10 والاخير
5
يمه شوفي شووووووفي ..
ام حمد : خير وش فيه ...؟
: جاء كرت لحمد وعائلته .. تخييييييلي طلال بيتزوج ..
ام حمد : طلال ! . .التاجر .. ؟
روان : ايييه من غيره ..
ام حمد : وه وه وش كبرة بيتزوج .. اكيد اللي ماخذته طمعانه بفلوسه ..
روان : اكييييييد ,,,
: اشوف ..
روان : حمد خلينا نروح ..
حمد ما يرد عليها وقاعد يقراء الدعوة ..
( وسن & طلال )
قلبه نغزة ولزم يروح ..
=============================
بعد مات تخبط بالشوارع وصل لبيت خال شهد ..
جلس على الدرجات اللي قدام البيت طالع فيه .. قال : اخر شئ الاقيهم هنا .. ان مالقيتهم ما بلاقيهم ولا بمكان ..
اعمت عيونه انوار السيارة اللي جايه ..
: نزل محمد خال شهد .. قال : هي وش عندك جالس هنا ...
ابو شهد يطالع مصدوم .. . محمد : انت زوج اختي .. انت ابو شهد ..
ابو شهد هز راسه وقال : ايـ ايـه ..
محمد : تفضل يا بو شهد .. بناتك عندي بالحفظ والصون ..
طاح ابو شهد عند رجل محمد
محمد : يا رجال قوم ... ما سوينا الا الواجب ..
قام ابو شهد ودخل البيت ..
=================
: يمممممممه حبيبتي وحشتييييني ..
: هلا والله بفتون نور البيت كله ...
فتون : وين اثير ,,؟؟؟؟
: بغرفتها ما عاد نشوفها كثير ..
فتون : ابوي .. مراد .. ماجد .. ؟؟
ام ماجد : مو موجودين .. وابوك نايم ..
فتون : طيب بطلع لأثير فوق ...
راحت لغرفة اثير ودخلت بدون احم ولا دستور ..
لقت اثير تكلم بالجوال .. فتون كشرت يوم عرفت انها تكلم راشد ..
سحبت السماعه بسرعه من اثير ..
فتون : راشـــــــــد ..
راشد : ..................
فتون والهل ولت حب اختي اثير وتبيها تعال من الابواب .. مو كل يوم طالع لي بسالفه ... وانت واحد ..
سحبت اثير من فتون الجوال واعطتها كف ..
جات ام ماجد بسرعه ودخلت : وش فيكم يا بنات ..
فتون : قولي يا اثير وش فيني ... يمه تراا اثير تكلم واحد .. وهو واعدها بالزواج ..
اثير طالعت في امها بخوف ..
ام ماجد : حسبي الله عليك ونعم الوكيل. . لو يدري ابوك وش بيسوي ..؟
اثير : قلت لك يمه هو وعدني بالزواج ...
كل المحاداثه هذي وراشد يسمعها ...
اثير انتبهت انها ما اغلقت الخط سكرت الخط . . وجلست على سريرها ..
ام ماجد : وراشد منهو هذا .. من وين تعرفينه ..؟
اثير : اخو صديقتي ..
ام ماجد : ومن متى تعرفينه ... ؟
اثير : من كنت 2 متوسط ..
ام ماجد : طيب نسبه .. اصله .. شكله .. عمله .. مؤهله .. تعرفينهم ..
اثير : ايه ..
ام ماجد : هاتي الجوال والاب توب والله ما تمسينهم . .
اثير : يمه الله يخليك خلي الجوال بس ..
ام ماجد " شين وقوي عين بعد ...
اثير : يمه وعدني انه بيخطبني ..
ام ماجد : كلام فاضي ...
=============================
راشد سارح بخياله ... دخل عليه ابوه قال : بلاك مو مثل دايم .. دايم نشوفك مبسوط وفرحان وش بلاك .. ؟؟
راشد : يبه .. بغيت اكلمك بموضوع ..
ابو راشد : تفضل .. قول ...
راشد : بس لا تقاطعني خليني اخلص كلامي بعدها علق عليه ...
ابو راشد : طيب قوول ..
راشد : يبه انا تعرفت على وحده وحبيتها وحبتني ..
ما كنت انام الا وانا اسمع صوتها .... والحين ابي اخطبها ..
ابو راشد: وش !
راشد : يبه اثير بنت ........................
ابو راشد : اف .. كل ذا يطلع من بنت ..........
راشد : يبه انا احبها ابوس رجلك ابيها ..
ابو راشد : ابشر انت ولدي وحيدي .. ما ارفض لك طلب ... بس مـتأكد من سمعتها ..؟
راشد : ايه يبه ايه ..
: وهي موافقه ؟؟
راشد : اكيد موافقه ..
ابو راشد :خلاص متى تبيني اخطبها لك ..
راشد بكرة ...
ابو راشد : وش بكرة يا وليدي ..؟ ما يصير كذا ..
بكرة اكلم الرجال ونشوف ردهم بعدين نتقدم رسمي الاسبوع اللي بعده ان شاء االله . ..
راشد باس راس ابوه وقال : الله لا يخليني منك ..
=======================
بفستانها الابيض .. وبطرحتها البيضا ... انتظرت يوم فرحها من زمان .. اخيراً الحلم بيتحقق ..
دخلوا خوات العريس وسلموا عليها ....
وسن : الحضور كثير. ..
سارة اخت العريس : جداً .. فوق ما تتخيلين ..
وسن وقفت قدام المرايا تبي تتطمن على شكلها ..
سارة : يالله ..
بدأت الزفة .. مشت بخطوات ثقيله ..
طالعت بالحضور ..
روان : يمه .. بسمه ... رهف ... شوفوا هذي وسن ..
بسمه : ......!!!!!!!!!!!
قربوا من وسن وقعدوا يطالعون بتعجب ..
وسن : يالله .. الله لا يحطني بمواقف شبيهه بذي. . .
=============
: ايه .. هلا ..
: حممممممممد .. شفت عروسة طلال ؟؟
حمد : انتي خبله وكيف اشوفها ..
رهف : وسسسسسسسن عروسه طلال ...
حمد :وشوووووووووووو ,, ,وسن مين ؟
رهف :وسن وسن يعني مين برأيك ..؟
حمد سكر السماعه بوجه رهف ...
رهف : قطيعه ..
حمد فكر كيف بيشوف وسن ..
رجع اتصل برهف .. قال : رهف البسي عباتك واطلعي لي برا بسرعه ..
رهف : ليه ..؟
حمد : بدون ليه ..
لبست رهف عباتها وطلعت لحمد ..
حمد: رهف طلبتك لا ترديني .. وابي الموضوع بيني وبنيك
رهف : وشو ..
حمد : خلي وسن تطلع بشوفها ..
رهف : كيف !!؟
حمد : يعني خذيها اي مكان بعيد عن المعازيم ..
رهف : وين يعني ..
حمد : الحديقه ..
رهف : اوك ...
حمد : اعطيني اتصال. ..
رهف : طيب .. بس ايش تسوي ليه ؟؟
حمد : اللي تبين ..
رهف : طيب وعد . .
