الفصل 70
الـــــــــــــــــبـــــــــارتــــ 1⃣3⃣3⃣ ...
📖🖌 @storykaligi 🌼🍃
عبدالله بخوف : شفيه تكلم تكفى !!
الجد برعب وبلعثمه : يحيـ..ـى اخـ..ذه ليث
ع المستشفى !! يقول الحارس انهم شـ.. شـ..ـالوه للسياره ي عبدالله
ما تحملت رجوله من صدمته اختل توازنه
مسكه عبدالله بسرعه وقعده ع الكرسي بخوف : اصبر هد نفسك بتصل بتصل الحين
ع ليث واشوف تلقاه مغمى عليه بس
بلع ريقه برجفه طلع جواله واتصل ع ليث
اللي يسوق بسرعه مرعبه ويتخطى السيارات
بخوف ومن حظ عبدالله ان جوال ليث معه
وعيونه تتنقل برعب بين الطريق وبين يحيى الا قطع
عليه رنين جواله اخذه بسرعه ورد بدون م يشوف
الرقم وبعصبيه : هاااااه !!
عبدالله بخوف : شصاير بيحيى ؟
ليث باستعجال ينطق بدون استيعاب : مدري مدري
باخذه ع المستشفى
عبدالله : طيب اي مستشفى !!
ليث بارتباك : اقرب لي مستشفى ***
عبدالله : يالله جايين ..
قفل ورمى جواله لف ع يحيى بخوف مسك
معصم ايدهه : تكفى قوم !! لاتخليني وانا اخوك تكفى
صد للطريق من القهر والخوف اللي فيه ضرب
بايده ع الدريكسون بقوة بعصبيه
من السيارات والزحمه وقلبه يعتصر من
الرعب والخوف والضيق !!
_
عبدالله : انت خلك هنا وانا بروح اشوف وش فيه
هز الجد براسه رفع اصبعه وبحلف
ودمعت عيونه : والله ماقعد هنا دام ولدي هناك والله
عبدالله بتنهد : تكفـ.. قاطعه لما وقف ع حيله بعصاته وبحده
:ذني له ي عبدالله ولاتكثر كلام خذني !! عبدالله بخضوع : امرك
وتوجهو للسياره !!
_
" ليث "
سحب فرامل عند باب الطوارئ بسرعه
نزل يركض دخل نادى المسعفين اللي
طلعو بسرعه له فتح الباب وابتعد
لما شالوه وحطوه ع السرير وتوجهو فيه
باستعجال لداخل !! لحقهم
المسعف : شفيه ؟
ليث بارتباك : مدري !! دخلت ولقيته مغمى
ما يتحرك ابد
دخلوه للغرفه وقفلو الباب بقى ليث
بالممر بخوف وهو يشوف الدكتور يركض
بسرعه ودخل الغرفه يفحصه !!
عند ليث اللي استند بظهره ع الجدار غمض
عيونه بضيق : يارب مافيه شي يارب مافيه شي !! عض ع شفته بلحظه قهر وجزع لف بوجهه ع الجدار
ضرب ايده عليه بعصبيه : اناااا الغبي اناا ليه
طلعت !! كان يقول لي انه تعبان اوووووف
صرخ بقهر : اوووووووووووف !!
حط راسه ع الجدار وبضيق نزلت دموعه
بهاللحظه طلع الدكتور فتح عيونه ليث
بسرعه ولف بخوف الا بصدمه لما شاف
الممرضين طلعوه من الغرفه وركضو فيه
باستعجال للاصنصير لحقهم ليث بخوف : دكتور شفيه !!
الدكتور باستعجال : بننسسوي فحوصات
نشوف وش فيه لانه مو اغماء بسيط !! جمد بخوف بهاللحظه !!الـــــــــــــــــبـــــــــارتــــ 2⃣3⃣3⃣ ...
📖🖌 @storykaligi 🌼🍃
وقف ليث وعيونه ع يحيى بقهر وضيق الا
لما قفل باب الاصنصير لف و مشى بخطوات بائسه
بتوتر قعد ع الكرسي بقله حيله نزل راسه وغطى
وجهه بكفوفه وبضيق : ياارب مايـ..كون فيه شي ! يارب
_
" بعد ساعه "
من وصولهم دخلو للمستشفى الا ليث بوجههم
ركض له عبدالله بخوف : هاه قولي وينه !!
طالع ليث بجده بحسره وعيونه حمرا من الدموع
نطق برجفه : مـ..دري م قـ..ـالو لي شي
الجد بعصبيه من خوفه : كيف م قالو لك؟
ليث بقهر : وش يدريني م طلعو !!
عبدالله : هدو ي جماعه !! قولي وين اخذوه طيب !
ليث بقهر صد : فوق بيسوون له فحوصات !
