الفصل 3
البــــــــــــــــــــــ ـــــــــ الـــــثالـــث ــــــــاراتـــ
يوم الاربعاء الجمعة في البيت الكبير
دق الجرس
الجده ام فهد: ميري ياميري افتحي الباب
فتحت ميري الباب: هلا بابا احمد
ابو ماجد: هلا ميري الوالده وين
ميري: موجود في الصالة بابا
مرام: يمه يمه
الجده اول ماسمعت صوت مرام قامت: هلا والله ياحيا الله من جانا تو مانور البيت
مرام ركضت وحضنت جدتها: وحشتيني يمه
الجده: ايه واضح حتى صار لكم اسبوع ماشفتكم
ام ماجد: سامحينا ياخالة انتي تدرين الي بالشغل والي بالمدرسة وتقربت حبت راسها انتي شلونك عساك بخير
ابو ماجد: حب راس امه ايش اخبارها الغالية
الجده: من شفتكم صرت بخير
سلم ماجد واخوانه ع الجده وجلسو الا ويدق الجرس وقف مازن وراح يفتح الباب
مازن: هلا عمي وحب راسه وشلونك
ابو زياد: هلا فيك انا بخير انت اشلونك وشلون الدراسة
مازن: الحمد لله تفضلو الجلسه بالصالة
دخلو وابو زياد تنحنح عشان زوجة اخوه وبنته ودخلو
ابو زياد: السلام عليكم
الكل: وعليكم السلام
الجده: ياهلا والله ياحيا الله من جانا
ابو زياد: شلونك يمه وحب راسها اشلون صحتك يالغالية عساك بخير ودخل الكل وسلم
ابو ماجد: يمه وين الوالد
الجده: دق عليه جارنا ابو فيصل وطلع يشوفه ماكملت كلامها الا وهو داخل
الجد ابو فهد: السلام عليكم
الكل وعليكم السلام ومرام اول ماشافت جدها ركضت له
مرام وهي تسلم عليه وتضمه: اشلونك يالغالي والله وحشتني
الجد: هلا والله ببنتي انا بخير انتي اشلونك
مرام: بخر بشوفتك
الجده: لنا الله
الكل ضحك وقامو سلمو ع الجد وبدت السوالف
حلا راحت لجدهاا وجلست بحضنه
الجد: اقول زياد
زياد: امر جدي وهو عارف وش بيقول لاكن الشكوى لله
الجد: انت وعمك متى ناوين تعرسون
زياد: بعد مانرجع من السفر يصير خير جدي
الجد: اي سفر انتم ماتقعدون اسبوعين على بعض الا وقلتم مسافرين
خالد: ايش نسوي يبه مافي احد غيرنا يسافر وبعدين كلها فرنسا
الجد: ايه فرنسا اهني جيرانا يبه فرنسا هذي تبعد اميال عنا
ابو زياد: والله يبه مايكمل شغلنا الا بالسفر وانا كبرت وماعدت بحمل سفر وابو ماجد السكر هاد حيله ماعندنا غير زياد وخالد الله يطولي بعمرك
الجد: ماقلنا شي بس مو كل اسبوع خفوا شوي
ابو ماجد: يعني نوقف الشغل
الجد ومل من عياله: لا لاتوقفونه وانتم الله يستر عليكم وشغلي معكم لارجعتم
زياد يهمس: هذا اذا رجعنا
خالد: اكيد بترجع مهما هربنا مصيرنا بنحط تحت ايده
زياد: ع الاقل نهرب فتره وبعدين يحلها ربك
مرام: اقول خلوود
خالد: لايكون اصغر عيالك
مرام: لا والله اصغر اعمامي
الكل ضحك عليها
خالد: قولي وش عندك
مرام: يانا شفت لك وحده
خالد: اي وحده
مرام: وحده لو شفتها بيطير عقلك
الجد: ايش يطير عقله وايش وحده
مرام: يايبه مو تبي تزوجه عاد انا جبت العروس
خالد: والله انا باقي ابي عقلي اذا عندك وحده زوجي ولد عمك
زياد: انتي اوصفيها اذا اعجبتني سرينا الليله
مرام: وش اوصف ووش اخلي ياولد عمي ملاك ملاك مصور
عليا: من هذي اللي مطيره عقلك
