الفصل 71
الـــــــــــــــــبـــــــــارتــــ 1⃣4⃣3⃣ ...
📖🖌 @storykaligi 🌹🍃
صد ليث بلحظه سريعه ع جنب وضرب
الفازه بالارض ! بلحظه ضاري بشراره
عيونه وبملامحه الشرسه يتنفس بسرعه
فتح عيونه ليث ببطئ !! ولف عليه
اما حور اللي جمدت بمكانها بصدمه
بالدموع اللي بعيونها قوست ثغرها برجفه
باللي قاعد يصير ! قام ضاري بنظره اخيره
وتوعد بليث رفع ايده بكل تهديد : انـ..
عض ع شفته بقهر وغبنه نزل ايده وطلع
من الشقه بسرعه ! نزلت دموعها
لفت ع ليث اللي طايح ع الارض وبشفايفه اللي تنزف
مشت له بخطوات بطيئه جثت ع ركبها بغصه
سحبت ايده من ع شفايفها تمردت دمعتها بضيق
بالحال اللي هو فيه !! طالعها وشاف الدموع بعيونها
ابتسم ولو انه تصنع هالابتسامه بس عشانها رغم
الجرح اللي بشفايفه ونزيفه رفع نفسه بالقوه عقد
حواجبه وهو يطالعها بضحك
يبي يطمنها : افا ليه هالدموع؟ خوف علي ؟
قوست ثغرها زياده بضيق ودموعها تنهمر نطقت
بغصه : ليـ..ث وش قـ..ـاعد يصير ؟
رفع ايده ومسح دموعها باطراف اصابعه بابتسامته
رغم الالم اللي فيه : شفيك ؟ مافيه شي !!! اول مره
تشوفين هوشه ! كأني اول مره اتهاوش وانضرب بالله؟
مسحي دموعك وقومي لاتخافين انا بتفاهم معه
رمشت ببطئ بوسط دموعها هزت راسها : مابـ..ي
اخسرك واخسـ..رهم مابـ..
حط اصبعه الابهام ع شفايفها : اشششش لاتهوجسين
قام ومسك ايدينها وقومها معه اتسعت ابتسامته : بطلع انا الحين وبتفاهم معه
مسكت ايده بقوه : لاتكفى لاتكلمه الحين اخاف
يتهور !
ليث : بكلمه وبفهمه كل شي !! مابي يسوي لك شي
طالعته برجا : وش بيسوي !! انا اخته ! تكفى خلاص
اطلع
ليث بتنهد : اخاف انه يحرمني منك ! عاد وش اسوي
انا وقتها ! بنجن والله العظيم !! مسحت دموعها بعشوائيه : انت قفل هالموضوع انا بتفاهم معه
الا ع خروج ابوها باستغراب وهو مستند ع الباب
بقله حيله : ششفـ..يـ..هه ؟
لفت عليه اما ليث صد عشان ما يشوف
اللي بوجهه !! ابتسمت بارتباك : لامافيه شي يبه
انت ادخل ارتاح وانا بجيب الفطور لك
ابوها بقله حيله وتعب : متأكده ي بنيتي ؟ اسمع
صراخ اخـ..
قاطعته : كان يمزح المجنون نزل يجيب فطور ادخل
ارتاح
اومئ راسه بضعف ودخل بقله حيلته ارتاحت
لما قفل الباب لفت عليه : يالله
لف عليها طالعها بنظرات اخيره !! ابتسم قرب وباسها
بقوه من جبينها وابتعد : والله لايشوف شي م شافه لو
بعدني عنك
اومئت راسها بدموع طالعها بنظرات
حنيه بابتسامه ذبول وطلع من الشقه قفلت الباب
وراه بغصه ماهي دقايق الا فتح الباب بقوه فز قلبها بخوف !
نطقت برجفه : ضـ.. قاطعها بقهر : الحين ضاري ؟
اسمعيني ي بنت ابوك! هالمجنون يطلقك
والا ترفعين قضيه خلع !
جمدت !
الـــــــــــــــــبـــــــــارتــــ 2⃣4⃣3⃣ ...
📖🖌 @storykaligi 🌹🍃
جمدت وهي تطالعه !!
بهتت ملامحها من الصدمه !! لاشعورياً امتلت عيونها بالدموع
نطقت برجفه : ضـ..ـاري تكفـ..
قاطعها بقهر : مادري وين اودي وجههي من الفضيحه
مدري !!! اجل اختي تشتغل ببيت ناس مثل
الخدامه !! وعشان مين ؟ عشان واحد مجنون منحاش
من المصحه !!! وين عقلك وين ؟
نزلت دموعها : والله انت فاهُـ..
قاطعها بصراخ هستيري : خلاص
انقلعي لغرفتك مابي اشوف وجهك !! بعد سواتك ذي لك عين ترادديني !!
