الفصل 74
الـــــــــــــــــبـــــــــارتــــ 1⃣7⃣3⃣ ...
📖🖌 @storykaligi 💐🍃
الجد بخوف والدموع بعيونه : شفيه !! هذاني هادي قول
عسى عمليته نجحت
l قلبي ماعاد يقوى
ع التحمل ي وليدي قول بشرني ان ضناي عايش
قول اني بشوفه وبكحل عيوني فيه قول
الدكتور بابتسامه : الله كتب له عمر جديد
ابشرك الحمدلله بصحه وعافيه صحيح ان
الرصاصه كانت عميقه بس الحمدلله قدرنا
نستخرجها !
بملامح الاستبشار تهللت بوجيههم بفرحه
والراحه !
لانت ملامح هاجر براحه تنهدت وتنفست الصعداء
بطمأنينه !
الجد بفرحه لف ع عبدالله بعدم تصديق ثم لف
ع الدكتور بلعثمه من فرحه : يعنـ..ـي هو الحين
بخير ؟ وضعه مستـ..قر ؟
الدكتور بابتسامه اومئ براسه بمعنى نعم
وبتنهد : بعد شوي بننقله للغرفه حتى يرتاح
وبياخذ وقت حتى يستفيق من البنج
الجد : ان شاء الله م قصرت الله يجزاك خير ي وليدي
الله يجزاك خير !
الدكتور : ولو هذا واجبي يالله م يشوف شر خطاه السوء يارب
عبدالله : الشر م يجيك !
ابتسم الدكتور وطلع !
ماهي الا دقايق و انفتح باب غرفه العمليات الا بالممرضين
يدفون سريره استعدل الجد بوقفته باهتمام
بحزن من شاف ملامحه ! غايب عن الوعي تماماً
ضاق صدره تنهد بحسره : اخخخ ي ضناي
اخخخ !
دفوه بالسرير لحقتهم هاجر ودخلو للاصنصير
اما بالممر الجد وعبدالله واقفين !
عبدالله بابتسامه : قلت لك انه بيقوم بالسلامه
هذا انت تطمنت الحين !
الجد بقهر : ماهو متطمن قلبي بعد اللي سواه ليث فيه !
عبدالله : تكفى لاتكبر الموضوع ! هو سوا هالشي من
طيشه وعصبيته ! م كان واعي بنفسه !
الجد بقهر وحرقه ! لاتقول موب واعي !! الا واعي ونص
هو ما سمع له ولاعرف اسبابه ! تهور وقتله بدم بارد !
عبدالله بتنهد : تلقاه نادم بالاخير هذا اخوه !
الجد بعصبيه : اخوه وقتله !!! اسمعني ي عبدالله
خلهم يفتحون تحقيق وابيهم يمسكون هالليث ! ابيه يتربى
جمد عبدالله بصدمه : لا مستحيل !! لاتتهور لهالدرجه ! ادري انه غلطان وانا معك بهالشي !
بس والله يبقى اخوه وتراه تعذب كثير ! وبعدين
يحيى لو درى والله ماراح يسامحك !
الجد باصرار وقهر : انت سمعتني ي عبدالله !! لاتراددني !
عبدالله : بس انـ.. قاطعه بعصبيه : عبدالله !
سكت بتنهد وقله حيله : طيـ..ب
_
" ليث وحور "
ع السرير منسدحه وغارسه ايدها بشعرها ومتكئه وهي تطالعه بحزن ! كان بسابع نومه من التعب ومتمسك
بايدها ومشبك اصابعه باصابعها بعد اللي صار
بهلاك روحه بداخل جسده سحبت ايدها بهدوء
من ايده رفعت ايدها باطراف اصابعها تمسح
ع وجهه وهي تشوف التعب بوجهه وحتى عيونه مغمضها
بس واضح انها متورمه من البكى قربت وباست عيونه
بخفيف لمده طويله !الـــــــــــــــــبـــــــــارتــــ 2⃣7⃣3⃣ ...
📖🖌 @storykaligi 💐🍃
" الساعه ٨ الصباح "
" بالمستشفى "
فتح عيونه بخفيف مثل الضباب اللي يغطي ع عيونه
رجع غمض عيونه وهو معكر حواجبه بتألم
وعافس ملامح وجهه بتعب .
رجع فتح عيونه
ببطئ ونظراته تتنقل حوله الى م وضح له وجيه
اللي واقفين ع راسه باهتمام وبخوف !
بجده وعبدالله ويوسف ! زاد من تعقيده حواجبه
الجد بفرحه : الحمدلله ع سلامتك ي ضناي !
رفع ايده ببطئ وغطى عيونه وجبينه يضغط بقوه
مو مستوعب شي !
يوسف ؛ فيك شي ؟ تبيني انادي لك الممرضه !
