الفصل 4
البــــــــــــــــــــــ ـــــ الـــرابـــــع ـــــــــاراتــــ
الساعة الحين تشاور ع11 الكبار ناموا ماظل الا الشباب
عبير: بنات ايش رايكم نشوف فلم
مرام: ياليت والله صارلي يومين ماشفت فلم هندي
عبير: اوكي بعد ساعه وشوي يبدى فلم على قناة زي افلام اذا حلو نشوفه
مرام: اليوم الاربعاء صح
عبير: ايه
مرام: ياي الفلم اليوم لاميتاب باتشن
عليا: اذا رعب لا
مرام: لا ماهو رعب مره يعني مرعب ورومانسي بنفس الوقت
عبير: وناسة
حلا وهي تتثاوب: لا لاتحطون فلم رعب
مرام: انتي حدك نصف ساعة وتصيرين x
مازن: ايش رايكم تعزمون الشباب والله من كثر ماملو صارو يتفششون في بعض
مرام: مع اني افضل الحرية بس مافي مشكلة
عبير: انا اقول خليهم يولون
خالد الا دخل على كلمة عبير:من الي يولون
عبير: وانت متى جيت
خالد: من دقيقة واحده فقط
عبير: هه هه ماتضحك
خالد: لا تتهربين من تقصدين
عليا: الشباب
عبير: وانت ايش دخلك ووجهت كلامها لعمها اقصدك انت وباقي الشباب
مرام تنهي النقاش: عموه ايش رايك انت والشباب تشوفون معنا فلم
عبير: لا والله مليت من وجيه بعض الناس كل يوم بالشركة
خالد: مليتي هاه وبعدين عناد فيك راح اروح وبعد ربع ساعة بجي مع الشباب وانتم حضرو لوازم السهره ومشى وهو ماسك ضحكته على عبير
عبير: شين وقواة عين والله
مرام: عبوري حياتي خلاص يالله قومو نجهز لوازم السهره على قولة العم
عليا: يالله وقامو عبير وعليا ومرام وجهزو عصير طازج وبيبسي وفشار وشبس وووو من لوازم السهرة
وطلعو الصالة وهم ملثمين على قال متحجبين لاكن هذي حجبتهم بس قدام الاهل يعني عيال العم والعمه والاخوال
اول ماجلسو دخلو الشباب على راس خالد
الشباب على الاتفاق: هااااي شباب
مرام: لعن ابو داركم لاكن الشرهه مو عليكم علي انا الي سعيت بعزيمتكم
زياد: لا عاد كله ولا الخطابه
عبير بضحكة: للحين مانسيت
زياد وهو يجلس جنب اخته: مو زياد الي ينسى
عبير: الله يعينك على الي بيجيك
ماجد: والله لسى ماخلق الي يضر مرامي وانا عايش
مرام وهي تاشر لخوها يجلس جنبها: ايه خليك كذا ياخوي عشان يعرفون ان مرام وراها رجال
مشعل: هو خله يقرب منك ويشوف
مرام واشرت لمشعل بعد يجلس بالجهه الثانيه جنبها: بعدي اخواني والله وانت هنودي ماراح تدافع عني
مهند: والله انا الله مارزقني الا باخت وحده والي يقرب منها او يدوس لها على طرف يقول على نفسه السلام
خالد: اقول روح اجلس عند اختك الوحيده بعد وخلك من الفلسفه
عليا: اقول اختي شوفي مو احنا الا عندنا اخوان بالاسم
محمد: افا عليك وانا وين رحت
عبير: والله انا كفيله بالدفاع عن نفسي
زياد: والله انتي مغسلين ايدنا منك من بعد الي سويتيه
خالد: والله رافعين راسنا بها وانت الصادق مو مرام وعليا الا تقول دجاج
ماجد: اقول لاتقلط
خالد: لا قوم كفخني
عبير: وانا اقول انطمو وشوففو الفلم بدى وانتم ناقر ونقير تقول الجاره وطبينتها
زياد: حلووووووه
وبعدها انسجم الكل مع الفلم مع شرح الاعتراضات اثناء الفاصل الاعلاني وانتهى الفلم ع الساعة2:30
مرام: عاش اميتاب عاش
خالد: هيه ترى عيب
مرام: فديته والله
ماجد: بدال ماتتفدينه اتفديني انا يقولون اني اخوك
مرام: انت افديك بعمري هو بس كلام
زياد: قال كلام وفري كلامك لزوج المستقبل
مرام: يخسى اتفداه
مشعل: والله ياخوفي ماتتفدين غيره بعدين
مرام: اصلا من قال لكم اني بتزوج
عليا: الحمام الزاجل
مرام: هه هه بايخة
عليا: اخاف كلمة عانس سارة موضة وبنمشي فيها كلنا بدا بعمي وزياد وعبير وانتهاء بالباقي
عبير: انا احذفوني من القائمة
خالد: ليش ياعبير انت حلوه وذكية والف من يتمناك
عبير: بس انا مااتمنى احد
زياد: طيب ممكن سبب
عبير: لا مو ممكن لانه هذا شي خاص فيني انا وبس
مرام: لايكون شايفه لك شوفة
عبير رمت مرام بالمخده الا كانت متركيه عليها: شوفة بعينك ياقليلة الحيا
عليا: لاتخافين قولي
خالد: مرام عليا عيب
قال ماجد يغير الموضوع: عمي انت قلت الفلم رومانسي بس الا شفته كلاسيكي مرعب
خالد: ايه صح ويلتفت للبنات وحده وحده يالخاينات فلم رومانسي هاه
زياد: يعني هم قصو عليك وانت قصيت علينا
مرام: انتم مصدقين ارواحكم
عبير: شوفو وجيهكم وجيه رومانسي
مشعل: وليش لا
عبير: اقول انتم تفرجتم والفلم انتهاء اذا عندكم شي يونس قولو
