صـدفـه - part 14 - بقلم نـور الـهدى | روايتك

صـدفـه👥🫀.. Part 14:- يـخلص الدوام واروح البيت .. فالسيارة لانا :- نروح نفطر في كافي ، صار لنا مده ما طلعنا . انا :- اي عادي نروح ، شرايك. سومه نروح ؟ سومه:- اي عادي باجر ما عندي شي نراجع معا بعض وقت ما نرجع البيت . انا :- انزين نروح ... فالكافـي 🏨.. جلسنا على الطاولة معا بعض وكل وحده فينا طلبت اكلها المفضل وقهوتها 🫖☕.. انا :- الله من زمان ما قعدنا هالقاعدة وسولفنا هالسوالف . سومه:- اي صح ادكر اخر مره قعدنا قبل سنة ، كنا ندرس اول سنة جامعة عام .. انا :- اي ادكر وكنا بذاك الوقت طهقت جامعة ناخد كتبنا ونحاول نترجم القصص . لانا :- ادكر حينها كنا نحاول ننطق كلمة طولية كنا مسويين سباق وصراع مين الي بينطقها انا بضحكة :- فالاخير محد نطقها ، ونطقنها خطأ 😂. على الطاولة اخو رياض . اخو رياض :- شوي واجي صديق اخو رياض :- وين بتروح ؟ اخو رياض :- شوي بس انظر شفيك ! عندي شغله اخلصها واجي ... انا :- تدكرون يومها كانت محاضرة الاستاد احمد كنا ناخد دراما قصة روميو وجوليت ، كل ما يدكر قصص حبهم نضحك مدري ليش😂.. لانا :- اي اي كان نقول عنهم حب المعجزات ، وندعي اللهم ارزقنا ما رزقتهم ، وكنتِ تطقين رجولنا تحت المقعد وتقولين عيب سكتوا😂. انا :- اي ياريت ترجع ديك الايام اخو رياض :- السلام عليكم نحنا بأستغراب :- وعليكم السلام اخو رياض :- استاده نور ؟ انا باستغراب :- تفضل مين انت؟ اخو رياض :- انا رضا اخو رياض . انا بصدمة امسك يدي سومه لانها كانت قريبة مني 🫴🏻🫱🏻‍🫲🏻.. لانا :- نعم خير شتبي ؟ ولا جاي تكمل باقي الجرائم الي سواها اخوك . رضا :- انا ما جيت اضايقكم انا بس جاي اعتدار عن الي سوا أخوي ! انا :- لو سمحت روح من وين ما جيت ما ابغا احكي فالموضوع ولو شوي . رضا :- بس اسمعيني ، عطيني فرصة اوضحلك الموضوع . انا اتنفس واحاول امسك اعصابي! شنو بتبرر ، بتقول انه اخوك ما كان قصده يخليني امر بوعكه صحيه لمدة طويلة ، ولا بتقول ما كان قصده يضرب استادي بسكين ويروح وهو يناظر دمه على الارض ، شراح تبرر بالله ، اخوك مكانه اهناك بالسجن ومارح يطلع لو شنو يصير ! . رضا :- انا خجلان اوقف قدامك من الي سوا فيك وفي استادك ، بس مارح ابرر افعاله لانها بظل خطأ . بس امي يا نور امي بحالة ما يعلم فيها الا الله من يوم ما رياض دخل السجن وهيا لا تاكل ولا تشرب ولا هي مثل قبل حتى سوالفها قلت وضحكتها ما نشوفها ابداً . انا بتاتر وعيوني تدمع :- طيب وانا شنو المطلوب مني ؟ رضا :- تتنازلين عن القضيه . انا بعصبية :- يلا سلمى ولانا نلم اغراضنا ونطلع نقرب للباب رضا :- تكفين نور اسمعيني . انا اتنفس بتعب واطلع .. سومه :- متى بنخلص منهم ؟! خلصنا من هذاك جانا هذا ! لانا :- الله ياخدهم لازم يخربون حياتنا باي طريقة ... انا بخنقه وعصبية :- خلاص أنتِ وياها لا تزيدون تعبي تكفون ! واسرع خطواتي للسيارة 🧕🏻.. لانا وسومه يناظرون بعض .. لانا :- الله يجبر بقلبها كل ما تحاول تفرح ترد لنفس النطقة ! سومه :- قلبي يعورني عليها كل ما اشوفها كدا ، قلبها حنون بس كل شي فالدنيا بسبب هالحقير يضايقها . انا فالسيارة منهاره بكي ... لانا تركب السيارة تناظرني تنزل دمعتها تحط يدها ع كتفي . سومه تناظرني تحاول تمسك دمعتها انا بخنقه :- اخ الله ياخدك تعبت منك ومن وجودك اكره كل شي يتعلق فيك وابكي بشهقه وانهيار 💔.. سومه تخرج من السيارة تفتح بابي تحاول تقومني وتاخدني لحضنها . انا بحضنها🫂:- انهار بكي سومه تربت بيدها على ظهري:- ليش تبكين ياروحي انت ما كنتِ السبب بولا شي ، هذا قضاء الله وقدره والله كدا راد بعدين كاهوا الاستاد عمار بخير مافي شي والحمد لله صار من نصيبك ، الي خسر حياته هو الي ما يتسما مو انتي ياروحي انا :- ما ابكي عشانه انا ابكي لاني ما كل اشوف حنان عمار واهله معي اقول انا استاهله ؟! استاهل اكون ام لعياله ، رغم اني اتمنى والله عطاني ياه بس اخاف عليه حتى من نفسي . سومه:- تدكرين يوم انصاب ؟ منو الي تبرع له بدمه مين الي كان خايف علي وبقاء وياه مو أنتِ ، يروحي انتِ مو مقصره وياه انتِ مسويه واجباتك وزياده لدلك خليك واثقة انك مو مقصره وياه ابداً🫂❤️. انا :- الله لا يحرمني منك يروحي كلامك دائماً يريحني . لانا :- حبيبتي نحنا محظوظين فيك اكثر مما انتي تتخيلين فلدالك لا تفكرين بيوم انك مقصره انتي موفيه واكثر 🫂. انا بابتسامة :- صدق انكم دواء جروحي وقلبي عساني ما نحرم منكم ومن وجودكم . __________________♪ فالبيت الساعة ⏰10 بالليل في بيت الاستاد عمار ⛪🌻.. ايمان :- عمار ؟ عمار :- هلا امون ايمان :- مو ناوي تشتري هدية لخطيبتك ؟ عمار :- افكر فيها صارلي يومين بس مو عارف شهديها ؟ في بالي اشياء كثيرة .. مثلاً:- هيا تحب القراءة بالذات باللغة الانكليزية بس ما اعرف اي روايات تحب تقراها ؟ وبرضوا تحب الورد ، وتحب الالعاب بالذات الدببه والاميرات ، وكدلك تحب البس الشرعي وقصص الانبياء ، احترت شهديها . ايمان :- عندي فكرة ؟ عمار :- قولي بسرعه شنو هي ؟ ايمان :- جيب لها من كل شي تحبه قطعه على دوقك ، ح تحب هاللفته وبتشوف انك اهتميت فيها وفي ايش تحب من جميع النواحي ، سواً طفوليتها او نضجها ، انت قلت انها تحب الالعاب فلما تشتري لها لعبة بتحس انك تحترم هالجانب فيها وقاعد تنميه من خلال هديتك ، ولو جبت لها كتب تقراها بتحس انك تحب جانبها العلمي وتنمي برضوا ، ولو جبت لها لبس شرعي انا اروح وياك لاني اعرف فيهم ومثلها منقبه ، فبتحس انك تحب جنبها الديني وحشمتها . عمار :- احبككك من جد انتي The best sister in the world ❤️🫂. ايمان بضحكة :- and you The best brother in the would 🥹❤️❤️.. عمار :- اوه اوه خيانة من متى تتكلمين انكليزي اول مره اعرف هذه الموهبة 😂❤️. ايمان بثقة :- وخيتي شتسوي كل ما التقي فيها 😌😂🫱🏻‍🫲🏻. عمار :- تقصدين نور ؟ ايمان بثقة :- اي خيتي نور عمار :- الله عليها الله .. ايمان :- ها كنك غرت عمار :- لا بس ... ايمان :- بس ايش ... عمار ياخد وسادة الصالون ويرميها على ايمان بمزح😂. ايمان :- آه عيني ... عمار بخوف يركض نحوها ويمسك يدها ها شفيك اسف ! ايمان تمسكه وتحاول تضربه بس تقاطعهم خالتي سالمة .. خالتي سالمة :- شفيكم مثل العيال تتهاوشون بها العمر .. ايمان :- هو الي بدأ عمار :- انا مالي شغل يمه خالتي سالمة:- يلا انت وياه عن العياره كنكم صابين ، عمار عمار :- امري يا سومه خالتي سالمة ترمي الوسادة عليه:- عيديها العب وياك سومه ايمان بضحكة :- الله يمه رجعتي حقي بثانية 😂. خالتي سالمة ترمي الوسادة على ايمان :- أنتِ روحي لبنتك عمار يموت ضحك:- 😂😂.. ها شنو كنتي تقولين 🤣🤣.. ايمان :- انت اسكت يا غيور عمار يركض نحوها بس خالتو تلحق عليه .... خالتو مشاء الله قدامي ، روح انت وياه على اشغالكم احسن ما افصل فيكم 😂😂. عمار :- السموحه يمه ، ما تبين شي من برا ؟ . خالتي :- السته على الطاولة ولا تنسا تجيب اختك جايه تتعشاء عندنا هي وعيالها . عمار :- من عيوني تامرين سومه الغالية . خالتي ترمي نعالها روح احسنلك 🤣🩴. عمار :- اي يمه اتغشمر ___________________♪ فالسوق معا عمار 🏪🏨.