الفصل 5
البــــــــــــــــ الخــــــــامـــس ـــــــاراتــــ
على شاطىء البحر الساعة 3 الفجر
خالد سرحان ويفكر فهد لما شافه حب يسوي فيه مقلب اشر للشباب يقومون من غير صوت والكل قام وتخبوا ورى صخرة كبيره شوي
خالد انتبه للولد الي واقف وراه : عمي ممكن توديني لاهلي وياشر بإصبعه لمكان بعيد شوي اخاف اروح بروحي
خالد: وكيف جيت بروحك
الولد: لا كان معي اخواني مهند ومؤايد بس راحوا عني
خالد: انت ايش اسمك
الولد: ماجد
خالد: الظاهر ماخذين اسامي عيال اخوي كلهم
الولد مافهم: ايش
خالد وتوه ينتبه ان الشباب مو موجودين: لا ولا شي ووقف وظل يتلفت وقال بصوت خفيف غربل الله ابليسكم من اصحاب والتف للولد خلني اعمل خير بهالمسكين امش ومسك يده وصارو يمشون مكان ماقال الولد
تكلم الولد: انت ايش اسمك
خالد: وانت ايش دخلك
الولد: لانك عرفت اسمي ابي اعرف اسمك
خالد بغيض من الشباب: لا تعال طقني
قبل مايتكلم الولد شافهم رجال بعمر خالد توجه لهم وباين عليه العصبيه: انت وين رحت وسحب الولد من ايده ورفعه وحضنه وانتبه لخالد مشكور اخوي الله يعطيك العافيه
خالد: ولو اخوي الناس لبعضها
الرجال: والله متنا من الخوف عليه
الولد: ماقلت لي ايش اسمك
الرجال: عيب قله شكرا عمي
الولد: اذا علمني باسمه بشكره
خالد وهو مبتسم: اسمي خالد
الولد: شكرا عمي خالد وراح لامه بعد مانزله ابوه
الرجال: تسلم والله انك رجال نشمي ولو حد غيرك كان مااهتم فه ابدا
خالد: ولا يهمك المهم رجع لكم بالسلامه يالله عن اذنك
الرجال: اذنك معك وصافحوا بعض
خالد بنفسه وهو يرجع مكانه: ابي اعرف وين طسوا هالمجانين ولما انتبه للسياره لايكون نزلوا يسبحون الله يلعنكم وقال بصوت مسموع الحق موعليهم الحق ع الي يجي معهم وجلس مكانه
عند الشباب
زياد: خلاص يالله نطلع
فهد: لحظه سمعوا عندي خطه
حسام: قول خلصنا
قالهم فهد الخطه الكل ضحك
فهد: اسكتوا بتفضحونا يالله امشوا بشويش
زياد: والله حرام
سعد: اقول مو كانك صرت عاطفي بزياده يعني ايش بنذبحه
زياد: لا بس كان بيقول انه مريض وتراجع باللحظه الاخيره
فهد: بس ايش
زياد: ولا شي يالله ومشوا وهم ملثمين لين ماوصلوا لخالد ومسكوه وكتفوه خالد صار يناظر بخوف
خالد: نعم ايش تبون
الشباب ماسكين ضحكتهم بالعافيه
حسام وهو يغير صوته: طلع كل الي معك
خالد اول ماسمع الصوت عرفه وبعدها ضحك بهسترية
فهد: طلع بسرعة
خالد: تصدقون انكم اغبى ناس شفتهم بحياتي الشباب عرفوا انه عرفهم فكوه وجلسوا يضحكون معاه
فهد: والله لو شفت وجهك لما مسكناك وضحك
الكل ضحك وخالد وقف: فكرة من هذه وهو شاك انها لفهد
حسام: معروف خالد قام على فهد بس فهد كان اسرع منه وفز هرب يجري وخالد يجري وراه والشباب يضحكون
زياد بخوف: خالد وقف لاتعب روحك مو زين عشان صحتك بس خالد مطنشه
خالد وهويجري: وقف يالخواف وقف
فهد: اذا كنت رجال وشاطر الحقني
خالد تعب من الجري وانقطع نفسه وفجأه حس بدوخة وقف وطاح على الارض مغمي عليه
زياد اول ماشافوه ركض له: خااالد خاااااااااااالد خاااااااااااااااااااااللد انت تسمعني خالد فتح عيونك فهد بسررررعه شغل السياره يالله وانتم شيلوه معايه
حطوا خالد بالسياره وركب زياد معاه بسيارة فهد والباقي راحوا بسيارة زياد
بسيارة فهد
