آلَفُصّلَ آلَثًآلَثً
روُآيـــــــّهِ جَنـــــــٌهِ آلَصـــقــــــر
*══════ •『 ♡ 』• ══════*
الحلقة 7
نزلت هنا إلي الصالة
هنا : تحبوا أساعد في المطبخ
جنة : شكرا
هنا : مش باخد رأيك وذهبت إلي المطبخ
وبعد فترة جاء صقر واجتمعوا علي الغداء وتناول كل منهم الغداء
ظنت هنا انها قد لعبت خططها بذكاء بعد مدة سوف يغفون إلي نوم عميق
وبالفعل بعد فترة ذهب صقر إلي نوم عميق فإطمئنت هنا لكي تأخذ أوراق لتسلمها لتلك الشخص الذي يريد أن يسرق تعب ومجهود تلك المتكبر صقر
في منتصف الليل
هنا نزلت تحت في مكتب صقر عشان تاخد الورق المطلوب وأخذت الورق بالفعل وكانت تستدير لتخرج إذا وجدت أمامها عيون حمرا تشع غضبا وبجانبه وفاء وجنة أيضا
صقر بيحاول تمالك اعصابة: ليه ي هنا
هنا بخوف: انا معملتش حاجة
صقر بصوت عالي : انتي اللي ضيعتي الصفقة اللي فاتت وعاوزة تضيعي دي مني
هنا بتمثل البكاء : انا لاء طبعا دا كله كدا انا هنا كنت بس بدور علي حاجة
جنة : بدوري علي حاجة في مكتب صقر وفي نص الليل
هنا : انتي مالك اصلا متنسيش انك هنا حتة خدامة
إذا وجدت قلما ينزل علي وجهها من صقر حتي وقعت من شدته
صقر : الخدامة دي أشرف منك ومحترمه عنك علي الاقل مش بتبيع جسمها ورا الفلوس
هنا بغضب : كل دا كدب انتي ي جنة اللي لعبتي في دماغه
جنة : لاء انا طيبة وكل حاجة بس عارفه ان ورا دخولك المطبخ في حاجة
ثم أكملت حديثها..عرفت انك هتعملي حاجة عشان سمعتك وانتي بتقولي حاضر النهاردة اخر ميعاد وهيكون الورق عندك
عرفت ساعتها انك هتحطي حاجة في الغدا او العصير عشان كدا طلبت من الخدم يغيروا الاكل ويعملوا زي الأكل اللي كان معمول وكذلك العصير .
بس الحلوة مكملتش لعبتها الوسخة
هنا : صقر دا كله كدب
جنة : صقر شاف بعيونه انك بتاخدي الورق من مكتبه يعني مش بقول كلام محصلش ولحسن حظك إن صقر كان جاي تعبان فذهب للنوم عشان كدا ارتحتي وفكرتي لعبتك نجحت
هنا وهي تمثل الدموع بعيونها: صقر حبيبي انا مستحيل اخليك تخسر حاجة
صقر : انتي واحدة رخيصه مش عاوز اشوف وشك تاني وصدقيني المرة دي معملتش حاجة بس لو عرفت انك وقفتي ليا او لمراتي في طريق ساعتها متلوميش غير نفسك
وسحب صقر هنا من ذراعيها وألقاها خارجاً وأغلق الباب وذهب الي فوق وترك جنة ووفاء تحت
وفاء بفخر : انتي بنت أصول كان زمان صقر اتسلم تسليم أهالي وخسر الصفقة دي زي اللي فاتت
جنة : انا كنت حاسة ان وراها حاجة عشان كدا كان لازم أخد بالي منها
وفاء : اطلعي لجوزك
جنة : بس انا
وفاء: مفيش بس هو محتاج حد يواسيه حالن اكيد افتكر حبه القديم بسبب هنا
جنة بتنهيده: حاضر ي ماما
ذهبت هنا إلي فوق ودخلت غرفة صقر وجدته جالس علي سريره
جنة : صقر
صقر : سبيني
جنة : هو كل مرة تقول سبيني
صقر : انتوا كلكوا نسخة واحدة الاولي سبنتي وهنا باعتني وانتي ابوكي رماكي ليا بشويه فلوس وباعك
جنة بدموع من كلامه ليها : وانا ذنبي اي عشان تقول ليا كلامك دا انت بتفضل تجرح ليا بكلامك
صقر : .....
