الفصل 1
الساعه 12:30 بعد منتصف الليل
بيده كوب شاي والاخر ريموت التلفزيون
وهو يشاهد " في يوم الحب العالمي تغريده الضابط محمد جلال تتصدر القائمه وتداول واسع واثاره عواطف المتابعين حيث غرد على تويتر على هشتاج ماذا ترك الحب فيك؟
وقد كتب تغريده قال فيها " ترك لي الحب رساله وطفله وجثه " وحيث اشار محمد جلال في كلامه ل ****
غلق التلفزيون عبر الريموت ووقف دخل الحمام وفتح الماء ونزل الماء عليه وهو في ملابسه وكأنه يحب يبكي بس دون ان يظهر ضعفه '' يحب ان تختلط دموعه بالماء كي لا يتاكد انه ضعيف وحزين وهو يتذكر " تحبني صح ؟؟
يتذكر ابتسامتها " قول ان قلبك معلق بي "
" شوف صح انك عنيف بس متاكده ان داخلك رومانسيه "
" عاقبني بكل شي بس لا تعاقبني بغيابك"
" انا عانيت كثير بحياتي فإذا انت تركتني انا بتدمر حياتي بتنتهي "
*ليتك تقول لي احبك ولو حتى بالغلط"
"احيانا احسك تكرهني كثيراً وكأنك تريدني اموت "
خرج وهو مبلل وعيونه حمراء فتح الدرج وطلع الورقه اللي تعذبه من سنين ،، الكلمات اللي انهكته ودمرته وحرمته السعاده .. الكلمات اللي معيشته في عذاب وقد كانت "لم اعيش في حياتي مراً اشد مراره من هذه الايام ،،، حاولت كثير ولكني لم استطيع البقاء ،، قاتلت كثيرا حتى نفذت مدخراتي ،،
اشعر باليأس والاحباط والحزن يكتسيني نيابه عن ملابسي ،، اشعر بالالم تغاص داخلي ،،
اخبر تلك الطفله اني قاتلت كثير كي لا تاتي لهذه الدنيا كي لاتتعذب في هذا العالم مثلي ،، اخبرها اني تركتها وقلبي ينزف دماً فانا لا اعلم مصيرها ،، لم اجد لها مكان اكثر امان من عندك ،، كيف يصبح الذئب ملجا في بعض الاحيان ،،
اود واتمنى ان انام بلا كوابيس وان لا اصحى ابدا ،، هذه الايام اصبحت ثقل وحمل فوقي فقط من يصدق اني انهار بالدقيقه الف ،، اتمنى من الله ان ياخذ حقي واثق بعدل الله ،، فالله يعلم وهم لايعلمون " قال انما اشكو بثي وحزني الى الله "
..........
قبل عشر سنوات ..
زينه : لو سمحت ارجوك خلنا نروح احنا ورانا اهل اتركنا ولك الاجر من الله استر علينا
الشرطي: ما اقدر اتركم لما يجي الضابط
البنات: انت عارف احنا بنات ماينفع ننحبس واهلنا مو عارفين وين احنا ارجوك
الشرطي: قلت لكم ما اقدر يجي الضابط ويشوف حل لمشكلتكم
طلع وهن يبكين
شوي وصل الضابط : كم عددهن
الشرطي: سبع
الضابط: ايش القصه
الشرطي: يقولين ان الشباب تحرشوا بهن وواحد حاول يمسك واحده منهن وهي طعنته
الضابط: كم اعمارهن
الشرطي: تقريبا في حدود ١٧ و ١٨ و ١٩
الضابط: مش معهن مدرس
الشرطي: قالين بيدرسين بس كيف طلعين من المدرسه ما اعرف
شاف له شوي : طيب
ورجع دخل
وجلس : ايش القصه ؟
كلهن تجمعين يتكلمين الا واحده كانت جالسه بعيد شوي وتحرك ايديها بسرعه وتشوف لهم وهي متوتره