سكتت بغصه وانكسار وهي تطالعه بعيونها اللي مايله
للاحمرار بدموع !! ارتدت ع ورا بخطوه
شتت نظراتها لما طاحت دموعها مشت بخطوات
سريعه دخلت وقفلت الباب ..
_
"ليث "
بقهر ركب السياره قفل الباب وهو يغلي من الغبنه : حسبي الله عليك ي فهد
ي مال الحمى اللي تصيبك !!
ضرب بايده بقوه ع الدريكسون بغبنه !! قطع عليه رنين جواله اخذه شاف رقم
عبدالله رد وهو منفس : هاه !
عبدالله باستغراب : فيك شي ؟
ليث : ولاشي اخلص وش تبي ؟
عبدالله: انت عند يحيى ؟
عقد حواجبهه وزفر بقهر : لا
عبدالله : لاعاد موصيك جدك عليه ارجع
له اقعد عنده محد فيه مرافق له غيرك
ليث بتنهد : طيب
م عطى عبدالله مجال يتكلم و قفل الخط بسرعه
ورمى جواله بجنبه باهمال شغل السياره ودعس
بسرعه
بعد م وصل للمستشفى نزل اخذ نفس
عميق وزفر فتح علبه المويه وبلل ايده وهو يمسح
ع شفايفه اللي انجرحت من الضرب اللي ذاقه !! عقد حواجبه من الالم خذ منديل ومسح الدم بخفيف
قفل علبه المويه ورماها بالسياره ودخل المستشفى
وتوجه للغرفه فتح الباب بدون سابق انذار ودخل !
الا بيحيى اللي رافع راسه ومستند ع الجدار وراه
عيونه بالسقف نزل عيونه لما شافه داخل !
عقد حواجبه باستغراب من حاله ليث والجرح اللي فيه
وهو يشوفه يمشي واخلاقه قافله رمى نفسه ع الكرسي
وتأفف بقوه
يحيى باستغراب يدقق بنظراته فيه انتبه له ليث
رفع عيونه له ؛ خير انت بعد فيه شي ؟
رفع حاجبه يحيى الا ابتسم :مع مين متهاوش ي بطل ؟
طالعه ليث بحقد : كل تبن ونام
تربع يحيى بوسط السرير باهتمام عاقد حواجبه ومبتسم
: طار النوم بعد شوفه الاكشن اللي بوجهك !
ليث بقهر وتهديد :ترا مالي خلق لك
لاتخليني اقوم اتوطاك الحين !!
يحيى ببرود يستفزه : اها الوضع يعني م قدرت
على اللي تكفخت منه ف جيت تبي تفرد عضلاتك
علي
م تحمل ليث الا فز وتوجه له مسكه من فكه
بقوه : انكتم
قوس يحيى ثغره باستهبال : يمـ..ه خفت
طالعه ليث لثواني الا صفقه ع راسه بخفيف
بضحك م تحمل حركه يحيى وعباطته مسكه يحيى يد ليث يجلسه قباله ع السرير: اقعد ..
الـــــــــــــــــبـــــــــارتــــ 3⃣4⃣3⃣ ...
📖🖌 @storykaligi 🌹🍃
ضحك يحيى بوسط تعبه مسك ليث وجلسه قباله
ع السرير: اقعد اقعد ضايق صدري
قعد ليث قباله وتنهد
طالعه يحيى بالجرح اللي ع شفايفه ابتسم
رفع عيونه لعيون ليث : عساك اخذت حقك ؟
ليث بزفره عميقه : وين اخذ حقي !
يحيى بفزعه : افااا ! م عاش من اللي م ياخذ حقك
ابشر والله اطلعه من عيونه
صفقه ليث ع وجهه بخفيف : ياخي صاير لك شي ؟ بديت تهستر انت !
ارتخت اكتاف يحيى بابتسامه : من العلاج
المهم قول لي وش صاير ؟
ليث بضيق : الا قول وش م صار
عقد يحيى حواجبه باستغراب !
استرسل ليث بكلامه بفضفضه : تخيل اني سالفتي
كلها مع عمي !
يحيى باستغراب : عمـ..ك ؟
ليث : عمنا ي غبي ! اخو ابونا !
يحيى بعدم استيعاب : اول مره ادري !
استعدل ليث بقعدته باستغراب : نعم تمزح انت؟
يحيى بفهاوه : والله صادق !
ليث ؛ جدي م قد قال لك عنه؟
هز راسه بلا !
ميل شفايفه ليث باستغراب لجزء من الثانيه
ثم اردف : المهم خلني اكمل لك !
عمي ذا !!
سكت لثانيه بغصه ! ثم اردف : قـ..تل ابوي طيب !
بهاللحظه جمد يحيى فتح عيونه
بوسعها بصدمة !!!
" بدأ يكمل كلامه بوسط استماع يحيى له باهتمام
والدهشه كست ملامح وجهه وبصدمه من اللي يسمعه
الى م انتهى من كلامه : بس ذا الاي صاير !
