الفصل 47
الـــــــــــــــــبـــــــــارتــــ 1⃣1⃣2⃣ ...
📖🖌 @storykaligi 💫🍃
" تنهدت ام ليث بخوف : بسم لله
ودخلت اما حور قعدت
ماهي الا دقايق وطلعت ام ليث مسكت حور ايدها تساعدها وتقعدها جنبها
: تفضلي ي خاله عسى م عورتك ؟
ام ليث بألم : هاه شوي بس
حور : الحمدلله
سكتت ولفت لقدام قطعت هالسكوت ام ليث : عسى ماشر ي بنيتي
واضح عليك التعب !
لفت حور تطالعها لثواني ثم ابتسمت : مدري والله
احس بتعب وخمول ودوخه ولوعه كبد بكل صبح وبثقل اخر ظهري
تنهدت وصدت وكملت : فجيت احلل عسى خير ان شاءالله
ام ليث بطيبه وصفاوه نيتها : حامل ي يمه
توسعت عيونها بصدمة لفت
بسرعة عليهااا وبنبره نفي وخوف : لا مستحيل
اكوون حامل !! لا لا لا موب حمل
ام ليث : ليه مو متزوجه؟
حور بتنهد : مطلقه لي شهرين
ضاق صدرها حطت ايدها الدافيه ع ايد حور : ضيقت صدرك اعذريني ي يمه
ابتسمت حور : ماعاد يعني لي طلاقي شي نسيت خلاص
ام ليث : الله يعوضك ي يمه ربك كاتب لك الخير
الا قطع عليها رنين جوالها شافت اسمه ابتسمت : ي قليبي ينتظرني
قامت ولفت حطت ايدها ع كتف حور وبحنيه :
عسى كل شي خير لك ي يمه وسعي صدرك واحمدي ربك ع اللي كاتبه لك
رفعت عيونها تطالعها بنظرات خوف وابتسامه : مشكوره ي خاله
طلعت ام ليث واستندت حور ع ورا وغمضت عيونها بانزعاج : اااي حمل ؟!!! لا مستحيل اصلاً هذا بس بسبب فقر الدم !!
_
دخلت انه تنتظر بغرفه الانتظار عشان الدكتور اما ليث واقف بالممر ومتكتف ينتظر
_
بعد نص ساعه من بعد م شاف ساعته تنهد وتوجه لقسم التحاليل بلحظه م دخل وكانت حور مغمضه عيونها مو منتبهه الا لما تنحنح فتحت عيونها بسرعه الا
بشوفته وعيونها بعيونه كانت مثل الصدمة بحياتها صلبت بمكانها فز قلبه لما شافها وتعرف عليها
كيف م يعرفها وهو المفتون بعيونها العسليه ؟؟
قامت حور بصدمه تطالعه اما هو بعدم استيعاب
م قدر يشيل عيونه عنها !! الا بلحظه خروج الممرضه بابتسامه : مدام هور ؟
م قدرت تبعد عيونها عنه الا لما اردفت الممرضه باستبشار
: الف مبروك انتي حامل
لفت بسرعة ع الممرضة مثل الصاعقة
هالخبر عليها !!!
بصدمة ليثث يطالعها ثم يطالع
الممرضه !! حس الهدوء والراحه اللي كان فيها
من بعد هالشهرين تلاشت !!
اما هي قعدت ع الكرسي
تطالع بالارض بصدمه مو مستوعبه !!
ليث بصدمه نطق : حامـ..ل ؟ مني؟
رفعت عيونها له اللي امتلت بدموع وبغصه م قدرت تكبحها بداخلها وعيونها بعيونه نزلت راسها ضاقت الدنيا فيها ...
الـــــــــــــــــبـــــــــارتــــ 2⃣1⃣2⃣ ...
📖🖌 @storykaligi 💫🍃
اخذ الورقه من الممرضه
اللي طالعتهم باستغراب وهزت كتوفها بعدم اهتمام
ودخلت مشى وهو عيونه ع الورقه بنظرات مابين
صدمه ورضا بتنهد جلس جنبها ع الكرسي ارخى
ايده اللي ماسك فيها الورقه ومسح بكف ايده الثانيه
ع وجهه بتعب وقله حيله فتحت عيونها وهي تطالع
بايده اللي ماسك فيها ورقه تحليلها ! لفت بعيونها
اللي ذبلانه من التعب والحزن تطالعه حس بنظراتها
ابعد ايده ولف وعيونه بعيونها اللي واضح فيها انها
عاجزه عن مصيرها وتحمله ! صدت بلحظتها
تمردت دمعتها وانسابت بحرقه م تدري كيف تنقل
هالخبر لاخوها لسندها لعزوتها ! كيف بتقول له
انا حامل من الانسان اللي تطلقت منه وتركته ! كيف !