وكانت تقول في نفسها: انا مافعلت شي غلط زينه هي السبب هي اللي اجبرتني اجي معها
كان هو منتبه لها البنات يكلموه وهو يشوف لها مستغرب ليش مش متفاعله معهن
ورجع شاف لهن: معنا ولد مطعون بالمشفى للاسف بحتجزكن لما نشوف مصير الولد واتصل باهليكن
البنات صاحوا وبداوا ينهاروا
وياشروا على البنت اللي ساكته: ذي اللي طعنته احنا مالنا شغل
محمد عدل جلسته وقال : طيب انا بسمع راي البنت ذي وعلى كلامها بقرر
وشاف للشرطي اللي جنبه: حسام خذهن الحجز لما انتهي من التحقيق معها
البنات شافوا لها بتهديد وحقد: كله منك واذا لمسك بتوقف الدنيا
حسام كلم احد الشرطه واخذهن
ورجع محمد شاف له: خليهم يسألوهن عن عناوينهن واسم مدرستهن
يسألو كل واحده لحالها وبعدين هات لي الاجابات
حسام خرج ورجع وهو جالس يشوف لها وهي ساكته ولا كلمه تشوف امامها وايديها ترجف بتوتر وتكلم نفسها: مش انا صدقني هو اللي حاول ياذيني
محمد وقف امامها: بتتكلمي ايش صار ؟
رفعت عيونها له وبتوتر وتكلم نفسها: ايش اقول
والله هو اللي بدأ
محمد شاف لحسام: البنت ذي تتكلم او لا
حسام : دام قالين اسالها اكيد تتكلم
محمد اخذ الكرسي وجلس امامها: يله قولي كل شي
وهي تشوف له وساكته:...
محمد بصياح لما هي نقزت: تكلمي .. هاتي اسمك وقولي ايش صار
محمد بصياح لما هي نقزت: تكلمي .. هاتي اسمك وقولي ايش صار
بدات تتكلم ويدها ترجف وكلامها كمان: انا انا انا
داليا وانا خرجت مع ااا اخ اخت اختي
محمد شاف توترها : لحظه لحظه اهدأي شوي شوي كلمه كلمه
شاف لحسام:هات لها ماء
حسام اخذ الكاسه وعباها ماء ومكنها
اخذته ويدها ترجف
محمد : اشربي الماء واهدأي واحكي لي انا بحاول اساعدك طيب
داليا شربت شوي ماء ورجعت تركته على الطاوله
محمد: اهدأي خذي نفس وكملي
داليا : انا خرجت مع اختي زينه قالت معها رحله مدرسيه بس طلعت كذابه خرجت مع صديقاتها وكأنها رايحة المدرسة
وطلعت معهن ولفين الحدائق والمولات
وجلسين في مكان ماكنت مرتاحه له
وبعدين بدأين يضحكين مع شباب كانوا امامنا
وواحد وقف وشافني انا الوحيده الساكته بدا يتغزل وانزعجت وحاولت اروح من عنده وهو مسك يدي
انا بدون شعور اخذت السكين اللي كانت امامي وضربته من الخوف
محمد : من وين جاءت السكين
داليا: هن جابين معهن اشياء على اساس بنطبخ هناك
محمد: انتي ماتدرسي معهن بنفس المدرسه
داليا : لا انا خالتي وقفت دراستي وانا صف سادس عشان اجلس اساعدها بالبيت
حسام : خالتك ؟
داليا : ايوه زوجه ابي
محمد: اهاا
داليا تشوف امامها بتوتر وتهز ارجلها: ارجوك طلعني من هنا هن بيرمين التهمه عليا
زينه مابتتحمل المسؤوليه بتكذب عليا ارجوك طلعني
محمد :من زينه
داليا : اختي من ابي
محمد رد ظهره للكرسي وبيشوف لها :...