عبدالله : كم لهم ؟
ليث بتوتر : ساعه
عبدالله : طيب !
ليث بقله صبر تجاهله
دخل عبدالله والجد اللي م شال نظره عن ليث بقهر !! للاصنصير وصعدو فوق ماهي الا ربع ساعه ولحقهم
ليث وصعد لفوق مجرد م وصلو الا شاف الممرضين
يسحبون يحيى بالسرير ونقلوه للغرفه ووراهم
الجد وعبدالله لحقهم بسرعه وبخوف دخلوه
للغرفه دخل وراهم ليث وهو يشوفهم لما شالوه
وحطوه ع السرير وركبو المغذي له وقاسو ضغطه
وطلعو ..
_
" بعد خمس ساعات "
من بعد م فتح يحيى عيونه وكلهم حوله ! استنكر
المكان بالبدايه مجرد م عرف انه بالمستشفى حاول
انه يطلع بس قاوموه وغصبه الجد انه يبقى !! قعد يحيى ع السرير متربع ومنزل راسه ايده ع عيونه
بتأفف : بـ..
قطع عليه دخول الدكتور : السلام عليكم
الكل : وعليكم السلام
الدكتور : طلعت نتيجه الفحص بالرنين المغناطيسي
رفع يحيى عيونه له بجمود !!!! ولف ع جده بصدمه وترقب لرده فعله !
الجد بخوف : عسى خير
الدكتور بتنهد : بالاول انت ي يحيى راضي بقضاء الله وقدره
واضح من نتايج الفحص ان سبق لك هالمرض !
الجد بربكه يطالعه ! صد يحيى بهاللحظه عنهم وهو يطالع
بالارض عاض ع شفتهه من رده الفعل اللي بتصير !
استرسل الدكتور بكلامه : يأسفني والله اني اخبركم بهالخبر
بس ان الورم السرطاني رجع لرآسك
بلحظه صدمة
بالكل !!! غمض يحيى عيونه وهو باقي صاد !
الدكتور بآسى : وللاسف بالمرحله الثالثه !
بنظراتهم كلها ع يحيى بصدمه !!
الجد بخووف يرجف : انت متأكد ؟
الدكتور بحزن : للاسف ايه
ثم لف ع يحيى باستغراب : يحيى !!
فتح يحيى عيونه بدون م يلف له ولا نطق حتى !
استرسل الدكتور بكلامه وهو عاقد حواجبه باستغراب
: انت لك علم بأن المرض رجع لك من جديد صح ؟
عض يحيى ع شفته
الجد باستغراب لف ع يحيى اللي صاد عنه
بشك : انطق ي يحيى ! جاوبه !! يحيى ب صمت ..
الجد بحده : جاوبه !
زفر يحيى ببرود ولف للدكتور : ادري ! ومن ثلاث شهور بعد ! بس مابي اتعالج ...
الـــــــــــــــــبـــــــــارتــــ 3⃣3⃣3⃣ ...
📖🖌 @storykaligi 🌼🍃
اما عند ليث كان مستند ع الجدار ومتكتف
يسمع الدكتور وبملامحه الصدمه
مو مستوعب !! بلحظه م نطق يحيى
الا استقام بظهره واستعدل بوقفته نزل
ايدينه بفجعه !! وبهتت ملامحه من
صدمته بوسع حدقه عيونه ب يحيى
بدون م يرمش حتى حس كأن قلبه بيعتصر الم
بهاللحظه برجفته تمنى لو انه حلم !!
الجد بعدم تصديق لف ع يحيى : انت وش قاعد
تقول !!
عبدالله بعدم استيعاب يرمش
بسرعه : يحـ..يى !
الدكتور : راح نحاول قد م نقدر اننا نسيطر
ع هالورم ولو اننا متأخرين بس ابي منك ي يحيى
المساعده حتى نقدر نتغلب عليه !!
التفت يحيى بعيونه ع جده اللي يطالعه بحقد
وقهر !! الدكتور : عن اذنكم
وطلع ! اما الجد بعصبيه و
حده : ي حيف تعبي عليك
وضرب عصاته بالارض بقوه وطلع ولحقه
عبدالله !
صد يحيى وغمض عيونه
وزفر بعمق !! رفع ايده لجبينه يضغط
بقوه !! قطع عليه ضحكه ليث ! عقد حواجبه
نزل ايده ورفع عيونه ل ليث و استغرب
وهو يشوفه يضحك !!! رفع حاجبه باستنكار !
ليث بضحكه صدمته بعدم تصديق
امتلت عيونه بدموع صد بهاللحظه
ومسح عيونه بلحظه عشوائيه وعنف !! اخذ نفس يحاول يتمالك اعصابه !!
لف ع يحيى اللي م رفع نظره عن ليث !!
