أهيم في عيناها فأجن بملامسة شفتي شفاها - 75 والاخير - مكتملة | روايتك

الـــــــــــــــــبـــــــــارتــــ 1⃣8⃣3⃣ ... 📖🖌 @storykaligi 🔮🍃 آخـي الصغير ! وان اصابتك رصـاصـه عابره من فـوهـه سـلاح وآلمتك ! فإنما بـتلـك الخـنـاجـر تُـغـرس بين أوردة قـلـبي ليـتمـزق برؤيــتك تـتـألم بـتأوه تنطق بـها شـفتيـك تـزيد من حــد اوجـاعي الـتـي باتـت ومازالـت لاتفـاقرنـي ك روحٍ بجـسـدي فـلتغـفر لـي بقدر م آلمتك ! _ غمض عيونه بدون حركه من حراره الكف اللي احرقت خده بوسط نظرات ليث فيه مابي قهر ورحمه وتأنيب ! اخذ يحيى نفس عميق وفتح عيونه بهدوء يطالعه همس بآسى : البارحـه اطلقت علي تبي لي الموت ! والحـ..ين تطلب مني اتـ..عالج؟ طالعه ليث بصمت لجزء من الثانيه ! ثم اخذ نفس عميق وزفر بهدوء : انسـ..ى كل اللي صار بالبارحه ! كل شي انساه فكر بنفسك وبصحتك ارتسمت ابتسامه سخريه ع ثغر يحيى ! عقد ليث حواجبه من ابتسامته: كلامي يضحك مثلاً! هز راسه يحيى بحزن من وسط ابتسامته : لـ..لا ! تدري وش اللي يضحكنـ..ي؟ زاد ليث من عقد حواجبه باهتمام يحيى بغصه : انـ..ك تنطق بغير اللي بقلبك وعيونك تفضـ..حك ! جمد ليث بهاللحظه ! يحيى : انا صـ..ح طلبتك وبغيت اشوفك بس مو عشـ..ـان اعاتبك ؟ لا استرسل يحيى بكل آسى وهمس : عشان اطـ..لب الحِل منك ياخـ..وي ! مابـ..ـي امـ..ـوت وانـ..ت مو مسامحـ..ني ! بهاللحظه استقام ليث بوقفته بغصه اجتاحت صدره وهو يسمع كل كلمه منه مثل السكين بقلبه !! يحيـ..ى بضيق ورجا : سامحـ..نـ..ـي مابـ..ي اموت وانـ..ت شايل بقلبـ..ك علي والله مو قـ..ـادر اتحمل العذاب الـ.. قطع عليه لما حط ليث ايده بقوه ع فم يحيى وبحده وبنظرات قهر بعيونه : اسكت !!! انكتم !!مابي اسمع هالكلام لو ان بقلبي شي عليك هز راسه بحزن واسترسل بكلامه : كان م شفتني واقف قدامك !! ابعد ايده ببطئ عن يحيى وهو يطالعه بضيق وبغصه: انـ..ـا اللي ابيـ..ك تسامحني انا اللي اطلب الحل منك ! روحي انهلكت من فكره اني قتلتك بلحظه طيش وتهور الندم اتعـ..بني والله ابتسم يحيى بذبول : مسامحك من دون م تطلب لاشعورياً ابتسم ليث : حلو ع كذا حتى انا مسامحك ! رفع ايده يحيى لخده اللي حّمر من قوه الكف : انا القاه من مرضي والا جرحي والا من كفك ! طالعه ليث برحمه : تعال وانا اخوك ابوس خدك يمكن تخف ابتعد يحيى ع ورا : لايكفي اللي سويته ليث بازدراء : تخسى حاصل لك ليث يبوسك ! امش بس استند ع ذراعه وساعده بشويش بخطوات بطيئه وحذره الى م وصله لسريره وانسدح رفع المخدات وراه واستند بظهره وكتوفه عليها ! قعد ليث قباله ع السرير يشيك بجواله بوسط نظرات يحيى فيه همس بغصه : تذكرت كل شي بذيـ..ك الليله رفع عيونه ليث له بجمود استرسل يحيى : كنت موجود قبل يوسف ... الـــــــــــــــــبـــــــــارتــــ 2⃣8⃣3⃣ ... 📖🖌 @storykaligi 🔮🍃 ك ذكرى جارحه ! تعبر بين مخيلتي تــتجـدد بها اوجـاعـي ! ليـنقـبـض بها قـلبـي قبل م يتـفـوه بها لسـاني وان تـفـوهت ! ووصـلت اليـك ! مـؤمـن بأنـك تتألـم لـسمـاعها ! ارى بتقاسيم وجهك الذي اكـتسحه الآسى ليـتـقمـص بـها ادق تعابيرك ! وبـعيـناك الذي غطى نـصفهما الحزن ! وبقلبـك الـذي يحجب عني رؤيـاه لـكني مؤمن ولـدي يـقين انه يعتـصر الـمـاً اكـثر مني ! _ يحيى بآسى : كنت متأكد انه هو بس لحاله بالبيت بلحظه تهور مني طيش قهر بس بذيك الليله جسدي موجود ! بس عقلي ؟ لا كنت متوجع بفقد امي ! بغصه امتلت عيونه بالدموع سكت ! تنحنح من بين نبره البكى اللي بصوته نزل راسه وكمـل بذكرى مريره ومؤلمه : امـ..ي توفـت قدام عيوني اشوفها تحتضر ولا بيدي شي ! رفع عيونه بغصه يطالعه تمردت دموعه : انتزعت روحها قدام عيونـ..ـي اخذتها مثل المجنون كانت بارده بحضني وانا شايلها كنت احس ببرودتها توصل لعظامي حتى ! مثل الجليد كانت ركضت فيها لاقرب مستشفى ! اصارخ مثل المجنون ابيهم يساعدوني ! خنقته العبره بصوته وسكت ! ليث يطالعه وقلبه يتقطع عليه اخذ نفس ليرتفع به صدره وزفر من بين الم وغصه ابتسم بسخريه قدر : تـ..دري وش سوو ؟ اختفت ابتسامته وهز راسهه بضيق : م اخـ..ذوها من بين ايدينـ..ـي حتـ..ى يحاولون ينعشون قلبها لاا ! عقد ليث حواجبه بخوف ! اردف بحرقه قلب مثل دموعه اللي تحرق خده !! : طـ..ردوني وهي بحضني برا المستشفـ..ى مستحيل انسى الكلام اللي قالوه بوجهي " لو بغيتها تعيش كان دفعت تكاليف علاجـها ! " ع اخر لحظه واحد جزاه الله خير خلاهم اقل شي يخلونها بثلاجه الموتى ! تركتها وانا قلبي يحترق ! القهر معمي عيوني ! رحت له للبيت والسلاح بإيدي بالبدايه من درى جدي انها ماتت وباللي صار دق علي كان يبيني اجيه ! بس م كان ع لساني الا اني اردد بقتله هو دمر حياتي وحياه امي اللي ماتت بسببه !! دخلت للبيت م خليت غرفه م فتشت فيها ! طحت بالاخير ع غرفته كان بكل راحه يبي ينام ! بتغفى عيونه وهو متناسي حرقه قلب ولده وامه !! ليث اللي جمد بدون اي حركه بدموعه تمردت من عيونه بصمت وبدون م يرمش حتى ! كمل يحيى بحرقه : دخـ..