الثامن
*#رقم_مجهول* 🤔
*#الهجمة_رقم { 08 }*
✏️🖋️*#بقلم_مجتمع_العمالقة* 🐊
*═℘═🌷═℘═🌷═℘═🌷═℘═🌷═℘═🌷═℘═🌷═℘═🌷═℘═🌷*
الراجل قال ليها الظرف الاديناك ليهو انا متاكد صدمك وخلي استفهامات كتيرة ف راسك واحتمال بتحاولي تنفي الشفتيهو
بس صدقيني دي الحقيقه والله
*#امنه* قالت ليهو اكيد ف لعبه ف الموضوع
والظرف الفيهو ال DNA دا م صاح واكيد مزور ولا اي حاجه
وف لعبه ف الموضوع
واسي يعني حتقنعوني انو انتوا اهلي اكيد م ح اصدق
اتلفتت ع امها قالت ليها يمه ديل بقولوا ف شنو
واتلفتت ع ابوها قالت ليو ابوي انا م ح اصدق كل الكلام القالو الراجل دا
بس صدمها لمن قال ليها كلامو صاح
امنه قالت ليهو كيف كيف يعني
فجاء جاء وقف واحد قدامها وحضنها ب فرحه
وقال ليها
واخيرا شفتك واخيرا ي امنه
طوالي دفرتو وقالت ليهو انت جنيت ولا شنو
كيف تسمح لنفسك تحضني كدا
انت منو
جنيت ولا شنو
قال ليها انا م جنيت ولي الحق لاني اخوك
قالت ليهو عليكم الله ي جماعه م تجوطوا لي راسي
شنو هو
واحد يقول لي انا ابوك
وتجي مرة تقول لي انا امك
وكمان ياهو الفضل واحد يقول لي انا اخوك
لا كيف يعني اخوي ،
مشت علي امها قالت ليها يعني وختت كفوف يديها ع وش امها
قالت ليها يمه حبيبتي ممكن تفهميني الحاصل دا شنو والكلام البقولو فيهو دا شنو
لاني تعبته والله ،
ب كل صوت راجف والرجفه والبكاء ظاهر فيهو
قالت ليها أعفي لي ي بتي علييييك الله أعفي لي 😭
قالت ليها يمه يعني يعني البقولوا فيهو دا صاح
قالت ليها صاح
امنه الكلمه دي وقعت عليها زي الصاعقه ووقعت ف الواطه
قالت ليها كيف يعني
امها قالت ليها سكتت مسافه وتاني اتكلمت قالت ليها
زمااان اابوك كان أو الكان ابوك كان مديون قروش كتيرة والناس كانت ضاغطاهو شديد في قصه القروش
وف يوم كان راجع بعد يوم طويل من تفتيش لي شغل
وقف ليهو جمب بيت فيهو سبيل يشرب ليهو مويه والشباك كان فاتح وشاف انو ف ناس ف داخل البيت وبشيلو ف أعضاء طفل 💔
هو انخلع
وقع الكوز بس سمعوهو
ومن الخلعه م عرف يعمل شنو
وقف طوالي
ف نفرين جوهو ودخلوه جوة بس م سكت
قال ليهم انتو بتعملوا ف شنو دا حرام انتو بتشيلو ف أعضاء طفل جنيتو انتو دا شي حرام انتو مجرمين لازم تتخاسبو انا ح ابلغ عنكم وقام
بس ضربروهو طلقه ف كراعو هددوهو وسكتوهو انو لو سكت وما بلغت عننا ح نديك مليار رايك شنو
وهو طبعا من سمع المبلغ انخلع وطوالي الشيطان دور ليهو ف راسو انو انت دايرين منك قروش وكلام كتير
وللاسف انصاع ليهم ووافق وفعلا حصل كدا
ودفع الدين وامورنا ظبطت
ويوم جوهوا تاني قالوا ليهو انو عايزين طفل من حلتكم هنا
والمهم حصل كلام كتير وطمع ب القروش وعمل القالوا ليهو للاسف
وتاني حصل نفس الشي وطلبوا طفل ولطفل طلع اخوك الصغير
طوالي خطف الطفل
بس اهلك فتشوهو ولقوهو هو وراء الموضوع دا
حاول يسكت اهلك بس م قدر
فطوالي خطفوك انت كتهديد
وفعلاً سكتو لانو حارة عليهم يخسرو ولدين من عندهم
الوقت داك انت عمرك كان ٥ سنه وعندك اخوك عمرو ٨ سنه واسي ياهو الواقف قدامك دا
وانا م كانت عندي بنات فطوالي مسكتك عندي وربيتك 💔
*═℘═🌷═℘═🌷═℘═🌷═℘═🌷═℘═🌷═℘═🌷═℘═🌷═℘═🌷*
*صلوا علي شافع الامة*
*يتبــــــــــــــــــ شخابيط ــــــــــــــــــــــــع*
*#سرالختم_0121045450*
*#للتنسيق_والنشر*