ليث ببقهر وضيق يقرب له
: ليش ؟؟ خبيت عني مرضك ليش م تعالجت !!! ضرب بايده ع حديد السرير وبعصبيه : ليييييييييييشششش !!!!
يحيى ببرود : اعاني من تعب هالمرض واموت
ولا اني اعاني من تعب العلاج !
ليث بقهر يرمش والدموع
بعيونه : صاحي انت ؟؟ صاحي ؟؟
يحيى: مافيه شي اعيش له بهالحيـ..
قاطعه ليث بعصبيه : الا فيه !! بس انت اعمى اعمى !!! راضي
بجدي اللي انصدم !! طول عمره ماراح
يسامحك ماراح يسامحك ولا انا بعد!!! بكل
هالسهوله بتتركني !!!
صد يحيى تنهد : م كنت ادري اني بقابلك
وانه بيصير كل هذا !! بلحظه غضب ليث مثل المجنون مسك
يحيى من فكه ولفه عليه وبتشديد
من بين اسنانه : بتتعالج وغصبن عنك
انت تسمعني!!! انا م اشاورك ولا استأذن
منك !! تتعالج وانت ساكت م اسمع لك اي كلمه !! طالعه يحيى لجزء م الثانيه والبرود يكتسي ملامحه
الباهته ارتسمت ابتسامه ع ثغره باستسلام : م بقـ..ى شي اعيشه !
رفع حاجبه واسترسل كلامه ببرود وبهدوء : سمعتـ..ـه قال المرحله الثالثه !! يعني نهايتها
موت ! انا راضي بمـ..
الا قطع عليه صراخ ليث الهستيري : لا موب ع كيفك !
مو انت اللي تقرر !! مـو انت !! بهاللحظه دخلو عبدالله والجد بصدمه من صراخ
ليث اللي احتد !! ركض عبدالله وسحب ليث عنه !!!
الـــــــــــــــــبـــــــــارتــــ 4⃣3⃣3⃣ ...
📖🖌 @storykaligi 🌼🍃
!! ركض عبدالله بخوف لليث اللي مثل المجنون
يصرخ على يحيى اللي عاقد حواجبه باستغراب من رده
فعله !! سحبه بقوه عنه وليث يقاومه بعنف
وهو رافع ايده بتهديد ليحيى : واللي خلقني ي يحيى انك
بتتعالج بدون رضاك حتى !! وعساك
م رضيت انت تفهم !!!! عبدالله وهو يسحبه : خلاص ي ليث خلاص
طالعه ليث بحقد ودفه عنه ومشى وطلع برا
بسرعه لحقهه عبدالله !
عند يحيى اللي بجمود من رده فعله اللي صدمته !
م توقعه ينفعل لهالدرجه ! غمض عيونه وزفر !
اما الجد واقف يطالعه بكل صمت وبعيونه
اللي تنطق !! متكئ بكفوفه ع عصاته وعيونه
م شاله عنه !! فتح عيونه يحيى وهو بيقوم الا عقد
حواجبه لما انتبه لجده اللي واقف يطالعه !! جمد
بمكانه !
الجد بهدوءه الغريب وقلبه يعتصر
من الالم : ليـ..ـه ؟ ليه م علمتني !
ليه كتمت بقلبك لين وصلت لهنا! ليه ؟؟
يحيى بتأنيب : لاتضغط علي !!
الجد بابتسامه على محياه من الحزن : قصرت عليك بشي؟
هاه؟ كنت لك الابو والاخو والام ! بحياتك م احتجت احد
وانا موجود بهالدنيا ! ليه نسيت فضلي عليك واخترت
الموت ليه ؟
صد بغصه : مابي اعيد ذيك الايام ! مابـ..
الجد بحده واصرار : وانت بتعيدها بغصب !!
لف عليه يحيى طالعه لجزء من الثانيه بصمت !
ثم هز راسه واردف بآسى : مابي اعيشها من جديد
مابـ..
الجد بحده وجمود ضرب بعصاته بالارض : بتتعالج رضيت والا مارضيت !
وقرب منه واسترسل بكلامه : ماراح اتناقش معك بهالشي ي ولد ابوك !
بهاللحظه رجعو ليث وعبدالله للغرفه !! بصمت
وهم يسمعون كلام الجد اللي يطالعه بحده : اوراقك بحولها ع المستشفى بألمانيا وبتكمل
علاجك هنـ..
قاطعه يحيى ببرود : لاتحاول ! لاتخسّر فلوسك علي
وانت عارف وش النهايه
ما وعى الا انه لف بوجهه ع الجهه الثانيه من قوه
الكف اللي عطاه له الجد !!! بصدمة
عبدالله وليث !!!!!
اما يحيى بهدوء غمض عيونه كأنه يحاول يمتص
غضبه ! بدون م يلف عليه !