ابعد ايده عن عيونه يطالعه هز راسه بخفيف بلا
بذبول ملامحه الا ضيق عيونه لما استوعب اللي صار !
همس بغصه : ليـ..ث ؟
طالع يوسف بإبوه بتردد !
الجد بقهر : شعليك منهه !
يحيى بغصه وبالقوه يوضح صوته يطالع
حوله يدور عنه : ليـ..ث ! وينه؟
عبدالله : لاتضغط ع نفسك !
يحيى بقهر : وينـ..ـه ! ابيـ..يـه
الجد بقهر : هو م يبيك م سأل عنك ولا رف
له جفن حتى من قتلك ! وانت تدور عليه !
يوسف بهدوء : يبه !! خلاص عاد هد نفسك !
عبدالله بهدوء يبي يهدي الوضع : انت ارتاح
ملحوق ع كل شي والله !
الجد بعصبيه : مانيب مخليه يتهنى باللي سواه !!
عقد حواجبه يحيى بتخوف : ليـ..ـه ؟ وش بتسـ..وي فيه؟
تجاهله الجد : انت ارتاح وفكر بصحتك هذا المهم!
يحيى بتوعد : والله لو ادري انـ..ك مسوي شي
فيـ..ـه ماراح اسـ..ـامحك !
حط يوسف ايده ع صدر يحيى : خلاص ارتاح مو زين
لك تتكلم وتضغط ع نفسك وجرحك !
تجاهله يحيى وهو يطالع بجده بحده وخوف !
استرسل بكلامه وهو ضاغط ع نفسه فوق الالم اللي
فيه !! : تسمعنـ..ي ؟ انـ..ت دمرت
حيـ..ـاتي تكفـ..ى لاتدمـ..رها اكثر من كـ..ذا !
طالعه الجد بصمت وغصه !! كأنه انطعن بزياده بكلامه !! صد وطلع من الغرفه ! بهاللحظه بيحيى رفع
عيونه يطالع بالسقف بتنهد راسه مشوش !
بألف فكره وفكره ! وضياع ! ضاق صدره !
كأنه بكذبه
و وهم !! مو راضي عقله يقتنع باللي صار !! غطى وجهه بكفوفه وتأفف بقلهه حيله طلع يوسف للممر لما شاف ابوه قاعد
ع الكرسي ويضرب بعصاته بالارض بحده وقهر
وقف قباله يوسف بهدوء يطالعه !
الجد بقهر وهو يطالع بالارض : لاوريه هالليث !! بخليهم يسحبونه للسجن !
يحسب ان هالشي لعبه !! ما راح اعديها له دام
راسي يشم الهوى
يوسف بهدوء : ولا راح تسجنه !
رفع الجد بعيونه بهاللحظه بجمود بيوسف !! اللي استرسل ببرود : يحيى غلط ! حتى ليث غلط !
ليه تستر ع واحد وتغفر له والثاني تدور له الفضيحه !
طالعه الجد بقهر : ماهو انت اللي تحكمني !! ابتسم يوسف ببرود : انسى هالشي ! لاني قفلته
وانهيت الموضوع قبل توصل للشرطه والتحقيقات
جمد الجد بصدمه ....
{ أهيم في عيناها فأجن بملامسة شفتي شفاهها }
💐🍃💐🍃
🍃💐🍃💐🍃
📚 😍 📜
الـــــــــــــــــبـــــــــارتــــ 3⃣7⃣3⃣ ...
📖🖌 @storykaligi 💐🍃
الجد بحده مو مستوعب وقف ع حيله : وش تقـ..ول ؟
الا بلحظه دخول فهد بابتسامه :
تطمن ي جدي ماراح تقدر تضره
هالمره !
لف عليه الجد بصدمه !
وقف قباله فهد واتسعت ابتسامته : السلام عليكم
لف الجد ع يوسف باستغراب : وش مخبص انت من
وراي !
فهد ببرود : اذا انك تحاول تدخل ليث للسجن
عشان اللي صار البارحه ؟ فلا تحاول لاني حليت
الموضوع وتقفل ع انه كان يحيى ينظف السلاح وطلق
بالغلط ع نفسه !
لف يطالعه الجد بعصبيه وبحده نزراته
فيه !
يوسف : خلاص ماتعبت انت ناوي تدمره بعد!! الجد بعصبية انفجر : أنت وش لقفك وش لقفك وش دخلك باللي اسويه !! انا جدهم انا ..
يوسف بهدوء : وانا عمهم ! يكفي اللي سويته كل هالسنين
كلن كان تحت امرك ومشورتك ! تحكمت فينا لين م قلت
امين ! الشيب غطى لحيتك
وفيك حيل تكمل اللي سويته فيك حيل ؟؟
دفه الجد بقوه وعصبيه ورفع العصا وبتهديد : والله لو ادري انك متدخـ..ل بشغلي والله لاتشوف
شي انت م يعجبك ! وعيالك معك ! تفهم !! فهد ببرود : جدي !