رفع حاجبه يحيى وبجمود ملامحه : قـ..ول انك تكذب ؟؟!!
ليث بتنهد : ليته كذب ! ليـ..يت !
ضحك يحيى بصدمه : مستحيل كل هذا يطلع
من هالكلب !!! انا م يهمني ابوك !! اللي يهمني
ليه سجن امك ودخلك بالمصحه ليه !!
غمض عيونه ليث بتنهد ثم فتحهم يطالعه : ليش كاره ابوي انت لدرجه ان م همك موته !! انقتل !! انقتل ي يحيى افهم !! صد يحيى وبعبق ذكرياته م ينسى كيف الاهانه
والذل والجحد اللي شافه !! كيف امه ترجته
وانخضعت له حتى يكون عندها وحتى يعترف
ب يحيى انه ولده ! غمض عيونه وعفس وجهه
ب مراره اللي صار
بقهر وضيق ! فتح عيونه مسحهم بعنف من الدموع
اللي فيها !! اخذ نفس ولف عليه : م يهمم
ليث باصرار : الا يهم !! قول لي وش سوى ابوي لك ؟
ابتعد يحيى لورا واستند ع المخده شتت انظاره
عن ليث : ولاشي
ليث بتنهد م حب يضغط عليه : طيب مو مشكله
قام رجع للكرسي وقعد ! اما يحيى غمض عيونه
يحاول يسترخي ويشتت تفكيره عن هالذكريات
الا بدخول الدكتور : السلام عليكم
فتح عيونه وهو يطالعه : وعليكم السلام
الدكتور : اخبارك يحيى !
يحيى ببرود : بخير
الدكتور : بسألك عن ادويه انت تاخذها
بهاللحظه عند ليث قام وطلع من الغرفه
وصلت له رساله وقف طلع جواله وفتحها
توسعت عيونه بصدمه
ان يوسف طلع من السجن !!!!
الـــــــــــــــــبـــــــــارتــــ 4⃣4⃣3⃣ ...
📖🖌 @storykaligi 🌹🍃
جمد بمكانه !! بلع ريقه
رمش بسرعه بعدم تصديق باللي يقراه !
لف حوله !! بارتباك !! حس انها نهايه
الدنيا بالنسبه له بخروجه !! لف
يطالع بالجوال بغصه !! نزل الجوال
بالقهر والغبنه اللي اشتعلت بداخله يغلي !
_
" يحيى "
الدكتور : بسألك عن الادويه اللي تاخذها صرفوها لك
من المانيا بأخر فتره علاجك ؟؟
يحيى : ايه
الدكتور باهتمام طلع علبه الدواء : هذا ؟ عقد يحيى حواجبه : اي اخذه !
الدكتور : هم وصفوها لك !
رفع حاجبه يحيى : اكيد مين بيكون غيرهم يعني !
الدكتور : طيب مو مشكله بدايه العلاج
بنوقف هالادويه تمام !
عقد يحيى حواجبه باهتمام : لاطبعاً !
الدكتور باستغراب : ليه ؟
يحيى : هاذي الادويه اللي تهديني بعد كل نوبه
م اقدر اخليها!!
ابتسم الدكتور : لاتخاف فيه بديل لها !
صعبه مع فتره علاجك انك تاخذها
يحيى بانفعال : مين قال لك اني بتعالج مين ؟
الدكتور بهدوء : هد اعصابك م يسوى كل
هالانفعال ! انت شاب وتعرف مصلحه نفسك
تجاهله يحيى !!
الدكتور: عن اذنك م تشوف شر !
وطلع بلحظتها زفر يحيى بتذمر !
وعقد حواجبه تلفت حوله ما لقى ليث!! : ذا وين راح؟!!
ماهي الا ثواني و دخل ليث وملامح باهته
من الصدمه !!
يحيى : وين رحت !!
ليث بارتباك رفع عيونه له : انـ..ـا ؟؟ رحت اشرب مويه !
قعد ع الكرسي وباله مو معه عجز يستوعب
صدمته !!! اما يحيى اللي بقى يطالعه
بشك وريبه : فيك شي!! رفع عيونه له : هاه !!
يحيى : شصاير؟
ليث : لا ولاشي ! وش بيصير يعني !
يحيى : وجهك م يطمن !! ليث : مافيه شي !
يحيى بتنهد : براحتك لاتقول
ليث وهو بيصرف السالفه : وش قال الدكتور لك!
يحيى بتنهد استند بظهره ع المخده : يتكلم عن الادويه
ومرحله العلاج
ليث : اها ! م قال لك متى بترجع لالمانيا !!
يحيى بنظرات : مين قال لك اني برجع!!
ليث : لاوالله !! غصبن عنك بترجع !!
يحيى : مو ع كيفك !
ليث بعناد : الا ع كيفي !
يحيى : انقلع بنام
ليث : والله انقلع وقت م ابي !
يحيى : انقلع وانت ساكت !
قام ليث : هين نشوف والله مردك لي !