فهد: زياد شوفو يتنفس
زياد: كله منك قلت لا تعملو فيه كذا ماطيعتوا والله لو يصير فيه شيء
فهد يقاطعه: هدي ياخوي انشاء الله خير
الصبح بعد شروق الشمس في بيت الجد ابو فهد
ام فهد في غرفة خالد: يمه وينه الفراش مثل ماهوا معناها للحين مارجع
في الصاله
ام فهد: قوم يارجال ولدك للحين مارجع قوم شوف لي ولدي وين والله ان قلبي مو مطمن
ابو فهد: طيب اهدي الحين ادق عليه واشوف هو وين
ام فهد وهي تناظر ابو فهد الي نزل جواله: ايش لا تقول مايرد
ابو فهد: طيب اسكتي خليني اشوف زياد تراك اربشتيني
ام فهد بخوف: قلبي مو مطمن والله ان ولدي فيه شي
ابوفهد: الو
حسام: هلا
ابوفهد: انت وينك عمك معك
حسام: هد اعصابك ياعمي لاتخاف ولدك بخير تعب شوي ووديناه المستشفى
ابوفهد: اييييييييييييش
حسام: صدقني ياعمي انه بخير وبعدين هدي لا احد يسمعك خالد بخير واحنا عنده مافارقناه ابد انت بس هدي روحك لا يجيك شي وتعال احنا بمستشفى ال__________
ابو فهد يحاول يظبط اعصابه عشان مرته: طيب يبه انا الحين بسكر وطالع من البيت
حسام: على هونك ياعمي ومثل ماقلت خالد بخير
ابو فهد: مع السلامه
ام فهد: هاه بشر
ابو فهد: ولدك بخير وهو مع زياد سهرانين عند واحد من اصحابهم
ام فهد: والله ان قلبي ناغزني اذا خالد بخير معناها ان فيه شي
ابو فهد بهمس: والله ان احساسك في محله هو اصلا خاب في يوم
ام فهد: ايش
ابوفهد: سلامتك اقول يالله انا بروح تبين شيء
ام فهد: ايه ابيك تفطر
ابو فهد: فديتك والله مااقدر مواعد ابو علي بنروح مشوار
ام فهد: الله معك بس كل لك شيء
ابو فهد: انشاء الله يالله مع السلامه
في المستشفى
حسام: زياد اهلك يدقون
زياد بعصبيه ودموعه بعيونه: ايش اسوى ايش تبيني اقول اقول والله ماقدرت احافض على عمي عمي بين الحياة والموت بسببي
حسام بحده: زيااااد لاترفع صوتك خذ تلفونك تصطفل منك لاهلك زين ورما التلفون بحضن زياد
زياد بأسف : اسف مو قصدي
حسام: وبعدين لاتفاول على الرجال خالد قوي وانشاء الله ماراح يصير له شيء
فهد: لا تضاربوا احس انتم ماتستحون الرجال صار له 3ساعات داخل ومحد طمنا قلبي صار بكفي من الخوف وانتم تتخانقون وكل واحد يرفع صوته على الثاني هذي هي صداقتكم
زياد: خلااااااااااااااص اسكت بس مابي اسمع شي انتم ماتعرفون ان خالد معاه ال وسكت انتبه انه كان راح يفضح سر عمه
حسام: ايش معاه كمل
زياد جلس على الكرسي بهمس: ولا شي
فهد: زياد لا تجنني قول خالد ايش معاه
زياد: وانا ايش دراني حالي حالكم
سعد: بسم الله الرحمن الرحيم هدي وانا خوك
حسام: طيب هدي عمرك وانشاء الله خير
الدكتور: من فيكم قريبه
الكل وقف زياد بلهفه: انا انا قريبه طمني ايش معاه دكتور الله يخليك قول انه بخير
فهد: زياااااااد هدي
الدكتور: تفضل معاي المكتب وانتم انتظرو هنا ومشى الدكتور وزياد وراه
في مكتب الدكتور
زياد: دكتور الله يخليك ريح قلبي الله يريح قلبك
الدكتور: بصراحه ماني عارف ايش اقول او من وين ابدأ
زياد: انا راح اسهل عليك خالد عنده سرطان بالدم
الدكتور: يعني تدري
زياد: من فتره بسيطه
الدكتور: شوف راح اتكلم بصراحه الحالة كثير متقدمه والمرض يمكن خلال فتره اقدر اقول انها بسيطه انه ينتشر وبما انه فيه دكتور متابعه من البدايه فهو راح يقيم حالته اكثر والافضل ينتقل المريض لمستشفى الدكتور الي يعالجه