الجد بعصبيه : اسكت ولاكلمه !! تنطم !! تسمعني !! تكمل علاجك بهالاسبوع
وانت هناك !! لاتراددني !!! اللي عليك السمع
والطاعه لي !!! م عودتك ع انك تفرض رايك علي
انت سامعني !
فتح يحيى عيونه بهدوء لجزء من الثانيه وهو يطالع
بالارض اخذ نفس ولف عليه وابتسم بابتسامه
ذبول : م نسيت فضلك علي ! بس انا احاول افتح
عيونك ع الواقع اللي مو راضي تشوفه !! سكت لثانيه وهو يطالعه بالجروح اللي تفتحت بداخله
بغصه اردف : مرحله وحده بس ونهايتها موت
مافيه اي امل اني اعيش ! ارضى مثل م رضيت! قلتها ! انا اخترت الموت !
اريح لي من شهور علاج !! وبالاخير يرجع لي !
الـــــــــــــــــبـــــــــارتــــ 5⃣3⃣3⃣ ...
📖🖌 @storykaligi 🌼🍃
طالعه الجد بقهر ! م قدر يتحمل بدموعه
اللي بمحاجر عيونه طلع
عبدالله بحزن : يحيى لاتكسر فيه ! حرام عليك ! قدامك
امل ! مثل م عديت الاول بتعدي الثاني ! ارجع فكر
بنفسك وباللي حولك ويبونك ! ارجع فكر !! تنهد بآسى : يالله م تشوف شر عن اذنكم
وطلع
رفع يحيى عيونه لليث اللي باقي يطالعه بصمت : عندك شي انت بعد !
ليث بتنهد مشى لعنده : ودي والله ع م اصفقك
بالكف الثاني !
تنهد يحيى واستند ع المخده اللي رافعها للجدار
وغمض عيونه م وعى الا ع ضحكه ليث !
عقد حواجبه فتح عيونه يطالعه باستغراب !
الا بليث يقرب منه حط مسك فكه وهو يلفه
عليه انفجر بضحك : اححححح والله كف
جدي م يمزح احمر !!
طالعه يحيى بحقد ! ابعد ايد ليث عنه
ورفع ايده لخده يتحسس الكف !
ليث بضحك : والله العظيم برد حرتي فيك ..
يحيى : انا اعرف اللي تعبان يهتمون فيه
انتم العكس !
ليث : والله شنسوي اذا المريض اقشر مثلك؟ تقدم له ودف فخذ يحي عن السرير : وخر وخر
بعد يحيى فخذه باستغراب الا قعد ليث
ع السرير يطالعه عقد يحيى حواجبه من نظراته
فيه : شفيك ؟
ليث بابتسامه : معجب فيك
رفع راسه يحيى واسنده ع الجدار وهو يطالع
بالسقف بابتسامه : مجنون والله
ليث بضحك : ادري موب شي جديد
نزل راسه يحيى وهو يطالعه رمش ببطئ : عندك كلام! قول !
ليث بتنهد : هالمرض ؟ كيف يعني ؟؟ قول لي !
طالعه يحيى لثانيه ثم نطق بتنهد : سرطان بالدماغ يعني ورم خبيث
عقد ليث حواجبه مابين صدمه وخوف
الا قطع عليه رنين جواله ! طلعه شاف رقم عبدالله
استنكر اتصاله فيه ! رفع عيونه ليحيى : بطلع بكلم
وبرجع
يحيى : اطلع ولاترجع لاني بنام
ليث : كل تبن اطلع وارجع مثل م ابي ! بعد !! ضحك يحيى ع اسلوبه الى م طلع ليث رد ع عبدالله
الا طلبه انه ينزل بسرعه لتحت يبيه جده ضروري !
نزل بسرعه يصدف قبلها بثواني لما مرت هاجر
من الممر م انتبهت لليث
الا طاحت عيونها ع يحيى لما شافته ع سريره!
جمدت !! دققت نظرها فيه !!
شهقت : الا هذا هو !! رمشت بسرعه اخذت نفس ومشت دقت الباب اللي كان
مفتوح رفع عيونه يحيى و عقد حواجبه لما شافها !
لما دخلت وطرفت الباب : السلام عليكم
طالع فيها باستنكار !! هاجر : م اتوقع انك ذكرتني ! بس انا اللي ساعدتها امس
بالمصحه !
رفع حاجبه بصدمه : انتي ذيك الممرضه ؟؟ هاجر :صدفه اني لقيتك هنا! بغيت اشكرك والله
ع اللي سويته البارحه..
يحيى باستغراب : العـ.. نزل راسه بسرعة من الالم
اللي رجع اجتاح راسه !! انقبض قلبها بخوف
وهي تطالعه !!!
رفع ايده يضرب راسه من قوه الالم فزت بخوف مسكت ايده تبعده عنه ..