طالعه بعصبيه وصراخ : مانيب جدك !
اصص ولاكلمه انت !
فهد : لو درا يحيى باللي بتسويه باخوه والله ماراح يسامحك اذا انك تهتم له !
الجد بعصبيهه : انكتم! قطع الله هالحس !
الله يقطعكم من هالدنيا !!
مشى باستعجال من عصبيته وطلع من الممر
رفع حاجبه فهد باستنكار وهو يطالع بجده الى م اختفى
عن انظاره ! تنهد ولف ع ابوه : والله يبه شكله مريض جدي !
يوسف بتنهد : هذا طبعه من يومه ماهو مريض
فهد : الله يعين ! يحيى قايم ؟
يوسف : اي عبدالله عنده
فهد : بدخل اسلم عليه اجل
يوسف : ادخل ادخل وانا بطلع ادق ع ليث !
مدري وينه
فهد : بعذره والله يختفي تلقاه يلوم نفسه !
يوسف بتنهد واسى : الله يعيـ..ن يالله ادخل له
اومئ فهد راسه بطواعيه ..
_
"يحيى "
بحده : افهم قلت لك مابي !
عبدالله بترجي : يحيى تكفى والله مو من صالحك العناد
يحيى بقهر واعصابه تالفه : عبدالله ! انقلع برا !!!
دخل فهد وعقد حواجبه باستغراب من النقاش
اللي احتد !
انتبه له عبدالله واستعدل بوقفته بهدوء : حياك فهد حياك
لف عليه يحيى يطالعه باستغراب !
ابتسم فهد وقرب وسلم ع يحيى وابتعد : الحمدلله ع سلامتك خطاك السوء ..
عقد يحيى حواجبه باستغراب : الله يسلـ..مك مين انت؟
اتسعت ابتسامته : ولد عمك يوسف !
سرعان م تجهم وجهه وصد ! عقد فهد حواجبه
من رده فعل يحيى عقد فهد حواجبه
صد يحيى بتأفف
عبدالله :وين ابوك ؟
رفع عيونه فهد : طلع بيروح يتصل ع ليث بيدوره
بهاللحظه رفع عيونه يحيى باهتمام من سمع اسم ليث !!
الـــــــــــــــــبـــــــــارتــــ 4⃣7⃣3⃣ ...
📖🖌 @storykaligi 💐🍃
يحيى بغصه : وينـ..ـه ؟ لقـ..ـاه؟
نزل فهد عيونه له : لا بس بيروح يشوف وينه
ارتخت اكتافه بقله حيله ويأس باستسلام
صد وبهمس : ابي ارتاح
عبدالله : طيب
طلعو فهد وعبدالله من عنده بهدوء بهاللحظه
غطى يحيى وجهه بلحظه م تمردت دمعته غصب عنه!! بالنسبه له كل شي انتهى بدنيته !! انتهى !! عض ع شفايفه بقهر وده لو انه يكسر كل شي
وده لو ان روحه تنتزع من جسده بهاللحظه بانهيار
تمنى لو انه استسلم لموته من سنين ! نزل راسه ع المخده
باستسلام وضعف نزل ايدينه يطالع بالسقف
والدموع بعيونه رفع ايده لقلبه اللي يحترق !! محد بيقدر يطفي هالنار اللي بداخله محد !!
غمض عيونه وهو يتنفس ببطئ مثل اثقال الجبال ع صدره
مكتوم !! مخنوق !! نفسيته دمار محد بيحس فيه
محد !! الا بهاللحظه قطع عليه دخولها بهدوء وببشاشه : السلام عليكم ! الحمدلله ع سلامتك
نزل عيونه لها بهاللحظه من سمع صوتها !
وسرعان م عقدت حواجبها من الدموع اللي بعيونه !
انتبه لنظراتها صد بسرعه مسح عيونه بعنف
واخذ نفس يحاول يتصنع القوه والهدوء قدامها
قربت له وهي تطالعه باستغراب : فيك شي !
صد من دون م يطالعها وهمس بدون نفس : لا
عقدت حواجبها قربت وجلست ع الكرسي مقابل له
تنهدت :يعني بحالتك ذي ماراح تقدر
تسافر لالمانيا حتى تكمل علاجك!! رفع عيونه لها لجزء من الثانيه يطالعها ارتبكت من
نظراته بهاللحظه ! الا اردف بحده : علاج ماراح اتعالج ولاراح اسافر !
جمدت بهاللحظه بصدمه
تطالعه !! استقامت بوقفتها بدهشه : من جـ..دك ؟
صد بقهر وهو وده لو انه ينفجر !!