حمد : وعد ,,
============================
بسمه : صدق ما يستحي ..
وسن : بيني وبينكم الموضوع .
روان : طيب ...
رهف جات وقالت : وسن ايش رايك تطلعين تشمين هواء ..
قبل ما تروحين انتي وطلال ..
وسن : طيب ,, ( وسن كان فستانها جداً ناعم وحلوو وتسريحه ناعمه وماكياج ناعم وجزمة واطيه .. وهو اللي شجعها انها تطلع ) ..
رهف تبي تصرف بسمه وروان : يوووه نسيت امي معصبه لها ساعه تدور عليكم ..
بسمه : وي . . تونا كنا عندها. ..
رهف : ما ادري بسرعه تبيكم ...
دخلوا واختلا الجو مع وسن ..
قاعدين يتمشون .. رهف : ثواني يا وسن ..
وسن : اوك ..
: يالله .. الباب الخلفي ..
وسن : مسرعك خلصتي . .
رهف : وحده غلطانه ...
وسن : اهااا ..
: اهاا ..
التفت بفجعه لقت حمد يبتسم ابتسامه سخريه ,,
وسن : حـ حـمد ..
حمد : ايه حمد .. يعني خلاص ما فيه امل اتزوجك ..
وسن : عن اذنك .. لا يشوفني طلال مواقفتك هنا. .
حمد : اوووه تخافين على مشاعر الشايب ..؟؟
وسن : شايب احسن منك..
دق جوالها ..
: الوو .. ايه حبي وكانت تطالع حمد نظرات تبي تغيضه ..
طيب ثواني وانا عندك باي ..
حمد طالعها من فوق لتحت وسن ما اعطته اهتمام وراحت ..
رهف : لا تنسى وعدك ..
حمد : ما راح انسى ..
==========================
راحت الفندق وتفكيرها ما زال بيوم زواجها ..
دقت على بسمه تطمنها انها وصلت ..
بسمه : مبروووووووك يا وسن .. عقبالي ,,
وسن : هههههههههههه .. ان شاء الله ...
يالله تراا ظهري يألمني من العرس بروح اخمد ..
بسمه : نوم العوافي ..
==============================
راحت وسن على غرفة النوم لقت طلال ماسك قلبه ووجهة كله عرق ..
وسن : طلال وش فيك ؟؟؟
ثواني اتصل بالاسعاف ...
جات الاسعاف ونقلت طلال .. وسن اتصلت على بسمه .. وكلهم جوو لها .. بمن فيهم حسام وفتون ..
: اااه يا بسمه ما توقعت اني بفستان فرحي بوقف عند العنايه المركزة ..
بسمه : ربك كريم .. ادعي ان الله يشفيه ...
وسن : اااه .. اهئ ..
=======================
تحيــــــاتي *لأجلك*
=========================
رجعت معاهم للبيت .. حست بخنقه ... جلست قدام المدخل تبكي
بسمه : تعوذي من ابليس يا وسن وادخلي ..
وسن : مـ مـا اقدر .. ااااه ..اهئ ,,
طلعت وسن لغرفتها السابقه .. لقت الاثاث مغطى .. شالت الاغطيه وجلست تتأمل شكلها قدام المراية .. قالت : يالله كيف ربي يقلب الأحوال .. يا الله لا تجعل الدنيا اكبر همي يا الله عوضني بالجنه .. جلست على السرير
طلعت الدبله مكتوب داخلها تاريخ زواجهم ..ضمتها وقعدت تبكي ..
طلعت فستانها ومسحت ماكياجها وحطت راسها على المخده .. كان الوقت 4 فجر ,, ما جاها نوم .. فكرة من هنا وفكره من هنا .. حست بصداع فضيييييع .. نزلت تحت .. كانت اللايتات مطفيه كلها ...
جلست بالصاله الدائرية .. لقت شئ ينور محطوط على الكنب .. راحت تشوف الشئ لقته " جوال "
من الملل اللي فيها فتحت الجوال وقعدت تقلب فيه .. دخلت على الصور لقت صور مي واضحه بالمرة قعدت تقلب فيها وحده ورى الثانيه .. وقفت فجئة وحطت ايدها على فمها ..
يوم شافت صورها بالحديقة راحت للأسماء لقت الاسماء اسماء بنات .. عرفت ان الجوال خاص برهف ... مسحت الصور كلها وحطت الجوال مكانه وراحت لغرفتها ..
====================
الساعه 30 : 2 .. راحت للمستشفى .. طلال حالته مو مستقره .. وتزيد من اسواء لأسواء ..
وسن : الله يخليك ابي اشوفه ..
الدكتور : حالته ما تسمح ..
وسن : والله ما امشي من هنا. . والله لأجلس قدام الغرفه .. الا تدخلني له .. ابي اشووووفه الله يخليك اي دكتور .. خليني اشووفه . .
الدكتور ما لقى حل الا انه يدخلها بس على شرط انها تقعد خمس دقايق ...
دخلت لقته متمدد على السرير .. وصوت الاجهزة من كل مكان .. تمنت انها تشوف الموت قبل لا تشوف اللي حماها بذي الحاله .. قبل ما تشوف شريك حياتها معلق بين الحياة والموت .. خلصت 5 دقايق وطلعت ..
الدكتور : ممكن تجين للمكتب شوي ..
وسن وهي تمسح دموعها : حـ حـاضر .. دخلت المكتب ..
قلبها ناغزها .. المووضوع فيه إن
الدكتور : والله ما ادري ايش اقولك .. بس نبيكي توقعين هنا على بعض الاوراق ..
وسن : طيب . . بس ما قلت لي اوراق لأيش ؟؟
الدكتور : والله طلال مريض بالقلب ,, والظاهر انه ما اخذ دواه على موعده .. هذا اللي توضح لنا.. اما الاورق اللي نبيكي توقعين عليها .. ان فيه حالة لا سمح الله توقف قلبه .. ما راح ننعشه .. لأن .....
وسن قاطعته وعيونها بالأرض : يعني تبيني اوقع على اوراق موته ؟..
الدكتور : وتفاؤلوا بالخير تجدوه .. احنا نحط احتمالات فقط .. كل شئ جايز ...
وسن : هزت راسها بالموافقه واخذت القلم من الطبيب ووقعت .. طلعت من مكتبه وهي منهارة ..
بسمه : ايش فيه ..؟ عسى ما شر ؟؟
قالت : ان وقف قلبه وقف قلبي معاه ...
حمد يطالعها وهو مكشر .. بسمه : وش فيه وسن ؟؟ ترااني خفت ..
وسن ما ترد .. فقدت الوعي ونقلوها ..
===========================
: فخر كبير عمي انا نناسب ناس بمثل مقامكم الكريم ..
: حياك يا ولدي ..
راشد : ايش الشروط .. وكلها انا راضي فيها ..
ابو ماجد : احنا نشتري الرجال يا راشد ..
راشد : مشكور والله ..
ابو ماجد : ما عندنا شروط .. بس المهر مثل ما تقرره اثير .. وان شاء الله ما تكلف عليكم ..
راشد :لا بالعكس يا عمي .. انا مشتريها .. تامر شئ. . ؟
ابو ماجد وقف : لا سلامتك .. طلعوا الرجال..