ماجد: وش رايكم بلعبة الصراحة
عبير: يالله وقامت اخذة علبة ماء فارقة وجلست ع الارض
وقام الكل زياد جلس جنب عبير من جهه وخالد من الثانيه ومرام جنب خالد وجنبها ماجد وبعدين مشعل فمازن حلا مهند محمد عليا وصارت عليا جنب زياد واكتملت الدائرة
عبير: شوفو للعبة اصول وقوانين الي اهمها الصراحة وعدم الكذب وعدم تجنب السؤال ام طلب سؤال آخر يعني اي سؤال يوجه لك تجاوب عليه بصراحة وصدق وبدون تفكير الا موافق يجلس والا مو موافق يقوم
مااحد تحرك والكل قال موافق
عبير: يعني نبدأ
الكل: نبدأ
لفت عبير القارورة وجت بين عليا وماجد والسؤال من عليا لماجد
عبير: عليا السؤال لك تسألين ماجد
عليا بعد تفكير: من احب شخص الى قلبك بعد عائلتك
ماجد في نفسة والله انتي يابنت العم: يعني برى العائلة كلها
عليا: لا بس عائلتك يعني اهل بيتك
ماجد: جدتي وجدي
مرام: وينكم يمه يبه
ماجد: مرامي بس الناس نيام
هالمره خالد لف القاروره وجت بين مازن وحلا
عبير: اقول حلا وش السؤال الي بتوجهينه لمازن
حلا وضعت اصبع ايدها بفمها يعني تفكر وبعدين قالت ببراءة: انا شنو بالنسبة لك
الكل ضحك عليها وانتظرو جواب مازن
مازن بيحرق اعصابها: اختي الصغيره
مرام: لا انت عندك اخت وحده وبس
مازن: طيب وش رأيك تكونين حبيبتي
الكل ضحك الا ماجد الي اعتبره تصرف سيء
ماجد: مازن تأدب
حلا: وانت وش عليك
ماجد: وانتي بعد والا والله لاحذفكم من اللعبه
عبير: خلاص نكمل
اخذ زياد ولف القارورة وجت اللحضة الي الكل ماتوقعها وقعت بين عليا وخالد
عليا: ايش السبب الحقيقي لرفضك الزواج
خالد توجه بنظره لزياد لقاه يناظره لف لعليا وهو معصب: اذا ماعندك سؤال الا ذا فاحذفوه
عبير: خالد احنا قلنا شروط اللعبه
خالد وهو يوقف: اجل انا انسحب وطلع من الصالة ومن البيت بكبره
زياد: يعني لازم تفتحون هالسيرة وطلع ورى عمه
زياد: خالد خلوود
خالد وقف عند الباب الخارجي
زياد: تعوذ من الشيطان وانا خوك العصبيه مو زينة لصحتك
خالد: زياد والي يرحم والديك فكني
زياد يحاول يغير مزاج عمه: وش رايك نسبح
خالد الي كان محتاج يريح اعصابة مشى ناحية المسبح بدون ولا كلمة
زياد لحق عمة حولو الماء للمسبح ولما امتلاء راح زياد وحوله عن المسبح ورجع لقى خالد يسبح بدل ملابسه بملابس خاصة بالسباحة ونزل يسبح مع عمه بدون ما يجادله باي كلمة ""وظلو يسبحوون لمدة 3ساعات""
في الصالة
عليا: والله ماقصدي اااافففف خايفه يصير له شي واكون السبب
مرام: بس انتي ماقلتي شي مجرد سؤال
عبير: لاكن ليش عمي رافض فكرة الزواج لهذي الدرجة
مرام: صحيح زياد رافضها لاكنه مايعصب اما عمنا العزيز مدري ايش الي يصير فيه لما تنفتح هالسيره اشك ان وراه سالفة وسالفة سرها كبييييييييييييييير
عليا: صار لهم اكثر من ثلاث ساعات ياربي
عبير: هيا قوموا نروح الحوش نشوفهم
مرام وهي توقف: هيا
وطلعو لفوالحوش والملعب وملعب التنس وغرفة البلياردو
عليا: ياربي وينهم
عبير وكأنها تذطرت شي: المسبح
مرام: المسيح
عليا مشت متوجهه نحو المسبح ومشى عبير ومرام وراها اول مااقترب من المسبح ظهر امامهم زياد وخالد وهم يجففون شعورهم من الماء دليل على انهم تسبحو
تقدمت عبير: اه اه يالخونة اجل تسبحون وماتخبرون احد
مرام تتثاقل: من الان وصاعدا لاتتكلم معي ايها العم
خالد وكان قد وضح عليه الراحه: افا وانا خالد بس ليش
مرام: تسبحت وماخبرتني ولا عزمتني
عليا وراسها محني للارض: عمي
نظر خالد اليها وظل ينظر ينتظرها تتكلم
اخيرا نطفت: انا اسفه
خالد وكانه تذكر: اذا وعدتيني انك ماتجيبين هالسيرة مرة ثانية
عليا مقاطعة: اوعدك اوعدك اني ماافتح هالسيره قدامك مرة ثانيه ابددددددددددددددا
خالد: اجل نسينا ماحصل
عليا تنفست بارتياح: شكرا ياعمي
خالد: العفوا ابنة اخي
عبير: مابكم اصبحتم اصحاب اللغة الفصحا
مرام مقاطعة: ياي مشتاقة للمسبح موووت بنات يالله شباب ممكن تعطونا عرض كتافكم كما يقول المثل
اتاهم صوت ماجد من الخلف: اسف يااختي العزيزة لن اسمح لك بدخول المسبح وخاصة في هذا الجو البارد
خالد وخالط صوته الاستغراب: ايه وليش السباحة ماتحلى الا في البرد
ماجد موضحا: لاكن مرامي تعبانة واخاف تنتكس
مرام: حرام عليك صارلي اسبوع وانتم ماسكينها علي