داليا وهي تتكلم بتوتر ودموعها نزلت : ابي بيقتلني بدون لايسمع حتى كلامي
وانا ماحاولت اقتله والله هو حاول يتحرش بي
محمد : طيب انا بطلعك بس اذا كبرت المساله بترجعي
داليا : الان هو مامات صح
محمد : الحمد لله مامات لو مات ماكنتي بتطلعي
وقف
وواحد من الشرطه دخل ومكنه ورقه : هذا كلامهن كل واحده جابت عنوان مختلف واسم مدرسه مختلف
محمد ابتسم :يحاولين يلعبين معي
التفت لداليا : انتي عارفة اسم المدرسه صح
داليا هزت راسها
بعد دقائق
طلع معها وهن متوترات بالحجز
ويتكلمين :كله منك ي زينه انتي جبتيها معنا
زينه :نووووال خلاااص انا ضابحه من نفسي
بعدين ايش عرفني ايش بتفعل
وانا جبتها معي عشان لو وقعت في مشكله ارميها فوقها
نوال: خلاص ارميها فوقها وخلينا نطلع
وعلى كلامهن دخل محمد وهي جنبه: انتين بتطلعين بس بتكتبين لي عناوينكن وارقامكن الحقيقيه واذا حاولتين تلعبين مش صعبه عليا اطلعكن من تحت الارض
بدأين يكتبين وهن يشوفين لها وهي واقفه جنبه بتوتر
مكنينه الورقه
شاف لها ورجع شاف لهن: يله اطلعين وتاكدين انكن اذا رجعتين هنا مره ثانيه ماراح تطلعين
شافين له وبسرعه اخذين اغراضهن
بيخرجين وحسام واقف جنب محمد : انت الان صدقت كلام البنت ذي
محمد : مابش ولا دليل واحد انها كذابه
حسام : بس كانت متوتره قوي ومن البدايه وهي ساكته وخايفه
محمد :بس اقتنعت بكلامها
حسام : ليش
محمد : ما ادري مااااادري حسيتها صادقه حسيت في اشياء ما نعرفها ،.. خوفها توترها مدري كيف حسيت انها عايشه حياه كلها رعب
حسام :...
داليا بتخرج بعدهن وهو وقفها :ليش كنتي ساكته ليش ماتكلمتي من بدايه الموضوع كنتي خايفه منهن
داليا شافت له شوي ورجعت طلعت وهي تتذكر :...
""
من كسر الصحون
زينه : يابه هذي داليا
داليا تشوف له: لا والله يابه هي زينه**
قاطعها بكف : تتهمي اختك الصغيره كمان
..
ام زينه : شوف بنتك داليا حرقت فستان بنتي من الحسد
ابوها: داليا دااليا
وصلت جنبه: ليش حرقتيني فستان اختك
داليا: يابه مش انا هذي خالتي
مسك بشعرها: وتكذبي كمان
داليا بصوت رافع : اقول لك هي خالتي
ابوها مسك فمها: وترفعي صوتك عليا
داليا تحاول تتكلم: انا احاول اتكلم ادافع عن نفسي
ابوها بعنف: لا تتكلمي لا تتكلمي احتفظي بكلامك لنفسك قوليه لنفسك
...
زينه : يابه شوف داليا كسرت تلفوني
ابو داليا : داليا ليش كسرتي تلفون اختك
داليا تشوف له وتكلم نفسها: مش انا يا بابا هي وقعته
ابو داليا مسك بشعرها: ليش كسرتي تلفون اختك
داليا تشوف له وفي نفسها: اقول لك مش انا يا بابا
""
نقزت والتفت وهو يشوف بعدها بتعجب ومسكت على فمها وفي نفسها : انا لازم ما اتكلم لازم احتفظ بالكلام لنفسي مثل مارباني ابي اظل صامته صامته فقط الا اذا طلب مني الحديث...💔
اليوم الثاني راح بنفسه للمدرسه
فتح له الحارس شاف بطاقته ودخل
وبيشوف المدرسه وكانت كبيره جدا ومزدحمه وكلها بنات من مختلف الاعمار
طلع الدور الثاني دخل الاداره وجلس والمديره تشوف له
محمد : معك ضابط مباحث
المديره بتوتر : تفضل
محمد : انا بسال عن سبع بنات هنا بشوف اذا داوموا امس او لا
المديره :طيب هات الورقه
محمد مكنها شوي ورجعت له : ايوه الست البنات داوموا بس ذي داليا مش عندنا
محمد في نفسه يعني هذا يثبت ان كلام البنت صحيح
ورجع شاف لها : طيب كيف داوموا وهم امس الساعه ١١ عندي بمركز الشرطه
المديره رفعت حواحبها :...