يحيى بابتسامه برود : انقلع يالله!
طالعه ليث بطرف عينه ومشى وطلع
اتسعت ابتسامته يحيى : مجنون هالادمي والله
ماهي الا ثواني وانفتح الباب
يحيى : شفت انك انت اللي مردك لـ..
و سكت باستغراب لما شافها !
هاجر : السلام عليكم !
عقد حواجبه : وعليكم السلام !
طالعت حولها ثم لفت عليه وتنهدت
يحيى باستغراب : فيه شي !!
هاجر بصمت بقت تطالعه!
تعدل بجلسته باهتمام وشك : فيك شي ؟ تكلمي ...
الـــــــــــــــــبـــــــــارتــــ 5⃣4⃣3⃣ ...
📖🖌 @storykaligi 🌹🍃
اخذت نفس وحطت ايدينها بجيوب البالطو
وطالعته بهدوء : من بعد اليوم انا الممرضه اللي عينوها
ترافق وتشرف لحالتك
عقد حواجبه باستغراب !!
هاجر بتنهد : ياليت لو تتفضل انك تساعدني ولاتصعب
علي هالشي !
ابتسم بسخريه : انتي ؟؟ الممرضه اللي ترافق معي؟
وش هالمهزله !
رفعت حاجبها : مجبوره دام ان المصحه احترقت ولافيه وظايف
م وافقت حباً في اهتمامك ؟ لولا الحاجه كان سحبت
وخليتهم هم ووظيفتهم !
تغيرت ملامحه لتعابير البرود : مافيه شي تساعديني فيه
هاجر بعناد : انا اللي احدد موب انت !
رفع حاجبه بدهشه من اسلوبها !
اما هي استرسلت بكل ثقه وهدوء : اخر ابره عطوك اياه من ثلاث ساعات؟
تجاهلها ببرود :مدري
طالعته بصمت ثم نزلت راسها بقله صبر
حيله طلعت الابره والعقار توجهت لعنده وحطته
ع الطاوله مسكت ذراعه مسحت بالمسحه الطبيه
ع مفصله بوسط نظراته فيها !
اخذت العقار ورفعته ودخلت الابره بداخلها سحبت
العقار لداخل الابره وطلعتها حطت بدايه الابره
ع مفصله وقبل م تغرزها فيه وقفت ورفعت عيونها
له : عندك فوبيا من الابره ؟
عقد حواجبه !! : نعم ؟
طالعته باستغراب
: ليش شاد بذراعك واعصابك خلها ترتخي حتى
احقنها ! ترا كلها ابره !! رفع حاجبه باستنكار : لا والله ! شايفتني بزر عندك !!
هاجر : انا قلت بزر ؟
يحيى : من اسلوبك وتلميحاتك !! مين اللي يخاف من الابر
غير البزران !!
طالعته باستنكار : طبيعي فيه ناس عندهم فوبيا
من الابر ! موب بس البزران ي استاذ !
يحيى : مو استاذ ! تبيني حتى بذي اصحح لك ي دكتوره!
ابتسمت بغيض : ممرضه ! فرق
يحيى : كلهم واحد بالنسبه لي
هاجر بغيض
نزلت راسها وهي بتغرز الابره الا سحب ذراعه
:دقيقه دقيقه !
رفعت عيونها له باستغراب !!
يحيى : نفس مفعول الادويه؟
عقدت حواجبها : مهدئه هالابره
يحيى : انا اخذ ادويتي ماحتاج لهالابر !
هاجر : قطعوها عنك الابره تكفي
يحيى : لا م ابيها
استقامت بظهرها بتأفف : لو سمحت ! لاتعطل شغلي !
يحيى : ابي الادويه جيبيها لي ! مو انا انقذتك ! يالله سددي
دينك تراك مديونه لي !
اردف باصرار : يالله !!
هاجر : لاطبعاً مين قال اني مديونه لك؟؟ سددته بمقابل
اني م ابلغ عن اخوك ! خلاص مابذمتي شي !
يحيى بدهاء : هو جزئين ! جزء كسرت الباب وخاطرت
بنفسي وسددتيه ! بقي الجزء الثاني اني طلعتك
من الغرفه والمصحه بكبرها ! يالله سدديه ! جيبي لي
ادويتي وطلعيني من هنا !
طالعته باستحقار لثواني و بلحظه سريعه سحبت
ذراعه بقوه وغرزت الابره فيها بقوه الا بصراخه !!
ابعدت الابره وطالعته باستحقار : محد يستغلني ويذلني ! خل هالشي ببالك !! مسك ذراعه بألم وغضب ..
#مــــكـــمـــــلــيــــن_مــــعــكـــم....
الـــــــــــــــــبـــــــــارتــــ 6⃣4⃣3⃣ ...