زياد: بس انا مااعرف وين يتعالج مارضي يقول اساسا مافي احد يعرف بمرضه الا انا
الدكتور: روح اسأله يكون صحي بس انا افضل يعمل العمليه
زياد بحزن: بس العمليه نسبة نجاحها بسيطه جدا
الدكتور: بس تظل افضل من الكيماوي المهم هذا رايي وانتم احرار
زياد: ماقصرت يادكتور
الدكتور: لازم تكون قوي لانك الحين قوته بما انك الوحيد الي تعرف
زياد: الله يصبرني ويعيني واقدر اقنعه بالعمليه يالله سلام
الدكتور: الله معك
عند باب غرفة خالد
ابو فهد: وينه خالد
فهد: اهلا عمي خالد داخل بها الغرفه
ابو فهد: ابي اشوفه
زياد من وراهم: هلا جدي
ابو فهد: قولي ياولدي عمك ايش فيه
زياد: لا تخاف شويه تعب بسيط من قلة النوم صار له ثلاث ايام مانام
ابوفهد: ابي اشوفه
زياد: بتشوفونه كلكم بس بالاول انا بدخل واذا ناديتكم ادخلوا
ابو فهد: ايش يصبرني انا بدخل معك
زياد: عشاني وعشان صحة خالد
ابو فهد صخ: اذا فيها صحة خالد نستنى
زياد: الله يخليك لنا
عند خالد
زياد: الحمد لله على السلامة يابطل
خالد بتعب: زياااد
زياد: ياروح زياد امر
خالد: ههههههه ايش صاير بالدنيا
زياد: لا تتعب روحك بس ابيك تقول الدكتور الي متابع حالتك باي مستشفى
خالد وهو رافع حاجب: وانت ايش دخلك
زياد: اسمع بس ابي اعرف لازمك فحص والدكتور يقول ان الي كشف حالتك الافضل انك تستمر عنده
خالد: اذا خبرتك مو معناها انك تسوي الي تبي
زياد بخبث: جدي ينتظر برى وكل ماتاخرت بيشك اكثر فقول خليني ادخله وبعدين انقلك
خالد وهو يجلس: اقول نادي ابوي وبعدين ابي اطلع من هنا الحين
زياد: والله ياخالد ان ماقلت لاكون مخبر الكل وانت تعرف اني اذا حلفت ماارجع بكلامي وانت حر ولك حرية الاختيار
خالد: زياد لا تخليني اندم اني خبرتك
زياد: والله مااسكت على حساب صحتك انت مفكر روحك رخيص طيب قولي اذا مت انا ايش اسوي من دونك
خالد: والله الموت حق علينا وبعدين عندك غيري بدال الواحد عشرة
زياد بعصبيه: اسكت وكمل باي مستشفى
خالد: لا احس تجي تضربني
زياد بيأس وحزن: اللهم طولك ياروح ياخوي لاتغامر كل شي يتعوض الا الصحه اذا لي غلا عندك تقول وتريحني
خالد بنرفزه: مستشفى ال__________- هاه ارتحت
زياد بتنهيده: ايه ارتحت وبصوت عالي جدي ادخلوا
الجد وهو يدخل: الحمد لله على السلامة يايبه وحضنه ايش فيك ايش صار لك
خالد: هاه انا قدامك مافيني الا العافية
فهد ويحضن خالد ودمعته بين رموشه: عساه فيني ولا فيك يالغالي عساه فيني
خالد بحده: بعيد الشر
حسام ياخذه بحضنه بقوه: سلامتك الف سلامه والله خوفتنا عليك
خالد: الله يسلمكم سامحوني
سعد يحضنه: ماتشوف شر يالغالي
خالد: مايجيك شر
فهد: انا السبب لو
ابوفهد بعصبيه: اسسسس هذا قدره ونصيبه لا تعترضوا على حكم الله ابيكم تكونون دائما راضين بحكم الله
حسام: الله يديمك ياعمي واحنا انشاء الله دوم راضين
خالد: يالله ابي اطلع
زياد: ايه بتطلع بس بتروح معاي ابيك بسالفه
ابو فهد: يروح البيت يرتاح وبعدين خذه معاك بس والله ياويلكم ان سهرتوا برى البيت انت وهو مره ثانيه لبعد الساعه 12
حسام بضحكه: 12 عاد قول 2 او 3
ابو فهد وهو يدقق بحسام: انت ماعندك مره عيال والا انا غلطان
