الفصل 2
الجزء الثاني
عهود: ويه سعاد زحمه..وايد لا يكون كل ها البنات معجبين في ميوود حبيبي..
سعاد: لا اتقصين ع روحج..ها محد يحبه الا انتي"وتضحك"
عهود"تضربها ع ذراعها" صدقيني بضارب مع أي بنيه اجوفه اترمسه..
سعاد: يا الخبله ترا مب وحده بيشاركون وايد شعراااء حبي لج الزحمي ..سعيد البدواوي..راكان مب ها الشحي..
عهود: بلاه الشحي فديته محد يسواه في دنيتي كلهاا
سعاد: ناصر يعرف دواج انتي..
عهود: اوه لا تذكريني فيه..شو رايح انروح انجوفه الله يخليج سعاد انتي جريئه ..
سعاد: انتي خبله ممنووووووع
عهود:انحاول الله يخليج..
سعاد:بياخذون مكانا..
عهود:الله يخليج يلاااااا عشاني.
سعاد:يلاا انزين اووووووووووف
طلعوا من المسرح..و ساروا الطابق الثاني..بس اعترض طريجهم ريال..
سعاد: لو سمحت نبا انسلم ع الشعراء.
الريال: ممنوع دخول الضيوف..
عهود: بس ثواني صدقني..بلييييييز
الريال:لا لا مسؤليه هاي..
سعاد:دقايق بس عفانا الله..
جافوا ماشي فايده و كانوا بيسيرون حست عهود بضيجه و حزن..كانت تتمنى اجوفه من جريب حتى ولو يطالعها و اتقوله انا اسيرة الهم بس للاسف..
سعاد"اتيرهاا"تعالي تعالي الريال محد..
و ابسرعه دشـوا داخل..جافوا اول غرفه فاضيه..سمعوا اصوات ضحك و سوالف..فاتجهوا صوب الصوت..
وايقت سعاد..
عهود: شو داخل..
سعاد: الحقي منو داخل..
عهود :-منووووو ميودي...
سعاد: علي الخوار غير شكله بالطبيعه يهبل..
عهود"تضربها" وخري انتي انا ابا اجوف قلبي وينه..
سعاد: مب جنه هاا..
عهود"بطير من الوناسه" واللــــــــه هو..
اتفاجوا يوم انفتح الباب كله واحد يقولهم..
_خيـــــر بغيتوا شي...؟
سعاد: اذا سمحت نبا انسلم على الشاعر ميوود "ادزها عهود"اقصد مايد الشحي..
رجع لورا..وصكر الباب ..
سعاد: اطالع الباب"طاع مسود الويه لبسنا..
عهود"متكيه ع اليدار" حرام عليه يحرمني من جوفته..
سعاد: يلاااا انروووووح مصاخه
ويوم بتحركون انفتح باب الحجره..حست عهود قلبها طااااااح من مكانه و اتعلقت عيونها بعيون مايد الشحي..
مايد: خير...؟؟
سعاد"تمد ايدها" اشحالك يا الشاعر..
مايد"يسلم عليها":يسرج الحال..
عهود حست عروقها تضارب ويا بعض يوم سمعت حسه..انتبهت يوم سعاد دقتها ....
مدت عهود ايدها مستحيه حست شكلها هبله..من غير ما ترمس..
سعاد: اتعرف منو هاي...؟؟
مايد يتطنز": منو..مطلع الشمس..؟؟
حرجت عهود ..كانت بترد عليه بس مب رايمه لانها كانت وايد وايد مستحيه و مرتبكه..
عهود: سعـاد لا تقولين...؟؟
مايد"يرفع حاجبه" شو السالفه..؟
عهود: حبينا انسلم عليكم..يلا سعاد انروح..
مايد يطالعها مستغرب...
سعاد: لحظه اتريي
عهود: ترا بسير ابروحي..
مايد: شفيها الاخت محرجه..
سعاد: ما كانت تتوقع انك بتستقبلها جي..
مايد يفكر شو سالفتهن ..تم يطالع مستغرب..
سعاد: ترا هـاي..اسيرة الهم..
مايد"يطالع عهود":- اسيرة الهم..
عهود"مرتبكه" لااا انا ..هـ...
سعاد: هي يا الشاعر هاي اسيرة الهم..
عهود مب عارفه شو اتسوي..فهدت ايد سعاد و راحت طالعه من ها المكان ..ما توقعت ان مايد الشحي جي متكبر..صج تختلف الشخصيات داخل النت و برع..
بس هي الي تعلقت فيه..هو ما يخصه..مهما كان بظل اتحبه طول حياتها..حتى لو كان متكبر بتكسر خشمه..
لحقتها سعاد بعد ما اعتذرت له..
تم مايد يطالع الممر الي فضى من عهود و سعاد..معقوله هاي هي عهود.ليش ما توقع انها اسيرة الهم عشان جي عصبت خيبة ظنها..
سمع واحد يزقره..يلااا بو سلطان بندأ الامسية..
وفي المسرح..كان مايد يدور على عهود من بين الحضور..
و في نهاية الامسيه جافها واقفه عند باب المسرح..ابتسم لها..
و بعد ما خلص الجمهور تصفيق..قال..احب اختم شعري بشله و اهديها للانسانه هي قريبه و بعيده بنفس الوقت..و اقولها السموحه..
حست عهود كل كلمه كان يقولها يقصدها فيها..دمعت عيونها..و بعد ما قال سلامتكم..
طلعت برع المسرح مب متحمله..ويلست اتصيح..
سعاد"لاحقتنها":-شفيج اتصيحين..؟
عهود: انا وايد احبه و الله..
سعاد: انتي وايد اتبالغين كلنا نعجب بفنانين بس مب جي انبالغ..
عهود: انزين حلفي ان اخر قصيده ما كان يعنيني فيها..
سعاد: ما اقدر ااكد لج..
عهود: سعاد ما خذينا رقمه..
سعاد: ليش ما قلتي قبل الحين صعب انرمسه صح..
عهود: هي بعد وايد تأخرنا اخاف يتصل بي نصور..
سعاد: عيل يالله انرد البيت..
عهود"تحضن سعاد" مشكوره حبيبتي ما بنسى لج هالجميل طول عمري..
سعاد"مستانسه" يا الزعابيه اتحبيين "وتضحك"هههههههههه المهم لا تنسين العزيمه..
عهود: عيوني لج يا اغلى صديقه..
سعاد:طوفي انروح البيت..يلاااا