📖🖌 @storykaligi 🌹🍃
بلحظه غضب وده ينفجر عليها
طلعت من الغرفه اما هو
طالعها بنظرات استحقار : والله اذا م جننتك م اكون يحيى !! عفس وجهه بالالم اللي بمفصل ذراعه
استند ع ورا وغمض عيونه وهو شاد ع ذراعه وكأنه تخدر جسمه وعقله ..
_
" الساعه ١٠ ونص الليل " " بالمستشفى "
يحيى بتأفف بملل من قعدته ووحدته
بالغرفه ومحد يمره الا الممرضات والدكتور ..
عند ليث اللي بس اكتفى
يتصل يتطمن عليه الين م يخلص اشغاله ويرجع
ينام عنده !
دق الباب رفع عيونه توقعه ليث الا بدخول هاجر
بهدوء : السلام عليكم
طالعها لجزء من الثانيه ثم ابتسم : وعليكم السلام
هاجر : جيت بشوف اذا تبي شي ؟
تنهد بتعب : لا مابي اتعبك معي مشكوره
عقدت حواجبها : اذا فيه شيـ..
يحيى بتمثيل بتعب قاطعها : بس ابي اطلع
اشم هوا ! شوفي لي ممرض يطلع معي للحديقه
تحت !
ضاق صدري انكتمت هنا ..
تنهدت بشفقه : طيب قوم اجل بس بشرط عشر دقايق
ونرجع !
رفع حاجبه بعدم تصديق : صادقه؟
هاجر : من حقك انك تطلع تتمشى ك مريض ..
قام من السرير وطلع من الباب وطلعت معه ركبو الاصنصير ونزلو لتحت
طلعو وتوجهو للحديقه خارج المستشفى
تمشى بهدوء بخطوات هاديه وقف واخذ نفس
عميق غمض عيونه وهو يستنشق الهواء !
عقدت حواجبها وهي تطالعه !
ارتسمت ع شفايفه ابتسامه خفيفه برضى فتح
عيونه ونظراته بالسما اللي مزينه بالنجوم بتأمل
: تـ..درين مابقي لي الا شهور معدوده وبعدها
بندفن بقبري ! ماراح اشوف هالسما وهالنجوم
من حولي !
طالعته باستنكار : فيه احد يفاول ع نفسه !
لف عليها بهدوء و اتسعت ابتسامته : هاذي الحقيقه
ليه اكذب ع نفسي !! هاجر : ولاتقنطو من رحمه الله ! وش هاليأس ؟!
طالعها لثانيه بابتسامه ثم صد تقدم بخطوات هاديه
وقعد ع الكرسي الطويل للانتظار قدام نافوره المويه
والورود والمنظر المريح للاعين ! قعدت ع نهايه الكرسي
بعيده عنه بقى يطالع المارّه وضيق عيونه لما شاف
شخص بترسيمه وثوب وغتره وبخطوات واسعه وبهيبته
بيتوجه له من بعيد عقد حواجبه بتدقيق بملامحه !! رمش بسرعه من الشعور اللي يتفجر بداخله كأن
غطى ع عيونه ذكريات ! بس كانت مو واضحه مشاهدها
مشتته وباهته ومشوشه نزل راسه بهاللحظه بسرعه
رفع ايدينه وغرسهم براسه اللي يحسه بينفجر
ملامح هالشخص خلت ذاكرته تتشوش عنده وكأنها
تحاول تستعيد شي مدفون ! بكلمات مثل الصدى يتكرر
براسه وع مسامعه " امانه ، نهايته ، ظلمتني !"
م قدر يتحمل اشتدت عروق ايدينه وجبينهه بوجهه اللي مال للاحمرار طاح من الكرسي جثى ع ركبه ع الارض وهو منزل راسه بملامح اشخاص تمر ع ذاكرته اللي كأنها تحتضر !
و انفجر بصراخ هستيري !!!!!!!!!!
الـــــــــــــــــبـــــــــارتــــ 7⃣4⃣3⃣ ...
📖🖌 @storykaligi 🌹🍃
اما هاجر اللي فزت من مكانها بوسع
عيونها بصدمه نزلت لمستواه
بسرعه برعب مسكت ذراعه : هييييه !! ارفع راسك ارفعه !! بسرعه !!!
اما هو شاد بايدينه بقوه يضغط
ع راسه ومغمض عيونه باحكام
ذاكرته كأنها تدمره بأشياء مشبوهه
شدت ع ذراعه تبي تبعدها عن راسه
بالقوه فتح عيونه نزل ايده ع الارض
يستند عليها رفع راسه ببطئ وبعيونه
اللي مالت للاحمرار
عض ع شفته لما التقت عيونه بعيون
يوسف اللي ثبت بمكانه بدون حركه
بصدمه من حاله يحيى !! طالعه يحيى بنظرات مابين خوف ورجفه
وشك ! بنظراته اللي احتدت اكثر واكثر بيوسف
وهو يتنفس بسرعه وصدره يعلى ويهبط !! رجع يوسف بخطوه ع ورا بآسى ع حال يحيى !