حسام بضحكه: لا مو غلطان عندي ثلاثة اولاد وبنتين
ابوفهد: وتاركهم جالس مع هذول صدق ماعندك عقل
سعد بضحكه: احنا ايش فينا عمي
ابو فهد: لا ابد بس صايعين لين اخر الليل ونايمين لنص النهار
فهد:ههههه والله عاد جلسة فيها فهد ماتتفوت
زياد بحقد: هذا اذا جلست معاك مره ثانيه
سعد: ولا انا
ابوفهد: وليش ماتبون تجلسون معه
خالد: والله هو سبب الي انا فيه
فهد بأسف وحزن : انا اسف عارف اني
خالد: اسكت ياخي حتى المزح صرت ماتتحمله خلاص دام بطلت مزح ماراح نسهر معاك
فهد: والله بمزح بس مع غيركم انتم لا لاني وبصراحه مو مستعد اخسر واحد فيكم
زياد بخبث: حبيبي تحبنا
ابو فهد: غربل الله بليسكم والله وخليتوا ابو فهد مثل الاطرش بالزفه
زياد: ههههه اسمع ياجدي تدري ليش خلوووود هنا
خالد: خللللود بعينك
ابو فهد: خلوه يكمل
حكى زياد لجده الي صار
ابو فهد: هههههههه والله تستاهل
خالد بزعل: يجي منك اكثر يا أبو فهد
فهد: والي يسلمك كله ولا تمد البوز
سعد: شكلك يلوع الكبد
ابو فهد: يوووه نسيتوني امك مشغول بالها عليك من قامت وهي تقول والله حاسه ان ولدي فيه شيء
زياد: هههه احساس جدتي دائما صح عمره ماخاب
فهد بمرح: لا يكون ساحره ترى انصحكم تبتعدوا عنها
خالد: هههههه والله لو تسمعك
ابو فهد: الحين اخذوه معي واخبرها ونشوف ايش تسوي
زياد: عز الله بنصلي عليه الظهر
فهد: الله واكبر عليك يعني لذي الدرجه سحرها فعال
حسام: ههههه فهد اعقل
سعد: والله وعندكم عجوز ساحره اجل بجي اعيش عندكم
خالد: باحلامك
زياد: هاه خلوود جاهز نمشي
ابو فهد بقلق: انت متأكد انك بخير
خالد: اظن اني واقف قدامك يبه
ابو فهد: اجل توكلنا على الله الحين امك مستنيه على نار
حسام: الله يخليها لكم
ابو فهد: ويخليك لعيالك ويخليهم لك وخذ بنصيحتي مرتك وعيالك اولى من هذول الشياطين
فهد يتتريق: احنا شياطين بس الي عندكم ساااااحره هههههه
سعد: ومو اي ساحره الا ساحره م_
خالد يقاطع: ترى زودتوها وانا ساكت
زياد بهمس: بشويش على روحك
خالد بهمس مطمن: لا تخاف والله اني بخير
زياد بهمس يتمسخر: اييييييه من ناحية بخير فكثر منها امش بس امش
فهد: خلصتوا حش والا باقي
زياد: هههههههه وانت من وين طلعت
فهد: من بطن امي
ابو فهد: هههههههه
حسام: ههههههه
خالد: جد بس امك هي من البشر
زياد: والله الظاهر انها من القرود الي لهم علاقه بالبشر
سعد بضحكه: كيف عرفت مافي غيري يعرف لاني مولدها
ابو فهد بحده: عييييييييييب
فهد: هدي عمي احنا متعودين ترى نمزح ومهما صار مانزعل من بعض
ابو فهد: حتى ولو الكلام الي قالوه عيب
حسام: من شوي قال زوجتك ساحره
ابو فهد: قال بس ماسبها وقلل من قدرها
خالد: خلاص انا اسف حقكم علي
فهد: الحين مين بيجي معاي
حسام: مالك غيري
سعد: وطبعا سعودي معاكم
زياد:ههههه يالله نشوفكم على خير
حسام: الحمد لله على سلامته عمي
ابو فهد: الله يسلمك يالله مع السلامه
خالد: يالله اشوفكم بالليل
ابوفهد يتريق: بااحلامك انشاء الله
فهد: ههههههه تستاهل لو سكت كنت طلعت بالدس بس الحين بيراقبك
زياد: ولا يهمكم السهره عنده بالبيت
حسام: اذا بالبيت تكون زياره وبس
سعد: زياره ولاكن مكثففففففففففففففففففه
ابو فهد: والله اني عطيتكم وجه زياده اقول انقلعوا وانت يالله حرك
فهد: هههههههه مقبوله