واثير فوق بغرفتها ,,, الدنيا مي شايلتها ..
: يا كللللووووووووش .. مبروك يا بنيتي .. وضمتها بقوة ..
اثير : الله يبارك فيك يا غناتي .. قلتي لفتون ؟؟
ام ماجد : لسى باقي ..
اثير : خلاص خليني ابلغها ..
=========================
: يعني وين راحت ...؟
: والله ما ادري .. والله اني صورتها ..
: تطلع الصور يعني تطللللللع فاهمه والا لا ؟؟
: ان شاء الله ..
..
====================
طلعت وسن من المسشتفى وحالتها صعبه .. كانت دايم تستفرغ وحرارتها عاليه ..
استمر الموال 3 اسابيع .. كل يوم وسن تروح من الظهر ما ترد الا الساعه 1 ليل .. لين جاء اليوم اللي ما راحت فيه ..
جاء يوم كان اليوم الاسود .. اللي تعودت عليه وسن . .
وسن تتكلم بدون عقل .. كانت شويات تضحك وشويات تبكي كانت تقول لريماس : عايدي .. مو اول شخص افقده ... انا فقدت امي .. ابوي ... اختي .. عمي ... من بقى لي ..؟ عايدي عايدي ..
ريماس بوجهها الطفولي ما كانت تفهم ايش تقول لها وسن ..
كان الكل حزنان عليها وعلى حالها ..
اما حمد .. كان يعد ايام العده .. يوم ورى يوم ورى يوم .. كأنه واثق ان وسن بتقبل فيه ..
انتهت الايام على خير ...بدأ العام الدراسي .. الكل انشغل بحاله .. ريماس بمدرستها .. رهف وبسمه بجامعتهم .. اثير بخطيبها .. فتون بحسام .. حمد بالشركة ... اما وسن بقت على همها ..
شحب وجهها .. نحفت .. ..
اول يوم بمدرسه ريماس .. صحت وسن الساعه 5 قبل ما يصحى اي احد ..
لقت بسمه صاحيه ..
وسن : بسمه .. مو اليوم اول يوم لريماس بالمدرسه ..؟؟
بسمه : ايه ..
وسن : مين بيرافقها .. ؟
بسمه : الشغاله ..
وسن : يصير ارافقها ..
بسمه طالعت بتعجب وقالت : يكون احسن ..
وسن راحت طلعت لنفسها ملابس تليق بالمدرسه .. كانت الثياب هديه من عند طلال .. كانت من اغلى الماركات .. طلعت لها زي رسمي اسود .. وعقد صغير .. استشورت شعرها وسوته كيرلي .. حطت ماكياج خفيف .. المكياج كانت كل ما تحطه يسيل .. كانت تبكي كل ما تتذكر طلال وموقفه الشهم معاها. .
لبست الزي .. لكن طلع كبير عليها .. وسن نحفت بزياده ..
مشت حالها فيه .. وراحت تصحي ريماس ..
صلحت لريماس شعرها . .ولبستها ...
ريماس : الله ماما وسن انتي بتروحين معايه اليوم ..
وسن : ان شاء الله اروح معاكي اسبوع ...
ريماس : هيييييييييه . .
وسن : يالله السايق براا ...
لبست عباتها وراحت للمدرسه ..
كانت جالسه على الكرسي تطالع ريماس وهي تلعب .. تذكرت نفسها يوم هي صغيره .. تذكرت امها ..
وسن : يالله انا ليه احط نفسي بهذي المواقف ..
جات ريماس لوسن وجلست جمبها ..
الحريم كانوا يطالعون وسن بحسد على ثيابها الانيقه ..
وحده سألت وسن قالت : هذي بنتك ..
وسن ابتسمت وقالت : لا .. بنت ولد عمي ..
الحرمه استعجبت ورددت وراها : بنت ولد عمها !!
وسن : وليه مستغربه ؟؟
: والبنت وين امها .. ؟
وسن : توفت الله يرحمها ..
: اهااا .. الله يرحمها ..
وسن ما كانت تحب تفتح مواضيع حساسه مثل هذي .. عشان كذا حاولت تتهرب من كذا سؤال ..
انتهى اليوم .. ورجعت وسن للبيت وكانت فرحانه بفرح ريماس . .
ريماس راحت بحماس تعلمه عن اللي حصل معاها .. وكانت تتكلم عن وسن كأنها سوت موقف بطولي ..
حمد كان يتظاهر بالتعجب .. بس ما استغرب الموقف من وسن ..
: ما ادري كيف اشكرك ..
وسن طالعت فيه وشالت عيونها وقالت : ما سويت شئ .. وريماس اعتبرها بنتي ..
حمد : اممم .. فاتك التسجيل بالجامعه ..
وسن : لاحقه السنه الجايه ..
حمد : اوك ... وتركها
وسن : يالله بعد اللي سواه فيني كيف قدرت اطالع بعينه او اكلمه .. معقوله احبه !!
=======================
جاء زواج اثير من راشد .. انعزم الكل عادا وسن ... اللي كان ماجد ومراد جابرين اهلهم انهم ما يعزمونها ...
وسن تطالع بروان وهي لابسه فستانها : يحسبون حتى لو عزموني بجي ؟؟
روان : هه .. وش عليك فيهم .. طنشيهم .. هذيل ناس ما تستحق دمعه منك ..
وسن : كلن على همه سرا ..
روان : وانتي الصادقه .. وش رايك فيني ؟؟
وسن : تهبلين ..
روان ابتسمت ومشت من الغرفه ..
ما كان بالبيت الا ريماس .. كانت حرارتها مرتفعه وعندها الم في الحجنرة .. كانت بفراشها ,,
راحت لها وسن ... سوت لها كمادات .. وجلست تحكيها ..
نامت عندها ..
ريماس : انتي ماما .. انا احبك ..
وسن : وانا اكثر .. يالله حبيبتي نامي. .
ريماس : بس ما حليت واجباتي ..
وسن : هههه بكره ما فيه مدرسه ..
ريماس : صح ذكرتيني .. يالله ماما تصبحين على خير ..
وسن : وانتي من اهل الخير يا قمر ..
دخل حمد يبي يتطمن على ريماس .. لقى وسن جمبها نايمه .. استعجب واستغرب من حب وسن لريماس ..
غطى ريماس و " وسن " تمام .. وطلع بهدوء . .
وسن : معقوله يبادلني نفس الشعور !
=====================
باليوم الثاني نزلت وسن .. لقت حسام بالصاله . .
وسن : ايش هذي المفاجاءة .. ؟ وينك من زمان عنا .. ؟
حسام : هلا هلا والله .. هلا بالمليونيرة ..
وسن : اااه يا حسام . . الملايين ما تفيدني بعد وفاة حبيبي. .
حسام : الله يرحمه ... هييييي عاد لا تجيبين لي الكآبه ..
وسن : ههههههههههههههههههههه .. وينك من زمان ما نشوفك ؟؟
حسام : والله مشاغل الحياة ..
وسن : اهااا .. اكيد اليوم جاي وراك خبر ..