هاجر بحده : انطق !! انت تتكلم صدق ؟؟ صاحي؟ تبي تترك العلاج وانت ببدايته ليش طيب ؟ حرام عليك ! جدك سعى لك بالعلاج
والمستشفى والطياره وكل شي ! وانت ع اخر لحظه تعاند؟ م ع كيفك
رفع عيونه بنظرات حاده فيها !
استرسلت بكلامها بقهر : اااي مو ع كيفك ! كل اللي حولك
متجهزين لفتره علاجك ولكل شي ! بعد محاولات فيك حتى
توافق ! وبالاخير بكل برود ترفض !! ليش ؟؟ انهبلت !! استفزته زياده فوق العصبيه والقهر اللي مكبوت بداخله
هاجر : فكر فيهم
الا قطع عليها صراخه اللي ارعبها رجعت ع ورا خطوه
بخوف بوسع عيونها فيه وبحالته !! : ماابي احد !!! كل اللي حولي
كذب وهم كلهم محد جنبي
انا راضي بموتي راضي
وياليت اندفن بقبري اليوم قبل بكره !! خلاص
مابي اشوف هالنظره بعيونك ! مابي !! لاتناشبيني
اطلعي اطلعي ولا اشوفك جايه !!
لاشعوريا امتلت عيونها بالدموع بغصه لفت وطلعت!
الـــــــــــــــــبـــــــــارتــــ 5⃣7⃣3⃣ ...
📖🖌 @storykaligi 💐🍃
توجهت لغرفتها وفتحت
الباب بهدوء عليه وقفت وهي ماسكه مقبض الباب
تتأمله بآسى ! زفرت بضيق دخلت وقفلت الباب
بهدوء وتوجهت له قعدت ع طرف السرير تطالعه
وهي تشوف التعب بوجهه والذبول اللي اكتسح ملامحه
ودها لو انها تاخذ من الهم والحزن اللي بقلبه
حتى يرتاح ! م جفى عيونها بالليل كله !
من نوبات الهلع اللي فيه ! من الكوابيس اللي عكرت
نومه ! يردد وهو بوسط سباته اسم اخوه !! يردد م قتلته ! م قتلته ! قوست ثغرها بزعل عليه
تجمعت الدموع بعيونها !
رفعت ايدها ومسحت بسرعه دمعتها اللي تمردت من عينها
و انتبهت لشاشه جواله اللي تأشر برقم متصل كان صامت!
عقدت حواجبها اخذت جواله من ع الطاوله وشافت اسمه !
رفعت عيونها لليث تطالعه بغرابه ! ثم نزلت عيونها لرقم
يوسف ! اخذت الجوال وقامت بكل هدوء وطلعت دخلت
المطبخ بفضول وخوف اخذت نفس عميق
فتحت الخط وهمست : الو
يوسف باستعجال : الو ليث !
الا سرعان م عقد حواجبه من صوتها اللي وصل لمسامعه : مين ؟
حور : انا زوجته شبغيت !!
يوسف : هو عندك ؟؟ حور بغيض : ليه تسأل ؟
يوسف : اذا هو عندك عطيه الجوال بسرعه ابي اكلمـ..
قاطعته بحده : شتبي فيه !! م يكفي اللي سويتوه فيه ما يكفي !
يوسف بشك : تدرين يعني باللي صار ؟
حور بحده وقهر : اي ادري لاتدق ع هالرقم
فكوه منكم !
يوسف : خليه يتطمن ترا يحيى عايش وهو بصحه
زينه الحين ! واذا ع الشرطه والتحقيق ! قولي له
اني دبرت الموضوع وغطيت عليه وانتهى ! ماراح يصير له شي ! خليه يرتاح !
بهاللحظه كأن الدنيا فتحت ابوابها لها
بفرحه تهللت وجهها من صدمتها امتلت عيونها بالدموع
بلعثمه بشعور الارتباك م تدري تبكي والاتضحك حتى ! : صـ..
انقطع صوتها من فرحتها بكت !! خانتها دموعها
يوسف : خليه يتطمن ! ماراح يصير اي شي يعكره
من بعد هاليوم ! ويحيى مسامحه ويسأل عنه ويبيه
اومئت راسها بفرحه لدرجه خانتها دموعها ونزلت !
يوسف : فآمان الله !
قفل الخط بلحظتها نزلت الجوال بصدمه بفرحه
ركضت بسرعه للغرفه دخلت وهي تحاول
انها تقومه بهدوء تحاول تضبط حماسها وفرحتها
بابتسامه من بين دموعها قعدت ع طرف السرير
تهزهه ع خفيف : ليـ..يث؟ ليث قوم فتح عيونك
رفعت ايدها تمسح ع وجهه : ليث !! قوم قوم قوم
يالله !
مسكت ذراعه تهزه وهي متشققه من الفرحه : يالله عاد وش هالنوم !!! اووووف !! قوم يالله
ليـ..
عقدت حواجبها ما يتحرك ابد ! حتى تنفسه م تلاحظه!