ماجد: توصية الدكتور
زياد: والله الي انا شايفة انها بخير مافيها شي
مرام: والله ماجد مافيني شي وبعدين هي يومين الي نجي فيها هنا خلني اسبح
ماجد: لا تحسنتي المسبح قدامك في البيت
مرام: يالله في البيت وحدي بس هنا جمعه
ماجد: مرام خلاص لا لايعني لا
خالد: ماجد ترى الدلع والدلال بيخربها
زياد: ياخي انت تبالغ وبعدين تقول تعبت من اسبوع
عبير: اقول ياولد العم خذ عمك وولد عمك وتوكلو على الله
ماجد: انتم ماتفهمون اقول تعبانة يقولون خلها تسبح انتم مجانين شي
خالد: ماجد لاتكبرها البنت قدامك مافيها شي وبعدين لو تعبانه او وضح عليها شي كان احنا بعد ماسمحنالها ترى مو بس انت تحبها كلنا نحبها
ماجد وكانه قد اقتنع بعض الشي الا انه باقي خائف عليها: بس
مرام: الله يخليك ماجد بس هالمرة
ماجد رضخ لرغبة اخته: طيب بس لاتطولون نصف ساعة بالكثير
عليا: بالكثير
ماجد: ايه واذا كان اقل يكون احسن
عليا: انظري يااختاه الاخ يهتم باخته كما لو انها ابنته واحسرتاه على نفسي
ولكن اتعلم ياابن عمي انك انسان معقد ولابد انك تعاني من حالة نفسية مستأزمة
ماجد يكلم زياد: ايش تخصص اختك
ماجد كان يدري انها بالجامعة بس مايدري انها علم نفس
رد زياد: مع الاسف الشديد علم نفس
عليا مدافعة عن تخصصها: لااظن ان هناك شي افضل من هذا القسم واكملت تكلم ماجد المهم ياماجد انا انصحك بمراجعة طبيب نفسي
مرام بخبث: اقول عن الهذره الزايده والي تعلمتيه لا تجين تطبقينه على اخوي سيد الرجال ولا تعبرين عن خوفة علي با
قاطعتهم عبير: لا اله الا الله
مرام غمضت لعليا وعليا لما فهمت لونها قلب احمر وصارت تسوي لمرام حركات تهديد
عبير راحت وجلست قرب المسبح ومدت رجولها في المسبح وصارت تلامس الماء
خالد: اظن انها اشارة يالله شباب
ماجد: مرام لا تطولين
زياد: ياخي والله مصختها واتجه الشباب لغرفهم والبنات للمسبح
عليا: افف اخيرا
مرام بعد مانزلت المسبح: وااو الماي يجنن
عبير بعد ماروقت: ايه والله بس على فكرة ترى اخوك هذا لزقة
عليا: والله مريض نفسي
مرام: اقول انطمي انتي واياها اخوي سيد الرجال كلهم وتغمض لعليا
عليا: بايخة
عبير وكأنها انتبهت ان بينهم شي: انتم ايش بينكم كل شوي وحدة تغمض للثانيه
مرام وهي ترافب عليا: اقول
عليا: عشان اذبحك
عبير: يالله قولي وماعليك منها
مرام: اقول
عليا وبدت تظهر الامبالاه: قولي
عبير ظلت تنتظر احد يحكي
مرام واخيرا نطفت: تذكرين يوم عليا راحت تجيب الدواء لاومي
عبير: ايه اذكر قالتها بنفاذ صبر
مرام: تخيلي من شافت في المطبخ
عبير: مين
مرام: المريض النفسي
عبير بإستغراب: ماجد
مرام: ايه ماجد وبعدها ماتت من الضحك
عبير باستغراب: طيب
وحكت مرام لعبير كل الي صار لعليا بذاك الوقت
عبير: كنتي عميا
عليا: وانا ايش دراني انه بيكون هناك
مرام: الحب من اول نظره
عبير الي ماتؤمن بالحب امام الناس بس داخلها تؤمن به وتؤيده: اي حب اي خرابيط وبدت تسبح وتبتعد عنهم
كل وحده سبحت بعيده عن الثانية لمدة نصف ساعة وفجأه سمعو صوت
: يالله يكفيكم
مرام عرفت الصوت: ماجد تكفى بس شوي
ماجد: مرام حبيبتي يكفي بعدين بتنتكسين
مرام: اذا حسيت اني بردانة بطلع
ماجد: وعد
مرام: وعد
وراح ماجد
البنات ظلعو ساعتين من بعد ماراح ماجد
بالصالة بعد مابدلو بس ماجففو شعورهم
مرام: ياربي بمووت برد
عبير: لا يكون بتنتكسين وقربت حطت ايدها على جبين مرام هيي مرام حرارتك مرتفعة
عليا: الله يعينا على لسان اخوك
مرام : مافيني شي وقامت ماتبون تنامون
عبير: ايه وقامت بس
مرام: بس ايش
عبير: اخاف ترتفع حرارتك ومايكون تحسين بنفسك
عليا: اذا تبين بنام عندك
مرام: اقول مافيني شي بتمرضوني غصب
عبير وتمشي لغرفتها: بكيفك تصبحون على خير وجففو شعوركم
مرام لعليا بعد ماردو على عبير: تصبحين على خير
عليا: وانت من اهله واتجهت كل وحدة لغرفتها
مرام اول ماوصلت غرفتها تصطحت على الكرسي: ياربي والله مو قادره اجفف شعري وكانت تحس بصداع فنامت وهي تخطط اذا تستشور ولا لا
صباح اليوم الثاني الكبار صاحين من الصبح والحين الساعة 11 الشباب صحاهم الجد قبل نص ساعة عشان صلاة الجمعة
الجده: اقول ماتبون تصحون البنات
ام زياد: الحين اروح وراحت وصحت عبير وبعدين عليا واخر شي دخلت غرفة مرام هالبنات ماينامون بغرف الا ثلاجات