شدت بقبضه ايديها ع الكرسي بقهر !! استجمعت
نفسها ووقفت بكل قوه سحبت الورقه من ايدهه
فضلت انها تنسحب بهدوء وصمت ولاتناقشه
وهي بتطلع م حست الا بايده اللي حاوط فيها
معصم ايدها ومسكها لفتت عليه بهاللحظه !
طالعته بنظرات استغراب ثم نزلت عيونها تطالع
ايده كيف ماسك ايدها بقوه رفعت عيونها له
لما اردف بهدوء يحاول انه يهديها ويطمنها : اسمعيني
سحبت ايدها من ايده بقوه وبنظرات حاده
وبجمود : ماابي اسمع شي مافيه شي ينقال
اصلاً ! كل واحد بطريق ومستحيل نجتمع !
لفت ومشت بخطوات سريعه تبي قد م تقدر
تبعد عنه تبي تكون وحيده مع مصيبتها
هذا هو اللي تظنه ان هالشي مصيبه لها !
قام بسرعه ولحقها وسحبها من ايدها ولفها
عليه بقوه وعيونه بعيونها بنظرات حاده
اردف : اللي ببطنك يكون ولدي او بنتي مثل م انتي
ام انا ابو مالك اي حق تحرميني منـ..
قربت وبنظرات حاده وقهر : ع اي اساس حاطه
ان اللي ببطني انت ابوه ؟؟!
وطالعته من فوق لتحت بنظرات ازدراء ورفعت
عيونها له : وش هالثقه اللي فيك ؟؟
سحبت ايدها من قبضه ايده واسترسلت بكلامها
بكل حده : انا متزوجه افهم ! لاتخرب بيتي انا مرتاحه بزواجي واللي ببطني منه مو منك لفت وكملت تمشي باستعجال م حست بنفسها
الا اصطدمت فيه لما وقف قدامها بسرعه
شهقت وابتعدت ع ورا بلحظه خوف !!
رفع حاجبه وبضحكه سخريه يطالعها !! اردف بثقهه واستهزاء : شايفتني غبي ؟!
بدهشه تطالعه
قرب منها رجعت ع ورا بخطوه كل م يتقدم
بلعت ريقها ونطقت بسرعه تحاول تخفي
الخوف الخوف اللي بداخلها والرجفه اللي بنبرتها
وبتهديد : لاتقرب!
سكتت لما ضحك واصطدمت بالجدار وراها لف ع ورا ثم لفت ع قدام بسرعه الا هو بوجهها
استعدلت بوقفتها وهي تتصنع القوة وبحده
ابعدته : هيه انت زوجـ..
قاطعها بسخريه : عدتك ٣ شهور كيف تزوجتي وطلاقنا
ما مر عليه شهرين ؟
📚 😍 📜
الـــــــــــــــــبـــــــــارتــــ 3⃣1⃣2⃣ ...
📖🖌 @storykaligi 💫🍃
بهاللحظه صنمت حست ان لسانها
انربط وكذبتها انكشفت !! ابعدت عيونها عن عيونه
رمشت بسرعه تبي تستوعب !!
ليث بهمس قرب : وانا عارف ان اللي ببطنك انا ابوه
بهاللحظه رفعت عيونها بسرعه له وبقربه
منها ارتسمت ابتسامه ع ثغره : لاتحاولين تكذبين علي
ثم عقد حواجبه : لايكون كنتي ناويه تخبين عني حملك بعد؟
اردفت بحده : اااي لو تأكدت اني حامل ناويه اني م اخبرك ! وش يربطني فيك هاه وشهو ؟
مجرد طليق لي كيفي حرره انا اللي احمل واتعب موب انت !