جنة نزلت لمستواه ورفعت رأسه ليها
جنة : ممكن تساعدني عشان اخليك احسن
ي صقر انت ماشي في طريق غلط انك مبتصليش انك بتنام مع ستات انك بعيد عن ربنا عاوز تبقي كويس وناجح ازاي وانت مفيش صلة بينك وبين ربنا ...انت طيب وكويس بدليل انك موجوع حالن
صقر : انا تعبان اوي ي جنة مفيش حد حاسس بيا ..كله طمعان في فلوسي مفكرني اني مولود والفلوس تحت رجلي محدش عارف اني تعبت وخسرت ناس قريبه مني( حبيبته القديمة ) بسبب اني اوصل للمكانه دي
جنة : ممكن يكون ربنا عمل ليك الخير ويمكن يعني
صقر: يمكن اي؟
جنة : يمكن حبيبتك دي مكنتش بتحبك بجد
صقر بوجع وتذكر مما رآه في الماضي بأن حبيبته كانت تنام مع شخص في الغرفة : يمكن ...تصبحي علي خير
جنة : انت كويس ؟
صقر : ايوا
جنة : طيب وانت من اهل الخير
وذهبت لتبدل ملابسها وتنام بجواره ونامت إلا أن صقر سحبها لتنام بين احضانه
في الفجر استيقظت بطلتنا وتوضأت للصلاة وتذكر بأن تفيق صقر ليصلي معاها
جنة : صقر صقر
صقر : في اي
جنة بابتسامه: صلاة الفجر ي صقر
صقر : حاضر روحي وانا شويه وهصلي
جنة وهي بتشده: لاء متكسلش
وبالفعل قام وتوضأ وصلوا معا صلاة الفجر وكانت جنة في قمه فرحها بسبب صلاة صقر وانه بدأ يومه بصلاته
بعد صلاة الفجر ذهبت جنة لتلاوة كتاب الله وذهب ورائها صقر
صقر : تعرفي اني بقالي كتير ممسكتش كتاب ربنا
جنة : ولا يهمك ربك غفور رحيم
وبدأوا في قراءة القرءان ثم انتهوا
جنة : صقر هو انا كنت عاوزة حاجة
صقر : أي هي الحاجة دي
جنة : لاء خلاص يلا كمل نوم
صقر : ماشي يلا
وذهب لينام وذهبت بجانبه وبعد قليل
صقر: مش هتقولي اي هي الحاجة
جنة : اهلي وحشوني اوي عاوزة اشوفهم بما إن الجمعة مفيش ورايا دروس واختي وحشتني
صقر بضحك : بس كدا تأمري
جنة وهي بتقوم : احلف يعني انت موافق
صقر : اه والله هوصلك بكرة ان شاء الله
جنة : ربنا يخليكي شكرا ثم أكملوا نومهم
صقر في نفسه بحسك غيرهم ي جنة بحسك بريئة مش عارفه الدنيا فيها أي ..طيبتك دي بتشدني بس مش هستسلم مش عاوز اتكسر تاني وذهب في نومه هو الاخر
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 8
.
.
في صباح الجمعة
استيقظت جنة وقامت لتستحم وترتدي ملابسها وهي عبارة عن دريس اسود وحجاب ملون بألوان جميلة وشوز اسود ونزلت اللي اسفل
وفاء : بسم الله ماشاء الله القمر دا رايح فين كدا
جنة بفرح : هشوف بابا وماما واختي
وفاء: هو انتي عرفتي صقر
جنة : ايوا ووافق كمان وهيوصلني
وفاء بخبث : بما إن النهاردة الجمعة يجي معاكي تتغدوا عند اهلك وتقعدوا شويه وتلفوا بالعربية مع بعض
جنة : لاء لاء مين اللي هيعمل كدا انا مش عاوزة اخرج معاه
صقر من وراها بيضحك: انا االي هخرج معاكي عاوز اشوف حمايا وحماتي
جنة بفتحة بوقها: مين حماك وحماتك
صقر ووفاء واقفين يضحكوا
وفاء : يلا ي صقر عشان تلحق تلبس
صقر : حاضر وبعد ١٠ دقايق نزل صقر وودع أمه وذهب هو وجنة لكي يقضوا يومهم
صقر : اركبي
جنة : اول مرة متقوليش اتنيلي
صقر : يلا وبلاش كلام كتير
جنة : ايوا بان علي حقيقتك كدا
صقر بيخبي ضحكته: قولت يلا
جنة : حاضر اهو
وكان الصمت صاحب المكان
وصلوا الي بيت أبيها ودقت جرس الباب
اخت جنة : حاضر جاية اهو
وفتحت الباب ووجدت اختها جريت لكي تأخدها في احضانها