حسام : ايه والله ورايه خبر ..
وسن : صددق .. طيب قولي خليني اول وحده تعرف بالخبر ..
حسام : استني خلي العائلة الكريمه تتجمع ..
وسن جلست وقالت : يالله ننتظر ..
=============================
اتوقع ممكن بقي بارت او 2 وتنتهي الروايه ... مع
محبتي : * لأجلك *
==================
بسمه : هااه وش عندك .. ؟
حسام : اجل ماني قايل ..
رهف : يالله عاد بدون ثقاله دم ..
حسام : لالالالا ماني قايل ,,
رهف : افف .. تقول والا انقلع ..
حسام : افااا انقلع .. طيب طيب بنقلع .. ووقف ...
روان : لااا خلاص حسوم حبيبي اجلس ..
حسام " طيب ... امممممم ايش تتوقعون جايكم بخبر ..
ام حمد : حلاص يا وليدي خلصنا ..
حسام : اجل ما راح اقول .. لا توتروني ..
: ههههههه ..
حسام : المفاجئة الكبيرة واللي بتسعدكم .. واللي بتسعد امي على وجه الخصوص .. فتون حـــــامل ,,
ام حمد وقفت تسلم على ولدها : مبروك يا وليدي .. الله يرزقك بالولد الصالح اللي يسعدك ..
حسام : مشكورة مشكورة .. ماا الباقين حتى كلمة مبروك ما فيه ! ..
روان : خليني استوعب واااي حسام مبرووووك ..
حسام : الله يبارك فيك ...
بسمه : اجل خلاص بعزمكم بشاليه .. وبسوي عشا وش كبره ..
حسام : لا لا ماله داعي ..
بسمه : لا ليش ماله داعي .. الا مو بكيفك ..
====================
اول مرة يوم يمر على وسن بدون مشاكل .. او هم ونكد .. كان الجو ولا اروع ,, وكانت فرصه انهم يروحون للشاطئ ,, اتفقت بسمه مع اخوها حسام انه يجيب فتون .. وكلمت اثير وامها .. وكلمت منيرة وقالت تجيب رنا معاها ..
كلمت صديقتها رابعه تزورهم بالشاليه ...
رتبوا كل الأغراض .. رهف تركض تدور عباتها وام حمد تبي شنطة يدها وبسمه تأكد على الضيوف .. وكلن مشغول بحاله عاد ( حمد ) اللي كان يراقب وسن .. ( وسن ) كانت تحط ملابس للسباحه .. الكل متحمس للرحله ..
عاد ( روان ) اللي حست الارض ضايقه فيها من الالم اللي ببطنها .. ما كانت تبي تكدر على احد وكتمت على الخبر ...
توكلوا على الله ومشيوا بطريقهم ..
=======================
فتون : صدق ..
حسام: ايه صدق يعني امزح معاك ؟؟
فتون : طيب اثير بتجي ؟؟
حسام : والله ما ادري ..
فتون : اوك ..
حسام : بكرة ان شاء الله الساعه 11 تكوني جاهزه ..
فتون : ان شاء الله ..
حسام : لا تنسي انه عشانك ..
فتون ابتسمت وقالت : لا ما راح انسى ..
==================
: ان شاء الله ربي يتمم عليكم .. بكرة عزمتني بشاليه عشان مرت اخوها حامل ..
سالم : شكلها نست الموضوع ..
رابعه : ممكن ..
سالم : افتحي معاها الموضوع ..
رابعه : ان شاء الله ...
سالم : لا تنسين ..
رابعه : وش فيك قلنا ان شاااء الله ..
سالم : بأمان الله ,,
( سالم هوه اللي خطب بسمه بزواج حسام ..يتيم الأم والأب اخته رابعه اخر شئ بقى له بالحياة .. مهنته معلم .. ملامحه عادي .. عمره 30 سنه )
================
وقفت وحيده على الشاطئ , راحت تطالع بالبحر .. كان البحر هادئ في ليله مقمرة .. فجأة تحولت امواج البحر الهادئ الى امواج عاصفه .. مظلمة .. يوم راح تفكيرها لعالم ثاني كله .. حزن .. اهات .. دموع .. دماء .. راح عقلها يتعذب بذكريات من الماضي ما يمحيها الزمن .. كانت تجمع ذكرياتها من يوم هي صغيره الى يومها هذا .. كانت تهمس بكلمة ( احبك ) .. كانت تتذكر مواقفها الدافئة .. فجأة تسقط على ارض الواقع .. ما عاد تحس بطعم النوم من اليوم المؤلم اللي حول حياتها لجحيم .. اليوم اللي حفر بعقلها وروحها.. بظلام تتناثر فيه احلامها الضايعه .. تشتت افكارها يوم نادتها (بسمه ) قالت : تعالي
اقعدي معانا تحت .. كلنا ننتظرك .. ردت بصوت هامس :
دقايق والحقك .. حست بالبرد .. وارتجفت شفاتها .. كانت
تبحث عن الحنان والحب اللي يحسسها بالأمان . . انفجرت دموعها .. وكانت تشهق من كثر بكيها ..
جاها صوت هامس وهادئ .. قال :
ليه ما نزلتي ؟
التفت لفت حمد ..
حمد قرب وكمل " تبكين ؟؟
وسن مسحت دموعها وقالت : لا ابداً ..
حمد : طيب ايش هذي الدموع ؟
وسن نزلت راسها وسكتت ..
حمد : توعديني انك تنسين الماضي وتملئين حياتك بالحب والأمل والنسيان ؟؟
وسن : طالعت فيه وقالت بصوت مبحوح : وعــــد ..
ابتسم حمد وقال : يالله انزلي ..
وسن : اعطيني 5 دقايق . .
حمد : طيب بنتظرك هنا ..
وسن : طيب ..
============================
رابعه كانت تصلح شعرها ..
سالم : لا تنسين ..
رابعه : وش فيك ما بنسى فكنا .. والا تراا ما بقول لها . .
سالم : يالله يا رابعه .. والله من بعد ما شفتها ما اقدر انساها ..
رابعه : طيب انتيهنا .. ممكن حصلت لها ضروف ونست الخطبه ..
سالم :ان شاء الله بس توافق ..
رابعه : ان شاء الله . . يالله .. انا خلصت قوم وصلني . .
سالم : يالله ..
وصلت رابعه للشاليه ..
سالم : اي واحد ..
رابعه : استني اتأكد من الرقم لا اروح انفضح ..
هلا بسمه .. كيفك ... ايه وصلنا ... كم الرقم ... اوك .. باي ..
تقول رقم 5 ..
سالم : طيب. ..
رابعة نزلت ودخلت الشالية ..
: هلااااا والله بالطش والرش .. هلا والله براااابةه بعد قلبي ..
رابعة : هلا والله ببسمه .. كيفك .؟ وحشتيني يالغلا. .
بسمة : انتِ اكثر .. تفضلي ..
جلست رابعة ..
بسمة : انتِ اول الحاضرين ..
رابعة : ايه والله استعجلت على شوفتك يالغالية ..
بسمة : تسلمين والله ..