ضحك : اكيد مو انا بس انا اكون ابوه مثل م انتي امه
عضت ع شفتها السفليه بقهر منه !! وشدت بقبضه
ايدها بغضب و انفجرت واسترسلت بكلامها : لو بايدي والله كان م حملت منك !! ولو ان الاجهاض
مو حرام !! كان اول وحده تجهض انا !! لاتحسب اني
مستانسه وفرحانه بهالخبر !!! مابي اي شي يربطني فيك
بس شسوي اذا ربي مقدر هالشي ؟ وش طالع بايدي ؟
اما هو بهدوء نطق : انك تعطيني خبر
رفعت حاجبها وبسخريه تكتفت : اعطيك خبر وانا مابي ؟
ليث بعناد : غصبن عنك !
بتفاجأ اردفت : اوووه !! ثم استرسلت بعناد : مافيه شي غصبن عني !! صد وتنهد باستسلام منها مسك ايدها وسحبها : امشي نقعد بمكان ونتفاهم
سحبت ايدها بقوه منه وبصدمه : هيه هيه ناسي
نفسك !! لف عليها يطالعها باستغراب !! حور بقهر : انا مو ع ذمتك افهم كيف تسحبني
وتبيني معك ! صاحي انت ؟؟
حط ايدينه ع خصره يطالعها بسخريه وازدراء !
ارتبكت من نظراته اللي طول وهو يطالعها !! : خير ؟؟ ابتسم باستهزاء : سؤال بس !
تكتفت : اللي هو ؟
ليث : انتي متأكده انك درستي الثلاث مراحل !! ابتدائي ومتوسط وثانوي وخلصتيهم ؟
طالعته بغيض : شرايك ؟؟
ليث : ودرستي الفقه ؟
حور : وش هالسؤال الغبي ؟
ليث : يعني درستيه ؟
حور بحده وضجر : ااي درستهه شتبي !!
ليث : اشك والله
تنررفزت : وش هالالغاز؟!!
ليث : يعني العاقل يعرف ان الطلاق يكون باطل بوقت الحمل !
وابتسم بابتسامه واسعه يستفزها : يعني انتي
ع ذمتي تكونين ! الشرهه مو عليك ع اللي درستك فقه
صدت بقهر ويأس واستسلام وخيبه امل
تأففت بضجر : ياربي وش هاليوم الثقيل !! هذا من وين طلع علي !! اووووف اووف !!
غمضت عيونها واخذت شهيق عميق وزفرت بهدوء
استجمعت نفسها وفتحت عيونها ولفت تطالعه بهدوء
تنرفزت لما شافته يضحك عليها : وبعدين معك !!
تأففت ومشت : وخر عني والله تعبانه يكفي هالخبر !!
ليث : طيب اجي الليله اشوفك واكلمك !
سحبت ايدها بتعب وبطئ من ايده : لا مابـ..
قاطعها ضاري بصدمه يطالعهم : شسالفه ؟!
لفو عليه بصدمه !!!!
تلعثمت حور بربكه
ضاري بصدمه وبنرفزه : ليه انت هنا ؟
ليث : دقيقه ترا بالصدفه !!
حور بتعب مسكت ضاري : تكفى لاتطولها بقول لك
كل شي بس خلنا نطلع من هنا
طالع فيها ثم لف يطالع بليث لثواني ثم لف عليها
: فيك شي ؟
حور بتعب : بقولك بالسياره يالله امش
طالع بليث لثواني ثم تنهد ومشى وراها وطلعو
بلحظه م ركبو السياره وهو ع اعصابه لف
عليها : شسالفه ؟ ليه هذا يقول بيجي الليله ويكلمك ؟
بترجعون لبعض ؟؟! قاطعته بحده لما لفت عليه : لا اكيد لا مستحيل
عقد حواجبه : شفيك عصبتي !!
غمضت عيونها واخذت نفس
ضاري : حور ترا صدق بديت اخاف صاير شي ؟
لايكون مأذيك والا مهددك بشي ؟؟ تكلمي !! حور لاتخليني ع اعصابي !! تعرفيني ماحب هالامور !!
نطقت بسرعه بدون م تطالع فيه : انا حامل !
جمد بهاللحظه بصدمه
يطالعها همس مو مستوعب : حامل ؟
الـــــــــــــــــبـــــــــارتــــ 4⃣1⃣2⃣ ...
