الفصل 67
الـــــــــــــــــبـــــــــارتــــ 1⃣1⃣3⃣ ...
📖🖌 @storykaligi 🌷🍃
" ضاري و امل "
ابتسم : بتقولين لي شي ؟
بلعت ريقها بتردد بهاللحظه ضغطت ع كفوفها
وابتسسمت : ولاشي تصبح ع خير
لفت بسرعه وتوجهت لغرفتها تبددت ابتسامته
باستغراب وهو يطالعها !
هز اكتافه بعدم مبالاه ولف ومشى ...
_
"الساعه ٦:٣٠ الصباح"
" بالمصحه "
وهي نايمه بحضنه اما هو يلعب بشعرها
ونظر عيونه ع وجهها يتأملها !
لما انضغط ع المقبض رفع عيونه للباب
وهو يشوف المقبض يتحرك فوق تحت !
قام
عقدت حواجبها بانزعاج فتحت عيونها ع
خفيف لما رفعها عن صدره بهدوء وقام
ونزل من السرير توجه للباب اما هي استعدلت
ع السرير باستغراب ! و خافت لما الباب
يحاولون يفتحونه قرب ليث من الباب وهو يسمعهم
الدكتور صلاح بحده: كيف م ينفتح؟؟ دخلي المفتاح !! حاولي تفتحينه !!
لف ليث بسرعه ع حور اللي نظراتها تتنقل
بين الباب وبين ليث بخوف !!! توجه لها بسرعه سحبها من ايدها
نزلها من السرير مسكها بيدخلها الحمام
بس وقف وهز راسه : لا لا لا بيدخلون
لف وسحبها معه وهي فاهيه من الصدمه
ونظراته تتنقل حول الغرفه !! طاحت عيونه
ع الدولاب بسرعه سحبها معه
فتح باب الدولاب لف عليها توسعت عيونها
بدهشه : بتدخلني هنـ.. حط ايده ع فمها وبهمس : اش اش اش مضطر !
دخلها لداخله ابتسم : خليك عاقله ي بابا !
رمشت ورا بعض بعدم استيعاب قفل الباب
ثم توجه للباب سحب المفتاح منه
ورجع بسرعه للسرير انسدح وسحب الفراش
وتلحف !
كان الدولاب مخرم بشكل العرض تقدر تشوف
اللي برا !
انفتح الباب بهاللحظه غمض ليث عيونه دخل
الدكتور صلاح باستعجال بترقب واستكشاف !
وتنهد براحه لما شاف ليث !
اللي فتح عيونه
ع خفيف بتمثيل وتصنع !
رفع راسه باستغراب
يطالع بالدكتور صلاح و وراه ثلاث ممرضات ! : شفيه؟
الدكتور صلاح وعيونه تتنقل حول الغرفه بتدقيق
اما حور صدت بارتباك لما طالع بالدولاب !! انتبه ليث لنظرات د.صلاح ع الدولاب
فأردف بضحك حتى يلهيه : لايكون ع بالك اني انحشت؟
لف عليه د.صلاح ورفع حاجبه باشمئزاز : هو انت تقدر تنحاش اصلاً
ليث بضحك : طبعاً اقدر مافيه شي مستحيل علي ..
تقدم له د.صلاح بخطوات بطيئه ويطالعه بدهشه
: شين وقوي عين !
طالع ليث د.صلاح من فوق لتحت ثم ابتسم بازدراء : تقصد نفسك؟
تغيرت ملامح د .صلاح لغضب!!! : الـ..
وقطع عليه صوت كحه مكتومه !!!
لف د.صلاح راسه ورا ع الصوت اللي طلع
اما حور حطت ايدها ع فمها بصدمه !! اما ليث استعدل بجلسته بارتباك !! وخوف
لما تقدم د.صلاح للدولاب بشك !
الـــــــــــــــــبـــــــــارتــــ 2⃣1⃣3⃣ ...
📖🖌 @storykaligi 🌷🍃
تقدم د، صلاح للدولاب بشك !
اما هي حاطه ايدها ع فمها بقوه
بطرف عيونها ع الدولاب اللي مخرم
شافت د.صلاح يقرب باتجاهها
انقبض قلبها بخوف رصت
ع نفسها لورا برعب ! وهي تتنفس
بسرعه اما ليث يطالعه بصدمه
بلحظه م قرب د.صلاح للدولاب
فز ليث من السرير ركض
للباب لف عليه د.صلاح بصدمه !