جنة : وحشتيني اوي ي مريم
مريم : وانتي كمان اوي
مريم : إزيك ي صقر باشا
صقر : انا جوز اختك مفيش باشا دي قوليلي ي صقر بس
مريم : حاضر
محمد والد جنة : مين اللي علي الباب ي مريم
مريم : دي جنة وجوزها
محمد : اهلا اهلا اوعي كدا خليهم يدخلوا
محمد بخوف وفرح في نفس الوقت: اتفضل ي صقر باشا ادخلوا
صقر : يلا ندخل ي جنة
جنة : وحشتوني اوي اوي اخباركوا اي
محمد ومريم بفرح لرؤية جنة : انتي اكتر
محمد : اخبارك ي صقر باشا
صقر : الحمد الله
جنة : أمال فين ماما
محمد : دا في السوق بتجيب خضار مريم:وقال اي هتعمل رز وطبيخ كوسة
جنة بضحك لأنها عارفة انها مش بتحب الطبيخ
جنة ؛ معلش ي مريم
مريم : المهم انك معانا
ودخلت أم جنة
ام جنة : بنتي
جنة وهي تجري عليها : ماما وقبلت يديها اخبارك اي
ام جنة ؛ انا بخير طول ما انتوا بخير ي حبيبتي
ام جنة : اهلا ي صقر باشا
صقر ؛ اهلا بحضرتك
محمد روحي ي جنة انتي ومريم ساعدوا ماما عشان الغدا
وذهبوا لتحضير الغداء
محمد : منور بيتنا الصغير ي باشا
صقر : دا منور بجنة
محمد : اسف لو مكنتش عارف ارد ليك الفلوس
صقر : وانا اخدت مكانها جنة الموضوع خلصان ...ثم اكمل هو الحمام فين
محمد : اتفضل اخر الطرقة يمين
ذهب محمد إذا سمع ام جنة وجنة يتحدثون
ام جنة : عاملة اي مع جوزك ي جنة
جنة : الحمد لله ي ماما
ام جنة ؛ انا عارفه انك مش مبسوطة عشان اتجوزتي من شخص اجباري
جنة بابتسامه: بالعكس دا طيب
ام جنة : معلش سامحينا إن ابوكي جوزك ليه بس مكنش في حل تاني وهو مفكر أن احنا بعناكي
جنة بتبين ليها انها مبسوطة عكس االي جواها : بالعكس ي ماما صقر طيب ولحد حالن مزعلنيش وعمره ما قالي ان ابوكي باعك بالفلوس او الكلام دا صقر بيخاف علي مشاعري هو كويس اوي
دا حتي ماما وفاء كويسة اوي وبتعاملني زي بنتها لدرجة انها جابت ليا مدرسين في البيت عشان اذاكر وابقي اشطر دكتورة في الدنيا
ام جنة : ربنا يريح بالك ي بنتي كويس انك طمنتيني
كان صقر واقف يستمع لما قالته جنة لأمها وحزن بسبب ما كان يفعله بها وقرر عدم جرحها مرة ثانيه
بقلمي مروة موسي ❤
وبعد فترة انتهوا من عمل الغداء ووضعوا علي السفرة
جنة : يلا ي مريم الغدا يلا ي بابا انت وصقر
جلسون جميعا علي تلك السفرة الصغيرة وبدأوا في تناول الغداء
جنة : اي رايكوا في الأكل
محمد ومريم وامها : والله وحشني صداعك علي الاكل كل شويه الاكل حلو الاكل عاوز حاجة طيب اجيب حاجة وظلوا يضحكون
ام جنة : انت مش بتاكل ليه ي صقر
التفتت إليه
جنة : صقر متخفش الاكل مفيش عليه فلفل اسمر انا عاملة حسابي
ابتسم لتلك الجميلة وتذكر ما فعله عندما وضعت اول مرة فلفل علي الأكل وقطع تفكيره
جنة : افتح بقك ي صقر كانت جنة تطعمه بإيديها وكان مسرور جدا
وانتهوا من الطعام وجلسوا فترة مع بعضهم وقرروا الذهاب من بيت اهل جنة
جنة : باي
ام جنة : هتيجي تاني؟؟
نظرت جنة إلي صقر فلم تستطيع أن تقول كلمة بعدم موافقته
صقر كان ينظر إليها وقال : طبعا طبعا دا في اي وقت تحتاج انها تيجي هتيجي علي طول
وذهبوا وركبوا داخل السيارة
جنة : شكرا
صقر : علي اي
جنة : انك وافقت ان اقعد يوم مع اهلي وانه يتكرر تاني
صقر : دا حقك ...انا هروح اشتري بدلتين ليا تحبي تيجي معايا ؟ .
