الثاني
*#رقم_مجهول* 🤔
*#الهجمة_رقم { 02 }*
✏️🖋️*#بقلم_مجتمع_العمالقة* 🐊
*═℘═🌷═℘═🌷═℘═🌷═℘═🌷═℘═🌷═℘═🌷═℘═🌷═℘═🌷*
*الفصل الثاني*
آمنة فضلت واقفة في مكانها التلفون لسه في يدها وكأنها مستنية الصوت يرجع تاني
قلبها كان بدق بسرعة غريبة
والإحساس البارد الماشي في جسمها ما كان عادي
منو الزول دا وكيف بعرفني قالتها بين نفسها وهي تحاول تهدي
جات أمها من الصالة ولاحظت ملامحها المتغيرة وقالت
*#امها* : مالك يا آمنة منو كان
آمنة بلعت ريقها وردت بتردد
*#آمنة* : ما عارفة
زول قال بعرفني وقفل ساكت
*#أمها* عقدت حواجبها وقالت
الزمن دا ما مضمون
أي رقم غريب ما تردي عليهو تاني
هزت آمنة راسها وحاولت تسمع كلام امها عدت اليوم عادي وصحت الصباح مشت الجامعه
قابلت صحباتها هناك وقضت يوم دراسه عادي مليان ونسه وضحكه
فجاءه الرقم رجع اتصل بيها وهي في الجامعه لكن حاولت تطنش وماردت عليه
رجعت قعدت في سريرها فتحت الصور تاني لكن المرة دي عيونها ما كانت شايفة نفس الحاجات
كل حاجة بقت باهتة
فجأة التلفون رن
نفس الرقم 😳
وقفت نبضات قلبها للحظة بعد داك ردت بسرعة كأنها خايفة الفرصة تضيع
*#آمنة* : ألو
ثواني صمت بعدين نفس الصوت
==: كنت عارف إنك حتردي
*#آمنة* : حاولت تكون قوية
إنت منو وداير شنو مني
ضحكة خفيفة جات من الطرف التاني
==: السؤال الحقيقي إنتي مستعدة تعرفي ؟؟
سكتت آمنة
حست إنو الكلام أكبر من مجرد مكالمة عادية
*#آمنة* : أعرف شنو ؟؟
*الصوت اتغير شوية بقى أخف لكن أخطر*
==: الحصل زمان والحاصل هسي والحاصل ليك إنتي بالذات
اتوترت آمنة
*#آمنة* : أنا ما فاهمة حاجة
==: حتفهمي لكن ما في التلفون لو دايرة الحقيقة تعالي بكرة
وقف لحظة كأنو متردد بعدين قال
==: عند البيت القديم في الحي التالت
اتسعت عيون آمنة
*#آمنة* : البيت دا
لكن قبل ما تكمل الخط اتقطع تاني
المرة دي ما كان في صدمة بس كان في خوف حقيقي
البيت القديم المكان البتحاول تنساه من سنين
نظرت للشباك نفس الشارع الهادي لكن إحساسها اتغير كأنو في عيون بتراقبها
همست بصوت واطي
أنا داخلة في شنو
وفي اللحظة دي كانت عارفة حاجة واحدة بس
بكرة لازم تمشي
*═℘═🌷═℘═🌷═℘═🌷═℘═🌷═℘═🌷═℘═🌷═℘═🌷═℘═🌷*
*صلوا علي شافع الامة*
*يتبــــــــــــــــــ شخابيط ــــــــــــــــــــــــع*
*#سرالختم_0121045450*
*#للتنسيق_والنشر*