في سيارة زياد
زياد: ههههههه ليش معصب
ابو فهد بعصبية: اول مره اعرف اني ماعرفت اربي
خالد: افاا ليش عاد
ابو فهد: الي سويتوه وقلتوه عييب وانا ماربيتكم على كذا
زياد: بس هذا الي مزعلك
ابو فهد بحده: وهذا شي بسيط
خالد يصرف: لا ماهو بسيط وحقك علينا انشاء الله ماتنعاد
ابو فهد وهم يوقفون عند البيت: اتمنى يالله انزلوا
زياد ماسك خالد ويهمس: بشويش ولا بفضحك
خالد: ههههههه ترى ذليتني
زياد وهو يحرك كتوفه مثل الاطفال : لمصلحتك
ابوفهد: عن الوشوشه ويالله ادخلوا
في بيت ابو زياد على الفطور
ابو زياد: اجل وين زياد
عبير: للحين مانزل
ام زياد: والله مو عادته
عليا: يمكن طول بالسهر
عبير: بقوم اشوفه
بغرفة زياد عبير تدق الباب
عبير: زيااد زياااد فتحت الباب تفاجئت ان الغرفة فاضيه والسرير مرتب هذا ؤينه اكيد مانام هنا بتصل اشوفه
زياد: الو
عبير: انت وينك من امس مو راد البيت والله لو يدري ابوي
زياد يقاطعها: على هونك امسكي اعصابك
عبير: كيف تبيني مااعصب
زياد: طيب اسمعيني خالد تعب البارح علينا ونقلناه المستشفى
عبير: اييييييييييييييش
زياد: لاتخافي هو بخير وصار بالبيت بعد
عبير: طيب ايش فيه
زياد: قلة نوم والحين هو تمااااام
عبير: اكيد ولا ماتبيني احاتي
زياد: اذا مو مصدقة خذي كلميه
خالد: حيا الله هالصوت وراعيته
عبير: ههههه اسمع صوتي وبعدين قول هالكلام
خالد: يكفيني انفاسك
عبير بخوف: انت تمام مايعورك شي
خالد: ولله الحمد مثل الحصان
ام فهد: قل ماشاء الله لاتنظر نفسك
عبير: والله وطلعت تخاف عليك
خالد: من قدي ام فهد وعبير وزيووووود وابو فهد
عبير: لاتشوف حالك وقل للي عندك خل يرد البيت الحين وبسرعه
خالد: انشاء الله عمتي
عبير: ههههههه يالله اشوفك بالشركة
خالد: بااحلامك
عبير بخوف: ليش للحين تعبان
خالد: لا بس زياد يقول يبيني بشغله
زياد: ههههههه ياخواف
عبير: وهذا ليش يضحك
خالد: مافي شي يالله تبين شي
عبير: سلامة روحك ياروحي
خالد: تسلم روحك ياقلبي
عبير: مع السلامه
خالد: مع السلامه تقولك روح البيت وبسرعه
ام فهد: ليش صاير شي
زياد: لا بس من امس مارديت البيت
ابوفهد: ولا اتصلت
زياد: لا
ام فهد: روح روح لابارك الله فيكم من عيال
زياد: تدعين علي وانا زياد
ام فهد: تستاهلون انت وعمك والله اني بموت من خوفي عليكم
خالد: بعد الشر
ابو فهد: روح يازياد وطمن اهلك
زياد: انشاء الله شوف بمر عليك بعد ساعة فاهم
خالد: فاهم عمي
ابو فهد: هههههه اشوف انقلبت الاية صار هو عمك
خالد: ماحترموني قلت اذكرهم
زياد: ههههه يالله باااي
ببيت ابو زياد
زياد: السلام عليكم
ابو زياد: بسم الله الرحمن الرحيم من وين جاي
زياد: من البيت الكبير
ابو زياد: انت نمت عند جدك
زياد: لا للحين مانمت عبير ماخبرتيهم
ابو زياد: تخبرنا بايش
عبير: عمي خالد تعب وودوه المستشفى
ام زياد تقاطعها: من متى
حلا: اييييييييييش خلووودي ايش فيه
زياد: لا تخافون مافيه الا العافيه تركته الحين عند جدتي وجدي
ابو زياد: تعال اجلس وقولي ايش صار بالضبط
زياد تذكر المقلب:ههههههههههه
عليا: الظاهر اخوي استخف
زياد: مافيه شي تعب من قلة النوم
ابو زياد: بس كذا
زياد: ايه المهم انا باخذلي دش وبطلع عندي مشوار مع خالد
ابو زياد: عمك يافالح