مرام مرام يمه قومي بس ماشافت تجاوب مثل عبير وعليا الي اول ماسمعوا صوت امهم قاموا
طلعت ام زياد: والله ياام ماجد بنتك مارضيت تصحى
الجده والي تعرف ان مرام خفيفة نوم وتصحى من الهمسة: كيف ماصحيت
ام زياد: والله انا صرخت عليها مثل بناتي بس ماردت
ام ماجد: يمه بنتي وقامت اول ماوصلت الغرفة اطفت المكيف مرام مرام واقتربت ومدت ايدها وضربت على كتف مرام بخفه مرام يمه قومي لاكن مرام ماتجاوبت مدت ام ماجد ايدها لجبين بنتها وانفجعت من شدة الحرارة وصارت تنادي وتصرخ وتهز في مرام لاكن مرام ماتجاوبت وعبير وعليا اول ماسمعوا صوت ام ماجد ركضوا
عبير: خالتي ايش فيها مرام
ام ماجد: مدري يابنتي ماترد ولا تتحرك
عبير: عليا جيبي موية بسرعة واقتربت من مرام وصارت تحركها بخفة وصلت عليا ومعها الجده وام زياد
الجده وهي تقترب من مرام: ياويلي عليك يابنتي
عبير اخذت الموية وبدت تنفض على وجه مرام وام ماجد رشت بإيدها عطر وقربته من انف مرام شوي الا ومرام بدت تكح
ام ماجد: مرام مرام تسمعيني
مرام: فتحت عيونها بتعب: ايش فيكم وحاولت تجلس
عبير مسكت على مرام من كتفعا : خليك
مرام: ايش صار
عليا: اغمي عليك
الجده: الحمد لله على سلامتك يمه واقتربت وحبتها على جبينها
ام ماجد: عليا يمه روحي شوفي اذا فيه احد من الشباب جاء عليا راحت
عبير: مرام مرام تسمعيني
مرام الي بدت تفقد الوعي من جديد: ههمممم
ام ماجد: مرام يمه فتحي عيونك مرام وصارت تبكي بخوف
عليا توجهت لمجلس الرجال اول مادخلت من باب الصالة كان الكل داخلين من الباب الخارجي عليا اول ماشافتهم ماعرفت ايش تسوي
عليا: ااا اا ا
ابو زياد: عليا ايش فيك
عليا و مره تناظر عمها ابو ماجد ومره جدها ومرة ماجد تبي تعرف ايش ردة فعلهم لما يسمعون: مرام
ماجد حس: لا تقولين انتكست
عليا هزت راسها بنعم: واغمي عليها
الكل ترك عليا وتوجه لمرام ماعدا زياد
زياد: عليا ايش فيها مرام
عليا: مادري بس لما صحيت سمعت خالتي تصرخ رحنا لها كانت تحاول تصحي مرام وو و
زياد: وايش كملي
عليا: صحيت بس كانت تهذي وتقول ايش صاير
زياد: الله يستر لو صار لها شي نكون احنا السبب ماجد رفض نزولها للمسيح بس احنا وسكت
عليا تركت اخوها واتجهت لمرام وصلت الصالة وشافت ماجد حامل مرام ومتجه للباب
ماجد بصراخ: اذا صار لها شي بحاسبكم كلكم كلكم
خالد: هدي هدي انشاء الله خير
ابو زياد يربت على اخوه: هدي ياابو ماجد هدي هونها وتهون
ابو ماجد: اخاف يصير لها شي ماعندي غير هالبنت
الجد يقاطعه: فالك ماقبلناه البنت ان شاء الله مافيها شي امشوا بس امشو
طلعت مرام وماجد وخالد وام ماجد مع مشعل وابو ماجد مع ابو زياد
الكل طول الطريق كان يدعون اول ماوصلو المستشفى حملها خالد لان ماجد من الفجعه وطول الطريق كان يحاول يصحيها بدون فايده انهد حيله وحاول يحملها بس ماقدر حملها خالد ودخل والكل وراه الا مشعل الي تقدمهم وجاب نقاله حطوها عليها اخذوها الممرضات لغرفة الطوارى ماجد اول ماشاف الكراسي جلس وبعده الكل الا خالد ومشعل الي ماكفتهم الكراسي
ماجد بعد نصف ساعة من الدعاء والخوف انفجر: ليش للحين ماطلعوا اكيد صار لمرام شي طيب ليش ماحد طلع منهم للحين وصار يهذي ويصرخ بكلام فاضي
خالد مسكه من كتفه وجلسه على الكرسي: هدي هدي مرام ان شاء الله مافيها الا العافية
ماجد بصوت اقرب للهمس: طيب ليش ماحدا منهم طلع وليش للحين ماطمنونا عليها
خالد: انت اصبر مالهم غير نصف ساعة
ماجد: وانت قلتها نصف ساعة ايش يسون فيها
ابو ماجد: استغفر ربك ياولدي ومرام محتاجه تدعي لها وان شاء الله تقوم لنا بالسلامة
ماجد سكت والكلل وبعد دقيقتين من كذا طلع الدكتور وقام الكل يركض له
ماجد: طمنا
الدكتور: انا قلت لكم قبل كذا انتبهوا عليها عشان ماتنتكس
ابو ماجد: يعني الي صار لها انتكاسة
الدكتور: ايه انتكاسة وبصراحة البنت طلع عندها زايده والي يصير لها اعراض للزايده الي اخذت منها احد الكليتين واستحوذت عليها هو انا شكيت في كذا المرة الي فاتت بس لان الاشعه طلعت سليمة كذبت شكوكي واعتبرتها نزوة برد
ماجد: يعني
الدكتور: يعني البنت لازمها عملية للتخلص من الكلية الفاسدة وباسرع وقت وكل ماتاخرت فسدت الكلية الثانية
ابو ماجد: طيب ايش المطلوب