هاجر بربكه التفتت حولها تدور ممرضين يساعدونها
اما يحيى اللي يرجف ماهي الا ثانيه وقطع
عليه صراخ ليث انتبهت له هاجر ! تنفست الصعداء
لما شافته !! ليث باستعجال برعب وصل لعنده
جثى ع ركبه بسرعه بجنبه مسك كتفه : يحيى !! يححححيى !! اما يحيى اللي بحده نظراته ف يوسف !!
ليث برعب : شفيه ؟
هاجر بارتباك : مدري !! فجأه صار له كذا !
نزل ليث عيونه بخوف من حاله يحيى !! لاول
مره يشوف تعابير وجهه بهالشكل !! حتى نظراته
فجعته !!
مسك وجهه ولفه عليه بقوه
بخوف ينتفض : شفيك !!!
طالعه يحيى بارتباك وهو يتنفس بسرعه
لف ع يوسف !! عقد ليث حواجبه
باستغراب لف لمكان م يطالع يحيى ! و زاد
من عقدة حواجبه !!!! لف
ع يحيى بخوف اليل نطق برجفه : هـ..ـو !!
لف ليث من جديد للمكان اللي يطالع فيه يحيى !
م كان فيه احد!!!!!!!! هذا اللي زاده خوف
لف ع يحيى ومسك وجهه ولفه عليه بارتباك : كلمني !! قول لي مين تقصد !! مين ؟
طالعه يحيى لثانيه الا سرعان م تغيرت نظراته
لضعف وذبول وكأن قوته تبخرت بهاللحظه !
بلع ريقه بتعب سيطر ع كل خليه بجسمه
رمش ببطئ و نزل راسه بدوخه وشبه واعي
و طاح بحضن ليث فاقد وعيه ! بلحظتها
انجن ليث برعب قامت هاجر بركض
للمسعفين داخل !!
_
" ضاري وحور "
بغرفتها معتكفه وبصدر سريرها قاعده
بصمت وقهر مو مستوعبه همجيه
اخوها فيها !! م حست الا لما انفتح الباب بهدوء
لفت شافته طالعته بحقد وصدت !
طالعها بحنيه وتأنيب ضمير تقدم بخطوات هاديه
قعد قبالها ع السرير : حور !
صدت زياده عنه بقهر !!!
ضاري بآسى : اسـ..ف والله من خوفي
تجاهلته بغبنه تتوسط بضلوع صدرها !
ضاري بحزن : انا من خوفي منعتك من ابوي !! مستوعبه !! من ابوي مو من اي شخص ثاني !! لانه مريض !! ف كيف من شخص غريب
لفت عليه بغصه غرقت عيونها بالدموع بتشديد : ذا زوجـ..ي !!!
🌹📖🖌 @storykaligi 📖🖌🌹
🍃🌹
🌹🍃🌹
🍃🌹🍃🌹
🌹🍃🌹🍃🌹
👍
9
❤
1
🥰
1
4.58Kviews
09:26
الـــــــــــــــــبـــــــــارتــــ 8⃣4⃣3⃣ ...
📖🖌 @storykaligi 🌹🍃
ضاري بتنهد : لاتعورين قلبي وانا اخوك ! انا بغيت انجن لما
حاول ابوي يقتلك ! اخذته من ايده وقلبي متقطع وغصبت نفسي الا دخلته
المصحه !! ف كيف بالله انك تتزوجين
واحد كان له سنين ودنين بالمصحه !! كيف؟
حور بغصه غرقت عيونها بالدموع : اسألك بالله !
انـ..ت شفت عليه شي طول هذيك الفـ..تره؟
شفتــ..ـه مجنـ..ون ؟ هاه ؟ طالعها بآسى !
صدت لما خانتها دموعها ونزلت بضيق : والله مظـ..ـلوم
ضاري : طيب صح معك حق م شفت عليه
شي ويمكن م فيه شي !! لفت عليه بلحظه امل !
استرسل ضاري بحده : لنفترض تغاضينا عنها ذي !
بس سالفه انه يدخلك معه بذاك القصر !
ويخليك خدامه !! وش تسمين ذي ؟
طالعته بتردد
ضاري بحده : انطقي !! بلعت ريقها بغصه !
ضاري : م رضيتها وانا موجود ان احد يمسّك لو بكلمه ! فكيف وانا بالسجن ويصير
ذا كله !! يستغلك!!
حور : بس انا زوجته
ضاري بحده : اي زواج تتكلمين عليه بدون علمي !!!
طالعته بضيق وحده !! صد واخذ نفس عميق يحاول يتمالك اعصابه ! زفر
بزفره عميقه لثانيه ! ثم لف عليها بقله
حيله هز راسه : مـ..ـاقدر ! اخاف ي حور اخاف عليك
ماعندي بهالدنيا غيرك انتي وابوي !
قام وطلع بلحظتها نزلت راسها وانهارت بنوبه بكى !