محمد :؟؟؟؟
المديره شافت للمشرفه: هاتي لي المسؤوله عن قسم الغياب بصف ثالث ثانوي
المشرفه خرجت ونادت باسمها وجابتها
المديره شافت لها: البنات هذول داوموا امس
البنت بتوتر: ايوه ليش
وهي تقطع نظراتها للضابط بخوف وهو ملاحظ
المديره : كذابه هذول امس كانوا خارج المدرسه
البنت تتذكر : شوفي بنعطيك ثلاثه الف وانتي تسجلينا حضور طيب
ورجعت شافت للمديره بتوتر: والله جاءوا اسألي البنات انهم شافوهم امس الصبح وانا اسجل الحضور الصباح مدري اذا طلعوا بعدين
المديره شافت له
ورجعت شافت لها تطلع
المديره : ايش صار كلمني بفعل استدعاء الان لاولياء امورهم
محمد رفع يده: لالا تسوي شي الموضوع بيننا
بس تاكدي انك مسؤوله عن ١٤٠٠بنت ع الاقل
لهذا خليك قد المسؤوليه الجيل هذا بين يديك
القضيه هذي اغلقت بس اذا حصلت مثلها او مشابهه لها انتي بتتحملي المسؤوليه امامنا
وقف وهي تشوف بعده وخرج
ونادت المشرفه : عممي الحضور والغياب يسجل ببدايه الدوام ونهايته
واي بنت تغيب يوم بنرسل لولي امرها ونعرف ليش غابت
المشرفه : حاضر
طلعت ومسؤوله الغياب دخلت الفصل وهي توزع لهم نظرات
نوال همست لزينه : ايش فيها تشوف لنا كذا
لايكونوا عرفوا بموضع امس
زينه:والله الضابط خطير اتوقع منه كل شي
وشوي ووصلتهن رساله منها من تحت الكرسي : ايش صار امس كان في ضابط عن المديره
كنتوا بتودوني بستين داهيه
.........
بعد شهر
دخل المشفى والدكتور استقبله
محمد : تكلم
الدكتور: نحنا اتصلنا بالشرطه بعد ماوصلتنا حاله انتحار نشك انها حاولت تنتحر
محمد : كيف
الدكتور: البنت حسب روايه اهلها حاولت تقفز من الدور الثاني
بس العجيب انه في دكمات على ظهرها وعلى وجهها مستحيل تكون بسبب الحادث وكمان مستحيل هي تقدر تفعلها
محمد : تلمح ان في شخص حاول قتلها
الدكتور : هذا اللي تبين لي والباقي انت ادرى به مني
محمد : طيب البنت فين
الدكتور: لسى ما صحيت
محمد : طيب بدخل اشوفها
الدكتور: تفضل
مشي معه اول مادخل الغرفه وشافها انصدم وبدأ يتذكر : زينه هي السبب بترمي كل شي عليا
انا وقفتني خالتي من الدراسه بصف سادس
محمد التفتت للدكتور: وين تقريرها
واهلها موجودين
الدكتور: اهلها طلعوا بس بيجي اخوها من وقت لاخر
مكنه اوراق : وهذا كل شي عنها
محمد بيقرأ: داليا فؤاد عبد الجليل
العمر ٢٠ عام
ساكنه في •••
عازبه
الحاله كسور ونزيف داخلي وعلامات ضرب
ورجع شاف لها: متى تصحى
الدكتور :يمكن بكره كذا هي بدات تتحسن
محمد: طيب من اسعفها
الدكتور : اخوها جابها المشفى
محمد مكنه الورقه : طييب
طلع وهو يفكر
ودخل السياره وحسام فيها : ايش صار
محمد: تعرف البنت اللي طعنت الولد قبل شهر
هي نفسها
حسام بتعجب: ايش صار فيها
محمد : روايه اهلها انها حاولت تنتحر
بس الطب يقول انه ممكن تعرضت لمحاولة قتل
حسام : من بيحاول يقتلها
محمد : مدري بس من كلامها كان واضح ان علاقتها مع اهلها مش كويسه
حسام :طيب اذا بيقتلوها ليش اسعفوها
محمد : هذا اللي بنبحث عنه؟؟؟
بعد ثلاث ساعات
هاله : بنات جهزتوا الغداء محمد بيوصل الان
موده ترد من المطبخ: كل شي جاهز يا عمه الان نقربه
شافت لاخت محمد سلوى: يله خذيه للسفره قبل لا يوصل ويسود يومنا
سلوى: طيب
موده التفتت يسارها لاخت محمد الثانيه: شروق جهزي العصير البارد عشان تعرفيه ما يتغدى الا على عصير بارد
ورجعت التفتت لاختها : بشرى روحي غلقي التلفزيون وطفي الانترنت قبل لا يوصل
هاله دخلت : و ابراهيم للان ماجاء ؟
سلوى: لا بيجي يسال عنه
هاله جلست على السفره : سهل يقول له انه بيدرس
موده جلست : ي عمه هذا مباحث مابنقدر نكذب عليه
شروق : يووووووه كيف هو يطلع كل شي وينكد عليه
موده :...