و ركض وراه اما ليث
بوجه الممرضات ع الباب
و يحاولون يمسكونه وهو يحاول
يتخلص منهم لحق عليه د.صلاح
مسكه من كتوفه وسحبه ع ورا
بعصبيه دفه ع السرير و
بصراخ : انثبر !! انسى انك بتطلع من
هنا انسى !! قام ليث ووقف قباله د.صلاح بحده : احلم انك تعتب هالباب ! احلم
ليث وهو يتصنع الغضب قدامه تجاهله
د.صلاح لف واشر للممرضات طلعو وطلع
وراهم قفل الباب تنهد ليث براحه توجه
للدولاب وفتحه واستند ع باب الدولاب
بابتسامه : لو الله م ستر عليك ثم خطتي
كان شايلينك برا هالغرفه لغرفتك !
رفعت عيونها له ببراءه تطالعه رمشت
ورا بعض : يعني طـ..لع؟
ليث بتتنهد : طلع ي حور طلع
وانتي م قصرتي م لقيتي تكحين الا هالوقت !
مدت ايدها مسك ايدها وسحبها معه
طلعت اخذ نفس عميق وزفرت !
لفت عليه : شسـ..
وصدت تكح تحاول تكبح كحتها !
ليث قرب لها :شفيك؟؟ لفت عليه : الدولاب غبار انكتمت عشان
كذا كحيت م قدرت والله
ابتسم مسكها من ايدها وسحبها لصدره
باس راسها بضحك : يازينهم اللي م يقدرون
يازينهم !
ابتسمت وهي بحضنه لثواني و ابتعدت عنه
وبخوف : تتوقع انهم شاكين اني عندك؟
ليث : خليهم يشكون واذا ؟
ابتسم وهو يشيل بأطراف اصابعه خصل شعرها
عن وجهها بعيونه ع ايده اللي تمسح ع خدها
بخفيف ثم لف بعيونه لها : زوجتي وعشيقتي
عندي ومعي وين المشكله بهالشي ؟
تنهدت بحسره وهي تطالعه : متى يعرفون
انك بريئ؟ متى؟
اردف بضحك : لا مت
شهقت بخوف ضربته ع صدره : بسم لله وجع
لاتقول هالكلام !
مسك ايدها وقرب : ياملحهم اللي يخافون علي
تنهدت بحلطمه ببراءه : جوعانه
تنهد : مثلك اكلهم سامج يالله ينبلع !
طالعته بنظرات : طيب وش نسوي ؟
تنقل بنظراته حول الغرفه بتفكير الا لف عليها
بسرعه : جوالك معك ؟ عقدت حواجبها باستغراب : ايـ..ـه
لفت : ع السرير
مشى بسرعه للسرير شال الفراش لقاه
تقدمت له وهي وراه : شفيه؟
رفع ايده يضغط ع جبينه يحاول يركز
وهو يضغط بالارقام رفع جواله لاذنه : ان شاء الله صح
سكتت وهي تطالعه بفضول ب اللي يفكر فيه !
وتنهد نزل الجوال ورماه ع السرير
حور : شفيه ؟
ليث : كنت بتصل ع عبدالمحسن !
الـــــــــــــــــبـــــــــارتــــ 3⃣1⃣3⃣ ...
📖🖌 @storykaligi 🌷🍃
حور : طيب؟
رفع عيونه لها وابتسم : يجيب لنا اكل
طالعته بدهشه الا ضحك : شفيك ؟
رمشت بسرعه بعدم استيعاب : تمزح ؟
ليث بابتسامه : من متى امزح انا ؟
هزت راسها باستسلام وقعدت
اما هو اتكئ ع حديد السرير بايده وهو واقف
يطالعها : جوعان تدرين وش مشتهي ؟
رفعت عيونها له استرسل بكلامه هو بهاللحظه :بيتنزا حاره وبيبسي بارد يسرسح ع قلبي
قوست ثغرها بحلطمه : لاتقهرني ترا والله
جوعانه صدق !! وبعدين فطور نبي مو بيبسي
وبيتزا ؟ ناوي تفجع معدتك ع هالصبح انت؟
رفع حاجبه باستنكار : بالله وش بيعرفها معدتي
اننا بالصبح ؟
قرب من وجهها : شغلي مخك شوي !
كشرت : ع اساس مخك انت شغال الحين !
فتح عيونه بدهشه : احححح م تمزحين
ابتسمت بدهاء وصدت اما هو تغيرت نظراته
فيها بهيمان همس : حور
مسكت جوالها تفتحه : هممم ؟
ليث بهمس وبابتسامه هاديه انرسمت
ع ثغره : اعشـقك
ابتسمت من دون حتى ترفع عيونها له
رفع حاجبه وهو ينتظر ردها وهو مستقيم
بذراعيه ومتكئ بكامل جسمه فيهم وهو ماسك
حديد السرير !