الدكتور: راح اقدم لكم اوراق العملية وتوقعونها وان شاء الله بعد العملية بتكون بخير
ماجد: يعني العملية حل وحيد مافي غيره
تدخل مشعل مع ان قلبه ماكله على اخته بس يطمن اهله: لا تخافون ترى عملية الزايدة من ابسط العمليات والي تقام بشكل يومي تقريبا ولا ايش رايك يادكتور
الدكتور: ايوه طبعا بس هو انت دكتور
مشعل: لا باقي طالب
الدكتور: بالتوفيق ان شاء الله انا الحين بجيب الاوراق وبعدها بنسوي العملية وصدقوني البنت مش محتاجة الا دعواتكم
ابو زياد: شكرا يادكتور
جاب الدكتور الاوراق وقع ابو ماجد لانه الوصي عليها وولي امرها وبعد ساعة ونص انتظار عند باب غرفة العمليات
طلع الدكتور
باشر خالد بسؤاله: هاه يادكتور بشر
الدكتور: ابشركم العمليه نجحت والبنت الحمد لله بخير بس راح تظل فترة عندنا لتتعود الكلية على العمل لوحدها وتتاقلم مع عملها ودورها في الجسم وفور تاقلمها بنطلعها والحمد لله على سلامتها
ابو ماجد بارتياح: الله يسلمك بس نقدر نشوفها
الدكتور: هي للحين نايمه اثر البنج وراح ننقلها غرفة العناية المشددة لتصحى من البنج وبعدها تقدروا تشوفوها
ماجد: مايصير اشوفها الحين
الدكتور رف قلبه على شكل ماجد الي مومصدق ان مرام دلوعتة تدخل غرفة العمليات ويصير معها كل الي صار: تقدر تشوفها من خلف القزاز بعد ماينقلوها غرفة العناية وبكره الصباح راح تصحى انشاء الله
ماجد للحين مو مصدق الي صار بعد ربع ساعة ماجد واقف يناظر دلوعته الحبيبة ودموعه بعيونة: عمي انت مصدق الي يصير بمرامي شوف شكلها ويأشر بإصبعه لمرام كأنها ناقصة من وزنها ووجهها مصفر وذبلان تصدق ان كل هذا يصير مع مرامي مرامي انا يصير فيها كل هذا صار يبكي بحرقة
خالد: الله ياماجد هذا وانت مؤمن وتخاف ربك وتعرف ان الي يصير قدر ومكتوب ومالنا الا الصبر والي تسويه سخط وجزع والله مايرضى
ماجد: والله مو بيدي
خالد مسك كتف ماجد وشد عليه: مايصير الي تسويه مايصير وبعدين لازم تكون شجاع وقوي عشان لما تصحى تشوفك قوي وتستمد منك قوتها
ماجد: هي تقوم وانا بكون قوي وبظل عندها ومابرجع البيت الا وهي معي
خالد حس بحب ماجد لاخته وان كلامه ماراح يجيب نتيجه فراح وخلاه
طلع من قسم العناية وشاف الاهل باقي ماراحوا
خالد: انتم للحين مارحتوا
ام ماجد: ماني رايحة الا بعد ما اشوف بنتي
ابو ماجد: ياام ماجد تو الدكتور طمنا وبكره من بدري بجيبك وتكون صحيت
ام ماجد بقلب الام: لا والله مااطلع لين املي عيني بشوفتها
خالد: خلاص انا بوديها ياخوي بس بشرط تشوفينها وترجعين البيت
ام ماجد: يصير خير
خالد: انتم روحوا وانا باخذ ام ماجد وماجد وبلحقكم
ابو زياد: خير ان شاء الله لا تتاخرون
مشعل: وانا بعد بشوف اختي
خالد: طيب تعال وتوجه خالد والي معه لغرفة العناية والباقي رجعوا البيت
ام ماجد وهي تناظر بنتها ودموعها بمحجر عينها: ياليته فيني ولا فيك يايمه ياليته فيني
خالد مقاطع: مايصير ياام ماجد هذا اعتراض على حكم الله
مشعل: عمي انت ماتشوف الاجهزه الي عليها ماتشوف حالتها كيف م م م وخنقته العبرة وماقدر يكمل وطلع من هالمكان ومن المستشفى بكبره
مرام كانوا حاطين لها جهاز تخطيط القلب ونبضه وجهاز اكسجين وجهاز يوضح عمل الكلية وموصلين كيسين واحد مغذي وواحد دم
ماجد يكلم خالد: خذ امي ومشعل وروحوا البيت وانا بظل عندها
خالد: بنروح وانت بعد الدكتور قال مابتصحى الا الصباح خلونا نروح نرتاح شوي والصباح من طلوع الشمس نكون هنا
ماجد: ماقدر اخليها بروحها يالله انتم روحوا الا بجية ممرضتين
الاولى: لالا لازم يطلع برى ممنوع يجلس هنا
الثانية: يالله بسرعة في مشكلة كبيره يجلس هنا لازم يطلع بسرعه
خالد: شفت وسمعت يالله
ماجد: طيب بس انا بظل ممكن
الاولى: اسف لازم يطلع تبغى انتظر برى بس هنا ممنوع عشان المرضى هنا عناية مشددة يعني ممكن تضر بالمرضى
الثانيه: روح برى وانتظر
استسلم ماجد بعد عدة محاولات فاشلة لان وجوده بيضر بالمرضى بس مارضي يروح البيت انتظر بالمستشفى بحجة انه بيطل عليها من فتره لفتره
طلع خالد وام ماجد اتصل على مشعل يشوفه وين مشعل شاف المتصل عمه مارد وخالد كرر الاتصال اكثر من خمس مرات بس محد يرد وبعدها اخذ ام ماجد لبيتها ورد بيتهم شاف امه وابوه وابو ماجد وابو زياد وام زياد وعبير وزياد وعليا ومازن مهند محمد حلا الكل بانتظاره
