل طفله ... !!!! محمد مسك كتفه : اذكر الله ي عم وصدقني العدل بياخذ مجراه وراس قاتل بنتك بيقطع وتاكد الروح تبقى تشير بالدلائل للقاتل الى ان يموت او يذهب للعداله .......... زينه جالسه بغرفتها وشافت تلفونها بيرن مسكته :ايوه ايش صار ؟؟؟ اهااا لا لا ما اتفقنا كذا ؟؟؟ الاتفاق الذي بيننا واضح انا بجيب لك كل شي وانتي تشتغلي غلقت التلفون وتشوف له : خلونا نجرب نلعب شوي مع المحقق زوج اختي الفاضل ؟ ......... رغم انها حرقت الووقه بس مازالت يدها ترجف ونقزت بقوه عندما دق الباب خاافت مدري ليش خافت يكون محمد ؟ حتى لو كان محمد ليش خافت كذا دخلت بشرى وضحكت: ايش تسووي جالسه لحالك وليش كذا متوتره تحسبيني محمد ؟ لذي الدرجه تخافي منه داليا جلست وهي سرحانه :.. جلست جنبها وشافت لها بتمعن: داليا ؟؟؟ محمد ما اشترى لك غير البجاماات ؟؟ ضحكت: لا اشتري اشياء كثير رفعت شعرها : طيب ليش ما تلبسيهم وتغيري كذا لانه الحمد لله انتي تعافيتي هزت راسها بالنفي: لاااااا مستحيل اصلا ما يناسبوني لاااا يمكن البس كذا امام لا لانه مدري كيف هن بشرى ضحككت وشافت لها: هههههههه الان قولي لي ايش بينك وبينه داليا : ولاشي عايشين بالبيت عادي هو في حاله وانا في حالي وبهدوء: غيري الموضوع بشرى : طيب طيب Like رد مع اقتباس إقتباس متعدد لهذه المشاركة الرد السريع على هذه المشاركة #4 أضافة تقييم إلى "جوري" تقرير بمشاركة سيئة قديم 08-10-21, 08:21 PM الصورة الرمزية "جوري" "جوري" "جوري" غير متواجد حالياً مشرفة منتدى الروايات المنقولة محمد بمكتبه يستمع لحسام : الرجل هذا اللي عايش مع زوجته ب الدور الاول عمره ٣٦ ويقولو انه تجلس تحصل بينه وزوجته مشاكل وانه عينه طووويله ويجلس يشوف لهذه وهذه اما الشباب اللي عايشين فهم طلاب ويقولوا انه ذاك اليوم كان معهم اختبار بالجامعه وكانوا يذاكروا واللي خلص جامعته بيقولوا انه انسان انطوائي محد يعرف عنه شي وما يحتك بالناس كثير ودائما شغل ويرجع بيته ويغلق محمد حرك يده ع وجهه : طيب الطب الشرعي ايش قال حسام: هم الى الان بيشتغلوا بس قالوا مثل ما قلت الطفله تعرضت لحادث اغتصاب قبل قتلها بس مافيش اي علامات ضرب او عنف على جسدها محمد : هذا دليل ع انها كانت تثق بالقاتل وتعرفه لهذا ما اضطر انه يعذبها عند اختطافها اكيد هو واحد من سكان العماره لانه الباب كان مغلق والتحقيقات تقول انه كانت تعرفه بدليل عدم وجود علامات عنف تدل ع اختطافها او مقاومتها للخاطف بس ليش عمل كذا ليش ايش من بشر هو حسام : اخوان الطفله قالوا انه كانوا يلعبوا ب الحجار والطين ولهذا كان في علامه طين على ايدي البنت وملابسها وتراب كمان محمد : انت شاكك ب اللي انا شاكك فيه ؟؟؟ حسام : ما ادري الموضوع معقد والوقت الان متاخر الساعه بتقرب فجر روح نام وبكره نكمل محمد رد ظهره ع الكرسي: كيف بيدخل النوم عيني وقاتل الطفله ما انمسك !!!! قام وروح وهو يفكر طول الطريق بالسياره وهو يفكر وصل جلس بالصاله مش قادر ينام صوره البنت ما طلعت من راسه وكان جدا مرهق صحي الصبح على صوتها : ي استاذ !! فتح عيونه بتعب وهي مجهزه الفطور : قوم افطر محمد مسح وجهه: كم الساعه داليا : 8 الصبح اول ما قالت قام بسرعه: 8 تاخرت لازم اروح خرج بسرعه وهي تشوف بعده :... . . اتصل لحسام عطاه عنوان ملاك وراح وصل هناك استقبله ابوها : تفضل ي فندم محمد : مافي عزاء ؟ او شي ابو ملاك : العزاء بيصير لما تسلمونا جثه بنتي وراس القاتل محمد مسك كتفه :ولايهمك دخل اول دور كانوا العيال بيلعبوا شاف لسليمان : متى اخر مره شفت ملاك ؟ سليمان : ملااك ملاكك ذيك البنت كأنها ملاك صدق عليها ملامح ماشاء الله شفتها نفس اليوم اللي اختفت جاءت دقت الباب وطلبت عيالي تلعب معهم ابنه رد من وراه: وابي صيح فوقها وقال لها ازعجتيني انتي وهم بتخرجوا تلعبوا جنب الشباك حقي وخاصه انه امي ماكانت موجوده ؟ سليمان سكته وشاف لمحمد: ماعليك منه هم كذا العيال يجيبوا كلام مش موجود محمد :زوجتكك كانت خارج البيت سليمان: ايوه كانت بيتهم امها كانت تعبانه في الحقيقه ي فندم ككنا كلنا بالعماره نحب ملاك قوي والله اني انقهرت قوي لماعرفت انه حصلتوها مقتوله واول مره ابكي ع ميت كان امس محمد شاف له شوي: ان شاء الله بنطلع اللي قتلها طلع الدور الثاني دق الباب وفتحوا له محمد دخل والشرطه بعده: فتشوا الشقه وشاف للاربعه الشباب :متى اخر مره شفتم ملاك ؟؟ الاول : كلنا شفناها قبل ما تموت لانه كنا نذاكر معنا اختبار لغه عربيه امها الله يحفظها نزلت لنا شاي لانه اختي ذاك اليوم ماجاءت الثاني : وفتحت لها انا جابت الشاي وابتسمت لنا الثالث: وقطعت ملزمتي بالغلط وهي طالعه ههههه كانت متحمسه تخرج تلعب الرابع شاف له: ايوه وانت قلت ملزمتي اغلى منك ليت ربي يخذ روحكك قبل لاخذها انا محمد شاف له وهو شاف لمحمد: ماعليك من كلامه ي فندم هو زعلان عليها قوي صح اني قلت بس من باب المزح والله انه كنا نحب ملاك قوي كانت مثل مصدر دعم لنا لانها كانت واصل مبتسمة حتى مشاغبتها كانت حلوه الاول شاف لهم وابتسم وضحك: ايوه وكان يقول واحد يخطفها لنا الثاني ابتسم: احنا لايمكن نفكر ناذي بنت مثل ملاك او غيرها ي فندم ملاك كانت مثل اختنا الصغيره وامس انصدمنا و زعلنا قوي لما عرفنا خبر موتها كان صدمه كبيره علينا حسام وصل عنده وبيشوف له: ماحصلنا شي ي فندم خرج محمد وهو يشوف لهم دخلوا الشقه الثالثه دق الباب وفتح محمد : معك المباحث ابتسم : تفضلوا دخلوا يفتشوا ومحمد يشوف له: متى اخر مره شفت ملاك ي استاذ زكريا زكريا: شفتها اليوم اللي اختفتت به ارسلتها امها ربنا يشفيها جابت لي كيكك وشاي محمد :ايوه زكريا: وخلاص دخلتهن وخرجت وهم يتكلموا سمع صوت شي انكسر زكريا: راح بيشوف ومحمد دخل الغرفه وبيشوف من شباك الغرفه لخارج ورجع بيخرج وزكريا وصل محمد شاف له: انت مغير الاثاث؟؟ اشوف البيت كله نفس الاثاث الا ذي الغرفه زكريا ضحك: ايوه انا غيرتها لانه زوجتي قد بتطلع فقلت ببدا اغير اثاث البيت على شوي شوي لانه فلوسي ماتكفي اغيره مره واحده محمد شاف له ونزل وهو يفكر في اقوالهم؟؟؟ طلع حسام السياره ومحمد معه : ماشفت شي داخل البيت يدل او يشير الى القاتل محمد : الان انا بروح البيت اكيد منتظريني على العشاء حسام : سهل لابد للقضيه انها تحتل والمجرم ينمسك هذا قانون الحياة نزل حسام ومحمد وصل البيت دخل وهم منتظرينه على العشاء وبينهم داليا جلس وهم ساكتين كالعااده بدأوا ياكلوا وهو يشوف للاكل وكأنه تراب مش قادر ياكله وصوره البنت مافارقت خياله وكلام المشتبهين هاله شافت لابراهيم : صدق قالوا تضاربوا اليوم في جامعتك ابراهيم : ايوه وصلت للقتل مجانين يمه تصدقي بيتقاتلوا عشان واحده موده تاكل وشافت لمحمد : كل شي يجوز ي ابراهيم بالحب ؟؟ كل شي محلل حتى القتل !! التفت لها محمد بدهشه :!!!! موده : قاتل لاجل الانسان اللي تحبه اقتل وقاتل محمد قام من فوق الاكل وطلع بشرى: ما تلاحظوا انه ما اكل شي؟؟؟ شروق : مدري شكله مهموم قوي داليا قامت بعده سلوى بمسخره: خلاص بتطلع تراضيه وموده عضت شفتها بقهر ابراهيم : يمكن متضايق عشان البنت اللي قالوا انقتلت وهو بيحقق بالقضيه هاله : اي بنت ؟ شروق : ما سمعتم موضوع البنت اللي قتلوها كل الناس ماعاد معهم سيره غيرها حتى الانترنت كله عنها بشرى: ايوه قالوا خطفها واغتصبها ورجمها موده : لو تحاولوا مع محمد يعطيكم اخبار حصريه شروق:بس انتم عارفين انه ما يحب يتكلم ولا يطلع اسرار شغله ولا بنقدر نعرف شي الا مثل الناس سلوى: ليته يمسكه ويدعسه دعس التافه هذا قهرني جعل ربي يعجل به كيف قدر قلبه يفعل كذا هذا تجرد من الانسانيه كان في غرفته مرهق يحاول ينام مانام امس مثل الناس بس مش قادر وهو يحاول يجمع كلامهم هو متأكد القاتل واحد منهم بس كيف يقدر يعرفه حط يده اسفل راسه ومسك يده الثانيه التلفون وفتح التلفون وشاف صورتها : اوعدك ي ملاك ما يكمل الاسبوع الا واللي قتلك عندي الناس اللي تجردوا من المبادئ والضمير لازم ينمسكوا داليا دخلت غرفتها وهي تفكر :ايش فيه اليوم كذا مش قادر ياكل يبان مقهور من امس حتى اليوم الصبح عندما وصل كان مقهور لازم ما انسى هو تزوجني وقت كنت غارقه في اكبر مشاكلي وعالجني ولبسني و ماقصر بشي ودفع مهري وذهبني لازم ارد له جميله فتحت الدرج وطلعت السوار وتتذكر عندما كلمت بشرى انه هذا افضل شي بين الذهب اللي اشتراهن اخوها اخذته وراحت دقت الباب استغرب هو : ادددخل فتحت وتفاجأ بها عدل جلسته وغلق التلفون وهي جلست جنبه وهي متردده ومتوتره: شوف بس بليز كون هادئ شوف خالتي عندما كان ابي يوقع في مشكله وما يقدر ياكل ويكون مهموم كانت تجيب له شي من ذهبها يبيعه ويسدد دينه وانا جبت لك هذا اغلى واحد بين ذهبي بيعه وسدد دينك ؟ رفع حواجبه ومسكه : اسدد ديني؟؟؟ داليا : ايوه لانه الدين هم شاف لها بتمعن: وتعتقدي ان هذا السوار بيحل مشكلتي ؟ داليا وقفت: اذا ما بيكفي بروح اجيب الباقي محمد بهدوء: لا بشوف يمكن يكفي سكتت وهي شافت له شوي وتوترت وطلعت وقف هو وقبض السوار: مدري اضحك او ابكي ؟ تفكر كل مشاكل العالم تحلها الفلوس وكلها ديون ؟؟ احيانا تبين كانها عايشه على الفطره ترك التلفون وقف وبعد الجاكت واتفاجأ عندما شاف تراب في الجهه اليمنى من الجاكت تحديدا يده اليمنى شاف الجهه الثانيه مافيها شي؟؟؟ مسكها وشاف لها بتعمن وقال في نفسه بعصبيه : ي ابن ال * الان عرفت من انت !!!! كيف قدرت تقتلها ؟؟؟ ترك الجاكت ودق لحسام: حسام انا بجي الان سوي اللي اقول لك اول شي اريد تتصل ب ****.. طلع وداليا بغرفتها سمعت صوت الباب : شكله بيروح يبيع الذهب؟ وقفت امام شباك غرفتها وبتشوفه وهو يخرج السياره بعد ما مشي نقزت على صوت بالصاله خرجت وشباك الصاله مفتوح وفي حجر ملفوفه بورقه مسكتها وفتحتها * داليا ايش رايك اليوم نجدد ايامنا الحلوه حق زمان؟؟؟ ايش رايك تطلعي معي ونتقابل في مكان حلو كذا ؟؟؟ واضح زوجكك مشغول بالقضايا اللي معه ؟ لا تخافي مني بس اذا ما طلعتي معي؟ رسائلي ما بتنتهي .. وما يهمني اذا وصلت واحده ليد الفندم * قبضتها بيدها ودخلت المطبخ وحرقتها وهي ترجف : لو يشوفها محمد بيقتلني ،،، ما اقدرش اتصور ايش ممكن يفعل ! ايش اسوي بالمصيبه اللي وقعت ع راسي وصل هناك دخل : مساء الفل كيفكك ي استاذ زكريا؟؟؟ زكريا كان منتظره على مكتبه وحسام جنبه : تمام خير في شي؟ محمد جلس وسحب نفس وبهدوء:حلو انك تحب السرعه يعني بدل اللف والدوران نتكلم بسرعه كذا وتقول لي ليش قتلت ملاك ؟؟؟ زكريا رفع حواجبه: انا قتلت ملاك ؟؟؟؟ انت عارف ايش تقول ؟؟ انا مستحيل اقتل طفله محمد شاف له شوي وابتسم: دامك مش راضي تقول لي ايش صار انا بقول لك ذاك اليوم نزلت لك ملاك الشاي والكيك ونزلت تلعب مع الاطفال بالحوش بعد ما تاكدت امها انها غلقت الباب تمام انت لعب عليك الشيطان وانت تشوفها من شباك غرفتك الى وسط الحوش نزلت واشرت لها بدون ما يشوفوك البقيه ملاك كأي طفله بريئه طلعت معك اول ما وصلت قلت لها انتظري هنا في غرفه الجلوس انا بجيب شي من المطبخ وانت كنت بتجيب ادوات الجريمه اولهم القفازات ملاك طفله كانت تلعب سمعت صوت الاطفال وراحت الشباك تشوفهم واول ما سمعت صوتك رجعت مكانها بس كان جزء من شباك غرفتك فيه تراب من يديها وملابسها وهذا يفسر التراب اللي كان ع الجاكيت حقي عندما شفت من الشباك ووضعت يدي اليمنى زكريا: مجرد توقعات ي فندم شكلك بتشوف افلام قوي محمد يكمل: بعد ما ارتكبت جريمتك خفت من انها تتكلم عليه البنت لما