ضيق عيونه بتفكير : هيه
رفعت عيونها له
استرسل وهو يطالعها : افا وانا ؟
عقدت حواجبها باستغراب ! : وشهو ؟
ليث بتكشيره : زوجك انا زوجك
حور بعناد : ادري
ليث باستنكار : مافيه رد ؟
حور بتصنع الاستغباء ؛ ع ايش ؟
كشر : اها الوضع كذا يعني !
استقام بظهره : يالله يالله برا غرفتي
عقدت حواجبها : ليه ؟
ليث : مابيك يالله حشرتيني بسريري
ومشيتها وانتهكتِ حقوق دولابي وسكت
م تحسين نفسك مصختيها !
عقدت حواجبها وهي تطالعه
رفع ايده بوجهها : لاتطالعيني بهالنظرات السخيفه
يالله اطلعي
تبددت عقده حواجبها وقوست ثغرها بزعل
ابتسم : لا لا لا لاتحسبيني اني برحمك
بسبب فيسك !
طالعته بنظرات براءه واستعطاف ! : م تبيني ؟
ليث : لا
حور : بس انا ابيك
ليث : مو غصب ! لاتناشبيني ؟
حور بنظرات استعطاف اكثر : انا اناشبك؟
ليث : ااايه ! طلعت روحي بسببك فكيني
قوست ثغرها بزعل بزياده وهي تطالعه
ليث : قلت لك لاتحاولين معي بهالنظرات وبهالتعابير
ماراح الين
ابتسمت تقدمت له رجع ع ورا باستغراب !
الا حضنته وحاوطت بايديها ع ظهره
وباسته من خده وابتعدت : هاه عساك راضي !
رفع عيونه للسقف بتفكير وميل شفايفه : اممم م عجبتني
كشرت وضربته ع صدره : عساها م عجبتك
ضحك مسكها وقرب وباسها ..
الـــــــــــــــــبـــــــــارتــــ 4⃣1⃣3⃣ ...
📖🖌 @storykaligi 🌷🍃
وابتعد وهو يطالعها : افا من حور ام لسان
وم تعجبني !
ابتسمت و قطع عليهم رنين جوالها لفو عليه !
انحنى ليث بظهره واخذ الجوال شاف رقم عبدالمحسن
فتحه بسرعه : الو
عبدالمحسن باستغراب : الـو ؟ مين ؟
ليث : انا ليث ي غبي !
توسعت عيونه بصدمه : لييييث ؟؟؟؟
ليث بابتسامهه : لا قرينه !
ركن عبدالمحسن سيارته ع جنب بصدمه : بسم لله !! من وين طلعت ؟ من وين لك
هالرقم ؟؟
ليث : ذا رقم حور المهم اسـ..
قاطعه عبدالمحسن : كنت داري والله كنت داري انها عندك
عقد ليث حواجبه : ليه؟
عبدالمحسن : ياخي كانت مع خالتي اللي هي امك بالبيت
وفجأه اختفت وقلقت عليها خالتي وقالت دورها
كنت توي رايح للمصحه
ليث : عليك نور دامك جاي لعندي بالله
جيب لي فطور
عقد عبدالمحسن حواجبه باستنكار : نعم؟؟
ليث باستعطاف : حرام تعبان انا واكلهم الله يديم
النعمه موب مريض بس الا يأكلوني من هالاكل !
يالله عاد ي حسون
عبدالمحسن باستنكار : لاحول ولاقوه الا بالله ! وش
حسون وش ؟؟ اااخخ بس امري لله بحاول
ادخله بس اي غرفه انتم ؟
ليث بتفكير !! : مدري ! ناسي والله ! دقيقه
ابعد الجوال عنه ولف ع حور : وش هو رقم الغرفه !
لفت ع الباب تحاول تتذكر ! ثم لفت عليه بسرعه
: رقم * رفع الجوال له : رقم
عبدالمحسن : تم يالله جاي
ليث بابتسامه : ي زينك ياخي
عبدالمحسن : شكراً استحي ياخي يالله انقلع
قفل جواله وهو بيحرك السياره الا سرعان
م قطع عليه رنين جواله : وش ناسي ذا بعد > يقصد ليث !
رفعه ورد بدون م يشوف الرقم : هاه ي ليث
هاه فيك شي غير الفطور تبيه بعد ؟
عقد يحيى حواجبه باستغراب : فطور ليه ليث مكلمك ؟؟ عبدالمحسن باستغراب : يحيى ؟
ابعد الجوال عنه طالع بالرقم استوعب انه مو الرقم
اللي دق منه ليث رجع الجوال لاذنه : اوه معليش
يحيى م انتبهت حس بالي ليث والله !