خالد باستغراب: انتم ليش للحين صاحين
ابو فهد: ننتظر حد منكم يطمنا
خالد: واخواني ماطمنوكم
ابو ماجد: والله ماصدقونا
خالد: والله البنت تعدت مرحلة الخطر وماجد ظل عندها وكمل يكلم ابو ماجد وام ماجد وصلتها بيتها خذ عيالك وروح لانها بروحها
ابو ماجد: ومشعل
خالد: طلع قبلنا ودقيت عليه مايرد
ام فهد دموعها ماوقفت من الاول للحين: ياعيني عليك يانور عين امك ياليته فيني ولا فيك
مهند : لساتها صغيره كيف يسوا لها عملية وبدت دموعه الي ماوقفت من لما سمع
مازن يكمل مع اخوه: الحين ماراح تتحمل وبتموت وتخليني بروحي وصار يبكي بحرقة الكل شفق على حالتهم ابو ماجد قرب من عياله وضمهم لصدره
ابو ماجد: لا تخافون مرام قويه وبتعدي منها وهي الحين مو محتاجة غير تدعون لها والدموع ماراح تفيدها
مازن بكل براءة: يعني ماراح تموت وتتركني لحالي
خالد ياكد: لا ماراح يصير لها شي وبكره لما تصحى بنروح لها كلنا
ابو ماجد: يالله نروح البيت امكم بروحها واخذ بيد مازن اليمين ويد مهند اليسار وتوجهوا للباب قال قبل لا يطلع مع السلامة
الكل: مع السلامة
عبير: يبه انت شفت مرام
ابو زياد بحسزه: لا والله الدكتور مارضى بس ماجد وخالد وام ماجد حتى عمك ماشافها
الجد: ادعوا لها ترى بنت عمكم محتاجه دعواتنا كلنا
عليا وهي تصيح: انا السبب انا الي خليتها تنزل المسبح
عبير: مو بس انتي وانا بعد
خالد وكأنه الحين تذكر كلام ماجد" والله لو صار لها شي بحاسبكم كلكم كلكم": يعني الي صار انتكاسة لمرضها قبل
عليا: اكيد انت ماسمعت ماجد هو حذرنا بس احنا الي ماسمعنا
عبير: خلاص الي فات مات والندم ماينفع ماراح يفيدها الا الدعاء
الجده: الله يقومك بالسلامه واشوفك قدام عيوني تركضين وتضحكين
الكل: امييييييييييييييييين
ابو زياد: يالله خلونا نرجع البيت يالله مع السلامة خالد انتبه للوالد والوالده
خالد: لاتشيل هم بعيوني اصلا من لي غيرهم طلع ابو زياد وعياله
الصباح الساعة 8 اللكل بالمستشفى من كبيرهم لصغيرهم لما وصلوا كانت مرام قد صحيت وماجد عندها اساسا ماتركها ابدا وكل ساعة يطل عليها لين الساعة 6 لما دخل حط يده على يدها وضغط عليها
ماجد: مرامي تسمعيني انا ماجد اذا تسم ماكمل كلامه لانه حس بضغطه يد مرام على يده فرح من قلب وصرخ بالدكاتره الي كشفوا عليها وقالو ان صحتها تمام بس لازم يطمنون على عمل الكلية ولمصلحتها بتظل عندهم كم يوم وعلى الساعة 7:20 نقلوها من العناية لغرفة عادية وماجد من وقت ماصحيت مافارقها
استفسروا من الاستعلامات وخبروهم انها صحيت ورقم الغرف واتوجه الكل
ماجد سمع دق ع الباب: اكيد الحبايب انفتح الباب واول من دخل ام ماجد تقربت من بنتها وضمتها
ام ماجد: الحمد لله على سلامتك يالغاليه وقبل ماترد
مازن: يمه الحين دوري ام ماجد وخرت عن مازن عشان يسلم على اخته
ماجد: بشويش ماصار لها ساعتين صاحية وبعدين انتبه للجرح
مرام ببحه: خلوه وضمته لصدرها
مازن: لاتروحين وبصياح الله يخليك لا تخليني لحالي
مرام وهي تزيد من ضغطها عليه: لا تخاف لازقة فيكم ماراح اروح مازن ضحك ووخر عنها
مهند سلم على اخته: الحمد لله على سلامتك خوفتيني عليك
مرام: الله يسلمك ماكان قصدي اخوفكم
مشعل: المهم قمتي لنا بالسلامة وقرب من اخته وضمها وشد عليها بخفه والكل يطالعه لانهم من امس ماشافوه
ابو ماجد قرب وحب بنته بجبينها: ماتشوفين شر يالغالية
مرام: الشر مايجيك يالغالي
الجده الا توها وصلت: الحمد لله على سلا متك يايمه ياليته فيني ولا فيك ودموعها ابد ماتنرد
مرام: بعد الشر وسلم عليها جدها
الجد: خطاك السوء يبه
وسلم عمها ومرة عمها وبنات عمها حتى زياد دخل وسلم وطلع وظل الكل عندها لين ماانتهت الزياره يعني الليل وظلت امها والباقي طلع وظلوا على هالحال لين طلعت من المستشفى
بعد شهر من الحادثة في بيت ابو ماجد مسوين عزومة لسلامة مرام
ام زياد: ايه الحين وجهك منور
مرام: تسلمي خالتي
ام ماجد: والله ياوخيتي الي شافته موشويه
عبير: بس مرام قوية وتجاوزت الي صار
عليا: وانا اشهد
مرام: طبعا لازم اكون قويه ولا ماقدرت اعيش بالدنيا
ام زياد: ايه والله الدنيا تحتاج صبر وقلب كبير يتحمل
الجده: عبير
عبير: لبيه