رابعة : كيف الجامعة معاك .؟؟
بسمة : 10 على 10 .. كله تمام .. وما شاء الله معدلي 3.85
رابعة : ما شاء الله .. الله يوفقك ..
رن الجرس ..
بسمة : يالله بروح اشوف مين جاء ... عن إذنك ..
رابعة : اذنك معك ..
فتحت بسمة لقت عمتها ورنا معاها .. .
بسمة : هلا والله بعمتي تفضلي .. نورتي ..
منيرة : تسلمين والله .. وين الباقين ما جوو يستقبلون ؟
بسمة : والله امي و رهف حايسين بأشكالهم اما روان نايمة ..
منيرة : يعني ما بتنزل ؟؟
بسمة : ما اظن .. تفضلي ..
=======================
كانت الغرفه باردة .. وكانت مغطية وجهها باللحاف ..
عاضة على شفاتها من الألم ,, ضامه المخده لصدرها ..
بطنها يؤلمها ...
: يالله .. يا رب انت تعلم حجم الالم فخففه عني .. اخخ .. اه ..
حركت يدها بصعوبه .. تعبث بإيدها على الكومدينا .. تبي تتصل بأي احد عشان يسعفها ..
مسكت الجوال .. قعدت تقلب بالأسماء اول اسم قابلها اسم بسمة ... اتصلت .. لقته مقفل .. الأسم اللي بعده حسام .. اتصلت عليه .. وتكلمت بصعوبه ..
: هلا والله برونتي. . وش فيك ؟؟
بصوت شبه معدوم : الحـقني ..
حسام : ايش.. روان ايش فيك تكلمي ..
: حسام بسسرررع هلا تتأخر.. كانت تشدد على الحروف ..
غلقت الخط بوجه حسام ,, وقعدت تنتظر ايش يقدر ربي لها ..
==================
دخل حسام وفتون .. استقبلوهم استقبال حار ... الاغاني صوتها عالي ..
حسام : وين روان . ؟
رهف : بغرفتها .. ليه ؟
حسام مشي وما رد عليها ..
فتح الباب بقوة .. ولقي روان بحاله مزريه .. عرق بارد على وجهها .. وكانت شاحبه ...
حسام قفل المكيف وفتح الشبابيك ... قال : روان قومي .. ايش فيك ..؟ اوديكي الطبيب ...
روان هزت راسها بنعم ..
حسام نادا بسمه ولبستها عباتها وراحت للمستشفى ..
طلعوا خلسه بدون ما تحس فيهم ام حمد .. لأنهم عارفين اذا حست بشئ ممكن يرتفع عليها السكر او الضغط وهي مي ناقصه صدمات بحياتها ...
============================
كان متكي بغرفته .. حاط ايده ورى راسه .. باله مشغول بوسن ,,
صمم على زواجه منها ... اكتفى من العذاب اللي هو عايش فيه ..
حاول يشغل نفسه بأي شئ .. بس ما قدر لأن باله مشغول بـ(وسن) ..
========================
رابعه : امممم .. بسمة ..
بسمة : هلا .؟
رابعة : ايش قلتي بموضوع الخطبة ...
بسمة : معليش والله يا رابعة .. لا تحسبيني ما اهتميت ... بس تعرفين الظروف اللي مرت فيني .. واا
رابعة : ما علينا .. وش قلتي ..
بسمة : انا موافقة .. بس ما كلمت اخوي ..
رابعة : ما اتوقع يوقف بوجهة سعادتك. .
بسمة : اكيد ان شاء الله ..
رابعة : ليه الاغاني وقفت ..
بسمة :هاه .. ايه ايه طيب ..
راحت بسمة ورى الدرج تبي تكلم حسام ..
بسمة : هااا ايش صار ؟
حسام : لا ان شاء الله ما فيها الا العافية ... بس تحس بألم في بطنها ..
بسمة : طيب .. وش قال الطبيب ؟
حسام : يقول ان فيه علاج بالمانيا ,,, بشوف الإمكانيات .. وان شاء الله يحصل خير .. يالله باي نتناقش بعدين ..
بسمة : باي ..
راحت وشغلت اغنية .. ورجعت مع رابعة ..
رابعة : ليه تأخرتي ..؟
بسمة : كلمت اخوي ..
رابعة :اهاا ..
=======================
بالغرفة الثانية .. اثير تخبر فتون عن خطبة راشد لها ...
اثير : ابيك تكتمين على الموضوع ..
فتون :الف الف الف مبروك .. والله يوفقكم مع بعض ..
اثير : تسلمين والله .. لا تخبري هااه ..
فتون : لا توصين حريص ..
=====================
رجعت روان وراحت على غرفتها .. شافتها وسن وطلعت وراها ...
وسن دقت الباب وقالت : ممكن ادخل ..
روان بصوت مبحوح : تفضلي ..
دحلت وسن وقالت : روان ايش فيكي ؟؟
روان : ولا شئ ..
وسن : كيف ما فيكي شئ ؟؟؟ طالعت على التسريحة لقت كيس الأدوية كلمت : انتي رحتي المستشفى ..؟
روان : امانة لا تعلمين احد ...
وسن : لا ماني معلمة .. بس تبين شئ ..؟
روان : ابي مويه .. ما عليك امر ...
وسن : طيب ثواني وتجيك ...
جابت لها الموية وهيئت لها الغرفة ... وطلعت ..
====================
: ابوكي هنا ؟
: ايوة ..
دخلت رنا وريماس غرفة حمد .. لقت حمد يصلي ..
رنا شافت على المكتب ورقة .. وراحت من باب اللقافة
تقرأ اللي فيها ,, لقت خاطرة حب .. ومكتوب بين السطور فيه اسم ( وسن )
لمعت فكرة براس رنا .. واخذت الورقة ..
حمد كان مكشر بصلاته .. وحس ان شئ مو طبيعي بيحصل ..
رنا راحت ركض تحت .. وجلست جمب وسن ..
رنا : وسن
وسن طالعت وابتسمت وقالت : هلا ,,
بوريكي شئ ... بس اذا وريتك ايش بتسوين لي ؟؟
وسن : اللي تبينه ..
طيب تعالي ...
راحت وسن ورى رنا .. رنا طلعت الورقة وورتها وسن ..
وسن رفعت حاجبها وقالت : ايش هذا ؟
رنا : لقيتها على مكتب عمي حمد ..
وسن حطت ايدها على فمها و .........
========================
محبتي : * لأجلك *
==========================
حمد : يمه خلاص انا كلمتك قبل . .
ام حمد : خلاص سوي اللي تبيه ..
حمد : طيب ابي اعجل ..
ام حمد : على راحتك ..
حمد : طيب بكرة الملكة .. والأسبوع لالي بعده الزواج ..
ام حمد : وي يا ولدي وش فيك مستعجل .. ؟
حمد : كل شوي واحنا نأجل .. خلاص يمديها تجيب اللي تبيه ..
وانا الفلة جاهزة ..
ام حمد : يووووه فلتك هذيك تشربت غبار .. من زمان ما فتحتها يبيلك تغير اثاث ويبيلها بويات
حمد : لا يمة انا جهزتها ,, والاثاث جديد زي منتي عارفة ..