📖🖌 @storykaligi 💫🍃
تنهدت بضيق وفتحت عيونها بدون م تلف عليه وهمست
بحزن : ايه
صد وهو يطالع قدامه بصدمه م استوعب !! عض ع شفايفه استجمع نفسه ثم لف عليها
وبتصنع فرحه يضحك : مبروك خيراً بصير
خاال
نزلت راسها تطالع بطنها وهمست بضيق : الله يبارك فيـ..ك
لف لقدام وتنحنح وحرك السياره بدون م يضغط عليها
ويحاول لو انه يطلعها من جوها
_
" ليث "
لما انتهى من الموعد وطلعو ومن المستشفى
وركبو السياره
امه بخوف تطالعه اردفت : ي يمه شفيك طولت ع م تجيب التحاليل ووجهك متغير والا مع الدكتور بس ساهي تفكر شصاير ؟
لف عليها وابتسم : ولاشي !
امه : لاتكذب علي انا امك !
ضحك وصد م يدري يفرح انها حامل وعلى ذمته والا انه
يتضايق انها بتكون مصره ع الطلاق وانه يقع لاولدت !!
زفر بتعب وحرك السياره
_
" ضاري وحور "
لبعد م دخلو الشقه
ضاري : لاتسـ..
الا دق جواله طلعه : روحي ارتاحي ولاتضغطين ع نفسك
بدون م تطالعه وبصمت توجهت لغرفتها بسرعه اما هو رد ع فهد : يا هلا
دخلت لغرفتها نزلت عبايتها بقهر مخنوقه
دخلت للحمام باستعجال ووقفت ع المغسله تغسل وجهها
بسرعه وبصدمه توها تستوععب رفعت عيونها
للمرايه تطالع نفسها وقطرات المويه تنزل من ع وجهها الصافي وبنظرات ضيق وحزن واسى ع نفسها : ححامل ؟؟ حامل منه ؟؟ نزلت راسها وبضيق وقهر : مستحيل مستحيل ارجع له عضت شفتها السفليه بقهر وحنين : حيت جروحي وحبي بشوفته .. حيت !!
اخخذت نفس عميق وزفرت بزفره عميقه بألف شعور بداخلها طلعت اخذت المناديل مسحت وجهها وفتحت باب
غرفتها وع طلوعها الا سمعت ضاري : اسافر ؟ وشهر كامل صعبه علي والله اسافر معك .. خلاص ان شاءالله
جاي انا وبتفاهم معك .. اوك مع السلامه
تنهد وقفل : ياربي شسواه !!
لف وتفاجأ انها واقفه ع الباب تطالعه باستغراب
اردفت برجفه : شسالفه شهر ؟ وتسافر ؟
قعد ع الكنب ونزل جواله ع الطاوله : باقي م صار شي
مشت بخوف وارتباك و قعدت جنبه تطالعه وبنبره
طفوليه واستعطاف امتلت عيونها بدموع : ضاري لاتسافر !! انا وين اروح لاسافرت !! لف عليها بابتسامه كلها حنيه لما شاف دموعها
مسك ايدها : قلت لك باقي ماصار شي !! وشو له
هالدموع !
ابتسمت بحزن : خفت افقدك تعرف مالك الا شهرين
من طلعت من السجن
نزل عيونه يربت بايده ع كف ايدها ويطمنها بنبره
هاديه رفع عيونه لها : تطمني ببقى جنبك وان كنت
بعيد حتى !
صدت وتلاشت ابتسامتها بهم وتعب سحبت ايدها
وقامت ولفت عليه تحاول تخفي حزنها : بروح انام تبي شي ؟
هز راسه بلا
ابتسمت بابتسامه باهته وبمجامله ودخلت لغرفتها
ارتمت بتعب جسمها وتفكير وارهاق ع سريرها
وبفراشها سحبت الفراش تتلحف وغفت بدون
م تحس ولاتعطي نفسها مجال للتفكير !
الـــــــــــــــــبـــــــــارتــــ 5⃣1⃣2⃣ ...
📖🖌 @storykaligi 💫🍃
عند ضاري قام واخذ دش ولبس ثوبه وعدل
نسفه شماغه تعطر مر عليها بغرفتها فتح الباب
بهدوء وقف واستند ع الباب لما شافها يطالعها
بنظرات هم واسى ع حالها كيف كانت ولوين
وصلت !! يدري انها تكره الضعف وتكره احد يشفق
عليها !! وتكره نظرات الرحمه بعيون احد ع حالها
تستقوي وهي متدمره ومهدومه !!
غمض عيونه
بحزن اطلق زفره عميقه من جوفه فتح عيونه
بهدوء واستودعها الله وقفل الباب وطلع ..