جنة ؛ دا اكييييد
انطلق صقر وجنة الي محل ملابس ضخم ونزل صقر وجنة أيضا ودخلوا داخل المحل
صقر : عاوز بدلتين
صاحب المحل : عنيا ي صقر باشا
وذهب وترك جنة وصقر
جنة : اي دا من غير لما يشوف المقاس او اللون
صقر : هما عارفين المقاس وعارفين ان انا بلبس الأسود
جنة ؛ منا ملاحظة انك بتلبس الأسود بس لدرجة اني فكرت انك معندكش غير بدلة سودة بس وهي بتضحك
صقر : والله طيب اضحكي
جنة ؛ مش قصدي بس ممكن اجيب دي ( كانت بتشاور علي بدله لونها رصاصي )
صقر : لمين
جنة : ليك انت
صقر : لاء
جنة : عشان خاطري
صقر : هجيبها بس مش هلبسها
جنة : هاتها بس
صقر : لصاحب المحل هات دي كمان
وشوف الحساب كام
صاحب المحل : كدا الحساب ٣٠٠٠
جنة : نعم ليه أن شاء الله
صاحب المحل ؛ دا ماركة ي فندم
جنة : هو كله في الأول والآخر لبس كله بيتحط علي الجسم
صقر بضحك : علي فكرة دول ٣٠٠٠ دولار مش ٣٠٠٠ جنيه
جنة وهي مصدومه : أي
صقر لصاحب المحل : اتفضل وهات الحاجة احسن نتفضح واخذ صقر جنة والشنط التي بها الملابس وذهبوا إلي السيارة
جنة : انت اشتريتهم غالين اوي ي صقر
صقر : معلش
جنة : انت بتاخدني علي اد عقلي
صقر بضحكة عاليه اول مرة تشوفها جنة وسرحت في ضحكته
صقر بغمزة: عارف اني حلو وضحكتي حلوة كمان
جنة اتكسفت جدا : أحم طب يلا نمشي واتجهوا الي القصر وهم سعداء ولكن عند وصولهم الي القصر وجدوا
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 9
.
.
عند وصولهم الي القصر وجدوا هنا والبوليس داخل القصر يقفون
صقر : أي اللي جابك هنا
هنا للبوليس: شوفت ي حضرة الضابط هو مش عاوز يعترف بإبني وعاوز يحرم ابنه من وجوده
صقر وجنة ووفاء : بصدمه ابنه
صقر : ابني دا امتي وإزاي
هنا : اتفضل ي حضرة الضابط بقي هو بيظلم ابني وبيظلمني معاه
اه ي ابني ي حبيبي وهي تضع يديها علي بطنها ابوك مش عاوزك ولا عاوز يعترف بيك
صقر وهو في قمة غضبه : كدابة واي اللي يثبت انه ابني اتفضلي
هنا بخبث : جوازك مني علي سنة الله ورسوله
صقر بصدمة : بس انا متجوزتكيش
هنا : اتفضل ي حضرة الضابط دي ورقة جوازنا
الضابط لصقر : دي امضتك؟
صقر : ايوا بس انا متجوزتهاش ولا مضيت علي حاجة
الضابط : تخليها هنا وتحسن ليها وإلا هتتحبس
صقر : تمام
وانصرف البوليس
هنا بضحكت : اهلا اهلا
صقر ببرود : هنشوف الحكاية دي وانتي اللي بدأتي وتركها وذهب هو وجنة إلي الغرفة وذهبت وفاء إلي حجرتها أيضا
صقر : ازاي دا حصل
جنة ؛ .....
صقر بعصبية : مبتروديش ليه
جنة : انا في ايدي اي دا ابنك
صقر : بس انا
جنة : انت كنت بتنام معاها ودا ابنك
صقر : بس هي بتاخد حبوب وكمان انا ممضيتش علي اي ورقه
جنة : تصبح على خير
صقر وهو ينظر لها واحس بإهانة لها ومع ذلك لا تتخلي عنه فلو مكانها امرأة لم تتحمل ما يحدث
في الصباح
هنا : بقولك ي صقر
صقر :.....