مرام بخبث: عندي صورتها تعالي علاوي اوريك وانتي احكمي
عليا ماصدقت خبر: طيب يالله بسرعه
مرام وهي تاشر لعليا وعليا فهمت انه مقلب
عليا اول ماشافت الصوره ظلت ساعه فاتحه فمها
زياد بتريقه: اقول عليا انتبهي على براطيمك
عليا وتوها تنتبه وماتت من الضحك
ابو زياد بشيطانيه: اقول مرام وريني الصوره
ام زياد: اقول استريح
عبير: اخس امي تغار
ام زياد: بتنطمين ولا
عبير: لا خلاص انطميت
زياد: مرامي مو انا العريس
مرام: الا
زياد بخبث: ترضين اخذ وحده ماقد شفتها
ماجد: يلعن ابو المصالح
زياد: مجووود ياتعين ياتسكت
ماجد: اذا تبي بتوسط لك وهو فهم من نظرات اخته انه مقلب
زياد: ياااليت تكفى مجوود ساعدني
ماجد: طيب اعتدل وش مجوود ذي
زياد: حاضر عمي ماجد بس تكفى طالبك
ماجد:مرامي عشاني ولو انه مايستاهل
مرام: والله خاطرك فوووق ياخوي بس ترضون احد يشوف صورنا
ابو ماجد: اش يشوفون صوركم
زياد: اكيد مانرضى بس عاد انا ولد عمك ولا ماتثقين
الجده: والله الرجال مالهم امان مرام يمه لا يقصون عليك لاتخلينهم يشوفونها
عبير بتحرق اخوها: خلينا نخطبها وبعدين انظرها وشوفها على راحتك
مرام: والله الي يبيها لازم يسافر لها وتكمل بخبث ايه صح مو انت مسافر خلاص انا بعطيك عنوانها وانت روح لها
الجد بيحر زوجته: اقول مرامي يبه تعالي عندي
مرام قامت بخبث وجلست جنب جدها: امر جدي
الجد: وش رايك توريني واذا اعجبتني نروح ونخطبها
الجده: اقول قومي قومي لابارك الله في ابليسك من بنت
مرام: تغارين على ابوي يمه
الجد: ماعليك منها انت بس وريني
مرام حبت تقلب الموضوع على جدها بما انه هو الي طلب: طيب انا بوريك بس اول بروح اجيب لك موية اخاف يصير فيك شي
ام ماجد: يابنت اعقلي
مرام: ماما وانا ايش سويت هو الي طلب صح يبه
الجد: ايه ايه صح
مرام راحت وجابت كوب موية وحطته ع الطاولة والكل صار يناضر بوجه الجد مرام تفتح له ع الصوره
مرام: يبه انت غمض واذا قلت لك افتح افتح
الجد وهو يغمض عيونه ومرام وعليا ماسكين ضحكتهم: طيب يالله بسرعة
مرام: 1 2 3 وحطت الجوال بايد جدها وقامت تستعد للهروب افتح
الجد اول ماشاف الصوره كلمة انفجع قليلة عليه: غربل الله ابليسك وحاول يسوي مقلب بزياد هذي صغيره علي اظن انها تصلح لزياد ومد الجوال لزياد خذ وانا بوك شوفها زياد قام بلهفة يبي يشوف اخذ الجوال واول ماشاف الصوره من الفجعه صار يقلب نظره بين مرام والجوال وبعدين ركض وراها مرام هربت وطاح غطاها وتخبت ورى الجد
الجد: ياويلك ان قربت
زياد: اوريك والله لارجعها لك وان مارجعتها مااكون زياد
مرام: ايه رجعها باحلامك
ماجد: برافو مرامي
مشعل بعد ماطالعوا الصوره الكل: والله وطلعتي مانت هينه
مرام: افا عليك مو اختك انا
مشعل: وهذا الا محليك انك اختي
الجده: اقول اصطلب ماخلاك ترفع راسك الا انها اختك
مرام وقامت بتروح عند الجده انتبهت ان غطاها طاح ومحد قالها لان الكل ماانتبه نزلت راسها واخذت غطاها وتلثمت
عليا بهمس: الحين انتبهتي
مرام بنفس الهمس: يعني انتي كنت منتبهه
عليا تهمس: شوفي زياد ماراحت عينه عنك ابد