الجده: لبيتي بمنى حاجه صبي القهوه
عبير وقفت بتصب القهوه بس مرام سبقتها: خلي انا الي بصب
الجده: يابنت اهجدي جرحك باقي ماطاب
مرام: لاتحاتين الجرح طاب وصرت بخير ومافيني الا العافيه
عليا: لا تدلعونها ترى موزين
ام ماجد: والله يابنتي ماعندي غيرها اذا مادلعتها ادلع من
جاهم صوت مازن: دلعيني انا ولا ماعندكم الا مرام
الجده تحره: ايه ماعندنا الا مرام
مازن: دام تدخلت ست الحبايب خلاص رحنا وطي
الكل ضحك عليه وعلى غيرته
مازن: ايه صح ماما ابوي يقول القهوه
ام ماجد وهي توقف: يالله تعال وراح وعطته القهوه والتمر والحلى راح ورجع اخذ الشاي والمعجنات والفصفص ورجعت لمجلس الحريم وباشرت هي وبنتها على الموجودين
ام فارس جارت ام ماجد: الحمد لله على سلامة مرام ياام ماجد
ام ماجد: الله يسلمك ويبقييك
ام فارس: ماتشوفين شر يمه تكلم مرام
مرام: الشر مايجيك خالتي
ام سامي: خطاكم السوء
ام ماجد: سلمت يام سامي
ام فارس: كيف حالك الحين عساك بخير
مرام: الحمد لله خالتي انت اشلونك
ام فارس: بخير عساك بخير
كان المجلس عاج بالضيوف والبنات يباشرون مرام وعبير وعليا وبعدها مرام اشرت لهم يطلعون وكان فيه ثلاث من زميلات مرام
كان فيه بنتين وحده بنت ام فارس جارت ام ماجد في سن عبير اسمها غدير والثانيه بنت رفيق ابو ماجد اكبر من عليا بشوي اسمها مجد طلعوو البنات للصالة الي فوق
وكان فيه خمس او ست بنات بعمر حلا والي اصغر بشوي اخذتهم وطلعت تلعب في الحوش
في مجلس الرجال ابو ماجد عازم كثير من رجال الاعمال والي تحمد لبنته بالسلامه وكان فيه اثنين من اصدقاء ماجد والا تعرفوا على اخوانه وعمه وعيال عمه واندمجوا مع بعض وصديق لمشعل واثنين من ربع زياد وخالد وكونوا شله
ماجد: اقول وياشر على فهد وحسام ربع خالد وزياد انتم بعد عوانس
الكل ضحك معدا خالد وزياد
زياد: عوانس بعينك الي يشوفك يقول بيننا عشر سنين كلها خمس سنين
فهد يحب يتغشمر: وانا اقول اثاريك بتضمني لشلتك شلة العوانس
حسام: يعني انت ياماجد رائيس شلة العوانس
ماجد: فال الله ولا فالكم والله انا باقي شاب في اول شبابي
خالد: ليش احنا طق عمرنا 70 ولا 80
ماجد بتريقة: لا بس 30
فهد: مجود ترى الا في عمرك عندهم درزن اولاد
حسام: وانا واحد منهم
مراد: ابوك يالكذب
حسام يمزح: لعن ابو دارك انت ماتستحي
خالد: لا اله الا الله بتغيرون السيره ولا اقوم
فهد: جاك عقدتوه فوق عقدته اقول مو كاننا جالسين مع بزران
مازن رفيق ماجد: الحمد لله جات منكم احنا بزران يعني لاحقين على الزواج ووجع الراس
خالد: انت ماصدقت تلقى فرصة وتخرج نفسك من عالم العنوسه
فهد: من ناحية العنوسة فكلنا عوانس الا حسام
مراد رفيق ماجد ومازن: والله صدعتوا روسنا من هالسيره
مشعل: صار لي انا وسعود تقريبا ساعة اذا مو اكثر واحنا مستمعين يبه غيروا السالفة قسم بالله لعبتوا بمعدتي لعب شوي واستفرغ
خالد: لا لا لا والي يعافيك امسك روحك خلاص قفلوا
فهد: شباب وقووف الان خروج من عالم العوانس الى عالم الشباب
الكل ضحك على جملته
فهد: ايش رايكم نلعب نتونس
ماجد وهو يوقف: قوموا نلعب كوره
مشعل الي مايحب الكوره كثير: والي يعافيك خلوها سله بلياردو اي شي بس كرة قدم لا
فهد: وليش لا وبعدين عددنا يوحي باخذ احد الشياب
سعود والي ابوه احد التجار الموجودين يتريق: ايه عشان يقومون علينا بالعقال
خالد بضحكه: لايكون ابوك للحين يصكك بالعقال انت رجال ايش طولك وايش عرضك
سعود: لا مو يطقني بس دوم يهدد به واخاف الحين يتهور
مشعل والي يعرف ان سعود ماينطق بالعكس هو دلوع ابوه وامه وبكرهم بس حب يغثه: ايه على بالي
فهد: لا يكون صدق يطقه
مشعل: الا يقطع العقال عليه
سعود فاتح فمه متفاجى من مشعل: الله يلعنك من رفيق
فهد: والله بقوم سعود اي واحد فيهم ابوك
مشعل: الي جالس على يد ابوي اليمين صاحب الشماغ الابيض
فهد وهو يمثل انه يوقف:دام المسأله فيها عقال ومشهد رومنسي بقوم اعزمه يلعب معنا ووقف من جد وراح لابو سعود
سعود: يلعن ابو دارك من رفيق ياربي انا كل مارافقت واحد طلع كذاب وكذاب كبير بعد
خالد: يعني المسأله كذب
مشعل وهو ميت من الضحك: ايه والا سعود المدلل دلوع امه وابوه ينضرب اذا قلت امه للحين ترضعه ممكن بس ينضرب مستحييييل