تجهم وجهها وتغيرت ملامحها بخوف وشك ! انقبض قلبها
هزته بخفيف برجفه
م تحرك مثل الجثة
جن جنونها بهاللحظه ...
الـــــــــــــــــبـــــــــارتــــ 6⃣7⃣3⃣ ...
📖🖌 @storykaligi 💐🍃
بهاللحظه فزت
مرعوبه تهزه
تحس انها بتموت من فجعتها
جمدت بهاللحظه لما شافته فتح عيونه وفز مرتعب بوسع عيونه : شفيه !
لاشعورياً قوست ثغرها بضيق نزلت دموعها
وهي تطالعه
انقبض قلبه بخوف : حور تكفين قولي شفيه شصار الشرطه هنا صح صح ؟
ارتد ع ورا بخفيف لما ارتمت بحضنه ومحاوطه رقبته
بقوه عقد حواجبه باستغراب وقلبه مثل الطبول
اجهشت بالبكا من فكره بس انه يموت ويخليها!! شدت عليه بقوه اما هو مستند بايدينه ع الفراش
وهي بحضنه يطالع بالغرفه بفراغ وبصدمه مو مستوعب
اي شي ! : شفيه ؟
همست بضيق : مافيـ..يه شي بس خفت انك طولت م قمت !
بهاللحظه تنفس الصعداء ارتخت اكتافه
لانت ملامحه واعصابه زفر بعمق
رفع ايده لعيونه يمسح عليهم بضغط وارهاق وهي بحضنه م ابتعدت
عنه !
تنهد بغصه : خوفتـ..يني قلبي والله ماعـ..ـاد فيه حيل يتحمل
رفعت ايدها عن رقبته ومسحت دموعها بسرعه وابتسمت
وابتعدت وهي تطالعه بقرب منه وعيونها بعيونه !
اتسعت بابتسامه وقلبها يرفرف من الفرحه
بعيونها اللي وضح فيها السعاده : روح خذ لك دش على ما اطلع لك ثوب لضاري دام
انكم نفس الجسم والطول وافطر معي
يالله !
عقد حواجبه وهو يطالعها باستغراب من فرحتها !
مندهش ! كيف انها بهالطاقه والحماس وهي
شايفه مصيبته اللي سواها !
جمد
لما قربت وباست خده بقوه
لمده اشبه بالطويله وابتعدت والابتسامه م فارقت
شفايفها
قامت وهي تطالعه بفرحه ودها لو انها تصارخ
من قوه السعاده اللي بقلبها ! لاول مره تفرح هالقد
بحياتها !! لاول مره
لفت وطلعت توجهت لغرفه ضاري وطلعت ثوب
وكوته اما هو بقى بالسرير بدون اي حركه ! عجز
يستوعب اللي يصير ! ي انها هي تبالغ وتتصنع الفرحه
عشان تنسيه اللي سواه ! او ان فعلاً شي صاير !
غمض عيونه وزفر بتعب فتح عيونه وقام بتعب
بخطوات غير متزنه وطلع من الغرفه توجه للحمام
اللي قباله ودخل لاشعوريا نزل تيشرته
ودخل تحت الدش يبي يريح اعصابه استند
بمقدمه راسه ع الجدار مغمض عيونه
والمويه تنزل عليه بصداع يجتاح راسه من الهم
والتفكير ! بدأ يسترجع كل لحظه صارت
هز راسه يحاول يشتت هالافكار تسبح بسرعه دخلت الغرفه ورتبت السرير وفتحت الدريشه
_
حور
طلعت للمطبخ بكل حماس جهزت الفطور اخذت الصينيه ودخلت للغرفه حطته ع السرير لفت
ع دخوله ضحكت وهو لابس الروب
تنهد : بالقوه قدرت اطلع شكيت ان فيه احد يشوفني كذا !
ابتسمت سحبته : اقعد افطر معي بالاول
اما هو بتعب وعيونه متورمه وبصوته المبحوح : اصبـ..ري طيب بلبس ..
الـــــــــــــــــبـــــــــارتــــ 7⃣7⃣3⃣ ...
📖🖌 @storykaligi 💐🍃
تأففت بحلطمه : يوه طيب يالله بطلع وانت البس
استعجل هاه !
طالعها بصمت اعصابه تالفه تنهد مشت هي وطلعت
وقفلت الباب واتكت عليه بانتظار وبكل حماس
تهز رجلها ع الارض ومتكتفه : ياربي متحمسه
لرده فعله ! كيف ! كيف بيفرح لفت عليه : يالله م خلصت !
همس بتعب : لا
تأففت : يوه اخلص بسرعه
لبس الثوب غمض عيونه بتعب مافيه اي طاقه ولاقوه !
حور بقله صبر فتحت الباب : ماقدر اتحمـ..