زياد: ولا تزعل عمي خالد حلا ايش فيك ليش تبكين
حلا وهي تشاهق: ابي اشوف خلووودي الحين
زياد: والمدرسه
حلا: مابي
زياد: طيب خلاص اخذ دش ونروح لخلودك ونوديك المدرسة هاه تمام
حلا اكتفت بهز راسها
زياد: يالله امسحي دموعك
حلا: طيب يالله روح بسررررررررعه
زياد: هههههههه هذا كله حب لخلوووود
ام زياد: من شابه اخاه فما ظلم
عليا تتفلسف: اخبر ان المثل من شابه اباه مو اخاه
ام زياد: وانت ماعندك غير تتفلسفي
عليا: زياد خذني معك اطمن على عمي وتوديني الجامعه
زياد: لا لا مايمدي عندي شغل
عبير: بس اعمل حسابك بطلع معك
زياد: ابوي عندك
عبير وهي رافعه حاجب: وانا قلت بطلع معك
زياد: حاضر عمتي
ابو زياد: هههههههه كفوا بنت ابوك والله
عبير: اعجبك الا يبه ايش صار بالسالفة الاخيره
ابو زياد: ولاشيء
عبير: انت من صدقك
ابو زياد: ايه من صدقي
عبير: يعني مضحي فينا
ابو زياد: انا ماقلت كذا
عبير: اذا مو قادرين عليهم خلوني انا اتصرف
ابو زياد: انت ماتدخلين في الموضوع ابد
عبير: ليش انا مو منكم
عليا: شغل شغل ماعندكم الا الشغل يالله مع السلامه
ام زياد: حلا يمه روحي استعجلي زياد عشان لاتتأخري ايش الموضوع من الاول اسمع وساكته عشان البنات موجودين بس الحين ابي اعرف كل شي
عبير وهي توقف: مافي شي
ابو زياد: اجلسي
عبير: مو انت ماتبيني اتدخل خلاص ماراح اتدخل
ابو زياد: يايبه انا خايف عليك هذولا ناس خطرين
ام زياد: بتتكلموا بالالغاز كثير
ابو زياد: كل السالفة ان في عصابة يبونا نحمل لهم بضاعتهم بشاحنات شركتنا واحنا رفضا هددوا يخطفون احد من العيال
ام زياد: ايييييش
زياد بصدمه من وراهم: من متى هالحكي
ابو زياد: من شهر تقريبا
زياد: وليش ماعندي علم
عبير: والله انا عرفت بالصدفه لو ماسمعته هو وعمي يتكلمون ولا كان مادريت
زياد: انت مو من اعضاء مجلس الادارة بس انا منهم
ابو زياد: لا اله الا الله السالفة هذي بالذات مابي اي احد يتدخل فيها غيري انا وعمكم فاهميين
زياد: لا والله مو فاهم يعني استنى لين يخطفوا واحد منا
ابو زياد: لاتنسا اني محامي واقدر اميز
عبير: لاتحاول
حلا: يخطفوا من
زياد: ولا احد يالله امشي انا الحين مستعجل وبعد الظهر بمرك بالشركة وطلع مع حلا وعبير
البيت الكبير
زياد بعد ماوصل عبير: جده وين خلود
خالد: خلوووود بعينك
حلا ركظت لحضن عمها: خلووودي انت بخير
خالد وهو يرفعها : بخير ياروح خلودي انت
حلا تصيح: طيب ليش ودوك المستشفى
خالد: بس ياعمري لا تصيحين انا قدامك مافيني شي
ام فهد: وانا ماتبين تسلمين علي يابنت
حلا: ليش انا كم جده عندي
ام فهد: وحده ومافي غيرها
حلا: يالله امشوا تأخرت عن المدرسة
خالد: انت من صدق بتداومي الحين
حلا: عادي باقي ماانتهت الحصه الاولى
زياد: يعني تفوت حصه عادي
حلا بخبث: حصه ولا ست حصص
خالد: هههههه والله قدرتي عليه
زياد: امشوا بس امشوا مع السلامة يالغالية
ام فهد: بحفظ الرحمان انتبهوا على ارواحكم يمه
خالد: لا تخافين مع السلامه
في المستشفى
الدكتور بقهر: اخيرا شفقت على روحك زين علمت مكتبي ومانسيته
زياد: ايش قصدك
الدكتور: والله اسأل الي بايع روحه
زياد: خالد ايش فيه ايش مسوي
خالد: ابد تأخرت على الموعد اسبوع
الدكتور: 10 ايام وانا قايلك ان التأخير يضرك