زياد: ورطت الرجال وهو يناظر فهد والي متقدم لهم ومعاه ابو سعود
ابو سعود: سلا عليكم يالشياب
الشباب ضحكوا من قلب
خالد الي حس ان عمره مقارب لعمر ابو سعمد: اول تحب اناديك عمي والا ابو سعود
ابو سعود: والله انا مابيني وبينك شي عشان تقولي ياعمي وبعدين يكفي الشياب الا اذوني بسعودوه وكأن مالي اسم نادوني احمد
الكل ضحك على كلام ابوسعود الي شكل طينته من طينت فهد
سعود ويتصنع الزعل: الحين انا سعودي صرت ماتبي الناس ينادونك باسمي بدال ماتفتخر
ابو سعود: والله من ناحية افتخر افتخر بس الحين انا بين شباب ولازم اكون مثلهم ولا تبون تعلكون علي
سعود: دام راس سعود يشم الهواء راسك بيظل مرفوع اذا رضيت باسمي
الكل ضحك من كلام سعود والي كله مصلحه
فهد: العم رضي يلعب ويانا
ابو سعود: قلنا احمد ولا انت ماتفهم
فهد: اقول عمي ترى بعلم كل الموجودين
ابو سعود: جرب وشوف
فهد والي مايحب يخسر تحدي: اقول ياجماعة الخير
قاطعه ابو سعود: فهد يبي يتزوج ويقول الي عنده بنت بسن الزواج يقول وانا اظمنه لكم
ابو ماجد: والله فهد مايحتاج ظمانه
خالد يحب يقهر فهد والي معترض عن الزواج عشان يكون مثله ومثل زياد : ايه والله شاب موظف عمره 28 سنه راتبه 11 الف ابوه يعتبر من اكبر تجار البلد يملك شركات الــــــ ـ ـ ـ ـ ايه هو من ثلاث اسنين بدا الشغل كان مجرد موظف بس الحين صار نائب المدير العام وعلى فكره ابوه جالس وياكم يعني من معارفكم
الكل: والنعم فهد فاتح فمه ع الاخر مو مستوعب الي صار
ابو سعود يهمس بإذن فهد: انت مو قدي واذا تبي ازوجك الحين زوجتك
فهد: لا لا خلاص يكفي الي صار
ابو فهد والي فرح بس اخذ على خاطره يظن ان فهد هوالي طلب من ابو سعود يخطب له: اذا تبي تعرس قول وبنعرسك بس مايصير هنا الي تبيها اشر ونروح لبيت ابوها نخطيها لك مو هني
ابو ماجد: وهالبيت بيت كل الموجودين وياحظها الي بتاخذ فهد
فهد: تسلمون وماتقصرون ياجماعه بس انا للحين
قاطعه ابو فهد: كل الموجودين يرحبون بك ويعرفون من يكون ابوك
فهد ماعرف يرد راح وجلس بين خالد وزياد: والله طاح فهيد ومحد سمى عليه
خالد وزياد ضحكوا عليه من قلب
فهد: بتسكتون ولا والله ليصير لكم مثلي وازود بعد
خالد: لالا خلاص يبه سكتنا
بعدها ماجد ومشعل وقفوا الكل للعشاء والي عباره عن مفطحات
فوق بالصالة عند البنات
مرام: اقول غدير انت ايش شهادتك
غدير: ادارة اعمال
عبير: تشتغلن
غدير: حالي حالك بشركة ابوي
عليا: ايش المنصب
غدير بفخر: نائبة المدير العام الا هو ابوي
عبير: ليش ماعندك اخوان كبار او شركاء لابوك بالشركة
غدير: ابوي ماعنده شركاء كون هالشركة بتعبه وشقاء عمره اما الاخوان فعندي ثلاثة جاسم اكبر مني بثلاث اسنين مدير قسم المحاسبه
مرام: مثل عبير
غدير: وعصام اكبر مني بسنه رائيس المهندسيين بالشركة الثالث سامي اصغر مني بست سنين ثالث ثانوي علمي وعندي اختين غلا اكبر من سامي بثلاث اسنين ثالث سنه بالكليه طب عيون وسهى الصغيره 10 سنين وهي هلا تلعب بالحوش مع حلا اختك وتأشر على عبير
عبير: ماشاء الله عيلتكم كبيره اكيد الحياة داخل البيت مستمره
غدير: والله ولا كأن احد ساكن بالبيت مانجتمع الا على الوجبات
مرام: ليش والله لو منك لأجمع الكل بالقوه
غدير: ليش عيالي وانا مادري ولا تبيهم يموتوني
عبير: ليش عندك اخوان ولا مجرمين
غدير: هههههههه لا مو لها الدرجه بس احنا تربينا ان محد له دخل بالثاني وانا اذا احتكيت احتك بجاسم او غلا والباقي مو كثير
سوزان رفيقة مرام: وكيف قادرين تعيشوا بهالبيتت والله لو منك لجن انا اذا ماجلست كل يوم مع العائلة ولا مو انا سوزان
مي والي عيلتها مشابهه لعيلة غدير: والله ياسوزان الي ايده بالمي مو مثل الي ايده بالنار
مرام: لا انت حاله خاصه مي
عبير: ليش خاصة
سهام رفيقة مرام وسوزان ومي: يعني عيلتها مثل عيلة غدير تقريبا يعني مشتتين
عليا: والله شي غريب يمكن لاني ماعشت مثل ماعشتوا بس احس اني جالسة اسمع قصة من وحي الخيال
عبير: دام بدت فلسفت عليا قولوا على الله السلام
الكل ضحك وبعدها قامو للعشاء والي كان بوفيه مفتوح عكس الرجال الي كانت ذبائح ومعجنات وحلى ومالزم بس مو مثل الحريم
بعد العشاء الكل توجه لبيته ماعدا شله خالد طلعوا يتمشون واهل البيت الكل لغرفته ونامو