وجبت العمال ونظفوها ,, ,
ام حمد : خلاص كلمت البنت والا من راسك هذا الكلام ..
حمد : لا اكيد وسن موافقه ..
ام حمد " طيب اسألها ..
==========================
: والله ما ادري ايش اقولك .. فاجئتني يعني ..
حمد : قولي ايه او لا..؟
وسن : ايه ,.
==========================
وسن راحت لغرفة ريماس تبي تعلمها بالخبر, ,
وسن : رموس عيوني وينك ؟
ريماس : هنا ..
وسن : ايش تسوين ؟
ريماس : العب ..
وسن : دريتي يا ريماس .. انا وبابا بنتزوج ونعيش كلنا ببيت واحد ..
ريماس : من جد ..! يعني نروح بيت لحالنا ما معنا جدتي ولا رهف ولا روان !
وسن : ايه . .
ريماس ضمت وسن بقوة .. وقالت : ماما وسن احبك كثيرر . .
وسن : انا اكثر ..
========================
ناصر يدور بغرفته متوتر ..
دق على ليان بسرعة ..
ناصر :الوو ..
ليان تنعم صوتها وقالت : هلا حبي ..؟ اامر ..
ناصر : ابي اشوفك الحين ..
ليان : نصور ليه معصب ؟
ناصر : ليان لا تستفزيني بسرعة ابي اشوفك والا كل اللي بيننا انتهى ..
ليان : طيب خلاص الحين اكلم السايق بس وين تبينا نروح .. ؟
اسمع تراا ما ابي مكان مغلق ابي مكان عام ..
ناصر : واللييييييل معاك .. نلتقي قدام الكورنيش ..
ليان : اوك .
ناصر : والحين ..
ليان : مثل ما تبي..
=========================
بسمة : اكيد اخدمك من عيوني ..
سالم : طيب اشتري اللي تبينه .. لأن الموعد بكرة ..
بسمة : كذاا بسرعة ..
سالم : والله وش اسوي ..
بسمة : طيب بكلم امي اول . .
==========================
: اكشفي وجهك ...
ليان : لا صدق تجننت ..
ناصر : اكشفي وجهك ..
ليان : ما راح اكشف ..
ناصر مد ايده وسحب النقاب عن ليان ..
ناصر : ايه كنتي تخدعيني .. انا اليوم اتصلت فيني وحده وقالت لي السالفة من الالف للياء ..
ليان : بس ناصر. .
ناصر : اسكتي ويالله امشي من هنا لا اسوي لك فضيحة ..
ليان مشت بسرعة من عند ناصر ..
ناصر فتح الجوال يدور على رقم " روان "
كان محتار بالمرة ما يعرف يتصل او لا ..
بالأخير قرر يتصل عليها ..
دق عليها .. روان يوم شافت الرقم فز قلبها ..
روان بينها وبين نفسها : ارد او لا ..؟ خليني ارد ممكن يبي شئ ضروري ..
روان ردت
: الو ..
ناصر : .................
: الو ناصر وش بغيت ؟
ناصر : ليان ..
روان : ليان !
ناصر : مو انتي اسمك ليان ؟ مو انتي اللي قابلتك بالمستشفى ؟
روان : لا انا هي بس مو اسمي ليان .. انا اسمي روان ..
ناصر : صدق صدق انا تسرعت يا روان بحكمي ..
اتمنى انك ما تقطعين عليه ... بس انا من اول ما شفتك حبيتك وكان ودي اقولك بس اللي منعني اخوكي اني اقولك هذا الكلام ,. اتمنى تسامحيني ونبدأ مع بعض صفحة جديده ..
روان : بس ,, ناصر .. اذا صدق حبيتي على قولتك من اول نظرة البيوت تدخلها مع ابوابها ..
ناصر : طيب ما تبينا نتعرف اكثر ..
روان : لا .. بغيت شئ ؟
ناصر : طيب اذا اتصلت عليكي مرة ثانيه ردي تكفين ..
روان : ان شاء الله ..
=========================
بسمة جات من عند سالم تبي تودع امها واخواتها ..
بسمة : صدق ! حمد بيتزوج !
بسمة ناظرت بسالم بنظرات استعطاف وقالت : ايش رايك تروح بعدين الحقك تكفى يا سالم ..
سالم : خلاص دام ذا يريحك .. اعطاها مبلغ وسلم على عمته وراح ..
============================
وسن اخذت ريماس معاها .. كانت تبي تدبش لنفسها مع ريماس .. .
رهف : شوفي هذا الفستان مرة مرة مرة جناااان ,, لا تفوتينه ..
روان : صدق يا وسن ..
وسن : لا والله خاطري افصل ثوب لنفسي .. تعالي نروح محلات الاطفال ..
راحوا لمحلات الأطفال .. وسن اشترت لريماس كل حادة كانت تبيها ..
بسمة : والله شكلك تدبشين لريماس مو لك ..
وسن : ههههههههههههههههه .. يالله .. عادي ..
طلعوا فوق للمطاعم وطلبوا اللي يبونه ..
بسمة : بعدها بنروح نسوي الكروت .. وبكرة نجهزها وبعده نعزم اللي نبيه .. ونسيت اقولك يا وسن .. بعد شوي بأخذ لك قماش ونروح للخياطه ما يمديها تخلصه لكي ..
رهف : الله يهديه حمد مرة مرة مرة عجلللل ..
رجعوا البيت .. بسمة راحت توري حمد الكروت ..
حمد : وااااو , دامه ذوق وسن اكيد حلوو ..
بسمة : لا مالت عليك ذا ذوقي ..
حمد : اجل وعع ..
بسمة : مالت ,,
==========================
باليوم الثاني جهزوا الكروت وكتبوا اسماء المدعوين ووزعوها ..
راحوا للسوق مرة ثانيه واشتروا البنات فستانين الزواج وكانت معاهم ام حمد ..
باليوم اللي بعده .. راحوا يكملون دبش وسن .. وسن كانت ناسية نفسها وتشتري لريماس وبس ..
روان : وي يا وسن لاحزي حالك ما اشتريتي لك شئ ..
وسن : لا يميدني ..
اخيراً اكتمل دبش وسن وما بقي الا الكماليات ..
حمد : خلاص انا بودي وسن للسوق ..
رهف : يكون احسن .. انا بحجز لها عند الكوفيرا كل شئ جهزناه الا اهم شئ ..
حمد : احجزي لها عند احسن كوفيرا . .
رهف : اكييييييد ..
=========================
وسن وحمد كان يتمشون بالسوق .. مرت وسن من عند محل الساعات وتذكرت المشكلة اللي صارت فيه ..
حمد قال : تتذكرين اللي صار هنا ؟؟
وسن : هههههههه .. ومين ينسى .. ؟
حمد : ندخل ؟
وسن : طيب ..
========================
راحوا البنات وام حمد ومعاهم الخدامات حتى يحطون دبش وسن بمكانه ..
ام حمد بكت يوم شافت فيلا حمد ..
رهف : يمه وش فيك ؟
ام حمد : يالله يا رهف ذا البيت له ذكريات ما راح انساهاا. .
رهف : يالله يمه . .انتي بتفرحين بحمد ولدك اللي تحبينه ..