التفتت مرام لزياد شافته مبحلق فيها ماعجبها الوضع قالت تبي تبعد: انا بروح اشوف الغدا تاشر لعليا يعني اوريك
عبير: خذيني معك وطلعو للمطبخ
بعد ساعه تغدو وتفرقوا الحريم بالصالة والرجال بالمجلس
الساعة اربعه بعد العصر عند الحريم
مرام: اااااااف
الجده: وش فيك لايكون مليتي
مرام: لا والله بس ودي نلعب بنات وش رأيكم نلعب كوره
عليا: ياليت والله من زمان مالعبنا واستانسنا
عبير وقفت: اجل قومو
مرام: لحظة لازم نقسم الفريقين والمشجعين قالتها على دخلت مازن
مازن: اي مشجعين
مرام: ياشين اللقافه ولا اقولك تعال يمكن نحتاجك بنلعب كوره
مازن: وناسه بس لحظة بنادي محمد ومهند
الجده: وش محمد ومهند العيال كبرو ومالازم يلعبون مع البنات
مرام: وش كبرو يمه والله بعدهم صغار وبعدين محد يتغطى عنهم
ام زياد: ايه صح بس يالله كملي
مرام: طيب انا وعبير ومحمد فريق وعليا ومهند ومازن فريق
حلا: لا والله وانا
مرام: اذا تبين لازم تجيبين واحد معك
حلا وخطر في بالها واحد: عمي خالد
مرام: على كذا يتغير الترتيب بس اول اسئليه
حلا وهي متجهه الى المجلس: الحين اسئله
دخلت حلا المجلس ووقفت قدام خالد
خالد: هلا حلاوي تبين شي
حلا: بطلب منك طلب بس لاتردني
خالد: افا انا ارد حلاوي قولي وش عندك
انظار الكل مركزه على حلا حلا: بنلعب كوره وقالو لي لازم اجيب واحد اذا ابي العب عشان يتساوى عدد الفريقين
الجد: من الي بيلعب
حلا: كلنا
خالد بخبث: مرام بتلعب
حلا وقامت تعد:مرام وعبير وعليا ومحمد ومهند ومازن
خالد: يالله مشينا
ابو زياد بعد ماطلعو: بنات اخر زمن
ماجد: والله شوقونا نلعب
زياد: اذا تبي قوم
ماجد: مافي الا ملعب واحد وين تبينا نلعب
زياد بخبث: اكيد للحين ماطلعو
ماجد وكانه فهم قصده: قوم مشى شوي ووقف يطالع مشعل تحتاج عزيمه
مشعل وهو يوقف: لا بس انا اقول وش رايك تعزم الي جالسين يكبر الفريق
ابو ماجد بحماس: ايه والله من زمان عن الكوره وقام ومسك يد اخوه ابو زياد وقام معاه ناظر ابوه يبه وش رايك تصير الحكم
الجد: والله محد منكم يطلع اجل سمعتوا ان البنات بيلعبون قلتم بتلعبون اجلسو والي في امه رجاله يعتب هالباب
الكل رجع مايبون يكسرون كلمته
زياد: والله كان ودي اخبل فيهم بس خيرها بغيرها
الجد وقف بيحر ماجد وزياد ومشعل: اقول عيالي وش رايكم نروح نتفرج ع البنات وهم يلعبون على الاقل نكون مشجعين
ابو زياد وعرف مقصد ابوه: يالله مشينا وقف ابو ماجد معهم وصلو عند الاب والجد التفت
الجد ابو فهد: وانتم وين رايحين
زياد: بنشجع معاكم
مشعل: نكثر الجمهور
الجد: اقول اسطلبو مكانكم احسن لكم الشباب وقفوا وهم يتحلطمون الجد طلع وهو ماسك ضحكته عليهم
ابو ماجد بعد مابعدو شوي: يبه وش فيك عليهم
الجد: يستاهلون عشان ثاني مره مايتأمرون ع البنات
دخلو الصاله شافوا البنات توهم طالعين بعد مااتفقوا ان مرام وعبير ومحمد ومازن فريق(القناصة) وخالد وعليا ومهند وحلا فريق(المناصرة) والجده هي الحكم وام ماجد مشجعت فريق القناصة فريق بنتها الوحيده وام زياد مشجعت فريق المناصرة فريق اصغر عيالها حلاوي