#مـــكـــــمــــلــــيــــــن_مـــعــكم....
الـــــــــــــــــبـــــــــارتــــ 6⃣3⃣3⃣ ...
📖🖌 @storykaligi 🌼🍃
وبصراخه ضغطت ع زر الانذار
حتى يجون الممرضات لفت ع الباب
بانتظارهم بخوف وايدينها ماسكه
ايده االي اشتددت وبرزت عروقه
بقوه اما هو منزل راسه عاض ع
شفايفه بقوه بدأ يتنفس بسرعه
كأنه بغضب وصدره يعلى ويهبط
رجعت ضغطت زر الانذار من جديد
باستعجال لفت عليه ..
من قوه الالم
وده يضرب راسه بالجدار بقوه !!! لفت ع الباب وهي تنتظرهم بعصبيه تأففت
من تأخيرهم لفت عليه بلعت ريقها بارتباك
حاولت تضغط ع راسه وتسدحه ع
السرير اما هو لاشعوريا استسلم معها
وانسدح وهو يتنفس بسرعه
ووجهه مايل للاحمرار وعروق جبينه برزت !! من قوه الالم !!
الى ما خفت النوبه تدريجياً
بوسط نظراتها فيه بخوف !! فتح عيونه بخفيف
وعقد حواجبه رمش ببطئ وهو يطالعها
ابعدت ايدينها عن راسه واكتافه بهاللحظه
وهي تطالعه بخوف ! رجعت ضغطت ع الزر
بقهر وانفعال رفعت عيونها له باستعجال
وخوف : اصبر بروح
اناديهم وبرجع ! طيب !! دقيقه بس !
طلعت بسرعه وبرجفتها صادفت الممرضه
بوجهها داخله عليها ! انفعلت عليها بعصبيه
انها تأخرت !!
_
"ليث "
من بعد م وصل لجده اللي ينتظره
عند الانتظار !
طالعهم باستغراب : هلا !
الجد : وش وضع يحيى ؟
ليث : بخير ! يعني ع م تركته كان بخير ليه ؟
الجد : ابيك تقنعه بالعلاج يمكن يسمع لك
ليث بتنهد : حاولت فيه بس ما سمع لي
عبدالله : حاول معه مره مرتين ثلاث الى م يوافق
ليث : اوك
الجد : خلك معه لين م يتعدى هالمرض بحول الله
ليث : ابشر
الجد: انا بروح اخلص اشغالي وبعده برجع لكم
ليث : طيب !
" طلعو من المستشفى وتوجهو للمطعم بعد م وصلو
ودخلو وقعدو ع الطاوله اللي حجزوها ! ماهي الا دقايق
معدوده اقبل عليهم بابتسامه واسعه
قام عبدالله وسلم عليه واستأذن منهم وطلع يتركهم براحه
طالع الجد فيه : الحمدلله ع سلامتك
يوسف بابتسامه طالعه لثانيه ثم تقدم له وحضنه : الله يسلمك ي الغالي !
ابتعد عنه وقعدو !
يوسف باهتمام : هاه بشرني عن اخبارك !
الجد ؛ بخير ي وليدي وانت ؟ عسى السجن م ضرك
يوسف : والله ولو اني تنرفزت من سالفه اني انسجن !
بس يالله مو مشكله كله يهون عشانك جعلي فدا راسك
الجد : م قصرت وانا ابوك م قصرت هانت ان شاء الله
بيتعدل الوضع
يوسف : اخيراً م بغيت تتنازل يبه ! والله طقت نفسي
وانا هناك
ابتسم الجد وهو يربت ع ايد يوسف : ماعليه وانا ابوك
ماعليه !
يوسف : قول لي وش بغيتني فيه هالمره !
الجد : اسمعني ي وليدي ابيك تكلم لي فهد
عقد يوسف حواجبه باستغراب !
استرسل الجد بكلامه : ابيه يروح ع هالعنوان
و ..... بوسط تركيز يوسف واستماعه لابوه ..
الـــــــــــــــــبـــــــــارتــــ 7⃣3⃣3⃣ ...
📖🖌 @storykaligi 🌼🍃
بوسط تركيز يوسف واستماعه لابوه اللي اثار
دهشته من اللي ناوي عليه !!
اردف الجد بعد م انتهى من كلامه : فهمت !
يوسف بدهشه : والله مو هين يبه !! بس ابشر مثل م تبي اليوم يعني اليوم !
_
" بالمستشفى "
صعد ليث لفوق وهو متوجه للغرفه الا عقد
حواجبه لما شاف الممرضات عند غرفته
فز قلبه برعب ركض لهم
برجفه دخل : يحححححييىى !!!
لفو عليه الممرضات باستغراب !
لفت هاجر و سرعان م توسعت عيونها
بصدمه !!!