هنا : مترودش بس محتاجة فلوس عشان اروح اعمل شعري
صقر بغضب : مفيش
هنا بضحك : طيب
صقر في نفسه انتي اللي بدأتي ومستحيل اخليكي تنولي اللي في بالك
صقر : جنة لو سمحت
جنة : اتفضل
صقر : عاوزك فوق
هنا كانت في قمة غضبها فظنت انه يريد النوم معاها
جنة : نعم بقينا فوق اهو
صقر : لا مفيش بس كنت عاوز اقوم واخدك فوق عشان يتحرق دمها
جنة : خايف تأذيها؟؟
صقر : هنا واحدة رخيصه ومش سهله وانا حياتي مش هتقف عليها حتي لو اللي في بطنها ابني
جنة بوجع : يعني انت معترف ان دا ابنك
صقر : معرفش بس اكيد رجوعها دا وراه مصيبة
جنة : ربنا يستر
وبعد فترة ذهب صقر إلي العمل ونزلت جنة إلي وفاء
جنة : ماما
وفاء : تعالي
جنة: بقولك اي ي ماما انا عاوزة ................
وفاء : حاضر ي بنتي ربنا يستر
جنة : انا لازم احسسها اني انا وصقر زي اي زوجين
وفاء : عندك حق متخليهاش تتملكه منك
جنة بابتسامه: وانا عند وعدي وخليكي تشوفي صقر هيتغير ازاي
وفاء : ماشي ي بنتي قومي يلا ومفيش حد هنا غريب ومحدش بيدخل القصر غير بالاذن اقلعي حجابك دا والبسي دايما نص كوم وكت
جنة : حاضر هخلص الدرس واصلي وبعدين هفك الطرحة واقعد بيجامة لازم اخليها بتولع من جواها هنا دي واحدة نادلة
وبعد فترة انهت دروسها وذهبت لتبدل ملابسها وترك لشعرها العنان ولبست بيجامة بنص كوم
وبعد قليل جاء صقر الي القصر وجد هنا في الطابق السفلي وكان علي وشك الدخول إذا وجد تلك الحوريه أمامه
جنة : وحشتني
صقر بصدمة : أي
جنة بتغمز لصقر: تعالي اقولك حاجة
صقر في ذهول من كلامها ومن جمالها أيضا
هنا : صقر حبيبي انت جيت وكانت تقوم لتحضنه ولكن أوقفتها جنة
جنة : سوري محدش يلمس جوزي غيره
هنا بغضب : مهو دا جوزي
جنة : اي اللي يثبت
وسحبت صقر وصعدت اللي الغرفة بمجرد دخولها احست بخوف شديد بسبب قرب صقر لها
جنة : ابعد كدا مالك
صقر : انتي كنتي عاوزة تقولي علي حاجة
جنة : لا لا مين قال كدا
صقر وهو فاهم ما يحدث وفهم ان جنة تريد أن تستفز هنا
صقر : بس انتي حلوة اوي
جنة بدموع بسبب خوفها منه وهو قريب منها : عاوزة اذاكر
صقر : طيب اتفضلي ذاكري بس بلاش دموعك دي
جنة وهي تمسك دموعها : حاضر
صقر : شاطرة وياريت تفضلي تلبسي بيجامات وتخالي شعرك كدا دايما
جنة بعدم فهم : ليه
صقر بغمزة: عشان هنا يتحرق دمها
جنة بضحك: طيب
وذهبت لتذاكر وقضت وقت طويل جدا داخل غرفة المذاكرة وخرجت وجدت صقر نايم
نامت بجانبه واستيقظت بعد فترة علي صوت احد ينادي عليها
وفاء التي كانت تنادي عليها ؛ جنة جنة قومي
جنة : حاضر ي ماما
وفاء: االي طلبتيه مني تحت و........