الجد يستغبي: على وين العزم والشله مكتمله ماشاء الله
مرام: والله وناسة يالله امشو معنا نبي نلعب كوره بس ابيكم تشجعون فريقي الا هو فريق القناصة
ابو ماجد: من وين جبتي هالاسم
مرام وهي تمشي مع الجد والكل وراهم: افا عليك انا مرامي
ابو زياد يكلم حلا: وانتم ايش اسم فريقكم
حلا بفخر: فريق المناصرة
الجد: من وين جايبين هالاسامي خبري ان اسم الفريق اما الهلال او النصر، الشباب,الاهلي والى اخره
مرام: حلوه والى اخره
الكل ضحك على تعليق مرام
خالد اول ماوصلو الملعب: يالله توزعوا وكمل يكلم ابوه اقول يبه ساند الحكم
الجد: ومن الحكم عسى بس حكم عادل
الجده: انا الحكم ولا ما عجبتك
الجد يغيضها: اذا هذي هي الحكم عز الله رحتم فيها
الجده بغيض: اقول يازينك ساكت
ضحك الجد عليها والكل سكت لما سمعو الجده تصفر تعلن بدايه المباراه
التعليق على المباراه
بدت لفريق القناصة
مرام: يالله محمد امشى قدام وانا بناولك الكوره مشى محمد وناولته مرام الكره وسدد بس الحارس مهند مسكها
محمد: ياااااللله
رمى مهند الكوره والي مسكها خالد ومشى فيها نحو مرمى القناصة وعندما اقترب ناول عليا الي سددت ولاكن لقت منافس قوي مسكتها عبير بمهاره لان كرة القدم من احد هواياتها عبير رمت الكره لمازن الي بعد عدة ثواني ناول محمد مشى فيها محمد ولما قرب يوصل حاوطه خالد وحلا لاكن محمد حول الكره لمرام الي سددت وجت قوووول
مرام: هإااايااااا
محمد: برافو مرام
وسمعو صوت الجمهور المشجع
عند الجمهور ابو زياد: والله بنات ماهم بسهلين شوف تقول شباب الي لعابه ماهو بنات
ابو ماجد: والله هالزمن البنات والشباب واحد
الجد: اييييه وين زمن اول الا المره ماتطلع من البيت الا للضروره والحين مايجلسون في البيت لا ويتصرفون مثل الرجال بجداره و ماكمل كلامه لانه سمع صوت صراخ طالعو في الملعب عرفوا ان المناصرة سددو هدف وصار الفريقين متعادلين
في الملعب مرام: خلوود لا تحط راسك براسي
خالد: خلووود في عينك وبعدين انا اكبر من اني احط راسي براس بزر
مرام وهي تتجاوزه: نشوف
واستمر اللعب دون اهداف ولكن الحكم حط كرت احمر لخالد لانه حاول يطيح مرام
الجده اقصد الحكم: ترى ان عدتها بطلعك
خالد: لا والله ظلم
الحكم: لا ماهو ظلم وبعدين انا الحكم ويالله ارجعو وصفرت
في المجلس زياد: ياربي ودي اشوف البنات وهم يلعبون
ماجد: ايه والله
مشعل: اشلون وهم الحين صارو يتغطون عنا
زياد: القهر ان خلوود معهم
ماجد: لا ومهند ومحمد بعد
مشعل: الحبايب حاقدين من قلب وحب يونسهم اش رايكم نطلع نلعب بلياردو
زياد بحماس يبي يطلع من الطفش: والله جبتها
ماجد: اجل قومو خلونا نزيح سحابة الهم والطفش ومشو لغرفة البلياردو وبدو اللعب
نعود للملعب والدقيقتين الاخيرتين للمباراه
مرام ومازن بالنص مع الكره
مازن: مرام يالله وبداو اللعب خالد حاول واخذ الكره من مازن لاكن مرام كانت له بالمرصاد واخذتها منه ومشت بها للمرمى وسددت بس جت بالعارض لكن محمد ماخلاها وبمحاوله رماها وجت هدف واعلنت نهاية المباراة لصالح فريق القناصة