عند يحيى اللي رفع عيونه
له بدهشه تتنقل نظراته بين هاجر وبين ليث !
توجه له ليث بخوف : وجع ع بالي فيك شي !! الممرضتين وهو يتناقشون بحده مع هاجر اللي كانت
منفعله معهم ع تأخيرهم !! بس وضعها حالياً
بصدمتها بليث م شالت عيونها عنه !!
يحيى بارتباك يطالع بهاجر ثم لف ع ليث
وبهمس وبحده : ليش جيت !! ليش !!
عقد ليث حواجبه بحلطمه : شفيك ؟ لا اطردني بعد !!
يحيى بقله صبر رفع ايده لجبينه يضغط بخفيف
: نكبت نفسك ونكبتني معك !
قرب ليث له بهمس : شفيك ؟؟ شصاير ؟
فتح عيونه يحيى ولف عليه : تموت اذا م نكبت نفسك
طلعو الممرضتين من تجاهل هاجر منهم بصدمتها بليث !
بعد م انتهت الممرضه من يحيى طلعت
يحيى بهمس : قرب!! قرب ليث له وهو مو منتبه لهاجر ابد : شفيه ؟
يحيى بهمس : لف وقفل الباب قبل م تطلع ذي
اللي وراك بسرعه
عقد ليث حواجبه!
يحيى باستعجال بهمس : بسرعه !
اخذ ليث نفس ولف وهو بيطلع الا رجعت هاجر
ع ورا بخطوه بعدم استيعاب !! كيف هالاثنين
سوا ؟ بلحظه سريعه م انتبهت الا بليث
اللي قفل الباب اتسعت حدقه عيونها بصدمه
وبهتت ملامحها !! ارتبكت لما ابعد يحيى الفراش
عنه ونزل وعيونه عليها ! اما ليث رجع وهو يطالعها
بعدم فهم ! : شسالفه ؟؟ هاجر : شجابكم انتم الاثنين مع بعض ؟؟ يعني
ذي خطه
اندهش ليث بصدمه : دقيقه دقيقه !
لف ع يحيى ! : ذي !! يحيى وهو يطالع فيها : اي هي الممرضه اللي بالمصحه !
بلحظه ماهي ناويه تنسحب من الغرفه الا سبقها
يحيى ووقف قبالها : اصبري ! م خلصنا كلام
جمدت وهي تطالعه !! يحيى : ذا اخوي !!
رفعت حاجبها بدهشه !! تنقلت نظراتها بينه
وبين ليث !! استرسل يحيى بكلامه : ترا مافيه شي مثل م تشوف
عيونك وجوده بالمصحه كان ظلمم
عقدت حواجبها باستغراب : ظلم ! تستهبل انت!
يحيى بابتسامه ببرود : والله مصحتكم اللي تستهبل !
ناظرته بحده ! مشت بسرعه بتمر الا
مسكها من ذراعها !! لفت عليه بنضرات غضب مثل الشراره من وقاحته !
يحيى وهو يطالعها ببرود ويكلم ليث : ليث اطلع وخلني اتفاهم معها !
الـــــــــــــــــبـــــــــارتــــ 8⃣3⃣3⃣ ...
📖🖌 @storykaligi 🌼🍃
ليث بتنهد : اوك
لف وطلع تاركهم مع بعض !
سحبت هاجر ايدها منه بقهر : خير !
يحيى باستغراب وبرود :شفيك معصبه ؟
هاجر : م انلام والله باللي اشوفه !!
يحيى : بتردين لي المعروف
عقدت حواجبها باستغراب !! استرسل يحيى بكلامه : م ابيك تعلمين احد
باللي شفتيه ! وانسي انك تعرفين شخص اسمه
ليث ! لاتنسين ! روحك كانت مقابل روحه
تنقلت نظراتها بين عيونه باستغراب ! : يعني تبيني استر عليه ؟ مريـ..
قاطعها يحيى لما قرب منها : مين قال لك انه مريض؟
ليه شايفته يمشي وهو مفصخ ؟ والا تهجم عليك ؟
ابتسم ببرود وهو يطالعها يقرب : لانلعب ع بعض !
ادري انك عارفه انه بكامل قواه العقليه وطبيعي
بس م تبين تخسرين شغلك
رجعت خطوه ع ورا تتبعها خطوه وقفت وهي
تطالعه بجمود لدقيقه وممعنه نظراتها بعيونه بشموخ
اردفت من بعد صمت : لانـ..ك ساعدتني !
انا ملزومه اني ابري ذمتي
وقف ورفع حاجبه وهو يسمعها !
استرسلت بكلامها : قول له لايتمشى
هنا قدام انظارهم لان كل الممرضين والممرضات
حولوهم ع المستشفيات الى ما يرممون المصحه
مؤقتا !