جنة : طيب هلبس وجايه اهو
وفاء : ماشي بس خالي بالك لصقر يلاحظ او يصحي
جنة : متقلقيش
بقلمي مروة موسي ❤
نزلت جنة تحت وجدت وفاء وشخص
جنة : حضرتك جبت اللي قولتلك عليه
الشخص : ايوا
جنة : طيب ركب الكاميرات دي في كل مكان بحيث ان محدش ياخد باله منها
الشخص : حاضر
جنة : شكرا ي ماما انا طلبت الكاميرات دي بحيث نكون عارفين اي اللي بيحصل ونشوف لو هنا دي بتعمل حاجة كدا أو كدا
وفاء : ايوا وانا هساعدك في كدا
جنة : طيب يلا نطلع لحد يلاحظ
وفاء : طيب اطلعي جمب صقر وانا شويه لحد ما الراجل يخلص وهنام
جنة : طيب متنسيش انه يركب في كل غرفه من غرف البيت حتي غرفة هنا بس ما عدا غرفتي انا وصقر
وفاء : طيب انا عاملة حسابي بكدا
جنة : تصبحي على خير
وطلعت جنة لتكمل نومها بجانب صقر
وفي الصباح
استيقظ صقر قبل جنة واخذ يتأمل في ملامحها الجميلة وبشرتها البيضاء وقام وصلي والبس زيه المعتاد الداكن وكاد ان يترك الغرفة ولكن ....
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 10
.
.
استيقظ صقر قبل جنة وأخذ يتأمل في ملامحها الجميلة وبشرتها البيضاء وقام وصلي ولبس زيه المعتاد الداكن وكاد ان يترك الغرفة ولكن اوقفه صوت جنة
جنة بصوت عالي : صقررررر
صقر بفزع: أي
جنة : انت هتنزل الشغل كدا
صقر باستغراب: مش فاهم يعني اي
جنة : غير هدومك دي والبس البدلة الرصاصي
صقر: لاء مفيش الكلام دا
جنة : يلا ي صقر دا رصاصي
صقر : مبحبش اتكلم كتير ومش هلبس البدلة
وبعد فترة نزل صقر وهو يلبس بدلته الرصاصي وذهب إلي عمله
عندما دخل الي الشركة لاحظت الكل ينظر له فالجميع لم يتعود علي تغير زيه الأسود وخل إلي مكتبه
يوسف وهو يترك الباب : ايوا بقي ي جامد مين اللي اختار ليك البدلة الجامدة دي
صقر : جنة
يوسف : اسمها حلو اوي
صقر : يووووسف جنة مراتي ركز
يوسف بضحك : براحة ماشي ي عم دي حتي مرات اخويا
صقر : هنا رجعت تاني القصر
يوسف باستغراب: وانت ليه سايبها ترجع مع انك عارف ان مفيش حاجة في بطنها
صقر : انا ساكت ومحسسها بالأمان وكان استسلمت للوضع
يوسف باعجاب: طب وبعدين ناوي علي اي
صقر : هي اللي بدأت الحرب وتستاهل اللي هيحصل ليها
يوسف : طيب بس عاوز اعرفك ان مراد بقاله فترة كبيرة في مصر
صقر : تمام
يوسف : وبعدين
صقر: لما يجي وقتها بقي هنشوف مين الخسران
( مراد هو ذالك الشخص الذي كان يتحدث مع هنا لأجل الاوراق فهو اكبر عدو لصقر يريد أن يحطم ما يمتلكه صقر
فهو اتفق مع هنا جلب الاوراق مقابل كتم سر هنا )
فما هو سر هنا؟؟
بقلمي مروة موسي ❤
في القصر
هنا نزلت علي الفطار وجدت وفاء وجنة يضحكون مع بعضهم
هنا : أه ي بطني فينك ي صقر تيجي تشوف ابنك وعمايله
جنة : وماله اصل معدتش غير الرخاص اللي يبقي ليهم كلمه
بمجرد ما قالتله جنة جن جنونها وقالت والله مش هسيبك تتهني بيه ي جنة ولقتلك وتركتها وصعدت إلي غرفتها
جنة : ربنا يستر بقي
وفاء : يارب ي بنتي وينور طريقك انتي وهو
في الشركة
روان : ايوا ي يوسف بيه
يوسف : هاتي قهوة وهاتي الورق للصفقة الجديد لصقر باشا في المكتب
روان: تحت امرك
يوسف: بسرعه يلا سلام
ذهبت ليوسف وصقر لتدخل بالورق والقهوة
صقر : حطيهم واطلعي
روان : حاضر وذهبت للخارج
يوسف : أي ياعم مالك من ساعة لما لبست رصاصي ومحدش قدك
صقر بزهق: اسكت بقي ي يوسف
يوسف بمزج : الله يسهله يعم
صقر : يووووسف اخرس
يوسف بضحك : اهو يلا
صقر : مراد زارع هنا وسطنا من بقالها فترة
يوسف بصدمة : بجد وانت عرفت از
> *مارو بيحبك فشخ 🤧❤️*