ام حمد : والله اني احبكم كلكم يا عيالي...
بسمة : ملابس وسن وريماس مرة تجنن ...
روان : ايه مرة .. بس ما تلاحظين ان حمد نص الدبش حقة ملابس رسمية ..؟
بسمة : حمد يهبببببلني يوم يلبس رسمي شكله مرة جنان ..
روان : اذكري الله ..
==========================
تـواجدوا كلهم بالـقاعة الساعة 8 .. كانوا يرتبون الطاولات
ويوزعون عليها المعجنات .. الحلا .. القهوة والشاهي ..
وسن كانت بالبيت ما مشيت ..
كانت تسوي لريماس تسريحة بسيطة بشعرها ..
اشترت لها فستان ازرق بتصميم فرنسي .. وصلحت لها شعرها ..
رن جوالها
وسن : الوو ..
روان : وسن رحتي للكوفيرا ؟
وسن : لا استني ..
روان : والليل معاك .. طيب وين رهف ؟
وسن : تحط اللمسات الأخيرة ..
روان : طيب بسرعة لا تتأخرين..
وسن : خذي ..
رهف : وشوو . ؟
وسن : ملابس ريماس . .
رهف : نععععم .. فتحت رهف الشنظة وقالت : فستانين ليه ؟
وسن : شوفي هذا الفستان تغيره بنص الزواج واللي بعده بالزفة ابيها تمشي معاي .. واتوقع بسمة اخذت الشمعة معاها .. انتبهي تنسين ..
رهف : افف .. ان شاء الله ..يالله روحي ..
راحوا على السيارة .. وسن كانت تقراء المعوذات على ريماس ...
نزلوا وسن ومشيوا بعدها للقاعة ..
وسن كانت متوترة بقوة ..
يدها ترتجف .. وعيونها كلها دموع ..
الكوفيرا كل ما تحط لها الماكياج يخرب ..
الكوفيرا : شو بيك ؟
وسن : متوترة .. واخذت منديل ومسحت عينها ..
الكوفيرا : يلا لازم نخلص ..
وسن : طيب معليش ..
==============================
كان الحضور جداً كثير .. والقاعة كانت كبيرة للغاية ..
يوم جات الزفة ..
وسن مع حمد عند الباب .. وسن كانت خايفة ومكشرة بنفس الوقت ..
رهف : وااي وسن مرة كشرة ..
روان : وين ريماس .؟
رهف : اوووووووووووووووووه .. ما لبستها ..
راحت رهف ركض لريماس ولبستها .. وسن كانت موقفه هيه وحمد ينتظرون ريماس وام حمد ..
جات ريماس وكانت احلى من القمر ,,,
بدأت الزفة و وسن تحس بدوخة من الربكة اللي جاتها ..
حمد : وسن ايش فيك ..
وسن : ولا شئ ..
جابوا لهم عصير توت وكانت الكاسة على شكل قلب والمصاصات كمان ..
وسن شربت شوي وحمد ما قدر يشرب من الضحك اللي جاه ..
روان : حمد استخفين الظاهر ..
حمد : هههههه .. والله مدري وش فيني .. مالها داعي ذي الكاسة ..
روان : اقول امش .. يالله الحين روحوا تصوروا ..
حمد طالع بوسن وقال : يالله حبي. .
وسن قلبها مو متطمن كثير للي كانت واقفه بآخر القاعة كانت متنقبة وتطالع بوسن ..
وسن : حمد منو ذيك ؟
حمد : ممكن وحده من الحضور ..
وسن : طيب ليه تطالعني كذا ؟
حمد : يا شيخة ما عليك ..
بسمة نادت للعشاء وراحوا المعازيم الا المنقبة ...
بسمة حست ان الموضوع فيه انّ ..
وسن تصورت مرة وهيه حاضنة حمد .. ومرة ثانيه ماسك ايده .. حمد كان جد معجب بوسن ويطالعها بحب .. وسن كانت صدق مبسوطة ولا كانت تتوقع انها بيوم تحب حمد ..
لبست وسن العباية وجات بتمشي .. ريماس كانت نايمة واخذت وسن وحده من الخادمات حتى تشيلها ..
يوم كانوا ماشين يبون يطلعون من القاعة .. طلعت المنقبة قدام السيارة ..
وسن " شفت يا حمد .. ما قلت لك ..
حمد : يا بنت الناس البنت ما قالت شئ .. خلينا نشوف ..
جات البنت المتغطية وكشفت وجهها وضمت حمد ..
وسن بردة فعل لا ارادية دفت البنت على ورى بعدها ارتطم راسها بالسيارة و طاحت الغطوة ..
وسن : نوف
نوف : انتي اخذتي خطيب اختي .. والله ما اسمح لك يا وسن ..
حمد : نوف ابعدي من هنا احسن لك ..
سمعت رهف وروان الضجة اللي حاصلة براا وراحوا يستفسرون عن الموضوع ..
رهف :نــــوف !
نوف : ايه نوف وجاية انتقم .. انتوا طيعتوا حياة اختي اعميتوها قطعتوا نصيبها .. ليه ؟
حمد : استهدي بالله وامشي من هنا قبل ما ننادي الشرطة لكي ..
نوف : خلاص انا بايعة الدنيا ما ابي الا انتقم منكم ...
حمد جاء وصفع نوف على وجهها بقوة ..
نوف : قدها يا حمد .؟
حمد بإستهتار : وقدود ..
نوف : طيب انا اوريك .. طلعت من شنطتها سكينه وقالت : يا تطلق وسن يا اذبح نفسي ..
حمد : ههههههههههههههههههه وانا وش علي ..
رهف وروان ميتين ضحك ..
نوف حست نفسها بموقع مسخرة وانسحبت من نفسها ..
حمد : شفتي يا وسن الناس كيف حاسدتكي ؟
وسن : الله لا يحرمني منك .. وحبي لك اقوى من انه يسمح لأي احد انه ينهي العلاقة بيني وبينك ...
حمد شاله وسن وركبها السيارة ..
رهف : يا حليلة حمد ..
طلعت سيارة حمد من القاعة وكانت عيون روان ورهف ما فارقت السيارة ..
رهف : الله يستر عليهم .. بتكون لهم وحشة والله . .
روان : طبعاً الحين كالعادة امي بتجيها حالة اكتئاب زي يوم راح حسام ..
رهف : هههههههههههههههههه
يالله ندخل ..
روان : يالله ..
======================
دخلت وسن البيت وانبهرت من الأثاث اللي فيه ..
وسن : حمد الفيلا ليه كبيرة لذا الحد ؟
حمد : تستاهلين يا وسن ..
وسن : الله لا يحرمني منك ..
حمد : ولا منك ..
وسن طلعت فوق تبي تتفقد غرفتها .. لقت الاشياء منظمة بطريقة جد راائعة ..
وراحت بعدها تتطمن على ريماس .. لقت كل شئ مثل ما بغت .. جلست تتكلم مع حمد ..
وسن كانت حاطة راسها على كتف حمد ..
وسن : ما تتخيل كيف اهلي واحشيني ..
حمد : صدقيني راح اعوضك عن كل اللي صار ..