مشت بتطلع وقفت ولفت عليه طالعته لجزء من
الثانيه ثم استرسلت بكل ثقه : لاتفكر انه هديه مني !! بعد اللي صار البارحه ..
_
" بعد ساعه ونص "
" ضاري وحور "
وهي بالمطبخ تسوي الشاهي وتجهز الاكواب
بانتظار ضاري اللي طلع يجيب الفطور !
ماهي الا دقايق ودق الجرس طلعت بسرعه
وتوجهت للباب وفتحته لاشعورياً ظناً انه هو
الا اتسعت حدقه عيونها
بصدمة !
لما التقت فيه !! بهتت ملامحها واصفر
وجهها من الفجعه ! نزلت ايدها عن مقبض الباب
رجعت بخطوه ع ورا بفجعه !
عقد فهد حواجبه : ححححور ؟؟
بلعت ريقها برجفه ضربت الباب بوجهه بخوف
ابتسم ع صدمتها رجع يدق الباب !
اما هي بصدمه استندت بظهرها ع الجدار
بعدم تصديق !! برجفتها !! م سمعت
الا صوت ليث وضاري شهقت
برعب !!! الا بفهد بالممر لما لف ع ضاري رفع حاجبه بدهشه
لما شاف ليث لما التقت عيونه بعيون فهد
صنم بمكانه بدون حركه !!
ضاري بابتسامه وببشاشه : فهد ؟
توجه له وضمه : اخبارك
فهد وهو يربت بايده ع ظهر ضاري وعيونه
ب ليث من هول صدمته !! بنفس مشاعر ليث اللي
بدون حركه مو مستوعب اللي يشوفه !
ابتعد ضاري بفرحه : ووينك مختفي !! طمني عنك
ابعد فهد نظراته عن ليث بعدم تصديق : بخير بخير
الا م عرفتني من ذا !
لف ضاري ع ليث بابتسامه : ااااي ذا ليث
زوج اختي !
لف فهد بسرعه على ليث بدهشه
بوسع عيونه : ااااااانت ؟؟!!!!
الـــــــــــــــــبـــــــــارتــــ 9⃣3⃣3⃣ ...
📖🖌 @storykaligi 🌼🍃
طالعه ليث بتردد !
عقد ضاري حواجبه باستغراب !! تنقلت نظراته بين ليث وبين فهد !! : تعرفون بعض !
ابتسم فهد ولف ع ضاري : بعدين اقولك المهم ابيك بموضوع
ضاري باستغراب : الحين ؟
فهد : ايه
ضاري : طيب مثل م تبي بس ثواني ادخل
الاغراض داخل واجي !
فهد : اوك
دخل ضاري للشقه صادف حور اللي واقفه
بالممر شهقت بخوف !
ضاري باستغراب : شفيك ؟؟
حور بارتباك : لاولاشي
ضاري : خذيها من ايدي بسرعه !
مشت له بارتباك اخذت الفطور من ايده : فيه احد برا اسمع اصوات !
ضاري : ايه ليث وفهد ! بس مستغرب
حور بارتباك : من ؟ ضاري : فهد طلع يعرف ليث ! كيف ؟
جمدت برعب !!! : اردفت بتوتر : كيـ..ف ؟
ضاري باستغراب : مدري المهم ابوي وينه ؟
حور بتردد :بالغرفه !
ضاري : خليني ادخل اشوفه ! ابتعدت وهي تطالعه
بارتباك الى ما دخل الغرفه !
_
" فهد وليث "
ابتسم فهد : شفيك ارتبكت !
ليث : م ارتبكت بس انصدمت انك تعرفه
قرب فهد له بهدوء وابتسامته مرتسمه ع ثغره
وهو يطالعه : انا ادري ليه ارتبكت !
عقد ليث حواجبه !! فهد بكل برود اردف :خايف اني اقوله انك
ولد عمي وكنت بالمصحه من خمس سنين
وتزوجت حور غصب عنها وجيت عندي بالفله
وتمثيل و و و !
جمد ليث بصدمة
بوسع عيونه اردف : انت وش قاعد تخرف !!
فهد :كل شي اعرفه
طالعه ليث لجزء من الثانيه ثم ابتسم : وش ناوي عليه ي ولد يوسف؟
قرب له فهد وبابتسامه واسعه : تطمن انا مو هنا
عشان اضرك!! بالاخير انت ولد عمي
عقد حواجبه وهو يطالعه بشك! م كمل بينطق
الا ع خروج ضاري لهم !
لف عليه فهد بابتسامه : مابغيت !
ضاري : معليش رحت اتطمن ع الوالد !
ليث : انا بدخل
ضاري : خذ راحتك
توجه ليث للباب ووقف وهو يطالع بضاري وفهد لما
ركبو الاصنصير ونزلو ! تنهد بقله صبر : ذا اللي
ناقصني !