رفعت حاجبها : اشوا لبست !
عقد حواجبه وهو يطالعها دخلت وقفلت الباب وراها
قربت له وهي متشققه من الفرحه : خل عنك انا اللي بقفل
الازارير !
نزل ايدينه باستسلام يطالعها بتنهد اما هي بدت تقفل
الازارير بحماس وفرحه عقد حواجبه
وهمس : شفيـ..ك فرحانه ؟
رفعت عيونها لعيونه اتسعت ابتسامتها : ودي والله الف هالدنيا لف من قوه فرحتي !
عكسه هو كان بارد يائس ولاكأن فيه روح يطالعها
بذبول والحزن غطى ع نصف عيونه !
اخذت نفس عميق بفرحه مسكت ايدينه
: اسمع !
طالعها بتعب مميل راسه و يرمش ببطئ حتى بوقفته مو مستقيم
مرتخيه اكتافه بارهاق همس : وشـ..هو ؟
تكلم ببطئ من فرحتها : دق عليك عمك يوسف ! طيب ؟
عقد حواجبهه باهتمام !
استرسلت بكلامها : اصبر بكمل
انا رديت لانك كنت نايم طيب وقال لي !
سكتت بهاللحظه وهي تطالعه !
عدل راسه باهتمام وخوف : اي كملي !
ضحكت بفرحه ونطقت بنفس واحد : قال لي ان
اخوك يحيى عايش وبخير وقام !
بصدمة
توسعت حدقه عيونه كأن قلبه توقف بهاللحظه !! بشعور غريب يجتاح جوفه لدرجه تلثعم
بالنطق واطرافه انشلت من قوه صدمته !
رمش بسرعه بعدم تصديق وهو انفاسه متسارعه : حـ..ـور ؟
شد ع ايدينها وقرب مصدوم مو مصدق : ححـ..ور انتي ؟
انتي صادقه !! هزت راسها بسرعه بمعنى ايه بفرحه : والله صادقه اخوك طلع عايش وقام من البنج
حتى انه سأل عنك يبيك !
سحب ايدينه من ايدينها رفع ايدينه لراسه
لف يطالع حوله بعدم تصديق بصدمه
وهو يتنفس بسرعه : عايـ..ش يحيـ..يى ؟
غمض عيونه بدهشه : عايش !!
ضحكت بفرحه وهي تطالعه ! لفته عليها : طالعني !!
فتح عيونه بعدم تصديق بالدموع من فرحته !
كملت بابتسامه : وابشرك قال لي عمك انه
غطى عليك بموضوع انك اطلقت عليه ! ومافيه لا شرطه
ولا تحقيق حتى !
بهتت ملامحه من الصدمه جمد بدون اي حركه
يطالعها : تمـ..زحين؟
حور بفرحه : والله العظيم والله
هذا هو عندك جوالك دق عليه اذا انت مو مصدقني
ابتعد ع ورا هز راسه بنفي وعدم تصديق : ححـ.
مسكت ايدينه وضغطت عليه : خلاص كل شي انتهى ارتاح ..
الـــــــــــــــــبـــــــــارتــــ 8⃣7⃣3⃣ ...
📖🖌 @storykaligi 💐🍃
ابتسم غمض عيونه واتسعت ابتسامته
زياده براحه راحة
عميقه اجتاحت عواطفه وقلبه !
مثل الهواء البارد اللي اثلج صدره
فتح عيونه يطالع فيه بتمعن شد بمسكه ايدينه
بايدينها وقرب : والله ماقدر احزن وانتي بجنبي
ابتسمت بحيا سحبها وضمها لصدره
بقوه ودفن وجهه برقبتها وبشعرها :
الله يخليك لي ! الله لايحرمني منك
رفعت ايدها وبادلته بالضم لثواني ثم
ابتعدت عنه : يالله افطر وبعده روح له يبيك هو
تجهم وجهه واختفت ابتسامته بحزن وذبول : لا
عقدت حواجبها : ليش لا !! ليث تكفى لاتطول الموضوع
انت اكيد م فهمت اللي صاير !
صد : ماقـ..در
مسكت ايده : الا تقدر ! يالله عاد تكفى قفل هالسالفه
وخلنا نرتاح !
تنهد بعمق : ان شاء الله نرتاح !
لف عليها وابتسم : انتي افطري وانا بطلع امر ع امي
بتطمن عليها طيب !
طالعته بفهاوه وعدم استيعاب : ماراح تفطر معي ؟
ابتسم قرب وباسها من خدها وابتعد : بفطر
معك بكره وبعده وبعده ان شاء الله بس الحين ماقدر
تنهدت : طيب وصل لها سلامي !
ابتسم : اوك
اخذ جواله ومفتاحه : انتبهي ع نفسك
حور : وانت بعد
طلع باستعجال قوست ثغرها : طيب بفطر معه كنت !