حاولت تقاوم انت عطيتها ضربة قويه بانفها وهذا الشي سبب لها نزيف في انفها وتلطخ وجهها بالدم هي فقدت الوعي والطب الشرعي اثبت الكسر اللي بانفها ماكفاك هذا الشي حاولت تتخلص منها للابد فخنقت الضحيه حتى الموت وعشان لا يظهر شكل يديك لبست ثلاث قفازات بطريقه ذكيه منك بعد ذلك اخذت البنت ولفيتها بمفرشه الغرفه وخبيتها عندما جاء اهلها يسالوا اذا هي عندك وحصلت دوشه بالبيت وكلهم يبحثوا عنها وهذا خلاك تعيش برعب الى منتصف الليل اخذت البنت مع المفرشه القديمه ورجمت البنت مكان بعيد في زباله تقريبا وعشان حد لا يعرف فراشك انت حرقته زكريا ضحك: مش قلت لك انك تشوف افلام كثير انا قلت لك اني غيرت اثاث البيت باستقبل زوجتي محمد وقف وخرج حسام: ورينا الفراش القديم زكريا: انا تصدقت به للمساكين حسام: دلنا عليهم زكريا: ما اتذكر شفتهم بالشارع وعطيتهم هذا مش دليل كافي انكم تتهموني محمد دخل وشاف له: انت حاولت تخفي كل اثار الجريمه بس انا قلت لك دائما روح الشخص المقتول بتظل ترمي بالادله الى ان يموت القاتل او يذهب للعداله ورجع شاف له: انا ارسلت اربعه خبراء بعد ما خرجت من البيت الى شقتك يفحصوها انا متاكد ان اثار الدم مازالت تحت الفراش لانه الوقت داهمك جدا وماقدرت تغسل الشقه واضافه الى ذاك هم عطوني هذا دخل يده وخرجها وفتح يده في وجهه وكان فيها ثلاث حجار صغيره : هذول كانو في يد ملاك عندما طلعت شقتك الان تقدر تقل لي ايش كانو يفعلوا تحت التلفزيون حقكك وسط شقتك ؟ زكريا شاف له بتوتر محمد : انا بقولك تركتهم من يدها عندما ضربتها على انفها ودخلوا تحت التلفزيون زكريا تنهد بعد ما تحاصر بالادله وقبض ايديه ونزل راسه : ماكنت اريد اقتلها والله ملاك كانت طفله بريئه وكانت واصل تجي عندي واهلها يلبسوها اجمل الملابس وانا مريض نفسي انا فيني هوس بالاطفال حاولت كثير اخليها بعيده عني بس ماقدرت في شي واحد كان غلط في روايتك انا مانزلت انادي ملاك من تحت ملاك هي جاءت الى عندي لانه لانه نست دفتر الرسم حقها بشقتي محمد وقف ووصل امامه زكريا: صدقني انا نادم انا مريض محمد: الان العدل والقانون بيشفيك شاف لحسام: خذه مكانه اللي يستحقه بيطلع و.. حسام شاف له : الصحفيين خارج في حد بلغهم انه مسكنا القاتل محمد شاف له وطلع ... كانوا جالسين بالصاله ع الانترنت عندما نزلت سلوى بسرعه وفتحت التلفزيون: بيقولوا انهم مسكو اللي قتل البنت شروق: الحمد لله موده : اي شفت بالانترنت شغلت التلفزيون والموضوع كان على هذا هو دخل وهم يشوفوا وقف امامهم: كل وقتكم ع التلفزيون والانترنت هكذا تقضوا يومكم بشرى: لا والله كان مغلق بس قلنا نشوف الذي قتل البنت ابراهيم : صدق مسكتوه شروق تشوف للتلفزيون: هذا محمد صح شاف لهم وطلع الدور الثاني وهم يسمعوه بالتلفزيون : انا ارسلت رساله للمحكمة والنائب العام ان الشخص هذا لازم يعدم اعدام مفتوح امام الجميع عشان الكل يعتبر من هذا الحادث وانه من تسول له نفسه بيلاقي نفس المصير سلوى شافت لموده: خلاص اخي صار مشهور بيطلع بالتلفزيون كمان موده ضحكت: ههههههههه بشرى: يا سلام وبعدين هذيك شخصيته يتكلم وكأنه بالغصب ابراهيم : تحسي باقي شوي ويضرب الصحفي شروق: هههههههههه المهم انه انمسك الانسان هذا قدنا اقول للبنات اخي اللي ماسك القضيه بيطلعه من تحت الارض محد صدقني داليا كانت بغرفتها وكانت تقرا من كتاب شوي وهو بيدق بغرفتها دخل وهي عدلت جلستها : مساء الخير تركت الكتاب وشافت له: مساء النور دخل يده جيبه وخرج لها خاتم : ينفع هذا بدل السوار حقكك اللي جبتيه ؟؟؟ داليا ابتسمت: يعني خلاص حليت مشكلتك محمد : ايوه؟ داليا بنفس الابتسامه : اكيد ينفع مد يده وهي اخذته ورجع شاف لها شوي وهي بتجرب الخاتم وقال لها : وهذا حقكك شافت الى يده وكان سوارها رفعت حواجبها وبتعجب : ما بعته ؟؟ محمد تركه ع الطاوله : مره ثانية لا تكوني ساذجه وتجيبي اشيائك لاي شخص؟ حقك احتفظي به لنفسك ؟ لانك اذا جلستي كذا بتسلمي حتى البيت ونهايتك تعيشي بالشارع اقترب منها ومد يده امام وجهها: حاولي تستوعبي فكرة انك مش في مكان امان ؟ ربما في ناس ما بيقدروا يناموا الليل وهم يفكروا كيف يطلعوك من هنا ؟ لهذا انا ما اريد تنازلات ؟ لا تتنازلي لا لي ولا لغيري ؟ اشيائك احتفظي بها لنفسك ! نزل يده و شاف لها لثواني وسحب نفس وطلع وهي تشوف بعده بقهر وجلست ع السرير ودموعها نزلت غصب كان كلامه جارح بالنسبه لها مسحت دموعها وبتشوف للخاتم : طيب اذا بيهزئني كذا ليش اشترى لي الخاتم ؟ ليش افعاله عكس كلامه ؟ ليته ما بيتكلم عشان بيجرحني قوي ؟ نفسي مره واحده يبتسم في وجههي ولو بالغلط !!!! بيفعل اشياء كثير حلوه وبكلمه منه ينسف كل شي ...... اليوم الثاني راح المشفى وكانوا اهل ملاك بيطالبوا بجثة بنتهم كان ابوها وامها محمد اخذهم الى ثلاجه الموتى وهم ساكتين اول مافتح عليها وشاف لهم: هذي ملاك امها انهارت وصارت تصيح كان ابو ملاك يحاول يهدئها بس هو بنفسه منهار ام ملاك بدموع قهر وحزن : ايش فعلت بهم بنتي ؟؟ ليش قتلها كيف قدر ؟ انا اللي كنت معتبرته واحد منا وامنا عليه ؟ ليت واحنا مادخلنا حد بيتنا هذا هم حرموني من بنتي ! محمد : هو بيعدم ي خاله وامام عينك ام ملاك: ايش يفيدني ايش عاد يفيد قد راحت بنتي؟ لو قتلته بقدر ارجعها ؟؟؟ شوفها شوفها مثل الملاك مثل اللي نايمه اقدر اصحيها ؟؟ اقول لها بس اني فقدتها وانه بتوحشني واني احبها واني ماقدرت احميها ابو ملاك مسك ايدها : خلاص شفتيها خلينا بنروح ام ملاك: انت مجنون نروح ونترك بنتي هنا ؟ شفت كيف هي بارده خلنا ناخذها ؟ خلني ادفيها ابو ملاك شاف لمحمد محمد فهم وشاف لها: ما ينفع ي خاله احنا بنغلق المكان الان لازم تطلعوا خلاص قد شفتيها كانت هي تبكي وتشوف له تحاول تقرب ايدها من وجه بنتها الملاك لكن كانت يدها ترجف بدون سيطره كانت مازالت تعبانه المغذيات ماتركت ايديها: ماكنت اتمنى اشوفها كذا حسبي الله عليه من قلب مقهور !! . بعد دقائق طلعت مع زوجها وصلها السياره ورجع لمحمد وهو كان واقف هناك وبيشوف لجثة ملاك بتمعن : الله لا يخليني اجرب شعور ابوك ي ملاك عندما يكون في هذه النوعيه من الناس كيف الانسان يقدر يامن على اطفاله؟؟ ضرووي كلهم يتعاقبوا ومحد يستر عليهم ؟ وهو يكلم نفسه دخل ابوها : ي فندم محمد التفت له :... ابو ملاك : كثر الله خيرك ما قصرت ! محمد ابتسم ومسك ع كتفه: فعلت واجبي ي عم ولا يهمك بخليهم يعدموه امام عينك انت وامها لانه حرمكم من طفلتكم وهو بينحرم من حياته هذا شرع الله ابو ملاك : ربنا لايحرمك من عيالك محمد ابتسم : ماقد معي عيال ابو ملاك : ربنا يرزقك عيال ويتربوا بعزك ولا يوجع قلبك على واحد منهم محمد سحب نفسه عميق وشاف له: آمين يارب ربنا يصبركم ويعوضكم ........... كانت بالغرفه عندما جاء قبل الغداء بنص ساعه فكرته بشرى خرجت وكان هو جلس بالصاله وكانت شبابيها مفتوحه وشاف لها : شغلي التلفزيون داليا شغلت التلفزيون ورجعت بتجلس وسمعت صوت التفتت وهي الرساله حق كل يوم قامت بسرعه ومسكتها ويدها ترجف التفت شاف لها : ايش هذا الصوت صوت ؟ داليا بلعت ريقها بصعوبه وخوف: ولاشي يمكن صوت من خارج محمد بيشوف لها بتمعن: شكلك يقول غير ذلك ؟ داليا ضحكت عشان تخفي توترها: اكذب يعني دخلت المطبخ وبسرعه حاولت تحرقها بس رجفة يدها اخرتها شغلت بسرعه وحرقتها وسكبت الماء فوقها وهو دخل : في شي بيحرق ؟ لأولئك الذين هشموا قلوبنا مرةً،نحنُ لازلنا بخير،أكثر عظمةً من قبل،لُطفنا يصل السماء وإبتسامتنا تُنير الأرض. داليا ضحكت عشان تخفي توترها: اكذب يعني دخلت المطبخ وبسرعه حاولت تحرقها بس رجفة يدها اخرتها شغلت بسرعه وحرقتها وسكبت الماء فوقها وهو دخل : في شي بيحرق ؟ داليا التفتت له بتوتر : لا انا اصلا كنت مسويه بطاط بس شكلي تاخرت وحرقوا محمد رفع حواجبه : مااشوف بايش طبختي ؟ داليا : قد غسلته الان قبل ما تجي محمد دخل ومسك الفرن : بس الفرن بارد ؟؟؟ داليا شافت له شوي ومشت بتمشي من جنبه وهو مسك يدها بقوه ورجعها وراء ظهرها : انتي عارفه مع من تتكلمي ؟؟؟ والا تحبي اعلمك ؟؟؟ انتي هنا غصب عنك تحترميني وتردي ع كل كلمه اقولها غصب تردي انا محد يطنشني داليا كانت متوتره محمد : والا هي عادتك السكوت المستفز داليا : بس اترك يدي ! محمد : اترك يدك عندما تكوني تتكلمي معي مثل الناس وتردي ع كل كلامي داليا : قد رديت انت ما صدقت محمد : لانك بتكذبي فك يدها وشاف لها : انا اعرف الكاذب من عيونه ؟ هذا شغلي؟ وشغلي يقول كمان المتهم بريء حتى تثبت ادانته لهذا ناخذ باقوالك ونسمح لك تمشي مسكت يدها وشافت له ومشت دخلت غرفتها وغلقت وردت ظهرها ع الباب : يووووووه لو شافها بيقتلني !!! ايش اقول له بعدين ؟ ايش افعل ايش !!! ........ كان بغرفته وبيفكر : ايش الشي اللي حاولت تخفيه عني ؟؟ اكيد كان معها شي ؟ طيب ي داليا مع الوقت بتظهر لي خفاياك ونشوف وهو سرحان رن تلفونه فتح : ايوه ي حسام حسام : نحنا حصلنا جثه شاب عمره ما بين 22-25 في بيت فاااضي والى الان مانعرف عنه شي محمد وقف: طيب هات لي العنوان بجي الان اخذ العنوان ووصل دخل وحسام داخل شاف له : جمعتم اذا في ادله او شي بصمات او اي شي ممكن يساعدنا حسام : كل شي عندنا محمد شاف له: كأنه طالب جامعي ؟؟ طيب من صاحب البيت سألت الجيران او شي حسام: الجيران اغلبهم جدد يقولوا ما يعرفوه وكمان محد شافه عندما دخل البيت او شافوا اي حد دخل محمد شاف له بتمعن وكانت ازرره شميزه مفتوحه : شكله دخل المساء اقترب منه : واضح كان مع موعد ؟ احتمال كان مع واحده شاف لحسام : حصلتم تلفونه ؟ حسام: لا بحثنا عليه كثير ما شفناه محمد وقف ويشوف للبيت : مافي بالمطبخ اي اغراض بس في علامات عصير ع الارض والزجاجه اللي ضربته براسه ؟ وهذا يدل ع شي واحد اما انه كان جالس مع واحد من اصحابه وهذا احتمال ضعيف او انه كان جالس مع واحده لانه اناقته وشكل لبسه وكمان اداه الجريمه تدل على انه مش رجل الذي قتله ؟ وايضا عمق الضربه هو مات من النزيف الضربه ماكانت قويه ولانه واضح انغدر غدر وما انفعل مع شخص او تضارب معه ؟ ولا كان سلاح ثقيل اضافه الى ذلك ان محد عرف متى دخلوا ؟ حسام : كل شي محتمل محمد : شوف حاول تعرف لي من هو حاول تنشر صوره بالسوشل ميديا ونشوف اذا حد يعرفه حسام : حاضر محمد : الطب الشرعي متى حدد الوفاه حسام : امس الساعه 10:00 المساء محمد : يعني يمكن اهله ما انتبهوا لغيابه واحتمال انهم متعودين ع سهراته خارج البيت ؟ شاف للبيت بتمعن وحصل دفتره اخذه وكان كله عن ماده بالجامعه وشاف لحسام : طلع جامعي قري اسم الجامعه وشاف لحسام : مستوى اولى جامعه "...." ابحث عنه فيها وقف وهو ماسك الكتاب ولفت انتباهه الصفحات الاخيره كانت الورقه الاولى " سامحني " والثانيه كان فيها دم وعليها كلام مش واضح بس كانه كان كلام غزلي والثالثه " احنا نحب بعض وبنكمل حياتنا مع بعض للابد محد بيقدر يفرقنا ... منى + ابراهيم " مسح وجهه وشاف لحسام : واعرف لي اذا عنده زميله اسمها منى ؟؟ ......... موده دخلت المطبخ وشافت داليا فيه : محمد ما بيجيش يتغدى؟؟؟ داليا : ما ادري طلع قبل الغداء بشوي يعني قبل دقيقتين من الان موده : ماكلمك ؟؟؟ داليا : لا موده رفعت حواجبها: ليش؟ المفروض يقول لك مش انتي زوجته داليا شافت لها ومشت وهي اخذت التلفون حقها وبتردد : اتصل له او ماشي؟ شكله متزاعل معها ؟ خلني ادق له اشوف اذا بيجي يتغدى ومنه نسمع صوته طلعت رقمه ودقت وكان هو مشغول شاف اسمها ورد بسرعه: ما بجيش اتغدى اليوم اتغدوا انا مشغول وغلق شافت الى التلفون وابتسمت: ههههه مسرع قفل كانت هي بالصاله سرحانه وتحرك ايديها ببعض وتكلم نفسها: اكيد انه بيعرف ؟ ما بقدر العب عليه ؟ بيشوف رساله من هذول ؟ بيرجع يعيشني اسوأ من الايام اللي عشتها بيت ابي ؟ بيرجع ذاك الشك وذيك العذاب ؟؟ اوف كيف افعل بيحقق بالموضوع ولا بيرتاح قلبه الا اذا عرف ؟ ولا بقدر اكذب عليه ....؟ كيف بيفعل اذا عرف موضوع الرسائل او لو رساله وقعت في يده !!! بعد يوم شغل طويل رجع البيت وهو يفكر بالسياره بكلام حسام : رحنا وسألنا عليه وكلمنا اهله وقالوا انه له يومين غائب وانه قال بيطلع مع اصحابه رحله،،، بس اصحابه بالجامعه قالوا انه ما بيطلعوا رحله ولا تكلموا ،،، اهله قالوا انه خطب بنت عمه وبيتزوجوا بعد شهر ،، مافيش معه ولا زميله اسمها منى؟؟؟ حتى خطيبته ي فندم اسمها اريج محمد وصل البيت وقف السياره وهو فيها ومسح شعره : مفتاح حل القضيه عند ذي اللي اسمها منى ؟ بس كيف بنطلعها اذا كل شي حولها مجهول ؟؟؟ نزل وغلق ودخل على صوت صياح بالبيت شافوه وسكتوا: خير ؟؟؟ ايش في موده تشوف له وبيدها ورقه مكنته : اتفضل اقرا داليا كانت واقفه وجلست بتوتر واضح ارجلها مش قادره تشيلها جلست بخوف :... محمد شاف الورقه عاديورجع شاف لموده :؟؟ طيب موده بدهشه: ،،،، هاله : انت قريت اللي فيها سلوى: محمد ايش اللي طيب؟؟ انت قريت الكلام شاف للورقه وقري بصوت رافع " حبيبتي داليا وحشتيني متى تطلعي معي ونرجع ايامنا الحلوه ،، ونجلس سوى " هاله فكت عقده حواجبها : طيب يعني انت عارف من من الرساله محمد : طيب واذا في رساله ؟؟ موده : قال كانت تطلع معه*** محمد قاطعها: ايش الدليل ع انه الكلام اللي في الرساله صح وانه كلامه صح داليا رفعت عيونها له بدهشه وهي ساكته سلوى : محمد *** قاطعها : خلاص قفلنا الموضوع وبعدين للمره الالف انتم مالكم شغل هي تزوجتني انا او انتم ؟؟؟؟؟؟ موده : بس ي محمد هذا شي يخصنا كلنا ويمس عائلتنا شاف لها ورفع حواجبه : تخص عائلتكم ؟؟؟؟ ليش ايش عملت ؟ الان من عقلك انا بجي اضرب زوجتي او اصيح فوقها عشان رساله مش متاكد اذا هي لها او حد بيحاول يلبسها التهمه ؟؟ انتي عارفه ي موده انا مباحث ؟؟ او نسيتي؟؟ انا عارف متى يجب انه اتدخل ومتى يجب ان اصفق للمسرحيه يله كل واحد ع غرفته والاشياء اللي بيني وبين داليا احنا نحلها بانفسنا قطع الورقه بيده ورجمها وطلع وهم يشوف له بدهشه داليا جالسه ولا حركه وهي منصدمه موده شافته طلع ورجمت الكرسي: الان لوكانت واحده مننا كان قتلها وذي مشى الموضوع ولاكأنه صار شي ؟؟؟ شافت لها ووصلت الى جنبها ومسكت يدها يقوه: قولي لي ايش مسويه فيه ؟؟ انتي ساحرتيه تكلمممممي داليا ساكته سلوى مسكتها: موده اهدي شوي ي روحي لا تزعلي نفسك ع شي ما يستاهل يله خلينا ندخل غرفتنا يله يله وسط ذهولها ووقوفها بالمنتصف كلهم انفضوا من حولها وهي جالسه وميته خوف خايفه تطلع ويبهذلها وانه هذي بس حركات امام اهله طلع هو ومنتظرها متى تطلع بس ما طلعت ارسل لبشرى: شوفي داليا اذا لسى بالصاله قولي لها تطلع بشرى فتحت باب غرفتها وشافتها مكانها : داليا محمد بيقول اطلعي سمعت الكلام كأنه سكاكين وارجلها مش قادره تشيلها وهي خايفه ايش ممكن يفعل بعد الرساله طلعت الدرج وكأنها تمشي ع جمر من الخوف والرعب اللي داخلها وصلت فتحت الباب وهو جالس بالصاله شافت له وغلقت الباب وقبضت ايديها ببعض ونزلت راسها بتوتر محمد وقف وشاف لها وسحب نفس عميق: اكيد هذي مش اول رساله ي دليا؟؟ واكيد الذي حرقتيه ذاك اليوم كانت واحده من هذول رفعت له عيونها بصمت :... محمد :... محمد وقف وشاف لها وسحب نفس عميق: اكيد هذي مش اول رساله ي دليا؟؟ واكيد الذي حرقتيه ذاك اليوم كانت واحده من هذول رفعت له عيونها بصمت :... محمد : الان انا اريد اسمع منك كل شي داليا ساكته ومتوتر شاف لها ورجع شاف لكنب بالصاله: اجلسي تحركت من امامه وجلست وهي متوتره :.. محمد : انا اسمعك تكلمي داليا تحاول تتكلم وهي خايفه : ان ا انا اااا كان ملاحظ خوفها وتوترها وتأتأتها وقت خوفها جلس جنبها ومسك ايديها لاول مره نقزت هي بتفاجؤ وبدا يتكلم بهدوء: اسمعي اهداي طيب شوفي انا ما بفعل بك شي والله حتى لو طلعتي تعرفي صاحب الرساله بس المهم تكلميني بكل شي بصدق خليك هادئه داليا شوفي خليك من شخصيتي العصبيه او شخصيه المحققين او الشخصيه القياديه اتركي هذا كله ع جنب الان انا بس محمد الذي انتي على علاقه زوجيه معه ولازم تثقي فيه وتكلميه كل شي بصراحه داليا سحبت نفس عميق وشافت له: والله ما اعرف شي اصلا ذي الرسائل كانت تجي لي حتى وانا بيت ابي ما ادري مين صاحبها وليش محمد: وليش ماكلمتيني ذاك اليوم داليا بتوتر: خفت منك ماكنت اقدر اتصور انت ايش ممكن تفعل انا بصراحه منصدمه من ردة فعلك هذه توقعت بتفعل مثل ابي او اسوأ رد ظهره بتعب : لو كلمتيني كان كل شي بيكون افضل مما هو عليه رجع شاف لها: المهم انا اريدك توعديني من الان انك ما تكذبي عليا ولا تخبي عليا شي انا اريد علاقه واضحه عشان اقدر افهمك عشان ما تنظلمي اكثر ... انتي عارفه انك اذا جلستي كذا تخبي عليا نهايتك الشارع لانه في ناس ما يشتوك تجلسي وسط هذا البيت ابدا وسبق وقلت لك هذا لهذا اريدك تثقي بي شافت له بدهشه من ردة فعله : وعد ماعاد بكذب عليك شاف لها ووقف ودخل غرفته وغلق وهي تشوف بعده ورجعت شافت امامها: يا الله ما تصورت بتكون ردة فعله كذا صدمني وبخر شكوكاتي ؟ مش مصدقه ايش اللطافه اللي نزلت عليه فجأة ورجعت تتذكر مسكة يده :يا الله ايش بيحصل معي شعور غريب لما مسك يدي ذي اول مره احد يمسك يدي وبهدي الطريقه ... .......... اليوم الثاني صحي بدري وهي كانت جهزت له الفطور اكل وطلع بدون اي حوار بينهم ماعدا نظراتها المتقطعه له كانت طول الوقت تشوف له شعور غريب اول مره تشعر به تتساءل في نفسها ايش بيحصل معي ؟ ليش صرت اميل له بكل ما فيني واسرح اذا شفته ؟ يمكن متاثره بكلامه امس ودفاعه عني لاول مره حد يدافع عني ؟ او متاثره بقبضه يدي اللي اول مره احس انه عندي سند قوي ؟ مدري ايش بيحصل معي وصل هناك وحسام بيكلمه : اهله كلمونا انه اشترى البيت جديد عشان ناوي يتزوج اليه محمد : طيب اخذت رقمه منهم نشوف من اخر حد اتصل فيه حسام: ايوه اخذناه وكل الاتصالات كانت من العائله يعني احتمال يكون معه تلفون ثاني بس مانعرفه محمد : طيب ومنى ذي ماعرفتم من هي ؟ حسام : منى لا ماعرفنا من منى لانه مافي ولا زميله معه اسمها منى ولا حتى من عائلته او جيرانه او المقربين له وماعاد سألنا اهله كثير لانه حالتهم صعبه جدا لما عرفو انه مات محمد : طيب فتشوا البيت مره ثانيه يمكن نلقى شي ؟ كذا او كذا ولا تنسوا مراقبه البيت يمكن القاتل يرجع مره ثانيه حسام: ارسلتهم قبل شوي بيوصلوا الان ونشوف اذا شافوا شي وهو يتكلم دخل الشرطي وشاف لمحمد وكان بيده دفتر: سيدي احنا فتشنا البيت كله وماكان في شي يلفت الانتباه الا هذا محمد عقد حواجبه بتعجب ومسكه: ايش ذا حسام: كانه دفتر مفكراته ؟؟ محمد فتحه وكانت اول صفحه بالدفتر فيها صوره كانت صورته وع يمينه بنت وكانوا مبتسمين في الصوره محمد شاف لحسام بعد تمعن بالصوره: كأني شفت البنت هذي من قبل ؟؟؟؟ حسام كمان يحاول يتذكر : بالضبط بس فين محمد : انا متاكد الملامح هذه حسام : اااااااايوووه هذي كانت ضمن مجموعه البنت اللي جاءوا زمان قبل سته اشهر تقريبا مع البنت اللي تزوجتها بتهمه محاولة قتل متحرش محمد شاف له: ايوه صح ؟؟؟؟ شوف اذا بتطلع اسمائهن حسام : بس احنا ما سوينا محضر ي فندم عشان قلت نتغاضى عنهن محمد وقف : الان كيف بنطلعها حسام : مافي غير انك تسأل زوجتك ؟ اكيد انها بتكون تعرفها ولو حتى معرفه سطحيه محمد سكت شوي ورجع فتح الدفتر وكان كله اشعار عن حب واخر صفحه كانت " لحبيبه قلبي m" حسام : لاتكون اللي بالصووره منى؟؟؟ محمد مشي وهو يتكلم : بروح البيت واشوف وصل البيت وداليا بالشقه فوق فتح ودخل وجلس بالصاله وناداها وطلعت وشافته وهي سرحانه عندما شافته: ناديتني محمد اشر لها : تعالي خرج الصوره : تعرفي هذه داليا رفعت حواجبها : امممممممم كانت تحاول تتذكر وبعد ثواني : ايووووه ذي منى محمد رفع حواجبه : منى؟؟ داليا : ايوه ذي منى انا متاكده ذي منى صاحبه زينه محمد:طيب اللي بالصوره هذا من هو ؟ داليا: ما اعرف وانا ايش عرفني محمد: وكيف ماهي تعرفيها داليا: كانت تجلس تجي بيتنا هي وصاحبات زينه وكانت ذي افضل واحده بينهن كانت تبتسم في وجهي ع الاقل محمد : اهاا طيب حاولي كذا تتذكري ماسمعتيهن يوم يتكلمين ع احد ؟ او انها تحب احد او معها علاقه داليا : ذي بالذات كانت مهووسه بواحد كانوا كل ماجلسوا مع بعض تتكلم عنه محمد : ايش كان اسمه داليا : كان اسمه اسمه اعتقد ياالله كأني نسيت اسمه كان محمد قاطعها: كان ابراهيم داليا :ايوووه كان ابراهيم كانت تحبه بشكل جنوني؟ بس ليش تسأل محمد شاف لها ووقف ومسك الصوره : لانه ابراهيم مات !!! داليا مسكت ع فمها: ....... محمد : هاتي لي عنوانهم او هاتي لي رقم اختك بتصل لها تكلمها تجي الى الامن دلليا : طيب بنادي لبشرى تعطيك رقم زينه هو عندها ...... موده بغرفتها لوحدها وهي تتصل: تصوري جلطني والله مممت قهر ماقدرت انام شاف الرساله وقال مالنا دخل توقعت بيقتلها اعرفه دمه حار بروده قتلني اخاف تكون مسويه له سحر انا بموت واطلع البنت هذه من هنا بموت وتطلع الان كيف نفعل خطتنا الاوله طارت هباء زينه بقهر: زاد كبر راسها ... موده : ماتوقعت ي زينه والله زينه : طيب ايش نسوي الان ااااااايووووووووه تذكرت شي اكيد بينفعنا ذي المره ......... محمد اخذ رقم زينه وطلع وبشرى جلست مع داليا وكانت داليا تشوف بعده بشرى بتعجب : داليا ؟ ماردت رفعت صوتها : دااااليا التفتت لها : ايوه بشرى غلقت باب الشقه : مالك تشوفي له كذا اول مره اشوفك تشوفي له كذا من حين تزوجتم داليا جلست وابتسمت: مدري ي بشرى مدري لما اشوفه ما اقدر اشيل عيني بشرى فتحت عيونها: لا تكوني بدأتي تحبيه ؟؟ داليا شافت لها: كيف يعني احبه ؟ انا ما اعرف ذي اول مره يحصل معي كذا اني اشوف حد وتوقف كل جوارحي الا التنفس ودقات القلب تزداد بشرى : والله انك تحبيه هههههه اصلا صدمنا امس كيف دافع عنك داليا تتذكر وهي تترجى موده ماتكلمه ورجعت شافت لها: كنت اترجى موده ما تكلمه بس لما كلمته قلت خلاص النهايه بس ردة فعله صدمتني خلتني تايهه بشرى : والان كيف بتجلسي كذا داليا : ساعديني كيف اخليه يحبني بشرى ضحكت: لازم قبل تلفتي انتباهه لما يبدا يركز عليك بعدين نفكر بالحب داليا : وكيف الفت انتباهه بشرى: ههههه انتي اول غيري لبسك جربي البسي كذا ملابس انيقه داليت مسكت يدها : تعالي الغرفه بطلع الملابس وقولي لي ايش افضل لبس والبسه اليوم المساء واشوف ردة فعله هل بيلاحظ او لا بشرى ضحكت :طيب .......... وصل هناك وشاف لحسام : انا بتصل لها تجي الان بس قبل شوف لي ايش قال البحث الجنائي شوف دام الزجاج انكسر من تحت لابد انه لامس حتى طبقه واحده من جسمها وبهذا بنقدر نثبت ب dna انها هي او حتى جرحها الزجاج لابد ان في شي يثبت او يوصل للقاتل حسام : حاضر محمد مسك التلفون ودق لزينه :... شافت التلفون بيرن استغربت ورجعت ردت: الو محمد : سلام معك الضابط محمد جلال زينه وقفت من مكانها : حيااك محمد : انا اتصلت لك اريدك تكلمي صديقتك منى تجيني الى الامن الان والا بنضطر نجي ناخذها من وسط بيتها هي تجي من نفسها افضل زينه : طيب ليش محمد : كلميها كذا عن اذنك قفل وهي شافت