يحيى : دقيقه بفهم ! ليث دق عليك ؟
عبدالمحسن : ايه
يحيى : شلون اتصل ؟ مو مانعينه من كل شي؟
عبدالمحسن :زوجته عنده اتصل من جوالها..
عقد يحيى حواجبه : يعني هي معه متأكد ؟؟ عبدالمحسن باستغراب : اي شفيك !
تنهد براحه : حلو المهم عطني الرقم اللي اتصل
منه بسرعه
عبدالمحسن : ثواني برسله لك بالواتس
يحيى : انت بتروح له؟ ماراح يسمحون لك بزيارته !
عبدالمحسن : بحاول ادبر لي طريقه لو ع الاقل
اوصل له اكل واضح انه م اكل شي من وقت م دخل
يحيى : لا انا بروح وبدخل الاكل عنده
عبدالمحسن : طيب براحتك
يحيى : فآمان لله
وقفل ..
الـــــــــــــــــبـــــــــارتــــ 5⃣1⃣3⃣ ...
📖🖌 @storykaligi 🌷🍃
ماهي الا ثواني ارسل له عبدالمحسن الرقم
اتصل عليه يحيى
_
رفع ليث الجوال استنكر ع الرقم الغريب ! استسلم
ورد : مين ؟
يحيى : ليه شاطح ؟
عقد ليث حواجبه من سمع صوته : يحيى ؟ قعدت حور ع طرف السرير مكتفيه بالصمت تطالعه!
يحيى : عندك زوجتك ؟؟ ليث وهو يطالع بحور : ايه ! ليه !
يحيى : لابس بغيت اتأكد لأن امس جبتها لك
واختفت بعدها وماقدرت اقول لك انها بالمصحه
المهم اسمعني بأي رقم غرفه انت ؟
ليث : ليه تبي تزورني ؟ قول انك م تحملت تفارقني
نزل يحيى راسه وابتسم بسخريه : الثقه م اقدر عليها
صد ليث بضحك : اي انا ليث ي حبيبي للثقه مسمى
رفع نفسه يحيى عن السرير وغرس اصابعه
بشعره الاسود الكثيف وهو منزل راسه : لايكثر بالله
رفع حواجبه وتنهد واسترسل بكلامه : وش تبي
اكل اجيبه لك معي ؟؟ ليث : اوه اوه اوه ! اكل ؟ وش عندك مدلعني !
نزل ايده وقام من السرير : احمد ربك اني افكر فيك
ليث : غصبن عنك !! المهم عبدالمحسن بيجيب م يحتاج
مشى يحيى ووقف واستند بايده ع طاوله التسريحه
: لاكلمته وقلت له انا بجيب لك
رفع ليث حاجبه باستنكار : اوه من قدي يتهاوشون
ع مين يجيب لي ! الله لو داري كان من زمان دخلت
للمصحه !
غمض عيونه ونزل راسه باستسلام : وش تبي اخلص
والا اقفل واسحب عليك !
ليث : اعقل ! ترى م يمشي معي التهديد !
ابتسم يحيى ببرود : اخلص !
ليث : ابي كولا بارد بارد وفطور عاد طبعاً
وخربط لي كم خرابيط
اتعست ابتسامته : شرايك اجيب لك دله قهوه بعد ؟
ليث بتنهد : ياليت والله ياليت
استقام يحيى بظهره : ساعه بالكثير وانا جاي بس
بأي رقم ؟
ليث : ب ***
يحيى : اوك يالله بلبس وبجي
ليث : اخلص ترا بموت لو م اكلت
ضحك يحيى : مدلع
قفل نزل جواله ع الطاوله ودخل للحمام وانتم بكرامه ..
_
" بالمستشفى "
بالغرفه
قعد الجد ع السرير وبتنهد : شوف لي وينه يحيى ؟
عبدالله : بشقته طويل العمر
الجد : بيروح المصحه ماراح يقعد
ويحط ايده ع خده دامه مو مقتنع
بوجود اخوه بالمصحه ماراح يترك هالموضوع بيعدي بسلام ي عبدالله
عبدالله : مدري ليه اصر يرجع من المانيا لهنا !
الجد : قلبي مو متطمن احسه مخفي شي عني ! تصرفاته م تطمن ! اعرفه من نظرات عيونه ذا بحسبه ولدي انا اللي ربيته ي عبدالله انا
عبدالله : تبيني اكلمه اسحب منه الكلام؟
الجد بمقاطعه : لا لا لا لاتكلمه ! هو ذكي
ماراح تمشي معه هالطريقه خلنا ع ركاد ونشوف وش تالي هالامور معه هو واخوه ...
#مــــكـــمـــــلــيــــن_مــــعــكـــم....
🌷