وسن : ان شاء الله ..
==========================
مـرت سنـة .. وكانت احلى سنه لوسن ..
ما كان فيه شئ ينغصها الا انها ما انجبت ..
حست ان حمد متضايق من الموضوع ..
حمد : وسن .. ممكن نتكلم. ؟
وسن : طيب ... وكان قلبها ناغزها حست انه يبي يكلمها بالموضوع ..
حمد : وسن اسمعيني حبيبتي .. انااحبك .. وودي بعيال ..
وسن : اعرف يا حمد .. تبي تتزوج ؟
حمد : وشووو ! اتزوج عليكي ؟ مستحيل ..
وسن رفعت راسها وقالت : اجل ؟
حمد : ابيكي تتعالجين ..
وسن : طيب على امرك ..
حمد : خلاص حبي لا تزعلين ..
وسن : ما فيه شئ يزعل ..
=============================
اثير تزوجت من راشد ...
وروان ما زالت المكالمات مستمرة مع ناصر ...
لما اخذ عنوانها وجاء على اساس انه يخطبها ..
حمد رحب فيه ووافق لأنه رجال والنعم فيه من قبيلة حلوة ووظيفة رايقة ..
رهف قلبها قرصها وحست بحزن غريب ..
كانت دايم تكلم نفسها وتقول : روان تتزوج قبلي ! .. روان تتزوج قبلي ..!
ام حمد كمان كانت جد حزينة عيالها يفارقونها واحد ورى الثاني ...
بسمة : يمه احنا كلنا يمك محد مات منا ..
ام حمد : لا تقولين هذا الكلام يا بنيتي ..
بسمة : لا يمه بس ماله داعي هذا الحزن كله ..
ام حمد : وش اسوي يا بسمة يعالي يفارقوني واحد ورى الثاني ..
بسمة : طالعي من جانب ثاني ...
=========================
مرت الأفراح واحد ورى الثاني .. ما بقي الا رهف هيه الوحيدة اللي ما تزوجت قام زواج روان وكان راقي جداً ..
حمد كان بين نار وسن ونار ريماس ونار رهف ..
رجع حمد ووسن يائسين من رحلة العلاج اللي استمرت 4 شهور ...
حمد حس بريماس سعادة غير طبيعية ..
ريماس حست ان وسن الأم اللي فقدتها من زمن ..
================================
: حـممممممممممممد ..
حمد صحي من النوم وقال : هاااااااه ..
وسن : قوم قوم قوم ..
حمد : شوي ... وغطى وجه بالبطانية ..
وسن راحت للحمام وجابت دلو موية وطشته على حمد ...
حمد : هاااااااااااااااااااااه هاااااااااااه هاه وش تبين ؟؟
وسن نقزت على حمد وقالت : انا حامل ..
حمد : ايش ..
وسن : ايه ايه يا حمد انا حامل .. .
حمد ضم وسن بقوووووة وقال : يالله لا لا مو مصدق ..
وسن : لا صدق يا حمد .. حمد انا حامل بتؤام كمان ..
حمد : الله يا وسن احلى خبر قد جاني ..
وسن بلغت ام حمد على طول بالخبر الحلو ...
ام حمد : الف الف مبروووك .. ونزلت دموع الفرح من عيونها ..
رهف كانت تشد حيلها تب يتكون مرأة فعالة بمجتمعها .. لأن حست وجودها وعدمه واحد ..
تشوف اخوانها كلهم سعيدين ببيوت ازواجهم ما عاد هيه ..
.. سالم رجع من الخارج و حط بسمة بفيلا كبيرة ..
رهف : يالله .. المفروض افرح لخواتي ليه الغيره ماكله قلبي ؟
===============================
وسن ولدت بأحسن المستشفيات ...
ام حمد كانت خايفة على وسن وطالسه براا تنتظرها ..
حمد كان قلق مثل امه ..
اخيراً طلعت الممرضة وكانت تغطرف وتقول : مبروك عليكو جابت بنتين متل الأمر ..
حمد سجد سجود الشكر وام حمد كانت طايرة من الفرحة ..
طلعت وسن من المسشتفى وسوت سابع وعزمت فيه احبابها ..
كانت لحظات ما راح تنساها وسن لما تودع الدنيا ...
==========================
مـرت سنـة تجـرها سنـة تـجرها سنـة ...
وسـن دخـلت للمحاماه وجـاب توؤم بنات سمت وحدة
لين والـثانيه لينا ..
حـمد .. زاد حبه لوسن .. وغير معـاملته مـع اهله ..
ريماس .. كبـرت وصـارت بالصف الرابع .. ما حست بالنقص بالمرة مع وسن .. تناديها ماما .. ووسن بنفس الوقت معتبرتها بنتها ..
بسمة .. جابت ولد وسمته ريان وانتقلت هيه وسالم للعيش في بريطانيا ..
رهف .. صـارت سيدة مـجتمع .. والتقت بـشريك حياتها بالعمل ..
روان .. كمـلت مشوارها بالطـب ونـاصر كان خير معين لها ..
ام حمد .. كـان سـعيده بإنجازات اولادها .. وكل يوم كان واحد يزورها .. وصـارت تحب وسن وتعتبرها بنتها اللي ما جابتها ..
اثير .. عايشة بخير وسلام بعد زواجها من راشد وانجبت ولد وسمته ريان مثل بسمة للعلاقة القوية اللي بينهم ..
فتون .. جابت الولد الثاني .. وبدأت بالتـجارة ..
ماجد .. بقي علـى نفس حالـة .. مكـتئب وحـزين ..
مـراد .. سـافر للـخارج ولا عـاد فيه اخــبار عنه الا انه تزوج من وحده اجنـبيه ,,
وسن : هـذي قـصتي مـن الأول للأخير .. شرايكم ..؟
لين : وااااو ماما هذا كله صار .. مرة غريب .. خسارة ما لحقت شئ ..
وسن : هههههههه جعلك ما تشوفين الأحزان ...
لينا : ماما .. متى بتجيبين لي اخـو ؟
وسن : اممم ممكن اذا اراد الله بعد 4 اشهر ..
: مفاجئة ..
قاموا لينا ولين ركض لأبوهم ..
لين : بابا ايش جبت لنا ..
حمد يسوي انه زعلان وقال : تبين الهدايا ما تبيني انا ..
لينا : لين اسكتي .. بابا حبيبي وضمته بقوة ..
حمد : شوفوا الشنطة هناك كلها هدايا لكم ..
وسن : الف حمد لله على السلامة ..
حمد : مشكوره حبي .. حمد نادا وسن يبي يوريها الهدية اللي جابها لها .. لقت تذكرتين سفر لباريس و طقم الماس ..
وسن : الله لا يخليني منك ..
حمد : ولا منك يا احلى زوجة بالدنيا ..
================================
( انتهت )
اتمنى الرواية حازت على رضاكم .. مادام اني اشوفها مو بذا القد .. وشكراً على المتابعة .. وسامحوني على القصور .. ابي ارائكم فيها ونقدكم اهم شئ ... لأنها اول رواية ليه ..
تحياتي وحبي لكم * لأجلك *