_
" بالمستشفى "
عند ليث بتوتر بالممر ينتظرهم !! عاض ع شفته
بارتباك وعيونه ع الغرفه ! ماهي الا ثواني ةطلع
الدكتور فز له ليث بخوف : طمني عليه !
الدكتور : الحمدلله كانت نوبه استفاق من اغمائه
انت كنت معه لما صار معه النوبه !
هز ليث راسهه : لا ! الممرضه كانت معه ! ليه؟
الدكتور : بسألها سبب هالنوبه لان حالته بدت
تتطور ! لازم تدخل سريع المرحله الثالثه صعبه !
ليث : ان شاء الله بيسافر ويتعالج ! اقدر اشوفه
الحين ؟
الدكتور : اي عادي ادخل يالله م يشوف شر
ليث : الشر م يجيك يارب
طلع الدكتور من الممر تقدم ليث للباب الا قطع عليه
صوت جده : لييييث !! لف عليه ليث بهاللحظه ! وتأفف : ليه ي عبدالله
تعلمه !! قلت لك م فيه شس بس نوبه !!
الجد بحده : اجل م تبيني ادري !!
وش قال الدكتور ؟؟
ليث بتنهد : يقول لازم نستعجل بالعلاج لانه بالمرحله
الثالثه وم تطمن نوباته !
الجد بقهر : غصبن عنه يروح يتعالج غصبن عنه !
عبدالله : قايم هو؟؟ ليث : ايه !
الجد بعصبيه فتح الباب ودخل عليه ! رفع راسه يحيى
وهو يرمش ببطئ الا لما شاف جده بغضبه : عساك مستانس بحالتك !
غمض يحيى عيونه ورفع ايده يضغط ع جبينه بتعب
مسك ليث جده بهمس : تراه تعبان لاتضغط عليه
شد يحيى بايده ع جبينه بقوه وهو يحاول يتذكر ملامح
يوسف !! اللي مجهول بالنسبه له !
همس : ميـ..ين ميـ.ن
لفو كلهم عليه ....
الـــــــــــــــــبـــــــــارتــــ 9⃣4⃣3⃣ ...
📖🖌 @storykaligi 🌹🍃
لفو كلهم عليه وهو يتمتم بكلمات
قرب له ليث بهمس : فيك شي ؟
نزل ايده يحيى وفتح عيونه ورفعهم
يطالعه بتعب همس بذبول : لا
ليث : طيب انت ارتاح الحين ولاتفكر
بشي !
طالعه الجد لثانيه ! ثم سحب نفسه
من الغرفه لحقه عبدالله !
بالممر !
الجد بأمر: اسمعني اتصل ع دكتورِه اللي
بألمانيا ونسق معه ومع المستشفى لرحله علاجه
نهايه هالاسبوع ابي انقله لهناك تسمعني !
عبدالله بطواعيه : ابشر تم الحين بروح اكلمهم
اومئ الجد براسه بانتظار !
طلع عبدالله باستعجال من الممر اما الجد جلس
ع الكرسي !
_
" بالغرفه "
ليث : تبي اجيب لك شي ؟
هز راسه يحيى بصمت : لا
طالعه ليث بخوف من هدوءه الغريب
لاول مره يشوفه بهالحاله كأنه منطوي
ع نفسه ومكتئب !
اردف : مـ..
الا قطع عليه لما رفع يحيى عيونه له بتعب
ورجا: ليـ..ث خلني شوي ..
سكت ليث ثم ابتسم : صح انها طرده ! بس يالله بمشيها
طالعه لجزء من الثانيه ثم طلع من الغرفه !
صادف جده ع الكرسي تنهد : انا بروح لامي
لي يومين عنها ! الممرضه فيه بترافق معه
وعبدالله موجود ! ماراح اطول برجع
الجد : لا لا م يحتاج انا برافق معه خلك مع امك انت
ليث بتنهد واستسلام : طيب فآمان لله
الجد : الله معك
طلع ليث من الممر بلحظتها الا يدق جواله
طلعه من جيبه عقد حواجبه لما شاف رقمه
رد عليه : شفيه ي يوسف ؟
يوسف بفضول : شفيه يحيى ؟
الجد باستغراب : وراه تسأل عنه ؟
يوسف : صادفته قبل ساعه بحديقه المستشفى
شافني هو وبعدها مدري فجأه تعب كنت بجي
لعنده بس م قدرت من شفت ليث طلعت
وقف الجد بصدمه وبعصبيه : هاااه ؟؟ انت وش تقول ؟
يوسف : جيت اتطمن عليه من حقـ..
قاطعه الجد بحده : ! تعقب !! طول هالسنين مغربه بألمانيا ومبعده عن هنا
م ابيه يشوفك ! ! وانت جاي ترز وجهك
له !
يوسف بقله صبر : يبه !! تراه م يذكرني ولايذكر مين انا !
قاطعه الجد بحده : ولا ابيه يذكرك ويذكر
سواد افعالك !!