فتح الباب ودخل الا ع خروج حور من المطبخ
بخوف : ضـ..
جمدت لما شافته !
ليث بتنهد : طلع مع فهد !
حور بارتباك : وش قال لك ؟؟
ليث : فهد قصدك؟
حور بخوف قربت له : ايه ؟
زفر بعمق : طلع يعرف كل شي !
توسعت عيونها بصدمه وبرجفه : كـ..يف ؟ كيف
كل شـ..ي ؟
ليث : يعرف اني ولد عمه واني تزوجتك عشان تدخلين
معي القصر ويعرف عن المصحه كل شي مكشوف
له كيف ؟ مدري
رفعت ايدها لجبينها بضغط وخوف : يااااربي
بيقول لضاري اكيد بيقول له ! والله ماراح يسامحني
بموت لو درى بموت !! اووف
حط كفوف ايدينه ع وجهها عيونه بعيونها بعمق وتمعن
همس : لاتخافين !انا معك
طالعته بضيق : اخاف يبعدني عنـ..
حط اصبعه الابهام ع شفايفها : اشش محد يقدر يبعدك عني الا الموت ...
الـــــــــــــــــبـــــــــارتــــ 0⃣4⃣3⃣ ...
📖🖌 @storykaligi 🌼🍃
طالعته بعيونها الحزن رفعت ايدينها
وحطتها ع ايدينه وقوست ثغرها
بزعل : ان شاء الله
طالعها بحزن !
وابتسم بوسط ضيقته
م يبي يبين لها حزنه قرب منها وباسها بهدوء وابتعد ع خفيف مايفصل بينهم
الا مقدار شعره وعيونه بعيونها همس :لاتتضايقين ! تدرين فيني م اتحمل اشوف
هالحزن بعيونك ! اضحكِ والله تهون عندي
الدنيا كلها بضحكتك !
ابتسمت وهي تطالعه رفعت ايدينها لرقبته
وحضنته بقوه ابتسم ورفع ايدينه
لخصرها وحاوطها وضمها لصدره
غمضت عيونها وهي دافنه وجهها برقبته لمده اشبه بالطويله لدرجه تحس
بدقات قلبه من قربها له وقوه ضمها فيه !
م حست الا بالباب اللي انفتح ع مصرعه
بقوه فتحت عيونها بصدمه و فزت
بسرعه ابتعدت بدهشه وهي تشوف
ضاري اللي وجهه مايل للاحمرار وعروق جبينه
بارزه وبصرير اسنانه يتنفس مثل المجنون
: ي الخسيس !!!
لف ليث عليه وعقد حواجبه من شكله وعصبيته
كأنه وحش !!! : شفيك ؟
توجه له بخطوات سريعه وعيونه مثل الشراره
هجم ع ليث بسرعه سحبه
من ياقته بقوه وطرحه ع الارض
شهقت حور برعب ركضت بسرعه
وهي بتمسك ضاري الا دفها عنه وهو يطالع
بليث مثل المجنون مسكه من ياقته
وشده بقوه : ي الخسيس
ياللي م تربيت !!
طالعه ليث بعدم استيعاب باللي قاعد يصير !!
حور بخوف ركضت لضاري شدته من ذراعه
تحاول تبعده عنه الا بصراخ ضاري
الهستيري لما لف عليها : فكككككييينننننني !!! انقلعي عن وجهي لا اكوفنك هناااا !!! انقلعي داخل شغلك
عندي انتي بعد م اخلص منه !!! رجعت ع ورا برعب بوسع عيونها بصدمه
لاول مره تشوف اخوها بهالحاله !! لاول مره م تعرفه !! مو ضاري !! لف ع ليث وشد بقبضه ايدينه ع ياقته
وهو يتنفس بسرعه من الغضب : كيف تجرأت تاخذ اختي !! كيف تجرأت تغصبها ع
الزواج !!! استغليتها لانها لحالها !!! استغليت
وضعها !! رفع ايده بكل قوته ضرب ليث بقوه
صرخت حور بخوف !! طاح ليث
براسه ع الارض من قوه الضربه رفعه
ضاري وبصراخ : تحسب ان ماعندها
ولي !!
ضربه مره ثانيه بقوه بلحظه م ليث
كان بيحاول يبعده الا سبقه ضاري بضربه
ع شفايفه لدرجه بدأ ليث ينزف اما ضاري
يتنفس بسرعه مثل المجنون مايعرف ارضه من سماه
طاحت عيونه ع فازه القزاز اللي ع الرف !! سحبها
بلحظه سريعه رفعها بقوة
جمدت حور
بصدمة
اما ليث حاط ايده ع شفايفه اللي تنزف وبدوخه
الا بضاري رافع الفازه وضربه بقوه الابصراخ حور!!!!