ام ماجد: عاشو بنتي عاشو
الجد بعد وصول اللعبين: والله منتي بهينه يامرامي
مرام: اعجبك
خالد: في الوقت الضايعع سددتو لاتفرحون كثير
محمد: الوقت الضايع ولا بدل الضايع المهم ربحنا المبااااااراه
مهند: مالت على ذا الوجه الي يسمعك يقول مباراة كأس العالم
ابو زياد: اعترفو بخسارتكم وخلو عنكم الحكي الفاضي
الجده: الحين اثبتو لي ان لافرق بين رجل وامرأه
الجد: والله الفرق موجود بس بنات هالايام الله يهداهم صارو يلعبون كوره لا ويهزمون رجاال
خالد: تتمصخر يبه
الجد: ايه والله ولا انت الرجال وتخلي بنات يغلبونك
خالد: القدر اش نسوي وكمل يتمسكن لو انك مشجعني ماكان خسرت هنت عليك وانا ولدك الصغير اخر العنقود
مرام: اقول لاتتمسكن يالله يافريقي نحتفل بالفووووز
فريق القناصة: ياللله
مرام وقفت وهي تمشي والتفتت لهم: الكل معزوم وتقديرا للجهود التي بذلها فريق المناصرة فافراد الفريق بعد معزومين
الكل ضحك عليها ومشو الحريم باتجاه الباب الرئيسي والرجال من باب المجلس البراني
اول ماوصلو الرجال الجد: وين المصافيق
خالد: اي مصافيق
مهند: اكيد يقصد اخواني وولد العم
الجد: ايه طلعنا وهم هنا
ابو ماجد: تلاقيهم طفشو وطلعو يتسلون
ابو زياد: وين بيروحون
خالد: وين بيروحون يافي ملعب السلة او غرفة البلياردو
مهند: ملعب السلة استبعده لانه لازم يكون عدد اللاعبين اكثر من ثلاثه
خالد وهو يوقف: اجل في غرفة البلياردو ومشى شوي ووقف لانه شافهم داخلين من الباب
زياد وماجد ومشعل: السلام عليكم
الجماعه: وعليكم السلام
ابو فهد(الجد): وينكم فيه
زياد: ابد طال عمرك قريب
الجد: وين يعني
ماجد: نلعب بلياردو
خالد: شفتو مو قلت لكم
مشعل: من رابح ومن خاسر
محمد: رابح
مهند: عكسه
ماجد: يعني انتم مو فريق واحد
محمد: للاسف فرقونا
خالد: يقلد للاسف فرقونا
زياد من شاف خالد يقلد محمد عرف انه خسران فحب يحرجه: هاه ياصديقي مع شلة من
الجد: وهو وجهه وجه شي غير الخساره
زياد يبي يقهر خالد: وانت صادق بس انا سالت قلت يمكن هالمره غير
خالد وهو يرمي المخده على زياد: هالمره غير هاه
ابو ماجد: ماجد يبه روح خلهم يجيبون القهوه
ماجد وهو يوقف: انشاء الله يبه وراح دخل من الباب البراني للمطبخ لانه يعرف انه محد في المطبخ غير الشغالات وماعرف ان عليا راحت تجيب لجدتها مويه مع الدواء
ماجد فتح الباب: سيتي سوي قهو وسكت اول ماشاف وحده داخله المطبخ وهي منزله راسها وماانتبهت له
عليا من غير ماتطالع قدامها فتحت الثلاجه طلعت المويه وتكلمت وهي تسكب بالكوب: سيتي وين الدواء حق جدتي
سيتي: موجود عندك في الثلاجه انتي مايشوف
عليا بصوت خفيف: لعن ابو دارك من خدامه ورفعت صوتها تكلم الشغاله ادري انه في الثلاجه بس اي واحد فيهم وقته الحين
سيتي وهي توها انتبهت ان ماجد باقي وافق اشر لها تسكت: طيب انتي كان يقول من اول
عليا: اسفة عمتي حقك عليه
ماجد كان كاتم ضحكته من اول بس الحين ماقدر وضحك ضحكة هزت المصبخ
عليا وهي مفجوعه التفتت: بسم الل وماكملت اول ماشافت ولد عمها وركضت لبرى المطبخ