ل يوسف وهو يحاول يبعدني عنه بس م قدر ! كان عقلي غايب ! ماعندي الا شي واحد اني اضغط ع الزناد انشل لساني بدون م انطق بأي شي ! الا ضربني طحت ع الارض واخذ السلاح من ايدي بس دخول امك منعه ! م كان يبي ابوي ان امك تدري فيني ! ف خلى يوسف ع انه ناوي يقتله ! دخلت انت بس م انتبهت لك كان نظري عليه هو بس !! كانت بتكون لعبه بينهم بس م تحملت اخذت السلاح من رجال يوسف ! واطلقت عليه بدم بارد ... الـــــــــــــــــبـــــــــارتــــ 3⃣8⃣3⃣ ... 📖🖌 @storykaligi 🔮🍃 قـتلته بدمٍ بارد دون اي يرف لجفني اياً من الندم والحزن ! سلب مني جـنـه ! ف سلبت منه روحـاً ! كما يقال العين بالعين ! والسن بالسن .. والجروح قصاص ! هذا مافعـلته لأطلب من الله المغفره ي اخــي بقلب ذليل ! ولأطلب بـعـده الِحل منك ! لأصل بها الـى نـهايـه مأساتي ومأساتك ! لتكُن معي من بعد هذه الليله ! كالظل لايفارقني .. .. لــتــكــن ! __ يحيى : حسيت بالراحه مثل الهواء البارد يهب ع قلبي وصدري قطع عليه ليث اللي صد بقهر وضيق : خلاص تكفى !! خلاص !! بلع ريقه يحاول يمسك دموعه ولاينهار !! غمض عيونه بغصه ! يحيى بحزن : ادري انت حاط ببالك ان يوسف اللي قتله ! لان عيونك م كانت تشوف الا هو وابوك وامك بس ! يوسف قدامي مثل الحاجب يفصل بيني وبينك ! كنت ابي اخذ بثاري ! ابي انتقم لأمي ! ضحك بسخريه بهاللحظه رفع عيونه ليث له يطالع فيه باستغراب ! يحيى بسخريه ابتسامه : تـ..صدق يوسف كان ضابط دوره م كنت بوعيي باللي كان يقوله بسبب المرض كنت بس بمكان بعيد بعيد عنكم ! تفكيري كله بأمي وكيف اني بدفنها ! كيف شعوري وقتها ! م همني باللي سواه يوسف ولاشي ! جـ..دي هو اللي طلب من يوسف انه يلحقني حتى يوقفني ! كان هو معي ضد اللي يسويه ابوي فيني وفي امي ! خبيت عنه مرض امي لرغبتها ! م تبي جدي يساعدها ! بغصه كمل : حلفتـ..ني ع القرآن اني م اطلب منه شي ! كنت اشوفها كل يوم تموت قدامي الف مره ! هز راسه بضيق بدموعه اللي نزلت بضعف : بـ..س ماكان بيدي لاحول ولاقـ..ـوه ! اشوفها تبكـ..ي من الالم ولاشافتني مسحت دموعها وضحكت من ورا قلبها ادري ! بس م تبي تخوفني ! ليث بهمس : متـ..ى تزوج ابوي امك؟ يحيى : بعد م جيت انت ع هالدنيا قالو مستحيل ان امك تحمل مدري وش السبب ناسيه ! فتزوج امـ..ي ميسوره الحال تبي الستر ! ع اخر لحظه كان يبيها تحمل وحملت كان يبي عيال وبنات يشيلون اسمه ! بس قبل م تولد امي باسبوع ! طلب منها تجهض وقال لها بيطلقها ! ضحك بسخريه : لحظه طيش منه ع قولته وانه ندم م يبي الا زوجته الاولى وولده ! رفضت امي انها تجهض بعد هواش ومشاكل اقسم وبالقران حلف انه ماراح يعترف فيني وانه بيوريها الويل والعذاب بحياتها ! وكان قد كلامه ! ربيت ع ايدها هي بس ! وع جدي اللي ساعدنا من فتره لفتره وان كان ينشغل بس كان م يقصر معي ! امي يتيمه ! وهذا اللي كسر ظهرها زياده ! مالها سند تستقوي فيه ضده ! طول هالسنين متحمله صابره ! الا بمرض السرطان بالدماغ ! اللي هو ورثته من بعد وفاتها ! بس هي ماتت بدون علاج عكسي ! ليث بقهر : طيب ليش دخلني للمصحه ! وليش سجن امي ؟ يحيى بآسى : يكرهك ويكره امك .. الـــــــــــــــــبـــــــــارتــــ 4⃣8⃣3⃣ ... 📖🖌 @storykaligi 🔮🍃 بـرر لي ماذا يحدث من حولي ي اخـي ! لـعلي أاخـذ من شفتيك الاجابه ! ليصمت بها هواجيس عـقلي ! _ عقد ليث حواجبه :يكرهني ؟ يحيى : انا اقولك بظني يكرهك بسبب اللي سواه ابوي ! جدي يخـ..وفني ي ليث ! الحقد لا كان بقلبه ! يكبر سنين وسنين ! مره تشوفه صديقك ! وباقي المرات تشوفه عدوك! م كان لي علم باللي سواه فيك ! الا يوسف قال لي البارحه كل شي ! قبل م اروح للمقبره ! هز راسه ليث بعدم تصديق : طلعني من المصحه ! وطلع امي من السجن ! بلحظه ندم يعني ؟ يحيى بندم وتأنيب : سامحني لو م صار اللي صار بذيك الليله ! كان انت الحين مرتاح ! ابتسم ليث : كل تبن بالله ! رب ضاره نافعه ! رفع يحيى حاجبه : نعم ارجع قولها ! صدمه م توقعت هالكلام يطلع منك ! مثقف ! تجهم وجه ليث بقهر رفع ايده : ناوي اصفقك مره ثانيه !! ا ابتسم يحيى : لاتكفى والله مافيني حيل ! ليث : اعقل يحيى بتنهد نزل راسه من تذكرها ! عقد ليث حواجبه من ملامحه اللي تغيرت بسرعه ! : شفيك ؟ رفع عيونه يحيى له بندم : اليوم ! هاوشت هاجر ! عقد ليث حواجبه : هاجر مين الممرضه ! يحيى : ايه ! تعدل ليث بجلسته باهتمام : ليه شصار ! يحيى : كنت معصب بعد اللي صار ! دخلت وسألت عن رحله علاجي وقلت لها اني هونت فتحت علي سالفه اتعالج والخ ! م تحملت وانفجرت عليها كله يهون ! الا اني طردتها وقلت لها لاتناشبني ! توسعت عيونه بصدمه : وجع ! يحيى تأنيب ضمير : تخيل ! اشوف الدموع بعيونها بس انا حمار من عصبيتي م مسكت نفسي وكملت طلعت بدون م تنطق بحرف ليث : والله بعذرها تخاف شايفه اسد يزأر بوجهها ! طالعه يحيى بحقد : انا افضفض لك وانت تطقطق ! قام : اسمعني انا بطلع الحين للحب حقي ! تدري لو م دخلت المصحه ولاصار كل هذا ! كان ماعرفتها ! ولاتزوجتها ولاصارت قطعه من روحي يحيى : انا وين وانت وين ! ليث بخبث قرب واستند بايدينه ع السرير وهو يطالع بيحيى غمز : لايكون تحب هاجر ؟ يحيى بجرأه : والله شكل هذا اللي صاير معي ! رفع ليث حاجبه بدهشه : يمه ي سريع الاشتعال انت ! تأفف يحيى استقام ليث بوقفته : اسمعني بروح اقولها تمرك وانت كلمها واعتذر واكذب كذبتين ترا جنس حواء لطيفين ويحنون بسرعه الا زوجتي لسانها مترين شاذه عنهم ! الله يعيني نزل راسه يحيى وضحك عفس وجهه بألم من جرحه : الله ياخذ عدوك والله م اتحمل ! ليث : تستاهل ! يالله بناديها لك يحيى : اوك طلع ليث وهو يمشي بالممر صادف هاجر واقفه مع الممرضه تكلمها ! قطع حديثها ان يحيى يبيها رفضت بس اصر عليها حتى وافقت بعدها طلع من المستشفى وهو بيركب سيارته قطع عليه رساله من جده انه يبيه ... الـــــــــــــــــبـــــــــارتــــ 5⃣8⃣3⃣ ... 📖🖌 @storykaligi 🔮🍃 عقد ليث حواجبه باستغراب ! هز كتوفه بإهمال ركب سيارته وتوجه له للقصر بعد م وصل سحب فرامل ونزل طالع بالقصر لثواني ! تنهد ومشى له فتح الباب ودخل بكل هدوء توجه للصاله شاف جده قاعد ع الكرسي : توقعتك بتطنش ! ابتسم ليث بسخريه : اطنش ؟ لا مؤدب انا الجد بتنهد : ابيك تقنع يحيى انه يتعالج ليث ببرود : لاتتدخل فيه انساه بعد اليوم! طالعه الجد بصدمه وقف ع حيله بقهر : موب انت اللي تمنعني عنه ! تخسى !! ليث بابتسامه : الا انا اللي بهتم فيه مالك شغل فيه ! م يكفي انك فرقت بيننا وزرعت الحقد بقلوبنا! الجد بعصبيه : انا اللي جمعتكم انا ! ليث باستغراب : انت ليه كارهني ! ليه تسوي كل هذا فيني وفي امي ! طالعه جده بغصه وقهر : قلبي موب بايدي ! بعد اللي صار بيحيى وامه ماعاد اواطن ابوك ولا اواطنكم ! ابيكم تحسون باللي حسه ! ليث بنرفزه : وش هالتفكير اللي عليك بديت اشك ان فيك انفصام !! الجد : ذقت اللي صار !! ذقته من اجهضت زوجتك حسيت بالقهر اللي انا حسيت فيه !! من يومي عارضت زواج ابوك بأمك ! بس ماسمع لي !! هو السبب بكل اللي صار هو !! ابتسم ليث بسخريه قدر : انت مو طبيعي !! تحرمني من ولدي !! بغيت تموت زوجتي بسبب افكارك ! الجد : حسيت كل هذا بس عشانه هو !! ضرب ليث بايده ع الكرسي اللي قدامه بعصبيه : حسيت بأنجس انسان شافته عيني بحياتي كلها !! خل كل هالاملاك لك وفلوسك ونفسك وكل شي ! محد يبيك ! محد يبي يعيش مع واحد مزروع بقلبه الغل والحقد ! انساني انا ويحيى وعمي وكلنا! عيش مع نفسك انت محد يبيك !! محد!! دمرت حياه كل واحد فينا وناوي بعد تكمل ؟ الجد بعصبيه رفع العصا بوجه ليث : اي بكمل ابوك ذووق اخوك وامه الويل وهاذي هي جزاء الدنيا ! م يضيع حق المظلوم عند ربه .. ابتسم ليث بسخريه : صادق بالله بكلامك ذا !! قلته ابوي اللي ظالمهم مو انا ولا امي ! بس قلته انت كارهنا ! فلقيت هالشي مبرر لنفسك باللي تسويه! هز راسه ببرود : ماعاد يهمني شي ! واتركه حتى هو م يبيك كرهك ! م ينلام الجد بعصبيه : انا صح اكرهك بس شايف الجرح اللي تحت شفايفك !! هالخياطه القديمه ! تدري من سوا ذا فيك ؟؟ ابوك !! ابوك اللي كان بيقوم الدنيا عليك بس لان درجاتك زفت بدراستك وانت بصغرك ! ومين منعه من بعد م جرحك وحتى م يكمل عليك انا ! بس حسافه اخخخ عمرك ماراح تشوف الخير دام قلبك اسود ! ابتسم ليث بسخريه : مشكور م قصرت بهدوء لف وعطاه مقفاه متوجه للباب تارك جده وراه يصارخ ب عصبيه وانهيار طلع من القصر ركب سيارته ارسل لحور انها تتجهز حتى يمرها وياخذها ... الـــــــــــــــــبـــــــــارتــــ 6⃣8⃣3⃣ ... 📖🖌 @storykaligi 🔮🍃 " يحيى " بلحظه رفع عيونه لما فتح الباب اخذ نفس عميق الا بخطواتها الهاديه باتجاهه ببرود همست : نعم رفع نفسه بشويش واستند ع المخده باهتمام بلع ريقه : ادخلي ! تقدمت بخطوتين وببرود : شبغيت ! يحيى : طيب اقعدي بكلمك ! هاجر : اخلص قول اللي عندك مشغوله تراي ! يحيى بتنهد واستسلام : تكفين لاتطالعيني بهالنظرات ! والله قلبي مأنبني ومتندم ! هاجر : خلصت ؟ يحيى بجرأه انفجر : ابيك ! والله وابيك تناشبيني بحياتي كلها وتكونين معي والله اسف والله مو مرتاح طول يومي لانك زعلانه خلاص تكفين قفلي هالموضوع ! والله كنت مضغوط مو حاس بنفسي باللي قلته والله خلاص بتعالج والله بتعالج ! بس ابيك توقفين معي وتكونين بجنبي ! جمدت بهاللحظه بصدمه بكل كلامه اللي سرده بدون م ياخذ نفس حتى! اخذ نفسس عميق وتنهد وبهدوء : ابيك ع سنه الله ورسوله توسعت عيونها بصدمه ! _ " ضاري وامل " ارسلت له : معليش تأخرت فز قلبه من شاف اسمها فتح المحادثه ورد : لاعادي اي وش تسوين الحين ! طالعت بالسقف بفرحه تجهل سببها نزلت عيونها لجوالها وكتبت : ابد قاعده بغرفتي طفشانه اخذ نفس عميق غمض عيونه : قول لها ي ضاري قول لها فتح عيونه وكتب : طيب ابي اقولك شي بخاطري من فتره وماقدرت اكبته والله ! عقدت حواجبها : قول ! عسى ماشر ! ابتسم : خير والله ماهو شر ! ينفع ادق ؟ استعدلت بجلستها من قرت هالكلمه بتوتر : اي ؟؟ او لا ؟؟ اوووف لا لا خليه يدق ي امل وشوفي وش عنده ! تنهدت بهدوء تحاول تتمالك اعصابها ارسلت له : اوك اتسعت ابتسامته طلع واتصل مغصها بطنها من شافت ضاري يتصل ! هفت ع وجهها بايدينها تحس بحراره !! اخذت نفس عميق بتوتر فتحت الى م وصل لمسامعها نبره صوته الدافيه : الو ! امل؟ غمضت عيونها بقوه وكأنها اول مره تسمع اسمها بصوته .. _ " ليث وحور " وقف بسيارته قدام العماره وهو يطقطق باصابعه ع الدريكسون بانتظار الى م طلعت فتحت الباب وركبت اتسعت ابتسامته وتنهد : اخخخخ اخيراً ! اشتقت اشتقت اشتقت ! قفلت الباب ولفت عليه بابتسامه : حتى انا لف لقدام وحرك السياره مسك ايدها ورفعها لشفايفه وباسها بقوه نزل ايده وهو مشبك اصابعه باصابعها : لاكذابه انا اللي اشتقت ومو كثري بعد ! لف عليها وميل راسه بابتسامه : ورانا ليل طويل طويل طويل ! انقبض قلبها بهاللحظه الا ضحك بخبث لف للطريق : مافيه مفره مني بهالليله ... الـــــــــــــــــبـــــــــارتــــ 7⃣8⃣3⃣ ... 📖🖌 @storykaligi 🔮🍃 عيـنـاكِ تأسرني ! عـمّـا اتـحدث ي طـفلتي ؟ ي مـلاكي ! أاتـحـدث عن جـمـالهما ؟ آم لـفـتـنـتـي بـهما ؟ آم اتـحـدث عـن نبـره صوتك المـفـتون ؟ كـترانيم ضحكتك ع سبيـل المثـال تـجعـل من قـلبـي مرتـبـكاً بـنبـضـاته ! وشـفـتيك ؟ لـتـصـمـت الأنفـس عند رؤيتــها ! _ " ليث وحور " دخلو للفندق وتوجهو للجناح الخاص فيهم ! فتح الباب ودخلها ودخل من بعدها ليث : شوفي الغرفه هناك نهايه الممر ع يسارك انا بدخل المطبخ باخذ لي مويه عطشان ! همست : اوك توجهت للغرفه نزلت عبايتها فتحت الدولاب عـلقتها فكت شعرها اللي انسدل بنعومه ع وجهها فتحت شنطتها طلعت عطرها وتعطرت رجعته بالشنطه دخلت الشنطه للدولاب ابتعدت بتقفله الا شهقت لما حست بايدينه يحاوط ع خصرها وبخده ملاصق لخدها وبظهرها ع صدره ! اخذ يشم بعمق ريحه عطرها تنهد : ااااخخ اشتقت لريحه هالعطر ارتخت بحضنه بابتسامه ! غمض عيونه ورصها له زياده : اعشـقك ي روح ليث اعشــقــك ! حطت ايدينها ع ايديه اللي محاوط فيها خصرها اتسعت ابتسامتها همس : من بعد اليـوم ماعاد فيـه حزن ! بكون بجنبك ومعك ولا اتركك غمضت عيونها بهمس : هذا اللي ابـ..يه فتح عيونه ولف بخفيف يطالعها فتحت عيونها بهاللحظه ولفت عليه لما حست بحركته ! بقى يتأمل ادق تفاصيل وتقاسيم وجهها رفع عيونه لعيونها وتتنقل نظراته بينهم وبهيمان فيهم همس : انتي مـلاك ! مو اي مـلاك ! لا مــلاكــــي آنـا ! آنـــــــا وبــس ! ودي لو طـول وقتي احــتـضـنك لي بس ! وماتفارقيني ثانـيـه حتى ! ودي ادخل فـيك من قوه م اعـشق وارتـاح لاصرت بقربك ودي ! حط جبينه على جبينها وغمض عيونه وهو محتضنها : انـتي ملكي وحقي ولي انا بس بدقات قلبها بارتباك بمغص ببطنها بفرحه من قربه لها !!! بأطراف ايدينها بردت من قربه م حست الا بدفئ شفايفها بهدوء ع جبينها غمضت عيونها بهاللحظه ! ابعد ايدينه عن خصرها ولفها كلها عليه لتقابله رفع ايدينه واحتضن فيها وجهها بعمق اما هي بايدينها ع صدره رجع فيها خطوه ورا خطوه ورا خطوه ... الـــــــــــــــــبـــــــــارتــــ 8⃣8⃣3⃣ ... 📖🖌 @storykaligi 🔮🍃 قُـــرعـــت الطُبـــــول لــــتُــعــلــن بــها نــهــايــة روايــــةٍ لــن تـــتـكـرر بـمـــسـيـرةِ كـل قـــارئ ! لـروايــة { آهـيم فـي عيـنـآها لأجن بـمـلامـسة شـفتيّ شـفـاهـهـآ } _ " بـعـد ثـلاث آشـهـر " " ٨:٣٣ الـصـباح " عند آبـطـالنا ! فتح باب الحمام وطلع وجهه وباقي جسمه ورا الباب بحلطمه : يالله ي حور بسرعه هاتي لي المنشفه ! اخذت المنشفه من المنشره ع حيلها بخطوات هاديه توجهت له وقفت ع الباب مدته له : خذ اخذها من ايده وابتسم : تسلمين لي ي عيون ليث استندت ع حائط الباب تطالعه ليث بخوف : شفيك ؟ تعبانه لايكون الحمل متعبك ؟ اخذك للمستشفى ! نزلت عيونها لايدها ع بطنها ابتسمت ثم رفعت عيونها له وهمست : لا تنهد براحه :خوفتيني يالله اخلصي طيب روحي البسي بنتأخر ! حور : بالله شسوي انتظرك تطلع بتسبح ! وجع ! اخلص بس سحبته وقفلته طلعت ونزلت لتحت دخلت المطبخ الا بأم ليث للخدم : خذي هذا وهذا رتبي داخل سله ! انتي في يفهم ؟ وانتي بعد خذي اغراض سايق برا اومئو رؤوسهم بطواعيه حور : صباح الخير لفت ام ليث بابتسامه : ي هلا ي يمه صباح الانوار اقعدي اقعدي ي يمه لاتضغطين ع نفسك حور : لاضغط ولاشي بعدين والله مرتاحه ام ليث : للحين تحسين بالمغص ؟ ابتسمت : لا الحمدلله هاليومين خف كثير ام ليث : الحمدلله اكلي شي قبل م نروح للشاليه يالله حور : لا والله شبعانه بفطر هناك ام ليث : افااا وش تنتظريـ.. الا قطع عليها دخول الخدامه : ماما اغراض هادا فين يودي ؟ ام ليث بتنهد : ان لله امشي معي طلعت مع الخدامه اما حور قعدت ع كرسي بطاوله المطبخ بهاللحظه قاطعها دخول ليث بثوبه وشعره مبلول : وين الكبك حقي ؟ لفت عليه باستغراب : حاطته ع الكوميدينا ! رفع حاجبه بدهشه : صدق ؟ م شفته حطت ايدها ع خدها واستندت ع الطاوله : من متى تشوف انت اصلا ً؟ قرب وبضحك مسك ابعد ايدها عن خدها ومسك خدودها : وه بس والله اني من دونك ضايع ابتسمت ومسكت ايدينه وابعدته : عورتني قرب : اموت انا على اللي تعور ! طالعت فيه بابتسامه ولف حوله : م فطرتي ؟ هزت راسها بلا لف عليها ورفع حاجبه باستنكار :نعم نعم ؟ نعم ؟ حور : مالي شهيه والله تجاهلها اخذ قطعه الساندويتش اللي بالصحن ولف عليها مسك حنكها وقربه من فمها : افتحي ابتعدت ع ورا وهزت راسها قرب الساندويش منها بإصرار : والا ترا بالغصب بدخله بفمك ! عفست وجهها بحلطمه وزعل دخله بفمها قرب وباسها من جبينها وابتعد : يالله اخلصي بنتظرك وطلع ... الـــــــــــــــــبـــــــــارتــــ 9⃣8⃣3⃣ ... 📖🖌 @storykaligi 🔮🍃 آصـارع المـرض لآجلـك فأنتي من زرعتـي الأمل بداخلي ي طـفلـتي ! جـعلـتي مني آنـسان مكـافح للحياه وشغوف لـه ! فـقـط عشـقـت وجـودي بـدنيـاي لأنـك بقـربي ! فإبقي دائماً هـكذا ي طفلتي الـعنـيده ! _ " بالفندق " " يحيى وهاجر " بـحـضنه بايدها ع صدره بنوم عميق اما هو دافن وجهه بشعرها الناعم بسواده كالليل الكحيل ! فتح عيونه ببطئ حسها بحضنه ارتسمت ابتسامه ع ثغره غمض عيونه اخذ يشم بعمق ريحه شعرها اللي يداعب انفه ! اتسعت ابتسامته الا بحركتها الخفيفه فتحت عيونها رجعت غمضتهم بانزعاج ! رفعت ايدها ومسحت ع عيونها انتبهت لنفسها بين ايدينه رفعت عيونها الا شافته يطالع فيها ومبتسم ! لاشعورياً ابتسمت نزلت راسها وقامت عنه رفع نفسهه بهدوء يطالعها : تجهزي يالله لانتأخر عليهم اومئت براسها بابتسامه ودخلت للحمام " يكرم القارئ" .. _ " امـل وضاري " واقفه بالمطبخ تحرك الملعقه بكوبها الا فزت بشهقه لما رصها لصدره حطت ايدها ع قلبها : يمه خوفتني حط ذقنه ع كتفها وابتسم : بسم لله ع قلبك وفزته باسها ميلت راسها بضحك : اووف ضاري ابتعد وتنهد : ااااخخ ي حلو اسمي بلسانك ضحكت بخجل : خلاص عاد رفعت كوبها لشفايفها اما هو مستند ع كتفها ويطالعها شربت شوي انتبهت لنظراته ولفت عليه : شفيك ! ضاري : شربيني طيب ي القاسيه ! ابتسمت ورفعت كوبها لشفايفه شرب شوي منه نزلت الكوب ع الطاوله لفها له وباسها بلحظه سريعه : يالله خلينا نخلص ترا فهد مزعجني من امس م نتأخر ! ابتسمت : طيب .. _ " بيت ابو فهد " نزل وهو لابس ومتكشخ بثوبه وشماغه وريحه عطره سبقته دخل بالصاله : الله الله المزيونه وش هالشكخه ! ابتسمت بحياء : يمه منك تروع ضحك وقرب وباسها من خذها وايدها وراسها : وه وه وه وش هالزين وش هالزين ! خقيت لو انك مو جدتي كان اعرست عليك ضربته ع بطنه : ياللي م تستحي رجع ع ورا بضحك : افا الخاله موضي : يبي لك ازوجك انا بس انت اصمل فهد بتنهد : اااخخ اتعبوني البنات ي جده اتعبوني تم زوجيني من بعد ماراحت امل وانا حاس بفراغ دخل يوسف : السلام عليكم لف عليه فهد : وعليكم السلام والرحمه يوسف : واقف للحين ؟ رح اركب سيارتك واسبقنا للشاليه وشوف ليث ويحيى وضاري والباقين فهد : ابشر من عيوني بطلع الحين الخاله موضي : يالله ي يمه يالله فهد ؛ اوك الاقيكم هناك يالله مع السلامه ! طلع وركب سيارته ! الـــــــــــــــــبـــــــــارتــــ 0⃣9⃣3⃣ ... 📖🖌 @storykaligi 🔮🍃 انـي لأسيراً لـكِ ! وآسيراً لـعينـاك فأحتضني كـف يدي بكـفك ولـلتشبث اصـباعي بأصابعك ي ملاكـي ولنـسير فـ دنـيانـا عاشـقين ! _ " بالشـاليه " بعد م وصل فهد نزل وسلم له العامل المفتاح وهو بيفتح الباب الا لف لما انتبه بعبدالمحسن يضرب البوري ! عقد حواجبه فهد باستغراب رفع حاجبه : شفيه ؟ نزل عبدالمحسن دريشه المقعد اللي قبال فهد : يالله يالله افتح لعمك ! طالعه فهد بعدم استيعاب ! الى م فهم تغيرت نظراته لغيض : انت عمي ؟؟ تخسي !! عبدالمحسن بغيض : افتح بس وانت ساكت ! مشى له فهد وفتح الباب وسحب عبدالمحسن من ياقته ونزله من السياره اخذ ايده وحط فيها المفتاح : عناد فيك انت تفتح لي الباب ! عبدالمحسن : لا لا امزح تـ.. قاطعه فهد : اخلص يالله عبدالمحسن بضحك : اعوذ بالله الواحد م يمزح معك ابتسم فهد بثقه : اي م ينمزح معي ! طالعه عبدالمحسن بتكشير لف باستسلام وفتح الباب ركب سيارته فهد ودخل بضحك ع شكل عبدالمحسن اللي يطالعه بغيض ركن سيارته ونزل منها لحقه عبدالمحسن وركن سيارته بجنبه نزل فهد : شكلهم مطولين خلنا ندخل للمجلس ونتكي فيه ع م يجون ! هز اكتافه عبدالمحسن : شورك وهدايه الله "دخلو المجلس وقعدو فيه ماهي الا ربع ساعه بوصول ليث وصل امه وحور ودخلو للبيت ركن سيارته ونزل عقد حواجبه من السيارات ! مشى ودخل للمجلس ! قامو ليث : اوهه من متى جايين ؟ عبدالمحسن : لنا عشر دقايق يمكن سلم عليهم وجلسو ليث : اهلك فيه ؟ فهد : لا بس جيت انا لحالي ! بعد شوي بيجون ليث : اها اوك ! عبدالمحسن : وين يحيى ؟ ليث : مدري والله بس امس استقبلته بالمطار هو واهله وعطيته سيارته ورجعت فهد :كيف صحته؟ ليث : الحمدلله بخير طلع له شعر حتى ! عبدالمحسن : اكيد العلاج بالكيماوي ماهو بالسهل ! اللهم لك الحمد انه ع اخر لحظه اقتنع وتعالج فهد بضحك : غصبن عنه ! حاصل له ممرضه توقف ع راسه هو ! ليث بضحك : سبحان الله كيف صارت من نصيبه ! حط فهد ايده ع قلبه : اخخ توجعت والله متى اتزوج انا متى ! عبدالمحسن : وانت الصادق متى احب ! فهد : لاعاد مقتنع الحب بعد الزواج ! رفع حاجبه ليث باستنكار : تبوني اخطب لكم انت وياه؟ استعدل عبدالمحسن بجلسته : ماقول لا ! ليث : انت الذات كل تبن ! م نسيت الهديه اللي وصلت لك بذاك اليوم هاه من الحب ! فهد بدهشه: اح طلعت مضبط من وراي !! عبدالمحسن : خير خير ! والله من صديقي مبتعث بأمريكا والله ! ليث بتنهد : اها اشوا ! الـــــــــــــــــبـــــــــارتــــ 1⃣9⃣3⃣ ... 📖🖌 @storykaligi 🔮🍃 " إِنَّ مَعَ الْعُسْرِ يُسْرًا " هذا ماذكـره اللهّ جل علاه بـشـرى للمـؤمـنـيـن ! ب حيــاة كل انـسـان ليرى الشـقاء بـطريقه ! لـكـن ! سـرعـان م سـيـزول بـحول الذي لاتـنام عـينـه ليٓحُل مـكـانـه سـعـادة وراحـة ! _ " بالشاليه " نزلو الخدامات وبدو يرتبون الاغـراض بالمطبخ والقهوه والشاهي ع الطاوله والموالح والفطور ع طـاوله الطعـام ! ماهي الا ثواني من وصول الخاله موضي و ام فهد بدخولهم : السلام عليكم الكل : وعليكم السلام دخلو ! سلمو عليهم ! الخاله موضي : كيفتس ي يمه ؟ حور بابتسامه : الحمدلله بخير وانتي ؟ الخاله موضي مسكت ايدها : ابد بخير دامتس بخير ي قلب امتس تعالي تعالي اقعدي لاتتعبين نفستس توتس بالثالث ليه مشقيه عمرتس .. حور بابتسامه : والله مافيه تعب ! ام ليث : علميها والله تعبت معها عنيده سحبتها الخاله موضي وقعدتها بجنبها : هاه الترجيع للحين معتس ؟ حور : لا الحمدلله بعد م اخذت ادويتي خف بكثير ربتت الجده بايدها ع كفها : الحمدلله ي يمه الحمدلله افطرتي ؟ حور : ايه ام ليث : لا والله كلها قطعه ساندويتش وحشرها ليث بفمها بالغصب حتى ! ام فهد : افاااا وراه م افطرتي ! حور : مالي شهيه والله ام فهد : م يصير اهم شي الفطور ترا ! الخاله موضي :قومي قومي افطري معي يالله ام ليث : وينه ضاري ي حور ؟ حور : مدري والله م دقيت عليه بس اكيد بيجي الحين ! _ للحظه وصول يحيى ركن سيارته ولف عليها بابتسامه : ادخلي هالباب لفت عليه وهمست : اوكك سحب ايدها وباسها ابتعد وهو يطالعها بهيمان اتسعت ابتسامتها بخجل نزلت من السياره وتوجهت لداخل بعيونه عليها الى ان دخلت للشاليه حرك سيارته وركنها ونزل اخذ نفس عميق توجه للمجلس الا فزو الكل ! تقدم يوسف له :ي هلا والله اسفرت وانورت واستهلت سلم عليه يحيى وباس راسه : هلا فيك فهد : الله وش هالزين وش هالزين! الحمدلله ع سلامتك يحيى : الله يسلمك لف على عبدالمحسن اللي سلم عليه : الحمدلله ع سلامتك يالذيب تو مانور المكان يحيى : بنورك ليث : لاتسلم علي شبعان منك ! طالعه يحيى بغيض : تخسى م نويت اسلم ! فهد : صراحه عجيب ردك بالجبهه الا بدخول ضاري : السلام عليكم فهد : ااااي اكتملو المعاريس اكتملو ابتسم ودخل وسلم عليهم .. الـــــــــــــــــبـــــــــارتــــ 2⃣9⃣3⃣ ... 📖🖌 @storykaligi 🔮🍃 الصـبر ! ثـم الصـبر ثم الصـبر ! وجزاء الصابرون ثواب ! وجزاء بإحسان ! تكبد العناء بحياتـنا ! لـكن ! ثقتنا بالله بأنـها لنهايه صبرنا سـعادة وفرج ! _ " بقسم الحريم " دخلت امل بحيويه : ياصباح الخير والنور وكل شي !! الا ع سلامهم لهاجر لفو لأمل ! ضحكت : شفتك ي هاجر تسبقيني لداخل ترا ! م امداني اسبقك حسافه ! ضحكت هاجر وسلمت عليها : حبيبتي والله اخبارك ؟ امل : بخير ي عيوني وانتي ؟ الحمدلله ع سلامتك هاجر : الله يسلمك ي قلبي ابتعدت وسلمت ع الكل ! لفت لحور وابتسمت : ياي حبيبتي الحامل الكيوت انتي ضحكت حور وسلمت عليها : عقبالك يارب ! ابتسمت امل وابتعدت تطالع بالكل حطت ايدها ع بطنها وبحماس وخجل : ان شاء الله هذا انا ابشركم بأول اسبوع ! شهقو الكل !! تقدمت لها امها وضمتها : صدق ي يمه صدق ؟؟ ضحكت امل : والله امس فحصت ! حور : مبروك يعني بصير عمه ! امل : اشش اش ترا م قلت له ! منتظره الوقت المناسب ! هاجر : مبروك حبيبتي امل : الله يبارك فيك ام ليث : والله اسعد خبر ! امل : تسلمين خالتي ! الخاله موضي : اجل يالله افطري انت وهي اهتمن باللي ببطونكن يالله ! امل بابتسامه : افاا شكل حور مزعلتك ! ام ليث : اي والله بالقوه تاكل شي ! تعبتني معها ! ام فهد : الله يستر لاتلحقينها انتي واتعب معك امل بضحك : لا لا بصير مؤدبه انا الخاله موضي : يالله افطرو قعد الكل ع الطاوله ! _ " بقسم الرجال " دخلت الخدامه حطت لهم السفره ونزلو الفطور لهم فهد : ميت جوع ميت جوع ! يحيى : بشويش والله بتاكل ! فهد : شسوي ! تعبت وانا ادور شاليهات حتى يكفينا عبدالمحسن : بالله اسكت ! انا اللي دورت موب انت ! ليث : والله ي فهد دايم انت جحود ! فهد :يكفي اني اشرفت واعطيك رايي بكل شاليه ! استغفرالله ! يوسف : الا ضاري ابوك وينه ! ضاري : م قدرت والله اطلعه من المصحه رفضو قالو مسموح للاسبوع الجاي ليث : كيف صحته ؟ ضاري براحه : الحمدلله بدأ يستجيب للعلاج فهد : الحمدلله يارب قايل لك هالدكتور يمدحونه ضاري : اي والله صدقت ارتاح معه الوالد ! يوسف : الحمدلله الله يكمله بصحته يارب ضاري : الله يسمع منك يوسف : افطرو يالله ! الـــــــــــــــــبـــــــــارتــــ 3⃣9⃣3⃣ ... 📖🖌 @storykaligi 🔮🍃 كيـفما ي عشيقي من صـدفه لرؤيتي بك مرة ! وتبين لي اعتقادي الخاطئ بها ! انما هي لصـدفـة جميله لـلـقيـاي بـك ! _ " السـاعه ١١ " بعد يوم كامل كله من السوالف والضحك والهبال ك يوم ! سُجّل بأجمل يوم بحياه كل شخص فيهم ! ك حياة جديده ابتدوها من ثلاث شهور ! فقط ! من بعد وفاته ! _ " الرجال " مشغلين الشوايه ومجهزين اللحم وقطع الدجاج بالاعواد والبرقر بحماس وضحك فهد : ي غبي لفه ع الجهه الثانيه ! يحيى وهو ماسك السيخ ؛ ترا بغزه بعينك ! فهد : والله بتاكله انت بنفسك ! حقك ذا فوق انك بتحرقه تبينا ناكله ! تخسى ! يحيى : قرب قرب حتى اشوي وجهك ! رجع فهد ع ورا : يمه قلبي خفت ع نفسي ! خلاص اشو براحتك ! ب ليث ويوسف وعبدالمحسن قاعدين ع الفرشه بالارض مد يوسف فنجاله لليث صب له القهوه ! اخذه يوسف وتنهد : اسمعوني ! لفو عليه ! عقد ليث حواجبه باستغراب ! يوسف : تعالو بكلمكم ! ترك يحيى الشوايه هو وفهد وجلسو عنده ليث بقلق : عسى ماشر ! ابتسم يوسف : لا تطمن ماعاد فيه شر ان شاء الله المهم انا امس كنت مع المحامي وعبدالله ! سمعوه باهتمام بهاللحظه ! يوسف بهدوء : من بعد وفاه جدكم الله يرحمه ويغفرله م قعدت ولافكرت بالورث ولا اي شي ! فهد : ايه ؟ يوسف : ف امس قعدت معهم وقررت ابدأ اوزع الورث وياخذ كل واحد فيكم نصيبه ! فهد بارتياح حط ايده ع صدره : الله ي حلوها هالكلمه بصير غني ! ضربه يحيى ع صدره : انكتم واسمع ! فهد : بشويش ياخي علي ! ليث : طيب ؟ يوسف : الاسبوع الجاي ببدأ بالاجراءات حتى كل واحد ياخذ نصيبه ان شاء الله ع خير ! وطبعاً هالمره بتبدون تديرون الشركات وتستلمون الشغل ! وانا بس بكون لكم مرجع اذا بغيتو شي ! كل واحد بيعتمد ع نفسه وكل واحد بيعول بيته واهله ! كلكم مسؤولين عن رعيتكم ! انا ببرئ ذمتي بعد م تتقاسمون الورث ! ليث : اوك فهد : تم بس متى استلم! يوسف : عيب عليك كأنك م صدقت انه يموت ! فهد : لا استغفرالله والله موب مقصدي كذا الله يرحمه ويغفر له يارب صح انه سوّد عيشتنا يوسف : الله غفور رحيم ! ف كيف بعباده ! م يبي منكم الا السموحه والدعاء ! خلاص انتهت هالسالفه من بعد م اخذ الله روحه بذيك الليله وهو بفراشه كل واحد يلتفت لحياته من بعد اليوم ليث : ان شاء الله _ ملاحظه : الجد توفى بسكته قلبيه بفراشه بنفس الليله اللي تهاوش فيها مع ليث ويحيى ! الـــــــــــــــــبـــــــــارتــــ 4⃣9⃣3⃣ ... 📖🖌 @storykaligi 🔮🍃 وانـي لمتيُم بهواها ! ثم لعـيناها ثم لشفتيها ! ولراحـه يدَيّ بملمـس بيَديْها ، لـفـزة قـلبي بلمـح اسـمها وتـذكر ملامـحها بمخـيلتي ! بـقـت وسـتبـقى من تـمـلـك يـسار صـدري ! _ " الساعه ٢ بعد منتصف الليل " " امل وضاري" بكل حماس واقفه بالغرفه وعاضه ع شفايفها وهي رايحه وراجعه بنفس المكان بانتظارهه ماهي الا ثانيه و فتح الباب ودخل : شفيك من اليوم تسأليني متى اجي انام ! امل بدلع وحلطمه : اوف عاد م اشتقت لي ! ضحك دخل الباب وقفله ولف عليها : اافا انا م اشتاق ! عضت ع شفتها بحماس قرب منها بضحك : شفيك شوي وبتطيرين من الوناسه ! قولي ! مسكت ايدينه واخذت نفس عميق بحماس بعيونها الفرحه : اسمعني ! عقد حواجبه باهتمام : اسمعك قولي قربت منه وهمست بتشديد : انــا حــــامــــل ! جمد بكل خليه ف جسمه اقشعر بصدمه رمش بدهشه وبلعثمه : هـ..