هففف !
مشت وقعدت ع السرير بحلطمه صبت لها حليب
وافطرت !
_
" ليث "
ركب سيارته وتوجه باستعجال لامه بعد م وصل
دخل وسأل الريسبشن ودلوه ع رقم غرفتها توجه
لها بسرعه شاف رقم غرفتها اخذ نفس عميق
وفتح الباب بهدوء ودخل رفعت عيونها من شافته
صدت بزعل بهاللحظه ابتسم : افااا افااا معشوقتي امي حبيبتي جنتي زعلانه
مني !! قرب وضمها
دفته : اطلع اطلع مابي اشوف وجهك
شين وقوي عين
عقد حواجبه بزعل : افا م تبيني !
صدت بقهر وضيق : اطلع
عاندها وقعد جنبها وسحب ايدها ومسكها حاولت
تسحب ايدها الا هو متمسك فيها بقوه : جنتي انتي
امه بحده : مانيب جنتك اطلع !!
ليث بترجي : طالعي فيني !
امه بقهر : اطلع
ليث باصرار وملامح استعطاف وزعل : يمه تكفين
طالعي فيني
قرب وباس ايدها ورفع عيونه وهو يطالعها : تكفين
طالعي فيني م تدرين شصار فيني البارح !
سويت حادث ! بكيت بس لاني تذكرت انك زعلانه علي
شهقت بخوف ولفت عليه وعيونها بوسعها فيه
تطالعه بتدقيق : بسم لله عليك !
رفعت ايدها تمسح وجهه وهي تتفحصه بخوف
: شفيه
يوجعك شي ي يمه ؟ عسى م صار لك شي ؟ عسى
م صابك شي ي ضناي وحيدي !!
ابتسم وهو يشوف الخوف اللي بعيونها واللي وضح
بنبره صوتها ! هاذي هي الام !مهما ياخذ الزعل من قلبها
ذره ! يبقى باقي قلبها نقي وابيض
ضمتهه لحضنها الحنون بخوف : الله يحفظك لي ..
الـــــــــــــــــبـــــــــارتــــ 9⃣7⃣3⃣ ...
📖🖌 @storykaligi 💐🍃
" ضاري "
م قدر يرجع للشقه البارحه ! مالقى وقت
من الشغل اللي ع راسه بسبب فهد
طلع من عنده مستعجل امس وترك له
باقي الشغل بالمكتب بالقصر ! م لقى
نفسه الا انه ينام بالملحق قام غسل وجهه
اخذ مفاتحيه وهو طالع من الملحق وقف
لما طاحت عيونه عليها ! لاشعورياً ابتسم
عقدت حواجبها قبل م تركب السياره
بتدقيق ضيقت عيونها
بشك : ضاري ؟
مشى لها : صباح الخير
امل : صباح النور هلا ! استغربت انك هنا
عسى ماشر !
اتسعت ابتسامته : لا بس اني كملت الشغل عن
فهد هنا للفجر صليت وماقدرت ارجع للبيت فيني
النوم فنمت هنا ! ليه فيه شي ؟
ضحكت : لا لا عادي شدعوه ! المهم افطرت ؟
عقد حواجبه : لا تو صحيت برجع للبيت بكمل نومي هناك !
ابتسمت : اهاه اوك عوافي
ابتسم : يعافيك ربي
امل : يالله عن اذنك
لفت بتركب الا بتردد نطق : امل !
عقدت حواجبها لفت عليه : هلا
طالعها بارتباك وتردد : ودي لو اني افاتحك بموضوع
الليله !
امل بقلق : ليه فيه شي ؟! قول الحين
ابتسم : لا لا م يصلح بهالوقت ! عادي اراسلك ؟
طالعته باستغراب الا ابتسمت : اوك ياليت لو
بعد ١١ لاني بكون عند صديقتي بعد المغرب
وجايز ارجع ١٢ او ١١
ابتسم : اوك اللي يريحك
اومئت راسها بابتسامه ركبت السياره وحرك
اخذ نفس عميق وزفر : ااااخ شفيني توترت
قدامها عشان هالكلمتين اوووف !! لازم ي ضاري
الليله تفاتحها بالموضوع لازم !
ابتسم بارتياح وحماس توجه لسيارته وركبها وحرك
_
"بالمستشفى "
" يحيى "
بقله صبر مو طايق اي احد ! اعصابه
متدمره ونفسيته اردى واردى التفكير ارهقه !
واهلكه ! قطع عليه دخول جده طالعه بحقد
ثم صدر بكل هدوء بنبرته الحاده : تكفى اطلع
مابي اشوف احد !
جده بآسى : افا م تبيني !!
يحيى بغصه : اطلع اطلعو من حياتي كلكم
ماعاد ابي احد !
الجد : سمعت انك م تبي تتعالج !!