ماجد هدى شوي: سيتي روحي اعطيها الدواء والمويه
سيتي: مايبغى قهوه
ماجد: الا يبغى بس انتي ودي هذا وبعدين تعالي سوي قهوه
سيتي اخذت الصينيه الا حضرتها عليا اول ماطلعت شافت عليا واقفه عند باب المطبخ ومرتكيه ع الجدار ويدها على صدرها شافت سيتي جايه تجاهها
عليا: من هذا
سيتي: هذا بابا ماجد انتي مافي يعرف
عليا في نفسها الا بس اتأكد معقوله هذا ماجد ولد عمي : يالله يجنن
سيتي مافهمت عليها: انتي وش قاعد يقول
عليا وهي تاخذ الصينيه منها: ياشين اللقافة سيتي مشت وهي تتحلطم
عليا اخذت نفس طويل وبعدين دخلت
الجده: كان نمتي
مرام بإستغراب من شكل علياا :وش فيه وجهك احمر
ام زياد: عليا يمه صار لك شي طحتي تعورتي
عليا :لا مافيني شي بس ماانتبهت لباب المطبخ انه مقفل صدمت فيه
عبير: لايكون صرتي عميا
ام زياد بخوف: طيب تعورتي نوديك المستشفى
عليا وقامت تدور: والله مافيني شي
مرام وهي تتفحص وجه عليا لانه مافي اثر اي صدمه بس وجهها كانه طماطة يمكن من الفجعه: عيني في عينك
عليا ناظرت مرام واول ماجت عينها بعين مرام نزلتها
مرام: تعالي اجلسي عندي جلست عليا عند مرام
مرام بصوت اقرب للهمس: اعترفي بسرعه ايش الي صار
عليا بتردد: ماصار شي
مرام: عليا
عليا عارفه ان مرام لزقة فحبت تخبرها وتخلص منها: اااه ياقلبي والله لو شفتي الا شفته
مرام: قولي لا تتكلمين بالالغاز
عليا تكلمت وحكت كل الي صار
مرام:ههههههههههه هههههههاي والله فاتني وتذكرت بس ماقلتي لي من هذا الي شفتيه
عليا بحيرة: ماادري بس اكيد من اخوانك
مرام: وش لابس
عليا: اظن بنطلون جنز بني وتيشيرت برتغالي
مرام: تظنين هاه
عليا: ايه ماني متاكده
مرام: اقول العبي على غيري وبعدين من متى تحبون بعض وانا مادري
عليا: اي نحب بعض انتي وجهك
مرام: ايه العبي علي ومجووود حسابه عندي
عليا لا شعوريا: مجووود في عينك اصغر عيالك هو
مرام: وتقول تقلد عليا اي نحب بعض انتي ووجهك
عليا وتوها تنتبه على الي قالته: ولساتني عند كلمتي
مرام وملت : طيب خلاص ماتحبينه بس فكينا وانتبهو لعبير الي تكلمهم
عبير: بنات وش رايكم بعد العشاء نسبح
الجده: لا لا الجو باليل برد
مرام: حلاة السباحة والمويا بارد
ام ماجد: مرام انتي توك طالعة من زكام واكيد بتنتكسين
مرام: اي توني صار لي اسبوع
ام ماجد: الدكتور قال انتبهي على عمرك لمدة اسبوعين
الجده: اجل يحلمون بالسباحه ويدورون احد يفتح لهم المويه
مرام: يمه الله يخليك لاتسوين كذا ماماتي قولي لها
ام ماجد: الله يطول لي بعمرك ياخاله لاتفتحين لهم ابدا
عبير: حرام عليكم ماعندنا الا هاليومين نستانس فيهم
مرام: ايه والله
ام زياد: خلاص القرار النهائي سمعتوه
الجده: ايه وانا بصلي العشاء وانام
عليا: الله يخليك ياجده خلينا نستانس
ام زياد بعصبيه: قلنا لا يعني لا
عبير: يمه تكفين وضلو يحاولون لين يئسوا بعدها اذن المغرب وقام الكل يصلي
الساعة الحين تشاور ع 11 والكبار نامو ماظل الا الشباب
توقعاتكم
ايش اللي راح يصير مع ابطالنا
ردوركم سعاده تدعمني للنهايه.....