_
" ليث "
بعد م سحب فرامل ووقف وذراعه ممتده باستقامه
ع الدريكسون بدون م يلتفت عليها ينتظرها تنزل
لفت امه بخوف تطالعه انتبه ع نظراتها بس حاول يتجاهلها
امه بقلق : ي وليدي ماودك تقول لي وش فيك؟
بلع ريقه واردف بهدوء بدون م يلتفت عليها : مافيني شي !
تنهدت باستسلام ويأس منه : براحتك ي يمه الله يريح قلبك
لفت وفتحت الباب ونزلت بلحظتها
غمض عيونه وهمس : اميـ..ن ي يمه اميـ..ن
فتح عيونه بتنهد وحرك السياره بسرعه !!
_
" فهد "
وهو بمكتبه وع الكرسي الجلد الاسود بفخامته وهيبته
قاعد وحاط رجل ع رجل وواقف جنبه عبدالمحسن يناقشه
بخصوص الملفات والمناقصات ماهي الا ثواني وقطع عليهم
الباب يدق رفع عيونه فهد للباب وبهدوء : تفضل !
فتح الباب ودخل : السلام عليكم
عبدالمحسن وفهد: وعليكم السلام والرحمه
فهد بابتسامه يهلل ويرحب :
هلا والله بضاري حياك تعال خلنا نتناقش
بخصوص السفره
مشى وقعد ع يمنه بالكرسي بارتباك اخذ نفس
وزفر لف عليه واردف : صعبه علي اسافر !
فهد باستغراب : افا
ولف ع عبدالمحسن : خلاص بعدين نتناقش بالمناقصات
قفل عبدالمحسن الملفات واخذهم : ان شاءالله
وطلع لف عليه فهد باستغراب : ليه ؟ شصاير؟
ضاري : ماحب السفر
قاطعه فهد : قول لي وش السبب !!
ضاري : قلت لك ! ماحب السـ..
قاطعه فهد : ي شيخ ع مين تكذب قول لي وش صاير!!
تأفف ضاري قام فهد ومشى وقعد ع الكرسي اللي قباله
: وضم كفوفه لبعض يطالعه باهتمام
زفر ضاري بضجر : ماقدر اترك اختي لحالها !
عقد حواجبه فهد لثواني ثم تبددت عقده حواحبه
واستند باريحيه ع ورا وحط رجل ع رجل ببرود : سهله خذها معك
ضاري : صعبه وين اخذها !! بعدين ماعندها هي جواز
رفع حاجبه فهد باستنكار : ماعندها جواز مشكله والله سفرتنا يوم الجمعه بعد ثلاث ايام م يمدي !
ضاري : عشان كذا صعبه علي اخليها لحالها
ماعندها احد م يحتاج اسافر روح انت مع عبدالمحسن
يكفي
تنهد فهد : يااخي اقولك وجودك مهم وبعدين تراي حجزت
لك واسمك منذكر بقائمه الاجتماع بميونخ صعبه
علي اكنسل
تأفف ضاري بنرفزه : وانت ليه تحجز لي وتسجل اسمي
بدون علمي وبدون م ارد عليك !!
فهد : شايف انه وقت مناسب حتى تعصب ؟
اخذ نفس يحاول يمتلك اعصابه استند ع ورا
باستسلام : وش السواه ؟
فهد : خلك من هالموضوع اخذتها للمستشفى ؟
تطمنت عليها ؟ ولافيها شي ؟؟
زفر ضاري بتعب اتكئ ع ذراع الكرسي وحط ايده
ع جبينه يضغط بارهاق : طلعت حامل من زوجها
شهق فهد بصدمه : اللي طلقها ؟؟!!
رفع عيونه ضاري له بتعب : الطلاق باطل وقتها
فهد : ااي ادري ي غبي بس اني يعني متحمس من الصدمه طيب يعني دامها ع ذمه زوجها خلاص خلها
معه !
عقد حواجبه ضاري !! قام فهد ورفع ايدينه باستسلام : والله لاتطالعني بهالنظرات
بالاخير هو ملزوم فيها صح والا لا ؟؟
ضاري بنرفزه : مستحيل هي م تبيه !!
وقف فهد وتكتف : عندك ثلاث ايام دبر نفسك فيها
وشوف لك حل ويوم الجمعه شنطتك جاهزه ماقدر
اكنسل اعذرني !
استند ضاري ع الكرسي ورفع راسه وغمض عيونه
بتعب تنهد !!