أهيم في عيناها فأجن بملامسة شفتي شفاها - الفصل 41 - مكتملة | روايتك

الـــــــــــــــــبـــــــــارتــــ 1⃣8⃣1⃣ ... 📖🖌 @storykaligi 💕🍃 صدت باستغراب وحاولت ترفع نفسها الا فز : خليك لفت عليه وبهمس : ابي الحمام ! قام وجاء من جهتها ابعد الفراش ومسك رجولها ونزلها بهدوء ع الارض ومسك ايدينها وشدها بخفيف ورفعها له : بشويش لاتضغطين ع نفسك غمضت عيونها وهي تحاول تنتبه بتحركاتها لحد م وقفت قباله وهي شاده بايدينها بايديه رفعت عيونها له طالعها وابتسم صدت باستغراب : هذا شفيه؟ مسكت ذراعه وهي تسحب رجولها ع الارض بشويش اما هو نظره عليها منتبه وحريص الى م وصلت للحمام دخلت ووقفت تنتظره يطلع عقدت حواجبها ولفت عليه تطالعه باستغراب اما ليث طالعها باستغراب : وش هو ! حور : لاقول انك بتقعد معي هنا ؟ ليث : عادي زوجتي ماراح تفرق لو اني معك هنا بققت عيونها فيه ضحك : استهبل معك المهم انتبهي هاه بسكر الباب لاتقفلينه م يندرى وش يصير ! اومأت راسها بايجاب طلع وقفل الباب ونزل للحمام تحت وقفت ع المغسله رفعت عيونها بتعب تطالع وجهها كيف مرهق ومايل للاصفر وشعرها وحالتها! تنهدت وفرشت اسنانها اما عند ليث اخذ شاور ينعشه ع السريع ولبس الروب صعد لفوق دخل وهو متوجه لغرفه الملابس اللي قبال الحمام وقف : خلصتي ؟ حور بتكشيره : لاتعاملني ع اني بزر ! ضحك : لانك كذا تنرفزت اما هو دخل لغرفه الملابس اخذ تيشرت رمادي بقصه دائريه واسعه من ناحيه الصدر والاكتاف واخذ بنطلون جنز وهو طالع من غرفه الملابس الا هي فاتحه الباب بشويش ومتمسكه بايدها الثانيه ع الجدار عقدت حواجبها وهي تطالع شعره : متروش ؟ ليث : ليه م تشمين ريحه الشامبو ؟ كشرت : اوف لاتقهرني ! عقد حواجبها يطالعها باستغراب تنهدت : اقصد اني ماقدر اتروش اافف احس اني خيست باللبس ذا وشعري كأنه ملبد ووجهي ابي اغسله ابتسم : بكل حالاتك مزه ي وزه ضحكت بتعب حطت ايدها ع جرحها : انت شفيك مع هالصبح؟ مد ايده ومسكته ومشى متوجه فيها للسرير : ابد مروق من بعد خبر البارحه طيرني فوق بالعلالي وصلو للسرير وجلست بشويش ووقف قبالها ورفعت راسها تطالعه باستغراب : اي خبر؟ حس انها تستهبل عليه تجاهلها : خليك هنا بنزل اجيب الفطور حور : مو مشتهيه تجاهلها ومشى اخذ جواله : ماشاورتك وطلع وهو نازل اتصل ع عبدالمحسن اللي رد بصوت ناعس : هاه ليث : وينك ؟ شتسوي؟ عبدالمحسن : ابد تو ركبت السياره بروح اسحب لي فلوس ليث : حلو ع وقتك اسمعني ابي تجيب بجامه نسائيه الي يكون كذا حرير وفيها ازارير يعني مثل بجايم النوم اشياء خفيفه فهمت؟ عبدالمحسن بضحكه خبث : اشوف تطور الوضع ليث : محسنوه؟ محسن بضحك: خلاص ليث : وشامبو طبي مو معطر وغسول وجه واسحب لي الف عبدالمحسن : ابشر ... الـــــــــــــــــبـــــــــارتــــ 2⃣8⃣1⃣ ... 📖🖌 @storykaligi 💕🍃 اخذ الفطور وصعد لفوق سحب الكرسي وقعد ع الطاوله وحط الفطور وبدو يفطرون بعد م خلصو اعطاها ادويتها ونزل الفطور للمطبخ وصعد لفوق عندها ماهي اقل من ربع ساعه الا قطع عليهم رنين جواله اخذه شاف اسمه رد : هلا عبدالمحسن : اسمع ترا حطيت الاغراض عند الباب رفع حاجبه : ماشاءالله بهالسرعه؟ عبدالمحسن : حتى تعرف اني كفو .. ليث : يازينك يلوموني فيك ياخي عبدالمحسن بثقه : ادري يالله انقلع وقفل قام وطلع بسرعه نزل فتح الباب ابتسم اخذ الاغراض ودخل توجه لفوق وهو يقلب بالبجايم دخل طالعته باستغراب وباللي معه : يالله قومي عقدت حواجبها : اقوم وين؟ حط البجايم ع السرير : مو تبين تتروشين؟ يالله شهقت : تمزح !!! فتح البجامه الحريريه اللي بلون كحلي ومطرزه بالحواف دانتيل وردي وازارير من قدام كامله : تنفع هاذي خفيفه حور بشك : شوف انت م تحمست الا لان ناوي صدق تروشني ؟؟ ليث : ترا بس شعرك بغسل ووجهك جسمك لا م ينفع عشان الجرح تنهدت : طيب هز راسه باستسلام وقومها معه بشويش وتوجهو للحمام لبسها الروب بالاول وقعدها ع المرحاض لما قفله بالغطا ميلت راسها ع ورا وهي بالعرض قاعده فتح الدش ع شعرها وغسله بشويش وبضحك : اوه ي الدنيا صرت اغسل شعور الناس فتحت عيونها ورفعتهم تطالعه وبابتسامه : افااا صرت انا الناس؟ ليث: لا بعد اللي اعترفتي فيه م صرتي اي ناس لي عقدت حواجبها وتجاهلت وغمضت عيونها بعد م خلص نشف شعرها مد لها الغسول صوبنت وجهها فيه ثم قومها معه للمغسله وغسلت وجهها ونشفته وطلعت جلسها بشويش ع طرف السرير بعد م نشفت شعرها فتح الروب ونزله مسك اطراف التيشرت بيشيله بدهشه : هيه !! ابتعد : يالله كيف بتبدلين؟ حور : عادي بس انت التفت والا اطلع برا ! ليث : طلعه ماراح اطلع بس بلتفت حتى لو صار شي اكون فيه ! تنهدت باستسلام ولف هو ونزلت تيشرتها اخذت البجامه فتحت الازارير وبدت تلبس وزررت بسرعه وهي مرتبكه : لاتلـ.. الا شهقت بقوة من الالم مثل التقلصات لف بسرعة بخوف عليها غمضت عيونها وهي ماده ايدها مسكها شدت بقبضه ايدها بقوه من الالم رفع راسها ليث بحده : قايل لك بتتهورين خلاص انا ابدل لك لاتعاندين عضت ع شفايفها والالم خف شوي بدأ هو يكمل يقفل ازارير البجامه لأخرها ليث هو ابتسم : ذابحك الستر قدام زوجك ! فتحت عيونها تطالعه بدهشه وغيض!!! الـــــــــــــــــبـــــــــارتــــ 3⃣8⃣1⃣ ... 📖🖌 @storykaligi 💕🍃 ضحك ونزل راسه ثم اخذ بنطلون بجامتها واعطاها : البسي انتي وتطمني ترا كنت غاض بصري وماشفت شي مو انا اللي استغل هالمواقف بنظره .. وطلع اما هي نزلت راسها بارتباك : ياربي وش ذا تأففت وقامت بشويش تلبس _ اما ليث دق جوالهه رفعه شاف اسمه ورد : هلا عبدالمحسن : اخذت الاغراض والفلوس؟ ابتسم ليث : اي ياخي ي زينك يلوموني فيك والله عبدالمحسن بثقه : ادري مامني مثيل بسم لله علي المهم اسمع قبل م انسى تو ذكرت ليث باهتمام واستغراب : وشهو؟ عبدالمحسن : شوف ادخل الصاله بتلقى تحت الطاوله فيه علبه مربع افتحها بتلقى الاوراق عقد حواجبه : اي اوراق ؟ تذكر وشهق : يوه كيف نسيتها ! عبدالمحسن : لاشكر ع واجب ليث : والله زين ذكرتني كنت ناسيها عبدالمحسن : مو شي جديد والله المهم احفظها عندك زين هاه لاتضيع ولاشي يالله سلام ليث : فآمان لله وقفل نزل بسرعه لتحت ودخل الصاله شاف الطاوله الارضيه اللي بالنص تحته صندوق طلعه وحطه ع الطاوله فتحه لما شاف الاوراق ابتسم براحه اخذهم وصعد لفوق دخل وهي تطالعه شهقت لما تذكرت الا حطت ايدها ع جرحها بألم نست نفسها انها فزت لما شافت الاوراق : اخذتهم كلهم؟ ابتسم : ايه حور بارتياح : اخيراً مشى وجلس جنبها ع طرف السرير وهو يطالع بالاوراق تلاشت ابتسامتها لما تذكرت الرصاصه كيف تصوبت وبهمس : مين تتوقع ورا اللي صار لي ! التفت بسرعه لها و تبددت ضحكته وبملامح جديه حلت مكانها صد وهو يطالع بالارض بقهر وتوعد : ياليت لو ادري والله وقتها انحره نحر كل شي انوخذ مني بهالحياه ابوي وبعدها امي وبعدها حريتي ونفسي وغمض عيونه وبآسى : وهالمره بياخذونك مني م حست بنفسها لما رفعت ايدها ومسك وجهه من دقنه ولفته عليها فتح عيونه وبعيونها آسى يطالعها الا لما ابتسمت : وين الادمي اللي مايعرف للحزن مكان بقلبه وين؟ ابتسم : موجود هالادمي حور : ماشوفه حط ايدينه ع وجهها وكل م ينطق بكلمه يقرب زياده لها وبكل احاسيسه وبنظرات حنيّه : موجود ، قدامك لاعيونه التقت بعيونك ومعك بوقت ضيقتك وفرحتك وفيك بوسط قلبك وروحك وبجنبك تستندين براسك علو صدره ووراك مثل السند والعزوه ويحميك ابتسمت والدموع بعيونها لامست هالكلمات قلبها البريئ اللي رقّ وحنّ من عشقها له ونظراتها اللي كلها حنان ومصداقيه همس هو بهاللحظه لما قرب حيل منها ونظراته تتنقل بين عيونها : ادري انك تعشقيني ولو بزله لسانك البارحه قلتيها انك انك حاولتي تنكرين هالحب بس م قدرتي اعرف ان قلبك معي اعرف حبك لي من نظرات عيونك اعرفه انصدمت انها اعترفت لهالـــــــــــــــــبـــــــــارتــــ 4⃣8⃣1⃣ ... 📖🖌 @storykaligi 💕🍃 ابتسم بهدوء وهو يتأملها كيف منصدمه نطقت بسرعه وبنكران وعدم تصديق : لا لا تكذب انت اكيد !! اتسعت ابتسامته : والله هذا اللي سمعته بلسانك نطقتيه ابتعدت ع ورا وهي تطالعه بدهشه مو مستوعبه ضحكت : لا ليث صدقني انك تحلم ليث : واللي خلقني ان هذا اللي صار طالعته بشك وكأنها صدقته : صـ..دق ؟ انا قلت كذا؟ اومئ راسه بالايجاب وهو يطالعها مبتسم غمضت عيونها ونزلت راسها بوهقه الا تذكرت بهاللحظه كيف انها همست له البارحه وهي حاطه ايدها ع وجهه وكيف بنظرات الخوف بعيونه فتحت عيونها ع وسعها بصدمة رفعت عيونها له بسرعه اما هو عقد حواجبه باستغراب من نظراتها !! صنمت وهي تطالعه مو مستوعبه م قدرت تكذبه لان صدق هذا اللي نطقته ! ليث باستغراب : شفيك؟ بلعت ريقها بارتباك : ولاشـ..ي ! ليث : صدقتيني ؟ سكتت بهاللحظه ليث : صدقتيني يعني؟ صدت عنه بسرعه عرف انها صدقته واللي قاله كان صح قرب وحط ايده ع فكها ولفها عليه بشويش وعيونه بعيونها : ليه خايفه؟ ليه مصره انك م تفضحين مشاعرك لي ولا تصارحيني بوعيك؟؟ بلعت ريقها ليث بهمس : خايفه اني اخليك ؟ اني اسحب عليك ؟ استجمعت شجاعتها ونطقت برجفه : اااي خايفه من ذا اليوم اللي بتسحب علي وتتركني لاخلصت حاجتك مني وتروح تتزوجها عقد حواجبه : اتزوجها ؟ مين ؟ طالعته بحقد : سبحان الله الحين م تدري مين ؟ استوعب وتنهد : اااهااا قصدك امل حور بسخريه : ماشاءالله ذكرت؟ زين والله قرب وابتسم وهو يطالعها بهيمان : م شفتي خوفي عليك ؟ م تأكدتي وقتها بحبي لك؟ عضت ع شفايفها بانحراج وهي تطالعه اما هو استانس وكمل : م شفتي كيف اني صارخت قدام غرفه العمليات مثل المجنون حتى الدكتور م رحمته حتى الاوراق نثرتها بالارض كرهت كل شي بس عشان فكره انك ماراح تكونين موجوده بحياتي ارخت كتوفها وبنظرات عيونها فيه بحنيه اشرح صدرها واثلجه وقلبها يرفرف بآحاسيس غريبه مد ايده وباصابعه ابعد خصل شعرها اللي منسدل ع وجهها بهدوء وحنيه يطالعه ثم لف عليها ويطالع عيونها العسليه اللي تفتنه وهمس : واللي خلق هالروح وبثها بجسمي اني ماراح اخليك لغيري تحرمين عليه وضحك : صح اني كنت استهبل لما كنت اقولك اني احبك بأوقات وافصل عليك ع اني اعشقك وبجديه وحنيه همس : بس وربي من بعد اللي صار لك عرفت اني صدق اعشقك مو اي كلام ولا استهبال ولامصلحه .. ارتبكت بهاللحظه لما قرب وباسها من خدها بهدوء غمضت عيونها ولامس خده ع خدها وانفاسه الدافيه تلفح اذنها ورقبتها وهمس : ابيك زوجتي ع سنه الله ورسوله .. الـــــــــــــــــبـــــــــارتــــ 5⃣8⃣1⃣ ... 📖🖌 @storykaligi 💕🍃 فتحت عيونها ع وسعها بصدمه اما هو ابتعد بشويش وصار قبالها يطالعها همس : جاهزه ؟ بلعت ريقها بارتباك من نظراته لها ليث : ندمت اني تزوجتك مسيار عشان كذا ابي زواجنا يكون بشرع الله وبكامل حقوقك رمشت بسرعه بصدمه مو مستوعبه شي ليث : هاه شقلتي ؟ صدت بسرعه وقلبها يدق مرتبكه وتحس بطنها يمغصها وكأن الجو انقلب حار اخذت تتنفس بسرعه اما هو ابتسم لما شاف حالها وارتباكها همس : حور؟ تمسكت ببجامتها بقوه بربكه نطق من جديد واتسعت ابتسامته : عيونك بعيوني طالعيني ارتبكت زياده ! نطق مره ثانيه وباصرار : حور قلت لك عيونك بعيوني طااااااالعيييننني ! اخذت نفس واستجمعت شجاعتها ولفت عليه بهدوء ابتسم بحنيه لما شافها : قولي لي تبيني زوج لك ع سنه الله ورسوله؟؟ تبين زواجنا بالشرع وبكامل حقوقك ؟ بلعت ريقها وهي تطالعه حست لسانها انشل !! ليث بهمس : شقلتي ؟؟ بس لو حتى تهزين راسك اعتبرها موافقه ! نزلت عيونها وهي تحس بانحراج وقلبها يدق بقوه اومأت راسها بخفيف ضحك وحاوط بايده ع رقبتها وضمها لصدره وهو يضحك : يازينه المستحي غمضت عيونها وضحكت : وجع والله صايره استحي .. باس جبينها : فدوه هالوجع ان كان منك حاوطت ايدينها حول خصره وغمضت عيونها وبابتسامه همست : ليتك بقربي دايماً كذا اتسعت ابتسامته : بكون بقربك اكثر واكثر من بعد هاللحظه وشد بايديه عليها يرصها لصدره تنهد وغمض عيونه بهيمان وهو يشم ريحه شعرها اللي افتنه ماهي الا ثواني و دق جواله تأفف رفعت راسها وابتعد بقهر : وش هالحظ !! حور : شوف مين ! ليث : سبحان لله اللحظات الحلوه مستحيل تكتمل ابتسمت : رد بلا حلطمه ! طلع جواله وشاف الرقم استغرب م عرفه : وش هالرقم ؟ حور : رد شوف مين ؟ رد : الو ! المجهول : الحمدلله ع سلامتها رفع عيونه لعيونها يطالعها لما عرف نبره صوته اما هي خافت من نظراته همست : مين ؟ قام ليث وطلع ونزل لتحت : شتبي ؟؟ المجهول : نقوم بالواجب ليث بحده : انت اللي ورا كل هذا صح ؟ المجهول : افا وليه بنسوي شي يضرك؟ ليث بقهر : انا متأكد انك وراه المجهول : عندي شي يخصك تعال لي الليله بمكان *** عقد حواجبه ليث : وش هو هالشي ؟!! وضحك بسخريه : تحسب اني غبي !! ادري انه فخ ! المجهول : اذا تبي امك تقر عيونها بشوفتك برا حدود السجن وبحريتكم تعال الليله انا مو مجبور ابرر لك وانتهى ! وقفل قبل م ينطق ليث انصدم لما انقطع الخط ابعد الجوال بصدمه : قفل !! ليه احس انه واثق من كلامه وان فيه شي ....