ـاه ؟ امل بابتسامه : حامل ! انا حامل ! ضحك بعدم تصديق بارتباك : يعني انا ؟ انا بصير ابو ! هزت راسها بإيه ضحك بفرحه مو مصدق سحبها لحضنه وضمها : ااااخخخخ مو مصدق !! بصير ابو !! ابتعد وهو يطالعها حط ايدينه ع وجهها :بصير ابو !! ضحكت بفرحه الا تنهد بعمق : ااااخ بس اعشقك والله اعشقك محد يعشق كثري انا محد محد وبصوت عالي : محححححححححد حطت ايدها ع فمه :اششش ي المجنون بيسمعونك ابعد ايدها : خليهم يسمعون خليهم ! اي انا مجنون فيك مجنون ! قرب وضمها بين ضلوع صدره وهمس براحه : ربي يحفظـك لي ولايحرمني منك همست وهي دافنه وجهها بصدره ومحاوط بايدينها ع ظهره غمضت عيونهها : اميـن .. _ " هاجر ويحيى " طلع من الحمام وانتم بكرامه نزل تيشرته عن صدره ورماه بإهمال ع الكرسي لف عليها ابتسم وهو يطالعها طالعت فيه بغرابه قرب لها بخطوه ورا خطوه ! حاوط بايده ع خصرها وعيونه بعيونها اتسعت ابتسامتها بخجل يحيى بهمس : ادري طفـشتي من هالكلمه بكثر م اكررها عليك حاوطت بايدينها ع رقبته وهي تطالع فيه : ادري وش هي ! ابتسم : قوليها ؟ هاجر : ناشبيني ي مصيبتي الحلوه نزل راسه وضحك بعفويه ضحكت لضحكته ! رفع عيونه بابتسامه : اخخ بس يازينهم اللي حافظينها ومتمللين من كثر م يسمعونها يازينهم ميلت راسها وقوست ثغرها :مين قال لك اني مليت وانا اسمعها؟ رفع ايده ومرر باصابعه بلمسات خفيفه ع خدها الى م استقر اصبعه الابهام ع شفايفها بعيونه فيها قرب بشويش لحظتها غمضت عيونها لاشعورياً لما حست بشفايفه الدافيه تستقر ع شفايفها ! الـــــــ -🔚- ـــــــبــــــارتــــ 5⃣9⃣3⃣ ... البارت الاخـــــيــــــر 🔮 📖🖌 @storykaligi 🔮 لــروايـة اسـتقـرت بآذهـان الكثير والكثير ! لعـشـاق روايـه قـد تجزأت بيوم كل من عاشقها هـانحن نودّعـها ونشـرف ع ابـواب نهايتـها ! لـكـن ! سـتكون من اجـمل روايـاتي ومن اجمـل م قرأتوها ! لن تــتـكرر فـعلاً لـكـن ! سـتـتذكروها فـقط من بدايه اسْمّي بطـليـها { لــيــث و حــور } _ "لمعشوقينا " بالسرير منسدحه ع جنبها اليسار ومغمضه عيونها تنتظر النوم م حست الا بإيد دافيه يمر من خصرها الى م استقر ع بطنها عقدت حواجبها بدون حركه وبدون م تفتح عيونها م حست الا بأيده الثانيه يرفع شعرها عن رقبتها ببطئ ارتسمت ع شفايفها ابتسامـه عميقه بفرح ! فتحت عيونها بهدوء ولفت عليه الا استقرت عيونها بعيونه بقربه منها ! همس بهيمان : قـولي لي ! وش الحل ! ماعاد اقدر ابعد عنك ! عقلي كل تفكيره فيك ! ويسار صدري محد متملكه غيرك انتي ! وعيوني م تشوف احد سواك قولي لي وش سويتي فيني انتي ! سرعان م تغيرت نظراتها بهيمان همست : تـدري ! عقـلي مو مستوعب اني حبيت انسان مثل جنونك ؟ ابتسمت ؛ مين كان بيصدق ان عشقي بسبب مصحه ! ضحك : افا شفيك علي حور بآسى : غبيه اني فكرت بيوم من الايام اني ابتعد عنك ! بذاك اليوم ! مسكني جدك و قال لي انك مريض صدق ! وانك تتخيل وغيره ! قوست ثغرها بزعل : صاب قلبي وعقلي الشتات والضياع كتمته بداخلي هالشي ! عقد حواجبه باستغراب ! استرسلت بزعل : ودي اصفق نفسي بذيك الليله كيف صدقته كيف !! ثم ابتسمت بهيمان حاوطت بايدينها ع رقبته : بس قلبي م رضى يقتنع بهالشي من يوم بس ! الا زاد عشقي لك ! عشق ابتسم لهاللحظه ! كملت بهيمان وهمس : تعلقت فيك ! روحي والله بروحك ماقدر ع فرقاك ! انجن والله لابتعدت عني ! رفع ايده يلامس فيها اصابعه خدها : حتى انا نزل ايدها لبطنها عيونها تطالع فيه بضحك : سمعت ي يمه انت ! بعدين لاكبرت بقولك قصه عشقي انا وابوك ! ليث بضحك : اخاف يصير مجنون هو الثاني بعد ! ضحك واحتضنت بطنها بايدينها : والله م ينلام دام ابوه وامه مجانين ! حط ايده ع بطنها وهمس : راح ازعجك كل يوم بقولك قصه م قبل النوم ! عنوانها (مجنون عشق له ام لسان ) انفجرت بضحك ضربته ع صدره : اوف منك للحين م نسيتها ! رفع عيونها لها بضحك : مستحيل ! اخذ نفس عميق وهمس : مستحيل انسـى معشوقتي وبيبقى يوم لقياي فيك محفور بقلبي وبعقلي .. رفعت ايدها لوجهه وهي تطالع بعيونه : وانـت معشـوقي اللي لاطال الزمـن والا قصـر ماراح ينساه قلبي قرب زياده لها رفع الفراش وغطى نفسه وهي معه ... #النـــهااااية... #ودمتم... 💙 رواية 💫 (أهيم في عيناها فأجن بملامسة شفتي شفاهها} ... للكاتبة المتألقة / سلطانة كتبتها خلال .. 29 / 5 / 2016 م وحتى 28 / 12 / 2016 م