زياد: كذا يعني اسمع يادكتور احنا نبيك تشوف افضل دكتور بالعالم يسوي هالعمليه باقرب وقت ممكن
خالد: ههييييييه على كيفك
زياد قاطعوه: اسسسسسسس ولاكلمه انت فاهم ولاكلمة
الدكتور: ياابني هدي اعصابك
زياد: يعني انت شايف تصرفه صح
الدكتور: ابدا بس انت عارف كم نسبة نجاح العمليه
زياد: ايوه عارف كل شي بيد الله المهم تشوف افضل دكتور
الدكتور: الدكتور علاوي الناصري افضل دكتور بهالمجال
زياد: وين عايش
الدكتور: ببريطانيا بس اذا تبي اخليه يجي هنا واخذ لك موعد
زياد: لا ابيك ترسل له اوراق بحالة الشيخ واحنا بنسافر له بعد يومين
الدكتور: اسع انا برسل الاوراق اليوم وماتوصل الا بعد كم يوم يعني اجل السفر لين مايرد علي وانا اخبركم
زياد: تمام ومن الحين لموعد العملية ايش بيصير
الدكتور يوقف: الحين قوم معي عشان افحصك واغير لك الدم وبعدين خير
خالد يصفق: ماشاء الله خلاص قررتوا كل شيء والباقي
زياد يقاطعه: سوي المطلوب يادكتور
خالد: زياد تراني عمك مو اصغر عيالك
الدكتور بدهشه وهو يقلب نظره بينهم: ايييييش انت عمه
زياد: ايوه عمي فيه شي غلط يعني
الدكتور: لو العكس كان
خالد بعصبية: اسسسسسسس بعيد الشر
الدكتور: انت مافهمت قصدي انا اقصد لو كان هو عمك كان الموضوع اسهل
خالد وهو يتألم : لو كان ولو تفتح عمل الشيطان المهم يالله بسرعه بموووت من الالم
زياد بخوف: تتألم ايش يألمك
الدكتور: شي طبيعي يتألم لاتخاف انشاء الله خير
الدكتور اخذ خالد وسوى له المطلوب ورجع لزياد
زياد: هاه يادكتور طمني
الدكتور باسف: والله مدري ايش اقولك
زياد: قول الصدق
الدكتور: طيب اجلس وبقول كل شي بس خل خالد يجي
سمعوا صوت خالد عند الباب: قول يادكتور اسمعك
الدكتور بتردد: بصراحه الخلايا عندك ضعفت بسبب تأخيرك عن موعد العلاج وبالايام الجاية راح يتغير الدم بدل من كل ست شهور تصير كل شهر
خالد بصدمه: مستحييييييل
زياد: ايش الي مستحيل
خالد: انا ست شهور ويالله متحمل تقولي كل شهر
الدكتور: انت واهمالك السبب واحب اقولك ان كل ماتاخرت زياده عن الشهر راح تقل المده وراح ياثر عليك سلبي وهدى شوي وكمل يابني انت عارف ان المرض ابتلا من الله والمؤمن هو الي يصبر ويحمد الله على كل حال ومايجزع اويسخط
خالد بيـأس: الحمد لله الحمد لله
زياد بحزن على حال عمه واخوه وصديقة: طلبتك قول تم ياعمي
خالد بلامبالاه: قولي الي تبغاه
زياد: خلينا نسافر للدكتور علاوي طمن قلبي الله يطمن قلبك شافه ساكت فكمل تكفى قول تم يالغالي
خالد وقف ووقف معه زياد وضمو بعض وخالد ضغط عليه باقوى ماعده: ااااااااااااه اااااااااااه يازياد تدرني اني راضي بحكم ربي بس امي امي يازياد ماراح تتحمل ابدا ماراح تتحمل
زياد وهو يضمه اكثر: خلها على الله الله يهونها
خالد ترك زياد: والنعم بالله يالله مشينا
الدكتور: وين وين انشاء الله
زياد: فيه شيء يادكتور
الدكتور وهم ضامين بعض اتصل على الدكتور علاوي واخذ منه موعد لخالد بعد يومين: خلال يومين تكونون في بريطانيا ومد يده بورقه وخذوا هذا عنوان عيادة الدكتور علاوي موعدكم معه بعد يومين
زياد بدهشه: متى اخذت الموعد
الدكتور: والله من شوي كان قدامي مسلسل عاطفي محزن خفت ابكي قلت اشغل نفسي وخطر علاوي على بالي اتصلت واخذت لكم موعد
خالد: كيف ماحسينا عليك