سلوى : مالك بتزعلي عليه والله انه وحش انا ارحم بس اللي بتتزوجه
موده ابتسمت : من هذه الرحمه ياليت وانتي ترحميني انا واتزوجه
شروق مسكت بيدها: والله الذي لا اله الا هو ما بيتزوجكك وعز الله لو تموتي لا انتي ولا اختك
بشرى: من قال نفكر به اصلا واحد عصبي زي الوحش
موده : وليش ؟
شروق : مستحيل هو بيشوف لكن ولنا سواء يعني مثلنا مثل خواته مستحيل يفكركن غير ذلك واصلا هذا مش حق عاطفه ولا حق حب لو تنتحري ما تسمعي منه كلمه حلوه *
بتكمل كلامها وهو فتح وهن شافين له وسكتين
محمد شاف لهن شوي وتكلم : سكوتككم المفاجئ والتفاتكم كلكم لي بنفس اللحظه يدل انه كنتوا تتكلموا عليا
موده تشوف لشروق وشروق تشوف لهاا بنظرات: لا تقولي لا تقولي
محمد شاف لهن شوي ودخل يغسل يده وهن ولاكلمه
ورجع جلس وشاف لزوجه ابوه هاله : الان ابنك هذا فين
ورجع اخذ تلفونه واتصل له
وهو عند الباب غلق وفتح الباب
محمد : وين كنت للان ؟
ابراهيم بتردد: انا كنت بالمعهد
محمد : ومن متى بتدرس معهد
هاله : من الان بعد ما كمل الثانويه
محمد قاطعها: انا اساله هو
ابراهيم : لسى قريب سجلت
محمد : وانا ولا عندي علم ؟مزهريه انا هنا او كيف
التفت لهم ويوزع نظرات لهم كلهم:انتم عارفين ان كل شخص وسط هذا البيت تحت سيطرتي
اي حركه حتى لو حركه الرياح لازم اعرف بها
اي شي هنا لازم يكون لي به علم
انا كبير البيت وانا المسؤول عن كل شخص فيكم
اي حركه كذا او كذا بدون علمي بهد البيت فوق راسكم ...
كلهم ساكتين
محمد وقف وبعصبيه : ذي اخر مره اعيد هذا الكلام واكرره كل شي يحصل في البيت ذا او حتى بحياتكم الشخصيه انا اللي اقرره ولازم يكون عندي علم
ورجع شاف لابراهيم : تعال اتغدى يله
وبنرفزه بيطلع الدور الثاني
موده بتردد: ما بتتغدى؟؟
شاف لها بدون رد وطلع
سلوى : تستاهلي والا خليه ينقلع
موده:...
طلع فتح الشقه ودخل وهي كبيره جلس على الكنب بالصاله ورد ظهره وصوره داليا في راسه : ايش قصه البنت ذي ؟ وايش بتعمل بالمشفى ؟ وليش بتحاول تنتحر او بيحاولو قتلها اصلا
ورجع يتذكر : زينه ما بتتحمل المسوؤليه كل شي بترجمه الى فوق ظهري
ابي لو يعرف بيقتلني حتى بدون مايسمع مني
دخل الغرفه غير ملابسه ولبس الجاكت الطويل حقه وتلفونه رن
رد وكان الدكتور :البنت صحيت من الغيبوبه
خرج ويفكر هل اللي حصل مجرد حادث محاوله انتحار ؟ او في حد حاول يقتلها ؟؟؟؟
.
.
دموعي عميقه منبعها القلب ؟ هي في الحقيقه حمراء اللون منزوعه من وريدي الايسر ! انها تختلط بالنار فتحرق شراييني ؟ تلك الدموع يجب ان تتساقط يجب ان تنزف فوجودها داخلي امر متعب للغايه انه ينهكني !
#ياسمين امين