للتلفون :.... ........... داليا بتشوف الملابس مع بشرى بشرى حطت عينها ع فستان زهري وخفيف وشكله كان انيق طويل وبسيط : وواااوو داليا ذا شكله روعه داليا مسكته: من صدق بشرى: يب شوفيه انيق وطويل وحتى مش مليان اشياء فيه يعني بسيط داليا شافت له من فوق: بس مفتوح قوي انا اشتي شي مغطى بشرى: يووووه ي بنت عادي ايش فيك والله شكله روعه لاتلبسي شي من تحته تخربيه البسيه كذا داليا :بس بشرى: يله يله جربيه اشوف بيطلع عليك يجنن وخاصه وانتي طويله ورشيقه داليا بتردد: بس بشرى انا استحي البس كذا امام محمد شوفي مفتوح من فوق قوي وخاصه من الظهر بشرى: اللي يسمعك يقول بتخرجي به الشارع عادي هو امام محمد ولا تنسي انتم متزوجين بالله عجبني بيطلع عليك يجنن يله بالله قوا البسيه اشوفه قبل لا يجي داليا : طيب بس بيقول البنت جننت تلبس كذا فجأة انتي خليك معي ع اساس جاءوا صديقاتك واحنا غيرنا ملابسنا طيب يعني يكون في مناسبه بشرى ضحكت: ههههه طيب طيب انتي البسيه ويصير خير كان هو جالس مع حسام عندما وصلت وكان واضح توترها وارتباكها دخلها الشرطي منى: طلبتني ي فندم محمد اشر لها تجلس جلست وهي تشوف له: اتصلت زينه تقول اجي لهنا انا مش عارفه ليش حسام طلع صوره لابراهيم عاديه: تعرفي هذا مسكت الصوره وتغير لونها : لا محمد رفع حواجبه : ما تعرفيه ؟؟؟؟؟ منى باضطراب : اعرفه يعني بس مش قوي حسام: المهم تعرفيه محمد : ايش نوع معرفتك به منى : شفته صدفه عدة مرات محمد : عددة مرات فقط ؟؟؟ بس احنا حسب علمنا كان بينكم علاقه ؟؟؟ منى بانفعال : من قال لك لاتكون داليا ؟؟؟ اصلا كذب وداليا لا تصدقها ابدا هي واحده كذابها وماضيها معروف حسام رفع حواجبه محمد بعصبيه: ان ذكرتي اسم داليا مره ثانيه ع لسانك برجمك الان بالسجن واعلمك انتي على من بتتكلمي والبنت اللي تتكلمي عنها الان هي زوجتي وماضيها ابيض من وجهك منى ابتسمت: اوف اوف اوف كل هذا عشان داليا اللي اهلها ماكانوا عارفين فين هي سبحان الله حصلت الان من يفعل لها قيمه يوم كانت بلاش محمد وقف وحسام مسكه : اهدأ ي فندم هي بتحاول تستفزك شاف لها بانفعال: لو ماكنتي بنت بس كنت علمتك اسلوب الكلام منى وقفت : الان اقدر اروح ؟؟؟ محمد : عندما تجاوبي ع كل اسئلتي بفكر اذا بتروحي او لا منى : طيب اسأل حسام : احنا عارفين ان بينك وبين ابراهيم علاقه هذا مش كلام داليا احنا شفنا اسمك بملزمه تبع ابراهيم منى : ومن اسمي عرفتم انه انا ؟؟؟ كم في بنات اسمهم منى ؟ محمد : الان كذا بوضوح قولي لنا ليش قتلتيه منى : ع اي اساس تقول اني قتلته ؟؟ انت الان بتتهمني باطل محمد وقف وشاف لها : اسمعي القضيه كلها عندي وفي هذي اليومين انا حققت تحقيق كامل فيها فحصت حتى الابره ومن خلال اللي استنتجته انك انتي اللي قتليته شوفي انتي ع علاقه مع ابراهيم بدون لحد يعرف غير صديقتك وواضح علاقتكم قديمه وانتي حبيتيه كثير وجننتي به وكنتي تطلعي معه في اي وقت يطلب منك وكان معه رقم ثاني انتي ع علم به وكنتي الوحيده اللي تتصلي له عليه بس ابراهيم خطب بنت عمه اللي اسمها اريج وقتها انتي جنن جنونك وعندما اشترى البيت انتي انقهرتي وحاولتي معه انه تكوني انتي اول شخص يدخل معه بيته الجديد ومش مهم عندك اذا تزوج لانك مقتنعه بالنصيب والقدر لكن كان داخلك شي مختلف نار الحقد والغيره عمت قلبك طلعتي معه البيت واول ما دخلتم بداتي تتناقشي معه بموضوع زواجه وحصلت مشاحنات وانفعلتي وضربتيه بالزجاجه ع راسه ولما انطرح ع الارض انتي خفتي كثير وخرجتي بسرعه بعد ما اخذتي جواله اللي به كل شي يثبت عليك ومسحتي البصمات من قوارير العصير وتركتيه ينزف حتى الموت ؟؟ منى ضحكت : هههههه خيالك واسع ي فندم ينفع تكتب افلام ؟؟؟ الان كل هذا مجرد كلام حسام : احنا اخذنا اداة الجريمه اللي تكسرت كان فيها بعض قطرات الدم ماكانت تبع الميت محمد شاف الى يدها : واضح انجرحت يدك بالزجاج المكسور ع العموم نتائج الفحص شوي وتطلع ونشوف اذا تبعك او لا منى تغير لونها :،... حسام :يكون افضل تعترفي منى : باقي شوي وياذن مغرب وجدتي لحالها بالبيت لازم اروح انا مش مجبوره امشي تبع السناريو حقك ي فندم محمد :ليش قتليته منى : لازم اروح محمد : ردي ليش قتليه حسام : خلاص كل شي ضدك منى : ماقتلته محمد : ليش قتلتيه منى بصياح : خلااااااص ايوه قتلته قتلته لانه قتلني دمرني حطمني شافت لمحمد : تخيل ١٠ سنين وانا احبه وراح خطب اريج بنت عمه ؟؟ تصور كنت انفذ له كل شي يطلبه كنننننت احبه من كل قلبي انا ما حبيت بالدنيا ذي غيره !!!! ذاك اليوم قال لي انه خلاص بيتزوج اريج وانه ابوه خطبها له من وهم صغار وانه حاول مع ابوه بس ابوه رفض يتزوج غيرها ؟ انا مت من داخلي كنت احاول امسك نفسي امامه وانا احس نفسي اتمزق وقلت له طيب عادي قال لي حتى اذا تزوجت ي منى... ذاك اليوم قال لي انه خلاص بيتزوج اريج وانه ابوه خطبها له من وهم صغار وانه حاول مع ابوه بس ابوه رفض يتزوج غيرها ؟ انا مت من داخلي كنت احاول امسك نفسي امامه وانا احس نفسي اتمزق وقلت له طيب عادي قال لي حتى اذا تزوجت ي منى بظل معك ونظل ع علاقه حسيته بيسترخصني بيشوفني رخيصه عنده مت قهر روحت البيت مقهوره تدري ي فندم انا من لمت لمت امي وابي اللي تركوني وعشت ذي الحياه الصعبه ابي تزوج ع امي واشترى بيت لزوجته الجديده وامي ما تحملت هذا الحال وتطلقت من ابي وتزوجت وزوجه ابي الثانيه رفضت جدتي تعيش معها وجدي ورفضتني كمان هم اخذوني اعيش معهم بس هم كبار بالسن ما يعرفوا عني شي كنت اتمنى ولو مره واحده ارجع البيت متاخره وحد يقول لي ليش رجعتي متاخره ؟ حتى يعطيني كف لاني تاخرت مقبوله كنت اتمنى حد يرشدني بحياتي يقول لي ذا صح وذا غلط ي منى ؟ بس انا ما كنت اعرف شي كنت اعيش حياه عشوائيه اللي براسي اعيش بدون حساب للنتيجه محد كان يسألني عن شي ؟؟؟ ليت مره واحده قال لي ابي ايش تدرسي او حتى مع من تدرسي ومن هم صديقاتك ؟؟؟؟ ليت امي عطتني نصيحه واحده بحياتي او قالت ذاك غلط ي منى انقهرت ذاك اليوم ليش ما يتزوجني ابراهيم ايش في اريج زايد عني ؟؟؟؟ بعد بكاء مرير طول الليل دقيت له الصباح وقلت له اريد اقابله في البيت اللي اشتراه جديد اريد اكون معه اول شخص يدخل بيته الجديد قال لي حاضر المساء طلعت اصلا محد يدري عني اذا طلعت او ماطلعت جدتي وجدي كبار بالسن وتعبانين وصلت هناك وهو منتظرني وكان اشترى عشاء من خارج جلس يكلمني انه يحبني وانه كان بيتزوجني لولا ابوه وامه انا تعبت من الكذب وتعبت من التخيل انه واحده ثانيه بتاخذه مني قلت له اني احبه وانه لازم يتزوجني انا ويترك اريج واني ماعاد اقدر اتحمل💔ومن كلمه لكلمه انفعلت هو دار لي ظهره وانا ضربته براسه وقتلته وخرجت من البيت والله خرجت ابكي ودمعي ما وقف كيف ما ابكي وانا قتلت الانسان الوحيد اللي حبيته بيدي كذب عليا دمرني هو ماحبني محمد سحب نفس عميق وشاف لها: كذب عليك ؟ طيب ماسألتي نفسك كيف وصلنا لك منى : سألت داليا محمد : لا مش داليا فتح الدرج وطلع الدفتر وفتح صورتها معه: هذا الدفتر كتبه خصيصا لك كتب لك فيه اشعار والصفحه الاولى مثل ما تشوفي صورتك معه وكيف تقولي لي ماحبك ي منى ؟؟؟ منى مسكت الدفتر وانفجرت من البكاء : انا نااااااااااادمه ننااااااااادمه .... ليتك ترجع ي ابراهيم ليتنا ما ارتكبت هذه الجريمه .. ليتك حتى تتزوج اريج انا بموت من الحزن عليك كل ايام عذاب بعدك اعدمني ي فندم انا استاهل الاعدام محمد شاف لحسام : خذها ووقف بيطلع وهي وقفته : لحظه شاف لها منى : كل كلمه قلتها عن داليا غلط صدقني داليا افضل انسانه ممكن تقابلها بحياتك ؟ هي مختلفه تمام عن كل البنات اللي قابلتهم بحياتي ؟ حتى عن زينه اختها انت محظوظ لانها زوجتك !!! خرج وهو يفكر بكلامها شغل السياره وطول الطريق وهو يفكر بها : اهلي تركوني ... كنت اتمنى حد يسال عني او يرشدني ... ابي تزوج ،،، امي تزوجت .... حبيته عشر سنين وصل البيت وهو سرحان ويفكر : حرام ضاع شباب البنت ذي وحياتها بسبب عائلتها ....... كانت بشرى جالسه مع داليا وهي تشوف نفسها : بالله كيف طلعت بشرى: تجنني داليا : تتوقعي بيركز عليا محمد او لا بشرى: الله اعلم محمد مزاجه صعب وهن بالصاله يتكلمين هو فتح الباب: مساء الخير ومشي بسرعه غرفته وهو يتكلم : جهزي لي العشاء دخل غرفته وهي شافت لبشرى : اووووف ما شاف حتى لي بشرى ضحكت: هههه طيب انا بطلع وانتي جهزي له العشاء اوكي طلعت وهي دخلت المطبخ تسخن له العشاء وتركته وهو خرج وشاف لها وانتبه ع شكلها ورفع حواجبه هي لاحظت وتوترت: اصلا اليوم انا كنت جالسه مع صديقات بشرى يعني و يعني انا ابتسم: طيب انا ما قلت شي؟ داليا سرحت وفي نفسها: اول مره يبتسم في وجهي محمد جلس وهي تشوف له باعجاب وبدا يتكلم : ع فكره صاحبه اختك قاتله داليا جلست بدهشه : منى ؟، محمد : ايوه داليا: اوووف اصلا مسكينه ذيك البنت عاشت حياه صعبه اهلها تركوها وهي طفله .. كانت تتكلم وهو يشوف لها بدات تنتبه انه مركز ع لبسها وتفاصيله وقفت باحراج : انا بدخل انام محمد :...... دخلت وهو يشوف بعدها بصمت غلقت ورجعت ع الباب : اوف اول مره يشوف لي كذا يمكن لانه فعلت تغيير ؟ او ملابسي مش مغطيه؟ طيب ليش ما تكلم او حتى علق بس نظرات اليوم الثاني الصبح قام بدري وصل العمل وكان في واحد منفعل ويصيح محمد وقف امامه : خير ؟؟؟ الرجل شاف له بحزم: وين منى ؟؟ محمد : من انت ؟؟؟ الرجل : انا ابوها محمد شاف للعسكري : فك له وشاف له: تعال بعدي اخذه ودخل مكتبه فتح وجلس ع الكرسي وشاف له : تفضل اجلس ابو منى: بس انا اريد اشوف ال **** محمد قاطعه : طيب اجلس جلس بصمت وواضح مقهور محمد : ليش معصب كذا ابو منى :البنت ذي نزلت راسي بالارض !!! محمد : وناوي تجي تبهذلها ؟؟ و امامي ؟؟ مفكر بسمح لك؟ انت عارف ان بنتك بتاخذ اعدام ابو منى وقف: ولو ما بتاخذ اعدم كنت عدمتها بنفسي محمد وقف ووصل امامه واشر بيده الى صدر ابو منى: انت عارف انك المفروض تكون انت مكانها؟؟؟؟ انت المفروض اللي تعدم ؟؟ لانك ضيعتها ضيعت حياتها ومستقبلها ؟؟ ايش باقي تجي تاخذه منها ؟؟؟ انت خلاص دمرتها ع الاخير ليش خلفتها اذا بترميها بذي الحياه اللي عباره عن متاهه لوحدها ؟؟ رد بعصبيه: وايش عملت انا محمد : تركتها لما كانت بحاجتك ؟ تركتها وهي طفله تحتاج ارشاداتك وتمد لها يدك تمشيها الطريق الصح ؟؟؟ كبرت وتربت لحالها ماتعرف من الدنيا شي غير التنفس وانتظار اليوم يكمل ؟؟ انت لو تسمع كلامها بالتحقيق بتعرف عن ايش اتكلم ؟؟؟ ع فكره الجلسه كانت مسجله ولو انه مايفع تشوفها بس بخليك تشوفها عشان تعرف انت ايش من جريمه ارتكبتها في حق بنتك ؟؟ المفروض القانون يعاقبك انت وامها وامثالكم من الناس لانه اغلب الجرايم تبدأ بييت اسرته متشرده ؟؟ لو كان عطيت بنتك كلمه حلوه ايش كنت بتخسر لو كنت واقف معها ؟؟ .......... زينه كانت تتكلم مع نوال عن منى : انا انصدمت ،،، هو اتصل لي بيقول كلمي منى تجي؟؟ جاءت في بالي مائه مصيبه تكون فعلتها منى الا القتل ؟ وتقتل من ابراهيم ؟ نوال : كلنا انصدمنا وكلنا مقهورين منى مسكينه عاشت حياه صعبه وختمت بجريمه زينه : اوووف حسيت راسي بيصدع ؟؟ نوال : هم قالوا حصلوا جثه ابراهيم مقتول ؟ نفسي اعرف كيف عرف الضابط انه ابراهيم ع علاقه بمنى رغم ان منى ماكنت تظهر امام اي حد من اهله او زملائه ؟ لا تكون اختك كلمته شي زينه هزت راسها بنفي: لا لا ما اعتقد داليا. .. اصلا علاقته مع داليا مش تمام كلمتني موده هكذا بتكلمها بشرى كل شي وبعدين لا تنسي هو ضابط شاطر