الدكتور بضحكه: زين انكم حستوا بارواحكم تبون تحسون فيني روحوا زين
خالد وزياد: هههههههههههههههه ههههههههههههههههههههههههه هههه
زياد: والله معك حق يالله اسمح لنا
الدكتور: الله معكم
خالد: والله يادكتور ماراح انسى وقفتك معي طووول عمري
الدكتور: اقول قم اقلب وجهك قال ماراح انسى وقفتك لو مانت بحسبة ولدي وابوك غالي كان سويت الي سويته والحين اعطوني مقفاكم عندي مرضى غيركم
زياد بضحكه: مع السلامه
خالد: اشوفك على خير
الدكتور: بحفظ الله وخبروني بالي يصير
زياد: تأمر
في الشركة في مكتب ابو زياد
ابو زياد: الو نعم
: كيف حالك يابو زياد
ابو زياد عرف الصوت: نعم قل الي عندك وخلصني
: والله الي عندي خبرتك به بس ابي الرد الحين
ابو زياد: وانا ردي خبرتك به
: اسمع خلال يومين لو مانفذت المطلوب اعتبر احد افراد عائلتك منتهي
ابو زياد ومانتبه للطرف الثالث الي يسمعه: اعلى مافي خيرك اركبه وعيالي لو مسيت احد منهم نهايتك انت الي بتكون ع وماكمل لان المتصل قفل
ابو زياد بعصبيه: وااااطي والله لو تسوي شي لتندم
ابو فهد: من هذا الي بيندم
ابو زياد بصدمه: يبه
ابو فهد: ايوه ابوك من الي بيندم
جاهم صوت ابو ماجد من وراهم بعصبيه: لايكون اتصلوا
ابو زياد وهو ينزل راسه: ايوه من شوي
ابو ماجد: ايش قالوا
ابو زياد: نفس الكلام
ابو فهد بعصبيه لانه يحس نفسه مثل الاطرش بالزفه: ممكن تتكلمون بوضوح
ابو ماجد: هد يايبه وارتاح وانا بقولك
ابو زياد: ايش بتقول
ابوفهد: بتقولون غصبن عنكم يالله اسمع
ابو زياد: يبه مافي شي مهم شوية مشاكل با
ابو فهد يقاطعه: شايفني طفل قدامك
ابو زياد: محشوم يبه
ابو ماجد: انا بقول
من اسبوعين تقريبا دق على ابو زياد واحد وقال له
ابو زياد: الو نعم
: سلام
ابو زياد: هلا وعليكم السلام من معي
: ايش فيك مستعجل يابو زياد
ابو زياد: من معي
: انا معك انا المهم اسمع ايش اقول ابيك خلال اسبوعين تحمل لي بضاعه للبحرين بشاحناتك
ابو زياد: ايش نوع البضاعة
: ههههههههههههههههههههه ادوات كهربائيه ههههههههههههههه
ابو زياد: طيب ليش الضحك انا ماقلت نكته
: تدري انك غبي لو بحمل بضاعه مسموحة كان مالجئت لك
ابو زياد: والمعنى
: ابيك تحملي بودره وحبوب
ابو زياد: هههههههه باحلامك
: اسمع لك خيارين ياتحملها ياتضحي باحد عيالك
ابو زياد: اسمعني انت رقمي تنساه فاهم وحملة ماراح احمل وان كان فيك خير تقرب لعيالي
: بتشوف يانا يانت يااااااابو زياد
وبعد ثلاثة ايام دق وعاد نفس الكلام واليوم بعد
ابو فهد: وليش ساكتين هذي عصابة يعني مو خايفين على عيالكم
ابو زياد: خل يقربون صوبهم ويشوفون
ابو فهد: كم صار لك في السوق
ابو زياد:25 سنه ليش
ابو ماجد: يعني مثل ماقلت لك لازم نحضر منهم
ابو فهد: وهذي يبيلها اثنين يتناقشون فيها
ابو زياد: طيب لازم نامن البنات بالاول
ابو ماجد: عبير عندنا باقي عليا وحلا
ابو فهد: ارسل حراس عليهم مايفارقونهم ابدا ابدا انت فاهم
ابو زياد: حاضر يبه والله ارعبتوني
ابو فهد: انت ماتفهم هذول عصابه يعني القتل عندهم مثل شربة الماء
ابو زياد وهو ماسك تلفونه يدق ع الحراس: طيب طيب
ايش بتسوي العصابه؟؟
هل بتنفذ تهديدهاا ولا لا؟؟
تتوقعووون لو نفذوا تهديدهم من راح يختاروووووووووووووووووووو ن؟؟؟