لف عليه بنظرات حاده بعيونه اللي مايله للاحمرار : هو بقى فيه علاج هي روحي
فيها حيل تتعالج كله بسببك كله ماعاد ابي شي ! خلوني لحالي خلوني مستسلم لموتي
خلوني !!
طالعه الجد بحزن م بقى بخاطره اي كلام انسحب
من الغرفه بهدوء بهاللحظه صد يحيى من قوه قهره
دف الطاوله حقت الاكل لورا وغمض عيونه
من قوه الالم كأن خياطته تمزقت
بهاللحظه عض ع شفايفه بقوه
رفع ايده يضغط ع جرحه ماعاد روحه تتحمل
الم جسده والا الم ماضيه سواد افعاله وقلبه !! ماعاد !!
نزل راسه بلحظه ضعف تأوه !!
الـــــــــــــــــبـــــــــارتــــ 0⃣8⃣3⃣ ...
📖🖌 @storykaligi 💐🍃
كأن الحزن خلقت لعيناه ! وابحر بها قلبه
بعيداً ! تائهاً بين امواجه ! تارة مابين آمل
وتارة مابين يأس تتخلل بها تلك الامواج بجسده
وبعواطـفـه لترفعه عالياً بجزءٍ من الثانية بفرحه
للنجاة وسرعان م تهبط به وتلتهم جسده
لـلدرك الاسفل
_
" الساعه ١:٢٢ بعد منتصف الليل "
بعتمه الليل ! وهدوء المكان وكأنه مهجور !
بغرفته اللي استوطنته وكان فيها وحيد !
طلع من الحمام وهو يسحب
رجوله ببطئ ع الارض وايده ع جرحه عافس
وجهه بالالم مثل النغزات بين خيوط عمليته !
بعد م ضغط ع نفسه اليوم اشتد عليه الالم
م قدر يكمل خطوتين يحس نفسه انقطع
وقف ع باب الحمام واستند بايده ع حائط الباب يحاول يلقط انفاسه
غمض عيونه من الالم
بانفاسه اللي تفصل بينها
الم ! ارهاق ! وجرح يتغلل بوسط قلبه !
بفجوه تركت بصدره فراغ كبير وكبير !
بقوته اللي ضعفت وانهارت ! لتعلن استسلامها لجسده
المنهلك ! طال تفكيره وتجدد معها حزنه وجرحه فتح عيونه من حس بوجود احد معه بالغرفه
وعيونه بالارض انتبه للشخص اللي واقف يمينه
قدام الباب رفع عيونه ببطئ ولف بهاللحظه بشعور
غريب يجتاحه من التقت عيونه بعيون ليث !
اللي واقف بكل استسلام يطالعه مفلوت ايدينه
بالفراغ ! بتفحص بملامح الذبول بوجه يحيى !
نزل عيونه لايد يحيى اللي يضغط عليه بجرحه
عقد حواجبه بآسى ومراره ! كيف قوت نفسه انه
يطلق عليه ! كيف ! رفع عيونه ببطئ ليحيى
رمش ببطئ وهو يطالع بأدق تفاصيل الالم اللي
كسى ع وجه اخوه تقدم بخطوه تتوسطها الرجفه التردد
لبدايه جديده او لانتقام متجدد !
" شلّت الالسن لتكون الاعين هي اعبر الناطقين ! "
ماهي بخطوه الا تردفها بخطوه له ووقف
بجسد يقابل جسد وكأنهم غرباء الاعين بالاعين
بعتاب! بوجع ! ابعد يحيى نظراته وشتتها عن عيون
ليث غمض عيونه بغصه م قدر يتحمل ! ضعف اكثر
واكثر بنظراته ف كيف لو بصوته ؟
م حس الا بإيد دافيه يمسك ذراعه ! فتح عيونه بنظراته
ع ذراعه بدهشه رفع عيونه لليث بصدمه اللي مسكه
واحتوى ايده بمساعده بهمس : بشويش
طالع بليث لجزء من الثانيه بصدمه ! وسرعان م تغيرت
نظراته بليث الى تأنيب ضمير سحب ذراعه بهمس ورجا بضعف : يكفي
النار اللي بصدري لاتزيد فوق عذابي عذاب
لاتساعدنـ.ي وان شفتني ع فراش الموت احتضر
لاتساعـ..ـد ! انا قتـ..لت روح ! ومو اي روح !
بنبره مبحوحه وبكى : ابـ..وي ! قتلــ..لته !
اخذ نفس وتنهد والدموع بعيونه بتخونه همس بغصه : اطلع خلنـ..ي
لمـ..وتي مستسلم مابـ..
منعه من الكلام بالكف اللي استقر ع وجهه
لدرجه من قوته بصمت عميق بعيونه بالارض !من حراره الكف انشل !
ليث بحده وقهر : بتتعالج والا رجلي ع رقبتك تسمع ؟