يوسف بحده وقهر : سواد افعالي ؟
الجد بعصبيه : اااااي !! سواد افعالك
يوسف بعصبيه : يبه !!! تراك بديت تزودها علي !
الجد بعصبيه : الله يقطع هالوجه دامك هدمت
كل اللي بنيته !
يوسف بعصبيه : بنيته باطل وع باطل !! سنين ضاعت بسكوتك
الجد بتهديد : لا اشوفك تقرب من يحيى ي يوسف
ولاتجيه ! الا هو !! يوسف بحسره : اااخ بس ع كثر م تدافع عنه
بعتني عشانه ي يبه !! عشانه !!
الجد : مابيه يدري بك مو لازم يدري ان عنده
عم ! يكفي ليث والله مو احسن لك لو عدتها من جديد
يوسف بقهر : نشوف نشوف !
قفل الجوال !!
زفر الجد بضيق وحسره !
اما يحيى من ورا الباب جمد بصدمه
وفضول !!!
الـــــــــــــــــبـــــــــارتــــ 0⃣5⃣3⃣ ...
📖🖌 @storykaligi 🌹🍃
بلحظه م كان يحيى بيطلع حتى يكلم
ليث بتأنيب ضميره انه قاله اطلع وخلني شوي
مسك مقبض الباب وهو بيفتحه الا عقد حواجبه
وجمد بدون حركه وهو يسمع جده قرب باهتمام
وشك !! الى م سمع كل شي اعتلت ع ملامحه
تعابير الشك والصدمه !! ارتد ع ورا بخطوه
رمش بسرعه بعدم استيعاب ! لف ومشى بخطوات
بطيئه بشك وعدم استيعاب ! الا انفتح الباب وراه
لف !
عقد جده حواجبه : شفيك ؟ ليه قمت من سريرك ؟
تبي تتعب نفسك !
بلع ريقه اخذ نفس بتصنع وتمثيل : مافيـ..يني
شي بس جيت ابي انادي ليث ابيه
الجد باستغراب : راح لأمه ! قولي وش بغيت ي وليدي !
شتت نظراته عن جده ولف متوجه لسريره ببطئ خطواته
: ولاشـ..ـي
قعد ع سريره وهو يطالع بالارض بشك مشى
جده وقعد ع الكرسي قباله ! : فيك شي ي وليدي ؟
رفع عيونه لجزء من الثانيه يطالعه اردف :
لـ..لا .. بيرجع ليث؟
الجد : لا قلت له يقعد عند امه انا موجود وعبدالله فيه
م يحتاج
يحيى : يعنـ..ي ماراح ينام معي اللـ..يله ؟
الجد :افااا م تبيني وانا ابوك؟
يحيى : لا م اقصـ..د كذا اي صح عطني رقمه
الجد باستغراب : ليه م معك رقمه ؟
هز يحيى راسه : لا
طلع الجد جواله بوسط نظرات يحيى فيه !
يحيى : عطني عطني انت بالقوه تشوف انا
اسجله ماعليك
الجد بتنهد مد له الجوال : اي والله ي وليدي غديت
شايب م عاد النظر ذاك الزود !
نزل عيونه يحيى للجوال وهو ماسك جواله بدأ
يشوف اخر مكالمه ل يوسف كانت ومسجل اسمه !
نقل الرقم لجواله وحفظه قفل الجوال ومده لجده
: خذ
اخذه جده منه : ان بغيت شي علمني انا لاتقول
لليث ! الولد م يفضى وراه اشغال ومشاكل لاتضغط
عليه
طالعه يحيى بهدوء ثم اردف : طيـ..ب
انت ارجع للبيت ارتاح خلاص عبدالله عندي
وبعدين فيه ممرضه مرافقه معي م يحتاج
الجد : لا ابـ..
قاطعه يحيى باصرار : تكفى لاتعاندني ارجع
والا والله مااتعالج هاه !!
الجد بحده : غصبن عنك تتعالج ماهو بكيفك !
ابتسم يحيى : يالله روح ارتاح عشاني !
الجد بتنهد واستسلام وقف ع عصاته : الشكوى لله عشانك ! بس هاه ابيك لاصار
شي تعلمني ! مو تروح تقول لليث ؟
يحيى : ابشر !
مشى وربت ع كتف يحيى : م تشوف شر وانا ابوك
وانتبه ع نفسك وع صحتك
ابتسم يحيى بابتسامه باهته : الشر م يجيك ابتسم الجد وطلع بهاللحظه تنهد يحيى نزل
عيونه لجواله اللي بايده بلحظه تمعن !! وتردد !! استجمع شجاعته فتحه واتصل ع رقم يوسف
رفعه لاذنه بانتظار وتوتر يجهل سببه !! ثواني الى م وصل لمسامعه صوته الغليظ الجهوري : الـو
عقد يحيى حواجبه بوسع عيونه !!!!!
#مــــكـــمـــــلــيــــن_مــــعــكـــم....